Generelle kontraktsvilkår

Transkript

1 Generelle kontraktsvilkår Generelle kontraktsvilkår er ein integrert del av kontrakt med Forskingsrådet om FoU-prosjekt. Følgjande generelle vilkår gjeld frå dersom ikkje anna er skriftleg avtala. 1 Viktige omgrep Administrativt ansvarleg: Den personen som har fullmakt til å representere og forplikte prosjektansvarleg overfor Forskingsrådet. Aktiv samarbeidspartnar: Konsortiedeltakar som ikkje er prosjektansvarleg og som har teke på seg ansvar overfor prosjektansvarleg for å hjelpe til med ressursar til å gjennomføre prosjektet. Andre samarbeidspartnarar: Personar og institusjonar som tek fagleg del i prosjektet utan å forplikte seg som konsortiedeltakar. Deira rolle går fram av prosjektskildringa. Avtaledokument: Det dokumentet som partane signerer og som inneheld avtala presiseringar og reguleringar for prosjektet. Faktiske kostnader: Direkte og indirekte kostnader. Finansieringsplan: Den økonomiske planen for gjennomføring av heile prosjektet som er avtala mellom partane. Omfattar både direkte og indirekte bidrag av typen pengar, infrastruktur og eigeninnsats. Force majeure: Upåreknelege og særlege omstende som gjer det umogleg å oppfylle pliktene sine. Forskingsutførande stad: Stad/eining der prosjektet blir gjennomført i regi av den prosjektansvarlege. FoU: Forsking og utvikling. Framdriftsplan: Tidsplanen for gjennomføring av hovudaktivitetar/milepålar i prosjektet. Generelle kontraktsvilkår: Det dokumentet som inneheld gjeldande generelle kontraktsvilkår. Hovudmål og delmål: Skildring av kva for resultat som ein ventar å oppnå i prosjektperioden. Immaterielle rettar: Opphavsrettar, patent, mønster, bruksmønster, varemerke, så langt slike rettar har vern etter norsk lovgjeving som registrerte rettar eller utan registrering. Konsortieavtale: Avtale som regulerer arbeidsform og interne rettar og plikter i konsortium. Konsortiedeltakar: Prosjektansvarleg og aktive samarbeidspartnarar som i samsvar med konsortieavtale tek del i prosjektet. Konsortiedeltakarane er identifiserte i artikkel 4 i Avtaledokumentet. Konsortiet: Prosjektansvarleg samt aktive samarbeidspartnarar. Kontrakt: Avtaledokument, prosjektskildring og generelle kontraktsvilkår utgjer til saman kontrakten. Kontraktspartar: Dei som er nemnde som kontraktspartar i avtaledokumentet (Forskingsrådet og prosjektansvarleg). Kostnadsplan: Plan for fordeling av faktiske kostnader over prosjektperioden. Løyving: Bindande lovnad om betaling frå Forskingsrådet. Milepåle: Tidspunktet for kva tid hovudmåla/delmåla i prosjektet, særlege aktivitetar eller hendingar skal vere nådde ut frå framdriftsplanen. Prosjekt: Den samla aktiviteten som er omfatta av søknaden / Den samla aktiviteten som etter avtaleinngåinga er omfatta av kontrakten. Prosjektansvarleg: Den verksemda, institusjonen eller bedrifta som overfor Forskingsrådet er ansvarleg for at prosjektet blir gjennomført i samsvar med kontrakt. I særtilfelle kan prosjektansvarleg vere ein person. Prosjektleiar: Den personen som på vegner av prosjektansvarleg skal syte for den faglege framdrifta og gjennomføringa av prosjektet. Prosjektperioden: Den perioden som prosjektet blir utført i. Noregs forskingsråds generelle kontraktsvilkår frå side 1 av 6

2 Prosjektresultat: Alle resultat som er skapte eller oppnådde i samband med prosjektet, medrekna immaterielle rettar, uavhengig av om resultata er verna av lovgjevinga. Prosjektskildring: Fagleg og administrativ plan for gjennomføring av prosjektet. Søknad: Framlegg frå prosjektansvarleg til prosjekt. Tilsegn: Planlagd løyving. 2 Prosjektet 2.1 Prosjektgjennomføring Prosjektet skal gjennomførast i samsvar med kontrakten, medrekna den prosjektskildringa, framdrifts- og finansieringsplanen som er skriftleg avtala mellom partane. Dersom Forskingsrådet ikkje gjer krav på utarbeiding av særskilt kontrakt og har godteke søknaden, skal prosjektet gjennomførast i samsvar med søknaden. Større avvik i høve til kontrakten skal snarast mogleg rapporterast skriftleg til Forskingsrådet. Melding om slike forhold skal ikkje utsetjast til framdriftsrapporteringa. Større avvik i prosjekt-skildringa, framdrifts- og finansieringsplanen skal behandlast som kontraktsendring, sjå punkt 13. Sjå også punkt 3. Prosjektansvarleg har ansvar for å følgje relevante kvalitetsstandardar, lover og andre offentlege reguleringar. Dersom forsøkspersonar/pasientar/ klientar inngår i forskingsprosjekt, krev ein tilråding av regional komité for medisinsk forskingsetikk i samsvar med gjeldande reglar om framleggingsplikt. Prosjektansvarleg har ansvar for at tilrådinga blir følgd. Prosjektansvarleg er ansvarleg for å skaffe fram dei midlane som inngår i finansieringsplanen og som ikkje kjem frå Forskingsrådet. 2.2 Konsortiedeltakarar Prosjektansvarleg er ansvarleg for å inngå avtalar med eventuelle konsortiedeltakarar / aktive samarbeidspartnarar som regulerer deira innbyrdes plikter og rettar. Dersom konsortieavtalen ikkje er endeleg utforma og inngått ved underteikning av kontrakten med Forskingsrådet, skal konsortieavtalen lagast så snart som mogleg etter underteikning av kontrakten med Forskingsrådet. Prosjektansvarleg er ansvarleg for at konsortieavtalar samsvarer med vilkåra og føresetnadene i kontrakten. Forskingsrådet har til kvar tid rett til å få lagt fram eventuelle konsortieavtalar. 3 Utbetaling, overføring og atterhald 3.1 Utbetaling Før utbetaling kan skje, må kontrakten vere underskriven og motteken i Forskingsrådet. Vidare må opplysningar om bankkontonummeret m.m. til den prosjektansvarlege vere send Forskingsrådet på avtala måte i brev eller liknande. Dersom ikkje anna er skriftleg avtala, går utbetalinga føre seg tertialsvis på grunnlag av avtala finansieringsplan og løyvinga frå Forskingsrådet. Prosjektansvarleg pliktar å kontrollere at den utbetalte summen er i samsvar med den avtala finansieringsplanen. Eventuelle avvik skal meldast Forskingsrådet straks. Ordninga med automatisk utbetaling kan stoppast dersom Forskingsrådet finn at gjennomføringa av prosjektet avvik vesentleg frå kontrakten eller at dette er nødvendig av andre grunnar. Forskingsrådet kan halde tilbake siste tertialsutbetaling inntil sluttrapport er levert og godkjend. 3.2 Ubrukte midlar frå det einskilde budsjettåret Dersom særlege tilhøve ligg føre, kan ubrukte midlar overførast frå eitt budsjettår til det neste. Grunngjeving for slik overføring skal sendast Forskingsrådet saman med framdriftsrapport eller på annan skriftleg måte seinast ved utgangen av det kalenderåret som midlane er gjevne for. Dersom det ikkje er gjeve samtykke til slik overføring, utgår desse midla av dei løyvde summane. Dersom desse midla alt er utbetalte, kan Forskingsrådet redusere løyvinga neste år med tilsvarande sum. Alternativt kan Forskingsrådet krevje at ubrukte midlar blir tilbakebetalte. 3.3 Tilbakebetaling av ubrukte midlar ved sluttrapportering Det skal gå fram av sluttrapporten om dei faktiske kostnadene er lågare enn dei budsjetterte og dei utbetalte summane. Slike ubrukte midlar skal tilbakeførast Forskingsrådet. Dersom dei alt er utbetalte, skal dei tilbakevisast på den måten Forskingsrådet tilrår Atterhald Løyving blir normalt gjeve berre for eitt budsjettår om gongen, slik at eventuelle tilsegner for etterfølgjande år ikkje er bindande for Forskingsrådet med mindre dette er særskilt slege fast i Avtaledokumentet. Innfriing av løyving første året og eventuelle tilsegner for etterfølgjande år, føreset dessutan at Forskingsrådet får dei nødvendige midlane til rådvelde, at det ikkje skjer endringar i offentlege reguleringar (regelverk, standardar, lover m.v.) eller oppstår andre uføresette omstende som verkar særleg inn på gjennomføring av prosjektet eller Forskingsrådet si evne til å hjelpe til med dette. Dersom desse føresetnadene ikkje er Noregs forskingsråds generelle kontraktsvilkår frå side 2 av 6

3 oppfylte, kan løyvinga eller eventuelle tilsegner falle bort eller reduserast utan ansvar for Forskingsrådet. Forskingsrådet har rett til heilt eller delvis å dra inn den løyvde summen dersom prosjektet får tilført offentleg finansieringsstøtte frå andre enn Forskingsrådet etter at kontrakten er underteikna, og slik støtte ikkje var føresedd i finansieringsplanen. 4 Rekneskap og kontroll 4.1 Rekneskapsføring For alle prosjekt skal prosjektansvarleg føre ein eigen prosjektrekneskap over faktiske kostnader. Rekneskapsføringa skal gjerast utan ugrunna opphald. Opplysningar som har noko å seie for utarbeiding av pliktig rapportering, skal i alle høve vere registrerte innan dei tidsfristane som gjeld for rapportering. Prosjektrekneskapen skal berre belastast med kostnader som er direkte knytte til gjennomføringa av prosjektet, og som ligg innanfor ramma av finansieringsplanen. 4.2 Kontroll og reaksjonar Forskingsrådet og Riksrevisjonen har til kvar tid rett til å kontrollere at dei løyvde midlane blir nytta i samsvar med kontrakten. På oppmoding frå Forskingsrådet eller Riksrevisjonen skal prosjektansvarleg leggje fram bilag, timelister, utrekningar og anna relevant underlagsmateriale som trengst for å gjere den nemnde kontrollen. Dersom kontrollen avdekkjer at midlane ikkje blir brukte i høve til kontrakten, skal midlane tilbakebetalast i det omfanget Forskingsrådet krev det. Forskingsrådet kan også stoppe vidare utbetalingar til andre prosjekt som er avtala mellom kontraktspartane. 5 Rapportering 5.1 Framdriftsrapportar m.m. Framdriftsrapport skal sendast Forskingsrådet til avtala tid og på den måten Forskingsrådet melder. Prosjektansvarleg er ansvarleg for rapporteringa. Framdriftsrapporten er både ein avviksrapport og ei kartlegging av faktaopplysningar om prosjektet. Godkjend framdriftsrapport er ein føresetnad for automatisk utbetaling og innfriing av tilsegn om løyving. Større avvik skal snarast mogleg rapporterast skriftleg til Forskingsrådet. Melding om slike forhold skal ikkje utsetjast til framdriftsrapporteringa, jf punkt 2. Forskingsrådet kan i rimeleg omfang krevje tilleggsrapportar for kortare periodar eller for særskilde delar av prosjektet, medrekna at det blir oppretta heimeside for prosjektet og at prosjektmedarbeidarar er med på seminar, konferansar og andre formidlings- og nettverkstiltak. 5.2 Sluttrapport Prosjektansvarleg skal utarbeide ein sluttrapport. Med mindre ein annan frist er skriftleg avtala, skal sluttrapporten vere motteken i Forskingsrådet seinast ein månad etter avslutningstidspunktet. 5.3 Rapporteringsform og arkivering Framdriftsrapportar og sluttrapport skal skrivast på fastsett skjema eller ut frå mal som blir levert av Forskingsrådet, eller lagde ut på internettsida til Forskingsrådet. Alle rapportar skal vere påført prosjektnummer samt vere godkjende av prosjektansvarleg. Prosjektansvarleg skal arkivere sluttrapport og prosjektdata på ein sikker måte i minimum 10 år etter avslutninga av prosjektet. Den prosjektansvarlege er pålagd å sikre at dataa blir forvara på ein slik måte at dei også vil bli tekne vare på og vere tilgjengelege om den prosjektansvarlege sluttar. Prosjektansvarleg pliktar å følgje godkjende kvalitetsnormer ved innsamling og arkivering av data. Brot på plikter som gjeld rapportering og arkivering, blir sett på som vesentleg mishald og gjev dermed Forskingsrådet grunnlag for å heve kontrakten, jf punkt Prosjektansvarleg pliktar også å gje frå seg rekneskap og eventuelt andre statistiske opplysningar som gjeld prosjektet til nasjonal forskingsstatistikk. 6 Forvalting av personale, rapportering m.m. 6.1 Generelt Personar som er særskilt nemnde i avtaledokumentet i kontrakten artikkel 8, ser ein på som heilt eller delvis finansierte av Forskingsrådet. Personane vil vere i eller utanfor arbeidstilhøve, avhengig av type tildeling (stilling/stipend). Eventuelle føringar frå Forskingsrådet m.o.t. personutveljing og liknande, skal vere nedfelte i kontrakten for det aktuelle prosjektet eller programmet. Dersom ikkje anna er avtala, gjeld: Prosjektansvarleg har oppgåveplikt for alle personlege tildelingar og arbeidsgivaransvar for personar i arbeidsforhold. Dette inneber at prosjektansvarleg tek alt personal- og økonomiansvar. Forskingsrådet inngår kontrakt med prosjektansvarleg. Forskingsrådet tildeler prosjektansvarleg midlar som rundsumløyving (rammetilskot) i samsvar med inngått kontrakt. Noregs forskingsråds generelle kontraktsvilkår frå side 3 av 6

4 I dei tilfella Forskingsrådet tildeler stipend utan at ein namngjeven kandidat er nemnd i avtaledokumentet, syter prosjektansvarleg for utlysing og tilsetjing i samsvar med dei retningslinene og rutinane som prosjektansvarleg sjølv har. Når det blir tildelt stipend/stilling til ein namngjeven kandidat, skjer tildeling/tilsetjing i samsvar med reglementet hos prosjektansvarleg og eventuelle kriterium nedfelte i kontrakten. Ein går ut frå at tiltreding skjer innanfor første budsjettåret for kontrakten. Dersom det er ønske om seinare tiltreding, må Forskingsrådet søkjast om dette i god tid før slutten av første budsjettåret for kontrakten. Forskingsrådet må informerast om tiltredingsdatoen for stillingsinnehavar så snart denne er klar. I dei tilfella Forskingsrådet ikkje føreåt er kjent med namnet og personnummeret til stillingsinnehavar, må Forskingsrådet også informerast om dette. 6.2 Særskilt for stipend i arbeidstilhøve Forskingsrådet tildeler stipend i form av eit årleg rammetilskot. Rammetilskotet inneheld ein rundsum, rekna ut frå standard satsar, og eventuelle tilleggsløyvingar. Heile rammetilskotet blir disponert av prosjektansvarleg. Stipendsatsane blir regulerte ein gong i året. Prosjektperioden kan vare lenger enn stipendperioden. Forskingsrådet har ingen skyldnader utover dei avtala løyvingane. Den administrative oppfølginga av kvar stipendiat er det prosjektansvarleg som gjer i samsvar med rutinane han har. Eventuell endra startdato for tiltreding i stilling og avbrot i stilling skal meldast Forskingsrådet straks. Permisjonar og reduserte stillingar i perioden blir rapporterte i framdrifts- og sluttrapportskjema frå prosjektansvarleg. Endra start- og sluttdato for prosjektet blir behandla som ordinær kontraktsendring. Spørsmål om permisjonar som har heimel i lov eller sentrale avtalar, og som fører til forlenging av stipendperioden, blir avgjorde av prosjektansvarleg i samsvar med retningslinene han har. Forskingsrådet skal berre informerast om faktisk startdato og forskyving av sluttdato. Dersom stipendiat sluttar før kontraktsfesta periode er utgått, må prosjektansvarleg straks melde fråtredingstidspunktet og årsaka til avbrotet til Forskingsrådet. Kvar stipendiat/prosjektleiar utarbeider årleg ein fagleg framdriftsrapport som gjev Forskingsrådet informasjon om den faglege framdrifta. Rapporten blir send Forskingsrådet via prosjektansvarleg. Ordinære rutinar og fristar som Forskingsrådet har for fagleg rapportering, blir lagde til grunn. I rapporten må det i tillegg komme fram opplysningar om permisjonar og dessutan eventuelle avvik med omsyn til bruk av tilleggsløyvingar og liknande. Eventuelt behov for forskyving av sluttdato for prosjektet må grunngjevast og presiserast. Pårekna tidspunkt for disputas for doktorgradsstipendiatar må gjevast opp. Dersom Forskingsrådet finn at den faglege framdrifta for stipendiaten ikkje er tilfredsstillande, blir dette teke opp med prosjektansvarleg. Dersom prosjektansvarleg finn at det er tilhøve som tilseier at stipendet bør stoppast, skal dette takast opp med Forskingsrådet straks. Ved avslutta prosjektperiode skal det leverast sluttrapport etter ordinære rutinar i Forskingsrådet. For doktorgradsstipendiatar får Forskingsrådet melding om dato for godkjend doktorgrad. Avhandlingar og liknande skal sendast Forskingsrådet etter oppmoding. 7 Eigedomsrett, utnyttingsrett og lisensiering 7.1 Utstyr Dersom ikkje anna er skriftleg avtala eller går fram av kontrakten, er prosjektansvarleg eigar av utstyr som er kjøpt for prosjektmidlar og belasta prosjektrekneskapen. Dersom prosjektet skal fullførast av ein annan, og utstyret er nødvendig for slik fullføring, skal utstyret straks stillast til disposisjon for den andre. Prosjektansvarleg tek på seg å halde utstyret forsikra og i god stand. Prosjektansvarleg skal ikkje pantsetje slikt utstyr. Ved vesentleg mishald av kontrakten kan Forskingsrådet krevje at utstyr som er kjøpt for prosjektmidlar og belasta prosjektrekneskapen, blir overlevert til andre eller til seg sjølv. Kravet skal sendast skriftleg, og prosjektansvarleg skal levere med det same. Prosjektansvarleg vil miste eigedomsretten sin ved levering. 7.2 Prosjektresultat Dersom ikkje anna er avtala med Forskingsrådet, blir prosjektansvarleg eigar av prosjektresultata, og har einerett til å utnytte desse. Dersom lovgjevinga krev at rettane må registrerast for å oppnå vern, skal prosjektansvarleg gjere ei slik registrering for å oppnå rettsvern. Den prosjektansvarlege tek på seg å etablere dei avtalane med eigarar, tilsette, eventuelle samarbeidspartnarar, underleverandørar og andre, som er nødvendige for å sikre at den prosjektansvarlege blir eigar av prosjektresultata og kan kommersialisere desse, medrekna lisensiere desse vidare til andre. Der ikkje anna er skriftleg avtala med Forskingsrådet, føreset ein at desse avtalane sikrar at slike rettar er eksklusive for den prosjektansvarlege. Prosjektansvarleg har rett til å inngå lisensavtalar om prosjektresultata med andre norske rettssubjekt. Vidare Noregs forskingsråds generelle kontraktsvilkår frå side 4 av 6

5 kan lisensavtalar inngåast med utanlandske rettssubjekt for prosjektresultat som prosjektansvarleg sjølv eller andre utnyttar i Noreg. Dersom eit prosjektresultat ikkje blir utnytta i Noreg, krev lisensavtale inngått med utanlandsk rettssubjekt ei skriftleg godkjenning frå Forskingsrådet. Dersom prosjektansvarleg ikkje ønskjer, eller ikkje er i stand til å verne og/eller utnytte (under dette lisensiere) prosjektresultata innan rimeleg tid i høve til marknaden og levetid og utnyttingshøve for produktet, skal Forskingsrådet varslast skriftleg, og prosjektresultata skal etter krav frå Forskingsrådet overførast til Forskingsrådet eller andre etter nærmare reglar frå Forskingsrådet. Slik overføring kan skje heilt eller delvis. Dersom ein person eller eit føretak utanfor EØSområdet tek bestemmande kontroll over prosjektansvarleg ved kjøp av selskapsluter (aksjar mv.), ved avtale eller på annan måte skal Forskingsrådet straks varslast. Forskingsrådet har i slikt tilfelle rett til å stille vilkår med omsyn til prosjektet og prosjektresultata, mellom anna at prosjektansvarleg heilt eller delvis overfører prosjektresultata eksklusivt til Forskingsrådet, eller at løyvingane frå Forskingsrådet til prosjektet blir betalte tilbake. Vedtaka i dei føregåande ledda er ikkje til hinder for at det kan avtalast vederlagsordningar for opphavsmenn tilsvarande dei som gjeld for oppfinningar for tilsette i samsvar med Lov om rett til oppfinningar for tilsette. Vedtaka er heller ikkje til hinder for at retten til prosjektresultata kan delast med konsortiedeltakarar i samsvar med innsatsen frå partane for å få fram prosjektresultatet. Det blir presisert at vedtaka i dei føregåande ledda ikkje skal medføre ei avgrensing i vern av dei ideelle interessene til opphavsmannen etter Åndsverkslova. 8 Offentleggjering av prosjektresultat og fortrulegskap 8.1 Offentleggjering Dersom det ikkje er særlege grunnar som talar mot, skal prosjektansvarleg syte for at prosjektresultata blir kjende. Medrekna i dette skal prosjektansvarleg gjennomføre dei formidlingstiltaka/-planane som er nemnde i søknaden og kontrakten. Forskingsgenererte data skal reknast som allment tilgjengelege såframt ikkje særlege grunnar talar mot eller det ligg føre kontraktsvilkår eller offentlege reglar som hindrar det. Prosjektansvarleg har ein eksklusiv rett til å bruke dataa i prosjektperioden. Særlege grunnar er vern av dei immaterielle rettane til prosjektansvarleg, risiko for plagiering, brot på trumålsplikter, risiko for skadar som slik offentleggjering kan påføre verksemda til den prosjektansvarlege, og andre grunnar som gjer at krav om offentleggjering vil vere urimeleg i høve til dei interessene den prosjektansvarlege har. Prosjektansvarleg pliktar i den utetterretta informasjonen i tilknyting til prosjektet å nemne medverknaden frå Forskingsrådet. Forskingsrådet har rett til å offentleggjere prosjekttittel, finansieringstilskotet sitt, prosjektsamandrag, og oppnådde resultat undervegs. 8.2 Fortrulegskap Partane har plikt til å vere aktsame når dei blir kjende med fortrulege opplysningar. Hemmeleg eller fortruleg informasjon skal ikkje kunne overførast til andre eller publiserast utan at det ligg føre ei skriftleg godkjenning. Denne føresegna er ikkje til hinder for formidling av opplysning dersom det kan krevjast av styresmakter eller domstolar i samsvar med gjeldande lovgjeving. 9 Overdraging Kontrakten kan ikkje overdragast av prosjektansvarleg til andre utan skriftleg godkjenning frå Forskingsrådet. 10 Ansvarsfritak Prosjektansvarleg skal halde Forskingsrådet skadeslaus for kvart eit krav som måtte oppstå i samband med gjennomføringa av prosjektet, medrekna krav som følgjer av inngrep i immaterielle rettar. Forskingsrådet har ikkje noko juridisk eller økonomisk ansvar for skade eller tap som følgje av feil ved, eller ukunnig bruk av, utstyr, metodar eller program som er knytte til prosjektet. 11 Force majeure I tilfelle force majeure hindrar prosjektansvarleg i å oppfylle pliktene sine, skal prosjektansvarleg straks varsle Forskingsrådet. I tilfelle force majeure set prosjektet i fare, skal partane møtast for å forhandle om nødvendig justering av kontrakten. Dersom partane ikkje blir samde om slik justering, kan Forskingsrådet stoppe utbetaling av løyvinga. 12 Kontraktsopphøyr Kontraktsopphøyr fører ikkje med seg opphøyr av kontraktsføresegner som etter sin natur ikkje er avgrensa til kontraktstida. Dette er tilfellet t.d. når det gjeld rekneskap, rapportering, overdraging av prosjektresultat, offentleggjering m.m. Noregs forskingsråds generelle kontraktsvilkår frå side 5 av 6

6 Prosjektansvarleg har plikt til å gje nødvendig assistanse for at eit prosjekt som er ufullstendig på grunn av opphøyr, skal kunne fullførast av andre dersom Forskingsrådet krev det Oppseiing Kontrakten blir normalt avslutta etter levering av sluttrapporten og utbetaling av den avtala løyvinga Kontrakten kan avsluttast før denne datoen dersom ein av partane ønskjer det, og begge partar blir samde om vilkår for, og konsekvensar av, ei slik oppseiing Kontrakten blir automatisk avslutta dersom det er meldt oppbod eller konkurskrav eller er opna akkordforhandlingar hos prosjektansvarleg, med mindre Forskingsrådet bestemmer noko anna Kontrakten kan seiast opp i tilfelle føresetnadene for prosjektet blir endra, og dette ikkje har årsak i direkte medverknad av den som krev oppseiing. Det same gjeld om det oppstår andre tilhøve som gjer det umogleg, urimeleg eller ufornuftig å halde fram med prosjektet. Ved oppseiing skal partane dekkje sine respektive delar av avviklingskostnader i samsvar med den økonomiske fordelinga som det er opplyst om i kontrakten. Forskingsrådet heftar i alle tilfelle ikkje for meir enn den avtala løyvinga Heving Heving skal gjerast skriftleg med rekommandert brev og grunngjevast Kvar av partane kan heve kontrakten med verknad straks dersom den andre parten har gjort vesentleg mishald Forskingsrådet kan heve kontrakten dersom ein person eller eit føretak utanfor EØS skulle overta kontroll over prosjektansvarleg, anten ved overdraging av aksjekapital, røystefleirtal, ved avtale eller på annan måte Forskingsrådet kan heve kontrakten dersom prosjektansvarleg ikkje vil eller er i stand til å fullføre prosjektet Forskingsrådet kan heve kontrakten dersom prosjektansvarleg driv med verksemd som strir imot gjeldande lovgjeving eller mot føremål eller retningsliner som Forskingsrådet har. Ved heving skal Forskingsrådet ha rett til å krevje tilbakebetaling av utbetalte løyvingar, dersom ikkje hevinga har årsak i vesentleg mishald frå Forskingsrådet. Dersom prosjektansvarleg har plikt til å betale tilbake heile eller delar av løyvinga, skal prosjektansvarleg betale renter frå mishaldstidspunktet. Desse skal vere lik forseinkingsrenter i samsvar med gjeldande lov. Følgjande skal kunne gjerast gjeldande dersom Forskingsrådet ikkje krev tilbakebetaling: Forskingsrådet skal ha rett til overføring av eigedomsrett til prosjektresultat, dersom prosjektansvarleg sjølv ikkje har gjeve finansielt tilskot til prosjektet eller tilskotet ligg under 25 % av kostnadene for prosjektet. Dersom prosjektansvarleg har ytt finansielt tilskot med over 25 % av prosjektkostnadene, skal Forskingsrådet kunne velje å ha ein høvesvis eigedomsrett eller å ha ein ikkje-eksklusiv utnyttingsrett til prosjektresultat. Det same skal gjelde utstyr kjøpt med løyvde midlar. Dersom det trengst for å fullføre prosjektet og prosjektansvarleg nektar å fullføre dette, har prosjektansvarleg plikt til, etter krav frå Forskingsrådet, å overføre alt utstyr og oppnådde resultat mot dekning av den pro rata-bokførte verdien. 13 Endringar Kvar av partane kan foreslå endringar av kontrakten, inkludert mål, omfang og retningsliner for prosjektet på grunnlag av resultat eller andre tilhøve som endrar føresetnadene for prosjektet. Endringane skal liggje føre i skriftleg form og godkjennast av begge partane. Dersom det oppstår forseinkingar i prosjektet som kan føre til at starttidspunktet og/eller avslutningstidspunktet blir endra, skal Forskingsrådet varslast omgåande. Samtidig skal prosjektansvarleg gje opp grunnen for forseinkinga og leggje fram planar for korleis forseinkinga kan vinnast inn, og eventuelt søkje om at prosjektperioden blir forlengd. Forskingsrådet kan i prosjektperioden einsidig endre rutinar så sant det ikkje er vanskeleg for prosjektansvarleg. 14 Lovval/verneting Avtalen er undergjeven og skal tolkast i samsvar med norsk rett. Eventuelle tvistar skal avgjerast ved Oslo byrett etter norsk rett. Kontraktsvilkår gjeldande frå Nynorsk Utgjevne av Noregs forskingsråd Postboks 2700 St. Hanshaugen 0131 Oslo Tlf Internett: trykt november 2005 Noregs forskingsråds generelle kontraktsvilkår frå side 6 av 6