Løyve til drift av avfallsanlegg etter forureiningslova for Norva24 Vest AS på Dalsøyra

Transkript

1 Vår dato: Vår ref: /1779 Dykkar dato: Dykkar ref: Norva24 Vest AS Sløvåg Dalsøyra Saksbehandlar, innvalstelefon Sissel Storebø, Sendt på e-post til: på Dalsøyra Fylkesmannen gir Norva24 Vest AS utvida løyve til kompostering av organisk avfall på Dalsøyra i Gulen kommune. Løyvet omfattar mottak, behandling og lagring av inntil tonn organisk avfall. Dette inkluderer slam og strukturmateriale. Verksemda har også fått løyve til å lagre inntil tonn ferdig kompost av avløpsslam. Vi har revidert heile løyvet og krava er oppdatert etter dagens standard. Vi har sett strenge krav til lukt for å førebyggje og hindre at drifta skal føre til uakseptable ulemper for naboar og nærmiljø. Det er også sett krav til handtering av avløpsvatn og overvatn, type dekke og skjerming for vêr og vind, og til utslepp til vatn, luft og støy. Vi viser til søknad av 11. januar 2018 og til utfyllande informasjon 19. juli 2018 om endra løyve etter forureiningslova og til dei andre dokumenta i saka. Fylkesmannen gir løyve på visse vilkår. Løyvet er gitt med heimel i forureiningslova 11, jf. 16 og 29, og endra i medhald av 18, og følgjer vedlagt. Fylkesmannen har ved avgjerda vurdert forureininga frå tiltaket opp mot fordelane og ulempene som tiltaket elles vil føre til. Ved fastsetjing av vilkåra har Fylkesmannen lagt til grunn kva som er mogleg å oppnå ved bruk av beste tilgjengelege teknikkar. Tiltak som fører til fare for forureining av vatn har vi vurdert etter vassforskrifta 4-6, der føremålet er å beskytte og om nødvendig betre miljøtilstanden i elver, innsjøar, grunnvatn og kystnære område. Vi har også lagt prinsippa i naturmangfaldlova 8-12 til grunn ved vurdering etter forureiningslova. Dei utsleppa som vi reknar med har størst verknad på miljøet, har vi regulert gjennom særlege vilkår i løyvet. Utslepp som ikkje er uttrykkeleg regulert på denne måten, er omfatta av løyvet i den grad opplysningar om slike utslepp vart framlagt under sakshandsaminga eller på annan måte må E-postadresse: fmvlpost@fylkesmannen.no Sikker melding: Postadresse: Njøsavegen Leikanger Besøksadresse: Njøsavegen 2, Leikanger Statens hus, Kaigaten 9, Bergen Fjellvegen 11, Førde Telefon: Org.nr

2 Side: 2/8 reknast å ha vore kjent då vedtaket vart gjort. Dette gjeld likevel ikkje utslepp av prioriterte stoff oppført i vedlegg 1. Vi vil understreke at all forureining frå verksemda isolert sett er uønskt. Sjølv om utsleppa er innanfor dei fastsette utsleppsgrensene, pliktar verksemda å redusere utsleppa så langt dette er mogleg utan urimelege kostnadar. Det same gjeld utslepp av komponentar det ikkje er sett grenser for gjennom særskilde vilkår. Dette løyvet kan seinare endrast i medhald av forureiningslova 18. Endringar skal vere basert på skriftleg sakshandsaming og ei forsvarleg utgreiing av saka. Ein eventuell endringssøknad må derfor liggje føre i god tid før verksemda ønskjer endringa gjennomført. At vi har gitt løyve til forureininga, fritar ikkje erstatningsansvar for skade, ulemper eller tap som forureininga har ført til, jf. forureiningslova 56. I tillegg til dei krava som følgjer av løyvet, pliktar verksemda å overhalde forureiningslova, produktkontrollova og forskrifter som er heimla i desse lovene. Nokre av forskriftene er nemnt i løyvet. For informasjon om andre reglar som kan vere aktuelle for verksemda, viser vi til Miljødirektoratet sine heimesider, og Brot på utsleppsløyvet er straffbart etter forureiningslova 78 og 79. Også brot på krav som følgjer direkte av forureiningslova, produktkontrollova og forskrifter, er straffbare. I dei tilfelle der det er krav både i løyve og i forskrift er det dei krava som er strengast av forskrifta og løyvet som gjeld. I vedlegg 2 i løyvet er ei liste med forklaringar på nokre ord og uttrykk som er brukt i løyvet. Offentleggjering av løyvet Vedtaket om løyvet vil bli offentleggjort på Bakgrunn og søknad Norva24 Vest AS har frå før gjeldande løyve, datert 12. desember 2007, til mottak og kompostering av organisk avfall. Løyvet omfattar også mellomlager av inntil 100 tonn ikkje- behandla avfall og inntil m 3 mellomlagra avfall. Etter tilsyn 8. november 2017 oppfordra Fylkesmannen verksemda om å søkje om endra løyve då løyvet ikkje er i samsvar med dagens kravstilling og søkje om endring av ramme og vilkår der verksemda såg det som tenleg. Vi mottok søknad frå Norva24 Vest AS i januar 2018 og tilleggsdokumentasjon i brev av 19. juli Det vart ikkje søkt om endra vilkår for komposteringa, men om auka ramme for kompostering og mellomlagring av ferdig kompost. Det er søkt om følgjande: auka mottak og kompostering frå tonn til tonn per år for organisk avfall auka mellomlagring av ikkje- behandla avfall frå 100 til 300 tonn i påvente av produksjon/aerob behandling i ranker lagring/ettermodning av inntil m 3 ferdig kompost lagring av tonn ferdig jord til salg (Parkjord og Hagejord)

3 Side: 3/8 lagring av tonn massar til strukturmateriale (bark og flis, oppmalt ikkje-behandla trevirke, rein sand, jord). Kompostering av avløpsslam skal halde fram i eksisterande hall. Lagring av ferdig kompost skal gå føre seg på austsida av komposteringshallen og ligg i rankar før bruk. Saksgang Søknaden frå 11. januar 2018 vart førehandsvarsla til naboar som kunne tenkast direkte ramma av tiltaket. Det kom inn ein uttale frå førehandsvarslinga frå Alexela Sløvåg AS. Kommunen har ikkje gitt uttale til saka. Utfyllande og endra søknad av 24. juli 2018 har vore på offentleg høyring i Bergens Tidende, Strilen og på nettsida til Fylkesmannen. Saksdokumenta har også vert lagt ut til offentleg gjennomsyn ved tenestetorget i Gulen kommune. Uttale frå Alexela Sløvåg AS Alexela skriv i brev av 20. mars 2018 at dei i lengre tid har, også etter at det nye reinseanlegget vart sett i drift, opplevd luktplager frå kompostanlegget. Dei hadde håpa på at luktplagene ville stogge når det nye reinseanlegget vart sett i drift, diverre vart ikkje det tilfelle. Den omsøkte mellomlagringa av inntil 300 tonn ubehandla avfall og m 3 mellomlagra avfall, skal skje heilt eller delvis rett syd for deira terminal i Sløvåg. Det vart gjennomført slik mellomlagring hausten 2017, men med eit vesentleg lågare volum enn det som det no er søkt om. Deira erfaring med denne mellomlagringa er ikkje god. Dei opplevde til dels store luktplager, deira område vart kraftig forureina av plast frå avfallet og avfallet trakk til seg store mengder måker og anna fugl. Uttale frå Bente Halsvik Bente Halsvik skriv i e-post av 13. juni 2018 at før ein aukar mengda, bør verksemda få bukt med lukta som per i dag ikkje er til å leva med. Det har vore klaga fleire gonger på lukt, men verksemda har ikkje klart å redusere lukta. Ho ber om ei grundig vurdering av saka, før det vert gitt løyve. Uttale frå Bent Unneland Fylkesmannen har motteke ei rekke klager, både telefonisk og i e-post frå Bent Unneland. Han har ein fritidseigedom i Halsvika, over 1 km unna anlegget. Han skriv at han og naboane opplever vesentlege luktplager frå kompostanlegget. Han opplyser at ved vind frå nord-vest går lukta inn over Halsvika og er til sterk sjenanse for dei som bur der. Denne lukta vert oppfatta som sterk og kvalmande. Han meiner at verksemda ikkje har kontroll på luktsituasjonen. Han ber om at det vert sett strenge krav til utslepp til luft, slik at naboane ikkje blir plaga. Han meiner at Fylkesmannen bør sjå nærare på dagens utfordringar, før det blir opna for utvida aktivitet som skaper meir luktplager i eit allereie utsett område. Uttalene til søknaden vart i brev av 20. juli 2018 sendt til verksemda for kommentarar. Verksemda har kommentert uttalene i brev av 26. juli 2018.

4 Side: 4/8 Verksemda sine kommentarar til høyringsfråsegnene: Alexela påpeika at opplevd lukt er sterkare i periodar med svak vind. Norva24 Vest AS meiner dette har si naturlege forklaring, i og med at gassen er tyngre enn lukt. Dersom det ikkje er vind til å virvle opp gassen, vil gassen med lukta siva nedover. Verksemda viser til tiltak som er sett i verk, ref. risikoanalysen for komposteringsanlegget der vind og vêrtilhøve er eit godt drøfta tema. Plastforureininga som har førekome er løyst ved å kvalitetskontrollere tilsettingsmaterialet betre (bark/flis). Det blir vist til ein aktuell leveranse som var forureina med ein god del framandelement. Denne avtalen med leverandøren er avslutta til leverandøren fekk sett i verk korrigerande tiltak. Sjølv om det er observert lite måker og anna fugl i området, vurderer verksemda å sette inn fugleskremsel eller anna. Når det gjeld klagene frå Bent Unneland kjenner ikkje verksemda seg igjen i klagene. Verksemda har freista å ha eit ope og godt forhold til Unneland, gjennom å halda han godt informert om tiltak som vert gjort, samt resultatet av tiltaka. Eit utkast vart sendt til verksemda for gjennomsyn. Fylkesmannen si vurdering og grunngiving Generelt Fylkesmannen meiner å ha tilstrekkeleg informasjon for å kunne fatte vedtak i saka. Gjeldande løyve er over 10 år gamalt. Vi har derfor revidert løyvet og alle vilkår etter forureiningslova 18 tredje ledd. Sidan det blir søkt om større mengder har vi også behandla søknaden etter forureiningslova 11. Vi har teke omsyn til innkomne uttaler, og lagt desse til grunn ved utforming av løyvet. Forhold til plan Området verksemda er plassert i er regulert til føremålet industri, jf. reguleringsplanen for Halsvik, Råolje- og petroleumsterminal Gulen Industrihamn gnr. 63 bnr. 35, 36 og delar av 15 og 37 (nasjonal arealplanid: ). Verksemda er med det, ikkje i strid med gjeldande reguleringsplan. Plikt til samordning Verksemder som er samla på eit lite geografisk område har plikt til samordning. Verksemdene som ligg tett ved kvarandre skal, når det er nødvendig, skriftleg avtale kven av dei som skal ha ansvaret for å samordne internkontrollen for deira felles aktivitetar eller område, jf. internkontrollforskrifta 6 om samordning. Verksemda må sjølv vurdere område der det er nødvendig med samordning, til dømes førebygging og handtering av brann, utslepp, støy, støv, omsyn til nærmiljø mv. Hagekompost og jordproduksjon Verksemda produserer også hagekompost av avfallsfraksjonane gras, lauv, kvistar, buskar og greinar frå private hagar, parkanlegg, vegrydding, idrettsbaner mm. Avfallet vert samla inn over ein lengre periode (6-12 månader) før det vert knust. Etter knusing vert avfallet lagt i storranker og vert vendt normalt 1 gong pr. månad over ein periode på minimum 6 månader. Når komposten er ferdig etter om lag 6 månader vert den sikta.

5 Side: 5/8 Av denne hagekomposten vert det laga hagejord som inneheld hagekompost, sand og jord frå nærområde. Om lag 50 % av komposten vert nytta i komposteringsanlegg for avløpsslam som strukturmateriale. Denne aktiviteten går føre seg på nabotomta utanfor sjølve området til komposteringsanlegget. Jordproduksjon av kompost som ikkje fører til forureining krev ikkje løyve etter forureiningslova. Vi har lagt til grunn at jordproduksjonen ikkje skal føre til forureining og har vurdert at det derfor ikkje er nødvendig å gi løyve etter forureiningslova til denne aktiviteten. Dersom det viser seg at jordproduksjonen likevel fører til forureining må verksemda søkje Fylkesmannen om løyve. Utslepp til luft Det går fram av uttalene at naboane har luktulemper i området og det er uttrykt uro for at auka mengde avfall vil føre til auka luktulemper. Kompostering av organisk avfall og aktivitetar knytt til dette kan føre til lukt i periodar. Fleire tiltak for å redusere lukt er utført dei siste åra. Verksemda har investert i nytt luftreinseanlegg og driftsbygningane er innebygd. Tiltaka som selskapet har gjennomført har redusert luktproblematikken i vesentleg grad. Verksemda opplyser at dei har utført og er under utføring av ei rekke tiltak; Luktrisikovurdering er utført og tiltaka som er skissert er under implementering. Driftsplanen er revidert, der kompetanseheving på driftspersonell er ein del av. Lukthandteringsplan er utført som ein del av kompostanlegget si risikovurdering og prosedyre. Kommunikasjonsplan og klageregistreringsystem er innført. Selskapet har innført varsling via e-post når det er klart at luktutslepp vil førekome. Eigenkontrollrapportering er under utforming. Verksemda har også vurdert vidare tiltak; Ytterlegare innbygging av anlegget og/eller ytterlegare modifisering av anlegget. Utarbeide ein spreiingsmodell for lukt. Vi har sett krav til lukt som er vanleg for komposteringsanlegg og legg til grunn at med god drift vil anlegget ikkje føre til uakseptabel lukt for naboane. Verksemda har fått skjerpa krav til mottak av organisk avfall. Det er sett krav om at behandling og handtering, inkludert lagring, skal gå føre seg under tak og skjerma for vêr og vind, for å avgrense lukt og støvflukt til omgjevnadene. Anna lagringsmåte kan nyttast eller gå føre seg viss verksemda kan dokumentere at den valde lagringsmåten eller aktiviteten gjev minst like låg risiko og like godt miljøvern. Lagringstida for oppmalt ikkje-behandla trevirke er sett til 3 månader. Vi har samanlikna tillate lagringstid og mengde med andre tilsvarande verksemder og vurdert faren for forureining til å vere akseptabel. Løyvet blir eit verktøy for å sikre at luktbelastninga for naboane blir akseptabel, ved at vi har sett krav om at frekvensen av plagsam lukt som er mogleg å kjenne igjen ikkje skal overstige 1 prosent av timane i ein månad. Det er krav om rapportering av talet på lukthendingar og at dette blir vurdert opp mot luktkravet. Utforminga av luktkrav er basert på Miljødirektoratets rettleiar TA-3019/2013 om «regulering av luktutslipp i tillatelser etter forurensningsloven».

6 Side: 6/8 Lukt skal vere ein viktig styringsparameter for drifta. Vi har derfor sett krav om at verksemda må arbeide systematisk for å førebyggje og redusere lukt, mellom anna ved å lage planar for korleis verksemda hindrar/førebyggjer lukt og kva som skal gjerast om lukt oppstår. Verksemda må gjennomføre ei luktrisikovurdering i samsvar med rettleiar frå Miljødirektoratet «Regulering av luktutslipp i tillatelser etter forurensningsloven» TA 3019/2013. Vi oppfordrar verksemda til å bruke Norsk Standard eller tilsvarande metode for risikovurdering. Selskapet driv med fleire aktivitetar som krev høg kompetanse og avanserte vurderingar med tanke på risiko. Eit godt verktøy for risikovurdering kan støtte opp om dette. Når det gjeld støv har vi sett standardkrav som verksemda må følgje. Utslepp til vatn Vassforskrifta fastset miljømål for vassførekomstar og delar vassførekomstane inn i fem tilstandsklassar. Miljømåla i vassforskrifta 4-6 er at tilstanden i vassførekomstane skal vernast mot forverring, og skal betrast med mål om å oppnå god økologisk og kjemisk tilstand. Rådgivende Biologer AS har, på oppdrag frå Norsk Gjenvinning Industri AS, Wergeland-Halsvik As, TWMA Norge AS, Haliburton AS Mongstad samt Vannområde Nordhordaland gjennomført ei felles resipientgransking i vassførekomstane Fensfjorden og Sløvåg i Vasskvaliteten i Fensfjorden- Nord, vassførekomst ID, C har ifølgje rapporten og data i Vann-Nett 12. desember 2018, god økologisk tilstand medan den kjemiske tilstanden er dårleg. Påverknaden av diffus avrenning og utslepp frå fiskeoppdrett, er registrert som «liten grad». Vidare er det registrert påverknad frå industriaktivitet. Resultata av sedimentkvalitet indikerer at det er gode tilhøve for nedbryting i resipienten. Stadene det vart teke prøver ligg i opne vassmassar med god vassutskifting i den store djupe Fensfjorden. Seks av sju stasjonar som vart granska i 2015 viste til tilnærma upåverka tilhøve for blautbotnfauna. Berre stasjonen utanfor Sløvåg ( SI 3) var moderat belasta (tilstandsklasse III). Artsdiversiteten var høg på stasjonen utanfor Sløvåg. I følgje rapporten kan dette sannsynlegvis sjåast i samanheng med ei moderat auke i organiske tilførsler i resipienten som vert brukt som føde av moderat forureiningstolerante artar. Stasjonen utanfor Sløvåg var også påverka av andre miljøgifter (tilstandsklasse I-III). Vi reknar med at verksemda sine utslepp ikkje påverkar mengda av andre miljøgifter. Overflatevatn frå utandørs handtering av organisk avfall og vatn frå oppsamling vert ført til ein 36 m 3 slamavskiljar ut på 30 meters djupne i Fensfjorden. Det vert teke 4 utsleppsprøver årleg. Analyse av avløpsvatn syner ei større auke i konsentrasjonane av fosfor, nitrogen og kjemisk oksygenforbruk. I følgje årsrapporten til verksemda for 2017, kan dette skuldast store nedbørsvariasjonar i I løyvet er det sett strengare krav til utslepp av avløpsvatn enn tidlegare. Det er sett krav om at utslepp til vatn frå avfallshandtering innandørs og under tak ikkje er tillate. Verksemda kan i utgangspunktet ta i mot alt organisk avfall som er eigna til kompostering med unntak av farleg avfall. Vi har ikkje sett krav til tørrstoffinnhald for slammet, men har sett krav til at eventuell avrenning skal samlast opp og resirkulerast i prosessen. Fylkesmannen meiner at dette er eit rimeleg enkelt tiltak som vil redusere forureining til resipienten. Utslepp frå kompostering av organisk avfall vil vere avgrensa på grunn av at avfallet i utgangspunktet ikkje fører til avrenning, og krav til handtering innandørs og under tak vil hindre ytterlegare avrenning. I tillegg har vi sett krav om at forureina avløpsvatn, inkludert forureina

7 Side: 7/8 overvatn skal gå via slamavskiljar før utslepp til sjø. Det er også krav om at overvatn som er forureina av olje skal reinsast i oljeutskiljar. Oljeinnhaldet skal ikkje overstige 5 mg/l. Krav for å avskjere overvatn, god drift, skjerming mot vêr og vind, og reinsing av avløpsvatnet vil redusere mengde og innhald av forureining i avløpsvatnet og med det også redusere forureininga til vassførekomsten. Vi vurderer at utvida ramme for løyvet, ikkje vil føre til forverring av økologisk og kjemisk tilstand i vassførekomsten med dei vilkåra som er sett i løyvet og med tanke på status i vassførekomsten. Vi vurderer derfor at krava i vassforskrifta ikkje er til hinder for å gje løyve etter forureiningslova. Vurdering etter naturmangfaldlova Tiltaket vil ikkje føre til endring i type aktivitet. I følgje Naturbase er det ikkje registrert spesielle naturverdiar i nærleik av anlegget. Kravet i naturmangfaldlova 8 om at saka i hovudsak skal baserast på eksisterande og tilgjengeleg kunnskap, er med det oppfylt. Vi har derfor vurdert at det ikkje vil vere nødvendig å gjere vurderingar etter dei andre miljøprinsippa i naturmangfaldlova 9-12, då dette er dekt av krava i løyvet. Støy Verksemda ligg i eit industriområde der det er lagt til rette for denne type verksemd. Vi har sett standardkrav for støy som gjeld for industri. Verksemda plikter å halde grenseverdiane for støy heile døgnet. Bruk av ferdig kompostert avløpsslam Bruk av kompost skal skje i samsvar med gjødselvareforskrifta og ABP-regelverket som Mattilsynet er mynde for. Konklusjon Vi har vurdert at fordelane av verksemda er større enn eventuelle negative konsekvensar som følgje av forureining frå anlegget. Dersom aktivitetane blir drifta med gode rutinar og i samsvar med vilkåra i løyvet, vil miljøtilhøva bli tilfredsstillande teke vare på. Fylkesmannen gir derfor endra løyve etter forureiningslova. Fristar Tabellen nedanfor gir oversikt over fristar for gjennomføring av tiltak vi har stilt krav om i løyvet: Tiltak Frist Tilvising til vilkår System for energileiing skal vere etablert 1. juli Årleg rapportering til Fylkesmannen 1. mars 13.5 Gebyr Fylkesmannen tek sakshandsamingsgebyr for arbeid med løyve. Reglane om gebyrinnkrevjing er gitt i forureiningsforskrifta kapittel 39. Vi har plassert arbeidet med dette løyvet under gebyrsats 6, jf. forureiningsforskrifta Verksemda skal betale kroner i gebyr for løyvet. Gebyrsatsen er vald basert på Fylkesmannens ressursbruk ved handsaming av søknaden. Miljødirektoratet sender faktura.

8 Side: 8/8 Rett til å klage Partane som er involvert i saka og andre med særlege interesser kan klage på vedtaket til Miljødirektoratet. Klagen skal sendast til Fylkesmannen innan tre veker frå de har fått dette brevet. Ei eventuell klage fører ikkje automatisk til at gjennomføringa av vedtaket blir utsett. Fylkesmannen eller Miljødirektoratet kan etter oppmoding eller av eige tiltak, avgjere at vedtaket ikkje skal gjennomførast før klagefristen er ute eller klagen er avgjort. Denne avgjerda kan ikkje klagast på. De kan også klage på vedtaket om gebyrsats, jf. forureiningsforskrifta Ei eventuell klage skal vere grunngitt. Send klagen til Fylkesmannen i Vestland innan tre veker. Med visse avgrensingar har partane rett til å sjå dokumenta i saka. Nærare opplysningar om dette kan de få ved førespurnad til Fylkesmannen. Andre opplysningar om sakshandsamingsreglar og andre reglar av verknad for saka vil Fylkesmannen også kunne gje på førespurnad. Med helsing Nina Vadøy overingeniør Sissel Storebø seksjonsleiar Dokumentet er elektronisk godkjent Vedlegg: Vilkår for løyve til drift av avfallsanlegg Mottakerliste: Gulen kommune Eivindvikvegen EIVINDVIK Alexela Sløvåg AS Sløvåg Industriområde 5960 DALSØYRA Bente Halsvik Bent Unneland

9 Løyve til drift av avfallsanlegg etter forureiningslova for Norva24 Vest AS Fylkesmannen gir Norva24 Vest AS løyve med heimel i forureiningslova 11, jf. 16 og 29 og endra i medhald av forureiningslova 18. Løyvet er gitt på grunnlag av opplysningar i søknad av 11. januar 2018, 19. juli 2018 og opplysningar som kom fram under behandlinga av søknaden. Løyvet gjeld frå dags dato. Dette løyvet erstattar følgjande løyve: Løyve til verksemd etter ureiningslova for Miljøkompost AS, avd. Gulen datert 12. desember Dersom verksemda ønskjer endringar utover det som var opplyst i søknaden eller under saksbehandlinga og som kan ha miljømessig verknad, må verksemda på førehand avklare dette skriftleg med Fylkesmannen. Dersom heile eller vesentlege delar av løyvet ikkje er tatt i bruk innan fire år, skal verksemda sende ei utgreiing om omfanget til verksemda. Fylkesmannen vil då vurdere eventuelle endringar i løyvet. Verksemdsdata Verksemd Norva24 Vest AS Stad/gateadresse Dalsøyra Postadresse Sløvågen 16, 5960 Dalsøyra Kommune og fylke Gulen kommune, Sogn og Fjordane Org.nummer (verksemd) (eigd av ) Lokalisering av anlegg UTM sone 32N, aust: , nord: Gards- og bruksnummer gnr. 63 bnr. 15 NACE-kode og bransje Oppsamling og behandling av avløpsvatn Kategori for verksemda 1 - Referansane til Fylkesmannen Løyvenummer Anleggsnummer Saksnummer T /1779 Løyve gitt første gang: Løyve sist revidert i medhald av fl 18, 3. ledd 2 : Løyve sist endra: Nina Vadøy overingeniør Sissel Storebø seksjonsleiar Løyvet er godkjent elektronisk og har derfor inga underskrift Endringslogg 1 Forureiningsforskrifta kapittel 36 om behandling av løyve etter forureiningslova 2 Forureiningslova 18 tredje ledd om endring og omgjering av løyve etter 10 år Side 1 av 23 E-postadresse: fmvlpost@fylkesmannen.no Sikker melding: Postadresse: Njøsavegen Leikanger Besøksadresse: Njøsavegen 2, Leikanger Statens hus, Kaigaten 9, Bergen Fjellvegen 11, Førde Telefon: Org.nr

10 Endringsnr. Endringar av Punkt Omtale Alle Totalrevidering av løyvet Grensa for organisk avfall til mottak, lagring og behandling er auka frå til tonn per år 2

11 Innhaldsliste 1 Rammevilkår Avfallstypar, aktivitetar, lagringsmengde og lagringstid Utforming av anlegget 6 2 Generelle vilkår Utsleppsavgrensingar Plikt til å halde grenseverdiar Plikt til å redusere forureining så langt som mogleg Plikt til førebyggjande vedlikehald Tiltaksplikt ved auka forureiningsfare Internkontroll Driftsinstruks og driftslogg Krav til kompetanse 8 3 Krav til behandling og handtering, inkludert lagring av avfall Journalføring Mottakskontroll Informasjon til kundar Krav til dekke Krav til tak og vegger Framande artar Biologisk behandling av organisk avfall Bruk av strukturmateriale Lagring Vidarelevering av avfall og bruk av kompost 10 4 Utslepp til vatn Utslepp av avløpsvatn, inkludert forureina overvatn Utsleppsreduserande tiltak, reinseanlegg m.m Utsleppsstad for avløpsvatn Reint overvatn Oversikt Sanitæravløpsvatn 11 5 Utslepp til luft Lukt Krav til utsleppspunkt Luktrisikovurdering Plan for å unngå lukt Varsling Klageregistreringssystem Støv 12 6 Støy 13 7 Omsyn til nærmiljø 13 8 Grunnforureining og forureina sediment 13 9 Kjemikal Energileiing Avfall frå drifta av anlegget 15 3

12 12 Førebygging og beredskap mot forureining Miljørisikoanalyse Førebyggjande tiltak Etablering av beredskap Varsling om akutt forureining Utsleppskontroll og rapportering til Fylkesmannen Kartlegging av utslepp Utsleppskontroll Kvalitetssikring av målingane Program for utsleppskontroll Rapportering til Fylkesmannen Overvaking av resipient og rapportering til Fylkesmannen Utskifting av utstyr Eigarskifte Nedlegging Tilsyn 19 VEDLEGG 1 Liste over prioriterte miljøgifter, jf. punkt VEDLEGG 2 Definisjonar 22 4

13 1 Rammevilkår Løyvet gjeld forureining frå mottak, lagring og behandling av organisk avfall som er eigna for kompostering. Oversikt over avfallstypar med tilhøyrande aktivitetar, lagringsmengder og lagringstider som er omfatta av løyvet går fram av punkt 1.1. Maksimal mengde avfall lagra på verksemda sitt område skal ikkje overstige tonn. Dette inkluderer avfall til mottak, behandling og ferdig kompost. Verksemda kan årleg ta imot maksimalt tonn avfall. Detaljerte krav går fram av punkt 1.1. Figur 1 viser kart over anleggsområdet. Aktivitet knytt til løyvet skal gå føre seg på området som vist i figuren. Verksemder som driv med biologisk behandling av organisk avfall må innhente nødvendig godkjenning frå Mattilsynet, jf. ABP-regelverket 3 /Gjødselvareforskrifta 4. Vedlegg 2 viser ei liste med forklaringar på nokre ord og uttrykk som er brukt i løyvet 3 Forskrift om animalsk biprodukt som ikkje er medrekna på konsum 4 Forskrift om gjødselvarer mv. av organisk opphav 5

14 1.1 Avfallstypar, aktivitetar, lagringsmengde og lagringstid Oversikt over avfallstypar med tilhøyrande aktivitetar, lagringsmengder og lagringstider som er omfatta av løyvet: Type avfall Organisk avfall som er eigna til kompostering Maksimal årleg mottaksmengde Maksimal lagringsmengde Maksimal lagringstid tonn 3 dagar før behandling Aktivitet Mottak, behandling og lagring Oppmalt ikkjebehandla trevirke 3 månader Bark Grovfraksjon frå kompostert hageavfall* Ukverna trevirke tonn tonn 6 månader Lagring og til bruk som strukturmateriale Kverning, lagring og til bruk som strukturmateriale Ferdig kompost tonn 12 månader Lagring * omlag 50 % tilslag frå kompostert hageavfall vert nytta i prosessen Mengda avfall som verksemda lagrar skal til ei kvar tid vere avgrensa til det som kan lagrast på ein forsvarleg måte etter krava i dette løyvet. Krav til lagring er nærare omtalt under punkt 3 i løyvet. Løyvet omfattar ikkje: mottak av organisk avfall til kompostering som er klassifisert som farleg avfall deponering eller permanent lagring av avfall Ved unntaksvis behov for lengre lagringstid skal verksemda på førehand utarbeide eigne planar for dette som omfattar omtale av avfallsmengder og typar, tidsrom, tiltak for å hindre forureining med vidare. Planane for dette skal gå fram i internkontrollen og skal kunne leggast fram ved tilsyn. Eigne planar for lagring utover tillate lagringstid skal rapporterast til Fylkesmannen så snart som mogleg og i årsrapporten, jf. punkt 13.5 i løyvet. 1.2 Utforming av anlegget Verksemda skal utforme alle bygningar, gjerder, dekke og liknande etter gjeldande lovverk og reguleringsføresegner, og eventuelt andre planføresegner for området. 6

15 Handtering av avfall skal skje på område som er tilstrekkeleg sikra for å hindre tilkomst for uvedkommande. Verksemda skal best mogleg skjerme bustader, nærområde og offentleg veg for skjemmande innsyn. Det skal ved behov etablerast avskjerande overvassgrøfter eller tilsvarande for å hindre at overvatn kjem inn på avfallsanlegget. Nærare krav til utforming er spesifisert for dei ulike aktivitetane under punkt 3. 2 Generelle vilkår 2.1 Utsleppsavgrensingar Dei utsleppskomponentane frå verksemda som er forventa å ha størst miljømessig verknad, er uttrykkeleg regulert gjennom spesifikke vilkår i dette løyvet. Utslepp som ikkje er uttrykkeleg regulert på denne måten, er omfatta av løyvet så langt opplysningar om slike utslepp vart framlagt i samband med saksbehandlinga eller må reknast for å ha vore kjent på annan måte då vedtaket vart gjort. Dette gjeld likevel ikkje utslepp av prioriterte miljøgifter oppført i vedlegg 1. Utslepp av slike komponentar er berre omfatta av løyvet dersom dette går fram uttrykkeleg av vilkåra i løyvet. 2.2 Plikt til å halde grenseverdiar Alle grenseverdiar skal haldast innanfor dei fastsette midlingstidene. Variasjonar i utsleppa innanfor dei fastsette midlingstidene skal ikkje avvike frå det som følgjer av normal drift i ein slik grad at dei kan føre til auka skade eller ulempe for miljøet. 2.3 Plikt til å redusere forureining så langt som mogleg All forureining frå verksemda, under dette utslepp til luft, vatn, støy og avfall, er isolert sett uønskt. Sjølv om utsleppa blir haldne innanfor fastsette grenser, pliktar verksemda å redusere forureining, under dette støy og lagring av avfall, så langt dette er mogleg utan urimelege kostnadar. Plikta omfattar også utslepp av komponentar som det ikkje er sett uttrykkeleg grenser for gjennom vilkår i løyvet. 2.4 Plikt til førebyggjande vedlikehald For å halde dei ordinære utsleppa på eit lågast mogleg nivå og for å unngå utilsikta utslepp skal verksemda sørgje for førebyggjande vedlikehald av utstyr som kan føre til endring av utsleppa. System og rutinar for vedlikehald av slikt utstyr skal vere dokumentert. 2.5 Tiltaksplikt ved auka forureiningsfare Dersom det som følgje av unormale driftstilhøve eller av andre grunnar oppstår fare for auka forureining, pliktar verksemda å setje i verk tiltak som er nødvendige for å eliminere eller redusere den auka forureiningsfaren. Om nødvendig må verksemda redusere eller innstille drifta. Verksemda skal så snart som mogleg informere Fylkesmannen om unormale tilhøve som har eller kan få forureiningsmessige følgjer. Akutt forureining skal varslast i samsvar med punkt

16 2.6 Internkontroll Verksemda pliktar å etablere internkontroll for verksemda si i samsvar med gjeldande forskrift 5 Internkontrollen skal mellom anna sikre og dokumentere at verksemda held krav i dette løyvet, forureiningslova, produktkontrollova og relevante forskrifter til desse lovene. Verksemda pliktar å halde internkontrollen oppdatert. Verksemda skal alltid ha oversikt over alt som kan føre til forureining, og skal kunne gjere greie for risikoen for forureining. Plikt til å gjennomføre risikoanalyse med omsyn til forureining følgjer av punkt Driftsinstruks og driftslogg Verksemda skal ha ein oppdatert driftsinstruks og føre dagleg driftslogg for dei delar av anlegget der dette er nødvendig for å sikre forsvarleg drift. 2.8 Krav til kompetanse Verksemda plikter å sjå til at anlegg og installasjonar blir drive av personar med nødvendig opplæring og kompetanse. Dette skal dokumenterast. Verksemda skal ha tilstrekkeleg kompetanse til å vurdere miljørisiko ved verksemda. På anlegget skal ein ha særskild kompetanse på følgjande område: avfallskvalitet inn og ut av anlegget lukt: faktorar som påverkar lukttilhøva ved anlegget/produksjonen og tiltak for å redusere lukt framande artar 6 3 Krav til behandling og handtering, inkludert lagring av avfall Avfall må behandlast, handterast og lagrast slik at kvaliteten ikkje blir redusert eller avfallet blir mindre eigna for gjenvinning. Behandling, handtering og lagring må heller ikkje føre til fare for sjølvtenning. 3.1 Journalføring Verksemda skal føre dagleg journal over kva slags avfall, opphav, kvalitet og mengder som blir teke imot og passerer anlegget. Registrering av avfallet skal skje på vekt. Mengder og leveringsstader for avfallet ut frå anlegget skal journalførast. Journalane skal vere lett tilgjengeleg ved kontroll og skal oppbevarast i minst 3 år. På bakgrunn av journalen skal verksemda sikre at det er balanse mellom avfallsmengder inn til og ut av anlegget, og avfall til behandling og på lager. 5 Systematisk helse-, miljø- og tryggleiksarbeid i verksemder (Internkontrollforskrifta) 6 Jf. lista «Fremmedartslista 2018». Lista finst på 8

17 3.2 Mottakskontroll Verksemda skal ha rutinar for mottakskontroll for å sikre at avfallet som kjem inn til anlegget ikkje er i strid med løyvet. Rutinane skal også hindre innblanding av ulovleg avfall og at ulovleg avfall som kjem inn på anlegget blir sortert ut og levert til anlegg med løyve til å ta imot slikt avfall. Ulovleg avfall som kjem inn skal registrerast som avvik. Mottakskontrollen skal også omfatte eit system og rutinar som hindrar at slikt gjentar seg. Verksemda skal spesielt følgje opp følgjande i samband med mottakskontrollen: lukt: vurdere om strakstiltak skal setjast i verk framande artar: rutinar for å avdekke og hindre spreiing 3.3 Informasjon til kundar Verksemda skal informere alle kundar om kva for avfallstypar og fraksjonar som er tillate levert til anlegget. 3.4 Krav til dekke Tett dekke Mottak av organisk avfall til kompostering skal gå føre seg på tett dekke. Anna lagringsmåte kan nyttast viss verksemda kan dokumentere at den valde lagringsmåten gjev minst like låg risiko og like godt miljøvern. Fast dekke Behandling og handtering, inkludert lagring, som kan føre til fare for avrenning skal minst gå føre seg på fast dekke med eigna oppsamling av avrenning. Dersom risikovurderinga viser at det er naudsynt, skal behandling og handtering, inkludert lagring, likevel skje på tett dekke. Vedlikehald av dekke Verksemda må gjennomføre regelmessig inspeksjon og vedlikehald av dekke. 3.5 Krav til tak og vegger Behandling og handtering, inkludert lagring, skal gå føre seg under tak og skjerma for vêr og vind. Verksemda kan velje anna vern eller utføre tiltak for å hindre fare for forureining dersom miljørisikovurderinga viser at dette gir like låg risiko og elles er innanfor krava i løyvet. Mottak og lagring før kompostering av organisk avfall skal uansett som eit minimum lagrast/gå føre seg under tak og skjerma for vêr og vind. Dersom anlegget fører til uakseptabel lukt, kan Fylkesmannen setje krav til meir omfattande tiltak. 9

18 3.6 Framande artar Verksemda skal gjennomføre nødvendige tiltak for å hindre spreiing og etablering av framande artar. 3.7 Biologisk behandling av organisk avfall Bruk av strukturmateriale Verksemda kan bruke masser som strukturmateriale i komposten; bark, oppmalt ikkje-behandla trevirke og kompostert grovfraksjon av hageavfall. Viss verksemda ønskjer å bruke anna strukturmateriale i komposten må dette avklarast med Fylkesmannen Lagring Massane skal lagrast på ein slik måte at ein har oversikt over lagringstid og mengde på lager. Komposten skal lagrast etter forureiningstilstand slik at forureininga ikkje blir fortynna Vidarelevering av avfall og bruk av kompost Vidarelevering av avfall skal skje innanfor rammene av forureiningslova, jf. 7 og 32. Bruk av kompost er regulert av Mattilsynet gjennom gjødselvareforskrifta og ABP-regelverket. 4 Utslepp til vatn 4.1 Utslepp av avløpsvatn, inkludert forureina overvatn Alt vatn som har vore i kontakt med avfall og eventuelt spyle- og vaskevatn, overvatn frå trafikkområde og utandørs lagringsområde skal reknast som forureina avløpsvatn. Utslepp til vatn frå avfallshandtering innandørs og under tak er ikkje tillate. Eventuell avrenning skal samlast opp og resirkulerast i prosessen. Alt forureina avløpsvatn utandørs skal samlast opp og førast til privat avløpsleidning som går via slamavskiljar før utslepp til Fensfjorden. Forureina avløpsvatn skal passere ein kontrollkum tilrettelagt for mengdemåling og uttak av prøver. Det er ikkje tillate å sleppe ut forureina avløpsvatn til grunn, bekk eller overvassystem. 4.2 Utsleppsreduserande tiltak, reinseanlegg m.m. Før utslepp til sjø skal forureina avløpsvatn reinsast i reinseanlegget til verksemda. Eventuelt avløpsvatn forureina med olje skal reinsast tilfredsstillande i oljeutskiljar eller tilsvarande reinseeining slik at utsleppsgrensa fastsett i tabell under blir halden. Oljeutskiljaren skal vere dimensjonert for dei faktiske vassmengdene som blir tilført. 10

19 Tabell: Utsleppsgrense for avløpsvatn forureina med olje Kjelde Komponent Konsentrasjonsgrense Reinseeining for avløpsvatn forureina med olje Olje 5 mg/l Verksemda må gjennomføre tiltak for å hindre utslepp av plast og liknande. 4.3 Utsleppsstad for avløpsvatn Forureina avløpsvatn skal førast ut i Fensfjorden på ein slik måte at innblandinga i vassmassane blir best mogleg. 4.4 Reint overvatn Reint overvatn skal førast vekk slik at dette ikkje kjem i kontakt med avfall. Avrenning av reint overvatn frå utearealet til verksemda skal handterast slik at det ikkje fører til skade eller ulempe for miljøet. 4.5 Oversikt Verksemda må ha dokumentert oversikt over leidningsnett, kummar, tankar, oljeutskiljarar, utslepp- og prøvetakingspunkt og liknande. 4.6 Sanitæravløpsvatn Sanitært avløpsvatn skal handterast etter krav frå kommunen. 5 Utslepp til luft Verksemda skal drive slik at støv og lukt ikkje fører til nemneverdig skade eller ulempe for naboar og miljø. 5.1 Lukt Punktutslepp Luktimmisjonen ved bustader, sjukehus, pleieinstitusjonar, fritidsbustader, utdanningsinstitusjonar og barnehagar mv. som ligg rundt anlegget skal ikkje overstige (enten 1 eller 2) oue/m3 (konsentrasjonen), angitt som maksimal månadleg 99 prosent timefraktil (frekvens og midling). Diffuse utslepp Frekvensen av plagsam lukt ved diffuse utslepp som er mogleg å kjenne igjen ved bustader, sjukehus, pleieinstitusjonar, fritidsbustader, utdanningsinstitusjonar og barnehagar mv. som ligg rundt anlegget skal ikkje overstige 1 prosent av timane i ein månad (frekvens/hyppigheit). 5.2 Krav til utsleppspunkt Verksemda har løyve til å leie avgassar frå eksisterande anlegg og prosesseiningar ut gjennom utsleppssystema med dei utsleppspunkta og -høgdene som er gitt i rammeløyve. 11

20 For nye utsleppspunkt skal verksemda rekne ut spreiing på ein måte som viser maksimale bakkekonsentrasjonar av relevante forureiningskomponentar under dei mest ugunstige spreiingstilhøva som kan oppstå. Både bidraget frå nye utsleppspunkt, frå eksisterande kjelder og bakgrunnsnivå skal synleggjerast. Fylkesmannen kan, om nødvendig, stille nærare krav til plassering og høgde på nye utsleppspunkt. 5.3 Luktrisikovurdering Verksemda skal gjennomføre ei luktrisikovurdering i samsvar med rettleiar TA 3019/2013, vedlegg 3 7. Ved modifikasjonar og endra produksjonstilhøve skal luktrisikovurderinga oppdaterast. 5.4 Plan for å unngå lukt Verksemda skal utarbeide ein plan som skal sikre at luktulemper ved verksemda blir avgrensa. Planen skal vere i samsvar med TA 3019/2013, vedlegg 4. Ved modifikasjonar og endra produksjonstilhøve skal luktrisikovurderinga oppdaterast. Verksemda skal utarbeide ein lukthandteringsplan og ein kommunikasjonsplan som er i samsvar med TA 3019/2013, vedlegg Varsling Verksemda skal informere naboar når: det er planlagt aktivitet som mellombels kan føre til økt luktbelastning mottak av avfall/råvarer som viser seg å gi mykje lukt (ikkje planlagt) i situasjonar der utstyr, maskiner eller liknande for behandling sviktar 5.6 Klageregistreringssystem Verksemda skal ha eit system for registrering av luktklager som skal knytast til geografisk stad og tid. Desse klagene skal loggførast. Klagene bør vurderast mot vêrdata og avvik frå driftsplanen. Verksemda skal gi ei vurdering av årsaka til luktutsleppet, og gi ei skildring av eventuelle tiltak som blir sett i verk. Denne informasjonen skal verksemda gjere kjent for naboane og styresmaktene. 5.7 Støv Verksemda skal gjennomføre effektive tiltak for å hindre støvutslepp frå all støvande aktivitet som til dømes transport og lagring av avfall. Det skal lagast planar for å førebyggje og hindre støv. Planane skal baserast på risikovurdering, jf. punkt Regulering av luktutslipp i tillatelser etter forurensningsloven, TA 3019/

21 Ved spesielle vêr- eller driftstilhøve som fører til auka risiko for støvflukt, skal det om nødvendig setjast i verk ekstra tiltak. Verksemda må dokumentere kva for vurderingar og tiltak som er gjort for å redusere utslepp av støv. 6 Støy Verksemda sitt bidrag til utandørs støy ved bustader, sjukehus, pleieinstitusjonar, fritidsbustader, utdanningsinstitusjonar og barnehagar som ligg rundt verksemda skal ikkje bryte følgjande grenser, målt eller rekna ut som innfallande lydtrykknivå ved mest støyutsette fasade: Kvardagar Laurdagar Sun- og heilagdagar Kveld (kl ), kvardagar Natt (kl ), alle døgn Natt (kl ), alle døgn 55 Lden 50 Lden 45 Lden 50 Levening 45 Lnight 60 LAFmax Lden er A-vega ekvivalent støynivå for dag/kveld/natt med 10 db/5 db tillegg på natt/kveld. Levening er A-vega ekvivalent støynivå for kveldsperioden Lnight er A-vega ekvivalent støynivå for nattperioden LAFmax er A-vega maksimalnivå for dei 5 10 mest støyande hendingane innanfor perioden, målt/rekna ut med tidskonstant Fast på 125 ms. Verksemda skal halde alle støygrenser innanfor alle driftsdøgn. Støygrensene gjeld all støy frå verksemda si drift, inkludert intern transport på verksemdsområdet og lossing/lasting av råvarer og produkt. Støy frå mellombels bygg- og anleggsverksemd og frå persontransport av tilsette til og frå verksemdsområdet er likevel ikkje omfatta av grensene. Støygrensene gjeld ikkje for busetnad nemnt over som er etablert etter at støygrensene tredde i kraft. 7 Omsyn til nærmiljø Avfallet skal behandlast, handterast og lagrast slik at det ikkje er skjemmande eller fører til fare for samling av fugl, flygeavfall, skadedyr eller anna forureining eller andre ulemper for omgivnadane. Om nødvendig må tiltak setjast i verk. Nærare krav er omtalt under punkt 3, 4, 5 og 6. 8 Grunnforureining og forureina sediment Verksemda skal ikkje føre til utslepp til grunn eller grunnvatn som kan føre til skader eller ulemper for miljøet. Verksemda plikter å gjennomføre førebyggjande tiltak som skal hindre utslepp til grunn og grunnvatn. Verksemda plikter vidare å gjennomføre tiltak som er eigna til å avgrense miljøverknadane av eit eventuelt utslepp til grunn og grunnvatn. Utstyr og tiltak som skal forhindre utslepp til grunn og grunnvatn eller hindre at eventuelle utslepp fører til skade eller 13

22 ulempe for miljøet, skal overvakast og haldast ved like jamleg. Plikta etter dette avsnittet gjeld tiltak som står i eit rimeleg forhold til dei skadane og ulempene som verksemda skal unngå. Verksemda pliktar å halde kontinuerleg oversikt over eventuell eksisterande forureina grunn på verksemdsområdet og forureina sediment utanfor. Det same gjeld faren for spreiing, og om det er trong for granskingar og tiltak. Dersom det er nødvendig å setje i verk granskingar eller andre tiltak, skal Fylkesmannen varslast om dette. Terrenginngrep som kan føre til fare for at forureining i grunnen spreier seg, må ha godkjent tiltaksplan etter forureiningsforskrifta kapittel 2 8, eventuelt løyve etter forureiningslova. Tiltak i forureina sediment må ha løyve etter forureiningslova eller forureiningsforskrifta kapittel Kjemikal Med kjemikal meiner vi her kjemiske stoff og stoffblandingar som blir brukt i verksemda, både som råstoff i prosess og som hjelpekjemikal, til dømes groehindrande middel, vaskemiddel, hydraulikkvæsker og middel for å hindre brann. For kjemikal som blir brukt på ein slik måte at det kan føre til fare for forureining, skal verksemda dokumentere at ho har gjort ei vurdering av helse- og miljøeigenskapar til kjemikala på bakgrunn av testing eller annan relevant dokumentasjon, jf. også punkt 2.6 om internkontroll. Verksemda pliktar å etablere eit dokumentert system for substitusjon av kjemikal. Verksemda skal gjere ei kontinuerleg vurdering av faren for skadelege effektar på helse og miljø valda av dei kjemikala som blir brukt, og av om alternativ finst. Skadelege effektar knytt til produksjon, bruk og endeleg disponering av produktet, skal vurderast. Der betre alternativ finst, pliktar verksemda å bruke desse så langt dette kan skje utan urimeleg kostnad eller ulempe. 9 Stoff åleine, i stoffblandingar og/eller i produkt, skal ikkje framstillast og seljast, eller bli brukt utan at dei er i samsvar med krava i REACH-regelverket 10 og andre regelverk som gjeld for kjemikal. 10 Energileiing Verksemda skal ha eit system for energileiing. Systemet skal sikre kontinuerleg, systematisk og målretta vurdering av tiltak som kan setjast i verk for å oppnå ein mest mogleg energieffektiv produksjon og drift. Systemet for energileiing skal inngå i internkontrollen til verksemda, jf. punkt 2.6 og følgje prinsippa og metodane gitt i Norsk Standard for energileiing. Energileiingsystemet skal vere etablert innan 1. juli Jf. Forureiningsforskrifta kapittel 2 om opprydding i forureina grunn ved byggje- og gravearbeid 9 Produktkontrollova 3a om substitusjonsplikta 10 Forskrift om registrering, vurdering, godkjenning og avgrensing av kjemikal (REACH) 14

23 11 Avfall frå drifta av anlegget Så langt det er mogleg utan urimelege kostnadar eller ulemper pliktar verksemda å unngå at det blir danna avfall som følgje av drifta. Særleg skal ho prøve å avgrense innhaldet av skadelege stoff i avfallet mest mogleg. Verksemda pliktar å sørgje for at all handtering av avfall, under dette farleg avfall, skjer i samsvar med gjeldande reglar for dette fastsett i eller i medhald av forureiningslova, under dette avfallsforskrifta 11. Søl frå olje eller kjemikal skal fjernast med absorberande middel og behandlast som farleg avfall. Avfall som oppstår skal om mogleg brukast på nytt i produksjonen. Dette må likevel skje i samsvar med gjeldande reglar fastsett i eller i medhald av forureiningslova og krav fastsett i dette løyvet. 12 Førebygging og beredskap mot forureining 12.1 Miljørisikoanalyse Verksemda skal gjennomføre ein miljørisikoanalyse, og må vurdere resultata av analysen med tanke på akseptabel miljørisiko. Potensielle kjelder til forureining av vatn, grunn og luft skal kartleggjast. Miljørisikoanalysen skal dokumenterast og skal omfatte alle tilhøve ved verksemda som kan føre til forureining med fare for helse- og/eller miljøskadar inne på område til verksemda eller utanfor. Ved endringar ved anlegget skal miljørisikoanalysen oppdaterast. Verksemda skal ha oversikt over miljøressursar som kan bli råka av forureining og dei helse- og miljømessige konsekvensane slik forureining kan føre til. På anlegget er det særskilte krav til innhald i risikovurderinga: All behandling og handtering, inkludert lagring, av avfall skal vere basert på risikovurdering. Alt material som inngår i kompostering/sluttprodukt skal risikovurderast, med omsyn til forureining ved mottak, handtering og kompostering av avfallet. Verksemda skal gjennomføre ei luktrisikovurdering i samsvar med rettleiar TA 3019/2013, vedlegg Ved modifikasjonar og endra tilhøve skal luktrisikovurderinga oppdaterast. Risikoen for spreiing av framande artar skal inngå i miljørisikovurderinga, jf. lista «Fremmedartslista 2018». Lista finst på Førebyggjande tiltak På bakgrunn av miljørisikoanalysen skal verksemda setje i verk risikoreduserande tiltak. Både sannsynsreduserande og konsekvensreduserande tiltak skal vurderast. Verksemda skal ha ein oppdatert oversikt over dei førebyggjande tiltaka. 11 Forskrift om gjenvinning og behandling av avfall (avfallsforskrifta) 12 Regulering av luktutslipp i tillatelser etter forurensningsloven, TA 3019/

24 12.3 Etablering av beredskap Verksemda skal, på bakgrunn av miljørisikoanalysen og dei risikoreduserande tiltaka som er sette i verk, om nødvendig, etablere og vedlikehalde ein beredskap mot akutt forureining. Beredskapen skal vere tilpassa den miljørisikoen som verksemda til ei kvar tid representerer. Viss aktuelt, skal verksemda øve på beredskapen mot akutt forureining minimum ein gong per år Varsling om akutt forureining Akutt forureining eller fare for akutt forureining skal varslast i samsvar med gjeldande forskrift 13. Verksemda skal også så snart som mogleg varsle Fylkesmannen gjennom fmvlpost@fylkesmannen.no i slike tilfelle. 13 Utsleppskontroll og rapportering til Fylkesmannen 13.1 Kartlegging av utslepp Verksemda skal systematisk kartleggje alle utslepp frå verksemda til luft og vatn. Dette gjeld både diffuse utslepp og punktutslepp. Verksemda skal leggje denne kartlegginga til grunn for utarbeiding av programmet for utsleppskontroll, jf. punkt Det er særskilt krav til oversikt over overvatn og forureina avløpsvatn, inkludert vassmengder, eksisterande røyrsystem og grad av forureining Utsleppskontroll Verksemda skal kontrollere og dokumentere utsleppa til luft og vatn ved å gjennomføre vurderingar, og målingar der det er naudsynt. Målingar omfattar volumstrømsmåling, prøvetaking, analyse og utrekning. Målingar skal utførast slik at dei blir representative for verksemda sine faktiske utslepp og skal omfatte utslepp av komponentar som er regulert gjennom grenseverdiar i løyvet utslepp av komponentar som er regulert gjennom grenseverdiar fastsett i forskrift utslepp av andre komponentar som kan ha miljømessig verknad og med det er omfatta av rapporteringsplikta Verksemda skal vurdere usikkerheitsbidraga ved dei ulike trinna i målingane (volumstraumsmåling - prøvetaking analyse utrekning) og velje løysingar som reduserer den totale usikkerheita til eit akseptabelt nivå. For alle målingar skal det vere ein prøvetakingsfrekvens som sikrar representative prøver. 13 Forskrift om varsling av akutt forureining eller fare for akutt forureining 16