STRATEGIPLAN for Sogn og Fjordane Skikrins

Transkript

1 STRATEGIPLAN for Sogn og Fjordane Skikrins Visjon, verdiar og hovudmål 2. Kjerneaktiviteten i greinene og aktivitetsretta fellesområde 2.1 Breiddeidrett 2.2 Toppidrett - prestasjonsutvikling 2.3 Kompetanseutvikling 2.4 Arrangement 2.5 Anlegg 3. Rammevilkår og støttefunksjonar 3.1 Rammevilkår og økonomi 3.2 Organisasjon 3.3 Informasjon/kommunikasjon Revidert i samband med Skikrinstinget 2015

2 Innleiing Strategiplanen skal gjelde frå Strategiplanen vart vedteken i samband med Skikrinstinget på Skei 2013, og planen er den organiserte skiidretten i Sogn og Fjordane sitt skipolitiske dokument. Dette dokumentet dannar grunnlaget for Skikrinsstyret og greinkomiteane sine årlege handlingsplanar. Summen av dei årlege handlingsplanane i heile strategiperioden skal gje oss størst mogleg grad av måloppnåelse. Dette skal hjelpe oss til å skape ein endå betre aktivitet i klubb og krins. Strategiområda er om lag dei same i dette dokumentet som i det førre, og er i stor grad basert på Norges Skiforbund sitt Skipolitiske Dokument Strategiplanen er bygd opp med mål innanfor 8 innsatsområde, delt i 3 hovudområde 1. Visjon, verdiar og hovudmål 2. Kjerneaktivitet i greinene og aktivitetsretta fellesområde 3. Rammevilkår og støttefunksjonar Vi ser fram til ei god oppfølging av Strategiplanen, og vi ser fram til å utarbeide mål og tiltak gjennom tydlege prioriteringar med god arbeidsdeling i organisasjonen. Vi skal saman fokusere på aktiviteten i klubbane, samstundes som vi skal tydeleggjere behovet for nødvendige rammevilkår og støttefunksjonar som må vere på plass for å kunne utvikle aktiviteten vår. Sogn og Fjordane Skikrins Inge Fænn Styreleiar Yngve Thorsen Adm. sjef

3 1. VISJON, VERDIAR OG HOVUDMÅL Visjon og verdiar Sogn og Fjordane Skikrins sitt arbeid skal byggje på det same verdifundamentet som idretten forøvrig: Idretten sitt føremål er i Norges Idrettsforbund si lov uttrykt slik: Arbeide for at alle mennesker gis mulighet til å utøve idrett ut fra sine ønsker og behov Være en positiv verdiskaper for inidvid og samfunn og dermed styrke sin posisjon som folkebevegelse og drivkraft i samfunnet Norges Skiforbund (NSF) sin visjon er: Mange, gode og glade skiløparar Sogn og Fjordane Skikrins sitt arbeid skal pregast av: Frivilligheit, demokrati, lojalitet og likeverd. All aktivitet i Sogn og Fjordane Skikrins skal bygge på verdiane: Idrettsglede, fellesskap, helse og ærlegdom. Sogn og Fjordane Skikrins sin politikk skal bygge på NSF sin strategiplan Føremålsparagraf Sogn og Fjordane Skikrins sitt føremål er å arbeide for skiidretten si utvikling innan krinsen, og fremje samarbeidet med idrettslaga. Sogn og Fjordane Skikrins skal bistå Norges Skiforbund (NSF) i alle spørsmål som gjeld skiidretten innan krinsen. Hovudmål for perioden Ski skal vere den viktigaste vinteraktiviteten forankra gjennom stor utbreiing hjå befolkninga i Sogn og Fjordane. 2. Gode anlegg og løyper skal vere tilgjengeleg for alle som ynskjer å bruke ski uavhengig av ferdigheitsnivå. 3. God og riktig kompetanse skal gje betre skiaktivitet

4 2. KJERNEAKTIVITETEN I GREINENE OG AKTIVITETSRETTA FELLESOMRÅDE 2.1 Breiddeidrett Få aktivitetar bidreg i same grad til betre folkehelse enn skiidrett. Å rekruttere born til bli glade skiløparar er ei samfunnsinvestering, og ski er ein hovudaktivitet for stadig fleire vinterstid. Vidare er ski ein idrettsaktivitet som kan utøvast i alle fasar av livet. Det er få tiltak som med beskjedne midlar har den same effekt på folkehelsa som gode skispor, løyper og bakkar. Sogn og Fjordane Skikrins har eit viktig samfunnsansvar m.o.t. den uorganiserte aktiviteten, men mål og strategiar for innsatsområde rettast i første rekke mot dei som driv organisert skiidrett blant born, ungdom og vaksne. Innanfor ski har ein i dag god breiddeaktivitet, men skikrinsen må framover (i endå større grad) rette sine tiltak mot å få nye utøvarar inn i skiidretten, og tiltak som bidreg til utvikling av unge utøvarar. Mål Breiddeidrett Basisrekruttering av born Mål: Sogn og Fjordane Skikrins skal sikre at ski er ein naturleg vinteraktivitet for flest mogleg born ved at; a) ski inngår som ein viktig del av den fysiske aktiviteten i skulen b) prosjektet Ski i Skulen blir vidareutvikla gjennom klubb og skule c) stimulere til skiaktivitet for alle born, også dei utan eit tradisjonelt norsk forhold til ski Klubbaktivitet for born 6-12 år Mål: Skikrinsen skal saman med laga sikre eit ope og inkluderande aktivitetstilbod ved at; a) første møte med klubben er enkle aktivitetar som t.d. skileik, skiskule eller nybegynnarkurs b) aktiviteten er variert og spennande prega av skiglede som gir meistring og gode opplevingar c) det blir lagt til rette for gode konkurranseformer basert på borna sitt utviklingsnivå d) kostnadsnivået for utstyr og deltaking i skiidretten er på eit fornuftig nivå

5 Klubbaktivitet for ungdom år Mål: Skikrinsen skal saman med laga arbeide for at fleire ungdomar vel å vere aktive innanfor organisert idrett lengst mogleg ved at; a) aktivitetstilbodet fornyast gjennom trenings- og konkurransetilbod til ungdomar med ulike ambisjonar og føresetnader b) utøvarar som utviklar seg til aktive konkurranseutøvarar bør ha si forankring i «heimeklubben» sjølv om dei er tilknytta skigymnas eller team c) utøvarar som berre ynskjer å trene får eit treningstilbod som er med å sikre breidda i klubben d) utøvarar får tilbod om trenar- og leiarfunksjonar i eigen klubb når dei sluttar som aktive konkurranseutøvarar Skiidrett for funksjonshemma Mål: Skikrinsen skal saman med laga arbeide for at det blir gitt eit tilrettelagt lokalt tilbod til funksjonshemma ved at; a) aktuelle personar og grupper får informasjon om aktivitetstilbod for funksjonshemma b) leiarar og trenarar utviklar kompetanse i høve aktivitet for funksjonshemma c) naudsynt utstyr og hjelpemiddel blir gjort tilgjengeleg gjennom offentlege og private ordningar d) aktiviteten for funksjonshemma i størst mogleg grad integrerst i den ordinære treninga i laget

6 2.2 Toppidrett prestasjonsutvikling Toppidretten omfattar utøvarar med eit aldersspenn som varierar frå grein til grein. Toppidretten i Sogn og Fjordane blir utøvd regionalt, nasjonalt og internasjonalt. For å sikre eit godt sportsleg tilbod på satsingslaga i Sogn og Fjordane krev det ein betydleg innsats i organisasjonen for å søke etter kompetanse og samarbeide med andre miljø som kan bidra til dette. Godt og langsiktig samarbeid med næringslivet og kommersielle aktørar er ein føresetnad for å kunne fortsette satsinga når kravet til ressursar vert stadig større. Mål Toppidrett prestasjonsutvikling Utvikling av Toppidrettsutøvarar i eige fylke Mål: Skal bidra til at det blir lagt til rette for at utøvarar på høgt nivå kan utvikle seg til å bli topputøvarar i eige fylke ved å; a) vidareutvikle ein god prestasjons- og treningskultur b) sikre at ein har kompetente trenarar, og leggje til rette for kompetanseutvikling av eigne trenarar c) arbeide for eit økonomisk fundament som gjer det mogleg å ha optimale planar for organisering i høve til dei mål ein har sett d) bidra til at det blir lagt til rette for at utøvarar på høgt nivå kan kombinere toppidrett og utdanning på ein god måte i eige fylke e) legge til rette for vidare utvikling av den regionale langrennssatsinga Team Veidekke Vest

7 2.3 Kompetanseutvikling Kompetanse blir stadig viktigare for å sikre god breidde- og toppidrett. Kompetanseutvikling omfattar utdanningstiltak for å heve kompetansen i klubb og krins. Ein av suksessfaktorane for å auke rekrutteringa av born og unge til skiidretten og samstundes behalde dei lenger, er knyta til rekruttering og utdanning av gode trenarar, leiarar, arrangørar, TD- og dommarar. Mål Kompetanseutvikling Utdanningsverksemd Mål: Sogn og Fjordane Skikrins skal arbeide for å utvikle god kompetanse på klubbog krinsnivå gjennom; a) tilbod om kurs og utdanningstiltak innanfor - trenarutdanning - leiarutdanning - TD- og dommarutdanning - arrangørutdanning - anleggsrådgjeving - organisasjonsutvikling Fokusområde Mål: Sogn og Fjordane Skikrins skal arbeide for å utvikle god kompetanse i eigen organisasjon ved å; a) ta i bruk norsk idrett sitt konsept for klubbutvikling b) sikre utdanning av ungdom som trenarar c) rekruttere kvinnelege trenarar og leiarar d) rekruttere tidlegare aktive utøvarar som trenarar og leiarar Vidaregåande skular/høgskule Mål: Sogn og Fjordane Skikrins skal styrke samarbeidet og sikre kompetanseflyt mellom skiidretten og vidaregåande skular ved å; a) strukturere og forankre samarbeid gjennom avtalar som tydeleggjer ansvarsfordeling, forpliktelsar og samarbeidsområde

8 2.4 Arrangement Skirenn er skiidretten sitt utstillingsvindauge, og er ein viktig del av vår kjerneaktivitet. Skiarrangement i Sogn og Fjordane blir avvikla over eit breidt spekter frå lokale barneskirenn til nasjonale og internasjonale konkurransar på elitenivå. Gode skiarrangement er viktig for både utøvarar og publikum, og er eit naudsynt verkemiddel i marknadsføringa av skiidretten. For Sogn og Fjordane Skikrins er det viktig å sikre at våre skirenn er så gode og attraktive at mange ynskjer å delta. Det er difor særs viktig at vår rennstruktur inneheld ein variert aktivitet som tiltrekke mange, og i særleg grad er attraktive for born og ungdom. Mål Arrangement Arrangement i klubb og krets Mål: Sogn og Fjordane Skikrins skal arbeide for at vi har mange gode skiarrangement på alle nivå gjennom å; a) avvikle 100 terminfesta renn i året, med antal startande b) syte for at alle karusellrenn stimulerar born si skiinteresse c) bidra til at krins- og sonerenn gjev unge utøvarar ein riktig sportsleg progresjon og blir eit godt supplement til lokale renn d) legge til rette for at funksjonshemma utøvarar kan delta i alle renn Nasjonale arrangement Mål: Sogn og Fjordane Skikrins skal arbeide for at fylket blir tildelt nasjonale- og internasjonale arrangement ved at; a) ein samarbeider med arrangørar, kommunar og fylkeskommune for å utvikle arrangementkonsept som er konkurransedyktige Arrangementøkonomi Mål: Sogn og Fjordane Skikrins skal saman med idrettskrinsen sikre rammevilkår som gir arrangørar av større arrangement moglegheiter for økonomisk overskot ved å; a) sikre forutsigbarheit i eventuelle kommunale og/eller fylkeskommunale tilskot b) sikre at bruk av kommersielle namn på renn, cupar og karusellrenn skal ha økonomisk verdi for arrangøren

9 2.5 Anlegg Gode anlegg er ein grunnføresetnad for å drive skiidrett. Løyper, bakkar og andre fasilitetar utgjer dei anlegg som legg til rette for aktivitet i alle våre greiner, både til trening og konkurransar. Anleggsarbeidet på krins- og klubbplan må prioriterast for at skiidretten fortsatt skal vere den viktigaste vinteraktiviteten. Mål Anlegg Anleggsutvikling Mål: Born og unge skal få moglegheit til å drive skiaktivitet ved at; a) areal sikrast gjennom kommunale planar b) nye anlegg som byggast skal prioriterast for å vere lagt til rette for born, ungdom og funksjonshemma c) det skal byggast to nye rulleskianlegg i planperioden, eit i Sogn og eit i Sunnfjord d) arbeidet med konkrete trafikktryggingstiltak m.o.t. rulleskiaktivitet på trafikkerte vegar i Sogn og Fjordane skal vidareførast Nybygging, rehabilitering og drift Mål: Skiidretten skal vidareutvikle og fornye sine anlegg ved at; a) ved nybygging og rehabilitering av skianlegg skal det leggast til rette for aktivitet på snø, plast og asfalt b) anleggseigarane forenklar og effektiviserar snøproduksjonen i anlegga c) drift av ordinære klubbanlegg skal så langt som mogleg gjerast i partnerskap med fylkeskommunale- og kommunale etatar d) kompetansen m.o.t. drift av skianlegg vert heva

10 3. RAMMEVILKÅR OG STØTTEFUNKSJONAR 3.1 Rammevilkår og økonomi Dei økonomiske rammevilkåra er dei samla inntektene til skikrinsen. Skikrinsen sine inntekter er i hovudsak markedsinntekter, kontingentar, lisensar, rennavgifter, eigendelar og ulike typar tilskot. Dei seinare åra har skikrinsen mangedobla markedsinntektene, men samtundes har også kostnadsnivået auka. Utfordringa framover er å styrke markedsarbeidet slik at ein kan oppretthalde eit godt grunnlag for høg aktivitet. Ein må difor fortsette å ta ut skiidretten sin kommersielle verdi, samstundes som dei offentlege bidraga til idretten må aukast monnaleg. Mål Rammevilkår og økonomi Skiidretten sitt markedsarbeid Mål: Sogn og Fjordane Skikrins skal auke sine markedsinntekter gjennom samarbeid med næringslivet ved at; a) merkevaren Sogn og Fjordane Skikrins styrkast og utviklast b) det utviklast nye inntektsmoglegheiter gjennom produktutvikling og strategisk samarbeid Politisk påvirkningsarbeid Mål: Sogn og Fjordane Skikrins skal arbeide for gode rammevilkår for skiidretten ved å; a) skape samarbeidsrelasjonar på politisk regionalt nivå (idrettskrinsfylkeskommune) slik at dei økonomiske tilskota til idretten aukar Frivilligheita sine vilkår Mål: Sogn og Fjordane Skikrins vil at det offentlege skal anerkjenne verdien av det frivillige arbeidet som blir lagt ned i idrettslaga, og bidra til optimale rammevilkår ved at; a) skikrinsen arbeider for at fylke og kommune påverkast til å ta større ansvar for drift og realisering av skianlegg b) dei kommunale og fylkeskommunale tilskota til idretten aukar med 20% i planperioden

11 3.2 Organisasjon Sogn og Fjordane Skikrins skal ha ein organisasjon som aktivt arbeider for å nå skikrinsen sine mål og gjennomføre skikrinsen sine strategiar. Det politiske og administrative arbeidet må organiserast på ein slik måte at ein når måla i planperioden. Mål Organisasjon Frivilligheita Mål: Frivilligheita skal vere det berande element i skikrinsen sin organisasjon ved at; a) det blir utvikla inkluderande miljø på krins- og klubbnivå der tillitsverv og annan innsats gir eit meiningsfylt og aktivitetsretta innhald for flest mogleg b) det blir gitt informasjon og opplæring som er relevant for frivillige funksjonar på ulikt nivå c) administrative system underbyggjer frivilligheita Skikrinsstyret Mål: Skikrinsstyret si rolle som styrande organ skal styrkast gjennom at; a) styremedlemmane har kompetanse og informasjon til å ivareta sine verv b) det er ei god rolleavklaring mellom Skikrinsstyret og administrasjon c) greinkomiteane har det løpande ansvaret for den enkelte grein sine sportslege aktivitetar innanfor dei rammer og fullmakter som er gitt av Skikrinstyret.

12 3.3 Informasjon/kommunikasjon Arbeidet med informasjon og kommunikasjon skal bidra til å auke interessa for skisporten i fylket, samt betre skiidretten sine rammevilkår. Skiidretten skal framstå med ein tydleg og positiv bodskap eksternt og internt. Eit positivt omdøme legg grunnlaget for økonomiske rammevilkår i alle delar av organisasjonen. Mål Kommunikasjon Kommunikasjonsplattform Mål: Skikrinsen skal vere synleg ved at; a) skal vere vår viktigaste informasjons- og kommunikasjonskanal med 10% auke i tal brukarar pr. år Omdøme Mål: Skikrinsen skal framstå som ein viktig samfunnsaktør med eit godt omdøme ved at; a) skikrinsen skal ta eit tydleg samfunnsansvar gjennom å tydleggjere skiidretten sin betydning for folkehelse, natur, klima og miljø. b) skikrinsen skal setje fokus på verdi- og antidopingarbeidet ved å ta del i ordninga «Rent Idrettslag» Merkevare Mål: Skikrinsen som merkevere skal styrkast gjennom; a) at skikrinsen sin grafiske profil skal brukast (til ei kvar tid) som utgangspunkt for trykte og digitale medie. b) systematisk mediekontakt som bidreg til auka bevisstheit kring skikrinsen sine greiner lokalt og regionalt