Foto: Knut Inge Johnsen. Os kyrkjelyd inviterer til

Transkript

1 Foto: Knut Inge Johnsen Os kyrkjelyd inviterer til Konfirmantåret 2009/2010

2 Kan du tenkja deg å vera konfirmant i Os kyrkjelyd det komande året? Me kan tilby eit ekstra spanande opplegg i år som me trur vil falla i smak hos dei fleste. Ta ein kikk og sjå om dette er noko for deg. Kvifor konfirmant? Det er mange grunnar til å verta konfirmert. Nokon gjer det for pengane si skuld, nokon fordi dei vil læra meir om Bibelen og Gud, andre fordi det er ein tradisjon og andre igjen på grunn av fellesskapet. Presentasjonsgudstenester hausten 2009 Alle konfirmantar møter til gudsteneste for å bli presentert for kyrkjelyden tidleg i konfirmant året. Desse presentasjonsgudstenestene føregår i Os kyrkje, Nore Neset kyrkje, Søfteland bedehus og Lysekloster skule. Uansett svar er det viktigaste at du gjer dette fordi du sjølv har lyst. Du er hjarteleg velkomen til oss. Er du i tvil om du ønskjer å verta konfirmert, kan du vera med oss gjennom konfirmantåret og ta stilling til sjølve konfirmasjonen på sikt. Prisar Pris for materiell, konfehelg etc: Konfirmantavgifta er på 750 kroner. I tillegg kjem ei ekstra avgift på dei fleste av gruppene på 250 kroner (rabattert) i medlemsavgift. Dette gjeld ikkje 3,16 Nore Neset og Soul Survivor. Ved skulestart får du tilsendt program for hausten. Her vert det vedlagt giro til innbetaling av konfirmantavgifta. Forfall 31. august. Velkomen til ei spanande og utfordrande konfirmanttid!

3 Dette får du vera med på gjennom konfirmantåret: A Arbeidsform GUDSTENESTER: Presentasjonsgudsteneste 1 Ungdomsgudstenester/ Andre gudstenester 6 Konfirmasjonsgudstenesta 1 Antal Pr.konf. B Fellesundervisning for alle utanom Båt, 3,16 Nore Neset, Soul Survivor og explore gruppe (ettermiddagar) 4 C VALFRIE GRUPPER Sjå nedanfor D KONFEHELG (Eige opplegg laurd/sønd) 2 dagar E Weekend på Helgatun 16. til 17. januar (kun for enkelte grupper, valfritt) 2 dagar F FASTEAKSJONEN 23.mars kl G Øving til konf.dag i kyrkja 1 H Konfirmasjonsdagar: 2.mai og 9. mai Gruppene 2009/2010 KRIK A og B og KRIK Nore Neset KRIK står for Kristen Idrettskontakt og har seks hovudmål: Bevisstgjere til kristent liv Vinne menneske for Kristus Vegleie omkring tru, etikk og idrett Skape idrettsglede Utfordre til å ta oppgåver og ansvar innan idrett og kyrkje Utvikle personkontakt og venskap Denne gruppa er for deg som likar å vera i aktivitet. Her vert det aktivitetar som fotball, innebandy, volleyball og mykje meir. I Os er det Stein Ruben Larsen som er hovudleiar for konfirmant KRIK, oppmøtestaden er i gymsalen på Os barneskule annankvar fredag frå til På Nore Neset vert Geir Skarding hovudleiar, oppmøtestaden er i gymsalen på Nore Neset skule annankvar fredag frå til

4 Speidaren «I tru på Guds hjelp lovar eg: å tene Gud, hjelpe andre og leve etter speidarlova.» Speidaren er for deg som likar å vera ute og læra nyttige ting som speiderferdigheiter, førstehjelp og naturen generelt. Speidarane er og med på konkurransar og turar. Oppmøtet er på speidarloftet i kyrkjetunet. Kalender for denne gruppa er ikkje satt opp enda, men det blir ikkje meir enn annankvar veke. John Kristian Ellingsen vil vere med som leiar for konfirmantspeidarane. Join Us Kjent og kjært og populært. Kyrkjelyden sitt ten sing kor består til ei kvar tid av om lag 50 medlemer, mange av desse konfirmantar. Staden for deg som likar å synge, vere sosial og vere ein del av eit pulserande kormiljø. Til dette konfirmantåret ønskjer me å setje opp ein musikal som skal ha framsyning på vårparten. Øving kvar onsdag kl til Leiar er Knut Inge Johnsen. Join Us band Spelar du eit instrument? Lyst til å bli betre? Opptre? Her vert det plass til om lag 10 personar. Desse vert ein naturlig del av det store Join Us fellesskapet og vil vera med på musikalen som skal settas opp. Øving samtidig med koret kvar onsdag med masse trøkk og lyd. Leiar er Knut Inge Johnsen. Båt- og sjøliv Eit av haustens spenstige prosjekt. For deg som elskar sjøsprøyt og saltvatn. Opplegget er under utforming, men du kjem i alle fall til å lære om båt, navigering og godt sjømannskap. Målet er at du på våren skal få høve til å avleggje båtførarprøva, men dette er ikkje heilt spikra enno. Det vert nok onsdagane som er samlingsdagen her, men det er litt usikkerhet rundt kor ofte det blir. Ein bør og vera obs på at ein og annan laurdag kjem til å gå med til båttur. Det vert ei mannssterk leiargruppe med Per Fimreite, Hallgeir Bjørnevik, Svein Arne Bakke, Paul Hans Sælen og Arne Stautland. Explore Utforsk livet, utforsk naturen, utforsk trua! Dette er altså staden for deg som elskar friluftsliv. Eller som kanskje har potensial til å bli naturelskar. Fjell og skog og li og hei. Ein tur på skytebana? Kanskje nokre skiturar? Kakao på termos, solkrem i fjeset, stormkjøken og ein touch av Arne Brimi? Det vågar vi forresten ikkje love, men det blir garantert flotte turar og gode samtaler undervegs med leiarane Geir Sakseid og Vegard Hodneland. Nokre helger går nok med til dette, men det vert og turar på ettermiddags /kveldstid. Oversikt kjem.

5 Foto Foto betyr å teikne med lys. Og Knut Inge Johnsen som inviterer konfirmantane med inn i fotografiet si verd, har hatt kamera som hobby i ein mannsalder. Her får du både lære å k omponere bilete, filosofere over kva eit godt bilete er og korleis vi kan møte Gud gjennom det å fange augneblinken på lerret. For deg som er nyfiken? Den visuelle? Du som ikkje er så glad i å lese og skrive? Gruppa vil ha samlinga r 3 timar ein tirsdag kvar månad. Golf Denne gruppa har alt vore omtala i Os og Fusaposten og vart til i eit samarbeid mellom Os kyrkjelyd og Bjørnefjorden golfklubb. Fyrst av alt får du ta grønt kort. Det må du ha for å få tilgang til golfbaner over heile verda. Eit slags førarkort, om du vil. Golf handlar om teknikk, etikette og kameratskap på bana. Her vert det mykje morro. Blant anna turneringar på s imulator og på bana. Og når du er ferdig som konfirmant satsar me på at du har fått finjustert slaga såpass at du kan delta på større turneringa r gjennom golfklubben. Med som leiarar vert Arne Stautland og Erik Just Olsen. Samlingar annankvar mandag kl til ,16 - Nore Neset I Johannes 3,16 står den vesle Bibel. I denne konfirmantgruppa skal vi bruke oss sjølv for å bli kjende med forteljingar frå Bibelen, med Jesus og med oss sjølv. Vi skal bruke drama, kreativt bibelarbeid, «trusvandring» og film. Timane vil bli knytte til kyrkja på Nore Neset og nærområdet der. Leiar vert Anne Marie Sandve. Når? Annankvar torsdag kl Kor mange? Mellom stk. Kunst Vel så mykje som ord, har kunst talt om Gud til menneska dei siste to tusen åra. Også i dag er det mange som lengtar etter å fange det åndelege eller det indre gjennom penselstrøk og palett. Maria Hansen, som vert leiar av gruppa, bruker sjølv måling til å formidle den kristne bodskapen og til å uttrykkje religiøse motiv. Spanande? Det trur vi også. Gruppa samlast annankvar torsdag frå til Soul Survivor Soul Survivor er ei ungdomsrørsle som oppstod i den anglikanske kyrkja i Storbritannia i Sist sommar deltok meir enn menneske på eit Soul Survivor arrangement, og det finst basar i ni ulike regionarover heile verda. Det vil vere ei gruppe for vekst og læring fundert på bibelsk undervisning og den Heilage Anden sine gåver. Leiarar her vil vere Else og Einar Ekerhovd som sjølv har sett mange ungdomar bli tent i brann for Jesus gjennom nettopp Soul Survivor. Synes du dette høyres spanande ut kan me og freiste med ein tur til England på Soul Survivor konferanse neste sommar for dei som har tid og råd til det, men dette er ikkje eit krav for å få vera med i gruppa. Samling hos Else og Einar Ekerhovd annankvar mandag kl til

6 Tekstil Ho har sagt det sjølv, prosten. At kontakten med konfirmantane frå tida som prest nordpå er noko av det mest verdifulle i hennar teneste. Frå hausten av kjem Margrethe Holmboe Askeland på bana i Os med eiga tekstil gruppe. Her får du lære å lage lappeteppe, det som på fint heiter quilting. Gjerne med bibelske motiv. Og rundt symaskinene tippar vi at det kan bli mange gode samtaler om både livet og Gud. Så om du har tilgong til symaskin og likar å halde på med tekstil, då er dette gruppa for deg. Samlingane kjem til å gå over fire laurdagar, fire timar kvar gong, noko som truleg endar opp med ei vakker utstilling. Påmelding Påmelding til konfirmantåret skjer i år via internett. Der kan du fylle inn all den informasjonen som trengst og med eit enkelt klikk sende påmeldinga til kyrkja. Adressa er www. os.kyrkja.no, gå til linken der det står konfirmantpåmelding. Når den er sendt vil du få ei bekrefting per e post at du er påmeldt. For dei som ikkje har internett heime er det mulig å gjere denne påmeldinga her på kyrkjekontoret, du finn oss rett ved sida av kyrkja. Men husk å ta med informasjon om både deg sjølv og foreldra dine, me treng mellom anna telefonnummer, e post, adresser og personnummer. Informasjon til dei føresette Velkommen til samarbeid! De som er foreldre/føresette er viktige medspelarar under konfirmantførebuinga! Vi inviterer til informasjonsmøte for de av foreldra som vil vite meir om kva det inneber å vera konfirmant i Os: ONSDAG 3. juni kl i Os kyrkje. Vi inviterer og til informasjonsmøte ved starten av semesteret, då får de vite litt meir om korleis året vert: TORSDAG 3. september kl i Os kyrkje, kl i Nore Neset kyrkje. FEBRUAR/MARS - Foreldrefest Vi kjem til å be om hjelp til: Laga boller eller liknande til forskjellige arrangement me skal ha for konfirmantane. «Konfehelger». Hjelp til å laga og servere mat og til kyrkjekaffi. Fasteaksjonen som sjåfør og bøsseberar saman med konfirmanten. Så ber vi dykk og om: Å hjelpa konfirmanten til å møta på dei samlingane dei skal. Gje melding dersom konfirmanten har planlagt fråver (t.d. ferie med familien). Konfirmantførebuing må få prioritet framfor trening/kampar. Gje melding ved fråvær grunna sjukdom. Det er særs viktig at de melder frå om særskilde behov (t.d. lesevanskar, funksjonshemming, allergi og anna)

7 Konfirmantar Slik vil vi ha det saman i konfirmanttida! Samarbeidsreglar: Saman har vi ansvar for å gjera vårt til at alle får eit godt utbyte av konfirmanttida. Dette krev både tid og innsats og at alle er med for fullt. For å få det triveleg må alle ta ansvar for: Å vera aktivt med å delta og ta omsyn til kvarandre. Å møta presis til alle samlingar. Å skru av elektronisk utstyr (mobiltelefon, MP3-spelarar og liknande) i undervisningstida. Me sjåast til hausten! Ved mykje fråver og ved gjentekne brot på reglane, vil konfirmantlærar kontakte føresette. Respektlaus åtferd eller mykje fråver kan føre til utsetjing av konfirmasjonen.

8 Foto: Knut Inge Johnsen Har du spørsmål? Ring: / eller / Eller send ein e-post til: [email protected] Du kan óg koma innom kyrkjetunet og ta ein prat der.