Austevoll kommune. Innkalling Formannskapet. Sakliste

Transkript

1 Austevoll kommune Innkalling Formannskapet Møtestad: Kommunestyresalen Møtedato: Møtetid: 15:00 Eventuelt forfall skal meldast til tlf servicekontoret eller til Varamedlemmar møter etter nærare innkalling. Møtet er ope for tilhøyrarar. Saksdokument er lagt ut til offentleg gjennomsyn på nettsida til kommunen. Sak nr Tittel Sakliste 056/15 Godkjenning av møtebok 057/15 Politisk kvarter 058/15 Referatsaker 059/15 Rekneskapsrapportar Juli 060/15 Finansforvaltning, status pr /15 Budsjettrammer ved Austevoll ungdomsskule skuleåret /15 Rapport for sjukefråvær 1. kvartal /15 Sekretariat for kontrollutvalet 064/15 Gnr. 40 bnr og Gnr.41 bnr Haugland. Søknad om refusjon av oppstartsgebyr. 065/15 Kommunestyrevalet og fylkestingsvalet løn og godtgjeringar 066/15 Søknad om tillatelse til akvakultur av tare på lokaliteten Stegavåg - Austevoll Seaweed Farm AS Storebø, Renate Møgster Klepsvik Ordførar NB: Sak 061/15 vert ettersendt. 1

2 Saksframlegg Saksnr Utval Type Dato 056/15 Formannskapet PS Sakshandsamar Arkiv ArkivsakID Astrid Norunn Fagerbakke 15/1140 Godkjenning av møtebok Tilråding frå rådmannen: Møteboka frå møte i formannskapet vert godkjent slik ho ligg føre. Vedlegg: Protokoll - Formannskapet Bakgrunn for saka: Møteboka er lagt ut på kommunen si heimeside under politikk/saksdokument:

3 Austevoll kommune Møteprotokoll Formannskapet Møtestad: Kommunestyresalen Møtedato: Møtetid: 15:00-18:00 Sak nr: /15 Følgjande medlemmar møtte Edvard Johannes Stangeland Ingrid Møgster Helge Andre Njåstad Kjetil Østervold Olav Henry Jarnes Kurt William Frank Liv Bente Fagerbakke Storebø Kai Eliassen Forfall meldt Renate Møgster Klepsvik Følgjande varamedlemmar møtte Jostein Blænes Parti Sp Ap FrP FrP FrP H H KrF Parti FrP Parti FrP Møteleiar Frå adm. møtte Utlevert i møtet Orientering Merknader Innkalling Varaordførar Edvard Johannes Stangeland Rådmann Helge Skugstad, kommunalsjef Ruth Larsen, økonomisjef Thomas Martin Larsen. Ann-Kristin Hevrøy Hagen møtte som sekretær. Ingen merknader. Sak 054/15 er trekt frå sakslista. Ingen merknader Edvard Johannes Stangeland Kjetil Østervold Olav Henry Jarnes Varaordførar Kurt Willian Frank Ingrid Møgster Jostein Blænes Kai Eliassen Helge Andre Njåstad Liv Bente F. Storebø

4 Sakliste Sak nr Tittel 044/15 Godkjenning av møtebok 045/15 Politisk kvarter 046/15 Referatsaker 047/15 Rekneskapsrapportar April 048/15 Årsmelding og rekneskap /15 Kommunekomite TV-aksjonen NRK /15 Tidstjuvar 051/15 Søknad om konsesjon for dyrking av blåskjell og makroalger i områder ved lokalitet Flatøyflu 052/15 Fordeling av kulturmidlar /15 Fordeling av Idrettsmidlar /15 Infrastruktur. Straum, fiber, ljos. Austevoll fiskerihamn, Salthella - trekt 055/15 Oversikt over tilgjengelege tomtar i Austevoll kommune.

5 044/15: Godkjenning av møtebok Vedtak: Møteboka frå møte i formannskapet vert godkjent slik ho ligg føre. 045/15: Politisk kvarter Handsaming: Spørsmål frå Jostein Blænes (Frp): Er vegen ned til Tråvik kommunal? Vegen treng asfaltering og oppgradering. Svar frå varaordførar Edvard Johannes Stangeland (Sp): Vegen er kommunal, dette har vore diskutert tidlegare. Den er i dag mykje brukt av næringsaktørar. Framlegg frå Frp: Austevoll formannskap ber varaordføraren gå i dialog med næringsliv med sikte på å få fram ei sak til kommunestyret 22. juni der formannskapet sin ymsepost er aktuell for å få til eit asfalteringsprosjekt til Tråvik i Spørsmål frå Ingrid Møgster (Ap): Dersom Storting/Regjeringa vedtek lovendring eller forskriftsendring som konsekvens av tilrådingar frå Reitanutvalet, kan det bli nedlegging av Austevoll kraftlag. I dag er dette eit samvirkelag med 1 part for alle som er medeigar med 1 røyst på generalforsamlinga. Kva vil skje dersom eksempelvis (Lysglimt) og anna ikkje lenger skal vere avdeling med eige føretak? Og kva skjer dersom Austevoll kommune vert fusjonert inn i ein større kommune? Svar frå rådmann: Det er på noverande tidspunkt for tidleg å sei noko konkret om omfanget og eventuelle konsekvensar av strukturendringar dersom det blir vedteken. Spørsmål frå Liv Bente Storebø (H). 1. Høgre ber om at avtala med rektor på Austevoll ungdomsskule blir lagt fram for kommunestyremedlemane i fyrstkomande kommunestyremøte. 2. Me ber igjen om ein godt forståeleg rapport for medarbeidarundersøkjinga som er gjort ved Austevoll po-senter. Rapporten på medarbeiderundersøkjinga me har sett til no er ikkje lett å forstå utan at me får ei skikkelig innføring i talkodane. Etter det me kjenner til har det og vore pårørandeundersøkjing og me ber om at ein forståeleg rapport på denne undersøkjinga blir lagt fram i neste kommunestyremøte. 3. Kan me sjå søkjarlista til kommunalsjefstillinga? 4. Bør me ikkje sende inn høyringsuttale på vern av Korsfjorden frå kommunen? 5. Etter det me forstår har næringslivet trekt tilskot for B-ferja. Er det kommunen som må dekke næringslivet sin andel.

6 6. Kan me få løypemelding på anbodsgrunnlag IT drift? Svar frå rådmannen: Spørsmål 1 og 2. Spørsmåla vert teke til etteretning. 3. Søkjarlista på kommunalsjefstillinga ligg ute på heimesida til Austevoll kommune og er offentleg. 4. Svar frå varaordførar: Ordførar er på møte i dag vedk. vern om Korsfjorden. 5. Svar frå varaordførar: Har vore på fylkeskommunen og lagt fram saka, men det er Austevoll kommune som må dekke B- ferja pr. idag. Det vert eigen sak på dette hausten Svar frå varaordførar: Anbod ligg ute på doffin og ligg ute til 11. august Vedtak: Vert lagt ved møteboka. 046/15: Referatsaker Vedtak: Meldingane vert teke til etterretning slik dei ligg føre. 047/15: Rekneskapsrapportar 2015 April Vedtak: Austevoll kommunestyre tek rekneskapsrapport for april til orientering. 048/15: Årsmelding og rekneskap 2014 Handsaming: Tilleggsframlegg frå Høgre v/liv Bente Storebø: Austevoll kommunestyre ber om at alle einingane leverer årsrapport, også einingane som er drifta av private aktørar, slik at drifta kan kommenterast i den offisielle årsrapporten. Framlegget vart samrøystes vedteke. Vedtak: 1. Austevoll kommunestyre tek rådmannen si årsmelding for 2014 og dei årsmeldingane frå einingane som følgjer saka til orientering.

7 2. Austevoll kommunestyre vedtek at Austevoll kommune sitt årsrekneskap for 2014 vert godkjent i samsvar med revisor si melding om godkjenning, og at mindreforbruket, kr , vert satt av på disposisjonsfond. 3. Austevoll kommunestyre ber om at alle einingane leverer årsrapport, også einingane som er drifta av private aktørar, slik at drifta kan kommenterast i den offisielle årsrapporten. 049/15: Kommunekomite TV-aksjonen NRK 2015 Vedtak: Austevoll formannskap blir kommunekomité for Tv-aksjonen 2015 med servicekontoret som sekretariat. 050/15: Tidstjuvar Vedtak: Austevoll kommunestyre tek saka til orientering. 051/15: Søknad om konsesjon for dyrking av blåskjell og makroalger i områder ved lokalitet Flatøyflu Handsaming: Tilleggsframleggg frå Frp v/helge Andre Njåstad: Austevoll kommune speler inn at det bør setjast tidsvilkår på slike løyver at dei blir teke i bruk innan ein dato. Framlegget vert samrøystes vedteke. Vedtak: Austevoll kommune har vurdert søknaden frå Ocean Forest AS om løyve til dyrking av blåskjel og tareartane; sukkertare, fingertare, butare, rødalgen søl og grønalgen havsalat ved lokalitet Flatøyflu. Austevoll kommune vil etter ei heilhetsvurdering tilrå søknaden. Anlegget er lokalisert til fleirbruksområde i kommuneplanen. Austevoll kommune tilrår at søknaden frå Ocean Forest AS vert imøtekomen. Austevoll kommune speler inn at det bør setjast tidsvilkår på slike løyver at dei blir teke i bruk innan ein dato. 052/15: Fordeling av kulturmidlar 2015 Handsaming: Austevoll formannskap vedtek slik fordeling av kulturmidlar 2015: Lag/organisasjoner: Haugsneset vel kr ,- Storakalsøy vel " 5.000,-

8 Austevoll sjøspeidar " ,- Litlakalsøy vel " 5.000,- Møkster vel " 5.000,- Austevoll pensjonistlag " ,- Drøna og Rostøy bygdelag " 5.000,- Austevoll turlag " ,- Møllo " ,- Vinnes velforening " 5.000,- Møkster aktivitetsklubb " 5.000,- Betania Haukanes " ,- Austevoll Raude kross " ,- Haukanes og Bjelland grendelag " 5.000,- Austevoll brigdeklubb " 5.000,- Austevoll historielag " 5.000,- Austevollshella vel " 5.000,- KDV skulekorps " ,- Austevoll kyst og sogelag " ,- Bærekraftige liv Austevoll " 5.000,- Kongsen studio " 5.000,- Møkster Bu " 5.000,- Fri-Ma AS " ,- Stolmen helselag " 5.000,- Stolmen vel " 5.000,- Austevoll mållag " 5.000,- Kolbeinsvik vel " 5.000,- Unge Selbjørn " ,- NFU Austevoll lokallag " ,- Ungdomsklubb Hundvåkøy " ,- Hundvåkøy samfunnshus " 5.000,- "Eric Odeen" " ,- Totalt kr ,- Vedtak: Austevoll formannskap vedtek slik fordeling av kulturmidlar 2015: Lag/organisasjoner: Haugsneset vel kr ,- Storakalsøy vel " 5.000,- Austevoll sjøspeidar " ,- Litlakalsøy vel " 5.000,- Møkster vel " 5.000,- Austevoll pensjonistlag " ,- Drøna og Rostøy bygdelag " 5.000,- Austevoll turlag " ,- Møllo " ,- Vinnes velforening " 5.000,-

9 Møkster aktivitetsklubb " 5.000,- Betania Haukanes " ,- Austevoll Raude kross " ,- Haukanes og Bjelland grendelag " 5.000,- Austevoll brigdeklubb " 5.000,- Austevoll historielag " 5.000,- Austevollshella vel " 5.000,- KDV skulekorps " ,- Austevoll kyst og sogelag " ,- Bærekraftige liv Austevoll " 5.000,- Kongsen studio " 5.000,- Møkster Bu " 5.000,- Fri-Ma AS " ,- Stolmen helselag " 5.000,- Stolmen vel " 5.000,- Austevoll mållag " 5.000,- Kolbeinsvik vel " 5.000,- Unge Selbjørn " ,- NFU Austevoll lokallag " ,- Ungdomsklubb Hundvåkøy " ,- Hundvåkøy samfunnshus " 5.000,- "Eric Odeen" " ,- Totalt kr ,- 053/15: Fordeling av Idrettsmidlar 2015 Handsaming: Austevoll idrettsråd si innstilling vert samrøystes godkjent.

10 Vedtak: Austevoll formannskap vedtek slik fordeling av idrettsmidlar 2015: Lag/organisasjon Austevoll rideklubb kr ,- Selbjørn idrettsklubb " ,- Hundvåkøy idrettslag " ,- AIK Cheerleading " ,- Fair Play-utvalet " ,- Austevoll sykkelklubb " 5.000,- Austevoll seilforening " ,- Havstril padleklubb " ,- AIK friidrettsgruppa " ,- Totalt kr ,- 054/15: Infrastruktur. Straum, fiber, ljos. Austevoll fiskerihamn, Salthella Saka vart trekt frå sakslista. 055/15: Oversikt over tilgjengelege tomtar i Austevoll kommune. Handsaming: Vedtak: Austevoll formannskap vedtek å leggja ut invitasjon til grunneigarar i Austevoll kommune om å koma med innspel over tilgjengelege tomtar til bustadføremål. Dette for å få betre oversikt for innbyggjarane o.a. over tilgjengelege/ledige tomtar og prisnivå på tomtane. Kommunen vil setja dette i system og leggja inn oversikt over tomtar og prisnivå på kommunen si heimeside.

11 Saksframlegg Saksnr Utval Type Dato 057/15 Formannskapet PS Sakshandsamar Arkiv ArkivsakID Astrid Norunn Fagerbakke 15/1140 Politisk kvarter Tilråding frå rådmannen: Vert lagt ved møteboka. Bakgrunn for saka: Politisk kvarter er politikarane sin arena for å ta opp spørsmål i formannskaps-, utvals- og kommunestyremøta. Spørsmåla kan rettast til politisk leiing ved ordførar eller administrasjonen ved rådmannen. Medlemmane vert oppmoda til å senda inn spørsmål skriftleg på førehand. Dersom spørsmåla ikkje kan svarast på direkte, vert desse svara på i neste møte. Det kan ikkje gjerast vedtak i sakar som vert teken opp dersom 1/3 av medlemmane eller møteleiar set seg mot dette, jfr. kommunelova.

12 Saksframlegg Saksnr Utval Type Dato 058/15 Formannskapet PS Sakshandsamar Arkiv ArkivsakID Astrid Norunn Fagerbakke 15/1140 Referatsaker Refererte skriv og meldingar: DokID Tittel Budsjettbrev - Austevoll kommune Orienteringssak - framdrift Austevoll fiskerihamn Salthella Sentrumsplan Storebø - orientering om oppstart på planarbeid Tilråding frå rådmannen: Meldingane vert tekne til etterretning slik dei ligg føre.

13 Sakshandsamar, innvalstelefon Håvard Rød, Vår dato Dykkar dato Vår referanse 2015/ Dykkar referanse Austevoll kommune, Kommunehuset, 5392 Storebø AUSTEVOLL KOMMUNE - BUDSJETT OG ØKONOMIPLAN Fylkesmannen har motteke særutskrift av kommunestyresak om budsjett for 2015 og økonomiplan, vedteke i kommunestyremøte 15.desember Kommunen er ikkje under statleg kontroll og godkjenning etter kommunelova 60. Etter 15 i forskrifter om årsbudsjettet skal årsbudsjettet, slik det er vedteke av kommunestyret, liggja føre som eige dokument innan 15. januar. Økonomiske oversyn må vera utarbeidd innan 1. mars i budsjettåret. Etter kommunelova 45 tredje punkt skal innstillinga til årsbudsjett ha vore lagt ut til offentleg gjennomsyn i minst 14 dagar før handsaming i kommunestyret. Det er lagt opp til reduksjon i skatteøyret for kommunane frå 11,4 prosent i 2014 til 11,35 prosent i Frie inntekter Kommunen har budsjettert med kr ,- i skatt på eige og inntekt for I 2014 var det ein samla skatteauke for kommunane i landet på 1,9 prosent. Det er i framlegget til revidert nasjonalbudsjett rekna med ein skatteauke for kommunane frå 2014 til 2015 på 4,6 prosent. Kommunen sitt skattenivå i 2014 var 134,6 prosent av landsgjennomsnittet. I rammeoverføring til kommunane er det symmetrisk inntektsutjamning. Kommunar med skattenivå over landsgjennomsnittet får eit trekk i 2015 tilsvarande 60 prosent av differansen mellom eige skattenivå og landsgjennomsnittet. Kommunar med skattenivå under landsgjennomsnittet får kompensasjon i 2015 tilsvarande 60 prosent av differansen mellom landsgjennomsnittet og eige skattenivå. Kommunar med skattenivå under 90 prosent av landsgjennomsnittet får også tilleggskompensasjon tilsvarande 35 prosent av differansen mellom 90 prosent av landsgjennomsnittet og eige skattenivå. Kommunen sine frie inntekter består av ordinær skatt og statleg rammeoverføring, medrekna inntektsutjamning. Sum frie inntekter er budsjettert til kr. 294,8 mill. Statens hus Kaigaten 9, 5020 Bergen Telefon: Telefaks: Kommunal- og samfunnsplanavdelinga Postboks 7310, 5020 Bergen Org.nr: E-post: postmottak@fmho.no Internett:

14 Inntektsprognosen for 2015 er oppdatert med endelege innbyggjartal pr og innkomen skatt i Grunnlaget for inntektsutjamninga vil vere innbyggjartal per For innbyggjartilskot og utgiftsutjamninga med aldersfordeling er grunnlaget innbyggjartal per Dei budsjetterte frie inntektene er ikkje for høge samanlikna med den siste inntektsprognosen. Denne prognosen byggjer på innstilling frå komiteane på Stortinget til revidert nasjonalbudsjett. Vi vurderer med andre ord dei budsjetterte frie inntektene som realistiske. Eigedomsskatt Det er budsjettert med om lag kr. 3,2 mill. i eigedomsskatt for Eigedomsskatten for 2015 er sju promille på verk og bruk. Innkomen eigedomsskatt i 2014 var i underkant av kr. 3,2 mill. Løns- og prisauke Prisindikatoren for kommunesektoren for 2015 er i framlegget til revidert nasjonalbudsjett 2,9 prosent. Prisindikatoren består av pårekna lønsvekst 3,2 prosent og pårekna prisvekst på varer og tenester med 2,4 prosent. Avdrag I økonomireglane er det gitt minimumskrav for storleiken på årlege avdrag. Etter kommunelova 50 sjuande ledd kan attståande løpetid for kommunen si samla gjeldsbyrde ikkje overstiga den vegde levetida for kommunen sine anleggsmidlar ved det siste årsskiftet. Kommunelova set eit minstekrav til totale låneavdrag for kommunen. Ein hovudregel vil vere at årlege låneavdrag som eit minimum må utgjere om lag 3 ½ - 4 prosent av lånegjelda ( når formidlingslån og avdrag på slike lån ikkje er rekna med ). Fylkesmannen tilrår kommunane at dei ordinære avdraga minst er på dette nivået. Det er budsjettert med kr. 9,0 mill. i ordinære avdrag (utanom avdrag på formidlingslån). Dette utgjer om lag 3,0 prosent av kommunen si netto lånegjeld ved utgangen av 2014 (kr. 324,3 mill. - kr. 27,3 mill.). Dei ordinære avdraga i budsjettet er for låge samanlikna med det avdragsnivået vi tilrår kommunane. Dei ordinære avdraga bør bli justerte opp. Kommunen kan vurdera dette i samanheng med om det er grunnlag for å auka dei budsjetterte frie inntektene. Driftsresultat Kommunelova 46 punkt 6 legg til grunn at det blir budsjettert med eit driftsresultat som minst er tilstrekkeleg til å dekka renter, ordinære avdrag og nødvendige avsetjingar ( inkl. inndekning av underskot ). Paragraf 3 i forskriftene om årsrekneskapen presiserer nærare det driftsrekneskapen og investeringsrekneskapen skal omfatta. Som hovudregel må til dømes ei inntekt og innbetaling som ikkje er ordinær bli ført i investeringsrekneskapen. 2

15 Kommunane er i tidlegare år tilrådd å ha eit netto driftsoverskot i prosent av driftsinntektene på minst tre prosent, basert på prinsippet om formuebevaring. Momskompensasjon frå investeringar har til og med 2013 vore inntektsført i driftsrekneskapen. Frå og med 2014 blir momskompensasjonen frå investeringar i staden inntektsført direkte i investeringsrekneskapen. På denne bakgrunn har Det tekniske berekningsutvalet for kommunal og fylkeskommunal økonomi i sin rapport frå november 2014 redusert det tilrådde nivået for netto driftsoverskot, i prosent av driftsinntektene, frå 3 prosent til 1 ¾ prosent for kommunane generelt ( for fylkeskommunane er det tilrådd eit høgare nivå som følgje av ansvar for tidlegare riksvegar). Tilrådinga er no knytt til kommunekonsern og ikkje som tidlegare til kommunekasse. Nivået på 1 ¾ prosent for netto driftsoverskot er eit tilrådd minstenivå frå utvalet. Fylkesmannen si vurdering er at ei målsetjing om eit noko høgare netto driftsoverskot enn 1 ¾ prosent vil vere positivt med sikte på å kunne handtere svingingar i inntektene og for å ha stabilitet i tenestene. Kommunen hadde eit netto driftsoverskot i 2014 på berre om lag kr. 1,3 mill. Dette er eit svakt resultat og utgjer berre knapt 0,4 prosent av driftsinntektene. I opphavleg vedteke budsjett for 2015 er det eit netto driftsoverskot med kr ,-. Dette utgjer berre 0,4 prosent av driftsinntektene i budsjettet. Både netto driftsresultat i rekneskap 2014 og i opphavleg vedteke budsjett 2015 må bli vurderte som svake. Resultata er vesentleg lågare enn det som blir tilrådd kommunane, blant anna frå Det tekniske berekningsutvalet for kommunal økonomi. Kommunen hadde eit rekneskapsoverskot per med om lag kr. 2,4 mill. Disposisjonsfond ved utgangen av 2014 var om lag kr. 20,7 mill. Investering, lånegjeld og kapitalutgifter I 2015 er det planlagt brutto investeringar for til saman kr. 120,3 mill. Dei største investeringane i år er i Storebø skule og i LM - senter (helse). I tillegg kjem låneopptak til vidareutlån med kr. 4,0 mill. Investeringane er i hovudsak planlagt finansierte med bruk av lån, kr. 101,7 mill. Dette er både unytta lånemidlar og nye lån. Resten av investeringane blir finansierte med momskompensasjon, kr. 17,8 mill., og ein mindre del med bruk av investeringsfond. Vi har rekna ordinær langsiktig gjeld pr pr. innbyggjar for kommunane i fylket utanom Bergen til kr ,- (kommunekassa - ikkje konsern). I dette talet er ikkje pensjonsforplikting medrekna. Det tilsvarande talet for kommunen er kr ,-. Det generelle gjeldsnivået for kommunane i landet har auka vesentleg, og nivået må bli vurdert som høgt. Kommunane samla i fylket utanom Bergen har eit gjeldsnivå som ligg noko høgare enn landsgjennomsnittet. Landsgjennomsnittet (kommunekasse - ikkje konsern) si lånegjeld ved utgangen av 2013 var kr ,-. 3

16 Kommunen si brutto lånegjeld ved utgangen av 2014 er rekna til om lag kr. 324,3 mill., eller kr ,- per innbyggjar. Det er lagt opp til høge låneopptak både i 2015 og i I 2016 er låneopptaka for ein stor del knytt til investeringa i Storebø skule og i symjehall. Kommunen si lånegjeld vil kome på eit høgt nivå ved utgangen av Kommunen sitt framtidige gjeldsnivå kan ikkje vere høgare enn det er inntektsgrunnlag for. Det vil vere ein risiko for at kommunen ikkje vil ha tilstrekkelege høge inntekter til å bere den planlagde gjeldauken for i år og neste år. Det må også bli sett i samanheng med kommunen sine svake netto driftsresultat, både i rekneskap 2014 og i opphavleg vedteke budsjett Oppsummering Dei ordinære avdraga i budsjettet er for låge, samanlikna med det avdragsnivået vi tilrår kommunane, og bør bli justerte opp. Både netto driftsresultat i rekneskap 2014 og i budsjett 2015 må bli vurderte som svake. Resultata er vesentleg lågare enn det som generelt blir tilrådd kommunane. Det er ein risiko for at kommunen ikkje vil ha tilstrekkelege høge inntekter til å bere den gjeldauken som det blir lagt opp til i vedteke økonomiplan for åra 2015 og Med helsing Lars Sponheim Rune Fjeld ass. fylkesmann Brevet er godkjent elektronisk og har difor inga underskrift Gjenpart : Noraudit DA, Postboks 4 Nygårdstangen, 5838 Bergen 4

17 5

18 Notat til orientering Til: Austevoll formannskap Frå : Rådmannen Vår ref. Arkivkode Dykkar ref. Dato 14/500-20/ / Orienteringssak - framdrift Austevoll fiskerihamn Salthella Kystverket sitt arbeid med molo i Austevoll Fiskerihamn Salthella skal etter planen ferdigstillast første kvartal Enkelte aspekt knytt til infrastruktur er enno ikkje endeleg avklart, men arbeidet med hamna er no likevel i ferd med å gå inn i ein ny fase. Austevoll kommune ønskjer å styre vidare prosess for å sikre god framdrift i prosjektet. Tida er no inne for å eines om ein god og hensiktsmessig organisering av arbeidet med utvikling av hamna. Det krevjast avklaringar med involverte partar, deriblant grunneigarar, og ikkje minst ein brukar- og marknadsundersøking. Austevoll kommune var i veke 34 på synfaring og i møter i Gulen Industrihamn for å sanke erfaringar. Vitjingar til andre hamnar som har vore gjennom liknande prosessar kan vere aktuelt i tredje kvartal Dette vil danne grunnlaget for vidare strategi med å sikre ein dynamisk og attraktiv hamn, både for lokalsamfunnet og for regionen. Rådmannen vil følgje opp tiltaka nemnd over, involvere relevante partar og etablere ein framdriftsplan. Formannskapet i Austevoll kommune vert løpande orientert om dette arbeidet utover hausten 2015.

19 Notat til orientering Til: Austevoll formannskap Frå : Rådmannen Vår ref. Arkivkode Dykkar ref. Dato 15/179-26/ / Sentrumsplan Storebø - orientering om oppstart på planarbeid Austevoll kommune har etter anbodsrunde engasjert Norconsult for å utarbeide ein sentrumsplan for Storebø. Oppstartsmøte mellom Norconsult og Austevoll, samt synfaring i planområdet fann stad Neste steg i prosessen er oppstart av planarbeid og ope møte Det er ønskjeleg at alle interessegrupper er representert i folkemøtet: Grunneigarar, velforeiningar, næringsliv, FAU i skulen, barn og unga, i tillegg til ålmenta. Møtet vart kunngjort i Marsteinen i veke 34, på kommunen si heimeside og i sosiale medier. Planprogrammet frå Norconsult med framdriftsplan følgjer som vedlegg. Dette vert og gjort tilgjengeleg for ålmenta. Rådmannen vil følgje opp saka i høve til framdriftsplanen. Dok.dato Tittel Planprogram.pdf

20 Austevoll kommune Planprogram Områdereguleringsplan med konsekvensutgreiing for Storebø Oppdragsnr.:

21 Planprogram Områdereguleringsplan med konsekvensutgreiing for Oppdragsnr.: Dokument nr.: Revisjon: Rev. 01 Dato: Beskrivelse Planprogram Storebø Utarbeidet Moher Fagkontroll FRSta Godkjent Moher Dette dokumentet er utarbeidet av Norconsult AS som del av det oppdraget som dokumentet omhandler. Opphavsretten tilhører Norconsult. Dokumentet må bare benyttes til det formål som oppdragsavtalen beskriver, og må ikke kopieres eller gjøres tilgjengelig på annen måte eller i større utstrekning enn formålet tilsier. Norconsult AS Pb. 1199, NO-5811 Bergen Valkendorfsgate 6, NO-5012 Bergen Side 2 av 25

22 Planprogram Områdereguleringsplan med konsekvensutgreiing for Oppdragsnr.: Dokument nr.: Revisjon: Innhald 1 Innleiing 4 2 Bakgrunn og føremål med planen 5 3 Lokalisering og plangrunnlag Lokalisering og planavgrensing Plangrunnlag Kommuneplanen sin arealdel Kommuneplanen sin samfunnsdel Reguleringsplanar 7 4 Nokre råd om stadutvikling frå sentralt hald 12 5 Status og utfordringar Stadutvikling, stadstruktur, estetikk Grønstruktur Kulturminne Mobilitet (Veg-, sykkel- og gongvegsystem, kollektiv, parkering) 20 6 Utgreiingsprogram 22 7 Planprosess, framdrift, medverknad Side 3 av 25

23 Oppdragsnr.: Planprogram 1 Innleiing Det vert med dette lagt fram forslag til planprogram for utarbeiding av reguleringsplan med konsekvensutgreiing for Storebø i Austevoll kommune. Austevoll kommune vurderer det slik at områdereguleringsplanforslaget for Storebø er omfatta av forskrift om konsekvensutgreiingar (KU): Jf. forskrift om KU 2 d skal det utarbeidast konsekvensutgreiing for "områdereguleringer og detaljreguleringer på mer enn 15 dekar, som omfatter nye område til utbyggingsformål." Det kan ikkje utelukkast at planforslaget vil innehalde nye område til utbyggingsføremål (nye område er her antatt å gjelde nye område utover det kommuneplanen viser). Jf. forskrift om KU 2 e skal det utarbeidast konsekvensutgreiingar for områdereguleringar som fastsett rammar for tiltak i vedlegg I og vedlegg II. Her er det særleg følgjande som vil/kan slå ut: o Vedlegg I, pkt 1: "Industrianlegg, næringsbygg, bygg for offentlig eller privat tjenesteyting og bygg til allmennyttige formål med et bruksareal på meir enn m2 eller som omfatter et planområde på mer enn 15 dekar". Næring og offentlig og privat tenesteyting er formål som vil inngå i planen og planområdet er større enn 15 dekar. o Vedlegg II, pkt 10 b) Utviklingsprosjekter for by- og tettstedsområder. Dette er et utviklingsprosjekt for tettstaden Storebø. Etter pbl 4-1 skal planar som er omfatta av forskrifta starte opp med utarbeiding av eit planprogram. Etter pbl 4-1 skal planprogrammet gjere greie for føremålet med planarbeidet, planprosessen med fristar og deltakarar og opplegget for medverknad, kva alternativ som vil bli vurdert og trongen for utgreiingar. Planprogrammet sendast på høyring samstundes med varsel om oppstart av planarbeidet. Etter høyringa av planprogrammet skal det vurderast om det skal gjerast endringar i planprogrammet, før det vert lagt fram til vedtak/ fastsetting. Det fastsette planprogrammet vil gje grunnlag for det vidare arbeidet med områdeplanen Side 4 av 25

24 Oppdragsnr.: Planprogram 2 Bakgrunn og føremål med planen Storebø er kommunesenteret og største tettstad i Austevoll kommune. Utviklinga på Storebø har dei siste åra vore orientert mot hovudvegen gjennom området. Kommunen ønskjer no å styre utviklinga slik at fokus i staden blir mot sjøen slik tradisjonen er i resten av Austevoll. I tillegg ligg det føre ein rekkje reguleringsplanar for Storebø, som ikkje fungerer heilt slik kommunen ønskjer. Kommunen ønskjer difor å utarbeide ein ny heilskapleg områdereguleringsplan for Storebø. Norconsult vil vere plankonsulent for arbeidet. Figur 1: Ortofoto/ flyfoto over Storebø Side 5 av 25

25 Oppdragsnr.: Planprogram 3 Lokalisering og plangrunnlag 3.1 LOKALISERING OG PLANAVGRENSING Planen omfattar kommunesenteret og tettstaden Storebø på Austevoll. Storebø ligg nord i kommunen, på øya Huftarøy. Planområdet omfattar dei sentrale delane av Storebø samt omkringliggande bustadområde/ næringsområde. Evt potensielle utviklingsområde, i utkanten av tettstaden, vert og tatt med i planen. Justering av planavgrensinga kan kome til å skje i samband med utforming av planen. Tegnforklaring (kommuneplanens arealdel) Figur 2: Omtrentleg planavgrensning for områdereguleringsplanen, vist med raud line over kommuneplanens arealdel. I nord er planen avgrensa av fv 546 ut til Hundvågøy. I nordvest ligg eit utviklingsområde (næring mv.) mot sjø som er tatt med i planen. I nordaust avgrensast planen av eit område for tenesteyting der kommunen sitt PO-senter ligg. Planen tar vidare med seg gravplassen på Storebø i aust og eit større bustadområde i sør sett av til framtidig bustadutviklingsområde i Side 6 av 25

26 Oppdragsnr.: Planprogram kommuneplanen. I vest er vektlagt å få med mogelege utviklingsområde langs sjø, jf føremålet med områdereguleringsplanen om betre sjøtilknytning. 3.2 PLANGRUNNLAG Kommuneplanen sin arealdel For oversikt over føremål i kommuneplanen sin arealdel, sjå illustrasjonen under 3.1 ovanfor. Dei sentrale delane av Storebø er dominert av føremål som tenesteyting og næring. I ytterkantane er det bustadføremål som dominerer. To framtidige friområde er vist mot sjø. I sjøområda er det vist fire område for småbåthamn innafor planavgrensinga Kommuneplanen sin samfunnsdel I kommuneplanen sin samfunnsdel er det sett eit mål for Storebø: "Kommunen vil satse på videreutvikling av Storebø som handels- og kommunesenter". Det er vidare peikt på følgjande utfordringar for Storebø: Utvikling av Storebø som handelssenter og utnytting av sjølina Fleire tilbod innafor handel og tenester Bygge fleire bustader og større mangfald innafor bustadsektoren Sikre eit godt visuelt inntrykk av bygningsmassen Det er trong for fleire parkeringsplassar Utvikle Storebø til kystby Sikre fleire vegar til og frå tettstaden gjennom planlegging Det er og lagt nokre strategiar for vidare utvikling: Kartlegge behov hos næringslivet og sikre areal til desse Påverke utbyggarar til å bygge fleire sentrumsnære bustader for eldre og omsorgsbustader Skape gode møteplassar innomhus og utomhus Parkering for handel og bustader bør i større grad skje under bakken Handel, service og bustad skal kombinerast i større grad enn i dag Det er spesielt viktig å få utvikla området i Gråsidadalen/ Prestaneset med sentrumsfunksjonar Som tiltak er vektlagt sikring av møteplassar, parkering under bakkenivå og byggeskikk samt utvikling av sjøfronten (Prestaneset) Reguleringsplanar Den sentrale reguleringsplanen i området er sentrumsplanen for Storebø der heile plankartet sist vart endra i Innafor denne planen er det gjennomført tre endringar med eigne plankart: 1. Storebø senter 2. Gnr 43, bnr 756 m.fl 3. Prestaneset Side 7 av 25

27 Oppdragsnr.: Planprogram Figur 3: Utsnitt av gjeldande sentrumsplan for Storebø Side 8 av 25

28 Oppdragsnr.: Planprogram 1) Reguleringsplan for Storebø senter 2) Reguleringsplan for gnr 43, bnr 732 m.fl toreø 3) Utsnitt av reguleringsplan for Prestaneset Figur 4: Reguleringsendringar innanfor sentrumsplanen. Planen for Prestaneset (3) strekkjer seg i tillegg vestover utanfor gjeldande sentrumsplan Side 9 av 25

29 Oppdragsnr.: Planprogram Nord/ nordvest for sentrumsplanen ligg det tre gjeldande reguleringsplanar: Like nord for gjeldande sentrumsplan ligg bustadplanen Knivahaugane: Figur 5: Reguleringsplan for Knivahaugane Like nord for Prestaneset, finn vi reguleringsplanen for Gråsidedalen: Figur 6: Reguleringsplan for Gråsidedalen Side 10 av 25

30 Oppdragsnr.: Planprogram Heilt nordvest i planområdet, ved brua over til Hundvågøy, ligg det føre ein reguleringsplan for "Indreholmen sør" der det er regulert inn næring/ industri og småbåtanlegg. Denne planen er no under endring. Figur 7: Reguleringsplan for Indreholmen Sør Mellom planen for Gråsidedalen og planen for Indreholmen sør er det eit pågåande reguleringsplanarbeid for eit nytt område; Haugland/ Gråsidedalen Vest. Området skal regulerast til bustader og naust i tråd med kommuneplanens arealdel Side 11 av 25

31 Oppdragsnr.: Planprogram 4 Nokre råd om stadutvikling frå sentralt hald Utarbeiding av områdereguleringsplan for Storebø er eit stadutviklingsprosjekt. Gjennom arbeid med planen skal ein skape eit sjørelatert sentrumsområde med levande bumiljø, arbeidsplassar, kulturtilbod, servicefunksjonar, næringsliv og grøne kvalitetar. Det eksisterer mykje rettleiingsmateriell frå sentralt hald om stadutvikling. I det følgjande er lista opp nokre av desse råda/ forventningane for å få eit bakgrunnsteppe for kvifor ein bør gå gjennom denne prosessen for Storebø og kva som er viktig å satse på for å få til ei god utvikling. Nasjonale forventningar til regional og kommunal planlegging, vedteke 12.juni 2015 I dokumentet vert det poengtert at eit levande sentrum med eit variert tilbod av bustader, handel, tenester og kultur er viktig for byane og tettstadene sin attraktivitet og konkurransekraft. Regjeringa meiner at det viktig at kommunane har ein aktiv og heilskapleg sentrumspolitikk og legg til rette for etablering av både bustader, arbeidsplassar, handel og servicefunksjonar i sentrum. Kompakt by- og tettstadutvikling vil bidra til auka aktivitet i sentrum samtidig som korte avstandar mellom bustad og daglege gjeremål gjer kvardagen enklare. God tilrettelegging for gåande vil også gi økt aktivitet i sentrum. Regjeringa vil i framtida etterspørje byar og tettstader med både urbane og grøne kvalitetar, og med attraktive byrom, møteplassar og uteareal. God arkitektur, historiske bygningar og bymiljø bidreg til stadidentitet og positive opplevingar av sentrum. Stedsutvikling.no KMD har ein eigen internettside om stadutvikling ( Her vert blant anna følgjande trekt fram som grunnar for å satse på stadutvikling: Gode byrom og møteplassar fremmjer kontakt mellom menneskje og er viktig for det sosiale livet på staden. Grøne område og korridorar opnar for rekreasjon og naturopplevingar, fysisk utfolding og betre lokalklima. Gjennom å ta vare på kulturminne og kulturmiljø vert staden sitt særpreg og identitet styrka og folk får ein historisk forankring Side 12 av 25

32 Oppdragsnr.: Planprogram Attraktive stader fremmer næringsutvikling då dei trekkjer til seg nye verksemder. Eit levande handels- og servicetilbod er avhengig av at kommunen, gardeigarane og sentrumsforeiningar saman arbeider for å gjere sentrum til ein attraktiv etableringsarena. Byar og tettstader må utviklast slik at vi førebyggjer og reduserer miljøbelastningane. Kommunane må satse på miljøvennleg transport, og lokalisere bustader, butikkar, serviceinstitusjonar og arbeidsplassar slik at transportbehovet vert minst mogeleg Side 13 av 25

33 Oppdragsnr.: Planprogram 5 Status og utfordringar Stadutvikling, stadstruktur, estetikk Storebø er kommunesenteret i kommunen og det er viktig at staden gjev innbyggjarane i kommunen gode fellestilbod. I tillegg skal staden fungere som ein felles samlingsplass for folk på sjølve Storebø. Det vil vere eit betre grunnlag for tilbod, særleg i form av forretning, bevertning, kulturtilbod, dersom ein i tillegg kan rette seg mot turisme og hyttefolk. Sentrum av Storebø har gode kvalitetar, men framstår som noko fragmentert. Sentrum kan grovt sett delast i tre med Storebø senter langs fv 546 i nordaust (med ein mogeleg videreføring i vest, jf. gjeldande reguleringsplan), dei offentlege funksjonane som skule, kyrkje, kommunehus på eit lågare terrengnivå, sørvest for senteret, og til slutt kontorområde i sør. I tillegg er det to område under utvikling, like utanfor dagens sentrumskjerne, der det er opna for sentrumsføremål i begge områda. Figur 8: Viktige funksjonar, Storebø ( bearbeida av Norconsult). Raude ringar= offentlege funksjonar, lilla ringar = område for forretning, blå ringar = kontor Side 14 av 25

34 Oppdragsnr.: Planprogram Dei to nye utviklingsområda er: Prestaneset i vest, der det er planlagt nye bustader, men i tillegg opna for forretning i første etasje. Eit område i nord der det er under bygging eit nytt butikksenter. Her ligg og kommunen sitt PO senter. Rettleiar T 1365 frå miljøverndepartementet (2001) har anbefalingar om storleik på det sentrale handelsområdet i sentrum av byar og tettstader. For mindre byar og tettstader vert det anbefalt maksimalt meter gangavstand frå ytterkant til ytterkant av handelsområdet. Dersom ein legg til grunn at ein kan gå gjennom skuleområdet vil det vere 1 km mellom det nye butikksenteret i nordaust og evt forretningar/ service på Prestaneset. At sentrumsfunksjonane er/ vil bli spreidd over eit stort område er ei utfordring i planarbeidet. Kontakten mellom dei ulike områda kunne og vore betre både når det gjeld fysiske tilhøve (gangaksar) og når det gjeld synskontakt. Særleg kontakten mot sjøen kunne vore betre då sjøkontakten er noko av det som gjer staden attraktiv. Ei anna utfordring er den klare delinga mellom funksjonane. Frå fagleg/ sentralt hald vert det anbefalt at ein i sentrumsområde har ein blanding av funksjonar som gir rikdom og variasjon i aktivitetar. Fleirbruk av bygningar anbefalast slik at ulike funksjonar kan støtte opp om kvarandre. At ein har bustader i og nær sentrum er viktig for å sikre liv i sentrum til ulike tider av døgeret for å redusere trong for bilbruk. Per i dag er det lite bustader i dei mest sentrale delane av Storebø. Gode byrom og møteplassar fremmer kontakt mellom menneskje og er viktig for det sosiale livet i ein tettstad. Det er få slike møtestader på Storebø i dag Side 15 av 25

35 Oppdragsnr.: Planprogram Grønstruktur 4 område peikar seg ut som sentrale grøne strukturar: Figur 9: Dei 4 mest sentrale grøne strukturane på Storebø 1) Det sentrale parkområdet (sjå nr 1 på fig 8) Midt i Storebø ligg kyrkjegarden og skuleplassen. I tillegg er det nyleg opparbeid ein ny park grensande opp mot skulen og kyrkjegarden. Til saman utgjer desse tre elementa det sentrale grøne området på Storebø. Kvar for seg er dei tre elementa flott opparbeidd, men dei er brotne opp av bygningar og andre konstruksjonar så det er ikkje så lett å oppfatte samanhengen i den grøne strukturen i dette sentrale området Side 16 av 25

36 Oppdragsnr.: Planprogram Figur 10: Kyrkjegard og ny park, Storebø 2) Kaifronten (sjå nr 2 på fig. 8) Ved sjøen i vest er det kaiområde og småbåthamn samt fleire naust som vitnar om den historiske bakgrunnen til staden. Utover tilrettelegging for båtar er dette området lite tilrettelagt for "grøn" bruk per i dag. Meir aktivitet langs kaiområda, og betre tilknyting, kan vere med på å heve kvalitetan på staden Storebø. 3) Prestaneset og kystlina nordover (sjå nr 3 på fig 8) Prestaneset vil, ved gjennomføring av gjeldande reguleringsplan, kunne gje ein vidareføring av dagens kaifront. I vest ligg det holmar som vil kunne gjerast meir tilgjengeleg. Vidare nordover er det i gjeldande plan (Gråsidedalen) vist ein kyststi eit stykke på veg. For dei nordlegaste delane manglar regulering av kyststien. For å få full utnytte av kyststien bør den regulerast, og sikrast gjennomført, heilt fram til fylkesvegen/ brua til Hundvågøy. Figur 11: Illustrasjon til reguleringsplanen for Prestaneset, Tippetue arkitekter Side 17 av 25

37 Oppdragsnr.: Planprogram 4) Grønt daldrag (sjå nr 4 på fig 8) Frå småbåthamna på Storebø går det eit grønt drag langs eit myrlendt område rett nordover. I gjeldande plan for området (Gråsidedalen) er det vist eit område for ballbane i søre del medan nordre del er regulert til friluftsområde. I reguleringsplanen for Prestaneset er det regulert ein ny kommunal veg (med fortau) gjennom store delar av dette grøntdraget. Kva funksjon daldraget skal ha er dermed noko uklårt per i dag. Andre grøne område Dei andre ubygde områda innafor planavgrensninga er i hovudsak sett av til bustadområder i kommuneplanen (og evt og reguleringsplanar). I nordlege delar (Gråsidedalen/ Haugland) er det i hovudsak naturlandskap som står att ubygd. I sørlege og austlege delar av planområdet er grønstrukturen i stor grad prega av dyrka mark/ kulturlandskap. I desse områda vert det viktig å identifisere grøne element som er viktig å ta vare på og å sikre ein god samanheng i grønstrukturen. Sikring av gode områder for barn sin leik vert og særleg sentralt for bustadområda sin del. Naturverdiar I naturbase.no er det registrert ein liten forekomst med ålegraseng ved slippen til Austevoll seilforening. Det er elles ingen registreringar i naturbase.no innafor planområdet. I artsdatabanken er det registrert fleire raudlistearta fuglar som er nær trua innafor planområdet (stær, varsler, fiskemåke, vipe, hønsehauk) ein sårbar fugleart (tyrkerdue) og to sårbare plantar (solblom og kystmarikåpe). Figur 12: Utsnitt frå naturbase.no. Grøn skravur er viktig naturtype, ålegraseng. Nærare undersøking og vurdering av det biologiske mangfaldet må gjerast i løpet av planarbeidet. Korleis ein i størst mogeleg grad kan ta vare på viktige biologiske element/ område må inngå i vurderinga Side 18 av 25

38 Oppdragsnr.: Planprogram Kulturminne Tegnforklaring Figur 13: Utsnitt frå miljostatus.no, kulturminne i planområdet Det er registrert fleire arkeologiske kulturminne innanfor planområdet, særleg i området i nordvest (Prestaneset og nordover). Det er ingen SEFRAK-registrerte bygningar i planområdet. SEFRAK er eit landsdekkande register over eldre bygningar og andre kulturminne. I hovudsak er det bygningar frå før 1900 som er registrert i SEFRAK. At det ikkje er SEFRAK-registreringar i eit planområde treng likevel ikkje bety at det ikkje er eldre bygg i planområdet. Storebø kyrkje er ei langkyrkje frå 1891, oppført i tre. Arkitekt var Hans Heinrich Jess (kjelde kirkebyggdatabasen). Tidlegare låg det ei eldre kyrkje på same stad frå 1635 (kjelde kulturhistorisk vegbok). Storebø som stad har sitt utgangspunkt i kai og kyrkje. Folk har kome til Storebø frå sjøen, blant anna for å gå i kyrkja. Mykje tydar på at det og er fleire andre historiske bygg på Storebø som ikkje er registret i offentlege registre. Det blir viktig å få betre oversikt over dette i det vidare arbeidet Side 19 av 25

39 Oppdragsnr.: Planprogram Mobilitet (Veg-, sykkel- og gongvegsystem, kollektiv, parkering) Fv 546 ÅDT 1200 Fv 546 ÅDT 1700 Fv 546 ÅDT 2900 Fv 152 ÅDT 1000 Fv 546 ÅDT3200 Fv 152 ÅDT 1500 Figur 14: Frå Norsk vegdatabank. ÅDT = Årsdøgntrafikk. Mørk gule veglinjer er fylkesvegar, Fv 546 går gjennom tettstaden frå nord mot sør. Den har ein ÅDT på 1700 nord for tettstaden, 2900 i sjølve tettstaden og 3200 sør for tettstaden. Vegen over mot Hundvågøy er og fv 546. Her er ÅDT Trafikken skapar utfordringar særleg i høve til kryssingspunkt for gåande over vegen. Særleg der det er/ blir funksjonar på begge sider av vegen vil det vere stor gangtrafikk. Mange elevar må og krysse vegen for å kome seg til skulen. Området ved Storebø senter synes å vere eitt kritisk punkt. Det same gjeld område der atkomstvegane kjem ut i fylkesvegen. I det vidare planabeidet må dei kritiske punkta avdekkast nærmare og løysingar for trafikktryggleik og framkomst må vurderast Side 20 av 25

40 Oppdragsnr.: Planprogram Det er einsidig gang/ sykkelveg eller fortau langs fylkesvegen gjennom heile planområdet, både på vegen ut mot Hundvågøy og sørover gjennom tettstaden. Nokre stader på strekninga er det imidlertid berre eit smalt fortau. I nord, like sør for krysset mellom dei to vegane, er ikkje gang/ sykkelvegen markert. Den inngår i eit utflytande område med busshaldeplassar, noko som kan skape uklåre situasjonar. Figur 15: Det er uklårt kvar gang/ sykkelvegen går i dette området (frå googlestreetview) Figur 16: Smalt fortau gjennom dei sentrale delane av Storebø (frå googlestreetview ) Vegen ned mot kaien på Storebø er fv 152. Den har ÅDT på 1500 i starten etter krysset med fv 546 og 1000 i siste del ned mot kaien. Skulebussen snur i dag i enden på fv 152. Her er det under planlegging ein utbetring av snuplassen. Fv 152 har berre fortau i midtre del. Den manglar fortau på det første strekket etter krysset med fv 546 og på det siste strekket ned mot kaien. Det er trong for å sjå på løysingar for gåande og syklande i dette området. Kollektivløysinga er relativt skjemmande og opptar ein stor og sentral plass. Overflateparkering dominerer og ein stor del av desse sentrale delane av Storebø. Prestaneset og Gråsidedalen er planlagt med atkomst frå nord (fv 546 til Hundvågøy). Desse får dermed ikkje køyreatkomst via fv 152 gjennom Storebø. Gode gang/ sykkelaksar mellom desse områda er imidlertid viktig. Høgdeforskjellane gjer det utfordrande å få til gode gang og sykkeløysingar frå Storebø senter/ skulen/ kyrkja til sjøen/ Prestaneset/ Gråsidedalen Side 21 av 25

41 Oppdragsnr.: Planprogram 6 Utgreiingsprogram Dette kapitelet tar for seg utgreiingar etter forskrift om konsekvensutgreiingar (KU). Føremålet med KU er å få oversikt over vesentlege verknader ei utvikling i tråd med planforslaget kan føre med seg, slik at desse er kjende både under utarbeiding av planen og når det vert fatta vedtak. Aktuelle utgreiingstema er dei som ein må anta har vesentleg betyding for miljø og samfunn. Det er såleis ikkje naudsynt å utgreie alle tema som er lista som aktuelle utgreiingstema i forskrift om konsekvensutgreiingar. Då dette er ein plan med føremål å få til stadutvikling og gode bustadtilhøve legg vi til grunn at følgjande KU-tema er aktuelle her: 1. Stadutvikling, stadstruktur, estetikk/ landskap 2. Grønstruktur 3. Mobilitet 4. Støy Andre tema vil bli skildra, på vanleg måte, som ein del av planskildringa. Risiko og sårbaranalyse vil og inngå som ein del av planskildringa. Tema Mål Utgreiing, metode Stadutvikling, stadstruktur, estetikk Områdeplanen skal leggje til rette for ei utvikling: der sentrumsområdet i stor grad er retta mot sjøen. som tar vare på og byggjer på Storebø si historie. som gir eit mest mogeleg kompakt sentrumsområde (gangavstand mellom funksjonane). som har gode og aktive uterom som har eit variert tilbod av forretning, service og bustader i det sentrale sentrumsområdet I KU vil det: Bli skildra/ illustrert kva prinsipp som er lagt til grunn for planen for dette temaet. Gjerast ei vurdering av korleis planen oppfyller dei måla ein har sett seg i planprogrammet om dette temaet Side 22 av 25

42 Oppdragsnr.: Planprogram der Storebø fram står med eit godt visuelt inntrykk Grønstruktur Områdeplanen skal leggje til rette for: Ein variert grønstruktur som i stor grad tar vare på viktige biologiske element, viktige landskapselement og sikrar tilstrekkeleg med rekreasjonsareal og leikeareal for ulik bruk. Ein mest mogeleg samanhengande grønstruktur I KU vil det: Bli skildra/ illustrert kva prinsipp som er lagt til grunn for planen om dette temaet. Gjerast ei vurdering av korleis planen oppfyller dei måla ein har sett seg i planprogrammet om dette temaet. Gjerast ei vurdering etter naturmangfoldlova Mobilitet Støy Områdeplanen skal leggje til rette for: Effektive og praktiske gang- og sykkelaksar mellom dei ulike funksjonane på Storebø og mellom bustadområda og "sentrum". Universell utforming skal tilstrebast der det er mogeleg. Effektive og praktiske kollektiv-, parkering og atkomstløysingar som og sikrar trafikktryggleik og estetikk. Støyskjerming i tråd med rettleiar T 1442 frå Miljødirektoratet. I KU vil det: Bli skildra/ illustrert kva prinsipp som er lagt til grunn for planen om dette temaet. Gjerast ei vurdering av korleis planen oppfyller dei måla ein har sett seg i planprogrammet om dette temaet. Støyutgreiing i tråd med rettleiar T 1442 frå Miljødirektoratet Side 23 av 25

43 Oppdragsnr.: Planprogram 7 Planprosess, framdrift, medverknad Illustrasjonen til høgre viser stega i planprosessen fram til utforming av planforslaget (1.gangs handsaming). Oppstart av planarbeidet/ høyring av planprogrammet vil skje på vanleg måte. Dette inneber at alle berørte offentlege organ og andre interesserte vert varsla. I tillegg vert oppstarten varsla i avisa. Alle som ynskjer det kan sende inn synspunkt/ ønskjer for planarbeidet eller planprogrammet. I samband med melding av oppstart av planarbeidet/ høyring av planprogrammet vil det bli kalla inn til eit folkemøte med ein workshop. Her er det ønskjeleg at alle aktuelle interessegrupper er representert: grunneigarar, næringsdrivande, evt. velforeining, FAU i skulen, barn og unge m.v i tillegg til ålmenta. Hovudbolken i dugnaden vil vere at deltakarane skisserer opp alternative idear til gode løysingar innan planområdet. Ein deler inn i arbeidsgrupper for å få mange vinklingar. Ideane vert nøye dokumenterte, fotograferte og evaluerte. Resultatet vil gi grunnlag for at Norconsult kan utarbeide ein enkel moglegheitsstudie (jf fase 2). Moglegheitsstudien vil vere basis for den vidare utforming av områdereguleringsplanen. Etter denne fasen vert det gjennomført møte med grunneigarar og deira plankonsulentar. Føremålet med møtet/ møta vil vere å få fram opplysningar og synspunkt som har relevans for Side 24 av 25

44 Oppdragsnr.: Planprogram planutforminga. Dersom plankonsulentar har materiell/ planar som kan nyttast i utforminga av planen er det ønskjeleg å få tilgang til dette. Deretter vert det utforma ei planskisse og så dei endelege plandokumenta, inkludert konsekvensutgreiing. Planforslaget vil, etter handsaming i kommunen, bli lagt ut til offentleg ettersyn. Under det offentlege ettersynet vil alle som ynskjer det kunne sende inn synspunkt på det framlagte planforslaget til kommunen. Planforslaget vil så evt reviderast før det vert tatt opp til endeleg handsaming i kommunestyret. Omtrentleg framdrift vil kunne vere som følgjer: Tidsrom Oppstartshøyring og folkemøte August/ september 2015 Moglegheitsstudie og møte med grunneigarar Oktober 2015 Utarbeiding av planskisse og plandokument November/ desember gangs handsaming av planforslaget med konsekvensutgreiing Januar 2016 Offentleg ettersyn Januar/ februar 2016 Vedtak Mars Side 25 av 25