STRATEGIDOKUMENT RUBBESTADNES BEDEHUS

Transkript

1 STRATEGIDOKUMENT RUBBESTADNES BEDEHUS

2 VISJON Bedehuset vårt yrer av liv og inkluderer bygde folk i alle aldrar i fellesskap med Jesus og kvarandre. Bedehuset i Rubbestadneset er samlings staden og møtepunktet for kristen, åndeleg aktivitet i bygda vår; lovsong, tilbeding og forkynning av Guds ord. Huset er bygd for høgtid, bøne- og Gudsteneste, bibeltimar m.m. Huset er også veleigna for gode fellesskapsaktivitetar som søndagsskule, triangel, ungdomsklubb, basarar og trivselsskapande tilstellingar som t.d. lørdagskafé og pizza kveldar. Vår visjon uttrykker vårt felles, sterke ynskje om å vera eit unikt samlingspunkt med kvalitetar og tilbod som ikkje finns elles i bygda. Bedehuset med sitt innhald og arbeid er med å gjera Rubbestadneset til ei komplett bygd, saman med dei andre tilboda, Rubbhallen, Annekset, grendalaget, veteranlaget, skulen og alle dei andre aktørane. Med å by på aktivitetar og vennleg invitasjon er det vår ambisjon at stadig fleire og nye skal finna vegen inn i vår varme, og bli der fordi det er godt å vera. Det skal også i framtida yra av liv i bedehuset vårt! 2

3 BEDEHUSET VÅRT Rubbestadnes bedehus blei bygd på 1960-talet, og vitaliserte og vidareførte ein gamal bedehustradisjon frå Salen som stod der Bømlo Hotell står i dag. Då var det mange kristne organisasjonar i Den norske kyrkja som hadde sine lokallag i vår bygd. Det var stor aktivitet med mange medlemer og bidragsytarar, alt frå sundagsskule, barne- og ungdomsarbeid til faste oppbyggelege møter, basarar og andre arrangement. På dei snart 60 åra som er gått sidan har det vore trufaste eldsjeler og gode, flinke folk som har ført dette arbeidet fram til i dag. Når nokon har trappa ned har andre tatt over. Rundt oss har samfunnet utvikla og endra seg. Me ser at enkeltmenneske deltek på stadig fleire arenaer og tida frå morgon til kveld ser ut til å bli stadig meir belagt med aktivitetar. Utan å gå inn i djupe analyser av endringane konstaterer me at slik er det. Så ynskjer me å ta grep om framtida til bedehuset vårt og livet der. Starte arbeidet med å bli medvitne på kvar me vil og kva målgruppene for våre aktivitetar ynskjer. Så vil me leggja ein plan og laga konkrete handlingsprogram for å koma dit. Vitalisering og rekruttering for generasjonar framover Hausten 2016 inviterte aktørane på bedehuset til fire samlingar der me gjekk gjennom ein observasjon av vår modell på «bedehus-drift» i forhold til våre målgrupper og deira behov. Tanken var å sjå om verktøyet Business Model Canvas kunne gi oss ny innsikt og medvit i strategiarbeidet. Tilbakemeldingane frå deltakarane var at dei fekk nye tankar og idear om korleis me kan ta tak i arbeidt vidare. Resultatet av dei arbeids øktene me hadde er samla og «foredla» på dei neste sidene. Dette er gjort av ei gruppe sett saman av Magne Ekanger, Bente Hovland Bergtun, Lars Magne Endresen, Solrunn Stavland Økland og Magne Raknes. 3

4 MISJON Rubbestadnes bedehus er til for at folk kan ha eit trygt, nært og inkluderande kristent felles skap å vera med i. Det er vårt kall fordi me har fått vår tru og ynskjer å dela den med andre. Rubbestadneset er ei bygd med om lag 1200 innbyggarar. Me har eit levedyktig og innovativt næringsliv, driftig idrettslag med ein flott idrettshall og stadion-anlegg, aktivt kvinne- og familielag med eige hus, hotell, daglegvarebutikk, Norges beste vidaregåande skule, aktivt båtlag, grendautval, veteranmotorlag, museum, flott natursti, regelmessig hurtigbåtanløp, for å nemna noko. I denne flotte bygda er det bedehuset står, som eit unikt hus, innvigd til tilbeding av vår treeinige Gud og utøving av åndeleg felleskap. Eit hus me alle kan komma og oppleva høgtid i, slik ein berre kan i Guds hus. Huset skal fyllast av aktivitet der kristen neste kjærleik og omsorg skal gå hand i hand med forkynning av den kristne bodskapen. Slik at trua kan bli vekt, få næring og vera med på og forma livet til dei som kjem innom og deltar i aktivitetane. 4

5 SÅ KORNET! Det er gjort mykje godt dugnadsarbeid på bedehuset i mange år, ikkje minst fornying dei siste fire-fem åra. Siste tilskot er eit flott arbeid på nedsida av huset, der det er rydda, spylt og planta på nytt. Vekstane som er planta gror av seg sjølv, eller kanskje me heller skulle sei som resultat av Guds verk. Strategiarbeidet er ein fin balansegong mellom å «ta saka i eigne hender» og «lita på Gud». Me må i alle fall sørga for at Guds ord blir sådd, utan det kan det ikkje veksa og gro på bedehuset vårt og i bygda. Og slik det har vore gjort opp gjennom tidene, la enkeltpersonar bløma gjennom deltaking på ulike område, der kvar enkelt kan bidra med det ein er god på og interessert i. Strategiarbeidet er meint som plan for å gjennomføra 2 i vedtektene for bedehuset: «Føremålet med Foreininga Rubbestadnes bedehus er å samle folk til oppbyggelege møter på Guds ords og den evangelisk-lutherske vedkjennings grunn i Rubbestadnes bedehus. Likeeins å samle folk til misjonsmøter og andre samkomer som fremjar arbeidet i Guds rike heime og ute.» Ressursbruk i ei ny tid Det har fram til no vore mange lokale lag og organisasjonar som har stått bak all aktiviteten på bedehuset vårt. Når medlemene i desse laga litt etter litt har gitt seg, må fellesskapet på bedehuset ta inn over seg at det kanskje er naudsynt å «regruppera» og organisera aktiviteten på ein litt ny måte, i tråd med resursane me rår over og kan mobilisera på kort og lengre sikt. På denne bakgrunnen er det me legg fram konklusjonane etter dei fire arbeidsøktene hausten 2016 og vidare arbeid i strategigruppa

6 VERDIAR Me skal vera venlege, opne og oppriktige i møte med kvarandre og alle rundt oss. Kjærleiken er tolmodig, kjærleiken er velvillig, misunner ikkje, skryter ikkje, er ikkje hovmodig. Kjærleiken krenkjer ikkje, søkjer ikkje sitt eige, er ikkje oppfarande, gøymer ikkje på det vonde. Han gleder seg ikkje ved urett, men gleder seg ved sanninga. Alt held han ut, alt trur han, alt vonar han, alt toler han. Kjærleiken tek aldri slutt.... Så blir dei verande desse tre: tru, von og kjærleik. Og størst av dei er kjærleiken. 6

7 KJERNEDRIFT Aktiviteten på bedehuset skal bygga kristent fellesskap for alle aldersgrupper gjennom forkynning, bibelundervisning og felleskapsarrangement. «Føremålet med Foreininga Rubbestadnes bedehus er å samle folk til oppbyggelege møter på Guds ords og den evangelisk-lutherske vedkjennings grunn i Rubbestadnes bedehus. Likeeins å samle folk til misjonsmøter og andre samkomer som fremjar arbeidet i Guds rike heime og ute.»... Og forslaga i strategimøta var mange: Pizzakveld - Filmkveld - Bibelgrupper Søndagsskule - Delekveld - Byttekveld - Juleverkstad - Lørdagskafé - Latterkrampekveld - Minnesamvær - Bedehustorg - Opne, inkluderande samlingar Søndagsskulefrukost - Triangel - Utearrangement - Søndags storsamling Barnemøte /søndagsskule - Herrenes aften - Bønnevandring - Misjonsforening Basar - Barnekor - Arrangement med tur- og idrettsaktiviteter - Syng med oss invitera kor - Konfirmantfest - Foredrag med kjende personar - Gudstenester Markera dei kristne høgtidene - Damenes - aften - Ungdomsmøte/debattkveld for unge - Middag kurs - Alpha-kurs - Klubb - bedehusteam 7

8 VERDILOVNAD Bedehuset vårt er solid planta i bygda. Det står som eit vitnemål om generasjonars tru på Guds skapande verksemd til alle tider. Huset med sitt innhald skaper stor verdi for stadig nye generasjonar. Gjennom arbeidsmøta som blei gjennomførte hausten 2016 kom det fram ei rekke behov me trur bygda har: Forkynning - Åndeleg fellesskap - Arbeids- og sosialt felleskap - Tryggleik - Høgtid - Generasjonsmøte - Deling av verdiane i vår kristne kultur - Eksponering - Trusopplæring barn & unge - Utfordring - Kjenne at det er bruk for oss - Kreative handlingar - Etikk og moral - Tydelegheit - Tru og tanke - Ærbødighet - Normalisering av kristne verdiar - Oppgåver og ansvar - Tradisjon - Drøfting av etiske og praktiske spørsmål - -Tilbod i ulike livsfasar; t.d. sorgarbeid - Alkoholfritt miljø - Bety noko for andre - Fellessang - Lære av andre si livserfaring - Høve til å leige lokaler - Konfirmantfest 8

9 Bedehusstyret, Indremisjonen, Varden KFUK/M, Bedehusteamet, Klubben, Triangel og søndagskulen stod bak invitasjonen til å vera med på strategisamlingane.