Kvinnherad Arbeidarparti

Transkript

1 Kvinnherad i framtida Arbeidarpartiet byggjer på dei sosialdemokratiske grunnverdiane fridom, likskap og solidaritet. Kvinnherad Arbeidarparti legg desse verdiane til grunn for sitt politiske arbeid for utvikling av velferd og næringsliv i Kvinnherad. Ein av dei viktigaste verdiane i samfunnet er at alle får høve til å bidra ut frå sine føresetnader. Arbeid til alle er jobb nummer ein. Kvinnherad Arbeidarparti vil arbeida for gode rammevilkår for næringslivet, betre kommunikasjonar og for at fleire buset seg i kommunen. Kampen om arbeidstakarar med høg kompetanse innanfor sine felt vil vera ein av dei største utfordringane i åra framover, dette er ei felles utfordring for kommunen og næringslivet. Godt samarbeid mellom næringslivet, organisasjonar og kommunen er nødvendig for og lukkast i dette arbeidet. Kvinnherad Arbeidarparti vil styrkja samarbeidet med kommunane rundt oss. I mange saker har vi felles utfordringar, dette gjeld særleg samferdsle. For å få gode løysingar må vi finna løysingar som er til nytte for fleire kommunar. Godt utbygde velferdstenester, kulturtilbod og private tenestetilbod er føresetnader for positiv utvikling av kommunen og grunnleggjande vilkår for at innbyggjarane og tilreisande skal trivast. Organisering av kommunale tenester vil stadig vera i endring og kvaliteten må heile tida vera i fokus. Kvinnherad Arbeidarparti vil med god økonomistyring og tydeleg prioritering sikra tryggleiken til innbyggjarane i alle fasar av livet, enten det gjeld barnehagar, skular, helse og omsorg. Allsidige bustadtilbod må utviklast saman med næringslivet. Kommunen må medverka til auka valfridom for husbyggjarar og stimulera til bygging av fleksible bustader og bustadformer som passar for alle. Gjennom gode kommunedelplanar må kommunen tilretteleggja for næringsutvikling, bustadbygging, og rekreasjonsområder. Nytt reglement for bruk av strandsona opnar for meir aktiv bruk av denne store ressursen for Kvinnherad. Kvinnherad Arbeidarparti vil medverka til vellukka integrering av nye innbyggjarar. Gode resultat på dette området kan vi oppnå gjennom inkluderande arbeidsliv, god opplæring, allsidige kulturtilbod og imøtekomande bygder. Næringsliv og arbeidsplassar Kvinnherad har eit allsidig næringsliv med varierte arbeidsplassar over heile kommunen. Omstilling og endring er ein naturleg del av næringslivet, dette medfører

2 at det heile tida må etablerast nye arbeidsplassar. Kvinnherad Arbeidarparti vil arbeida for gode rammevilkår for eksisterande og nye bedrifter. Samspelet mellom private bedrifter og offentlege institusjonar er viktig for og sikra god rekruttering. Arbeidet med og rekruttera nye tilsette med god/rett kompetanse vil vera ein av dei viktigaste utfordringane for og utvikla Kvinnherad vidare. SØRAL er den viktigaste enkeltbedrifta i kommunen og mykje av aktiviteten i Kvinnherad er avhengig av utviklinga på SØRAL. SØRAL er viktigaste enkeltfaktoren som har gitt Kvinnherad den veksten vi har opplevt dei siste femti år. Nye langsiktige kraftavtaler til SØRAL er det viktigaste næringstiltaket for Kvinnherad. Kvinnherad er rik på naturressursar og kultur, dette er ein av dei store fortrinna kommunen har i høve til mange kommunar. Desse ressursane må brukast aktivt i rekrutterings- og næringsutviklingsarbeidet. Landbruket er ei viktig næring i kommunen. Sjølv om talet på aktive bønder har gått ned, har det t.d. aldri vore produsert meir mjølk i Kvinnherad enn no. Til nytte og glede for alle blir kulturlandskapet vedlikehalde på ein framifrå måte. Dette er òg viktig for vidare reiselivssatsing i kommunen. Rammevilkåra for landbruket må betrast for og sikra god lønsemd og nødvendig rekruttering. Det må leggjast til rette for lokal matproduksjon og alternativ drift der dette er ynskjeleg. - Langsiktige kraftkontraktar til SØRAL - Sikra rammevilkår for næringslivet - Positiv og aktiv kommune for etablering og næringsutvikling - Fleire lærlingplassar - Motarbeida sosial dumping - Tilgang til næringsareal, også til sjø - Auka satsing på reiseliv - Rullering og revisjon av arealplanar - Gode rammevilkår for landbruket med vekt på jordvern - Framtidsretta linjetilbod ved KVV - Tilbod for midlertidige og varige tilrettelagte arbeidsplassar, vidare utvikla tilbod i regi av AFA - Utvikling av berekraftig oppdrettsnæring - Næringsutvikling i tilknyting til hjort og hjortejakt - Statlege arbeidsplassar til Kvinnherad - Aktiv næringsutvikling i strandsona - Utvikle båtplassar/-hamner også utvikla i reiselivssamanheng - Vidareutvikla potensialet i reiselivsnæringa

3 - Full utnytting av kapasitet og ressursar ved Valen sjukehus Samferdsle og trafikksikring Kvinnherad har mange utfordringar innanfor samferdsle. Innbyggjarane og næringslivet har aukande krav til transport inn og ut av kommunen, arbeids- og private reiser, pendling til skular og reiser til sjukehus og andre offentlege tenester. Kvinnherad Arbeidarparti vil kjempa for krava frå innbyggjarane om kortare reisetider, betre ferjer og hyppigare avgangar. Eit viktig verkemiddel for utvikling og vekst er forbetringar innanfor samferdsle. Kvinnheringane har stor nytte og glede av tidlegare storsatsing med Folgefonntunnelen og Halsnøysambandet. No må særleg sambandet mellom Kvinnherad og Stord betrast. Planlegging av langsiktig løysing mellom Kvinnherad og Stord/Tysnes etter at Halsnøysambandet er nedbetalt, må starta opp. Kvinnherad Arbeidarparti støttar arbeidet med den indre kyststamveg over Tysnes og Fusa. Den er viktig for og korta ned reisetida til og frå Bergen. - Rundkjøring ved Hellandsbrua - Ny Hellandsbru - Opprusting av Opsangervegen - Kortast mogeleg reisetid mellom Kvinnherad og Stord - Framtidsretta snøggbåttilbod mellom Kvinnherad og Sunnhordland, og vidare mot Bergen og Stavanger - Ferdigstilla gang- og sykkelveg på Sandvoll - Trafikksikring på Sunde - Ny Fureberg bru med rasteplass - Ny veg gjennom Lundsneset - Betre busstilbod i kommunen - Trafikksikre busslommer (barnesikre) - Gang- og sykkelveg mellom Uskedalen og Eidsvik skipsbyggeri - Ny fergjekai på Varaldsøy - Trafikksikring i Herøysundet - Betre vedlikehald av kommunale vegar - Realisering av Fjelberg-sambandet - Natt-ferje Årsnes Gjermundshavn med stjernestopp på Varaldsøy - Bru over Langenuen - Tunnel Skånevik Etne - Satsing på E 134 Haukelivegen - Utbetring av vegen gjennom Odda-dalen - Miljøvenlege ferjer - Korspondanse mellom forskjellige rutetilbod - Trygge skulevegar - Indre trase for kyststamvegen og bru over Langenuen

4 Skule og oppvekst Skular og barnehagar i Kvinnherad skal ha som mål å kunne tilby alle barn undervisning og opplæring med høg fagleg og pedagogisk kvalitet. Det må prioriterast og skapa gode og trygge læringsmiljø i oppdaterte og velhaldne bygg. Kulturskulen er eit viktig tilbod for unge til og utvikla sine kreative evner og interesser. Den er i tillegg ein del av utdanningsinstitusjonen då arbeidsmarknaden i framtida vil etterspørja kreativitet. Kulturskulen bidreg med eit ettertrakta underhaldingstilbod for alle aldrar. - Ny Undarheim skule, idrettshall og symjehall - Ferdigstilla nye Rosendal ungdomsskule - Ferdigstilla kulturskulebygget med fleire elevplasser/liner - Attraktive linjetilbod på KVV - Oppretthalde det kommunale tilskotet til Sunnhordland folkehøgskule - Kvalitet i ein god offentleg skule - Etter- og vidareutdanning kompetanseutvikling for lærarane - Tilrettelagt undervisning - Nynorskopplæring for framandspråklege - Full barnehagedekning i nærmiljøet - Gode læringstilhøve og trygge rammer med fokus på arbeid mot mobbing Pleie, omsorg og helse Arbeidarpartiet sitt mål er at alle skal få den hjelpa dei treng, når dei treng den. Det skal leggjast auka vekt på førebyggande tiltak for og betra folkehelsa for alle. Samhandlingsreforma skal styrkja kommunane si rolle når det gjeld førebygging og oppfylging etter avslutta sjukehusbehandling. Slik skal pasientane få eit betre tilbod i eigen kommune. Eldre personar utgjer ein veksande del av befolkninga. Meir fleksible løysingar og fleire tilsette i pleie- og omsorgssektoren trengs for og gje gode og trygge tenester. - Utbygging av Rosendals tunet - Sjukeheimsplass til alle som treng det - Verdig alderdom, ikkje stoppeklokke - Fleire gang- og sykkelstiar - Auka bruken av omsorgsløn - Verdige levekår for rusmisbrukarar med bustad- og aktivitetstilbod - Sentrumsnære bustader for mennesker med spesielle/særlege behov - Oppretthalda Varaldsøy aldersheim - Full utnytting av kapasitet og ressursar ved Valen sjukehus - Arbeide for og oppretthalda fullverdige akuttfunksjonar ved Stord sjukehus og

5 Odda sjukehus - Gje tilbod om gratis influensavaksine til alle over 65 år - Sikra avlastingstilbod for foreldre med barn som har store omsorgsbehov - Gje tilbod om fagopplæring til dei tilsette i pleie- og omsorgstenesta - Styrke barnevernstenesta - Styrke arbeidet mot alkohol- og narkotikamisbruk - Skjenketidene skal vere til kl Vidareføra rehabiliterings-tilbuda ved AFA, 2kryss, Aksen, Fatland aktivitetssenter Kultur og idrett Kultur og idrett er både velferdspolitikk og samfunnsbygging. Her er møtearenaer mellom generasjonar og grupper og mellom det lokale og internasjonale samfunnet. Arbeidarpartiet vil spesielt støtta aktørar i det lokale kultur- og idrettslivet som driv på frivillig basis. Arrangement som t.d. festivalar og idrettsstevner kan gje store vinstar både økonomisk og sosialt og er med på og gje kommunen vår ein positiv identitet. - Ny idrettshall og symjehall på Husnes - Kystkultursenter på Sunde - Skate-park ved Kulturskulesenteret på Husnes - Motorsportssenter i Fjellhaugen - Stimulere til frivillig drivne festivalar og stevner - Oppgradering/fast dekke av friidrettsbanen på Husnes - Videreutvikle Husnes som idrettssenter Miljø Kvinnherad kommune er ein av dei vakraste og, frå naturen si side, mest varierte i landet. Naturen med bre, fjell og strandsone er viktig både som rekreasjonsområde og i næringssamanheng. Saman med eit velhalde kulturlandskapet har vi omgjevnader dei fleste misunner oss. For Kvinnherad Arbeidarparti er det viktig og sikra at dette blir teke vare på for noverande og framtidige generasjonar. Klima-utfordringane er globale, men og lokalt må vi gjera vårt for å ta vare på naturressursane og redusera skadelege utslepp. Omsynet til miljøet skal difor trekkjast inn i alle politiske avgjerder. Meir effektiv energibruk i kommunale bygg Energinøytrale nybygg Ta miljøomsyn ved kjøp eller leige av kommunale kjørety

6 Ladestasjonar for el-bilar Arbeida for utnytting av spillvarmen frå SØRAL Utvikling av miljøbustader med nye energiløysingar Utvida kjeldesorteringa Meir berekraftig oppdrettsnæring Leggja til rette for småkraftutbygging Sikra god vasskvalitet og tilfredstillande avlaupshandtering gjennom kommunaldrift av anlegga Realisering av biobrenselanlegg Miljøvenlege ferjer og snøggbåtar Sikra innbyggjarane tigong til badeplasser og rekreasjonsområder ved sjøen Ta vare på kulturlandskapet og byggja gode tettstadmiljø