INTENSJONSAVTALAR MELLOM

Transkript

1 Sandøy kommune INTENSJONSAVTALAR MELLOM SANDØY KOMMUNE OG REGIONKOMMUNE ÅLESUND og SANDØY KOMMUNE OG HARAM KOMMUNE Denne informasjonsbrosjyren gjer greie for dei ulike kommunereformalternativa som er aktuelle for Sandøy kommune. Denne brosjyren vert distribuert til alle fast busette i kommunen Det gjennomførast ein innbyggjarhøyring i form av spørjeundersøking per telefon av selskapet Norstat/ Opinion. Dei ringjer frå 22.april og i 2 veker frå telefonnummer til alle som er registrert med telefonnummer, er fast busett i Sandøy og født i år 2000 eller tidlegare. Harøy den 12.april 2016 Oddvar Myklebust Åse Kristin Ask Bakke Nils Magne Abelset Odd Arve Orten Ordførar (Ap) Arbeiderpartiet Høgre Venstre Ann-Heidi P.Orvik Rådmann Side 1

2 Intensjonsavtale Regionkommune Ålesund NASJONAL SLAGKRAFT, REGIONAL ATTRAKTIVITET OG LOKAL IDENTITET Visjonen til regionkommmune Ålesund bygger på lokalt mangfaldog skaparkraft. Kommunane som vil bygge ein nykommune er ulike, men likeverdige. Regionkommune Ålesund skal etablerast, driftast og vidareutviklas med utgangspunkt i den einskilde kommune sin styrke og særpreg. Kvifor ei kommunereform? Stortinget har bede kommunane greie ut og vurdere korleis ein best kan utøve mynde, ivareta demokratiet, levere tenester og drive god samfunnsutvikling innan avgrensa økonomiske rammer i framtida. Kommunane Giske, Haram, Hareid, Sandøy, Skodje, Stordal, Sula, Sykkylven, Ørskog og Ålesund har difor signert ein intensjonsavtale om å etablere ein regionkommune som kan møte desse utfordringane. Kva er ein intensjonsavtale? Ein intensjonsavtale er resultatet av forhandlingar mellom kommunane som saman ønskjer å bygge ein ny kommune. Avtalen er ikkje juridisk bindande, med den syner kva for prinsipp ein ønskjer å leggje til grunn for arbeidet fram mot ein ny kommune. Nokre av kommunane har inngått fleire intensjonsavtalar. Ei fellesnemnd med representantar frå alle kommunane skal med utgangspunkt i intensjonsavtalen arbeide vidare med å gjennomføre samanslåinga. Før kommunestyret gjer endeleg vedtak i juni, skal innbyggarane uttale seg om intensjonsavtalen. Kva er det forhandla om? I arbeidet med intensjonsavtalen har partane drøfta og vorte sams om felles prinsipp for handtering av oppgåver i den nye kommunen innan til dømes arealplanlegging, næringsutvikling, samferdsel, kollektivtilbod og helse- og velferdstenester. Side 2

3 Intensjonsavtale Regionkommune Ålesund NASJONAL SLAGKRAFT, REGIONAL ATTRAKTIVITET OG LOKAL IDENTITET Demokrati Regionkommune Ålesund skal vere organisert etter formannskapsmodellen. Kommunestyret skal vere det overordna politiske organet i kommunen. Den politiske organiseringa skal sikre heilskapleg planlegging og lokal medverknad på kommunedelnivå. For å styrke nærdemokratiet, vil kommunen ha kommunedelutval. Kommunedelutvala dekkjer eit geografisk område som svarer til dei gamle kommunegrensene, med unntak av Ålesund, som kan ha fleire utval. Utvala skal ha delegert mynde og budsjettansvar på avgrensa område innanfor det geografiske området dei dekkjer. Utvala kan sjølv ta initiativ til saker og vere rådgivande for politiske organ. Kommunedelane kan sjølve etablere ulike ordningar for dialog med innbyggarane. Den nye kommunen skal ha særleg fokus på digitale plattformer som hjelpemiddel for innbyggarinvolvering. Det skal utgreiast konkrete løysingar for e-demokrati i den nye kommunen. Samfunnsutvikling Regionkommune Ålesund skal bygge opp under næringsutvikling, samferdsel, verdiskaping og innovasjon. Regionkommune Ålesund skal sikre ei samordna planlegging for utvikling med tanke på både byutvikling og generell tettstadutvikling, og dei involverte kommunane vil så tidleg som mogleg starte arbeidet med ein felles planstrategi med mål om å harmonisere arbeidet. Tenesteutøving Rådhuset skal leggast til Ålesund sentrum. Her skal ordførar, rådmann og andre funksjonar nært knytt til rådmannen, ligge. Dei kommunale tenestene skal vere nær brukarane. Regionkommune Ålesund skal fordele ansvaret for fagmiljø mellom dei tidligare kommunesentra for å samle fagmiljøa, samtidig som alle kommunedelsentra får viktige kompetansearbeidsplassar og eit ansvar for å forvalte desse for heile kommunen. Barnehage, SFO, skule, kulturskule, eldreomsorg, legesenter, bibliotek, servicetorg, symjebasseng og andre basistenester skal i hovudsak vere plassert som i dag. Organiseringa av kommunen skal gje gevinstar gjennom å arbeide effektivt. Side 3

4 Intensjonsavtale Regionkommune Ålesund NASJONAL SLAGKRAFT, REGIONAL ATTRAKTIVITET OG LOKAL IDENTITET Økonomi Det er eit mål at økonomien i regionkommune Ålesund skal vere i balanse og vere solid i eit langsiktig perspektiv. Kommunen må sikre seg eit forsvarlig økonomisk handlingsrom for å sikre gode tenester til innbyggarane i framtida. Alt frå hausten 2016 skal kommunane starte å nærme seg ein felles økonomiplanprosess med tanke på den nye kommunen. Investeringsprosjekt som allereie er innarbeidd og finansierte i dei tidligare kommunane sine økonomiplanar, skal prioriterast i regionkommune Ålesund sine budsjett- og økonomiplanar. Prinsippet som blir lagt til grunn er at alle kommunar går inn i den nye kommunen som dei er, og legg i potten det dei har. Fotograf Rick Sherman REGIONKOMMUNE ÅLESUND VIL ARBEIDE FOR: At regionen skal bli ein attraktiv kvardagsregion for innbyggarane i dag og i framtida, i samarbeid med andre samfunnsaktørar. Å vere sterkare motvekt mot sentralisering til dei store landsdelssentra som Oslo, Bergen og Trondheim. Ein miljøstrategi i samsvar med det grøne skiftet. Ein folkehelsestrategi i tråd med framtida sine utfordringar. Samferdselsprosjekt som medverkar til å binde saman regionkommune Ålesund vil bli prioritert. At næringsklynger skal vidareutviklast. At Ålesund sjukehus skal ivaretakast og vidareutviklast som det største sjukehuset i fylket. At gevinstane vi får realisert gjennom stordriftsfordelar skal gå til å styrke tenestene og realisere visjonen for regionkommune Ålesund. Fotograf Rick Sherman DET VI SKAL, SKAL VI VERE GODE TIL. DET VI VIL, SKAL VI VÅGE Å GJERE NOKO MED. Side 4

5 Intensjonsavtale Innleiing. Haram og Sandøy tek sikte på å etablere ein felles kommune frå Det er kommunestyra i kommunane som gjer vedtak om kommunane skal endrast. Måla for reforma er gode og likeverdige tenester til innbyggjarane, ei heilskapleg og samordna samfunnsutvikling, kommunar som er berekraftige og økonomisk robuste og eit styrka lokaldemokrati. Ei samanslåing av kommunane vil ikkje fullt ut kunne oppnå måla i reforma, men er vurdert som eit alternativ til å fortsette som eigne kommunar. Kommunane Haram og Sandøy har pr eit folketal på 10470, fordelt med 9200 i Haram og 1270 i Sandøy. Haram er i dag ein del av Ålesundsregionen som bu- og arbeidsmarknad. Sandøy står pr definisjon utanfor ein felles arbeidsmarknad pga store reiseavstandar. Begge kommunane er i dag medlem i same regionråd og diverse interkommunale samarbeid i Ålesundsregionen. Bygging av Nordøyvegen er ein føresetnad for å etablere ein ny kommune beståande av Haram og Sandøy. Mål Vi er samde om at hovudmålet med den nye kommunen er: 1.Sikring av gode og likeverdige teneste der folk bur, gitt av kompetente fagfolk. 2. Eit godt og fungerande lokaldemokrati, med lokalt engasjement og medverknad 3. Samfunnsutvikling som tek heile kommunen i bruk, og som med Nordøyvegen skal nytte mulegheitene som ligg i ei tettare integrering med ein større bu- og arbeidsregion også for øyane. 4. Rettstryggleik og verdigheit i alle teneste Fotograf: Perry Myklebust Samfunn Den nye kommunen skal vere ein tydeleg samfunnsutviklar. Ved å bygge vidare på eit godt etablert samarbeid med stor grad av tillit og nære relasjonar vil den nye kommunen samordne krefter for ny vekst og nye arbeidsplassar. Dette er viktig for å utnytte kommunens strategiske posisjon på kysten og i etablerte næringscluster for turisme, maritim-, marin- og energinæring. Side 5

6 Intensjonsavtale Realisering av viktige samferdselsprosjekt og infrastruktur At Nordøyvegen vert bygd, er ein viktig føresetnad for dette kommuneprosjektet. Kostnadsdeling og bruk av RDA-midlar følgjer gjeldande vedtak. Den nye kommunen vil arbeide målretta for å realisere viktige samferdselssamband. Kommune skal arbeide for å realisere nord-sør aksen mot Ålesund gjennom å arbeide for å realisere Hamnsundsambandet og vidare sørover (Borgundfjord sambandet). Den nye kommunen vil løfte fram gode kollektivløysingar, og styrke etablerte samband for å utvikle ein felles bu- og arbeidsmarknad, samt realisere kommunikasjonsløysingar mot kommunesenteret og offentlege tenester- og sørvisfunksjoner. Det skal arbeidast for styrka kollektivtrafikk mot byane Ålesund og Molde. For øyane er det viktig med ei sterk rute 32 (ferje) mot Aukra for å binde saman regionen mot Romsdal. Breibandutbygging til alle delar av kommunen skal prioriterast Digitaliseringsprosjekt som gjer «digitalt førsteval» muleg (for det meste interkommunale prosjekt) skal prioriterast. Større kommune - større fagmiljø For Sandøy spesielt, gir den nye kommunen større fagmiljø både administrativt og i basistjenester. Dette kan gi mindre sårbare tjenester, betre rekruttering og meir og breiare kompetanse, slik at vi samla sett får betre grunnlag for ein god tenesteproduksjon. Den nye kommunen vil særleg søke å utvikle tenestesamarbeidet på øyane, der det er formålstenleg. Den nye kommunen vil framleis vere avhengig av dei fleste interkommunale samarbeidsordningane kommunane deltar i i dag. Fotograf Rick Sherman Side 6

7 Intensjonsavtale Prinsipp for tenestetilbodet Tenestetilbodet skal vere av høg kvalitet og kostnadseffektivt ut frå tilgjengelege økonomiske og menneskelege ressursar. Kommunen skal sørgje for gode basistenester der folk bur. Vi vil i hovudsak ta utgangspunkt i noverande struktur for lokalisering av kvardagstenester. Digitale tenester skal utviklast og vere førsteval på alle egna område. Endring i tenestestrukturar vil måtte vurderast i den nye kommunen ut frå økonomiske og kvalitetsmessige omsyn, og som følgje av at Nordøyvegen vert bygd. Kommunesenter/ struktur Fotograf: Åshild Sandøy Surowiec Brattvåg skal vere kommunesenter i den nye kommunen. Steinshamn skal utviklast som ein attraktiv tettstad med offentlege sørvistilbod i tråd med innbyggjarane og lokalt næringsliv sitt behov. Fotograf: Rick Sherman Politisk styring og organisering. Formannskapsmodellen skal ligge fast som styringsform. Kommunestyret skal ha 29 medlemmer. Formannskapet 7 medlemmer Kommunen skal for øvrig styrast fleksibelt og effektivt, og bygge på noverande modell frå begge kommunane. Kommunen skal ivareta etablerte og utvikle nye partnarskapsordningar og samarbeid med næringsliv og frivillege aktørar både lokalt og regionalt. Kommunen skal ha ein aktiv og involverande medverknads- og demokratipolitikk, som legg opp til høg deltaking både ved val og mellom vala. Kommunenamn og kommunevåpen Kommunenamnet skal vere Haram. Kommunevåpen skal vere Sandøy sitt eksisterande. Ordførarkjede skal lagast nytt. Side 7

8 Intensjonsavtale Økonomi Legge til grunn økonomiplan med investeringsplan frå 2017 til «All in» som prinsipp. Eigedomsskatt blir det opp til den nye kommunen å avgjere. Avsette fondsmidlar til Nordøyvegen inklusive RDA-midlar skal forvaltast i samråd med næringslivet, etter gjeldande ordning. Interkommunale samarbeid Haram og Sandøy tar del i ei rekke interkommunale samarbeid. Sandøy kjøper i større grad tenester frå andre kommunar enn Haram. Den nye kommunen må basere seg på interkommunale løysingar på ei rekke område i framtida, der den nye kommunen ikkje har kapasitet, kompetanse eller har stort nok brukargrunnlag for å drive effektivt i eigen regi. Dersom kommunane rundt Ålesund dannar ei ny kommune utan Haram og Sandøy, vil den nye kommunen måtte rekne med ei utfordring i høve tenestesamarbeid i framtida. Det vert overlatt til fellesnemnda å få kartlagt behovet og premissane for vidare interkommunale løysingar så snart kommunestrukturen i regionen er lagt. Arbeidsgjevarpolitikk Kommunen skal ha ein personalpolitikk som; Stimulerer til eit tillitsfullt samarbeid om å styrke effektivitet, innovasjon og kvalitet i oppgåvene, og trivsel på arbeidsplassen. Gir kompetanseutvikling, fagleg og personleg, med vekt på å tenke og handle innovativt i samarbeid med andre for å bidra til auka effekt for innbyggjarane og samfunnet, og som legg vekt på eit godt samarbeid mellom arbeidstakar og arbeidsgjevar, for å utvikle dei kommunale tenestene. Side 8

9 Intensjonsavtale I overgangen frå gamal til ny kommune skal følgjande gjelde: Alle tilsette sine retter skal sikrast i samsvar med gjeldande lov og avtaleverk Alle tilsette får tilbod om arbeid i den nye kommunen. Tilsette vil framleis vere sikra pensjonsordning gjennom KLP og SPK. Lønsskilnader mellom dei gamle kommunane vil bli harmonisert over tid. Det blir oppretta eit partssamanssett utval for handsaming av saker som gjeld forholdet mellom den nye kommunen som arbeidsgjevar og dei tilsette, jf kommuneloven 25, inndelingsloven 26 og Hovudavtalen. Harmonisering Lokale forskrifter og vedtekter (td politivedtekter, opningstidsvedtekter, vedtekter for sal- og skjenketider etter alkohollova, vedtekter etter plan- og bygningslova, vedtak om hamneavgifter, og andre betalings- og avgiftsregulativ, lokale fiske- og jaktforskrifter, og avfallsforskrifter) gjeld framleis for vedkommande område inntil dei vert endra av kommunestyret i den nye kommunen. Arealplanar som er vedtatt etter reglane i plan- og bygningslova vil framleis gjelde. For andre planvedtak kan departementet fastsette mellom anna fristar for revisjon av planvedtaka. Statlege avgiftssatsar som gjeld regionvis, som td arbeidsgjevaravgift, vil gjelde som før inntil Stortinget eventuelt vedtek endringar. Side 9

10 Intensjonsavtale Kultur, idrett og folkehelse Kommunen skal vere attraktiv med gode møteplasser som skaper identitet og tilhøyrsle, samt legg til rette for kultur, frivilligheit og mobilisering av lokaldemokratisk debatt og deltaking. Ungdomsattraktivitet er ei særleg satsing, mellom anna gjennom satsing på eit desentralisert kulturskuletilbod, desentraliserte ungdomsklubbar og aktivitetssenter, og vidareutvikling av Brattvåg som studiestad og som attraktiv møte- og aktivitetsplass for ungdom. Fellesnemnd Ved samanslåing av kommunar skal det opprettast ei fellesnemnd til å samordne og ta seg av førebuinga av samanslåing jfr inndelingslova 26. Fellesnemnda skal ta hand om det førebuande arbeidet med økonomiplanen og med budsjettet for det første driftsåret etter at samanslåinga er sett i verk. Andre arbeidsoppgåver og fullmakter for nemnda blir fastsette i reglement som må vedtakast i begge kommunestyra. Dette vert å kome tilbake til etter at vedtak om samslåing er gjort. Fellesnemnda skal bestå av formannskapa frå kvar av kommunane. Varamedlemmer er formannskapet sine ordinære varamedlemmar i kvar av kommunane Leiar av fellesnemda vert valt av fellesnemda.. Brattvåg, 18.mars 2016 Oddvar Myklebust Ordførar, Sandøy kommune Vebjørn Krogsæter Ordførar, Haram kommune Side 10

11 Sandøy kommune TIDSASPEKT Selskapet Norstat/ Opinion gjennomføre innbyggjarundersøkinga for oss. Dei ringer i frå 22.april og i 2 veker frå telefonnummer til alle som er registrert med telefonnummer, er fast busett i Sandøy og født i år 2000 eller tidlegare. Resultatet blir publisert 20.mai 2016 av Sunnmøre regionråd. I etterkant av publisering av resultat i innbyggjerundersøkinga, vil rådmannenskrive saksframlegg med tilråding om kommunesamanslåing for Sandøy kommune. Tilrådinga vil liggje ute til offentleg høyring i minimum 3 veker før sluttbehandling i Sandøy kommunestyre i slutten av juni Fylkesmannen skal godkjenne kommunane sine avtalar. Dette skjer i løpet av oktober. Sommaren 2017 skal nasjonale vedtak om ny kommunestruktur vere fatta. Det blir kommunestyreval hausten Kommunesamanslåingane trer i kraft 1. januar ENGASJER DEG I DEN VIDARE PROSESSEN Intensjonsavtalane i fulltekst finn du her: /kommunereforma Folkemøte Torsdag 21.april kl 17:30 i Allrommet ved Sandøyhagen. Møtet vert streama live. Du vil finne informasjon om tilrådinga på butikkane i Sandøy kommune, på biblioteket, Rådhuset, kommuna si heimeside og på kommuna si facebook-side. Dei ulike intensjonsavtalane er omtala i hovudpunkt i denne brosjyra, og ligg i fulltekst på kommuna si heimeside: /kommunereforma.no eller på Sandøy kommune si heimeside på Facebook. Her ligg og dei andre kunnskapsgrunnlaga som er utarbeidd som del av dette arbeidet, inkludert rapporten om ei eventuell deling av kommunen. Har du spørsmål eller vanskar med å finne fram, ta kontakt med Sandøy kommune, Sørviskontoret eller rådmannen. Fotograf: Perry Myklebust Side 11