Haust 2011 STUDIE- START Det psykologiske fakultet

Transkript

1 Haust 2011 STUDIE- START Det psykologiske fakultet

2 Velkommen Velkommen til Universitetet i Bergen. Vi er glade for at du har valt å studere hos oss! Dette informasjonsheftet fortel deg om ein del av dei praktiske gjøremåla du må gjennom den første tida som student. Vi håpar vi kan gi deg ein god start på studia ved UiB på ein praktisk, sosial og fagleg måte. Lykke til!

3 Innhald Sjekkliste 4 1. Velkommen til studiestart 6 Oversikt over orienteringsmøte for studieprogram...7 Førstesemesterstudiet...8 Informasjon om emne Offisiell opning av det akademiske året 12 Program den 16. august Praktisk informasjon 14 Betaling av semesteravgift StudentWeb Utdanningsplan og semesterregistrering Brukarkonto Mi side Semesterkort Studentkort Studielån Informasjons- og rettleiingstenester 17 Informasjonssenteret ved fakultetet...17 Informasjonssenteret ved Studieadministrativ avdeling...17 Studentsamskipnaden i Bergen Studentprestane IKT-tenester 20 uib.no/utdanning Brukarstøtte Eiga e-postadresse PC-stover Universitetsbiblioteket Fadderordninga 24

4 Sjekkliste Før studiestart: takke ja til studieplassen, svare Samordna opptak innan 26. juli svare innan 7. august på elektronisk spørjeskjema om tilrettelegging av førstesemesterstudiet ditt som du får tilsendt på e-post notere deg den tilsende PIN-koden og hente ut studentnummeret frå StudentWeb hente ut betalingsinformasjonen frå StudentWeb og betale semesteravgift til Studentsamskipnaden i Bergen (SiB) søkje om studielån bli kjend med uib.no Ved studiestart: delta på orienteringsmøte for fakultetet i Grieghallen 15. august delta på velkomstseremonien på Muséplass og bli kjend med studentorganisasjonane på Studentsenteret 16. august semesterregistrere deg på StudentWeb etter orienteringsmøtet opprette brukarkonto logge deg inn på Mi side bestille studentkort ta med deg denne brosjyren når du møter til studiestart! 4

5

6 1. Velkommen til studiestart Måndag 15. august Velkomst for alle nye studentar ved Det psykologiske fakultet og orientering om ex.phil. Stad: Konsertsalen i Grieghallen Bachelorstudentar i pedagogikk, folkehelse og helsefremjande arbeid, generell psykologi og arbeids- og organisasjonspsykologi forlèt salen og går til sine orienteringsmøte (sjå tabell side 7). Årsstudentar i psykologi blir i salen Orienteringsmøtet held fram for årsstudiet i psykologi. Her blir det orientert om mellom anna førstesemesterstudiet. Du får praktisk informasjon om korleis undervisninga er organisert, tider, stader og pensum, og du blir plassert i ei faddergruppe Orienteringsmøte for bachelorprogramma, sjå stad i tabell på side 7. På orienteringsmøtet vil faglærarar og studierettleiar fortelje deg om korleis programmet er bygd opp, og kva for emne som inngår i graden. I første eller siste halvdelen av orienteringsmøtet får du hjelp til semesterregistrering i PC-sal Hjelp til semesterregistrering i PC-sal for enkelte av faddergruppene på årsstudiet i psykologi, 30 minutt per gruppe. Sjekk tid og stad med fadderleiaren din. Tysdag 16. august Offisiell opning av det akademiske året med velkomstseremoni og studenttorg. Sjå detaljert program side Hjelp til semesterregistrering i PC-sal for enkelte av faddergruppene på årsstudiet i psykologi, 30 minutt per gruppe. Sjekk tid og stad med din fadderleiar Hjelp til semesterregistrering i PC-sal for enkelte av faddergruppene på årsstudiet i psykologi, 30 minutt per gruppe. Sjekk tid og stad med din fadderleiar. 6

7 Onsdag 17. august Korleis lukkast som student? Eit nyttig kurs med råd om studieteknikk, startvanskar og karrieretips til deg som er ny student. Ved Studentrådgivinga, Studentane si psykiske helseteneste og Karrieresenteret, SiB. Stad: Auditoriet («Egget») i Studentsenteret. Torsdag 18. august Ingen arrangement i regi av fakultetet, men sjå kapittel 7 og uib.no/utdanning for arrangement i regi av fadderveka. Fredag 19. august Første ex.phil. forelesing, sjekk timeplan på uib.no/utdanning for klokkeslett og stad. Oversikt over orienteringsmøte for studieprogram NB. Alle nye studentar møter først i Grieghallen, Konsertsalen, måndag 15. august kl Deretter har dei ulike programma sine orienteringsmøte, sjå tabell under. Studium Dato Tid Stad Bachelorprogram i arbeids- og Måndag 15. august Christies gate 12, aud. 118 organisasjonspsykologi Bachelorprogram i generell psykologi Måndag 15. august Christies gate 12, PC-stove 023 (underetasje) Bachelorprogram i pedagogikk Måndag 15. august Christies gate 13, rom Bachelorprogram i folkehelse og Måndag 15. august Christies gate 13, rom 251 helsefremjande arbeid Årsstudium i psykologi Måndag 15. august Grieghallen, Konsertsalen 7

8 Årsstudium i psykologi Opptak til årsstudium i psykologi gir studierett i eitt år. Årsstudiet kan takast på ulike måtar: Du kan velje dei fem obligatoriske emna (ex.phil., EXFAC03P, PSYK100, PSYK101 og PSYK102) som kvalifiserer for opptak til psykologstudiet. Dersom du vel å studere desse emna, får du ein kollisjonsfri timeplan. Du kan studere eitt år med opne emne ved fakultetet, eller du kan velje blant andre opne emne ved UiB. Du vel sjølv kva for emne du vil studere. Merk deg at du sjølv må passe på å velje emne der undervisning og eksamen ikkje kolliderer. Same kva studiemåte du vel, kan årsstudiet i psykologi inngå som ein del av dei fleste bachelorprogramma ved universitetet. Førstesemesterstudiet Kva er førstesemesterstudiet? Førstesemesterstudiet er ein obligatorisk del av alle bachelorprogramma ved universitetet. Førstesemesterstudiet er normert til 30 studiepoeng (= fullt studiesemester). Ved Det psykologiske fakultetet er førstesemesterstudiet sett saman av tre emne på 10 poeng kvar. Desse emna er examen philosophicum (EXPHIL-PSSEM/EXPHIL-PSEKS), examen facultatum (EXFAC03P) og innføring i psykologi (PSYK100) eller innføring i pedagogikk og helsefremjande arbeid (POH100). Samla gir emna ei brei innføring som førebur deg til universitetsstudia både fagleg, praktisk og sosialt; fagleg fordi du blir kjend med fagtradisjonar, metodar og kunnskapsfelt, praktisk fordi du får trene på skrive-, argumentasjons- og arbeidsmåtar, og sosialt fordi du møter andre studentar i mindre grupper. Deltaking i seminargrupper gir godt høve til å bli kjend med andre studentar. Om emna i førstesemesterstudiet Examen philosophicum (ex.phil.) Ex.phil. skal gi deg ei innføring i sentrale, allmenne grunnlagsproblem i vestleg tenkjemåte. Emnet skal gi eit overordna filosofisk perspektiv på akademisk kultur og danning. Delar av pensumet har ein naturleg overgang til pensum i resten av førstesemesterstudiet for psykologar. Kurset har to delar: alfa og beta. Alfadelen set fokus på filosofiske problem som er særleg relevante for psykologistudentar. Sentralt i denne samanhengen står ei problematisering av oppfatninga om at mennesket står i ei særstilling i høve til andre biologiske skapningar. Betadelen tek føre seg spørsmål knytte til logiske 8

9 9

10 omgrep, språkbruk, argumentasjon, tolking og vitskapsforståing. Du kan velje seminarmodellen med mappevurdering eller sjølvstudium med avsluttande skuleeksamen. Seminarmodellen På seminarmodellen får du tett oppfølging gjennom heile semesteret, og opplegget er skreddarsydd for ferske studentar. Du blir meld på ei gruppe som du følgjer heile semesteret (både i alfa- og betadelen). Kvar gruppe har sin eigen seminarleiar med ansvar for undervisning og rettleiing. Det er obligatorisk oppmøte i seminargruppene, og det er krav om aktiv innsats gjennom heile semesteret. Du skriv oppgåver knytte til dei to delane av ex.phil., og desse oppgåvene blir til slutt vurderte som eksamensarbeidet ditt. Undervegs i semesteret blir informasjon gitt på seminaret og på Mi side. NB: Det er obligatorisk oppmøte på det første seminaret! Dersom du ikkje møter opp, risikerer du å miste plassen din på seminarmodellen. Undervisninga startar: fredag 19. august Første seminar: veke 34 (NB: Obligatorisk oppmøte!) Kode: EXPHIL-PSSEM Etter at du har takka ja til studieplassen til Samordna opptak, får du tilsendt eit elektronisk spørjeskjema. Plassering i seminargrupper blir gjort i forkant av semesterstart på bakgrunn av dei svara du gir i spørjeskjemaet. Svarfrist er 7. august. Skoleeksamen Dei som ikkje har høve til å følgje seminarmodellen, kan likevel gå opp til ein skriftleg skuleeksamen. Her er det ikkje obligatorisk undervisning, men du har høve til å følgje dei opne forelesingane. For å kunne gå opp til skoleeksamen må du skrive ei øvingsoppgåve som dekkjer både alfa- og betapensum. Du får skriftleg tilbakemelding på øvingsoppgåva. Sjå emneomtalen for å få meir informasjon. Undervegs i semesteret blir informasjon gitt på forelesingar og på Mi side. Undervisninga startar: fredag 19. august Kode: EXPHIL-PSEKS Siste frist for oppmelding til eksamen: 1. september. Examen facultatum (ex.fac.) tek for seg det teoretiske fundamentet i psykologifaget og den historiske utviklinga faget har hatt som vitskapleg disiplin. Undervisninga startar: veke 34, sjå timeplan på uib.no/utdanning 10

11 Kode: EXFAC03P Siste frist for oppmelding på StudentWeb: 1. september Innføring i psykologi gir deg ei brei innføring i den psykologiske vitskapen. Du lærer mellom anna om det biologiske fundamentet i psykologien, minne, læring, personlegdom, utviklingspsykologi og sosialpsykologi. Undervisninga startar: veke 34, sjå timeplan på uib.no/utdanning Kode: PSYK100 Siste frist for oppmelding på StudentWeb: 1. september. Innføring i pedagogikk og helsefremjande arbeid er ei førebuing til studium innan utdanning og helse. Du lærer mellom anna om utviklinga og det ideologiske grunnlaget til velferdsstaten, kva som kjenneteiknar helse og pedagogikk som fagområde, den administrative oppbygginga i utdanning og helsetenester, og om profesjonalisering av yrkesgrupper. Undervisninga startar: veke 34, sjå timeplan på uib.no/utdanning Kode: POH100 Siste frist for oppmelding på StudentWeb: 1. september. Innpassing av tidlegare utdanning? Usikker på kva du skal velje? Kontakt studierettleiaren ved Informasjonssenteret i Christies gate 13 dersom du har teke førstesemesteremne eller andre emne og er usikker på korleis du skal få dei innpassa i graden, eller du er usikker på kva fag du skal velje. Informasjon om emne På uib.no/utdanning og Mi side (du får tilgang når du har oppretta brukarkonto) finn du informasjon som emneskildringar, pensumlister og timeplanar. Når du har oppretta ein brukarkonto, kan du logge deg inn på Mi side. Her finn du aktuelle meldingar frå lærarar og studierettleiarar, din eigen timeplan veke for veke, oversikt over dei andre studentane på emnet og annan informasjon som du treng. Når lærestaden sender ut viktig e-post, blir denne send til den e-postadressa du får frå UiB. Du må sjekke Mi side og e-posten din dagleg. Meir informasjon om korleis du gjer dette i praksis, finn du i kapitlet Praktisk informasjon. Hugs: på uib.no finn du alltid timeplan og pensumliste for det enkelte emne. Bruk søkjefeltet og skriv inn emnekoden, t.d. PSYK100 eller EXPHIL-PSSEM 11

12 2. Offisiell opning av det akademiske året Tysdag 16. august blir ein hendingsrik dag for alle nye og gamle studentar, for då blir den offisielle opninga av det akademiske år ved Universitetet i Bergen arrangert. Det blir ein dag med liv og røre, talar, pomp og prakt, med underhaldning og med sal av god mat. Programmet denne dagen speglar det mangfaldige studentlivet og gir deg innsyn i kva aktivitetar som finst. Program den 16. august Studenttorg i Studentsenteret Her finn du rundt 100 studentorganisasjonar alt frå politiske og idealistiske organisasjonar til kor, korps, idrettslag og studentmedia. Her har du ein eineståande sjanse til å finne ut kva du vil drive med på fritida. Ikkje nøl med å ta kontakt! Velkomstseremoni på Muséplass Velkomstseremonien blir arrangert på Muséplass, midt i hjartet av det tradisjonsrike og ærverdige Universitetet i Bergen, med Naturhistorisk museum som naturleg kulisse. Program Akademisk prosesjon - høgtideleg og tradisjonsrik Griegakademiet - stemningsfullt frå studentar ved Institutt for musikk Tale ved rektor - Sigmund Grønmo ønskjer deg velkomen Studentersangforeningen - høgtidsstemt korsong Tale ved leiaren av Studentparlamentet - lytt til ein erfaren og engasjert student Gjestetaler - Overrasking! Musikalsk innslag - Griegakademiet Studenttorg i Studentsenteret Etter velkomstseremonien held det fram med studenttorg i Studentsenteret. Dersom du blir svolten etter seremonien, vil SiB vere på plass i Studentsenteret med freistande mat og drikke til ein billig penge. 12

13

14 3. Praktisk informasjon Betaling av semesteravgift Alle som skal studere ved UiB må betale semesteravgift til Studentsamskipnaden i Bergen. Du må sjølv hente ut all nødvendig betalingsinformasjon frå StudentWeb og betale avgifta innan betalingsfristen 1. september. For å logge deg på studentweb.uib.no treng du fødsels- og personnummeret ditt og ein personleg PIN-kode. Den personlege PIN-koden din vert gitt i samband med opptaket. Dersom du ikkje har motteke PIN-koden din kan du anten kontakte Informasjonssenteret på fakultetet ditt eller Informasjonssenteret ved Studieadministrativ avdeling. Vel Betaling på StudentWeb for å få fram nødvendig betalingsinformasjon som KID, kontonummer og beløp, og betal avgifta via nettbank eller telegiro. Innbetalinga må gjerast uavkorta og innan fristen. På StudentWeb finn du også studentnummeret ditt, som du treng for å opprette ein brukarkonto. Meir informasjon om semesteravgifta finn du på uib.no/utdanning. StudentWeb studentweb.uib.no er ei nettbasert teneste for alle studentar ved UiB. Tenesta krev identifisering med fødselsnummer og PINkode. På StudentWeb kan du: finne betalingsinformasjon for betaling av semesteravgifta fylle ut og stadfeste utdanningsplanen din melde deg til vurdering og undervisning for aktuelle emne sjå vurderingsmeldingane dine sjå vurderingsresultata dine annullere/endre vurderingsmeldingar bestille karakterutskrift endre semesteradresse endre PIN-kode finne oversikt over kva UiB rapporterer til Lånekassen Utdanningsplan og semesterregistrering I tillegg til å betale den obligatoriske semesteravgifta må du kvart semester stadfeste utdanningsplanen din. Betalt semesteravgift og stadfesta utdanningsplan gir gyldig semesterregistrering. Du 14

15 stadfester utdanningsplanen din på StudentWeb så fort som mogleg, seinast innan 1. september. Brukarkonto Som student ved UiB må du ha tilgang til datatenester for å kunne gjennomføre studia dine. For å kunne nytte deg av desse tenestene må du opprette ein eigen brukarkonto ved UiB. Brukarkontoen gir deg: personlege sider (Mi side), der du mellom anna har tilgang til nettbaserte læringsressursar og relevant undervisningsinformasjon eiga e-postadresse tilgang til PC-stover og utskrifts- og kopieringstenester oppkopling til UiB frå eigen PC Korleis skaffe deg brukarkonto? Når du har teke imot tilbodet om studieplass og registrert deg på StudentWeb må du opprette ein brukarkonto. Det gjer du ved å gå inn på sebra.uib.no og følgje instruksjonane der. Dette bør du gjere så raskt som mogleg etter at du har registrert deg. Merk deg at det kan ta inntil ein time frå du har registrert deg til du kan opprette brukarkonto. Du treng fødselsnummeret, studentnummeret og PIN-koden din for å kunne opprette ein brukarkonto. PINkoden til StudentWeb fekk du tilsend i tilbodsbrevet ditt, og på StudentWeb finn du studentnummeret ditt. OBS! Dersom du ikkje har betalt semesteravgifta innan 1. september, vil brukarkontoen automatisk bli avslutta. Mi side Nettsida miside.uib.no er ei personleg side med samla tilgang til relevante faglege og administrative ressursar, til dømes kalender med timeplaninformasjon, pensum, emneinformasjon, meldingsteneste, personleg fillager og diskusjonsgrupper. For å få tilgang til desse ressursane må du logge deg på Mi side. Svært mykje av den faglege og administrative informasjonen blir formidla via Mi Side, og UiB ventar at du tek denne tenesta i bruk. Merk deg at du må ha skaffa deg brukarkonto før du får tilgang til Mi side. Semesterkort Når du både har betalt semesteravgifta og registrert deg på StudentWeb, vil du få tilsend ei semesterkvittering i posten som ei stadfesting på semesterregistreringa di. Denne kvitteringa inneheld semesterkortet 15

16 ditt. Du treng semesterkortet når du skal hente studentkortet. Studentkort Alle studentar ved UiB må skaffe seg eit studentkort. Studentkortet fungerer som: identitetskort nøkkelkort lånekort ved Universitetsbiblioteket inngangskort til Studentsamskipnaden sine treningssenter betalingskort ved utskrift og kopiering Studielån Søknadsinformasjon og søknadsskjema finn du på Lånekassen si nettside, Her finn du også informasjon om regelverket og om korleis du kan opprette «Dine sider» med din personlege kundeinformasjon. Utbetaling av lånebeløp vert ikkje gjort før UiB melder frå til Lånekassen om at du har semesterregistrert deg, det vil seie at du både har betalt semesteravgifta og registrert deg på StudentWeb, altså tidlegast i veke 33. Fotografering og bestilling av studentkortet ordnar du ved Kortsenteret på Studentsenteret, Parkveien 1. Du må vise gyldig legitimasjon ved fotografering, og du må vere semesterregistrert seinast dagen før fotograferinga. Utlevering av studentkort skjer ved Kortsenteret om lag ei veke etter bestilling. Du må vise gyldig semesterkort når du hentar studentkortet. Adresse: Studentsenteret, Parkveien 1 Opningstid: ( veke 33 35) E-post: kortsenteret@eia.uib.no Telefon:

17 4. Informasjons- og rettleiingstenester Informasjonssenteret ved fakultetet Ved informasjonssenteret får du: informasjon om emne, reglar, fristar osb. bestille rettleiingstime ulike skjema, til dømes for parkeringsløyve, utsetjing av verneplikt, internsøknader m.m. hjelp til å registrere deg og godkjenne utdanningsplanen Hos ein studierettleiar kan du mellom anna diskutere: korleis du planlegg bachelorstudiet ditt studietilbodet ved fakultetet samanhengen mellom fagval og moglege yrkesvegar utveksling kva du skal gjere når du ikkje meistrar studia gjeldande regelverk endring av utdanningsplan Adresse: Det psykologiske fakultet Adresse: Christies gate 13 Opningstid. Måndag fredag E-post: Telefon: Informasjonssenteret ved Studieadministrativ avdeling Informasjonssenteret ved Studieadministrativ avdeling er ansvarleg for ei rekkje tenester du nyttar gjennom semesteret. Adresse: Langes gate 1 3 Opningstid: måndag fredag , torsdag (måndag fredag veke 33/34) E-post: infosenter@ua.uib.no Telefon: Generelle tenester hjelp til å bruke StudentWeb karakterutskrift namneendringsregistrering studentstadfestingar endring av vurderingsmelding registrering av ekstern utdanning tilrettelegging til eksamen 17

18 Studentar med funksjonsnedsetjing rådgiving om tilrettelegging av studia rettleiing av studentar med lese- og skrivevanskar (dysleksi) Utveksling Har du lyst til å studere i utlandet eit semester eller to? Her kan du få rettleiing om delstudium i utlandet søknadsrettleiing søkje om delstudium i utlandet Studentsamskipnaden i Bergen Studentlivet er meir enn studia, difor finst Studentsamskipnaden. Når du har betalt semesteravgifta til SiB, kan du nytte alle SiB sine tilbod. SiB gir deg positive kvardagsopplevingar! På Studentsenteret har vi samla dei fleste av SiB sine tilbod under eitt tak: Studia Dette er studentane sin eigen fagbokhandel. Her finn du pensumbøker og alt du treng til studia. Studentrådgivinga Her får du individuelle råd og rettleiingstimar, og tilbod om ei rekkje spennande og nyttige kurs i mellom anna eksamensmeistring, å ta ordet eller stressmeistring. Heilt gratis. Ta kontakt på studentradgivningen@sib.no Studentane si psykiske helseteneste (SPH) Gratis psykologtilbod til studentar. Kort ventetid. Besøk oss på Studentsenteret eller bestill time på telefon Refusjon av legeutgifter SiB refunderer legeutgiftene dine når dei overstig 350 kr i løpet av eit år. Dersom du har vore til lege, kan du gå til sib.no/ helse, der du finn søknadsskjema og informasjon om kvar du får pengane tilbake. Tilbakebetalinga skjer på Studentsenteret. Dersom du har større utgifter til kiropraktor, fysioterapi og liknande, kan du søkje om støtte frå Helsefondet. Les meir om retningslinjer på sib.no/helse Tannhelseteneste Studentane har fått ei eiga tannhelseteneste på Årstad. Her får du tannundersøkingar og tannbehandling til prisar på linje med offentlege satsar. Telefon /59. Helsestasjon SiB og Engen Helsestasjon samarbeider om å gi eit gratis helsetilbod med fokus på studentar si seksuelle helse. På Engen Helsestasjon får du gratis reseptar og kondom, test av kjønnssjukdommar og råd 18

19 om sex og samliv. Ope måndag, tysdag, onsdag Inga timebestilling, trekk kølapp når du kjem. Karrieresenteret Lurer du på kva du skal bruke utdanninga di til? Kom gjerne på Karrieresenteret tidleg i studia og drøft det med ein karriererettleiar. Senteret hjelper deg òg med CV, jobbsøknader, intervjutrening og tips om arbeidsmarknaden. Karrieresenteret driv traineeprogrammet Trainee vest, som kvar vår lyser ut traineestillingar. Les meir om tilboda på sib.no Studentprestane Når livet blir for stort eller for lite Treng du ein å dele tankane dine med, har studentprestane tid. Du bestemmer kva vi skal snakke om. Studentprestane er tilsette av Den Norske Kyrkja. Adresse: Studentsenteret, Parkveien 1 Kontakt: Kan treffast etter avtale Telefon: Inge Høyland Marie Grindheim E-post: inge.hoyland@prest.uib.no marie.grindheim@prest.uib.no Nettside: 19

20 5. IKT-tenester uib.no/utdanning På nettsida uib.no/utdanning finn du mellom anna oversikter over fagtilbod, studieplanar, delstudium i utlandet og rettleiings- og velferdstenester. Brukarstøtte På it.uib.no finn du oversikt over PC-stover, brukarrettleiing for oppkopling av heime- PC, oversikt over tilrådd utstyr og annan nyttig brukarinformasjon. Vi rår deg til å gjere deg kjend med innhaldet på desse sidene. PC-vakter UiB har pc-vakter som gir generell hjelp og brukarstøtte til studenter, hovudsakleg på UiB sine tenester. PC-vaktene er å finne på eit eige rettleiarkontor i Christies gate 12, rom 005, måndag-fredag kl Eiga e-postadresse Når du har oppretta ein brukarkonto, får du automatisk ei eiga, personleg tilpassa e-postadresse; vanlegvis namn.etternamn@ student.uib.no. Det er denne e-postadressa UiB bruker for å sende ut e-post til deg personleg. På webmail.uib.no kan du lese og sende e-post frå ein vanleg nettlesar. Webmail.uib.no har god lagringskapasitet i tillegg til spam- og viruskontroll. Ein del av e-posten du får frå UiB, inneheld store vedlegg med forelesingsnotat, tekstar og artiklar osv. Ikkje gløym at adressa også kan brukast i MSN Messenger. Hugs å lese e-posten din dagleg! Oppkopling til UiB frå eigen PC Alle som har ein brukarkonto, kan kople seg opp mot UiB heimanfrå med eigen PC eller Mac. Studentbustadene til Studentsamskipnaden i Bergen har gratis oppkopling til UiB. I tillegg kan du bruke din eigen berbare PC på universitetsområdet og kople deg opp til UiB, anten i trådlause soner eller på faste punkt plasserte rundt om på universitetsområdet. Dersom du ønskjer å ta i bruk desse tenestene, kan du finne meir informasjon om dette på it.uib.no/ikt_for_studenter. Skal du bruke eigen PC, må du sjå til at han er fri for virus. Maskiner som er virusinfiserte, blir utestengde frå UiB sitt nettverk. På internett kan ein laste ned virusvern gratis frå kjende leverandørar. 20

21 PC-vaktene kan rettleie ved installasjon av virusvern og oppkopling mot UiB sine tenester, men gir ikkje generell brukarstøtte på private maskiner. Universitetet i Bergen har ein rammeavtale for breiband slik at alle studentar kan få dette til gunstige prisar. Detaljane om dette finn du på it.uib.no/adsl. PC-stover Alle fakulteta har eigne PC-stover og plassar for oppkopling av eigen PC. I tillegg kan du nytte deg av tenestene ved læringssentra til Universitetsbiblioteket. Det psykologiske fakultetet har reservert 2 PC-stover (25 plassar) i Ulrike Pihls hus, 4. etasje (Professor Keysers gate 1). Her er det også felles skrivarar. Fellesteneste for utskrift, kopiering og skanning (pullprint) Dette er ei betalingsbasert teneste der du betaler for kvar kopi eller utskrift. Skanning er gratis. For å få tilgang til tenesta må du ha ein brukarkonto og gyldig studentkort, som fungerer som betalingskort. I tillegg må du fylle pengar på utskriftskontoen via ei webteneste der du kan betale med kredittkort (Visa/Mastercard). Ver merksam på at det kan ta opptil ei veke før du kan ta tenesta i bruk, avhengig av kor raskt du klarer å opprette brukarkonto og skaffe deg studentkort. Les meir her: it.uib.no/pullprint Opningstider: Måndag torsdag: Fredag: Laurdag: Bibliotek for psykologi, utdanning og helse i Christies gate 12 har totalt 60 arbeidsplassar, 38 av desse med PC, samt trådlaust nett som gjev moglegheit for oppkopling med eigen PC. Opningstid: måndag-fredag,

22 6. Universitetsbiblioteket Universitetsbiblioteket (UB) er eit moderne læringssenter, og er ein del av det faglege og pedagogiske tilbodet ved UiB. UB har avdelingar ved alle fakulteta. Biblioteket tilbyr arbeidsplassar med Internett tilgang til store boksamlingar tilgang til elektroniske tidsskrift, oppslagsverk og annan faglitteratur på nettet kurs og rettleiing i informasjonssøking og støtte til oppgåveskriving Det meste av det som finst av både trykt og elektronisk materiale ved UB, kan du søkje fram via UB sin elektroniske katalog BIBSYS eller Bibliotekportalen. Studentkortet fungerer òg som lånekort ved UB. Bruk det aktivt! Du er velkommen som lånar ved Universitetsbiblioteket. Bli betre kjend med UB gjennom våre informasjonsfilmar «UB din kilde til informasjon» og «Et plagieringseventyr», sjå uib.no/ub. Bibliotek for psykologi, utdanning og helse Adresse: Christies gate 12 Opningstider i semesteret: måndag fredag:

23

24 7. Fadderordninga Sjølv om fadderveka ikkje tek til før i august, har ei stor gruppe studentar brukt heile våren på å planleggje eit program spekka med arrangement og opplevingar som skal gi deg ein introduksjon til det å vere student i Bergen. Målet med fadderveka er at du skal bli kjend med dine nye medstudentar, med Bergen som studieby, universitetet og alt det spennande du kan engasjere deg i på fritida. Fadderveka er lagd opp slik at ho skal gi deg ein smakebit på det store spekteret av tilbod som finst for studentar. Fadderprogramma for dei ulike fakulteta finn du på våre nettsider uib.no/utdanning Vi ønskjer deg ein god start på studietida! Tre av årets fadderleiarar ved UiB (frå venstre): Ingvild Sunde, fadderleiar på Det medisinsk-odontologiske fakultet, Sebastian Flaten, fadderleiar på Det samfunnsvitskaplege fakultet og Maren Merli, fadderleiar ved Det juridiske fakultet 24

25

26 Notatar

27 Redaksjon Studieadministrativ avdeling, UiB Grafisk design og utforming Kommunikasjonsavdelingen, UiB Foto Bjørn-Erik Larsen: forside Michelle Greene: s. 13 Paul-Erik Rosenbaum: s. 25 Marianne Røsvik: s. 9, 23 Regine Sagstad: s. 24 Marius E. Hauge: s. 25 Thor Brødreskift: s. 25 Marte Arnesen: s. 25 Paul Sigve Amundsen: s. 25 Geofysisk institutt: s. 25 Trykk Bodoni

28 Informasjonssenteret ved Det psykologiske fakultet Christies gate