Møtebok for Formannskapet i Radøy. Forfall Parti Møtande varamedlem Christel Villanger Håland

Transkript

1 Radøy kommune Møtedato: Møtested: Kommunestyresalen Møtetid: 09:00 Møtebok for Formannskapet i Radøy Møtedeltakarar Parti Rolle Jon Askeland SP Ordførar Jostein Borlaug AP Varaordførar Anne Berit Bø Palmesen SP Medlem Kirsti Gjetle Floen AP Medlem Else Marie Skartveit Dale KRF Medlem Kenneth Taule Murberg H Medlem Normann Sæbø H Varamedlem Forfall Parti Møtande varamedlem Christel Villanger Håland H Andre møtande: Rådmann Jarle Landås, kommunalsjef Lisbeth T. Alvær i sak 028, møtesekretær Arthur Kleiveland Manger IL stilte med Atle Vaage og Johnny Hermansen i drøftingsmøte med formannskapet om turløype på Manger. Leiar NAV Radøy deltok i orienteringssak 034. Underskrifter: Jon Askeland Ordførar Arthur Kleiveland møtesekretær

2 Sakliste Saknr Tittel 028/2016 Turløype på Manger - status / kostnader / finansiering 029/2016 Justering av retningsliner for tildeling av startlån 030/2016 Kommunereform - møte i styringsgruppa 032/2016 Forvaltningsplan for sjøfugl i Hordaland - høyringsuttale 033/2016 Radøy - medlemskap i Cittaslow - oppfølging 034/2016 Oppfølging forvaltningsrevisjon NAV - orienteringssak 035/2016 Meldingar og referatsaker

3 Radøy kommune Saksframlegg Saknr Utval Type Dato 027/2016 Formannskapet i Radøy PS /2016 Formannskapet i Radøy PS Sakshandsamar Arkivsaknr.: Dokumentnr.: Tore Rikstad 15/240 16/517 Turløype på Manger - status / kostnader / finansiering Saksopplysingar: Saka gjeld I budsjettdokumentet for 2016 ber kommunestyret om ei sak med totalvurdering av kostnader for turvegen på Manger før arbeidet vert sett i verk. Bakgrunnen for dette er at kommunestyret er uroa for kostnadsauken i prosjektet. Bakgrunn Investeringsprosjektet Turveg, lysløype «ala Brekkeløypa» kom inn i budsjettet for 2015 i etterkant av rådmannen sitt framlegg til budsjett. I fleirtalsinnstillinga til budsjettet for 2015 heiter det at: «Fleirtalet løyver til at det vert laga ei universelt utforma turløype på Manger etter modell av Brekkeløypa i Knarvik. Dette for å styrkja folkehelsearbeidet. Det vert lagt til grunn 50 % medfinanisering gjennom spelemidlar, altså eit prosjekt til 2 mill. tilsaman.» Administrativt vart det sett ned ei arbeidsgruppe til å gjennomføra prosjektet, der m.a. Manger IL og Idrettsrådet var representert. Val av trasè vart lagt fram som sak for formannskapet , sak 023/15, der det vart fatta vedtak om at turvegen skulle leggjast sentralt på Manger i tilknytning til idrettsanlegget i Grønålen. Innleiingsvis vart det arbeidd ut frå ein føresetnad om at prosjektet var realiserbart innanfor ei ramme på omlag 2,5 mill, finansiert ved 1 mill. i kommunale midlar, 1 mill. i spelemidlar og ca kroner i bidrag frå Manger IL (sponsormidlar/gåvebrev/dugnad mm). Budsjettramma for prosjektet vart utvida til 2 mill. i kommunen sitt budsjett for 2016, for å kunne forskottera spelemidlar. Under arbeida med planlegging og utarbeiding av tilbodsgrunnlag for turvegen har det dukka opp ein del utfordringar som har både med trasèval, framdrift og kostnader å gjera. Ein mindre del av trasèen ligg nær ein steinheller registrert som freda kulturminne. Planlagt utforming av vegen her, med sprenging og steinfylling/fyllingsfot innafor sikringssona til steinhelleren, vil ikkje bli akseptert av kulturminneforvaltar (Hordaland Fylkeskommune og Riksantikvaren). I søknad til fylkeskommunen om inngrep/dispensasjon i freda kulturminne har vi difor opplyst om - og skissert ei utforming av ein reversibel trekonstruksjon/trebru (område 2 i kart). I øvrig trase er det særleg to område (område 1 og 3 i kart) som må løysast på annan måte enn veg med fyllingsfot. I område 1 (i kart) gjennom bøkeskogen er det i tråd med vedteken plan for

4 Nærmiljøanlegg ved Nesvatnet tenkt ein gråsteinsmur i staden for skråfylling for å halda massane på plass, og for å få til ei tilfredsstillande stigning på vegen. Her tenkjer ein seg i staden ei mindre kostbar løysing, t.d. med ein trekonstruksjon/trebru. I område 3 (i kart) vert traseen lagt over ein eksisterande veg ned til Nesvatnet. Her er det og tenkt å leggja ei bru over, som og medfører ein ekstrakostnad. Totalt medfører desse krava til tiltak i trasèen til ein uføresett kostnadsauke for prosjektet. Det gjenstår også ein del planarbeid knytt til etablering av løypa, då den ikkje ligg inne i gjeldande planar (kommunedelplan Manger). Løypa går mellom anna gjennom områda Offentleg barnehage, P2 parkering og Naturvernområde på land (bøkeskogen). Tiltaket krev dispensasjon frå arealføremål i planen. Det er halde førehandskonferanse med Teknisk forvaltning, men ein vil avventa innsending av byggjesøknad til dispensasjonssøknaden er handsama hjå kulturminneforvaltar. For å motta spelemidlar må løypa oppfylla Kultur-og kyrkjedepartementet sine krav til turveg. Løypa er prøvd planlagd etter desse krava, m.a. til stigningsforhold. Det er utarbeidd tilbodsgrunnlag for utlysing i Doffin basert på trasèval vedtatt i formannskapet. Prosjektet vart lyst ut på Doffin i midten på desember 2015, men raskt avlyst på bakgrunn av budsjettvedtaket og den vesentlege skilnaden mellom budsjettramme og forventa kostnad for prosjektet. Med bakgrunn i utarbeidd tilbodsgrunnlag og utfordringane/kostnadene ved deler av traseval (område 1, 2 og 3) i kart, samt erfaringstal frå liknande løyper, m.a. i Austrheim kommune, er det grunn til å tru at kostnaden i prosjektet vil vera vesentleg høgare enn vedtatt budsjettramme. Endeleg kostnad vil ikkje vera klar før prosjektet har vore ute på anbod. Estimerte kostnader for vedtatt trase for turveg på Manger: Kostnad utan veglys: Prosjektering og byggeleiing: Rigg/drift/uføresett: Sum entreprisekostnader: kr ,- eks. mva kr ,- eks. mva kr ,- eks. mva kr ,- eks. mva Vurdering Rådmannen meiner at ei realisering av turveg på Manger med ei estimert kostnadsramme på over 5 mill kr vil vera utfordrande å finna rom til i 2016, slik økonomien er i Radøy. Estimert kostnad på om lag 5,2 mill er om lag ei dobling i høve til kostnadsramma som er lagt til grunn ved oppstart av arbeidet. Manger IL har signalisert eit bidrag på kr , og det vil vera grunnlag for søkja om inntil 1 mill i spelemidlar tilprosjektet, slik at total kostnad for kommunen vert dertil redusert, men er framleis høg. Slik saka står no kjem ein ikkje vidare med arbeidet før tiltaket er godkjent og detaljert kostnadsoverslag og finansieringsplan er avklart. I den samanheng må det også avklarast kor mykje av dei 2 mill. som er sett av i budsjettet for 2016 som evt. skal gå til andre tursti/turvegprosjekt. I budsjettdokumentet heiter det at «kommunestyret vil at alle tre prosjekta vert vurderte innan fellespott på kr ,- i 2016». Rådmannen vil rå til at alternative løysingar vert drøfta og vurdert, t.d.:

5 a. Utbygginga av prosjektet vert delt opp i fleire etappar, der ein kortare del av løypa vert realisert som trinn 1, t.d. Grønålen-Prestegardshagen. Det ligg då til grunn at turvegen vert utvida på seinare tidspunkt. Ei fullføring av turvegen vil kunne kvalifisera for tildeling av spelemidlar til prosjektet. b. Lengda på turvegen vert redusert til min. 1 km. Ved særskilte høve kan det søkast om spelemidlar til turveg som er kortare enn 2 km, men minimum 1 km. Spelemidlane vert då evt. avkorta til max. kr c. Prosjektera ein kortare turveg som kan realiserast innanfor vedtatt budsjettramme i Kommunen kan risikera at løypa ikkje kvalifiserer til tildeling av spelemidlar. d. Andre aktørar står for gjennomføring av utbygging av turvegen, og kommunen bidreg økonomisk til realisering av prosjektet. Konklusjon På bakgrunn av ei heilskapleg vurdering meiner rådmannen at ei utbygging av turveg på Manger med ei kostandsramme på vel 5 mill. ikkje vil vera tilrådeleg i den økonomiske situasjonen kommunen er i. Rådmannen meiner at alternative løysingar bør drøftast. Rådmannen sitt framlegg til vedtak: Saka vert lagt fram til drøfting utan framlegg til vedtak. Formannskapet i Radøy - 027/2016 FS - handsaming: Prosjektleiar Tore Rikstad orienterte om arbeidet med turveg-prosjektet og om dei utfordringar som ein har dukka opp. Det viser at gjennomføringa av ei 2 km lang turveg-løype vil bli langt dyrare enn det er tatt høgde for i budsjett for Formannskapet drøfta saka grundig, og konkluderte med at kommunen sin økonomiske situasjon ikkje gjer det tilrådeleg med ei investering på over 5 mill. på turløype-prosjektet på Manger. Formannskapet ønskjer å ha eit drøftingsmøte med Manger IL for å få finna ei god løysing på eit rimelegare turløype-prosjekt. Det vart sett fram følgjande felles framlegg i møtet: Utbygging av turveg på Manger med ei kostnadsramme på vel 5 mill. kroner er ikkje tilrådeleg i den økonomiske situasjonen kommunen er i. Alternative løysingar må utarbeidast. Manger IL vert invitert til drøftingsmøte i formannskapet. FS - vedtak: Utbygging av turveg på Manger med ei kostnadsramme på vel 5 mill. kroner er ikkje tilrådeleg i den

6 økonomiske situasjonen kommunen er i. Alternative løysingar må utarbeidast. Manger IL vert invitert til drøftingsmøte i formannskapet. Formannskapet i Radøy - 028/2016 FS - handsaming: Representantar frå Manger Idrettslag, Atle Vaage og Johnny Hermansen, var inviterte til drøftingsmøte med formannskapet om å tenkja nytt kring Mangerløypa, ei universelt utforma grusløype for tur, jogging og folkehelse for alle. Ordførar Jon Askeland orienterte om bakgrunnen for saka og drøftingsmøtet. Det har oppstått kostnadsutfordringar. For å få spelemidlar må anlegget normalt vera minst 2 km lang, og dette har drive kostnadene opp. I møtet var det drøfta ulike alternative løysingar for å få framdrift i prosjektet. Ordføraren oppsummerte drøftingsmøtet og samling rundt felles tilnærming: Ambisjonane står fast! Manger-løypa vil vera eit viktig folkehelseprosjekt, og tilleggskvalitet som vil auka attraktiviteten til vakre Manger endå meir! Rådmannen vurderer no ei trinnvis utbygging, og lagar forslag til fleire alternativ, som får kostnadene for kommunen ned. Rådmannen tek også kontakt med fylkeskommunen for å få vurdert noko kortare/justert trasé på nokre stader. Manger idrettslag tilbyr stor dugnadsinnsats, og idrettslaget og rådmannen vil saman vurdera om det kan skaffast tilskot frå stiftingar mm. Formannskapet rosa rådmannen og Manger IL for stor vilje til å finna gode løysingar for dette viktige prosjektet for Manger og Radøy. Rådmannen kjem tilbake med sak til formannskapet. FS - vedtak: Vedlegg: Kart turløype Manger Turløype på Manger (L)(40539)

7 Radøy kommune Saksframlegg Saknr Utval Type Dato 029/2016 Formannskapet i Radøy PS Kommunestyret i Radøy PS Sakshandsamar Arkivsaknr.: Dokumentnr.: Sveinung Kvamme 15/ /2785 Justering av retningsliner for tildeling av startlån Saksopplysingar: Kommunestyret har i sak 022/14 vedteke retningsliner for tildeling av startlån i Radøy kommune. I hovudsak følgjer desse den statlege forskrifta, men med ein del innskrenkingar. Etter punkt 4) i retningslinene er det personar med nedsett funksjonsevne og særleg vanskelegstilte som skal prioriterast for startlån. I 2015 kom det 20 søknader om startlån, av desse fekk 14 avslag fordi dei ikkje er innafor dei prioriterte målgruppene. I 2014 var det 29 søknader, og 11 av desse fekk avslag. Ny forskrift vart sett i kraft frå 1. april 2014, og dette har vore klårt medverkande til at talet på søknader har gått ned. I balansen pr stod det udekka startlån kr frå I løpet av 2015 er det betalt inn ekstraordinære avdrag på om lag 2,3 mill, og det er gitt færre tilsegner om nye lån. Dette gjer at Radøy kommune pr har kr som startlånsfond, som kan lånast ut på nytt. Det er også søkt Husbanken om nye 3 mill til vidare utlån i Dette betyr at vi har monaleg meir midlar til utlån i 2016 enn i Rådmannen vurderer det difor som ønskjeleg å mjuka litt opp på retningslinene, slik at også førstegongsetablerar med små barn vert ei prioritert gruppe. Ein føresetnad for dette er at søkjarane er økonomisk vanskelegstilte. Rådmannen meiner at ein difor skal leggja til grunn ei inntektsgrense på 5G for einslege (med barn) og 8G for familiar (med barn). Alle inntekter skal reknast med i denne avgrensinga. Det er også nødvendig å gjera ei avgrensing mot studentar, slik at studentar som følgjer eit normalt løp, ikkje kjem inn under ordninga. Dei fleste vil etter kvart koma i normalt arbeid, og vil kunna skaffa finansiering utan bruk av startlån. Rådmannen ønskjer også å heva normalgrensa for tildeling av startlån frå kr til kr Grensa har vore om lag uendra i ei årrekkje, og bør justerast som følgje av generell prisvekst på bustader. Rådmannen sitt framlegg til vedtak: Radøy kommune sine retningsliner for startlån, punkt 4) vert endra slik: Bruken av startlån vil kunna variera av ulike grunnar. Startlån er ein avgrensa ressurs, og søknader kan verta avslegne fordi låneramma er oppbrukt eller avgrensa, eller dersom trongen for bustad kan settast på annan måte. Når midlane er avgrensa, vert følgjande grupper prioritert:

8 a) personar med nedsett funksjonsevne b) særleg vanskelegstilte c) førstegongsetablerarar med små born. Gruppe c) er avgrensa til husstandar med samla inntekt under 5G (einslege med born) eller 8G (familiar med born). Alle inntekter skal reknast med når grensa vert fastsett. Det er ein føresetnad at inntektsnivået er varig, slik at t.d. studentar i eit normalt løp ikkje vil vera ei prioritert gruppe. Punkt 8) i retningslinene vert enda slik: Radøy kommune gir til vanleg startlån berre som topplån der private finansieringsinstitusjonar eller Husbanken gjev grunnfinansiering. Startlån vil til vanleg vera avgrensa til kr I særlege tilfelle kan det også gjevast bustadtilskot. Dette føreset at fleire kommunale tenesteområde er involvert i prosessen. Formannskapet i Radøy - 029/2016 FS - handsaming: Rådmannen viste til at sak om justering av retningsliner for tildeling av startlån er lagt fram på bakgrunn av signal frå politisk hald tidlegare. Justeringa vil gjera det mogleg å innvilga startlån til søkjarar innanfor fleire grupperingar innanfor dei knappe midlane som kommunen har til vidare utlån frå Husbanken. Formannskapet vedtok samrøystes rådmannen sitt framlegg til vedtak. FS - vedtak: Radøy kommune sine retningsliner for startlån, punkt 4) vert endra slik: Bruken av startlån vil kunna variera av ulike grunnar. Startlån er ein avgrensa ressurs, og søknader kan verta avslegne fordi låneramma er oppbrukt eller avgrensa, eller dersom trongen for bustad kan settast på annan måte. Når midlane er avgrensa, vert følgjande grupper prioritert: a) personar med nedsett funksjonsevne b) særleg vanskelegstilte c) førstegongsetablerarar med små born. Gruppe c) er avgrensa til husstandar med samla inntekt under 5G (einslege med born) eller 8G (familiar med born). Alle inntekter skal reknast med når grensa vert fastsett. Det er ein føresetnad at inntektsnivået er varig, slik at t.d. studentar i eit normalt løp ikkje vil vera ei prioritert gruppe. Punkt 8) i retningslinene vert endra slik: Radøy kommune gir til vanleg startlån berre som topplån der private finansieringsinstitusjonar eller Husbanken gjev grunnfinansiering. Startlån vil til vanleg vera avgrensa til kr I særlege tilfelle kan det også gjevast bustadtilskot. Dette føreset at fleire kommunale tenesteområde er involvert i prosessen.

9 Radøy kommune Saksframlegg Saknr Utval Type Dato 030/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 14/250 16/3422 Kommunereform - møte i styringsgruppa Saksopplysingar: Kommunestyret vedtok 3.mars 2016 å leggja ut på høyring intensjonsavtale for 3-kommunaralternativet og 8-kommunar-alternativet, og premiss for drift av Radøy kommune som eigen kommune også i framtida. Kommunestyret har tidlegare vedteke at innbyggarane i Radøy kommune skal høyrast gjennom ei opinionsundersøking. Resultatet frå denne undersøkinga skal leggjast fram 23. mai. På møtet i styringsgruppa vert det lagt opp til ei drøfting om gjennomføring og innhald i opinionsundersøkinga. Rådmannen og varaordføraren vil orientera frå eit møte med Nordhordland Utviklingsselskap IKS om dette temaet. Det vert også naturleg at styringsgruppa drøftar prosessen i tidsrommet mellom 23.mai då resultatet frå opinionsundersøkinga er klart, og fram til endeleg avgjerd i kommunestyret 22. juni. Rådmannen sitt framlegg til vedtak: Formannskapet i Radøy - 030/2016 FS - handsaming: Styringsgruppa oppsummerte status så langt. Mellom anna vart det ein kort gjennomgang av folkemøtet, som samla ca 45 personar i kinosalen på Manger 16.mars. Det vart også ei drøfting av opinionsundersøkinga som skal gjennomførast som siste høyring av radværingane. Det vert lagt opp til at undersøkinga skal omfatta 700 respondentar, som utgjer nærare 20 prosent av dei som har stemmerett i Radøy. Også 16-åringane skal vera med i undersøkinga. Det er regionrådet som skal administrera prosessen rundt opinionsundersøkinga, og innhentar tilbod frå aktuelle byrå. Det vert lagt vekt på at dei kommunane som gjennomfører opinionsundersøking må ha nokolunde same spørsmålstillinga. Styringsgruppa er tydeleg det må stillast fleire spørsmål utover

10 hovudspørsmålet om ja eller nei til å gå inn i ein ny kommune. Rådmannen informerte om at spørsmålstillinga i opinionsundersøkinga vil bli lagt fram til politisk handsaming i formannskapet 14. april. Resultatet frå undersøkinga skal leggast fram 26. mai. Dei hovudtillitsvalde i styringsgruppa skal ta initiativet til eit informasjonsmøte for dei tilsette. Dei tilsette sine organisasjonar og rådmannen finn dato for møte med dei tilsette. Hovudtillitsvald Else Soltveit i Fagforbundet tok opp spørsmålet om å senda intensjonsavtalane ut på høyring til lag og organisasjonar. Det slutta styringsgruppa seg til. Ordføraren forfattar høyringsbrevet som blir sendt ut til lag og organisasjonar. Else Soltveit informerte også om at ho hadde registrert ein del kommentarar på at politikarane på førre kommunestyremøte gjorde klart sitt standpunkt i spørsmål om ny kommune før folk hadde sagt sitt i opinionsundersøkinga. Kenneth Murberg (H) svara at det ikkje kan vera kritikkverdig at folk veit kva politikarane står for. FS - vedtak:

11 Radøy kommune Saksframlegg Saknr Utval Type Dato 032/2016 Formannskapet i Radøy PS Sakshandsamar Arkivsaknr.: Dokumentnr.: Kristine Skaiaa Born 16/404 16/2652 Forvaltningsplan for sjøfugl i Hordaland - høyringsuttale Saksopplysingar: Bakgrunn Radøy kommune mottok «Forvaltningsplan for sjøfugl i Hordaland» til høyring. Fylkesmannen i Hordaland ber her om innspel frå kommunar, lag, organisasjonar og spesielt grunneigarar som eig naturreservat og hekkeområde. Høyringsfristen er (Sjå vedlagt høyringsbrev). Sidan år 2000 har Radøy kommune 26 observasjonar av trua artar, av desse er 7 artar sjøfuglar. Vi har naturreservat for sjøfugl som er med i planen, Synnøy og Loddå. Det er og laga forvaltningsråd for hekkekolonien i Langøyane. Vurdering Folkehelse Friluftsliv og naturopplevingar er viktig for innbyggarane i Radøy kommune, både på vatn, sjø og land. Varierte miljø- og naturopplevingar gjer godt for både motivasjon og trivsel på tur. Gjenoppretting av sjøfuglbestandane på kysten vil gje ein positiv effekt. Naturmangfold og forvaltaransvar Radøy kommune ønskjer å bidra til ei balansert og heilskapleg arealforvaltning. Naturmangfaldet er ein viktig del av den grøne øya. Som forvaltar har kommunen, både politikarar og administrasjon, ansvar etter naturmangfaldlova. Oppfølging av forvaltningsplan for sjøfugl vil vera ein viktig del av kommunen sin arealpolitikk. Dette er særleg viktig i dei områda kor det ikkje er gitt offisiell vernestatus (slik som i til dømes naturreservat), som mellom anna i Langholmane. Konklusjon Radøy kommune er svært positive til arbeidet med forvaltningsplan for sjøfugl i Hordaland og ønskjer å følgja opp planen i tida framover.

12 Rådmannen sitt framlegg til vedtak: Radøy kommune gir følgjande uttale til forvaltningsplan for sjøfugl i Hordaland: Radøy kommune er svært positiv til arbeidet med forvaltningsplan for sjøfugl i Hordaland og ønskjer å følgja opp planen i tida framover. Konkrete kommentarar til planen er lista opp under: Kap 4. Synnøy naturreservat og Loddå naturreservat Det er svært bra med så konkrete tiltaksforslag for dei ulike områda. Kommunen vil og framheva verdien av godt lokalt engasjement, som i Synnøy. Kap. 5 Langholmane Desse holmane ligg i Radøy kommune, gbnr 42/1. Kommunen set naturopplevingar og naturmangfald høgt og vil i samråd med grunneigar vurdera bandlegging av desse holmane. Formannskapet i Radøy - 032/2016 FS - handsaming: Formannskapet vedtok samrøystes rådmannen sitt framlegg til høyringsuttale. FS - vedtak: Radøy kommune gir følgjande uttale til forvaltningsplan for sjøfugl i Hordaland: Radøy kommune er svært positiv til arbeidet med forvaltningsplan for sjøfugl i Hordaland og ønskjer å følgja opp planen i tida framover. Konkrete kommentarar til planen er lista opp under: Kap 4. Synnøy naturreservat og Loddå naturreservat Det er svært bra med så konkrete tiltaksforslag for dei ulike områda. Kommunen vil og framheva verdien av godt lokalt engasjement, som i Synnøy. Kap. 5 Langholmane Desse holmane ligg i Radøy kommune, gbnr 42/1. Kommunen set naturopplevingar og naturmangfald høgt og vil i samråd med grunneigar vurdera bandlegging av desse holmane. Vedlegg: Forvaltingsplan for sjøfugl i Hordaland - høyring Forvaltingsplan for sjøfugl i Hordaland - høyring Adresseliste Forvaltingsplan sjøfugl 2015 LD Sjøfugl kart

13

14 Radøy kommune Saksframlegg Saknr Utval Type Dato 033/2016 Formannskapet i Radøy PS Sakshandsamar Arkivsaknr.: Dokumentnr.: Toril Marie Mulen 14/ /2489 Radøy - medlemskap i Cittaslow - oppfølging Saksopplysingar: Det vart lagt fram sak i formannskapet : «Rådmannen sitt framlegg til vedtak: Formannskapet er positiv til at administrasjonen går vidare med å utarbeide ein søknad om medlemskap i Cittaslow.» Vedtak i formannsskapet : Formannskapet i Radøy - 063/2014 FS - handsaming: Landbrukssjef Toril Mulen orienterte og svara på spørsmål om CittaSlow-konseptet og kva som blir forventa av medlemskommunane. Ho viste mellom anna til gode erfaringar frå Sokndal kommune. Formannskapet ønskjer å få utgreidd dette konseptet nærare, mellom anna kva kostnadar og ressursar kommunen må stilla med. Ordføraren bad også om at det vert gjort ei enklare vurdering av slow-food-konseptet. CittaSlow baserer seg på eit sterkt engasjement på grasrota, og at eldsjelene har eit eigarforhold til konseptet. I det vidare utgreiingsarbeidet skal administrasjonen få avklart kor stor interessa er mellom aktuelle aktørar i Radøy. Rådmannen signaliserte at det kan vera aktuelt å koma tilbake til formannskapet med ei sak før ein søknad om medlemskap i Cittaslow vert utarbeidd. Formannskapet vedtok samrøystes rådmannen sitt framlegg. FS - vedtak: Formannskapet er positiv til at administrasjonen går vidare med å utarbeide ein søknad om medlemskap i Cittaslow. Kort litt om det som var forut for sak lagt fram i formannskapet i 2011 og 2012: Vi hadde i 2011 og 2012 eldsjeler som ivra for at Radøy kommune måtte bli ein Cittaslow-kommune. Føremålet var at det er bra for næringslivet og næringsutviklinga i kommunen. Det er med på å gje positiv merksemd og tiltrekkje seg besøkande. Vi hadde til og med besøk frå Sokndal kommune som er ein erfaren Cittaslow-kommune, med ope folkemøte på Smiths møte- og selskapslokale. Det vart også gjennomført guida turar med veteranbussar gjennom kulturlandskapet i Radøy med smak av kva kommunen har å tilby av opplevingar og bedriftsbesøk. Desse vart besøkt på rundturen: Radøy ridesenter på Solend, Kviste gard med sal av villsauskinn og -kjøt, og informasjon om Inn på tunet-tenestene, ein køyrde gjennom kulturlandskapsprisutmerka Sæbøbygda med utsyn til Solheimsåsen, gardsbesøk hos Tjore gardsmat med smaksprøver, Brattetaule gard - ein hyggeleg stad å vere for små og store familieselskap, vitja Radøystova med alt dei har å tilby i tillegg til kurs og

15 vedfyrt bakarovn, vitja nybygd, topp moderne fjøs med mjølkekyr på Sletta hos Bjørnar Floen, og visningssenteret for fiskeoppdrett hos Arthur Marøy. Desember 2014 hadde ein ope folkemøte på Manger i kommunestyresalen, der få kom, men dei som kom var engasjerte. Jon Askeland opna møtet og fortalde kort om bakgrunnen for CittaSlow og korleis «ståa» er no med at politikarane er opne for at Radøy skal kunne søkje medlemsskap i Cittaslow om det er lokal interesse og forankring for prosjektet. Det vart valgt personar til eit mellombels styre, som skulle planlegge eit nytt ope folkemøte på nyåret i 2015 der Natalia Golis frå Ulvik skulle være med. Det vart lagt fram sak i formannskapet : Rådmannen sitt framlegg til vedtak: Radøy kommune søkjer medlemskap i Cittaslow. Formannskapet i Radøy sak 035/2015: FS - vedtak: Saka vert utsett. Formannskapet ber rådmannen få avklart dei næringsdrivande si interesse for Cittaslow-medlemsskap. Nye moment i saka sidan førre gong spørsmålet om mogleg Cittaslow-medlemsskap for Radøy vart teke opp i april 2015 er: Mogleg kommunesamanslåing er sannsynleg. Det er uhensiktsmessig når det er mogleg med kommunesamanslåing å satse på Radøy som ein Cittaslow-kommune. Radøy kommune har ikkje midlar til eit slikt mobiliseringsprosjekt. Etter vedtaket som vart fatta av formannsskapet i sak 035/2015 vart det teke kontakt frå administrasjonen si side med ad-hoc styret i Cittaslow. Dei ynskte forpliktande vedtak frå politikarane med lovnad om midlar for å jobbe vidare med Cittaslow-mobiliseringa. Vurdering Det er fleire argument for Radøy kommune å søkje medlemsskap i Cittaslow-rørsla. I startfasen var det eit visst positivt engasjement mellom næringsliv og lokale aktørar. Det vart gjennomført ope folkemøte på Smith s møte og selskapslokale, med besøk frå Sokndal. På eit Radøy-streif i veteranbuss fekk folk sjå vakker natur, kultur og dei gode ressursar Radøy har å by på. I tilknyting til denne mobiliseringsfasen vart det likevel ikkje søkt om medlemskap i Cittaslow. Av ulike årsaker gjekk det ei tid frå fasen med mobiliserande aktivitetar og fram til det vart lagt fram sak om søknad om medlemsskap. Formannsskapet ba om at saka vart meir utgreidd og at eit mogleg medlemskap var betre forankra mellom næringsdrivande. Det er avgjerande at eit Cittaslow-medlemskap er lokalt forankra for å lukkast. Administrasjonen opplever at forankringa og engasjementet mellom lokale aktørar ikkje er stor nok til at utbyttet av eit medlemskap vil stå i forhold til kostnader og ressursbruk. Difor finn rådmannen det i denne omgang ikkje riktig å gå vidare med ein søknad om Cittaslow-medlemskap. Rådmannen sitt framlegg til vedtak:

16 Radøy kommune går ikkje vidare med søknad om medlemskap i Cittaslow-rørsla på noverande tidspunkt. Formannskapet i Radøy - 033/2016 FS - handsaming: Ordføraren orienterte om prosessen for eit mogleg kommunalt medlemskap i Cittaslow-rørsla. Han slo fast det er nødvendig med eit sterkt lokalt engasjement for å lukkast og utnytta eit medlemskap. Ordføraren viste til erfaringar frå andre kommunar, som tyder på at kommunen må setja av ei 20 prosent stilling til arbeidet med Cittaslow, og då meiner ordføraren at desse ressursane kan nyttast betre innanfor t.d. biosfæreprosjektet "Smaken av Nordhordland" og ei satsing på næringsutvikling. Formannskapet vedtok samrøystes rådmannen sitt framlegg til vedtak. FS - vedtak: Radøy kommune går ikkje vidare med søknad om medlemskap i Cittaslow-rørsla på noverande tidspunkt.

17 Radøy kommune Saksframlegg Saknr Utval Type Dato 034/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 14/ /3444 Oppfølging forvaltningsrevisjon NAV - orienteringssak Saksopplysingar: Bakgrunn Nordhordland Revisjon presenterte i kommunestyret 10.desember 2015 forvaltningsrapporten «NAV ressursbruk og rutinar for oppfølging av mottakarar av sosial stønad i Radøy kommune». Rapporten var utarbeidd på bestilling frå kontrollutvalet. Kommunestyret gjorde i sak 061/2015 følgjande vedtak: "Kommunestyret sluttar seg til revisjonen sine konklusjonar og tilrådingar. Kontrollutvalet ber om at rådmannen kjem med tilbakemelding til kommunestyret innan juni 2016 om administrasjonen si oppfølging av rapporten." Forvaltningsrevisjons-prosjektet var avgrensa til systemnivå og problemstillingane i prosjektet var følgjande: 1. Korleis er ressursbruken i NAV Radøy samanlikna med eit utval andre kommunar ogkorleis er ressursane fordelt i høve til tenester og oppgåver som følgjer av formålet med lova? 2. Har NAV Radøy eit system for å sikra oppfølging av langtidsmottakarar av økonomisk sosialhjelp? Forvaltningsrapporten kjem mellom anna med følgjande konklusjonar: «NAV Radøy har eit system for å følgja opp langtidsmottakarar av økonomisk sosialhjelp. Systemet byggjer på kartlegging og vurdering av mottakarane sine bistandsbehov, bruk av tiltak og samarbeid med andre partar og bruk av vilkår ved tildeling av økonomisk sosialhjelp. Systemet sikrar ikkje at kartlagd informasjon og vurderingar av bistandsbehovet og omfanget av dette, vert dokumentert. Systemet har eit sterkt fokus på arbeidsretta tiltak, medan fokuset på sosialfaglege tiltak er svakare. Dette er òg synleg i måten vilkår er nytta på. Vilkår er i stor grad retta mot standardiserte, arbeidsretta vilkår, og orientert mot systemkrava i den statlege delen av NAV. Systemet sikrar ikkje at det vert gjeve informasjon om individuell plan til stønadsmottakarar med behov for langvarige og koordinerte tenester, og såleis ikkje at individuelle planar vert utarbeidd for stønadsmottakarar som kan ha ønskje og behov for tenesta.» I eit kommunebrev informerer Arbeids- og velferdsdirektoratet kommunane om nasjonale mål,

18 regjeringa sine satsingsområde og tilskotsmidlar innanfor sosiale tenestene i arbeids- og velferdsforvaltninga for 2016 (Kommunebrev vedlagt). Rådmannen legg opp til ei orientering i formannskapet om oppfølging av forvaltningsrapporten for NAV Radøy og kommunebrevet frå Arbeids- og velferdsdirektoratet. Rådmannen kjem med tilbakemelding til kommunestyret om oppfølging av rapporten. Rådmannen legg orienteringssaka fram for formannskapet utan framlegg til vedtak. Rådmannen sitt framlegg til vedtak: Formannskapet i Radøy - 034/2016 FS - handsaming: Leiar ved NAV Radøy, Svein Ove Skjoldal, gav ein status for tenesta og orienterte formannskapet om tiltak som er gjennomført for å følgja opp tilrådingane i forvaltningsrapporten. Skjoldal sa at NAV Radøy har ei stabil personalgruppe, med lite fråver og dyktige saksbehandlarar som står på utover det som kan forventast. Som eit ledd i oppfølginga av forvaltningsrapporten er rutinar lagt om ved NAV-kontoret. Skjoldal peika på at det er etablert eit system som gjer at kontoret tidlegare fangar opp vilkår for sosialhjelp. Han sa at det no blir gjort ei grundigare kartlegging av brukarane, og felles saksmøter kvar veke sikrar lik praksis ved kontoret. Skjoldal konstaterte at dei ikkje har vore flinke nok til å syta for at kontoret sine vurderingar var synleg i systemet. Også dette er retta opp no. NAV-leiaren orienterte om at det blir lagt opp individuell plan for brukar når ein vurderer at det er behov for det - og avhengig av kor komplekst saka er. Svein Ove Skjoldal orienterte også om det såkalla "Kommunebrevet" frå Arbeids- og velferdsdirektoratet, der det blir sett fokus på nasjonale mål, regjeringa sine satsingsområde og tilskotsmidlar innanfor sosiale tenester i arbeids- og velferdsforvaltninga for Aktivitetsplikt for sosialhjelps-mottakarar er eit sentralt tema i kommunebrevet. I forhold til nabokommunar har Radøy eit høgt tal personar som mottar økonomisk sosialhjelp. Skjoldal peika også på at sjukefråveret er høgt blant radværingane, og at lågt utdanningsnivå og låg gjennomsnittsinntekt skapar utfordringar når arbeidsmarknaden stramar seg til. Skjoldal la fram statistikk som viser at det i 2015 var 176 brukarar av sosialhjelp ved NAV, ein viss auke frå I 2015 var 27 flyktningar med i introduksjonsprogrammet. I år skal det etter planen busetjast 25 flyktningar i kommunen. Rådmannen vil koma med tilbakemelding til kommunestyret om oppfølging av forvaltningsrapporten. Saka vart i denne omgang lagt fram for formannskapet til orientering, og det vart ikkje fatta noko vedtak. FS - vedtak: Vedlegg: Forvaltningsrapport NAV Ressursbruk og rutinar for oppfølging av mottakarar av sosial stønad i Radøy kommune Kommunebrevet 2016

19

20 Radøy kommune Saksframlegg Saknr Utval Type Dato 035/2016 Formannskapet i Radøy PS Sakshandsamar Arkivsaknr.: Dokumentnr.: Arthur Kleiveland 16/561 16/3427 Meldingar og referatsaker Saksopplysingar: Det vert lagt fram følgjande meldingar og referatsaker: a. Regionrådet protokoll møte 5. februar 2016 b. Velferdsteknologi-prosjektet i Lindås presentasjon i regionrådet c. Nordhordland biosfæreområde presentasjon i regionrådet d. Skjønsmidlar til fornyings- og innovasjonsprosjekt i kommunane 2016 presentasjon i regionrådet e. Møteplan i regionrådet og utval 2016 f. Kommunal planstrategi - synspunkt frå Hordaland fylkeskommune til kommunane i Hordaland g. AUFERA årsrapport 2015 h. Orienteringar frå rådmann og ordførar Rådmannen sitt framlegg til vedtak: Meldingar og referatsaker vert tekne til orientering Formannskapet i Radøy - 035/2016 FS - handsaming: Regionale utval: Ordførar Jon Askeland informerte om ny utvalsstruktur i Regionrådet for perioden for Det blir tre utval som no, men med nokre endringar av oppgåver og innhald i utvala. Den nye strukturen inneber at Regionrådet i denne perioden skal ha utval for helse og omsorg, utval for næring- og samfunnsutvikling, og utval for kultur, omdømme og kunnskapsutvikling. Det er tre ordførarar med i kvart utval. Radøy-ordføraren er med i utval for kultur, omdømme og kunnskapsformidling. Investeringar - status: Rådmannen gav ei oversikt over status for årets investeringar og orienterte om dei ulike prosjekt. Arbeidet med dei aller fleste investeringane er igang, men nokre få investeringar må av ulike grunnar avventa igangsetjing. Han sa at administrasjonen ønskjer å sjå i samanheng arbeidet med fasade/lager i Radøyhallen - og lyssetjing av uteområdet ved hallen. Det gav formannskapet si tilslutning til. Det vart også orientert om arbeidet i innspel-gruppene som er sett ned for ny barnehage på Bø og oppgradering av garderobeanlegg ved Manger skule. Det vart drøftingar rundt den vidare prosessen med barnehage på Bø. Her blir det eit nytt møte i

21 innspel-gruppa før neste steg blir tatt. Også om kommunen skulle gå for eit nøkkelferdig bygg, er det rådmannen si tilråding at kommunen får anbod på arkitektteikna skisser for å gje føringar for den endelege løysinga. Ordførar Jon Askeland informerte om at innspelgruppa for prosjektet på Manger skule går inn for at noverande gymsal og garderobar i denne omgang vert ståande og forsiktig renovert. Dermed vil skulen raskt få godkjende garderobar. Samtidig er det planar om å riva scena i gymsalen og få større golvflate. Ordføraren signaliserte at dette arbeidet ikkje vil kunna gjennomførast innanfor ei ramme på 2,5 mill. kroner. Asfaltering: Ordføraren informerte om at det ikkje blir lagt asfalt på fylkeskommunal veg i I Nordhordland er det berre nokre strekningar i Lindås som blir asfaltert. Kommunale vegar i Radøy skal asfalterast, og administrasjonen informerte om at anboda er komne inn. Tannklinikk-struktur: Ordføraren orienterte kort om fylkestinget sitt vedtak om tannlegestruktur og om drøftingar som er gjort i ettertid. AUFERA: Årsmeldinga frå Aufera for 2015 vart sendt ut i saksdokumenta. Dagleg leiar i Aufera, Kari Smith, vert invitert til å presentera årsmeldinga i neste kommunestyre. Kulturdagane: Formannskapet fekk utdelt programmet for kulturdagane i Radøy, og det vart retta ros til administrasjonen for eit godt program. Det er tradisjon for at medlemane i formannskapet (som også er kulturstyre) stiller på ulike arrangement, og det er det lagt opp til denne gongen også. Kransnedlegging 17. mai: Det er tradisjon for at nokon frå formannskapet (kommunestyret) held tale og legg ned krans på bautaen ved dei ulike kyrkjene i Radøy. I år har følgjande sagt ja til oppdraget: Sæbø kyrkje - Jon Askeland, Hordabø kyrkje - Kirsti Gjetle Floen, Emigrantkyrkja - Jostein Borlaug, Manger kyrkje - Vidar Grindheim blir spurt. Formannskapet tok meldingar og referatsaker til orientering, med tillegg sett fram i møtet. FS - vedtak: Meldingar og referatsaker vert tekne til orientering. Vedlegg: Protokoll Regionrådet , 5. februar Velferdsteknologiprosjektet Lindås Nordhordland biosfæreområde Skjønsmidlar 2016 Møteplan Regionrådet og utval 2016 rev 5. februar 2016 Kommunal planstrategi (L)(76013) AUFERA_årsrapport_2015