Forslag til kandidat til Ungdommens forebyggingspris: Stord kommune!

Transkript

1 Forslag til kandidat til Ungdommens forebyggingspris: Stord kommune! Byen Stord (Stord kommune) ligg i regionen Sunnhordland i Hordaland fylke på vestlandet, ved innløpet til Hardangerfjorden. Kommunen utgjer den sørlege halvdelen av Stordøy, i tillegg til dei mindre øyane Huglo og Føyno, totalt 144 km2. Nord på Stordøy ligg Fitjar kommune. Næraste by nord for Stord er Bergen, medan Haugesund og Stavanger er dei næraste byane i sør. Stord har eit innbyggartal på , kor 26,5 % er barn og unge mellom 0-17 år. Stord kommune satsar på førebygging! Stord kommune har som mål å føre ein heilskapleg og langsiktig førebyggande innsats for barn og unge i kommunen. Kommunen har ein rusmiddelpolitisk handlingsplan ( ) som omfattar samordning og tiltak frå ulike tenester i kommunen (Opptrappingsplanen for rusfeltet ). Dette inneber eit tydeleg folkehelseperspektiv der fokuset rettar seg mot befolkninga i sin heilskap. Samanhengen mellom tilgang, forbruk og skadeomfang har vore viktige tema for det rusførebyggande planarbeidet. Involvering av barn og unge i utforming og gjennomføring av kommunen sine planar I den rusmiddelpolitiske handlingsplanen finn vi ulike rusførebyggande tiltak som har vorte politisk vedtekne. Barne- og ungdomsrådet i kommunen har vore invitert inn i prosessen med revidering og høyring av denne planen. Dei fleste av dei konkrete tiltaka som ligg i planen har vi allereie brukt i fleire år, og er no initiert som permanente ordningar. Desse involverar barn og unge i kommunen i stor grad. Vi kjem nærare inn på tiltaka under. I Stord kommune sin kommuneplan for er målsetjinga at barn og unge får utvikle talenta sine, og gjennom sine sterke sider styrke fagleg, mellommenneskeleg og kulturell kompetanse. Kommunen har utvikla styringsdokument med omtale av politiske og administrative oppgåver for områda barnehage, skule, kulturskule og samarbeid med andre aktuelle einingar og institusjonar. Det har vorte utvikla styringsdokument om oppvekst i Stord kommune. Dette vart vedteke i kommunestyret i juni Delmål for kommuneplanen er beskrive slik: Tilbod til barn og unge er tilpassa interesser og anlegg og tek omsyn til fagleg og sosial utvikling. Førebyggande og helsefremjande tiltak vert vektlagt. Tilboda medverkar til at barn og unge får positive møte med andre land og kulturar, og samstundes styrkjer forholdet til eigen kultur og eigenidentitet. Kvaliteten på tenestene vert sikra gjennom brukarmedverknad, samordning, og ved ekstern og intern evaluering. Tilsette med arbeid blant barn og unge har god kompetanse innan relevante område og utfyller kvarandre i tilboda dei er ein del av. Barne- og ungdomsrådet Stord kommune har sitt eige barne- og ungdomsråd. I 2010 vart det valt nye representantar til ungdomsrådet. Barne- og ungdomsrådet har engasjert seg i mange saker dei siste åra. Dei nye representantane for ungdomsrådet ynskjer å vidareføre mange av desse sakene, i tillegg til at

2 dei har engasjert seg i andre saker som omhandlar ungdom i kommunen. Dei vil ha eit særskilt fokus på førebygging av mobbing også i den komande perioden. Rådet har eigne midlar til disposisjon og to representantar har forslags- og talerett i dei politiske komiteane, formannskapet og kommunestyret. Rådet bestemmer sjølv kva dei vil prioritere av førebyggande arbeid. Føremålet/mandatet til ungdomsrådet er: Ha rett til å fremje eigne saker/ kunne ta opp til drøfting barn og unge sine interesser i kommunen. Å vere orientert om alle saker som gjeld barn og unge i kommunen gjennom å få tilsendt saksdokument. Å vere eit innflytelsesorgan for kommunen i saker som vedkjem barn og unge. Å vere pådrivar for det friviljuge og offentlege barne- og ungdomsarbeidet i kommunen. Barne- og ungdomsrådet har engasjert seg i kampanjen Rolig nå, som skal få ungdomsskuleelevar til å utsette alkoholdebuten (Rusmiddelpolitisk handlingsplan ). Kampanjen er for og av ungdom om fornuftig alkoholbruk. Bak Rolig nå står Av og-til- prosjektet der Stord kommune deltek. Kommunen jobbar for at folk skal verte meir bevisste om kva tid det passar og kva tid det ikkje passar med alkohol. Viktige element er lokal aktivitet, friviljuge organisasjonar, nasjonale kampanjar, utradisjonelle verkemiddel og utspel i pressa. Barne- og ungdomsrådet har valt seg som hovudarbeidsområde, og har jobba mykje med, ein antimobbekampanje. Det er Stord ungdomsråd som sjølv har teke initiativet til kampanjen "Alle treng ein ven". Målet er å setje fokus på mobbing og å vere med å motverke mobbing i alle skulane på Stord. Ungdommane skal sjølv reise rundt på skulebesøk for å snakke om mobbing. I 2009 inviterte Stord ungdomsråd, i samarbeid med kommunen sin SLTkoordinator, alle elevar på 8. og 9. skuletrinn på Stord til liveshowet Kjetil og Kjartan s tips mot mobbing. Representantar for ungdomsrådet stod for introduksjon og arrangering av showet. Om lag 800 elevar deltok på showet, som vart ein stor suksess. Ungdomsrådet inviterte også i 2009 elevråda i kommunen til ein elevrådskonferanse, der temaet var mobbing i skulen. Ungdomsrådet har også ei rekkje andre saker som dei jobbar og har jobba med: Nattkino Heimeside på internett Marknadsføring av aktivitetar for ungdomar Støtte fritidsklubbar i arbeid Betre transporttilbodet til ungdomane på Stord Utvida helsestasjontilbod for ungdomar Uttale seg i saker som gjeld ungdommar Arbeid for å behalde VOKT- arbeidarar Ungdomskonferanse Mediekurs Rekruttering av nye medlemmar

3 Barne- og ungdomsrådet ynskjer vidare å legge til rette for fleire aktivitetar og fritidstilbod for ungdom, og ynskjer å engasjere seg i arbeidet med ei eventuell utviding av kulturhuset. Å engasjere seg i politiske debattar og revidering av kommuneplanen er også område som Barne- og ungdomsrådet ynskjer å prioritere. Barne- og ungdomsrådet har også fremja fleire saker for kommunestyret. Ungdomsrådet var med på budsjetthøyring hausten 2008 og dei hadde orientering om Ungdomsrådet sitt arbeid i kommunestyret våren Barne- og ungdomsrådet har fått gjennomslag for utvida helsestasjonstilbod for ungdomar, ei sak dei har jobba mykje med. Dei har også fått gjennomslag i kommunestyret for arbeidet for å behalde VOKT- arbeidarane. Samarbeid om helsefremjande og førebyggande tiltak og tenester i Stord kommune SLT (Samordning av lokale, kriminalitetsførebyggjande tiltak) Stord kommune har SLT- koordinator i 100% stilling. Målsetjinga med SLT-ordninga i Stord kommune er å medverke til ei forpliktande og god samordning av tiltak som verkar kriminalitetsførebyggande, rusførebyggande, og som reduserer faren for at barn og unge utviklar psykiske problem og åtferdsproblem. Ordninga fungerer som overbygg for alt førebyggande arbeid i Stord kommune, og er eit samarbeid mellom kommunen og lensmannen. Barn og unge i Stord kommune skal gjennom SLT sikrast betre rammer om oppvekstvilkåra sine, slik at dei vel å leva livet sitt på ein måte som er positiv for dei sjølve og andre. SLT- koordinatoren samarbeidar tett med ungdomane, også i samband med planlegging og gjennomføring av arrangement for ungdom. SLT organiserar i tillegg m.a. MOT- tiltaket, VOKT- tiltaket, Av-og-til- prosjektet og programmet Ansvarleg vertskap. Utekontakten Stord kommune har to heile stillingar i Utekontakten. Utekontakten driv oppsøkande og førebyggande arbeid blant ungdom i alderen år og bidreg med råd og rettleiing til ungdom, foreldre/pårørande og samarbeidspartnarar. Hovudfokuset er førebygging av rus og kriminalitet og psykososiale vanskar. Tenesta har eigne lokale sentralt på Leirvik der ungdom kan kome innom for ein prat. Utekontakten er eit lågterskeltilbod for ungdom og unge vaksne. Utekontakten legg vekt på god tilgjengelegheit, relasjonsbygging og tillit i kontakt med ungdom, i tillegg til å jobbe for å få eit godt og tett samarbeid med andre instansar som er i kontakt med ungdom i kommunen. Utekontakten driv også kartlegging av rusmiddeltrendar i kommunen og gjev ut Føre var- rapportar to gongar i året. Resultata i desse rapportane vert lagt til grunn for val av nye rusførebyggande tiltak. VOKT- arbeidarar Kommunen har dei siste ti åra disponert Vokt- arbeidarar (sivilarbeidarar med opplæring i valds- og konfliktløysande arbeid). Desse har vore i teneste på kommunen sine tre ungdomsskular, på fritidsklubbane og i idrettslaget. Vokt- arbeidarane jobbar for ungdom og mot vald og mobbing. Det er til ei kvar tid minst seks Vokt- arbeidarar i aktivitet i Stord kommune. Støtteteamet Støtteteamet i kommunen er ei gruppe med kompetanse på barn, ungdom og familiearbeid, som er samansett av PPT, førebyggande barnevern, utekontakten, helsesyster og SLT. Teamet har vore operativt frå hausten Tenesta er eit tverrfagleg tilbod til born, ungdom og foreldre, som har ei bekymring knytt til skule, heim eller fritid. Støtteteamet tilbyr råd og

4 rettleiing, kartlegging av nettverk, situasjon og behov, leiing av nettverksmøter, hjelp til å kontakte andre instansar og systemarbeid inn mot skulane. Teamet jobbar også førebyggande og helsefremjande og set i verk tiltak for å styrke dei prosessane som vernar mot at problem kan koma til å oppstå. Støttetemaet er eit lågterskeltilbod som tilbyr rask, heilskapleg og adekvat hjelp og som kan utgjere eit lim mellom dei ulike tenestetilbod som vert nytta over tid. Formålet med støtteteamet er å samla kompetansen og ressursane rundt barn og unge, slik at ein kan jobba meir effektivt, målretta, heilskapleg og strategisk på dette feltet. Støtteteamet har barnet eller ungdomen i fokus, men tilbyr også støttesamtalar til foreldre. Målet er gjerne å få foreldre til å kome saman om samtalar kring barnet sin situasjon. Tilsette i støtteteamet har opne og ærlege samtalar med foreldre, også i forhold til rusbruk. Stord kommune har no sendt ut tilbod om foreldrerettleiing til foreldre i kommunen. Foreldra får tilbod om foreldrerettleiing etter ICDP- programmet (International Child Development Programme). Kommunen har også, i samarbeid med familievernkontoret, gruppetilbod for born som har foreldre som er skilde. Tilbodet har vore for elevar på sjette og sjuande klassetrinn. Det vert no tilbod om slike grupper for elevar i småskulen. Kommunen har også hatt gruppetilbod omkring dette temaet på to av skulane. Folkehelsekoordinator Stord kommune var den fyrste kommunen i Hordaland som signerte Partnarskapsavtale om folkehelse med Hordaland Fylkeskommune for perioden Dette utløyste midlar til å opprette 40% stilling som folkehelsekoordinator frå Folkehelsekoordinator er prosjektleiar for prosjektet partnarskap for folkehelse i Stord kommune. Mål for prosjektet er Betre helse for fleire, med spesielt fokus på barn og unge. Prosjektet har utarbeida ein handlingsplan for folkehelse, der følgjande tiltak er prioritert: Auka fysisk aktivitet i skulen. Tre skular er med i prosjektet. Etablere tilbod om fritidskontakt/treningskontakt, og legge tilrette for deltaking i fritidsaktivitetar for alle. Opprette tilbod om småbarnstreff som møteplass for småbarnsforeldre med lite sosialt nettverk. Kartlegge fritidstilboda i kommunen, og lage ei oversikt som er tilgjengeleg for alle på kommunen sine nettside. Auke kompetansen omkring helsefremmande arbeid i frivillig sektor. Etablere utstyrssentral med utlån av utstyr for friluftsliv/ fysisk aktivitet. Ta i bruk tannpleiarane sin kompetanse innan kosthald i ulike arenaer Tverrsektorielt planarbeid og forankring av helsefremmande og førebyggjande arbeid innan kommunen. Både ungdomsrådet og utval av barn/ungdom har delteke i forstudiet og kome med innspel i prosjektprosessen. Prosjektet har spesielt fokus på barn/unge i risikogrupper i høve til redusert helse. Fagmiljø i og utanfor kommunen som arbeider med desse er derfor sentrale i prosjektgruppene. Det same gjeld representantar for frivillig sektor. Skulehelseteneste og helsestasjon for ungdom Førebyggjande helse i Stord kommune omfattar helsestasjon, skulehelseteneste, svangerskapsomsorg, smittevern, helsestasjon for ungdom og helsetilbod til flyktningar og asylsøkjarar. Helsestasjonen for ungdom er eit gratis tilbod til ungdom på Stord opp til 20 år. Her kan ungdom kome innom utan å bestille time på førehand. Ungdomane kan ta opp tema

5 dei sjølve er opptekne av med helsesyster eller lege. På helsestasjonen for ungdom kan ungdomar få råd og rettleiing om rus, røyk, alkohol, seksualitet, prevensjon, kjønnssjukdomar, psykiske problem, fysisk aktivitet og kosthald. Helsestasjonen er ei delteneste til den vanlege helsestasjonsverksemda. Det er skulehelseteneste tilknytt alle skulane i Stord kommune. Dette gjeld både grunnskular og vidaregåande. Tenesta er eit tilbod om helsetenester til alle skuleelevar under 20 år. Skulehelsetenesta gir råd og rettleiing, gjennomfører helseundersøkingar og vaksinasjonar. Ved individuelle samtalar er det vanleg å ta opp tema som omhandlar ungdom og rus og foreldre og rus. Det vert gjennomført elevsamtalar på den vidaregåande skulen, der temaet mellom anna er tobakk, alkohol- og narkotikaproblematikk. I ungdomsskulen har skulelege og helsesyster samtalegruppe om sex og samliv. I desse samtalegruppene kjem ein ofte inn på emnet rus. På helsestasjonen fyl ein vegleiar for helsestasjon og skulehelseteneste, der rus er fast tema. I samtalar med alle ungdomar i oppfylging vert det snakka om rus. Fritidstilbod Allsidig kultur- og aktivitetstilbod Kommunen har eit allsidig kulturtilbod med eigen kulturskule med instrumentalundervisning, song, ballett og dans. Det er eit variert utval av friviljuge lag og organisasjonar med ulike aktivitetar for ungdom på Stord. I alt er det omkring 450 lag og organisasjonar i kommunen. I Stord finn ein mellom anna ulike tilbod som teater, musikk, korps, dans, song, isbane, skigruppe, fotball, handball, volleyball, symjing, dykking, sykling, klatring, speidar, bogeskyting, bordtennis, hestesport, motorcross og kampsport, for å nemna noko. Kommunen støttar lag og organisasjonar med øyremerka midlar til rusførebyggande arbeid. Mellom anna har Stord IL i 2009 motteke støtte for å arrangere kurs i antidopingarbeid i samarbeid med Antidoping Norge. Fritidsklubbar Kommunen har to fritidsklubbar for ungdom. Klubbane er lagt opp slik at ungdomane sjølve er med på å organisere innhaldet og aktivitetane gjennom medbestemming. Fritidsklubbane supplerer organisasjonstilbodet til ungdom. Dei skal vera trygge og trivelege arenaer, der medlemmane også får øve og prøve seg i aktiv deltaking i drift og styring av klubben. Medlemsdemokrati, aktiv deltaking, kontakt med nærmiljø og samhandling med dei vaksne leiarane er viktige element i drifta. Fritidsklubbane samlar mange ungdomar kvar veke og har ope to kveldar i veka. Førebyggjande tiltak i skulen i Stord kommune: Stord kommune har valt å satse på fleire program i skulane, både rusførebyggande program og program som omhandlar mobbing og sosial dugleikstrening. Kommunen har valt desse programma for at det skal vere ein kontinuitet og heilskap i det førebyggande arbeidet i kommunen. Programma er valt ut på bakgrunn av gode evalueringar og er godt implementerte. Dan Olweus og Zero som antimobbeprogram i grunnskulane Stord kommune har valt å satsa på antimobbeprogram i grunnskulen (Rusmiddelpolitisk handlingsplan ). På alle skulane er det vedteke i planane at det skal vidareførast antimobbeprogram for å fremje trivsel og forhindre mobbing blant elevane.

6 Rusførebyggande program i barne- og ungdomsskulane; Unge&Rus Stord kommune har sidan 2002 drive systematisk rusførebyggande arbeid i skulen. Kommunen har valt å organisere dette som eit tverrfagleg samarbeid mellom skulane, utekontakten og SLT. Programmet heiter Unge&Rus og er implementert på alle 7. og 9. klassetrinn i kommunen. Det er per i dag over 1500 elever, rundt 1000 foreldre og lærarar som har vore gjennom programmet. Målgruppene for programmet er elevar, lærarar og foreldre. I gjennomføringa av programmet har ein tre foreldremøte, lærarkurs og gruppeleiarkurs for elevar. På dei tre foreldremøta står dialogen mellom foreldra sentralt. Dei får høve til å diskutere problemstillingar seg imellom, og er innom tema og problemstillingar som omhandlar ungdom og rus og korleis ein kan støtte ungdomane i å velje ein rusfri og positiv livsstil. På det siste foreldremøtet er både elevane og foreldra til stades, og ein har då gruppevise diskusjonar mellom foreldre og elevar omkring desse temaa. Ungdommane er veldig sentrale i gjennomføringa av programmet. Det er lagt opp til gruppeoppgåver med ein gruppeleiar for kvar gruppe (ung-til-ung-formidling). Gruppeleiarane har eit stort ansvar i gjennomføringa av programmet og er på kurs i samband med dette. Det er ungdomane sjølve som styrer gruppeprosessen, gjennomføring av oppgåvene og er ansvarlege for utvikling og presentasjon av eit førebyggande bodskap. Måla med Unge&Rus er å: Utvikle kunnskap og evne til å tenke kritisk om bruk av alkohol Styrke haldningane mot bruk av alkohol Styrke ferdigheiter til å sei nei til rus Utsetje alkoholdebut ART (Aggression Replacement Training) I Stord kommune har ein hatt ART- grupper for nokre elevar i grunnskulen. ARTprogrammet tek sikte på å redusere åtferdsvanskar og består av tre komponentar; sosial dugleikstrening, sinnekontrollmeistring og moralsk resonneringstrening. MOT MOT er ein organisasjon som driv haldningsskapande arbeid i skular og på fritidsarenaer. Stord kommune har signert ny kontrakt med MOT- organisasjonen. MOT- tiltaket starta opp igjen hausten 2009, og inneber at alle klassane på ungdomsskulane vil få 15 besøk av MOTinformatørar i løpet av skuletida. I tillegg vert det arrangert foreldremøte på alle klassetrinn. MOT sine program i skulane vert supplert av at MOT er til stades også på fritidsarenaene. MOT i fritid er eit verktøy i kultur- og verdibygging blant ungdom og vaksne på deira fritidsarena. Det er seks MOT-informatørar i kommunen. SLT- koordinator koordinerar tiltaket og Rådmannen i kommunen er lokal MOT- leiar. Kommunen har innført Mot i fritid i to av idrettslaga, der trenarane er har fått opplæring frå MOT og spelarane på dei ulike laga har skrive kontrakt med MOT. Ein er no i gong med å starta opp Ungdom med Mot der ungdom på niande steget lærar opp ungdom på sjuande steget i MOT- ideologien. FRI- programmet (tidlegare VÆR røykfri) Programmet FRI er eit tobakksførebyggande program for ungdom. Undervisningsprogrammet strekk seg over tre år i ungdomsskulen. Dei to ungdomsskulane i Stord kommune har brukt dette programmet i om lag ti år, og tilpassa det til lokale forhold. Temaet i programmet er tobakk, men programmet kan også brukast i forhold til det å seie nei

7 til alkohol og rusmiddel. Mykje tyder på at programmet verkar etter målsettinga. Ungdomsundersøkinga frå 2007 viser at ei svært lita gruppe av elevane på Stord ungdomsskule røyker dagleg. Aktivitetsdagar Det har vorte gjennomført felles aktivitetsdagar for elevar frå 7. og 8. klassesteget i samband med overgangen frå grunnskule til ungdomsskule dei siste seks åra. (Rusmiddelpolitisk handlingsplan ). Tiltaket er eit samarbeid mellom SLT-koordinator, utekontakten, skulane og næringslivet. Målet er å lette overgangen frå barne- til ungdomsskule med dei utfordringar elevane kan stå ovanfor. Det blir sett fokus på rusførebyggande tema gjennom å kombinere dagen med komponentar i Unge og Rus. Dagen inneheld mange aktivitetar for elevane og dei vert kjende med dei nye lærarane og sin eigen klasse før sommaren. Det er i alt om lag 600 elevar som deltek på aktivitetsdagane årleg. Tilbakemeldingar tydar på at overgangen til å begynne på ungdomsskulen vert meir forutsigbar og trygg for elevane. Stord vidaregåande skule Utekontakten har eit samarbeid om rusførebygging med den vidaregåande skulen (Rusmiddelpolitisk handlingsplan ). Både for skulen og lærlingbedrifter i kommunen er denne type arbeid eit viktig satsingsområde. Det er ynskjeleg at Akan, skulen og utekontakten bidreg til eit felles samarbeid omkring dette arbeidet i framtida. Opplegget er lagt opp som diskusjonsoppgaver med stor grad av elevansvar og elevmedverknad. Øvrige tiltak med fokus på rusførebygging haldningar og kontroll Narkohund Narkohund.no er eit samarbeid mellom Lions klubb, SLT og Politiet på Stord om ein opplysningsfilm om narkohunden sine eigenskapar. Filmen i saman med ein undervisningspakke for grunnskular, vidaregåande skular og bedrifter, er eit unikt undervisningsopplegg om temaet narkotikabruk. Filmen vert vist på skular, arbeidsplassar og på ulike TV kanalar og på internett. Lions klubb Stord-Fitjar og Bømlo jobbar med å utvikla ein heilt ny og unik haldningskampanje. Undervisningsopplegget har som mål å bevisstgjera ungdom på risiko og knsekvenser av rusmisbruk og skapa diskusjon og engasjement blant undom og foreldre i lokalmiljøet. Prosjektet har eigen heimesida : Narkohund.no. Her får ein opplysningar om filmen, undervisningsopplegg og liknande. Av-og-til prosjektet Stord kommune har, i regi av SLT- ordninga, sidan 2004 vore med i arbeidet for alkoholfrie soner. Av-og-til- strategien er ei tilnærming til alkohol som seier at nokre situasjonar i livet bør vere alkoholfrie. Prosjektet set fokus på, gjennom aktivitetar og kampanjar, situasjonar der alkohol kan føre til skade eller skape utryggleik. Dei alkoholfrie sonene er: trafikk, arbeidsliv, idrett og friluftsliv, graviditet, samvær med born og unge, konfliktar, sorg og depresjonar, båt og badeliv. Kommunen har gått inn i Av-og-til prosjektet fordi ein håpar det vil verke positivt inn på innbyggarane sine haldningar til dei alkoholfrie sonene. Kommunen meinar også at engasjementet i Av-og-til kan vere med å sikre kontinuitet og heilskap i det rusførebyggande arbeidet. Av-og-til vart vidareført i Rusmiddelpolitisk handlingsplan for perioden , der det m.a. under delmåla for rettningslinene står : Stord kommune ynskjer å tydeleggjera alkoholfrie sonar i samband med arrangement som er mynta på barn og unge, i samband med idrettsarrangement og i samband med ulike utandørs arrangement,

8 jfr.rusmiddelpolitisk handlingsplan for Stord kommune. Kommunen er særskilt oppteken av dei alkoholfrie sonane samvær med barn og unge og Idrett og å verne om sona Båt og badeliv. Ansvarleg Vertskap; ansvarleg sal Stord kommune har i regi av SLT- ordninga gjennomført programmet Ansvarleg Vertskap med mål om ansvarleg servering av alkohol, samt mindre fyll og vold i og utanfor serveringsstader. Ansvarleg vertskap er eit program for å sette fokus på skjenking og skjenkestadar i kommunane. Føremålet er å førebygge og få bort overskjenking, skjenking til mindreårige og rusrelatert vold gjennom meir ansvarleg skjenking. I programmet inngår informasjons-, opplærings-, samarbeids- og kontrolltiltak, retta mot salsstadane med særleg tanke på sal av alkohol til mindreårige. I Stord kommune legg ein opp til jamnleg kontakt med sals- og restaurantnæringa og det har vore halde kurs ein gong i året dei siste 6 åra. Bransjen sjølv etterspør desse kursa og det er obligatorisk frammøtte knytt opp mot skjenkeløyve. Stord kommune er no også invitert til å ta del i prosjektet Kontroll, sal og skjenking i regi av Stiftelsen Bergensklinikkene på oppdrag frå Helsedirektoratet. I invitasjonen frå Bergensklinikkane heiter det: I forbindelse med utarbeidelse av forslag til ny alkohollov, bergen, ved Stiftelsen Bergensklinikkene utvalgte kommuner til et arbeidsseminar peiker både Helse- og omsorgsdepartementet og Helsedirektoratet på behov for å styrke kommunenes forvaltning av alkoholloven. I tråd med dette inviterar KoRus Vest ved Stiftelsen Bergensklinikkene utvalgte kommuner til et arbeidsseminar om ulike strategier og tiltak for å styrke forvaltninga av alkoholloven, og for å forebygge og redusere alkoholrelaterte skader. Det er berre 4 kommunar som har fått dette tilbodet og Stord ser på dette som ei fagleg anerkjenning av det arbeidet som er gjort i kommunen på dette feltet. Natteramn Frivillegsentralen i Stord kommune har dei siste ti åra hatt ei godt etablert ordning med Natteramnar. Tiltaket baserar seg på foreldra til elevar som er på 8-steget i ungdomsskulen og målet er at vaksne, edru menneskjer sitt nærver på byen nattetid skal vera med på å dempa vald, rus og kriminalitet. Det er Natteramnordning i Leirvik sentrum alle helgar med unntak av sommarferie og jule- paskeferie. Frivillegsentralen og Røde Kors er nyttege samarbeidspartnarar i dette tiltaket. Ungdomsundersøkingar Stord kommune gjennomfører annankvart år, i samarbeid med Stiftelsen Bergensklinikkene, ungdomsundersøkingar i 8. og 10. klasse og i 2. klasse i den vidaregåande skulen, for å kartlegge ungdom sine rusvanar (Rusmiddelpolitisk handlingsplan ). I tillegg vert mellom anna fritidsaktivitetar blant ungdom kartlagd. Undersøkinga frå 2007 viser at 78 prosent av ungdommane deltok på ein eller annan måte i ein organisert fritidsaktivitet. Både blant jenter og gutar var det ein klart større andel blant dei som var med i fritidsaktivitetar (foreining, lag, fritidsklubb) som ikkje hadde vore tydelig rusa dei siste seks månadane, og ein klart mindre andel som hadde vore ofte rusa. Tala for alkoholbruk viser, samanlikna med andre vestlandskommunar, at ein relativt stor del av ungdomane på Stord sjeldan eller aldri drikk, og relativt få drikk ofte og mykje. Ungdomsundersøkinga frå 2007 syner mellom anna at ungdom i Stord kommune debuterer seinare med alkohol og drikk mindre enn jamaldringar

9 elles i landet. I følgje ungdomsundersøkinga har haldningane til alkohol blant ungdommen på Stord endra seg positivt sidan programmet Unge&Rus vart introdusert i skulane. Den rusførebyggjande innsatsen gjev resultat! Ser me på ungdomsundersøkinga frå 2009, er det fleire som aldri har brukt eller berre har smakt alkohol enn i Noko færre gutar hadde brukt alkohol ofte. Den gjennomsnittlege debutalderen på 10. Trinn (for dei 54/44% som har debutert med alkohol) har auka frå 13, 7 år til 14,0 år for gutar, og frå 13,9 til 14,2 år for jenter. Når det gjeld reglar heime for dei unge sin bruk av alkohol, visar undersøkinga frå 2009 at frå 90 til 91 prosent av elevane på ungdomsskulen opplev at foreldra sine reglar er at dei ikkje skal bruka alkohol eller venta til dei er 18 år. Til samanlikning sa i 2004 mellom 75 og 91 % det same. I kommunen sitt førebyggande arbeid vert ungdomsundersøkinga lagt til grunn for val av nye tiltak og vidare arbeid. Resultata av undersøkinga vert også brukt som utgangspunkt for diskusjonar i ungdomsgruppene. Konkrete svar på dei fem spørsmåla : Korleis jobbar kommunen for å hindra overskjenking og sal til mindreårige? Fylgjande tiltak som allereie er nemnt er aktuelle i denne problemstillinga: Unge & Rus i skulen opp mot ungdomsgruppa med målsetting å få dei til å velja å utsetja rusdebuten og bevisstgjera foreldra på nytten av å engasjera seg for å få utsatt debuten og ikkje medverka til foreldrelanging Ansvarleg Vertsskap : Bevisstgjering og opplæring av sals- og restaurantbransjen og klare retningsliner og konsekvensar om det blir oppdaga brot på dei alkoholpolitiske retningslinene. AVogtil prosjektet : Politisk fattta vedtak på å verna om samvær med barn- og unge som alkoholfri sone. Jamnlege kampanjar og vaktbikkjefunksjon når sona vert utfordra lokalt. Kor ofte har kommunen kontroll av restauranter, utestader og salsstader? I 2009 var det foretatt 76 kontroller 11 av desse var på utsalsstader. Korleis jobbar kommunen for å førebyggja ungdomsfyll og at ungdomar drikk på festivalar? Tett samarbeid mellom arrangør, politi, kommunen sine skjenkebevillingshandsamarar og SLT- koordinator. Utstrakt bruk av Politiske vedtak ( Rusmiddelpolitisk handlingsplan, Alkoholpolitiske retningsliner i sakshandsamingen når den alkoholfria sona Barn og unge er aktuell.

10 Korleis arbeidar politiet for å førebyggja heimebrenning og sal av smugla alkohol? Verken politiets eigne statistikker, Føre Var rapportane eller Ungdomsundersøkingane har synt resultat som tydar på at dette er eit stort problem i Stord kommune som skulle krevja eigne tiltak. I samband med fleire samarbeidsprosjekt mellom politiet og Stord kommune har politiet stort fokus på privatfestar og husbråk og låg terskel for å rykkje ut på dette. Heller ikkje i desse samanhengane har heimebrent eller smuglersprit vore eit problem. Korleis jobbar kommunen for å forhindra at ungdom køyrer i ruspåverka tilstand? Ungdomsundersøkinga i 2009 synte at 44 % av elevane i ungdomsskulen og 86% av elevane på vidaregående skule kjente ungdommar som har kjøyrt når dei har drukke. Dette var så alvorlege tal at Stord kommune tok det fram på ein stor Traffikktrygleiksdag som vart arrangert for over 1000 elevar. Her vart dei lokale tilhøva diskutert og det vart også synt ein film om promillekjøyring i samband med denne diskusjonen. I haust vil tema verta lagt inn i Utekontakten og SLT sine førebyggjande rustiltak i den vidaregåande skulen. I tilleg har SLT årleg arrangert tiltaket Rusfri Russ på 17 mai i samarbeid med politiet. Politiet tar promilletest på russen og dei som ikkje er alkoholpåvirka er med i ei loddtrekning med store premiar. Dei siste åra har over 95 % av russen vore edru på 17 mai og det har samstundes ikkje vore ulukker eller ordensproblem knytt til russefeiringa på Stord. Kandidat til Ungdommens forebyggingspris? På bakgrunn av det som er beskrive ovanfor, meinar vi at Stord kommune må vere ein god kandidat til Ungdommens forebyggingspris Born og unge er i stor grad involverte i kommunen sitt førebyggande arbeid og er med på å påverke korleis livet deira vert her i vår kommune. Gjennom barne- og ungdomsrådet får politikarane høyre ungdommens røyster, og dei unge får vere med å påverke planar om både rus og nærmiljø. Gjennom gode skuleprogram som involverer både elevane og foreldra driv vi god førebygging der ungdomen medverkar. Gjennom eit breitt tilbod frå både det offentlege, og ikkje minst lokale idrettslag og organisasjonar, har vi mykje å velje i når det gjeld fritidsaktivitetar. Og vi har utarbeidd ein god, heilskapeleg rusmiddelpolitisk handlingsplan. Vi føreslår altså å gje ungdommens forebyggingspris til Stord kommune! Med venleg helsing Barne- og ungdomsrådet SLT-koordinator Utekontakten Anna Aas Lindahl Terje Eriksen John Henrik Staveland-Sæter