START Det samfunnsvitskaplege

Transkript

1 Haust 2012 STUDIE- START Det samfunnsvitskaplege fakultet

2 Velkommen Velkommen til Universitetet i Bergen. Vi er glade for at du har valt å studere hos oss! Dette informasjonsheftet fortel deg om ein del av dei praktiske gjøremåla du må gjennom den første tida som student. Vi håpar vi kan gi deg ein god start på studia ved UiB på ein praktisk, sosial og fagleg måte. Lykke til!

3 Innhald Sjekkliste 4 1. Velkommen til studiestart 6 Orienteringsmøte for nye studentar...6 Informasjon om fag og emne Offisiell opning av det akademiske året 12 Program den 14. august Praktisk informasjon 14 Betale semesteravgift Stadfeste utdanningsplanen på StudentWeb.. 14 Opprette brukarkonto Ta i bruk nettsida Mi side Skaffe deg studentkort på Kortsenteret Søkje stipend og lån til utdanning hos Lånekassen Informasjons- og rettleiingstenester 18 Informasjonssenteret ved fakultetet Informasjonssenteret ved Studieadministrativ avdeling Studentsamskipnaden i Bergen Studentprestane IKT-tenester 21 uib.no/utdanning Brukarstøtte Eiga e-postadresse Lesesalar og PC-stover Universitetsbiblioteket Fadderordninga 26

4 Sjekkliste Før studiestart: takke ja til studieplassen, svare Samordna opptak innan 26. juli svare på undervisingspåmelding innan 1. august notere deg den tilsende PIN-koden og hente ut studentnummeret frå StudentWeb hente ut betalingsinformasjonen frå StudentWeb og betale semesteravgift til Studentsamskipnaden i Bergen (SiB) søkje om studielån bli kjend med uib.no Ved studiestart: delta på orienteringsmøte for fakultetet i Grieghallen måndag 13. august stadfeste utdanningsplanen din på StudentWeb etter orienteringsmøte opprette brukarkonto delta på velkomstseremonien på Muséplass og bli kjend med studentorganisasjonane på Studentsenteret tysdag 14. august hente studentkortet ditt på Kortsenteret logge deg inn på Mi side ta med deg denne brosjyren når du møter til studiestart! 4

5

6 1. Velkommen til studiestart Orienteringsmøte for nye studentar Orienteringsmøta er det viktigaste utgangspunktet for ein god studiestart. Her får du all den faglege og praktiske informasjonen du treng for å komme raskt og knirkefritt i gang med studia. Måndag 13. august Det blir orienteringsmøte for alle nye studentar ved Det samfunnsvitskaplege fakultetet i Grieghallen kl Etter orienteringsmøtet i Grieghallen vil du bli plassert i ei faddergruppe saman med andre studentar som skal studere det same som du. Måndag 13. august Orienteringsmøte for alle årsstudium ved Det samfunnsvitskaplege fakultetet kl (Stort Auditorium, L. Meltzers hus). NB! Årsstudium for informasjonsvitskap har ikkje orienteringsmøte før våren Måndag 13. august Eige orienteringsmøte for studentar som skal ta MET102, sjå omtale på side 8. Måndag 13. august, onsdag 15. august og torsdag 16. august Emnepresentasjon for enkelte institutt, sjå omtale på side 8. Tysdag 14. august Offisiell opning av det akademiske året med velkomstseremoni og studenttorg i Studentsenteret. Sjå side 12 for detaljert program. Torsdag 16. august Eige orienteringsmøte for studentar som skal ta SV100, sjå omtale side 8. Måndag 13. august, onsdag 15. august og torsdag 16. august Programspesifikke orienteringsmøte, sjå oversikt side

7 Oversikt over programspesifikke orienteringsmøte: Studieprogram Dato Tid Stad Europastudium Ons Auditorium 1080 i Stein Rokkans hus Samanliknande politikk Tors Stort auditorium i SV-bygget Sosiologi Ons Auditoriet i Ulrike Pihls hus Administrasjon og Ons Stort auditorium i SV-bygget organisasjonsvitskap Utviklingsstudiar Tors Auditoriet i Ulrike Pihls hus Politisk økonomi Tors Lite auditorium i SV-bygget Kognitiv vitskap Ons Lite auditorium i SV-bygget Medievitskap Ons Auditoriet i Ulrike Pihls hus Profesjonsstudiet i samfunnsøkonomi Tors Institutt for økonomi, Fosswinckels gate 14, rom 327 Sosialantropologi Ons Stort auditorium i SV-bygget Film- og TV-produksjon Ons Auditoriet i Ulrike Pihls hus Seminarrom 548, 5. et. i SVbygget Journalistikk Ons Auditoriet i Ulrike Pihls hus Seminarrom 645, 6. et. i SVbygget Auditoriet i Ulrike Pihls hus Seminarrom 202 i SV-bygget Nye medier Ons Informasjons- og Ons Lite auditorium i SV-bygget kommunikasjonsteknologi (IKT) Samfunnsøkonomi Tors Stort auditorium i SV-bygget Informasjonsvitskap Ons Stort auditorium i SV-bygget Geografi Ons Lite auditorium i SV-bygget 7

8 Oversikt over emnepresentasjon for enkelte institutt: Institutt Dato Tid Stad Sosiologi Torsdag Auditoriet i Ulrike Pihls hus Sosialantropologi Onsdag Stort auditorium i SV-bygget Økonomi Torsdag Stort auditorium i SV-bygget Geografi Torsdag Lite auditorium i SV-bygget Orienteringsmøte for MET102 Samfunnsvitskapleg metode: Emne Dato Tid Stad MET102 Måndag Stort auditorium i SV-bygget Orienteringsmøte for SV100 Samfunnsvitskaplege tenkemåtar: Emne Dato Tid Stad SV100 Torsdag Auditorium 2 og 3 på Dragefjellet Førstesemesterstudiet Førstesemesterstudiet skal førebu deg fagleg og metodisk til vidare studium ved Universitetet i Bergen. Ex.phil. er felles for alle studentar ved SV-fakultetet. Du må i tillegg ta minst eitt innføringsemne. Vi rår deg til å ta to innføringsemne i tillegg til ex.phil. det første semesteret. Samla gir emna ei brei innføring som førebur deg til universitetsstudia både fagleg, praktisk og sosialt; fagleg fordi du blir kjend med fagtradisjonar, metodar og kunnskapsfelt innan dei samfunnsvitskaplege faga, praktisk fordi du får trene på skrive-, argumentasjonsog arbeidsmåtar, og sosialt fordi du møter andre studentar i mindre grupper. Deltaking i seminargrupper gir godt høve til å bli kjend med andre studentar. Detaljert informasjon om førstesemesteremna blir gitt på orienteringsmøta for bachelorprogramma. 8

9

10 Examen philosophicum (ex.phil.) Examen philosophicum skal gi deg ei innføring i sentrale spørsmål knytte til allmenne grunnlagsproblem i vestleg tenking. Ex.phil. ved SV legg vekt på å gi deg ei innføring i ein del sentrale filosofiske tema som kan vere med på å kaste lys over samfunnsvitskaplege grunnspørsmål. Kurset har to delar: alfa og beta. Alfadelen inneheld ein del spørsmål og problemstillingar som er grunnleggjande frå ein samfunnsfilosofisk synsvinkel. Her drøftar vi korleis sentrale samfunnsfilosofiske tenkjarar formulerer og løyser desse problema. Betadelen gir ei framstilling av grunnleggjande tema som gjeld språkbruk og argumentasjonsmåtar i samfunnsvitskapane. Du kan velje seminarmodellen med mappevurdering eller eksamensmodellen med avsluttande skoleeksamen. Seminarmodellen På seminarmodellen får du tett oppfølging gjennom heile kurset, og opplegget er skreddarsydd for ferske studentar. Du blir meld på ei gruppe som du følgjer heile semesteret (både i alfa- og betadelen). Kvar gruppe har sin eigen seminarleiar med ansvar for undervisning og rettleiing. Det er obligatorisk oppmøte i seminargruppene, og det er krav om aktiv innsats gjennom heile semesteret. Du skriv oppgåver knytte til dei to delane av ex.phil., og desse oppgåvene blir til slutt vurderte som eksamensarbeidet ditt. Undervegs i semesteret blir informasjon gitt på seminaret og på Mi side. NB: Det er obligatorisk oppmøte på det første seminaret! Dersom du ikkje møter opp, risikerer du å miste plassen din på seminarmodellen. Undervisninga startar: fredag 17. august Første seminar: veke 34 Kode: EXPHIL-SVSEM Fakultetet førehandspåmelder til seminargrupper før semesterstart på bakgrunn av din undersvisningspåmelding med frist 26. juli. Skoleeksamen Dei som ikkje har høve til å følgje seminarmodellen, kan likevel gå opp til ein skriftleg skoleeksamen. Her er det ikkje obligatorisk undervisning, men du har høve til å følgje dei opne forelesingane. For å kunne gå opp til skoleeksamen må du skrive ei øvingsoppgåve som dekkjer både alfa- og betapensum. Du får skriftleg tilbakemelding på øvingsoppgåva. Sjå emneomtalen for meir informasjon. Undervegs i semesteret blir informasjon gitt på forelesingar og på Mi side. 10

11 Undervisninga startar: fredag 17. august Kode: EXPHIL-SVEKS Siste frist for oppmelding til eksamen: 1. september. Har du studert tidlegare og er usikker på kva emne du skal velje? Dersom du har teke førstesemesteremne eller andre emne ved ein annan lærestad tidlegare og er usikker på korleis du skal få dei godkjende som ein del av graden din ved UiB, kan du kontakte Informasjonssenteret i SV-bygget, Fosswinckels gt. 6, eller per e-post: studierettleiar.svfa@uib.no. På orienteringsmøtet for studieprogrammet ditt vil du òg få hjelp til å velje alternative emne dersom du allereie har ex.phil. og/eller andre førstesemesteremne. Informasjon om fag og emne Det er viktig at du bruker nettsidene til UiB og Mi side aktivt for å få den informasjonen du treng. På nettsidene finn du studieplanane for emna, pensumlister og timeplanar. Når du har oppretta ein brukarkonto, kan du logge deg inn på Mi side. Her finn du følgjande informasjon: aktuelle meldingar frå forelesarar og studierettleiar, din eigen timeplan veke for veke, pensumoversikt, oversikt over dei andre studentane på emnet og annan informasjon som du treng. Når universitetet sender ut viktig e-post, blir denne sendt til den e-postadressa du får frå UiB. Du må sjekke Mi side og e-posten din dagleg. Meir informasjon om korleis du gjer dette i praksis finn du under Praktisk informasjon s

12 2. Offisiell opning av det akademiske året Tysdag 14. august blir ein hendingsrik dag for alle nye og gamle studentar, for då blir den offisielle opninga av det akademiske året ved Universitetet i Bergen arrangert. Det blir ein dag med liv og røre, talar, pomp og prakt, med underhaldning og med sal av god mat. Programmet denne dagen speglar det mangfaldige studentlivet og gir deg innsyn i kva aktivitetar som finst. Program den 14. august Studenttorg i Studentsenteret Her finn du rundt 100 studentorganisasjonar alt frå politiske og idealistiske organisasjonar til kor, korps, idrettslag og studentmedia. Her har du ein eineståande sjanse til å finne ut kva du vil drive med på fritida. Ikkje nøl med å ta kontakt! Velkomstseremoni på Muséplass Velkomstseremonien blir arrangert på Muséplass, midt i hjartet av det tradisjonsrike og ærverdige Universitetet i Bergen, med Naturhistorisk museum som naturleg kulisse. Program Akademisk prosesjon - høgtideleg og tradisjonsrik Tale ved rektor - Sigmund Grønmo ønskjer deg velkommen Studentersangforeningen og Arme Riddere - høgtidsstemt korsong Tale ved ordføraren i Bergen - velvalte ord frå den fremste offentlege representanten for Bergen Gjestetaler - Overrasking! Musikalsk innslag - innovativt frå studentar ved Griegakademiet Tale ved leiaren av Studentparlamentet - lytt til ein erfaren og engasjert student Prosesjon og fanfare - trompetistar frå Griegakademiet spelar fanfare medan gjestane forlet scenen i prosesjon Studenttorg i Studentsenteret Etter velkomstseremonien held det fram med studenttorg i Studentsenteret. Dersom du blir svolten etter seremonien, vil SiB vere på plass i Studentsenteret med freistande mat og drikke til ein billig penge. 12

13

14 3. Praktisk informasjon Når du kjem til Universitetet i Bergen og skal begynne på studiane dine, er det nokre ting du må gjere med ein gong du kjem, andre kan du vente litt med. Det er eit tett program den første veka og det er mykje å hugse på. Difor har vi laga ei oversikt over kva du må gjere og i kva for rekkjefølgje: Dette gjer du før du kjem: 1. Betale semesteravgift Alle som skal studere ved UiB må betale semesteravgift til Studentsamskipnaden i Bergen. Vi tilrår deg å betale så tidleg som mogleg for å unngå forseinking. Du må sjølv hente ut nødvendig betalingsinformasjon frå StudentWeb og betale avgifta innan fristen 1. september. For å logge deg på studentweb.uib.no treng du fødsels- og personnummeret ditt og ein personleg PIN-kode. Den personlege PIN-koden din finn du i brevet frå UiB med tilbod om studieplass. Dersom du ikkje har motteke PIN-kode kan du anten kontakte Informasjonssenteret på fakultetet ditt eller Informasjonssenteret ved Studieadministrativ avdeling. Vel Betaling på StudentWeb for å få fram nødvendig betalingsinformasjon som KID, kontonummer og beløp, og betal avgifta via nettbank. Innbetalinga må gjerast innan fristen 1. september. På StudentWeb finn du også studentnummeret ditt, som du treng for å opprette ein brukarkonto. Meir informasjon om semesteravgifta finn du på uib.no/utdanning. Dette gjer du dei første to dagane: 2. Stadfeste utdanningsplanen på StudentWeb I tillegg til å betale den obligatoriske semesteravgifta må du kvart semester stadfeste utdanningsplanen din. Dette gjer du på studentweb.uib.no så snart som mogleg, og seinast innan 1. september. Når du loggar deg inn på Studentweb, skal du: melde deg til undervisning og vurdering stadfeste at utdanningsplanen din er riktig for dette semesteret hente ut betalingsopplysingar slik at du kan betale semesteravgifta registrere adressa di Fristen er 1. september

15 Semesterkort Når du har betalt semesteravgifta og stadfesta utdanningsplanen på StudentWeb, vil du få tilsendt ei semesterkvittering i posten. På denne kvitteringa finn du semesterkortet ditt. Ta vare på semesterkortet, det er naudsynt for at studentkortet skal vere gyldig. På semesterkortet finn du også studentnummeret ditt. 3. Opprette brukarkonto Som student ved UiB må du ha tilgang til datatenester for å kunne gjennomføre studia dine. For å kunne nytte deg av desse tenestene må du opprette ein eigen brukarkonto ved UiB. Brukarkontoen gir deg: personlege sider (Mi side), der du mellom anna har tilgang til nettbaserte læringsressursar og relevant undervisningsinformasjon eiga e-postadresse tilgang til PC-stover og utskrifts- og kopieringstenester tilgang til UiB sitt nett frå eigen PC personleg lagringsområde på nett, med backup etter UiB sine backup-rutinar Korleis skaffe deg brukarkonto? Når du har teke imot tilbodet om studieplass og stadfesta utdanningsplanen din på StudentWeb, må du opprette ein brukarkonto. Det gjer du ved å gå inn på sebra.uib.no og følgje instruksjonane der. For å opprette brukarkonto, treng du: fødselsnummer studentnummer (frå StudentWeb) PIN-koden (blir oppgitt i brev frå UiB) Merk deg at det kan ta inntil ein time frå du har stadfesta utdanningsplanen din til du kan opprette brukarkonto. 15

16 Dette kan du gjere litt seinare i studiestartveka: 4. Ta i bruk nettsida Mi side Miside.uib.no er ei personleg nettside med samla tilgang til blant anna kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. For å få tilgang til desse ressursane må du logge deg på Mi side. Svært mykje av den faglege og administrative informasjonen blir formidla via Mi Side, og UiB forventar at du tek denne tenesta i bruk. Merk at du må skaffe deg brukarkonto før du får tilgang til Mi side. 5. Skaffe deg studentkort på Kortsenteret Alle studentar ved UiB må ha eit studentkort. Studentkortet fungerer som: identitetskort nøkkelkort lånekort ved Universitetsbiblioteket inngangskort til Studentsamskipnaden sine treningssenter betalingskort ved utskrift og kopiering Fotografering og henting av studentkortet, ordnar du ved Kortsenteret på Studentsenteret, sjå adressa under. Merk deg at du må vise gyldig legitimasjon ved fotografering. Du må også ha stadfesta utdanningsplanen din og ha oppretta brukarkonto seinast dagen før du kan hente studentkortet. Kortsenteret har utvida opningstider dei to første vekene av studiestarten. Opningstida vil då vere frå kvar dag. Adresse: Studentsenteret, Parkveien 1 Opningstid: ( veke 33 35) E-post: kortsenteret@eia.uib.no Telefon: Søkje stipend og lån til utdanning hos Lånekassen Søknadsinformasjon og søknadsskjema finn du på Lånekassen si nettside, lanekassen.no. Her finn du også informasjon om regelverket og om korleis du kan opprette «Dine sider» med din personlege kundeinformasjon. Utbetaling av lånebeløp vert ikkje gjort før UiB melder frå til Lånekassen om at du har betalt semesteravgifta og stadfesta utdanningsplanen din. 16

17

18 4. Informasjons- og rettleiingstenester Informasjonssenteret ved fakultetet Informasjonssenteret held ope måndag fredag kl i veke 33 og 34. Studierettleiaren for dei ulike bachelorprogramma vil vere tilgjengeleg etter orienteringsmøta og til fastsette tider desse vekene. Ta kontakt med Informasjonssenteret for å få meir informasjon. Du kan bestille time hos studierettleiarane våre frå og med veke 35. På Informasjonssenteret kan du: bestille time hos studierettleiar få generell informasjon om emne og studieprogram ved fakultetet få informasjon om opptak få diverse skjema (som t.d. permisjon pga. førstegongsteneste/omsorgspermisjon, søknadsskjema til interne opptak osv.) få informasjon om søknadsfristar Hos studierettleiaren får du: rettleiing i val av fag/emne hjelp til å planleggje studia informasjon om utvekslingsordningar ved fakultetet informasjon om godkjenning av utanlandsk utdanning informasjon om godkjenning av utdanning teken utanfor UiB i Noreg informasjon om lover og reglement ved universitetet hjelp til endring av utdanningsplanen informasjon om overgang frå eit studium til eit anna svar på andre spørsmål du gjerne vil diskutere med ein studierettleiar på tomannshand På Informasjonssenteret er vi elles tilgjengelege for alle typar spørsmål, både små og store, som du treng hjelp med i kvardagen som student! Adresse: SV-bygget (3. etasje), Lauritz Meltzers hus, Fosswinckels gate 6 Opningstid: Måndag, onsdag og torsdag: Tysdag Fredag / E-post: studierettleiar.svfa@uib.no Telefon:

19 Informasjonssenteret ved Studieadministrativ avdeling Informasjonssenteret ved Studieadministrativ avdeling er ansvarleg for ei rekkje tenester du nyttar gjennom semesteret. Adresse: Langes gate 1 3 Opningstid: måndag fredag , torsdag (veke 33/34 måndag fredag ) E-post: infosenter@ua.uib.no Telefon: Generelle tenester hjelp til å bruke StudentWeb karakterutskrift namneendringsregistrering studentstadfestingar endring av eksamensmelding registrering av ekstern utdanning tilrettelegging til eksamen Utveksling Har du lyst til å studere i utlandet eit semester eller to? Her kan du få rettleiing om delstudium i utlandet søknadsrettleiing søkje om delstudium i utlandet Studentsamskipnaden i Bergen Studentlivet er meir enn studia, difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB gir deg positive kvardagsopplevingar! På Studentsenteret har vi samla dei fleste av SiB sine tilbod under eitt tak: Studia Dette er studentane sin eigen fagbokhandel. Her finn du pensumbøker og alt du treng til studia. Studentrådgivinga Her får du individuelle råd og rettleiingstimar, og tilbod om ei rekkje spennande og nyttige kurs i mellom anna eksamensmeistring, å ta ordet eller stressmeistring. Heilt gratis. Ta kontakt på studentradgivningen@sib.no Studentane si psykiske helseteneste (SPH) Gratis psykologtilbod til studentar. Kort ventetid. Besøk oss på Studentsenteret eller bestill time på telefon

20 Refusjon av legeutgifter SiB refunderer legeutgiftene dine når dei overstig 350 kr i løpet av eit år. Dersom du har vore til lege, kan du gå til sib.no/ no/helse, der du finn søknadsskjema og informasjon om kvar du får pengane tilbake. Dersom du har større utgifter til kiropraktor, fysioterapi og liknande, kan du søkje om støtte frå Helsefondet. Les meir om retningslinjer på sib.no/helse Legene på Høyden På Vektertorget finn du eit eige legetilbod for studentar. Tenesten er eit fastlegetilbod, men tilbyr også akutt-timar for studentar som ikkje har fastlegen sin i Bergen. Sjå sib.no/no/helse/lege for meir informasjon. Tannhelseteneste Studentane har fått ei eiga tannhelseteneste på Årstad. Her får du tannundersøkingar og tannbehandling til prisar på linje med offentlege satsar. Telefon /59. Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdommar og råd om sex og samliv. Ope måndag, tysdag, onsdag Inga timebestilling, trekk kølapp når du kjem. Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia og drøft det med ein karriererettleiar. Senteret hjelper deg òg med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar. Les meir om tilboda på sib.no Studentprestane Når livet blir for stort eller for lite Treng du ein å dele tankane dine med, har studentprestane tid. Du bestemmer kva vi skal snakke om. Vårt tilbod er for alle studentar uavhengig av livssyn. Studentprestane er tilsette av Den Norske Kyrkja. Adresse: Studentsenteret, Parkveien 1 Kontakt: Kan treffast etter avtale Telefon: Inge Høyland Marie Grindheim E-post: inge.hoyland@prest.uib.no marie.grindheim@prest.uib.no Nettside: 20

21 5. IKT-tenester uib.no/utdanning På nettsida uib.no/utdanning finn du mellom anna oversikter over fagtilbod, studieplanar, delstudium i utlandet og rettleiings- og velferdstenester. Brukarstøtte På it.uib.no finn du oversikt over PC-stover, brukarrettleiing for oppkopling av heime-pc, oversikt over tilrådd utstyr og annan nyttig brukarinformasjon. Vi rår deg til å gjere deg kjend med innhaldet på desse sidene. PC-vakter UiB har pc-vakter som gir generell hjelp og brukarstøtte til studenter, hovudsakleg på UiB sine tenester. PC-vaktene er å finne på eit eige rettleiarkontor i 4. etasje i Ulrike Phils hus, rom 412 måndag-fredag kl Laurdag kl og søndag Eiga e-postadresse Når du har oppretta ein brukarkonto, får du automatisk ei eiga, personleg tilpassa e-postadresse; vanlegvis namn.etternamn@ student.uib.no. Det er denne e-postadressa UiB bruker for å sende ut e-post til deg personleg. På webmail.uib.no kan du lese og sende e-post frå ein vanleg nettlesar. Webmail.uib.no har god lagringskapasitet i tillegg til spam- og viruskontroll. Ein del av e-posten du får frå UiB inneheld store vedlegg med forelesingsnotat, tekstar og artiklar osv. Hugs å lese e-posten din dagleg! Oppkopling til UiB frå eigen PC Alle som har ein brukarkonto kan kople seg opp mot UiB heimanfrå med eigen PC eller Mac. I tillegg kan du bruke din eigen berbare PC på universitetsområdet og kople deg opp til UiB sitt nett, anten i trådlause soner eller på faste punkt plassert rundt om på universitetsområdet. Dersom du ønskjer å ta i bruk desse tenestene, kan du finne meir informasjon om dette på it.uib.no/ikt_for_studenter. Studentbustadene til Studentsamskipnaden i Bergen har gratis oppkopling til UiB. Sjå for meir informasjon. 21

22 Skal du bruke eigen PC, må du sjå til at han er fri for virus. Maskiner som er virusinfiserte, blir utestengde frå UiB sitt nettverk. På internett kan ein laste ned virusvern gratis frå kjende leverandørar. PC-vaktene kan rettleie ved installasjon av virusbeskyttelse og oppkopling mot UiB sine tenester, men gir ikkje generell brukarstøtte på private maskiner. Universitetet i Bergen har ein rammeavtale for breiband slik at alle studentar kan få dette til gunstige prisar. Detaljane om dette finn du på it.uib.no/adsl. Lesesalar og PC-stover Alle fakulteta har eigne lesesalar og PCstover, samt plassar for oppkopling av eigen PC. Opningstider for lesesalane Alle dagar kl Opningstider for PC-stovene Måndag fredag kl Laurdag kl Søndag kl Du kan også kople deg opp til UiB frå eigen berbar PC i 3. etasje på Ulrike Pihls hus. Utanfor Informasjonssenteret i SV-bygget er det plassert 3 PC-ar med nettilgang. Maskinane krev ikkje pålogging og er meinte for søk på nettsidene, registrering, e-post og anna informasjonshenting på nettet. Her kan du ikkje skrive ut dokument. Her i «vrimlearealet» utanfor Informasjonssenteret er det også mogleg å kople seg opp på Internett via eit trådlaust nettverk. I tillegg kan du nytte deg av tenestene ved læringssentra til Universitetsbiblioteket. I tilknyting til lesesalane finn du bokskap du kan bruke til å oppbevare permar, bøker etc. på campus. Bruk av bokskapa krev at du har med eigen hengelås. Det samfunnsvitskaplege fakultetet har omlag 200 PC-plassar på PC-stovene i Ulrike Pihls hus i 3. og 4. etasje (Professor Keysers gt. 1). Her finn du også lesesalane du kan nytte som student ved SV-fakultetet. 22

23 Fellesteneste for utskrift, kopiering og skanning (PullPrint) Dette er ei betalingsbasert teneste der du betaler for kvar kopi eller utskrift. Skanning er gratis. For å få tilgang til tenesta må du ha ein brukarkonto og gyldig studentkort, som fungerer som betalingskort. I tillegg må du fylle pengar på utskriftskontoen via ei webteneste der du kan betale med kredittkort (Visa/Mastercard). Ver merksam på at det kan ta opptil ei veke før du kan ta tenesta i bruk, avhengig av kor raskt du klarer å opprette brukarkonto og skaffe deg studentkort. Les meir her: it.uib.no/pullprint 23

24 6. Universitetsbiblioteket Universitetsbiblioteket (UB) er eit moderne læringssenter, og er ein del av det faglege og pedagogiske tilbodet ved UiB. UB har bibliotekavdelingar ved alle fakulteta. Biblioteket tilbyr arbeidsplassar med Internett tilgang til store boksamlingar tilgang til elektroniske tidsskrift, oppslagsverk og annan faglitteratur på nettet kurs og rettleiing i informasjonssøking og støtte til oppgåveskriving Det meste av det som finst av både trykt og elektronisk materiale ved UB, kan du søkje fram via UB sin elektroniske katalog BIBSYS eller Bibliotekportalen. Studentkortet fungerer òg som lånekort ved UB. Bruk det aktivt! Du er velkommen som lånar ved Universitetsbiblioteket. Bli betre kjend med UB gjennom våre informasjonsfilmar «UB din kilde til informasjon» og «Et plagieringseventyr», sjå uib.no/ub. Bibliotek for samfunnsvitskap Adresse: Fosswinckels gt. 14 Opningstid i semesteret: Måndag fredag:

25

26 8. Fadderordninga Sjølv om fadderveka ikkje tek til før i august, har ei stor gruppe studentar brukt heile våren på å planleggje eit program spekka med arrangement og opplevingar som skal gi deg ein introduksjon til det å vere student i Bergen. Målet med fadderveka er at du skal bli kjend med dine nye medstudentar, med Bergen som studieby, universitetet og alt det spennande du kan engasjere deg i på fritida. Fadderveka er lagd opp slik at ho skal gi deg ein smakebit på det store spekteret av tilbod som finst for studentar. Fadderprogramma for dei ulike fakulteta finn du på våre nettsider uib.no/utdanning Vi ønskjer deg ein god start på studietida! Årets fadderleiarar ved UiB (frå venstre): Hege Solheim, Ragnhild Hanch-Hansen, Josef Flatlandsmo, Eva Michelet Berntsen, Nina Wilborn og Lisa Røgelstad. 26

27 Redaksjon Studieadministrativ avdeling, UiB Grafisk design og utforming Kommunikasjonsavdelingen, UiB Foto Maranne Røsvik: framside, s. 9, 25 istock: s. 5 Paul S. Amundsen: s. 13 Marianne Westerlund: s. 17 Studieadministrativ avdeling: s. 26 Trykk Bodoni 241 MILJØMERKET Trykksak 699

28 Informasjonssenteret ved Det samfunnsvitenskapelige fakultet Fosswinckels gate 6 studierettleiar.svfa@uib.no