Kommunevalprogram for Øystre Slidre Venstre

Transkript

1 Kommunevalprogram for Øystre Slidre Venstre

2 Ideologi Venstre er eit sosialt liberalt parti som set menneske i sentrum. Venstre har sterk tillit til menneska si evne til å skape, og har tru på at det i fellesskap er mogleg å leggje grunnlag for frie liv, over alt - for alle. Ansvaret for å ta vare på seg sjølv er like grunnleggjande som retten til fridom. Dei få som er ute av stand til å ta hand om seg sjølv, skal få hjelp frå samfunnet til å leve eit verdig liv. fremje aktive, ansvarlege og kritiske menneske som tolererer andre sin rett til å vera annleis føre ein aktiv politikk mot sosial urettferd, byggje sterke felles institusjonar og nedkjempe fattigdom ha eit samfunn der staten og sterke interessegrupper ikkje avgrensar rammene for skapartrongen til menneska og mangfaldet i samfunnet sikre råderetten over eige liv - på tvers av landegrenser, kulturell bakgrunn, livssyn og legning. Samfunnet har eit spesielt ansvar for å verne om mindretalet sine rettar Venstre legg elles til grunn for sin politikk at: dei store utfordringane i verda krev universelle løysingar på tvers av landegrenser menneskeskapte truslar mot livsgrunnlaget på jorda krev ein radikal miljøpolitikk viktige avgjersler for fellesskapet skal fattast av folkevalde organ. Politikarane må i større grad delta i kommunalt planarbeid og større prosessar

3 Helse og velferd Kommunen har eit godt helse- og velferdstilbod. Tilbodet må likevel styrkjast fordi etterspurnaden av tenester aukar, og behova blir meir variererte og samansette. Det er ei utfordring at politikarane som løyver pengane kjenner for lite til korleis grupper av folk har det. Venstre meiner ein bør finne ein betre balansegang mellom det å få politikarane til å bry seg, og det å sikre teieplikta. Venstre meiner det er grunn til å drøfte arbeidsforma når det gjeld tenester mot grupper med særlege behov. Vi må i større grad satse på oppsøkjande verksemd og arbeid i felten når det gjeld flyktningar, barnevern, folk med psykiske vanskar og stoffproblem, slik vi gjer i eldreomsorga. følgje opp NAV-reforma slik at samhandlinga mellom den tidlegare aetat, trygdeetat og sosialkontor blir gjennomført i samsvar med intensjonane. Vi vil utvikle den regionale satsinga på fysisk aktivitet styrkje det førebyggjande helsearbeidet ved å gjennomføre barne- og ungdomsplanen, støtte friviljuge lag og organisasjonar og stimulere til sunn livsførsel styrkje tilbodet innan psykisk helsevern ved å arbeide for å få i gang «grøn omsorg», etablere sosiallærarfunksjon ved alle skulane, og «sansehage» ved sjukeheimen sikre større plass ved legekontoret, mellom anna for å kunne ta i mot turnuskandidat følgje opp auka behov for tenester i heimebasert omsorg generelt arbeide for å styrke det regionale samarbeidet der det er små og sårbare fagmiljø, mellom anna innan barnevern, flyktningeteneste og psykisk helsevern auke satsinga på kompetansehevande tiltak, både fagleg og administrativt

4 Barn og unge Barn og unge som veks opp i trygge og sunne heimar, og som kjenner det kulturelle og historiske særpreg til heimbygda, vil ha eit godt grunnlag for livet vidare. Venstre har innan helse- og velferdssatsinga vist vårt engasjement for barn og unge. Venstre vil i tillegg: vidareføre og utvikle ungdomsdemokratiet prioritere trafikksikre skulevegar, og arbeide for ei sterk nasjonal satsing på gang- og sykkelvegar støtte den positive innstillinga til dugnadsarbeid som er i bygda styrke bibliotektilbodet Skule og barnehage Skule og barnehage er våre viktigaste allmenndannande institusjonar. Her skal vi i tillegg til fagkunnskap vidareføre kulturarven vår, slik at dei unge er godt rusta til å møte utfordringane i framtida. legge til rette for at skule og barnehage evnar å omstille seg i takt med framtidige krav til gode lærande miljø styrke læraren si rolle som klasseleiar gjennomføre tiltak som betrar sosial åtferd hjå barn sikre gode prosessar knytt til endringane i skulestrukturen legge vekt på aktivitet for sunn livsstil og engasjere foreldra i arbeidet ha full barnehagedekning, fokusere på kvalitet og ruste opp barnehagane i Rogne og Tingvang sikre at alle unge, som ynskjer det, får tilbod i musikk- og kulturskulen

5 Sysselsetting og næringsutvikling Øystre Slidre har stabilt folketal, god kommuneøkonomi og få arbeidsledige. Vi er ei landbruks- og reiselivskommune med stor hytteutbygging. Desse tre næringane heng nøye saman. Raknar det i landbruket så raknar det i reiselivet, og raknar reiselivet så raknar mykje. Venstre støttar fullt ut satsinga på Valdres natur- og kulturpark. Det er viktig at alle næringar trekkjer saman og går mot felles mål. Stølslivet, foredling, sal og omsetting av lokale produkt må stimulerast. Landbruk: gje støtte på område der det frå før er manglande tilgang på verkemiddel, som til dømes økonomiske og faglege ordningar ved generasjonsskifte støtte tiltak som gjev ringverknader (grøn omsorg, bioenergi, kulturlandskapstiltak, bygging av foredlingsanlegg, samarbeid med andre næringar) Turisme: arbeide for å få innført eit system for finansiering av fellesgode for å kunne heve turistproduktet støtte tiltak som gjev ringverknader (samarbeid med andre næringar) Nyskaping: stimulere kreativitet og nytenking gjennom utdanning, studiereiser og ved å etablere møteplassar for næringsaktørar ta godt vare på initiativ for eit meir variert næringsliv arbeide aktivt for å få tilført ny kompetanse ved å leggja til rette for innflytting at kommunen blir ein pådrivar i arbeidet for Valdres natur- og kulturpark, og bidra til å gjera denne kjend

6 Planlegging og utbygging Venstre skil seg mest ut frå andre parti når det gjeld hyttepolitikken. Det er mest tydeleg i dispensasjonssakene. Fleirtalet i plannemnda har i siste valperiode akseptert: hyttebygging nede i bygda bygging utanfor vedtekne areal- og reguleringsplangrenser nye hytter i regulert område som er ferdig utbygd større og høgare hytter enn reguleringsplanen tilseier store hytter i stølsområda utover retningslinene som kommunestyret har vedteke Venstre meiner utbyggingsliberalismen har ført til: at administrasjonen har vanskar med å rettleie folk om arealpolitikken stor ressursbruk fordi dispensasjonssøknadene er arbeidskrevjande stor frustrasjon hjå hyttefolk og andre som har etablert seg i tillit til planverket at hytte- og bygningsmiljøet og naturen blir skadelidande også i komande periode føre ein fast arealpolitikk og ikkje dispensere i saker som skaper presedens ved utarbeiding av nye areal- og reguleringsplanar passe på at desse er godt gjennomarbeidde sikre naturverdiane i kommunen avkloakkere hytteområde i fjellet utan at det fører til ny utbygging i urørde område ikkje gå inn for eigedomsskatt så lenge kommunen har god økonomi ha ei positiv innstilling til å avvikle bygslingsavgifter nede i bygda Natur, kultur og miljø Venstre skal vidareføre ein radikal og offensiv politikk for å ta vare på naturen og miljøet. Gjennom FN sine klimameldingar har det på kort tid skjedd ei ekstremforvandling i synet på kva som trengst av tiltak. Med eit langvarig grunnsyn i miljøspørsmål har Venstre ein gjennomtenkt politikk for den alvorlege klimatrusselen.

7 Naturen vår, som vi er så glade i, er i stor grad forma av landbruket. Fjellet er i ferd med å gro att, mellom anna fordi landbruket og stølsdrifta er på retur. Miljøet og kulturlandskapet har ein estetisk dimensjon, som i stor grad er grunnlaget for turismen og trivselen i bygda. Eit mangfaldig og skapande kulturliv er livsnerven i eit liberalt samfunn. Kultur er uttrykk for grunnhaldningar. Kulturbakgrunn forklarar og synleggjer lokalt særpreg, og gjev lokal identitet. Vi skal vera stolte over verdifulle og ubrotne tradisjonar. Samtidig er nye impulsar, og prøving i det ukjente, viktig for utvikling. Naturen, kulturen og miljøverdiane våre vil vi ta vare på og utvikle. arbeide for ein samordna regional miljøplan, med tiltak retta mot mellom anna transport, klimagassar, energibruk og arealbruk gjennom ei regional satsing på Valdres folkemuseum styrke den faglege kompetansen, mellom anna for å kunne ta større roller i Valdres natur og kulturpark styrke samarbeidet med frivillige lag, organisasjonar og uavhengige krefter, med vekt på å gje bygda eigarforhold og identitet til verdiane Ormtjernkampen Nasjonalpark I komande periode skal kommunen ta stilling til vern av fjellområda våre sør og aust for Vinstervatn. Vernet vil truleg omfatte tre verneformer: - nasjonalpark, naturreservat og landskapsvernområde. Venstre: er positiv til oppretting av nasjonalpark- og naturreservat i avgrensa område meiner at fjellova kan vera betre eigna til å ta vare på stølsdrifta og landskapsverdiar i desse områda enn naturvernlova ynskjer lokal forvaltning av områda som blir verna vil at namn på området og verneområda skal vedtakast av kommunestyra i kommunen vernet omfattar

8 KOMMUNEVALLISTE FOR ØYSTRE SLIDRE VENSTRE Gustav Fystro 2943 Rogne 2. Ellen Margrethe Flatland 2940 Heggenes 3. Svein Erik Lunde 2943 Rogne 4. Eli Marit Fuglesteg 2943 Rogne 5. Arve Dagfinn Helle 2943 Rogne 6. Erik Grønolen 2953 Beitostølen 7. Tore Gran 2953 Beitostølen 8. Magne Egil Mjøs 2940 Heggenes 9. Anne-Guri Ekern 2953 Beitostølen 10. Kåre Langedal 2940 Heggenes 11. Berit Robøle Hegge 2940 Heggenes 12. Arne Nordås 2943 Rogne 13. Gunvor Hegge 2950 Skammestein 14. Einar Mattisgard 2940 Heggenes 15. Kari Johanne Salvesson 2940 Heggenes 16. Håkon Johannes Skarstad 2943 Rogne Vil du vera med så heng på.