Årsmelding for Ørskog sokneråd

Transkript

1 Ørskog sokneråd Årsmelding for 2012

2 Årsmelding for Ørskog sokneråd Visjon Ørskog kyrkjelyd skal vere ei levande folkekyrkje der folk bryr seg om kvarandre og blir utfordra til tru og aktiv teneste for Gud og nesten. Storfjorden kyrkjelege fellesråd Ved årsskiftet 2012 vart den formelle strukturen for Ørskog sokneråd endra. Eit samlande Storfjorden kyrkjelege fellesråd vart oppretta for Skodje, Ørskog, Stordal, Norddal, Liabygda, Stranda, Sunnylven og Geiranger sokn. Fellesrådet har ansvaret for kyrkjene, kyrkjegardane og alt personalet. Ørskog sokneråd vart med dette frigjort til berre å arbeide med kyrkjelydssaker. Fornying/opprusting av kyrkjer innvendes blir eit samarbeidsprosjekt der forslag frå sokneråda må godkjennast av fellesrådet før vidare handsaming. Ørskog sokneråd Soknerådet har i løpet av året hatt 8 soknerådsmøter i tillegg til eit soknemøte i kyrkja etter ein gudsteneste om ny gudstenesteliturgi. Soknerådet har handsama 61 saker. Den mest omfattande saka har vore om ny gudstenesteforordning for Den norske kyrkja og utarbeiding av ny lokal liturgi. Medlemar: Lars-Tore Nerbøvik/leiar Svanhild Hegerberg/nestleiar Veronica Stene Wenche Waagan Skarbø Inger Johanne Grønningsæter Mons Olav Walgermo Kolbjørn Gjære Anita Vikene Varamedlemar: Jon William Ødegaard, Randi Aasen, Dag Helge Lianes, Dagfrid Kjelstadli, Bernhard Brynestad. Ørskog sokneråds representant i fellesrådet er Kolbjørn Gjære. Han er også valt til leiar for Storfjorden kyrkjelege fellesråd. Tilsette medarbeidarar i Ørskog sokn Ester Walgermo, Svein Runde, Bernhard Brynestad, Brit Skjelten, Per Inge Vik, Arne B. Varmedal, Arnstein Sæthre, Anne Brit Slyngstadli, Olav Rønneberg Tilsette med heil eller delt arbeidsplass i Ørskog er Kyrkjeverje Ester Walgermo i 100 % stilling i Storfjorden kfr. Klokkar/kontorfullmektig Brit Skjelten, 40% stilling Sekretær for prosten Brit Skjelten, 40% stilling. Kateket Olav Rønneberg 100 % i Skodje, Ørskog og Stordal Anne Brit Slyngstadli/trusopplærar 100 % stilling i Skodje, Ørskog og Stordal (sjukepermittert) Frå november vart Asbjørg Oksavik Sve tilsett som vikar for trusopplærar i 50 % stilling. Monica Brandal er tilsett for å leie babysong på Trilletreffa. Bernhard Brynestad er kyrkjetenar Zlatan Miskovic er vikar for Bernhard i periodar og 10 % stilling som vaktmeister og reinhalder på Kyrkjetorget. Steinar Dyrkorn/gravar tilsett i 40 % stilling i Ørskog og Stordal. Anders Sveen/kyrkjegardsarbeider

3 Ny struktur i utvala Utvalsstrukturen er endra til å vere to hovudutval. Hovudutval for Diakoni (HUFD) leia av Kolbjørn Gjære, Svanhild Hegerberg og Brit Skjelten. Her finn vi: Besøkstenest v/elsa Rotnes og Brit Skjelten, Inger Ann Kjølberg, Oddveig Abelseth, Liv Mary Hatlen, Svanhild Hegerberg. Basarkomité med hobbygruppe v/berit W. Pedersen, Olga Frostad, Liv Mary Hatlen, Dagfrid Kjelstadli, Ingunn Tenfjord, Ester Walgermo, Astrid Øvstedal, Berit Walgermo. Trilletreff med babysong v/oddveig Abelseth og Monica Brandal Kyrkjekaffikomitéen v/ Signe Nygård og Olga Frostad Kyrkjeverttenesta v/soknerådet Hovudutval for Undervisning (HUFU) blir leia av trusopplærar, Lars Tore Nerbøvik, Anita Vikene og Lise Vindi. Her finn vi: Dåpsopplæringsutvalet v/ Lise Vindi, Kjell Steinbru, trusopplærar, Aud Walgermo, Linda Vestre Aasen, Hilde Klein Hulse, Veronica Stene. Konfirmantutvalet v/kjell Steinbru, Olav Rønneberg, Brit Skjelten, Lars Tore Nerbøvik, John William Ødegaard,, Elisabeth Haughton, Ingebjørg og Marie Danielsen. Lys Vaken/Tårnagentkomité v/trusopplærar, Ester Walgermo, Wenche W. Skarbø, Inger J. Grønningsæter, Veronica Stene, Svanhild Hegerberg. Misjonsutvalet v/ester Walgermo og Bernard Brynestad. Underutvala får meir konkrete oppgåver etter den nye modellen. Hovudutvala skal vere resursar for underutvala. Andre råd og utval: Gudstenesteutvalet med Kjell Steinbru, Arne Varmedal, Anita Vikene, Øyvin Danielsen, Svanhild Hegerberg og Lars Tore Nerbøvik. Husstyret v/ Sigmund Stene, Mons Olav Walgermo, Stein Pedersen, Astrid Øvstedal, Ingeri Madsen og Zlatan Miskovic arbeider med praktiske saker som gjeld Kyrkjelydshuset. Butikkutvalet v/ Mons Olav Walgermo og Astrid Øvstedal, Ingunn Tenfjord, Berit Pedersen, Aud Walgermo, Marit Søvik og Øyvin Danielsen. er leiargruppa for eit stort frivillig apparat som tek på seg oppgåver i Bruktbutikken og kaféen. Blomsteransvarleg er Ingeri Madsen som pyntar med blomsteroppsatsar ved gudstenestene. Øyvin Danielsen er KN-kontakt for Kirkens Nødhjelp, Bibelkontakt er Ester Walgermo og Ireen Eriksson Sjøholt er kontaktperson for Kirkens SOS i M&R. Gudstenester og ny lokal grunnordning Året 2012 var året for ny gudstenesteordning/liturgi i alle landets kyrkjer. Soknepresten har arbeidd saman med kantoren og gudstenesteutvalet med å finne vårt stedeigne uttrykk. Prest, kantor og kyrkjelyd har sidan prøvd seg fram med forskjellige løysingar under gudstenestene. Det har vore soknemøte med innspel frå kyrkjelyden og til sist har ein kome fram til endringar ein trivs med. Vi er no inne i ei prøveordning som skal evaluerast om 2 år. Gudstenestene må vel seiast å vere grunnpilaren i kyrkjelyden. Det er der kyrkjelyden har høve til å samlast om og feira Guds ord på søndagane. I september hadde vi avskilsgudsteneste og avskilsfest med sokneprest Kjell Steinbru og kona diakon Marja-Leena. Dei har flytta til Evje for å ta over sokneprestemebetet der. Øystein Kjølberg og Nils Beite har vore prestevikarar og delt på dei kyrkjelege handlingane utover hausten slik at gudstenestene og anna ikkje skulle lida under manglande sokneprest. Nemnast skal også at det er pynta med friske blomsteroppsatsar i kyrkja til

4 alle gudstenester. Ingeri Madsen har vore trufast med dette arbeidet i ein årrekkje. Etter gudstenestene har vi har ved fleire høve hatt kyrkjekaffi for å gjere gudstenestene til ein møteplass for kyrkjelyden. Kyrkjekaffikomitéen og andre frivillige har stilt med mat og kaker. Hausttakkefesten har blitt ein årleg tradisjon med Bygdekvinnelaget som resurs både ved pynting med fargerike blomster, frukt og grønsaker og med mykje god mat til kyrkjekaffien etter gudstenesta. I sommar hadde kyrkjelyden ein fin tur saman på Svartløkfjellet etter gudstenesta. Vi ser fram til nye turar i godt lag i vår vakre natur. Misjonsprosjekt Kyrkjelyden sitt misjonsprosjekt heiter «Barn og unge i Kamerun». Kyrkjelyden har ved fleire høve hatt besøk av pastor Felix frå Kamerun, som studerte ved NLA i Bergen. Visjonen er at kyrkjelyden i Ørskog og kyrkjelyden i Meiganga/Kamerun kan utvikle kjennskap og venskap over landegrensene, og på ulike måtar gje støtte og oppmuntringar til kvarandre. Kyrkjelyden har gitt 2 ofringar til prosjektet i år på i alt kr Andakter på institusjonar Annakvar veke på onsdags føremiddagane har prest og organist andakter på Steinholt busenter og på Ørskog sjukeheim. Organisten er ein viktig resurs her, for musikken skaper ei god rame rundt møta. Ørskog sparebank donerte eit el-piano til utskifting av det gamle pianoet på Steinholt som lenge hadde vore i dårleg forfatning. I samband med desemberandakten arrangerte diakonien innviingsfest av el-pianoet med kaker og kaffi. Vi fekk besøk av 4. klasse frå Sjøholt skule som festeleg innslag og Reidun Klock Tjervåg fortalte frå julehandel i gamle dagar. Sidan drog følgjet vidare til sjukeheimen med eit noko forenkla opplegg der. Konfirmantane Konfirmantane er i gode hender under kateket Olav Rønnebergs erfarne vegleiing. Men den vakante prestestillinga frå hausten merkast godt. Det er vanskeleg å få til faste rutinar slik som konfirmantanes medverknad under gudstenestene. Likevel har konfirmantane i år som tidlegare fått med seg mykje bra. I september var det Misjonslaurdag på Sjøholt skule, eit samarbeidsprosjekt med Skodje, Ørskog og Stordalskonfirmantane og representantar for Israelsmisjonen, HimalPartner og NMS/ Det Norske Misjonsselskap. Konfirmantane fekk undervisning i korleis organisasjonane arbeidde, det var gruppeaktivitetar og grilling ute. Andre gode fellesopplevingar er konfirmantleiren for Ørskog og stordalskonfirmantane og Roadservice på Skodje, som samlar heile fellesrådsområdet. Her må vi nytte høvet til å takke alle foreldra og andre frivillige som stiller opp og gjer ein stor innsats. Oppslutninga om konfirmantåret er veldig god og involverar så og sei alle dei døypte. Etter samtalegudstenesta hadde soknerådet i samarbeid med Dåpsopplæringsutvalet stelt til ein fin fest på Kyrkjelydshuset

5 Trusopplæringstiltak Stillinga som trusopplærar har ikkje vore bemanna frå januar til november. Men med god hjelp av kateket Olav Rønneberg, Asbjørg Oksavik Sve og mange frivillige har vi likevel klart å gjennomføre mykje. Trusopplæringstiltaka har etter kvart funne sin form hos oss. Det tek nokre år før nye tiltak blir kjend og innarbeidd hos målgruppene. Ein får satse på at jungeltelegrafen går etter arrangementa slik at neste års kull kan gle seg til sin tur. På nyåret var det tid for Tårnagenthelg for 8-åringane, og Lys Vaken helg for 10-åringane. Dette er populære aktiviteter og vart gjennomført med god støtte frå prest, kateket, foreldre og andre frivillige. 6-åringane blir invitert til friluftsgudsteneste i Skråvika og der får dei boka «Tre i eit tre». 8-åringa blir invitert til friluftsgudstenesta Kristi Himmelfartsdagen på Brauta. Der får dei boka «Den usynlege venen». 4-åringstreffa har mange års fartstid og blir teke hand om av eit erfarent dåpsopplæringsutval. I haust hadde dei 3 kjekke kveldar med formingsaktivitetar og bibelfortellingar. Den fjerde og siste samlinga er familiegudsteneste i år ved Per Inge Vik. Der tok borna del med song og dei fekk kvar sin 4-årsbok. 5-åringane saman med 2. klassingane blir invitert til påskevandring i kyrkja. 4-åringane saman med 1.klassingane er med på julevandring i kyrkja. Dette er populære tiltak ved kateket Olav Rønneberg som både elever og lærarar sett pris på. Vi set og pris på det arbeidet som blir gjort på bedehuset med søndagsskulen. Barnekoret Etter eit omfattande forarbeid og mykje øving framførte Ørskog barnekor leia av Elisabeth Runde påskespelet «Har du hørt det» på Palmesøndag i kyrkja. Ingunn Runde var medsolist og Elin Dyrkorn hadde innslag på fiolin. Grunna permisjon har ikkje barnekoret vore i ordinær drift dette året. Vi håper å få arbeidet i gang att i tida som kjem. Trilletreff og babysong Trilletreffa går sin gang annankvar veke med trufaste medarbeidarar som Oddveig Abelseth med kaf og Monica Brandal med babysong. Då Monica fekk sin eigen baby trong ho noko fritid i byrjinga av året, men frå hausten kunne ho fortsatt glede foreldre og born med dette gode tilbodet. Diakoni Vi har ei aktiv besøksteneste som tek omsorg for einskilde med heimebesøk. I desember var besøkstenesta med under institusjonsandaktene på Steinholt busenter og Ørskog sjukeheim og overrekte ein samanplantingar på kvar stad frå diakonien. Bruktbutikken med kafé I år som tidlegare år vart det gjort ein formidabel frivillig innsats i arbeidet med henting, mottak og levering av varer, rydding, prising og sal. I tillegg er det kafédrift med bløtkakar, vaflar og smørbrød. Brukt n og kaféen held ope laurdagar på dagtid og måndagar på kveldstid. Seks team på om lag 40 personar turnerer om oppgåvene med drifta. Mons Olav Walgermo og Astrid Øvstedal tek eit overordna ansvar for Bruktbutikken. Saman med fleira andre legg dei ned mykje arbeid der. Denne store innsatsen gjennom fleire år har gjort at kyrkjelydshuset vårt blir nedbetalt i rekordfart Bruktbutikken er eit samlingspunkt for mange menneske, både lokale og utanbygds. Der er god mat og god stemning.

6 Nyoppretta stilling på Kyrkjetorget Soknerådet har oppretta løna reinhald/vaktmeisterstilling til Kyrkjelydshuset. Zlatan Miskovic har stillinga på 10 % og får gjort mykje godt arbeid på Kyrkjetorget. Fellesskapskveld Siste fredagen kvar månad har kyrkjelyden fellesskapskveldar med variert program og kveldsmat. I 2012 vart fleire av kveldane brukt til orientering om ny gudstenesteliturgi ved Kjell Steinbru. Nemnast må også påskefeiringa og i haust feiring av Lauvhyttefesten etter jødisk tradisjon leia av Bjørg og Terje Bakke/Sykkylven tidlegare misjonærar i Israel. Vi bygde til og med ei lauvhytte i møtesalen. Det har vore mange gode opplevingar med fellesskapskveldane gjennom året. Grøn kyrkjelyd Soknerådet har gjort ein satsing mot å fortene namnet «Grøn kyrkjelyd». Møre bispedøme har sendt brev til alle sokneråda med oppmoding om å bli «Grøne kyrkjelydar». Soknerådet har valt Edvin Nupen som kontaktperson i forhold til Møre bispedøme. I samarbeid sett vi opp punkt frå ei tiltaksliste som vi forpliktar oss på å følgje. Tiltaka gjeld gudstenester og andre samkome med miljøfokus, bruk av energi, miljøomsyn ved innkjøp, tilrettelegging for bruk av syklar mv. Konsertar I samband med Ørskogdagane og Bluesfestivalen gjorde soknerådet ein storsatsing med å arrangere gospelkonsert med Norwegian Gospel Voices frå Oslo. 16 personer pluss instrumentar kom til Ørskog og heldt ein forrykande konsert i byrjinga av juni. Kyrkjebasaren Det blir lagt ned eit stort arbeid med gjennomføring av Kyrkjebasaren kvart år. Ein hobbygruppe leia av Berit Pedersen var samlingsstad for komitéen der mellom anna handlaga gevinstar vart planlagt og arbeidd med. Mange var innom på basardagen siste laurdag i oktober for å kjøpe lodd og ete rømmegraut eller få seg noko anna godt frå kaféen. I år fekk vi besøk av SFO koret leia av Eli Viset. Dei gjorde stor lykke med fleire festelege songar. Kåre Myren og Magnar Vikenes spela gamle og gode songar og melodiar på gitar og trekkspel også i år. Mykje frivillig arbeid ligg bak kyrkjebasaren. Soknerådet rettar ein stor takk til alle som kjem med gevinstar til bøker og tombola og elles alle som sluttar opp om basaren på ulike måter. Overskotet som i år var på kr går til kateketstillinga. Takkoffer Soknerådet innvilgar offersøknadane til kyrkja frå ein liste på ca. 120 institusjonar. 17 ofringar gjekk til andre organisasjonar og 13 ofringar gjekk til eiga verksemd. Det er sendt kr til andre organisasjonar inklusiv fasteaksjonen til KN. Kr er kome inn i offer til eiga verksemd. Gåver og økonomi I 2012 opplevde vi den store gleda å motta fleire ssjenerøse gåver. Ein anonym gjevar gav heile kr. til nedbetaling av lånet på Kyrkjelydshuset. I år har vi betalt kr i avdrag på lånet og står att med kr i gjeld på huset.

7 Vi fekk også ei anna privat gåve på kr. til Ørskog kyrkje. I tillegg fekk vi ei gåve på kr frå Bygdekvinnelaget øyremerka projektor i kyrkja. Ørskog sokneråd har forplikta seg på å betale 40 % av kateketstillinga. Kyrkjebasaren, gåver og tilskot og offer er med på finansieringa. Rekneskapsoversikt Ørskog sokneråd og drift av kyrkjelydshuset Rekneskapsoversikt Ø rskog sokneråd 2012 Inntekter 2012 U tgifter 2012 Offer til eiga verksem d Abonnem ent, m edl.kont G åver 5000 Bryllupsbiblar, dåpslysestakar, blom ar 6000 Husleigeinntekter Annonser, telefon og gebyr 6000 Renteinntekter 6000 M øtem at og gåver 7500 Dåpsopplæ ring, kulturm idlar 2000 Dåpsopplæ ring Diakoni, renter frå fond 2000 Diakoniarbeidet 1500 Kyrkjem usikk Kyrkjem usikk, konserter Barnekoret, kulturm idlar og bankgåve 4000 Barnekoret 2500 Fellesskapskveldane innbet Fellesskapskveldane Konfirm antinnbetalingar Konfirm antarbeidet Kom m. tilskot kateket, konf.arb Trusopplæ ring Fasteaksjonen KN Overført til Kirkens Nødhjelp Offer til andre institusjonar Overføring av offer Kyrkjebasaren Kyrkjebasaren kostnader 7000 Gåve til trusopplæ ringa Overføring til trusopplæ ringa G åve til Ø rskog kyrkje G åve på fond FR D ifferanse

8 Balanse for heile drifta Verdiar: Festetomt kr Kyrkjelydshus kr Faste eigedomar og anlegg kr Bankinnskudd: Bankinnskudd, brukskonto kr Bankinnskudd, høgrentekonto kr Bankinnskudd, kyrkjelydshuset kr Bankinnskudd, Ørskog barnekor kr Bankinnskudd i alt kr Disposisjonsfond: Kyrkjelydsskulen - kr Kyrkjemusikkfond - kr Idas musikkfond - kr Ørskog barnekor - kr Diakonifond - kr Undervisning/diakonifond - kr Disp.fond, overskot P10 frå kr Resursar pr kr Resursar - kr Langsiktig gjeld: Kyrkjelydshuset - kr Gjeld i alt pr kr Kyrkja, opprusting I sommar vart kyrkja vår måla utvendig. Innvendig har kyrkja lenge vore prega av slitasje og avskalla måling på veggane. Soknerådet har starta prosessen med å oppruste kyrkja med ny fargesetting. Aud Kongsnes og Gunnlaug Ribe arbeider med fargeforslag. Frå soknerådet går saka vidare til fellesrådet og til biskopen. Planen vidare er å fornye det liturgiske utstyret i kyrkja. Gåvene vi har motteke har gjort det mogleg å få til ein god løysing med fast montering av lerret og prosjektor i kyrkja. Arbeidet med dette vart påbyrja i 2012 men ferdigstilla på nyåret.

9 Vi ser på tal og statistikk Vi kan gle oss over at det har vore ei lita auke i talet på på frammøtte til gudstenestene i Vi har hatt 15 gudstenester med nattverd og det er ein nedgang i høve til dei to tidlegare åra. Kyrkjeleg årsstatistikk, Ørskog: Antal gudstenester på søn-og helligdag Talet på frammøtte Gjennomsnittleg frammøte Gudstenester med nattverd Antal medlemer i kyrkja Døypte i Ørskog kyrkje Vigde i Ørskog kyrkje Gravferder Konfirmantar Innmeldte i kyrkja utanom dåp Utmeldte av kyrkja Ørskog sokneråd vil nytte høvet og takke for alle små og store bidrag til kyrkjelydsarbeidet gjennom året. Det er dykkar innsats som er med å halde oppe trusopplæringa, samhald, Kyrkjelydshuset og den gode økonomien. Ørskog, Lars Tore Nerbøvik, soknerådsleiar Brit Skjelten, sekretær