STUDIEFORBUNDET KULTUR OG TRADISJON

Transkript

1 STUDIEFORBUNDET KULTUR OG TRADISJON kilde til inspirasjon og kunnskap, samhold og glede VEGVISAR TIL VAKSENOPPLÆRING februar 2011

2

3 Innhald Vaksenopplæring og statsstønad... 2 Satsar... 3 Kriterium for tilskot... 3 Deltakartal og alder... 3 Lengd... 3 Fullføring... 3 Studieplan... 4 Utlysing... 4 Kven kan søke vaksenopplæringsmiddel... 4 Studieforbund... 4 Kven får støtte... 4 Samarbeid... 4 Registrere kurs... 4 Søknad... 5 Arrangør... 5 Bank/postgiro... 5 Start-/sluttdato, timar og undervisningstid... 5 Fylke... 5 Organisasjon... 5 Kursnamn/tema... 5 Lærar... 5 Send inn skjema... 5 Søknad på nett... 5 Kursrapport... 6 Slik fyller du ut kursrapporten... 6 Oversikt over utgifter... 6 Start-/sluttdato og timar... 6 Frammøteliste... 6 Underskrift... 6 Send inn skjema... 6 Avlysing... 6 Utbetaling... 6 Studieplan... 7 Ein studieplan bør innehalde... 7 Kurslærar... 7 Godkjenning... 7 Løn/skatt/arbeidsgjevaravgift... 7 Kursevaluering... 8 Kursbevis... 8 Studieleiar sine oppgåver... 8 Gjennomføring av kurset... 8 Langsiktig arbeid... 9 Forsikring av deltakarane... 9 Huskeliste for studieleiar... 9 Tilretteleggingstilskot... 9 Bruk av undervisningslokal... 9 Lov om vaksenopplæring Medlemsorganisasjonar i studieforbundet Medlemmer Organisasjoner med samarbeidsavtale VAKSENOPPLÆRING OG STATSSTØNAD Lov om vaksenopplæring regulerer verksemda i studieforbunda. Storleiken på økonomisk stønad til studieforbunda blir bestemt på statsbudsjettet kvart år. Alle studieforbund i Noreg får middel frå ein post på Kunnskapsdepartementet sitt budsjett ; vaksenopplæringsmiddel. 2:

4 Tilskotet blir gjeve til kursarrangør for å dekke utgifter til kurset/opplæringa. Det må dokumenterast utgifter som tilsvarer maksimaltilskotet. Har laget lågare utgifter blir dei reelle utgiftene dekte. Ein får ikkje dekt meir enn maksimaltilskotet. SATSAR Styret i Studieforbundet kultur og tradisjon vedtek satsane for tilskot med utgangspunkt i tilskot til vaksenopplæring gjennom friviljuge organisasjonar frå statsbudsjettet. For 2012 er maksimaltilskotet: 85 kroner per time for kurs med lærar - 20 kroner per time for studiering utan lærar Stortinget avgjer storleiken på vaksenopplæringsposten. Pengane skal fordelast etter ein nøkkel som byggjer på gjennomsnittet av godkjende studietimar i kvart studieforbund dei siste tre åra. Om vi skal få meir pengar, må vi auke aktiviteten! Ved nedgang, får vi stadig mindre pengar til utdeling. Satsane for tilskot i Studieforbundet kultur og tradisjon er retningsgjevande. Det kan bli endringar gjennom året. Kort oppsummering: Stortinget bestemmer potten - Styret i studieforbundet bestemmer satsane Kurs med lærar: 85 kroner per time (2012) - Kurs utan lærar : 20 kroner per time (2012) Utbetaling Utbetaling skjer i mars og september for rapporterte kurs. KRITERIUM FOR TILSKOT I forskriftene til Lov om vaksenopplæring er det definert kriterium for at eit kurs skal få tilskot. I særskilde tilfelle som til dømes sjukdom, kan det bli gjeve dispensasjon frå kriteria. Dette avgjer studieforbundet. DELTAKARTAL OG ALDER I Lov om vaksenopplæring er det ikkje l krav om minstetal deltakarar. Styret i Studieforbundet kultur og tradisjon har likevel vedteke at det må vere minst 3 deltakarar med 75% oppmøte, for å sikre rettvis økonomisk deling mellom laga. Alle deltakarane skal stå på frammøtelista. Deltakarane må vere 14 år eller fylle 14 det året kurset arrangerast. Det er likevel ikkje noko i vegen for at det kan vera deltakarar under 14 år med på kursa i tillegg til dei som er over 14. LENGD Kvart kurs må vera på minst 8 timar. Ein time vaksenopplæring er 60 minutt. (Men pausar kan reknast med i timetalet.) Kurset kan vera eit vanleg undervisningsopplegg med lærar, men kan også vera studiering der deltakarane lærer av kvarandre. Kurset kan også vera ein kombinasjon av timar med og utan lærar. Tilskotet for timar med lærar og utan lærar er forskjellig (sjå det førre avsnittet). Det er ikkje noko krav om at læraren skal ha løn for at kurset skal få tilskot for timar med lærar. FULLFØRING 3:

5 Deltakarane må møte fram til minst 75% av kurstimane. STUDIEPLAN Kursa skal følgje ein godkjent studieplan som skal liggje ved både søknad og rapportering (sjå side 7) UTLYSING Kurset skal vera ope for alle og vera offentleg annonsert. Det kan bli offentleggjort på kursarrangør sin nettstad, med annonse i avis, kurskatalog, oppslag på plakattavle eller liknande. Kort oppsummering Deltakarar over 14 år minst 3 deltakarar med 75% frammøte Åtte timar Studieplan Offentleg utlysing KVEN KAN SØKE VAKSENOPPLÆRINGSMIDDEL Lov om vaksenopplæring gjev opplæring gjennom studieforbunda ein plass på statsbudsjettet og kvart år løyver Stortinget pengar til vaksenopplæring. STUDIEFORBUND I 1992 vart organisasjonane pålagt å gå saman i studieforbund. Kvart studieforbund har ansvaret for, innafor gjevne rammer, å bestemme tilskotsreglar og storleiken på tilskotet. KVEN FÅR STØTTE For at ein kursarrangør skal kunne få vaksenopplæringsmiddel må laget vera medlem av ein organisasjon som igjen er medlem av eit studieforbund, og i dette tilfellet er det Studieforbundet kultur og tradisjon. Alle ledd i organisasjonen kan vera kursarrangør. Med bakgrunn i Lov om vaksenopplæring og dei reglane Studieforbundet sjølve bestemmer, kan alle ledd av medlemsorganisasjonane søkje tilskot til opplæring. Tilskotet skal dekkje delar av utgiftene knytt til kursverksemda. SAMARBEID Organisasjonane kan samarbeide om opplæringstiltak, også med lag som ikkje er medlem i Studieforbundet kultur og tradisjon. Kvart kurs kan berre hente vaksenopplæringsmiddel frå eitt studieforbund. Kort oppsummering Kursarrangør må vera medlem av ein organisasjon, som er medlem av eit studieforbund Vaksenopplæringsmiddel berre gjennom ein kanal Kurset må vera registrert før start REGISTRERE KURS Husk at søknadsskjema må vera sendt inn før kurset byrjar for å få opplæringa godkjent.

6 SØKNAD Slik fyller du ut søknadsskjema Den øvste delen av skjemaet må fyllast ut og sendast til Studieforbundet kultur og tradisjon før kurset byrjar. ARRANGØR Fyll ut kven som er arrangør (må vera lokallag/fylkeslag tilslutta ein av medlemsorganisasjonane eller ein organisasjon som har samarbeidsavtale), namn på studieleiar/kontaktperson, med adressa som skjemaet skal returnerast til. Har vi spørsmål, tek vi gjerne kontakt på telefon, så skriv inn epostadresse og/eller telefonnummer der vi kan nå dykk på dagtid. Dersom laget held fleire kurs, er det viktig at det er berre ein kontaktperson for alle kursa, slik at vi kan sende ut samla statistikk/oppgjør til laget. BANK/POSTGIRO Det er viktig å huske å fylle inn laget sitt kontonummer slik at vi veit kvar pengane skal sendast. Fyll alltid ut dette feltet, sjølv om de har fått utbetalt tilskot tidlegare. START-/SLUTTDATO, TIMAR OG UNDERVISNINGSTID Fyll inn planlagt startdato og sluttdato for kurset, og planlagde timar med og utan lærar. Ein kurstime er 60 minuttar, og det må vera minst 8 timar. Kryss også av om undervisninga er planlagt på dagtid, kveldstid og/eller i helg. FYLKE Fyll inn namn på fylket der kurset blir arrangert. ORGANISASJON Skriv inn namn eller forkorting på landsorganisasjonen, for eksempel NH, NU, Forbundet KYSTEN, HATS og så vidare. KURSNAMN/TEMA Skriv inn namnet på kurset. Studieplanen skal alltid liggje ved søknaden. (Om studieplanar, sjå side 7) LÆRAR Skriv inn namnet på læraren. For studieringar utan lærar eller samansette kurs med mange lærarar, skriv namnet på den som er ansvarleg. SEND INN SKJEMA Send inn skjema med studieplan til: Studieforbundet kultur og tradisjon, Vågåvegen 35, 2680 Vågå, epost [email protected] eller faks Søknaden skal vera godkjent før kurset byrjar. Etter nokre dagar kjem skjemaet i retur, med godkjenning og kursnummer. SØKNAD PÅ NETT På er det lenke til søknad via internett med instruksjon om korleis ein går fram. 5:

7 Kort oppsummering Fyll ut skjema Send til studieforbundet før kursstart KURSRAPPORT SLIK FYLLER DU UT KURSRAPPORTEN Send inn ferdigmelding når kurset er ferdig, seinast 1. juli for vårhalvåret og 15. januar for hausthalvåret. OVERSIKT OVER UTGIFTER Man kan ikkje få meir i tilskot enn ein har utgifter. Bilag skal oppbevarast av arrangøren for eventuell kontroll. START-/SLUTTDATO OG TIMAR Fyll inn gjennomførte timar med og utan lærar, og start- og sluttdato. Husk at ein time er 60 minutt. FRAMMØTELISTE Bruk oppmøtelista bak på skjemaet, eller ei eiga liste. Fyll inn namn, adresse, kjønn og fødselsår på deltakarane. Skriv inn dato og timar for kvar kursdag. Skjemaet må være underskrive for å få tildelt stønad. UNDERSKRIFT SEND INN SKJEMA Send inn skjemaet med studieplan til Studieforbundet kultur og tradisjone, Vågåvegen 35, 2680 Vågå, epost [email protected] eller faks så snart kurset er ferdig, eller seinast 1. juli for vårhalvåret og 15. januar for hausthalvåret. AVLYSING Gje beskjed til studieforbundet dersom kurset blir avlyst, slik at vi kan slette det. Det kan vere venteliste for å få tilskot til kurs, og derfor er det viktig at vi får beskjed om avlyste kurs slik at vi får oppdatert informasjon dersom vi har venteliste. UTBETALING I mars og september kjem utbetaling frå Studieforbundet kultur og tradisjon. Kort oppsummering

8 Fyll inn rapport - Send til studieforbundet Frist vår: 1. juli - Frist haust: 15.januar STUDIEPLAN All vaksenopplæring som får tilskot skal følgje ein studieplan. Studieplanen fortel kva som er målet for opplæringa, kven som er målgruppe, kva det blir arbeidd med og korleis. Studieplanen skal følgje med søknaden for godkjenning av kurset, og den skal også liggje med rapporten for eventuell kontroll frå Utdanningsdepartementet. Det er utarbeidd standard studieplanar for mange kursemne. Studieforbundet har arkiv med godkjende studieplanar. Desse er tilgjengelege på eller du kan få planar tilsendt ved å kontakte studieforbundet.. Dersom det ikkje finst nokon standardplan for kurset, må kursarrangøren ved hjelp av læraren lage planen. Denne planlegginga er viktig for å sikre kvaliteten og fleksibiliteten i opplæringa. Skjema for å lage eigen studieplan finst på EIN STUDIEPLAN BØR INNEHALDE namn på kurset timetal målgruppe/nivå krav til forkunnskapar Treng du hjelp med studieplanen? Ta kontakt med oss. mål for opplæringa metode/arbeidsform aktuell litteratur framdriftsplan KURSLÆRAR Ein kurslærar er ein person som har pedagogisk ansvar for kurset. Kursarrangørane bør ha ei skriftleg avtale med læraren. STUDIEFORBUNDET KULTUR OG TRADISJON har utarbeidd eit skjema som kan brukast. Alle lærarar på kurs som får tilskot gjennom STUDIEFORBUNDET KULTUR OG TRADISJON, er forsikra i ei felles forsikringsavtale. Treng du meir informasjon om forsikring ta kontakt med STUDIEFORBUNDET KULTUR OG TRADISJON. GODKJENNING Lokallaga har sjølve ansvar for å velja og godkjenne lærar/pedagogisk ansvarleg for kurset. Pedagogisk ansvar betyr å leie opplæringa i samsvar med målsetting og studieplan, skape eit positivt og inspirerande læremiljø og møte fagleg godt førebudd til samlingane. Nokre organisasjonar har eigne reglar for godkjenning av lærar. LØN/SKATT/ARBEIDSGJEVARAVGIFT Om læraren skal ha løn og i tilfelle kor mykje, er ei avgjerd som skal takast i samarbeid mellom kursarrangør og kurslærar. Kurslærar som er sjølvstendig næringsdrivande og har firma registrert i Brønnøysundregistra, kan få løn i form av næringsinntekt. Kurslærar har da sjølv ansvar for å betale skatt og må levere faktura med organisasjonsnummer. Når kurslærar får løn frå laget må det betalast skatt etter følgjande reglar: 7:

9 Når samla utbetaling av løn frå ein organisasjon ikkje overstig kroner til ein person i løpet av eit år skal det ikkje betalast skatt. Når løna overstig dette beløpet må laget trekkje forskotstrekk. Friviljuge organisasjonar som kjem inn under reglane for fritak for plikta til å svare arbeidsgjevaravgift (sjå nedanfor), kan nytte seg av ein forenkla oppgjørsblankett ved lønsutbetalingar. Når dei totale lønnsutgiftene for laget er under kroner og lønsutbetaling til den enkelte kurslæraren er under kroner skal det ikkje betalast arbeidsgjevaravgift. Meir informasjon om skatt og arbeidsgjevaravgift kan de finne på KURSEVALUERING Arrangørar som ynskjer det kan gjennomføre kursevaluering. Evaluering av kursa er viktig for dykk som kursarrangørar for å sikre utvikling og forbetring av verksemda. Evaluering kan skje skriftleg eller munnleg. Studieforbundet kultur og tradisjon har laga eit eige evalueringsskjema som du finn på heimesida eller får tilsendt ved å ta kontakt med studieforbundet Kursdeltakarane fyller ut evalueringsskjema ved kursavslutning. Kursarrangør beheld det ferdig utfylte skjema. KURSBEVIS Alle kursdeltakarar som har godkjent frammøte (75 % av kurstimane) skal få tildelt kursbevis. På kursbeviset skal det gå tydeleg fram at kurset blir støtta av statlege vaksenopplæringsmiddel gjennom studieforbundet.. Kursarrangørar som ikkje har eigne kursbevis kan få tilsendt standard kursbevis frå studieforbundet eller laste ned frå heimesida STUDIELEIAR SINE OPPGÅVER Studieleiar eller kursansvarleg i medlemsorganisasjonen har ein viktig funksjon og mange oppgåver. Det er ikkje nødvendigvis slik at studieleiar må utføre alle oppgåvene sjølv. Men hun/han har ansvaret for at oppgåvene blir utført. GJENNOMFØRING AV KURSET Før kurset startar må studieleiar gjera avtale om bruk av lokal (sjå bruk av undervisningslokal side 9) Ho/han må inngå avtale med kurslærar, gjerne skriftleg. Kurset må meldast inn til studieforbundet og det må offentleggjerast i form av annonser eller på annan måte. Kursdeltakarar og lærar må få informasjon om den praktiske avviklinga av kurset i god tid før kursstart. Studieleiar bør ynskje deltakarane velkomen og presentere organisasjonen sin for kursdeltakarane. Her er det mogleg å verve nye medlemmar til laget! Studieleiar må sørgje for at det blir ført oppmøteliste gjennom kurset. Siste kurskveld må studieleiar dele ut kursbevis og få deltakarane sin evaluering av kurset. Kurset må rapporterast til Studieforbundet kultur og tradisjon.

10 LANGSIKTIG ARBEID Studieleiar har ansvaret for langsiktig kursplanlegging. Saman med styret legg ho/han ein plan for studiearbeidet i laget. Det er lurt å sjekke om det finst andre støtteordningar i tillegg til vaksenopplæringsmiddel. Nokre kommunar gjev støtte til vaksenopplæring. Undersøk med di kommune om det er tilfelle, og korleis de skal søkje. FORSIKRING AV DELTAKARANE Studieforbundet kultur og tradisjon har ikkje forsikringsavtale som gjeld deltakarar på kurs. Dette er kursarrangøren sitt ansvar og bør vurderast ved kurs som kan medføre fare for skade. HUSKELISTE FOR STUDIELEIAR Avtale om lokal Avtale med lærar Søknad Annonsering Informasjon til deltakarane Informasjon til lærar Velkomst Rapportering Evaluering Utdeling av kursbevis Langsiktig kursplanlegging Marknadsføre organisasjonen Andre finansieringskjelder (kommunale tilskot) TILRETTELEGGINGSTILSKOT Utover den ordinære støtteordninga yter departementet tilskot til særlege målgrupper. Med særlege målgrupper meiner vi personar med ulike opplæringshindringar, som funksjonshemma, personar med svak fystegongsutdanning, framandspråklege eller personar med særlege omsorgplikter. Tilskotet blir gjeve som toppfinansiering. Det kan brukast til eigne kurs for særlege målgrupper eller som ekstra støtte til enkeltpersonar som deltek ved vanlege studieringar/kurs. Søknadane blir behandla fortløpande og det blir tildelt pengar så lengje det er pengar i potten. NB! Reglane handterast fleksibelt og du kan når som helst på året ta kontakt for å drøfte om det er mogleg å få ekstra tilskot. Utbetaling skjer to gonger i året om ikkje anna er avtalt. Meir informasjon og eigne søknadsskjema finn du på heimesida eller ved å kontakte studieforbundet. Det er utgjeve eit eige hefte der arbeidet med særlege målgrupper er beskrive. Heftet kan de få ved å vende dykk til Studieforbundet kultur og tradisjon. BRUK AV UNDERVISNINGSLOKAL 9:

11 Kursarrangørar som får tilskot frå vaksenopplæringsmiddel har også krav på å bruke offentlege undervisningslokal gratis. Dette gjeld i undervisningsåret på kvardagar til kl LOV OM VAKSENOPPLÆRING I 2009 vedtok Stortinget ny Lov om voksenopplæring med gyldigheit frå Her gjengir vi formålsparagrafen i loven og lovens paragraf 4 om overordna mål for studieforbundas opplæringsaktivitet: (Lovteksten er dessverre ikkje på nynorsk) 1. Formål Formålet med denne loven er å fremme livslang læring ved å legge til rette for organiserte læringsaktiviteter ved siden av det formelle utdanningssystemet. Loven skal bidra til motivasjon og tilgang til kunnskap og kompetanse for alle, og slik fremme den enkeltes utvikling og møte behovene i samfunns- og arbeidslivet. 4. Overordnede mål for studieforbundenes opplæringsaktivitet Studieforbundene skal drive sin opplæringsaktivitet på grunnlag av følgende overordnede mål: a) Å bidra til å vedlikeholde og styrke demokratiet og legge grunnlag for bærekraftig utvikling ved å engasjere og utvikle aktive medborgere. b) Å gjøre det mulig for mennesker å påvirke egen livssituasjon. c) Å bekjempe utstøting og bidra til inkludering. d) Å bidra til motivasjon og tilgang til kunnskap og kompetanse for alle og slik møte behov i et samfunn og arbeidsliv i stadig endring. e) Å styrke kulturelt mangfold og øke deltagelse i kulturlivet. f) Å være en selvstendig arena for læring og et supplement til offentlige utdanningstilbud for voksne MEDLEMSORGANISASJONAR I STUDIEFORBUNDET MEDLEMMER DIS-Norge Forbundet KYSTEN(FK) HATS kompetansesenter for revy og teater Kringkastingsringen Landslaget for lokalhistorie (LLH) Noregs Mållag (NM) Noregs Ungdomslag (NU)

12 Norges Husflidslag (NH) Norsk Amatørteaterforbund (NATF) Norsk Kulturarv Norsk Målungdom (NM) Norsk Quilteforbund (NQF) Seniordans Norge (SN) Vestlandske Teatersenter (VT) Landslaget for lokalhistorie i skolen (LLS) Landslaget for nærmiljøskolen (LUFS) Landsforbundet av Motorhistoriske Kjøretøyklubber Internasjonalistene Norges Museumsforbund Norske Kveners Forbund/Ruijan Kveeniliitto Norsk forening for fartøyvern (NFF) Norsk forening for kulturhistorisk sverdfekting (NFKS) Norsk selskap for fotografi (NSFF) ORGANISASJONER MED SAMARBEIDSAVTALE Båtlaget Braute Fantasiforbundet Fortidsminneforeningen Organisasjon for scenekjempere i Norge (OfScen) Rosegården Teaterhus Samenes Folkeforbund (SFF) Vestnorsk kulturakademi (VKA) 11:

13 STUDIEFORBUNDET KULTUR OG TRADISJON VISJON: Det skal vere mogleg for alle som bur i Noreg å bli kjende med og lære folkelege kulturuttrykk i skapande og trygge fellesskap VERKSEMDSIDÉ: Studieforbundet kultur og tradisjon skal organisere og leggje tilhøva medlemsorganisasjonane, innafor ramma av Lov om vaksenopplæring. til rette for folkeopplysning og opplæring i Studieforbundet kultur og tradisjon set det skapande mennesket i sentrum ved å leggje til rette for : Personleg utvikling og læring på eigne premiss Oppleving av levande kulturtradisjonar Medvit om mennesket som del av ein økologisk heilskap Erfaring med demokratisk organisasjonspraksis GRUNNLEGGANDE PRINSIPP: