MØTEBOK. Balestrand - Kviknes Hotel. Møtedato Kl

Transkript

1 MØTEBOK Organ Møtestad Fylkestinget Balestrand - Kviknes Hotel Møtedato Kl År 2015 den 16. juni kl kom fylkestinget i Sogn og Fjordane saman til fylkesting på Kviknes Hotel, Balestrand. Medlemmane i fylkestinget var kalla inn til fylkestinget ved e-post av Tingmøtet vart opna av fylkesordførar Åshild Kjelsnes. Ho las kunngjeringa og innkallinga til møtet. Kunngjeringa og innkallinga vart godkjent. Representanten Eva Hage Solstad hadde meldt forfall til tingseta og i hennar stad møtte 4. vararepresentant Bjørnar Ånnevik Førde. Fylkestinget godkjende forfallet for representanten Solstad. Det vart halde namneopprop og desse representantane møtte: ARBEIDERPARTIET: Åshild Kjelsnes Hilmar Høl Nils P. Støyva Karianne Torvanger Torbjørn Vereide Jorunn K Eide Kirketeig Odd Atle Stegegjerdet Henrik Oppen Helen Hjertaas Arve Helle Bjørnar Ånnevik Førde SENTERPARTIET: Jenny Følling Anders Ryssdal Karen Marie Hjelmeseter Anita Nybø Arnstein Menes Gunn Åmdal Mongstad Nils Asbjørn Gjerland Per Atle Kjøllesdal Bjørg Bergheim Aleksander Øren Heen HØGRE: Noralv Distad Bjørn Erik Hollevik Olin Johanne Henden Ole Gunnar Krakhellen Frida Melvær Arve Harald Mjømen Liv Bessie Stave FRAMSTEGSPARTIET: Frank Willy Djuvik Rita Navarsete Britt Hilda Dalsbotten

2 VENSTRE: Klaus Arne Iversen Alfred Bjørlo Marit Barsnes Krogsæter KRISTELEG FOLKEPARTI: Trude Brosvik Olav Klungre Norunn Lunde Furnes SOSIALISTISK VENSTREPARTI: Norvall Nøringset Jan Olav Fretland Fylkesordføraren sa møtet lovleg sett. Fylkestinget song første verset av «Gud signe vårt dyre fedreland». Etter framlegg frå fylkesordføraren valde fylkestinget Knut Henning Grepstad til sekretær og Marit Silje Husabø som referent. Representantane Liv Stave og Norvall Nøringset vart valde til å skrive under møteboka. Fylkesrådmann Tore Eriksen var til stades. Fylkesordføraren opplyste at sakene var sendt ut slik: Sakene 10/15-26/15 Sendt ut Sak 27/15 Sendt ut Sak 28/15 Sendt ut Interpellasjon frå representanten Bjørlo. Interpellasjonen vert handsama til slutt i tingseta. Saklista vart godkjent. Ordførar i Balestrand, Harald Offerdal, helsa fylkestinget. Fylkesordføraren heldt ein tale til fylkestinget. Det vart avvikla debatt etter fylkesordføraren sin tale. Side 2 av 18

3 SAK 10/15 Årsrapport 2014 for Sogn og Fjordane fylkeskommune Årsrapport 2014 for Sogn og Fjordane fylkeskommune vert teken til orientering. SAK 11/15 Rekneskap 2014 for Sogn og Fjordane fylkeskommune 1. Rekneskapen for Sogn og Fjordane fylkeskommune for 2014, som syner kr til fordeling i drift og eit rekneskapsmessig mindreforbruk på kr ,50, vert godkjent. 2. Overskotet for 2014 på kr ,50 vert avsett til bufferfondet. SAK 12/15 Årsmelding kontrollutvalet 1. Årsmelding 2014 for kontrollutvalet vert teken til orientering SAK 13/15 Forvaltningsrevisjon - Innkjøp og oppfølging av kollektivtransport - rapport 1. Fylkestinget tek rapporten etter gjennomført forvaltningsrevisjon av innkjøp og oppfølging av kollektivtransport til etterretning 2. Fylkestinget ber fylkesrådmannen følgje opp tilrådingane frå revisor. 3. Fylkestinget ber fylkesrådmannen om å rapportere til kontrollutvalet når oppfølginga er ferdig, seinast innan 31. desember 2015 SAK 14/15 Endring av selskapsavtalen for Sogn og Fjordane Revisjon IKS Sogn og Fjordane fylkeskommune endrar selskapsavtalen for Sogn og Fjordane Revisjon IKS når det gjeld deltakarar og eigar- og ansvarsdel, jf. vedlegget. Side 3 av 18

4 SAK 15/15 Skyssreglement for elevar i vidaregåande skule i Sogn og Fjordane 1 Nytt skuleskyssreglement for elevar i vidaregåande skule vert fastsett i samsvar med vedlegg 1 som følgjer saka. 2 Reglementet skal gjelde frå skuleåret 2015/2016. SAK 16/15 Regionalt forskingsfond Vestlandet - årsrapport 2014 Frå hovudutval for plan og næring låg det føre slik tilråding til vedtak: Fylkestinget tek årsrapporten frå arbeidet med Regionalt forskingsfond Vestlandet i 2014 til vitande. Endringsframlegg: Kristeleg Folkeparti sette fram slikt framlegg til vedtak: Fylkestinget ber om at det vert arbeidd for å utvide formålet, slik at Regionalt Forskingsfond Vestlandet samsvarar betre med departementet sitt formål for regionale forskingsfond, slik det kjem fram i Kunnskapsdepartementet sine retningslinjer, pkt. 1.1.: «Innenfor regionens prioriterte områder skal fondene også bidra til langsiktig, grunnleggende kompetansebygging i relevante forskningsmiljøer, og dermed bidra til økt forskningskvalitet og til utvikling av gode og konkurransedyktige forskningsmiljøer i alle fylker». Dette kan gjerast ved å inkludere søknadstypane «Regionale institusjonsprosjekt» og «Regionale forskarprosjekt». Fylkesordføraren sette fram slikt framlegg til tillegg: Det er nå store utfordringar for næringslivet i Noreg knytt til nedgang i oljepris og lågare aktivitet i olje- og gass-sektoren. Vestlandet har hovudtynga av aktiviteten her, og vert derfor særleg ramma av nedskjeringar og auka arbeidsløyse. Omstillingsbehovet for næringslivet på Vestlandet er stort og vil venteleg vere langvarig. I denne situasjonen er det avgjerande at den sterke kompetansen innan olje- og gassindustrien vert vidareutvikla slik at han også kan inngå som grunnlag for ny næringsverksemd. Ei slik omstilling krev sterkare satsing på å få fram ny kunnskap gjennom regionalt relevant forsking som kan vere drivar for verdiskaping og marknadsretta innovasjon. Regionalt forskingsfond Vestlandet har som føremål å styrke den forskingsbaserte innovasjonsevna i næringsliv og offentleg sektor i fylka Rogaland, Hordaland og Sogn og Fjordane. Fondet har sidan starten i 2010 tildelt meir enn 170 millionar kroner til forsking med særleg potensial for innovasjon og verdiskaping i landsdelen. Regionalt forskingsfond Vestlandet har aldri hatt så mange søknader som våren 2015, og tildelte i styremøte 4. juni 2015 inntil 26,4 millionar kroner til forskingsarbeid. Fleire bedrifter og kommunar med viktige søknadstema fekk avslag. Det er ikkje midlar nok til mange gode prosjekt med stort potensial for kunnskapsbasert næringsutvikling på Vestlandet. Det er behov for å styrke ordninga med regionale forskingsfond. Dette vert støtta av ei nyleg framlagt Innstilling 333 S frå Kommunal- og forvaltningskomiteen om «Kommunereforma nye oppgåver til større kommunar». Her er det brei semje om å styrke dei regionale forskingsfonda. Fylkestinga i Rogaland, Hordaland og Sogn og Fjordane er kvar representert i styret for Regionalt forskingsfond med fylkesordførar. Fylkestinga ber statlege styresmakter om å handle raskt for å Side 4 av 18

5 legge til rette for kunnskapsbasert omstilling av næringslivet på Vestlandet. Vi ber om at det alt i 2015 vert lagt til rette for å styrke finansieringa av den næringsretta forskinga gjennom Regionalt forskingsfond Vestlandet. Fylkesordførarane ber dessutan om eit snarleg møte med politisk leiing i ansvarlege departement. I dette møtet vil vi klargjere ytterlegare dei behova vi ser for auka satsing på kunnskapsbasert innovasjon som kan bidra til heilt naudsynt omstilling av næringslivet på Vestlandet. Avrøysting: Tilrådinga frå hovudutvalet for plan og næring og framlegga frå Kristeleg Folkeparti og fylkesordføraren vart samrøystes vedtekne. Dette gir følgjande Fylkestinget tek årsrapporten frå arbeidet med Regionalt forskingsfond Vestlandet i 2014 til vitande. Fylkestinget ber om at det vert arbeidd for å utvide formålet, slik at Regionalt Forskingsfond Vestlandet samsvarar betre med departementet sitt formål for regionale forskingsfond, slik det kjem fram i Kunnskapsdepartementet sine retningslinjer, pkt. 1.1.: «Innenfor regionens prioriterte områder skal fondene også bidra til langsiktig, grunnleggende kompetansebygging i relevante forskningsmiljøer, og dermed bidra til økt forskningskvalitet og til utvikling av gode og konkurransedyktige forskningsmiljøer i alle fylker». Dette kan gjerast ved å inkludere søknadstypane «Regionale institusjonsprosjekt» og «Regionale forskarprosjekt». Det er nå store utfordringar for næringslivet i Noreg knytt til nedgang i oljepris og lågare aktivitet i olje- og gass-sektoren. Vestlandet har hovudtynga av aktiviteten her, og vert derfor særleg ramma av nedskjeringar og auka arbeidsløyse. Omstillingsbehovet for næringslivet på Vestlandet er stort og vil venteleg vere langvarig. I denne situasjonen er det avgjerande at den sterke kompetansen innan olje- og gassindustrien vert vidareutvikla slik at han også kan inngå som grunnlag for ny næringsverksemd. Ei slik omstilling krev sterkare satsing på å få fram ny kunnskap gjennom regionalt relevant forsking som kan vere drivar for verdiskaping og marknadsretta innovasjon. Regionalt forskingsfond Vestlandet har som føremål å styrke den forskingsbaserte innovasjonsevna i næringsliv og offentleg sektor i fylka Rogaland, Hordaland og Sogn og Fjordane. Fondet har sidan starten i 2010 tildelt meir enn 170 millionar kroner til forsking med særleg potensial for innovasjon og verdiskaping i landsdelen. Regionalt forskingsfond Vestlandet har aldri hatt så mange søknader som våren 2015, og tildelte i styremøte 4. juni 2015 inntil 26,4 millionar kroner til forskingsarbeid. Fleire bedrifter og kommunar med viktige søknadstema fekk avslag. Det er ikkje midlar nok til mange gode prosjekt med stort potensial for kunnskapsbasert næringsutvikling på Vestlandet. Det er behov for å styrke ordninga med regionale forskingsfond. Dette vert støtta av ei nyleg framlagt Innstilling 333 S frå Kommunal- og forvaltningskomiteen om «Kommunereforma nye oppgåver til større kommunar». Her er det brei semje om å styrke dei regionale forskingsfonda. Fylkestinga i Rogaland, Hordaland og Sogn og Fjordane er kvar representert i styret for Regionalt forskingsfond med fylkesordførar. Fylkestinga ber statlege styresmakter om å handle raskt for å legge til rette for kunnskapsbasert omstilling av næringslivet på Vestlandet. Vi ber om at det alt i 2015 vert lagt til rette for å styrke finansieringa av den næringsretta forskinga gjennom Regionalt forskingsfond Vestlandet. Fylkesordførarane ber dessutan om eit snarleg møte med politisk leiing i ansvarlege departement. I dette møtet vil vi klargjere ytterlegare dei behova vi ser for auka satsing på kunnskapsbasert innovasjon som kan bidra til heilt naudsynt omstilling av næringslivet på Vestlandet. SAK 17/15 Årsmelding for skuleåret 2014/2015 Elev- og lærlingombodet Side 5 av 18

6 Årsmelding for skuleåret 2014/2015 frå elev- og lærlingombodet vert teken til orientering. SAK 18/15 Personsamanfall mellom fylkesrådet for eldre og fylkesrådet for funksjonshemma 1. Det vert ikkje gjort endringar i organiseringa av Eldrerådet og Rådet for funksjonshemma. 2. Reglementet for Rådet for funksjonshemma vert endra slik: Namnet på rådet vert endra til: Rådet for menneske med nedsett funksjonsevne. 3. I reglementa for begge råda vert det teke inn ei formulering om at det skal vere kjønnsbalanse ved samansetting av råda. SAK 19/15 Lokal forskrift om inntak til vidaregåande opplæring og formidling til læreplass i Sogn og Fjordane fylkeskommune Presisering av 2 Inntaksområde - kriterium for tungtvegande grunnar Frå fylkesutvalet låg det føre slik tilråding til vedtak: Sogn og Fjordane fylkeskommune forstår omgrepet «tungtvegande grunnar» i 2 i lokal forskrift om inntak til vidaregåande opplæring og formidling til læreplass på følgjande måte: 1. Kriterium for tungtvegande grunnar vert å forstå slik: a. Det må ligge føre dokumenterte medisinske grunnar frå søkjar, og/eller b. Det må liggje føre dokumenterte sosiale grunnar frå søkjar, og/eller c. Søkjar må dokumentere at han eller ho har ferdigheiter på eit svært høgt nivå. I kva grad søkjar med dokumentert høge ferdigheiter kan utvikle seg med tilrettelegging i vidaregåande opplæring i vår eigen fylkeskommune, vil bli vektlagd i vurderinga. Det er ein vidare føresetnad at det heller ikkje er landslinje eller landsdekkande tilbod innan området der søkjar kan dokumentere særs høge ferdigheiter. Det er avgjerande at søkjar kan dokumentere å vere i landstoppen innan sitt område. Dokumentasjon på oppnådde resultat nasjonalt eller internasjonalt vil kunne tene som slik dokumentasjon. Attestar frå nasjonale/internasjonale institusjonar/instruktørar vil også kunne tene som dokumentasjon. 2. Ferdigheiter elles vert ikkje rekna som tungtvegande grunnar ved spørsmål om kjøp av skuleplass/gjesteelevgaranti i andre fylkeskommunar, der vi har eit «Spissa idrettstilbod i vidaregåande opplæring for potensielle toppidrettsutøvarar». Endringsframlegg: Høgre, Framstegspartiet og Venstre sette fram slikt framlegg til vedtak: Sogn og Fjordane fylkeskommune ønskjer at elevar kan få tildelt plass i anna fylke, betalt av heimfylket. Side 6 av 18

7 Sogn og Fjordane fylkeskommune tek på dette grunnlaget kontakt med andre fylkeskommunar for å inngå gjensidige avtalar om finansiering av gjesteelevplassar. Inntil avtale er oppretta eller det ligg føre ny nasjonal forskrift, gjeld 2 i lokal inntaksforskrift med slik forståing: 1. Kriterium for tungtvegande grunnar vert å forstå slik: a. Det må ligge føre dokumenterte medisinske grunnar frå søkjar, og/eller b. Det må liggje føre dokumenterte sosiale grunnar frå søkjar, og/eller c. Søkjar må dokumentere at han eller ho har ferdigheiter på eit svært høgt nivå. I kva grad søkjar med dokumentert høge ferdigheiter kan utvikle seg med tilrettelegging i vidaregåande opplæring i vår eigen fylkeskommune, vil bli vektlagd i vurderinga. Det er ein vidare føresetnad at det heller ikkje er landslinje eller landsdekkande tilbod innan området der søkjar kan dokumentere særs høge ferdigheiter. Det er avgjerande at søkjar kan dokumentere å vere i landstoppen innan sitt område. Dokumentasjon på oppnådde resultat nasjonalt eller internasjonalt vil kunne tene som slik dokumentasjon. Attestar frå nasjonale/internasjonale institusjonar/instruktørar vil også kunne tene som dokumentasjon. 2. Ferdigheiter elles vert ikkje rekna som tungtvegande grunnar ved spørsmål om kjøp av skuleplass/gjesteelevgaranti i andre fylkeskommunar, der vi har eit «Spissa idrettstilbod i vidaregåande opplæring for potensielle toppidrettsutøvarar». Avrøysting: Framlegget frå Høgre, Framstegspartiet og Venstre fekk 13 røyster og framlegget fall. Tilrådinga frå fylkesutvalet vart samrøystes vedteken. Dette gir følgjande Sogn og Fjordane fylkeskommune forstår omgrepet «tungtvegande grunnar» i 2 i lokal forskrift om inntak til vidaregåande opplæring og formidling til læreplass på følgjande måte: 1. Kriterium for tungtvegande grunnar vert å forstå slik: a. Det må ligge føre dokumenterte medisinske grunnar frå søkjar, og/eller b. Det må liggje føre dokumenterte sosiale grunnar frå søkjar, og/eller c. Søkjar må dokumentere at han eller ho har ferdigheiter på eit svært høgt nivå. I kva grad søkjar med dokumentert høge ferdigheiter kan utvikle seg med tilrettelegging i vidaregåande opplæring i vår eigen fylkeskommune, vil bli vektlagd i vurderinga. Det er ein vidare føresetnad at det heller ikkje er landslinje eller landsdekkande tilbod innan området der søkjar kan dokumentere særs høge ferdigheiter. Det er avgjerande at søkjar kan dokumentere å vere i landstoppen innan sitt område. Dokumentasjon på oppnådde resultat nasjonalt eller internasjonalt vil kunne tene som slik dokumentasjon. Attestar frå nasjonale/internasjonale institusjonar/instruktørar vil også kunne tene som dokumentasjon. 2. Ferdigheiter elles vert ikkje rekna som tungtvegande grunnar ved spørsmål om kjøp av skuleplass/gjesteelevgaranti i andre fylkeskommunar, der vi har eit «Spissa idrettstilbod i vidaregåande opplæring for potensielle toppidrettsutøvarar». Side 7 av 18

8 SAK 20/15 Melding om kystskogbruket Sogn og Fjordane fylkeskommune sluttar seg til Melding om kystskogbruket Sogn og Fjordane fylkeskommune vil følgje opp Kystskogmeldinga i samarbeid med dei andre deltakande fylkeskommunane. SAK 21/15 Regional plan for folkehelse Frå fylkesutvalet låg det føre slik tilråding til vedtak: 1 Regional plan for folkehelse vert vedteken slik han ligg føre, jf. vedlegg 1. Handlingsprogrammet for vert vedteke med desse endringane: Endringar i planen: a) Under pkt. 3, Satsingsområde: Endre pkt. 3 frå «Helsefremjande barnehagar og skular» til «Helsefremjande oppvekstmiljø i heim, barnehage og skule» b) Tillegg under pkt 3, Satsingsområde i planen, i 3. siste avsnitt s. 7. linje 2:.integrering i samfunnet, heimane, barnehagane,. c) Pkt 3.3, linje 2: Endre «mesteparten» til «mykje» d) Tillegg etter 1. avsnitt i pkt. 3.3: Det er svært viktig å få til godt samarbeid mellom barnehage, skule og heimane. e) Nytt kulepunkt under punkt 3.3, «Satsingsområdet skal fremje»: tiltak som fremjar stabile oppvekstforhold og trygge heimar Endringar i Handlingsprogrammet: Satsingsområde 3: Helsefremjande oppvekstmiljø i heim, barnehage og skule Utfordringar og behov: Tillegg: Legge til rette for stabile oppvekstvilkår Tillit og godt samarbeid mellom heimane og samfunnsinstitusjonar Strategiar: Nytt punkt B: Tilby god helsestasjonsverksemd med foreldrerettleiing og tilbod om samlivskurs Effekt: trygge foreldre færre samlivsbrot gje nettverk og inkludere Dei neste punkta får då C,D, E osv. 2 Dette programmet vert rullert årleg, parallelt med budsjettprosessen, som eit fireårig dokument. Endringsframlegg: Venstre sette fram slikt framlegg som tillegg i kapittel 3.4 "Trivselsfremjande fritid" (nytt siste avsnitt før kulepunkta): "Kontakt med dyr og natur er viktig for folkehelsa. Landbruket og hestemiljøa i fylket bør få høve til å vere ein aktiv deltakar i folkehelsearbeidet, mellom anna gjennom "Inn på tunet"-ordninga og vidareutvikling av tilbod innanfor dyr og helse." Avrøysting: Side 8 av 18

9 Tilrådinga frå fylkesutvalet og framlegget frå Venstre vart samrøystes vedtekne. Dette gir følgjande 1 Regional plan for folkehelse vert vedteken slik han ligg føre, jf. vedlegg 1. Handlingsprogrammet for vert vedteke med desse endringane: Endringar i planen: a) Under pkt. 3, Satsingsområde: Endre pkt. 3 frå «Helsefremjande barnehagar og skular» til «Helsefremjande oppvekstmiljø i heim, barnehage og skule» b) Tillegg under pkt 3, Satsingsområde i planen, i 3. siste avsnitt s. 7. linje 2:.integrering i samfunnet, heimane, barnehagane,. c) Pkt 3.3, linje 2: Endre «mesteparten» til «mykje» d) Tillegg etter 1. avsnitt i pkt. 3.3: Det er svært viktig å få til godt samarbeid mellom barnehage, skule og heimane. e)nytt kulepunkt under punkt 3.3, «Satsingsområdet skal fremje»: tiltak som fremjar stabile oppvekstforhold og trygge heima. Tillegg i kapittel 3.4 "Trivselsfremjande fritid" (nytt siste avsnitt før kulepunkta): "Kontakt med dyr og natur er viktig for folkehelsa. Landbruket og hestemiljøa i fylket bør få høve til å vere ein aktiv deltakar i folkehelsearbeidet, mellom anna gjennom "Inn på tunet"-ordninga og vidareutvikling av tilbod innanfor dyr og helse." Endringar i Handlingsprogrammet: Satsingsområde 3: Helsefremjande oppvekstmiljø i heim, barnehage og skule Utfordringar og behov: Tillegg: Legge til rette for stabile oppvekstvilkår Tillit og godt samarbeid mellom heimane og samfunnsinstitusjonar Strategiar: Nytt punkt B: Tilby god helsestasjonsverksemd med foreldrerettleiing og tilbod om samlivskurs Effekt: trygge foreldre færre samlivsbrot gje nettverk og inkludere Dei neste punkta får då C,D, E osv. 2 Dette programmet vert rullert årleg, parallelt med budsjettprosessen, som eit fireårig dokument. SAK 22/15 Ekstraordinært vedlikehald ved Sogn jord- og hagebruksskule 1. Fylkeskommunen skal gjennomføre ekstraordinært vedlikehald ved Sogn jord- og hagebruksskule i samsvar med framlagt prosjektrapport, datert Vedlikehaldsarbeidet har ei økonomisk ramme på 30 mill. kr eks. mva., finansiert slik: Tilskot frå staten 5 mill. kr Tilskot frå Aurland kommune 5 mill. kr Fylkeskommunal løyving 20 mill. kr Side 9 av 18

10 3. Den fylkeskommunale løyvinga på 20 mill. kr, ekskl. mva, vert finansiert ved låneopptak. Kapitalkostnadane knytt til låneopptaket vert å innarbeide i framtidige budsjett og økonomiplanar. 0,5 mill. kr til kjøp av rådgivingstenester i samband med utgreiingsarbeidet, som mellombels er finansiert over bufferfondet, inngår i nemnde låneopptak. SAK 23/15 Fylkestinget sitt årlege møte med Sogn og Fjordane Energi AS Fylkestinget fekk ei orientering frå Sogn og Fjordane Energi AS SAK 24/15 Fylkestinget sitt årlege møte med Fjord1 AS Fylkestinget fekk ei orientering frå Fjord1 AS SAK 25/15 Tertialrapport 1/2015 Frå fylkesutvalet låg det føre slik tilråding til vedtak: A. Det vert gjort slike endringar i driftsbudsjettet for Rammetilskotet vert auka med 4,753 mill. kr. 2 Utbytte vert auka med 19,800 mill. kr. 3 Konsesjonskraftinntektene vert auka med 2,300 mill. kr. 4 Auka lokale inntekter i punkt 2 og 3 vert avsett til bufferfond. 5 Driftsmidlar til investering vert auka med 0,400 mill. kr. 6 Sektorbudsjettet til forvaltning vert auka med 1,855 mill. kr Teneste 4200 Administrasjon vert auka med 1,300 mill.kr. Teneste 4205 Interne støtteeiningar vert auka med 0,155 mill.kr. Teneste 4201/4204/4801 personal vert auka med 0,400 mill.kr. 7 Sektorbudsjett til opplæring vert redusert med 12,327 mill. kr. Teneste 5100 Utgifter til lokale vert redusert med 0,710 mill.kr. Teneste 5151 Fellesutgifter for skulane vert auka med 0,900 mill. kr. Teneste 5201 Pedagogiske fellesutgifter vert redusert med 1,300 mill. kr. Teneste 5210 Utdanningsprogramma vert redusert med 10,000 mill. kr. Teneste 5211 Gratis læremiddel vert redusert med 0,900 mill. kr Teneste 5701 Opplæring i bedrift vert samla redusert med 0,317 mill. kr. 8 Sektorbudsjett til kultur vert auka med 1,288 mill. kr. Teneste 7710 Kunstformidling vert auka med 0,988 mill. kr. Teneste 7900 Andre kulturaktivitetar vert auka med 0,300 mill. kr. 9 Samla vert driftsbudsjettet saldert ved avsetjing til bufferfond med 13,537 mill. kr. Side 10 av 18

11 B. Det vert gjort slike endringar i kapitalbudsjettet for Investeringsprogrammet for bygg og anlegg med tilhøyrande finansieringsplan vert endra i samsvar med vedlegg 1. 2 Investeringsprogrammet for fylkesvegar med tilhøyrande finansieringsplan vert endra i samsvar med vedlegg 2. 3 Salsinntekter frå kapitalrekneskapen 2014 på 2,532 mill. kr, som var avsett til kapitalfond, vert nytta til ekstraordinære avdrag. C. Andre område 1 Det vert vedteke eit nytt punkt i budsjettreglementet slik: «Fylkesrådmannen får fullmakt til å gjere naudsynte transaksjonar, dvs. både bruk og avsetting av fond, på disposisjonsfondet Intern fordeling. Avsette midlar på dette disposisjonsfondet kan nyttast på alle programområde/tenester» Punkta i gjeldande budsjettreglement vert etter dette punkt Rapportering på finansporteføljen i vedlegg 3 vert teken til vitande. 3 Rapportering på konsesjonskraftomsetjing i vedlegg 4 vert teken til vitande. Endringsframlegg: Høgre, Framstegspartiet og Venstre sette fram slikt framlegg til nytt punkt B-4 «1. Det vert løyvd kroner 0,8 millionar i investeringsmidlar til Måløyraidsenteret». «. 2. Fylkestinget ber om at Hovudutvalet for kultur får framlagd ei utgreiing knytt til organisering og drift av Måløyraidsenteret» Fylkestinget sette fram slikt framlegg til nytt punkt D Ferjeavløysingsprosjekt: Når ei ferjeavløysingsordning for fylkesvegar er på plass, ynskjer Sogn og Fjordane fylkesting å sjå på moglegheitene for å utnytte dette på ein mest mogleg offensiv måte, slik som fylkestinget tidlegare har slege fast at ambisjonen er. Fylkestinget syner til at Hovudutval for samferdsle fatta fylgjande vedtak i HS-sak 34/14: «Saka vert utsett til nytt inntektssystem er vedteken av Stortinget og ein har fått avklara framtidig ordning for finansiering av ferjesamband og eventuell avløysing». Vi forventar at Departementet snarast råd etter Stortingsvedtaket konkretiserer korleis ordninga kan nyttast av fylkeskommunane. Fylkestinget ber difor fylkesadministrasjonen snarast mogeleg om ei sak der ein vurderer kva den nye ferjeavløysingsordninga betyr for våre prosjekt i Regional Transportplan; Ytre Steinsund, Atløysambandet og 45-minuttregionen. Fylkesadministrasjonen skal sjå på moglegheiter for finansiering, både gjennom reduserte utgifter og auka inntekter. Som ein del av denne saka skal ein også omtale og slå fast kva prinsipp Sogn og Fjordane fylkeskommune legg til grunn ved ferjeavløysingsprosjekt, og slik ivareta det som var bestillinga som låg til grunn for HS-sak 34/14. I saka skal ein mellom anna omtale fylgjande element: Oppdaterte kostnadsoverslaga for prosjekta, samt kostnadsoverslag for vidare planleggingsarbeid Årleg innsparing på ferjedrift, og kor stor del av prosjektet som kan finansierast av denne. Konsekvensar av nye kostnadsnøkklar innan samferdsle. Potensialet for å kombinere ferjeavløysing med rentekompensasjon. Side 11 av 18

12 Potensialet for å delfinansiere sambanda med brukarfinansiering. I samarbeid med dei involverte kommunane skal ein sjå på andre innsparingar fylkeskommunen kan realisere som fylgje av bru/tunnelprosjekta. Korleis vert ferjeavløysingsmidlane prisjustert. Kva som ligg i punktet om at fleire samband kan sjåast i samanheng Totaløkonomien til fylkeskommunen med ferjeavløysingsordninga Vurdere om ein kan gjennomføre ei mindre utbetring av Daløy ferjekai, og tilføre eventuell innsparing til delfinansiering av bru-prosjektet. Vurdere om det er muleg å slå saman Ytre Steinsund og Atløy-samband som ei felles brupakke, ved å sjå utgifter til ferjedrift og inntekter over inntekts-systemet i samanheng. Eventuelt andre relevante forhold som må avklarast for ferjeavløysingsordning. Dersom det trengs særskilde midlar til å utgreie ferjeavløysingsordninga, har fylkesrådmannen fullmakt til å nytte inntil 1,0 mill.kr frå løyving avsett til kollektivtrafikktiltak på investeringsbudsjettet. Avrøysting: Punkt 1 I framlegget frå Høgre, Framstegspartiet og Venstre fekk 13 røyster og vart dermed forkasta. Punkt 2 i framlegget frå Høgre, Framstegspartiet og Venstre 15 røyster og vart dermed forkasta. Fellesframlegget frå fylkestinget og tilrådinga frå fylkesutvalet vart samrøystes vedtekne. Dette gir følgjande A. Det vert gjort slike endringar i driftsbudsjettet for Rammetilskotet vert auka med 4,753 mill. kr. 2 Utbytte vert auka med 19,800 mill. kr. 3 Konsesjonskraftinntektene vert auka med 2,300 mill. kr. 4 Auka lokale inntekter i punkt 2 og 3 vert avsett til bufferfond. 5 Driftsmidlar til investering vert auka med 0,400 mill. kr. 6 Sektorbudsjettet til forvaltning vert auka med 1,855 mill. kr Teneste 4200 Administrasjon vert auka med 1,300 mill.kr. Teneste 4205 Interne støtteeiningar vert auka med 0,155 mill.kr. Teneste 4201/4204/4801 personal vert auka med 0,400 mill.kr. 7 Sektorbudsjett til opplæring vert redusert med 12,327 mill. kr. Teneste 5100 Utgifter til lokale vert redusert med 0,710 mill.kr. Teneste 5151 Fellesutgifter for skulane vert auka med 0,900 mill. kr. Teneste 5201 Pedagogiske fellesutgifter vert redusert med 1,300 mill. kr. Teneste 5210 Utdanningsprogramma vert redusert med 10,000 mill. kr. Teneste 5211 Gratis læremiddel vert redusert med 0,900 mill. kr Teneste 5701 Opplæring i bedrift vert samla redusert med 0,317 mill. kr. 8 Sektorbudsjett til kultur vert auka med 1,288 mill. kr. Teneste 7710 Kunstformidling vert auka med 0,988 mill. kr. Teneste 7900 Andre kulturaktivitetar vert auka med 0,300 mill. kr. 9 Samla vert driftsbudsjettet saldert ved avsetjing til bufferfond med 13,537 mill. kr. B. Det vert gjort slike endringar i kapitalbudsjettet for Investeringsprogrammet for bygg og anlegg med tilhøyrande finansieringsplan vert endra i samsvar med vedlegg 1. Side 12 av 18

13 2 Investeringsprogrammet for fylkesvegar med tilhøyrande finansieringsplan vert endra i samsvar med vedlegg 2. 3 Salsinntekter frå kapitalrekneskapen 2014 på 2,532 mill. kr, som var avsett til kapitalfond, vert nytta til ekstraordinære avdrag. C. Andre område 1 Det vert vedteke eit nytt punkt i budsjettreglementet slik: «Fylkesrådmannen får fullmakt til å gjere naudsynte transaksjonar, dvs. både bruk og avsetting av fond, på disposisjonsfondet Intern fordeling. Avsette midlar på dette disposisjonsfondet kan nyttast på alle programområde/tenester» Punkta i gjeldande budsjettreglement vert etter dette punkt Rapportering på finansporteføljen i vedlegg 3 vert teken til vitande. 3 Rapportering på konsesjonskraftomsetjing i vedlegg 4 vert teken til vitande. D. Ferjeavløysingsmidlar Når ei ferjeavløysingsordning for fylkesvegar er på plass, ynskjer Sogn og Fjordane fylkesting å sjå på moglegheitene for å utnytte dette på ein mest mogleg offensiv måte, slik som fylkestinget tidlegare har slege fast at ambisjonen er. Fylkestinget syner til at Hovudutval for samferdsle fatta fylgjande vedtak i HS-sak 34/14: «Saka vert utsett til nytt inntektssystem er vedteken av Stortinget og ein har fått avklara framtidig ordning for finansiering av ferjesamband og eventuell avløysing». Vi forventar at Departementet snarast råd etter Stortingsvedtaket konkretiserer korleis ordninga kan nyttast av fylkeskommunane. Fylkestinget ber difor fylkesadministrasjonen snarast mogeleg om ei sak der ein vurderer kva den nye ferjeavløysingsordninga betyr for våre prosjekt i Regional Transportplan; Ytre Steinsund, Atløysambandet og 45-minuttregionen. Fylkesadministrasjonen skal sjå på moglegheiter for finansiering, både gjennom reduserte utgifter og auka inntekter. Som ein del av denne saka skal ein også omtale og slå fast kva prinsipp Sogn og Fjordane fylkeskommune legg til grunn ved ferjeavløysingsprosjekt, og slik ivareta det som var bestillinga som låg til grunn for HS-sak 34/14. I saka skal ein mellom anna omtale fylgjande element: Oppdaterte kostnadsoverslaga for prosjekta, samt kostnadsoverslag for vidare planleggingsarbeid Årleg innsparing på ferjedrift, og kor stor del av prosjektet som kan finansierast av denne. Konsekvensar av nye kostnadsnøkklar innan samferdsle. Potensialet for å kombinere ferjeavløysing med rentekompensasjon. Potensialet for å delfinansiere sambanda med brukarfinansiering. I samarbeid med dei involverte kommunane skal ein sjå på andre innsparingar fylkeskommunen kan realisere som fylgje av bru/tunnelprosjekta. Korleis vert ferjeavløysingsmidlane prisjustert. Kva som ligg i punktet om at fleire samband kan sjåast i samanheng Totaløkonomien til fylkeskommunen med ferjeavløysingsordninga Vurdere om ein kan gjennomføre ei mindre utbetring av Daløy ferjekai, og tilføre eventuell innsparing til delfinansiering av bru-prosjektet. Vurdere om det er muleg å slå saman Ytre Steinsund og Atløy-samband som ei felles brupakke, ved å sjå utgifter til ferjedrift og inntekter over inntekts-systemet i samanheng. Eventuelt andre relevante forhold som må avklarast for ferjeavløysingsordning. Side 13 av 18

14 Dersom det trengs særskilde midlar til å utgreie ferjeavløysingsordninga, har fylkesrådmannen fullmakt til å nytte inntil 1,0 mill.kr frå løyving avsett til kollektivtrafikktiltak på investeringsbudsjettet. SAK 26/15 Økonomiplan Frå fylkesutvalet låg det føre slik tilråding til vedtak: 1. Sogn og Fjordane fylkeskommune sin økonomiplan vert vedteken slik den går fram av fylkesrådmannen si saksframstilling. Dette gjev følgjande sektorrammer: Økonomiske rammer B-2016 B-2017 B-2018 B-2019 Fellesinntekter/-utgifter - netto , , , ,3 Sektorrammer Forvaltning 145,1 137,9 136,9 126,6 Opplæring 830,0 800,3 773,4 749,4 Tannhelsetenesta 81,1 78,6 73,1 73,1 Plan og næring 95,6 109,1 103,0 102,6 Kultur 64,0 61,3 61,3 61,3 Samferdsle 918,0 956,6 966,9 958,4 Sum sektorrammer 2 133, , , ,3 Desse rammene vert lagt til grunn for det vidare budsjett- og økonomiplanarbeidet. 2. Økonomiplan har form av eit endringsdokument i høve gjeldande budsjett 2015/ økonomiplan 2016 (17-18). Det inneber at berre endringar i høve nemnde budsjett/ økonomiplan er kommenterte. 3. Tilrådde tiltak og tilpassingar må om naudsynt utgreiast og konkretiserast som ein del av arbeidet med budsjett Utgreiingar med seinare ferdigstillingsdato skal handsamast som ein del av budsjett/ økonomiplanprosessen som vert gjennomført i Avsette fondsmidlar (overført driftsresultat) innan tannhelse vert reservert omstillingskostnader ved omlegging til ny struktur på sektoren. Endringsframlegg: Arbeidarpartiet, Senterpartiet og Sosialistisk Venstreparti sette fram slikt framlegg som tillegg til i tilrådinga frå fylkesutvalet: Tekstleg føring til økonomiplan : «Fylkestinget vil vurdere utgreiingsrammene for sektorane i samband med dei årlege budsjettprosessane når delutgreiingane er klare og det er kjent om vi får opptrapping av tapskompensasjonen». Avrøysting: Framlegget frå Arbeidarpartiet, Senterpartiet og Sosialistisk Venstreparti fekk 36 røyster og vart dermed vedteke. Tilrådinga frå fylkesutvalet vart samrøystes vedteken. Dette gir følgjande Side 14 av 18

15 1. Sogn og Fjordane fylkeskommune sin økonomiplan vert vedteken slik den går fram av fylkesrådmannen si saksframstilling. Dette gjev følgjande sektorrammer: Økonomiske rammer B-2016 B-2017 B-2018 B-2019 Fellesinntekter/-utgifter - netto , , , ,3 Sektorrammer Forvaltning 145,1 137,9 136,9 126,6 Opplæring 830,0 800,3 773,4 749,4 Tannhelsetenesta 81,1 78,6 73,1 73,1 Plan og næring 95,6 109,1 103,0 102,6 Kultur 64,0 61,3 61,3 61,3 Samferdsle 918,0 956,6 966,9 958,4 Sum sektorrammer 2 133, , , ,3 Desse rammene vert lagt til grunn for det vidare budsjett- og økonomiplanarbeidet. 2. Økonomiplan har form av eit endringsdokument i høve gjeldande budsjett 2015/ økonomiplan 2016 (17-18). Det inneber at berre endringar i høve nemnde budsjett/ økonomiplan er kommenterte. 3. Tilrådde tiltak og tilpassingar må om naudsynt utgreiast og konkretiserast som ein del av arbeidet med budsjett Utgreiingar med seinare ferdigstillingsdato skal handsamast som ein del av budsjett/ økonomiplanprosessen som vert gjennomført i Avsette fondsmidlar (overført driftsresultat) innan tannhelse vert reservert omstillingskostnader ved omlegging til ny struktur på sektoren. Fylkestinget vil vurdere utgreiingsrammene for sektorane i samband med dei årlege budsjettprosessane når delutgreiingane er klare og det er kjent om vi får opptrapping av tapskompensasjonen. SAK 27/15 Verksemdoverdraging av PPT Sogndalsregionen til Sogndal kommune frå Under føresetnad av at kommunane Luster, Sogndal, Lærdal, Aurland, Leikanger og Vik gjer vedtak om å etablere ei felles pedagogisk-psykologisk teneste, Sogn PPT, frå , overdreg Sogn og Fjordane fylkeskommune PPT Sogndalsregionen til Sogndal kommune, etter reglane som gjeld for verksemdoverdraging. 2. Sogn og Fjordane fylkeskommune skal frå kjøpe pedagogisk-psykologiske tenester frå Sogn PPT. Omfanget av tenester vert å rekne ut frå det samla elevtalet ved Sogn jord- og hagebruksskule, Sogndal vidaregåande skule og Sygna vidaregåande skule, og tal løpande lærekontraktar i Sogn. 3. Kjøp av tenester skal regulerast i 4-årige avtalar. Fylkesrådmannen vil kunne inngå slike avtaler. Side 15 av 18

16 SAK 28/15 Fylkestinget om politireforma Frå fylkesutvalet låg det føre slik tilråding til vedtak: Fylkestinget oppmodar om at gjennomføringa av politireforma bygger på eit gjensidig godt tillitsforhold mellom politiet og dei andre etatane med beredskapsansvar. Fylkestinget i Sogn og Fjordane konstaterer at Stortinget sitt vedtak om politireforma inneber at Sogn og Fjordane politidistrikt vert slege saman med deler av Hordaland til eit nytt politidistrikt Vest. Fylkestinget viser til slik fleirtalsmerknad frå Arbeiderpartiet, Kristeleg Folkeparti og Senterpartiet i kap. 12 i reforma: «Komiteens fleirtal vil for eksempel vise til at Sogn og Fjordane har svært gode erfaringer med samvirket på tvers, utan å vie for mye oppmerksomhet til om oppgavene faller innenfor eller utenfor det formelle ansvarsområdet til den ene eller andre instansen. En viktig forutsetning er et gjensidig godt tillitsforhold mellom politiet og de andre etatene med beredskapsansvar. Det tette og effektive samarbeidet i fylkesberedskapsrådet har vært en viktig faktor for å få dette til lokalt.» Fylkestinget legg til grunn at denne merknaden føreset at ein i vidare organisering av dei nye politidistrikta skal byggje vidare på dei gode erfaringar og tillitsforhold som er skapt mellom politiet og dei andre etatane med beredskapsansvar. I dette biletet er det viktig at fylkesberedskapsrådet sine deltakarar får høve til å medverke i arbeidet framover. Fylkestinget ber derfor om at det vert lagt godt til rette for slik medverknad. Sogn og Fjordane fylkeskommune vil arbeide for at iverksetjinga av nærpolitireforma skjer slik at ein får eit best mogleg nærpoliti i Sogn og Fjordane, samtidig som ein i vårt fylke både kan ta vare på og byggje opp sterke fagmiljø i fylket og spesialfunksjonar i Florø. Endringsframlegg: Fylkestinget sette fram slikt framlegg til vedtak: Vidare arbeid med politireforma i Sogn og Fjordane. Fylkestinget i Sogn og Fjordane tek til etterretning vedtak om at politireforma inneber at Sogn og Fjordane politidistrikt vert slege saman med deler av Hordaland til eit nytt politidistrikt Vest. Fylkestinget oppmodar om at gjennomføringa av politireforma bygger på eit gjensidig godt tillitsforhold mellom politiet og dei andre etatane med beredskapsansvar. Fylkestinget viser til slik fleirtalsmerknad frå Komiteen i kap. 12 i reforma: «Komiteens fleirtal vil for eksempel vise til at Sogn og Fjordane har svært gode erfaringer med samvirket på tvers, utan å vie for mye oppmerksomhet til om oppgavene faller innenfor eller utenfor det formelle ansvarsområdet til den ene eller andre instansen. En viktig forutsetning er et gjensidig godt tillitsforhold mellom politiet og de andre etatene med beredskapsansvar. Det tette og effektive samarbeidet i fylkesberedskapsrådet har vært en viktig faktor for å få dette til lokalt.» Fylkestinget legg til grunn at denne merknaden føreset at ein i vidare organisering av dei nye politidistrikta skal byggje vidare på dei gode erfaringar og tillitsforhold som er skapt mellom politiet og dei andre etatane med beredskapsansvar. I dette biletet er det viktig at fylkesberedskapsrådet sine deltakarar får høve til å medverke i arbeidet framover. Fylkestinget ber difor om at det vert lagt godt til rette for slik medverknad. Sogn og Fjordane fylkeskommune vil arbeide for at iverksetjinga av nærpolitireforma skjer slik at ein får eit best mogleg nærpoliti i Sogn og Fjordane, samtidig som ein i vårt fylke både kan ta vare på og byggje opp sterke fagmiljø i fylket og spesialfunksjonar i Florø. Side 16 av 18

17 Sogn og Fjordane politidistrikt har levert godt på mange område, og det er fylkestinget si klare forventning at dette blir teke omsyn til når det nye distriktet skal organiserast. Fylkestinget krev at Alarmsentralen blir verande i fylket og at straffesakskontoret i det nye distriktet vert lokalisert til Florø. Vi forventar at ein utnyttar den kompetansen som er i Sogn og Fjordane og legg spesialfunksjonar til fylket. Fylkestinget krev at funksjonar som økoteam, vald og sedeligheit og retts- og påtale vert halde på minimum dagens nivå. Vi forventar også at den kompetansen som er ved operasjonssentralen i dag må sikrast i fylket og gå inn i andre spesialfunksjonar. Fylkestinget har merka seg at politidekninga i fylket er 1,3 per 1000 innbyggarar. Vi minner om det nasjonale målet på 2 per 1000 og vi forventar at det vert oppfyllt innanfor dagens fylkesgrenser. Dette er heilt avgjerande for tryggleiken til innbyggarane i Sogn og Fjordane og er på plass dersom dette skal bli den nærpolitireforma som Stortinget har lova. Avrøysting: Framlegget frå fylkestinget vart samrøystes vedteke. Dette gir følgjande Vidare arbeid med politireforma i Sogn og Fjordane. Fylkestinget i Sogn og Fjordane tek til etterretning vedtak om at politireforma inneber at Sogn og Fjordane politidistrikt vert slege saman med deler av Hordaland til eit nytt politidistrikt Vest. Fylkestinget oppmodar om at gjennomføringa av politireforma bygger på eit gjensidig godt tillitsforhold mellom politiet og dei andre etatane med beredskapsansvar. Fylkestinget viser til slik fleirtalsmerknad frå Komiteen i kap. 12 i reforma: «Komiteens fleirtal vil for eksempel vise til at Sogn og Fjordane har svært gode erfaringer med samvirket på tvers, utan å vie for mye oppmerksomhet til om oppgavene faller innenfor eller utenfor det formelle ansvarsområdet til den ene eller andre instansen. En viktig forutsetning er et gjensidig godt tillitsforhold mellom politiet og de andre etatene med beredskapsansvar. Det tette og effektive samarbeidet i fylkesberedskapsrådet har vært en viktig faktor for å få dette til lokalt.» Fylkestinget legg til grunn at denne merknaden føreset at ein i vidare organisering av dei nye politidistrikta skal byggje vidare på dei gode erfaringar og tillitsforhold som er skapt mellom politiet og dei andre etatane med beredskapsansvar. I dette biletet er det viktig at fylkesberedskapsrådet sine deltakarar får høve til å medverke i arbeidet framover. Fylkestinget ber difor om at det vert lagt godt til rette for slik medverknad. Sogn og Fjordane fylkeskommune vil arbeide for at iverksetjinga av nærpolitireforma skjer slik at ein får eit best mogleg nærpoliti i Sogn og Fjordane, samtidig som ein i vårt fylke både kan ta vare på og byggje opp sterke fagmiljø i fylket og spesialfunksjonar i Florø. Sogn og Fjordane politidistrikt har levert godt på mange område, og det er fylkestinget si klare forventning at dette blir teke omsyn til når det nye distriktet skal organiserast. Fylkestinget krev at Alarmsentralen blir verande i fylket og at straffesakskontoret i det nye distriktet vert lokalisert til Florø. Vi forventar at ein utnyttar den kompetansen som er i Sogn og Fjordane og legg spesialfunksjonar til fylket. Fylkestinget krev at funksjonar som økoteam, vald og sedeligheit og retts- og påtale vert halde på minimum dagens nivå. Vi forventar også at den kompetansen som er ved operasjonssentralen i dag må sikrast i fylket og gå inn i andre spesialfunksjonar. Fylkestinget har merka seg at politidekninga i fylket er 1,3 per 1000 innbyggarar. Vi minner om det nasjonale målet på 2 per 1000 og vi forventar at det vert oppfyllt innanfor dagens fylkesgrenser. Dette er heilt avgjerande for tryggleiken til innbyggarane i Sogn og Fjordane og er på plass dersom dette skal bli den nærpolitireforma som Stortinget har lova. Side 17 av 18

18 Fylkesordføraren takka fylkestinget og dei som hadde teke del i avviklinga av tingseta. Fylkesvaraordførar Jenny Følling takka fylkesordføraren for god møteleiing. Fylkestinget song Vil Gud ikkje vera bygningsmann. Møteboka vart opplesen og godkjent. Fylkestinget 16. og 17. juni 2015 på Kviknes Hotel, Balestrand kommune er slutt. Knut Henning Grepstad sekretær Side 18 av 18