FELLESNEMND FOR KOMMUNANE ULLENSVANG, JONDAL OG ODDA I PERIODEN Fellesnemnd Ullensvang kommune

Transkript

1 Møteinnkalling FELLESNEMND FOR KOMMUNANE ULLENSVANG, JONDAL OG ODDA I PERIODEN Utval: Møtestad: Fellesnemnd Ullensvang kommune Kinsarvik Dato: Tidspunkt: 09:00 Forfall skal meldast til Jondal kommune sitt sentralbord tlf.nr eller til Ragnvald Joakimsen på tlf.nr Er nokon ugilde i ei sak, må det meldast frå om dette. Varamedlemmer møter berre ved mottak av eigen innkalling. Sak nr: Sakstittel: 001/19 Godkjenning av protokoll 002/19 Meldingar 003/19 Organisering næringsutvikling Ullensvang kommune 004/19 Prosjektorganisasjon frå 1.februar /19 Val av visjon for Ullensvang kommune 006/19 Kommunevåpen for Ullensvang kommune - prosess og framdrift I tillegg til saklista: Informasjon frå Indre Hordaland Miljøverk og Odda kommune, renovasjon

2 Arkiv: K1-033 Arkivsak ID: 19/36-1 Journalpost ID: 19/338 Saksh.: Acostest2 Dato: Nemnd / utval Møtedato Saksnr Fellesnemnd Ullensvang /19 kommune Godkjenning av protokoll Dokumentnr Tittel Protokoll - Fellesnemnd Ullensvang kommune Prosjektleiar sitt forslag til vedtak: Fellesnemnda godkjenner vedlagt protokoll fra førre møte. prosjektleiar Ole-Jørgen Jondahl

3 Arkiv: K1-033 Arkivsak ID: 19/36-2 Journalpost ID: 19/1733 Saksh.: Ragnvald Joakimsen Dato: Nemnd / utval Møtedato Saksnr Fellesnemnd Ullensvang /19 kommune Meldingar Dokument til orientering Journalpostid. Tittel 18/18004 OK-sak 082/18: Ufrivillig deltid 18/19309 Digitalisering i kommunal sektor 19/1582 Brev til fellesnemnda vedr organisering av reiselivet og turistinformasjonstenestene i Ullensvang kommune Prosjektleiar sitt forslag til vedtak: Fellesnemnda tar meldingane til etterretning. prosjektleiar Ole-Jørgen Jondahl

4 Arkiv: K1-036K3 - &23 Arkivsak ID: 17/ Journalpost ID: 19/445 Saksh.: Ole-Jørgen Jondahl Dato: Nemnd / utval Møtedato Saksnr Partssamansett utval /19 Ullensvang kommune Fellesnemnd Ullensvang kommune /19 Organisering næringsutvikling Ullensvang kommune Dokumentnr Tittel Ba rd Sandal - Ullensvang kommune 16 nov 2017.pptx Hardanger Industri næringsutviklingsorganisering Ullensvang Kommune 2019 Prosjektleiar sitt forslag til innstilling: 1. Fellesnemda støttar søknad til Hordaland fylkeskommune frå Næringshagen i Odda; «Forprosjekt utvikling av næringsarbeidet i Ullensvang kommune.» 2. Fellesnemda rår kommunestyra i Jondal, Odda og Ullensvang til å løyva midlar i tråd med søknaden til Hordaland fylkeskommune. 3. Fellesnemda godkjenner oppretting av stilling som næringsutviklar i Ullensvang kommune. Prosjektleiar får mandat til å innarbeida stillinga i budsjett 2020 for Ullensvang kommune. 4. Fellesnemda gir administrasjonen i oppdrag å utarbeida ein næringsstrategi for Ullensvang kommune i samarbeid med næringsaktørane i kommunen og Næringshagen i Odda. Strategien skal handsamast politisk våren Ullensvang kommune skal medverka til å vidareutvikla Næringshagen i Odda. 6. Fellesnemda ber prosjektleiar leggja fram sak om organisering av næringsfond i juni Prosjektleiar Ole-Jørgen Jondahl,

5 Partssamansett utval - Ullensvang kommune Behandling: Røysting: Tilrådinga frå prosjektleiar vart samrøystes vedteke. PSU-003/19 Vedtak: Tilråding: 1. Fellesnemda støttar søknad til Hordaland fylkeskommune frå Næringshagen i Odda; «Forprosjekt utvikling av næringsarbeidet i Ullensvang kommune.» 2. Fellesnemda rår kommunestyra i Jondal, Odda og Ullensvang til å løyva midlar i tråd med søknaden til Hordaland fylkeskommune. 3. Fellesnemda godkjenner oppretting av stilling som næringsutviklar i Ullensvang kommune. Prosjektleiar får mandat til å innarbeida stillinga i budsjett 2020 for Ullensvang kommune. 4. Fellesnemda gir administrasjonen i oppdrag å utarbeida ein næringsstrategi for Ullensvang kommune i samarbeid med næringsaktørane i kommunen og Næringshagen i Odda. Strategien skal handsamast politisk våren Ullensvang kommune skal medverka til å vidareutvikla Næringshagane i Hardanger. 6. Fellesnemda ber prosjektleiar leggja fram sak om organisering av næringsfond i juni Saka gjeld: Næringsarbeid Ullensvang kommune. Å styrkja arbeidet med næringsutvikling vil vera særs viktig for å skapa ein ny livskraftig og attraktiv kommune i Hardanger. Intensjonsavtalen for kommunesamanslåinga har peikt klart og tydeleg på samfunns- og næringsutvikling for å fremja verdiskaping og vekst i Ullensvang kommune. Dei samfunnsøkonomiske indikatorane og samansettinga i næringslivet i den nye kommunen peiker på ulike styrkar og svakheiter: Styrkar: Eit relativt variert næringsliv: Herfindal-indeks under grenseverdiane for am. konkurransetilsynet Historisk relativt låg arbeidsløyse (Jondal og Ullensvang har lågare arbeidsløyse enn Odda) Relativt låg grad av naturbaserte næringar på grunn av Odda (som i 2016 hadde færre sysselsette her enn Jondal) Korkje/eller: Middels grad av offentlege arbeidsplassar (Jondal åleine har høg grad) Middels grad av høgt utdanna innbyggjarar Svakheiter: Ullensvang kommune får fylkets mest isolerte arbeidsmarknad: av 5135 sysselsette i den nye kommunen i 2016, kom berre 407 frå kommunar

6 utanfrå (7,9 %), og av 5490 yrkesaktive, reiste 759 ut frå den nye kommunen for å arbeide (13,8 %). Næringslivet er sterkt prega av konkurranseutsette næringar: 15,7 % (806) var i 2016 sysselsett i konkurranseutsette næringar. 728 av desse jobba i Odda. Forsørgingsbøra er særs høg det er få innbyggjarar i arbeidsføralder i forholdet til talet eldre i kommunen. Den koordinerte arbeidsgruppa «Næring, samfunn og eigedom» har levert si tilråding knytt til organisering av næringsutvikling i Ullensvang kommune. Tilrådinga byggjer på ei rekkje møter med dei ulike næringsgreinene i den nye kommunen. Regionalavdelinga i Hordaland fylkeskommune har møtt i Fellesnemda i november 2017, og i arbeidsgruppa til dialog om temaet næringsutvikling i ny kommune. Klare råd og tilrådingar har kome frå dei. Innspela frå næringsaktørane og regionalavdelinga har i stor grad gått ut på å styrkja organiseringa av næringsarbeidet med eit profesjonelt apparat. «Ei dør inn til kommunen», med kunnskap om lokale tilhøve, utfordringar og moglegheiter, har vore ein gjengangar i møte med næringane. For gründerar og nyetableringar vil det kunna vera avgjerande. Samarbeid bransjane i mellom, felles kompetanseutnytting og styrka profesjonalisering vil vera viktige stikkord for å sikra ei god næringsutvikling i framtida. Nye moglegheiter har opna seg spesielt dei siste åra. Ei eksplosjonsarta utvikling innan reiseliv og turisme har ført med seg nyetableringar og fleire nye arbeidsplassar. Det er no sett i gong arbeid med satsing på heilårsturisme. Reiselivsaktørane har sjølv signalisert trong for eit meir strukturert og systematisk samarbeid for å handtera og vidareutvikla kommunen som reisemål. Ei eigen reislivsgrein innan ei ny næringsorganisering vil kunna vera eit særs godt tiltak for å koordinera og styrka bransjen, og sikra ei berekraftig utvikling i framtida. Fylkesdirektør Regionalavdelinga Bård Sandal har peikt på nokre viktige moment for Ullensvang kommune: Ei tydeligare og sterkare organisering av regionen si næringsutvikling Å samordna og koordinera dei enkelte næringsgreinene i tre kommunar Å kunna framstå tydlegare som den sterke næringsregion ein er Å kunna sameina og samordna offentlege og private utviklingskrefter i ny, felles utvikling Eit talerør og ein stor aktør som visast igjen og synleggjer Hardanger Industri (tidlegare SMB Hardanger) har møtt arbeidsgruppa og kome med forslag til organisering:

7 «Ullensvang næringsutvikling» - ny organisering Forslag frå fylkesdirektør Sandal på mogleg organisering: Næringsutviklar: Kommunen si rolle i samspelet med næringslivet ligg i hovudsak på tilrettelegging og økonomiske verkemiddel. Arbeidsgruppa tilrår å styrka kommunen med stilling som næringsutviklar. Denne stillinga skal fungera som koordinator i samspelet med næringane, og vera «dør inn mot kommunen». Funksjonen vil få ansvar får å halda oversikt på næringsareal

8 og næringsbygg i kommunen, og halda Arealguiden.no oppdatert. Næringsutviklaren vil og ha ei viktig rolle i ein ny næringsorganisering saman med næringslivet. Næringsutviklaren skal, saman med andre ressursar i kommunen, sikra at Ullensvang kommune har ei proaktiv haldning til næringsliv og næringsutvikling. Økonomiske konsekvensar: a. Driftskonsekvensar 1 årsverk høgskuleutdanna; omlag ,- b. Investeringskostnader c. Finansiering Driftsbudsjett Saka sitt forhold til lovverk, planar og avtalar: Intensjonsavtalen punkt 8 Næringsliv; «Den nye kommune vil ha eit variert landskap og vera eit av dei mest sentrale turistområda i Hardanger. Ei vidare satsing på turisme og utvikling av heilårsturisme vil vera sentralt. Den nye kommunen skal legge til rette for og vidareføre satsinga på industri, marin sektor, og eit mangfaldig landbruk med spisskompetanse innan sine felt.» Søknaden til Regionalavdelinga er ikkje heilt klar, og vert send til utvala så snart den er klar. Samandrag/ konklusjon: Næringsutvikling er særs viktig for å vidareutvikla bygder og regionsenteret i Ullensvang kommune. Eit meir systematisk samarbeid mellom næringane og kommune gjennom ein ny næringsorganisasjon vil slik prosjektleiar ser det vera eit viktig tiltak. Næringsorganisasjonen må utviklast i tett samarbeid med næringslivet, der kommunen si rolle ligg vil vera tilretteleggar og samarbeidspart. Næringane viser engasjement for dette arbeidet, og er i gong med søknad til Hordaland fylkeskommune for å koma i gong med arbeidet. Prosjektleiar rår Fellesnemda til å gjera vedtak i tråd med saksframstillinga. Saka skal ekspederast av: Partsbrev skal sendast til: Sakshandsamar Alle relevante partar Arkiv

9 Arkiv: K1-036K3 - &23 Arkivsak ID: 17/ Journalpost ID: 19/226 Saksh.: Ole-Jørgen Jondahl Dato: Nemnd / utval Møtedato Saksnr Partssamansett utval /19 Ullensvang kommune Fellesnemnd Ullensvang kommune /19 Prosjektorganisasjon frå 1.februar 2019 Dokumentnr Tittel Sjekkliste prosjektplan Ullensvang kommune Ark 1 (1) Prosjektleiar sitt forslag til innstilling: 1. Fellesnemda godkjenner endra prosjektorganisering frå og med 1.februar 2019 i tråd med saksframlegget. Arbeidet vidare i dei administrative gruppene vert knytt til sektorane. 2. Prosjektleiar og kommunalsjefar får i mandat å oppretta naudsynte underarbeidsgrupper og/eller adhoc-grupper når det er føremålstenleg. Prosjektleiar Ole-Jørgen Jondahl, Partssamansett utval - Ullensvang kommune Behandling: Røysting: Tilrådinga frå prosjektleiar vart samrøystes vedteke. PSU-004/19 Vedtak: Tilråding: 1. Fellesnemda godkjenner endra prosjektorganisering frå og med 1.februar 2019 i tråd med saksframlegget. Arbeidet vidare i dei administrative gruppene vert knytt til sektorane. 2. Prosjektleiar og kommunalsjefar får i mandat å oppretta naudsynte underarbeidsgrupper og/eller adhoc-grupper når det er føremålstenleg.

10 Saka gjeld: Endra organisering i samanslåingsprosjektet, jamfør vedtak i FN-sak 028/17. Arbeidet i samanslåingprosjektet har til no vore organisert i hovedarbeidsgrupper og underarbeidsgrupper. No er hovedadministrativ struktur vedteken i FN-sak 029/18, og kommunalsjefane er på plass. Prosjektleiar vurderer sektororganisering av arbeidet vidare som det mest føremålstenelege for dei administrative arbeidsgruppene. Arbeidstrykket har vore stort for dei tillitsvalde, leiarar og medarbeidarar i prosjektet så langt. Ei endring til sektorgrupper, og meir kritisk vurdering av kor mange underarbeidsgrupper ein treng vidare kan vera eit godt tiltak for å løysa oppgåvene samstundes vil talet på møteplassar kunna verta redusert.

11 Viktige oppgåver i 2019 er: Kritiske område; kva må vera på plass før oppstart ny kommune? Tenestemeny; kva skal vi levera til brukarar og innbyggjarar? Samanslåing av verksemder som går frå tre eller to til ein. Avtalar og eigarskap. Digitalisering; avtalar fagsystem. Arbeidsflyt med digitale verktøy; økonomi/personal (Visma), sakshandsaming (Acos), kontorstøtte (Google) til dømes. Elles dei punkta som ligg i sjekklista, sjå vedlegg i saka. Økonomiske konsekvensar: Ingen, kan gi rom for færre møter i prosjektorganisasjonen. Saka sitt forhold til lovverk, planar og avtalar: Vedtak i FN-sak 028/17. Samandrag/ konklusjon: Tenesteleveranse til innbyggjarar og brukarar skjer i hovudsak i sektorane. Arbeid med tenestemeny og kritiske områder skjer på dette nivået. Prosjektleiar rår til å vedta saka slik ho ligg føre. Saka skal ekspederast av: Partsbrev skal sendast til: Sakshandsamar Alle relevante partar Arkiv

12 Arkiv: K1-14 Arkivsak ID: 18/ Journalpost ID: 18/19139 Saksh.: Harald Grande jr Dato: Nemnd / utval Møtedato Saksnr Fellesnemnd Ullensvang /19 kommune Val av visjon for Ullensvang kommune Dokumentnr Tittel Wordclouds fra folkemøter Prosjektleiar sitt forslag til vedtak: "Ullensvang kommune Dyrkar samhald frå fjord til fjell" vert valt som ny visjon og slagord for Ullensvang kommune. prosjektleiar Ole-Jørgen Jondahl I samband med kommunesamanslåinga av Jondal og Odda kommunar og Ullensvang herad, og i tråd med vedteke planprogram for kommuneplan for den nye kommunen, har me gjennomført eit omfattande medverkingsarbeid for å finna ein ny visjon for Ullensvang kommune. No er visjonsforslaga klare etter ein prosess på fleire trinn som har vore open og engasjerande for alle samfunnslag og demografiar. Fellesnemda vert no bedt om å gjere eit endeleg val for ny visjon, som skal ta oss inn i framtida. Etter ei avstemming står det igjen fem visjonsforslag, meir informasjon om prosessen, samt kva dei fem visjonsforslaga vil tyde for kommunen er gitt under. Prosessen Korleis kom me fram til resultatet? Visjonsarbeidet vart delt i tre delar. Under er ein gjennomgang av prosessen. Del ein var eit arbeid utført av elevane ved alle grunnskular i kommunane, del to var folkemøter i samtlege skulegrender, før dei beste forslaga vart lagt ut til ein folkeavstemming på internett. Arbeid i skulane Arbeidet byrja med at alle grunnskulane i kommunen vart bedt om å laga eit grunnlagsmateriell. Dei fekk utsendt ei open oppgåve der ein ba elevane teikna eller skriva litt om korleis dei såg for seg framtida og kva dei ynskja, dei fekk og ei tilleggsoppgåve om å teikna sine forslag til nytt kommunevåpen.

13 Resultata gjekk over all forventning, og me fekk inn fleire hundre forslag til kommunevåpen, flotte teikningar, og til og med eit maleri frå femte klasse på Vikebygd skule. Gjennom teikningane kom det fram mange kreative tankar og ynskjer som me vaksne ikkje lenger evnar å finne. Arbeidet hadde difor stor verdi for den vidare prosessen med å finna ein visjon. Arbeidet elevane gjorde vart så nytta på alle påfølgjande folkemøte. Utvalde teikningar og kommunevåpen har og vorte nytta i presentasjonar og promoteringsmateriell og har mange bruksområde og i framtida. Bilde 1: Femte klasse ved Vikebygd skule laga dette kunstverket til visjonsverkstadane. Folkemøte Del to var folkemøte i samtlege skulegrender. Me starta i Skare den 22. november og avslutta med eit møte i Jondal 6. desember. I møta vart innbyggjarane delt opp i grupper som i lag identifiserte kva dei meinte var bra med å bu i Ullensvang kommune i dag, og kva dei såg som moglegheiter og utfordringar i framtida til den nye kommunen. Ordskyer frå oppgåvene er vedlagt saksframlegget.

14 Figur 1: Ordsky av orda som vart nemnd oftast når innbyggjarane skulle beskriva kva dei såg som moglegheiter og utfordringar i sin nye kommune. Dei kombinerte deretter sine verdiar med framtida sine moglegheiter til å lage visjonsforslag, og kvar gruppe valde så ut eit forslag som me tok med oss vidare i prosessen. Folkemøta var svært positive, og var ein god arena for innbyggjarane til å møta administrasjon og politikarar, samt setje kommunesamanslåinga på dagsordenen. Engasjementet var godt i samtlege møter, og det kom inn mange gode og godt grunngjeve forslag. Oppmøtet var noko varierande, og informasjonen rundt møta kunne vore betre, til dømes så kunne ein hengt opp plakatar på nærbutikkar med meir, for å annonsera møta. Alt i alt vil prosjektleiar likevel seia at møta var ein suksess. Me fekk og lov til å halda eit møte for elevane ved Odda Vidaregåande Skule. Møtet var fullt av engasjement, og det kom mange gode visjonar, tre av dei vart tatt med vidare til den endelege avstemminga, deriblant vinnaren, med nesten 60% av stemmene.

15 Bilde 2: Innbyggjarane vart delt inn i grupper som laga kvar sin plakat over sine verdiar, utfordringar og til slutt sine visjonar. Røysting i sosiale media Den siste delen før saka no er oppe i fellesnemda var ei avstemming over 16 utvalde visjonsforslag som var tilgjengeleg frå kommunen si nettside, og på våre Facebook-sider. Visjonane vart valt ut av tre politikarar frå den koordinerte arbeidsgruppa for ny kommuneplan, prosjektleiar, leiar for kultur, samfunn og utvikling, og ein planleggjar frå Odda kommune. Hovudmålet for gruppa var å setje saman dei beste visjonane frå forskjellege greiner, og at ein dermed fekk eit breitt utval, samstundes som at forslaga var gode. Røystinga gjekk over ei veke frå 17. til 23. desember, og det kom inn godt over 2000 røyster, samt at me fekk god mediamerksemd, og litt blest rundt samanslåinga, mykje grunna vinnarvisjonen. Under røystinga vart det og posta relevant informasjon, samt resultat av visjonsverkstadane på Facebook og Instagram, noko som og skapte engasjement. Spesielt eit forslag utmerka seg gjennom røystinga me hadde i sosiale media. «Ullensvang Jævla bra kommune» fekk 58% av røystene, altså meir enn alle dei 15 andre forslaga til saman. På andre- og tredjeplass kom «Dyrkar samhald frå fjord til fjell» (7%) og «Kraftfull og raus» (6%). Under finn du det fullstendige resultatet:

16 Drøfting: Med bakgrunn i resultatet av røystinga har same gruppe som valde ut dei 16 forslaga valt at dei fem beste forslaga frå røystinga, som no vert presentert i denne saka. Dette vart gjort i eit møte der resultata frå røystinga vart lagt til grunn. Der kom me fram til at tre av dei fem vinnarane frå avstemminga vert tatt med i saka, i tillegg til to forslag som vi valde sjølv at skulle vere med. Me valde å avvike frå resultata frå avstemminga fordi resultata er svært jamne med unnatak av vinnaren, og at me har gått litt meir i djupna i dette arbeidet, og ser kvalitetar i dei to forslaga me har valt å framheva, som tilseier at dei bør vere med. Dei fem forslaga som vert tatt opp til endeleg handsaming i Fellesnemda er: Ullensvang Den sprudlande kommunen (Valt av jury, 1,8% av stemmene) Ullensvang kommune Kultur for å lukkast (Valt av jury. 1,1% av stemmene) Ullensvang kommune Frukt, kultur og industri Grøn harmoni i Hardanger (Nummer 5, 3,8% av stemmene) Ullensvang kommune Dyrkar samhald frå fjord til fjell (Nummer 2, 6,9% av stemmene) Ullensvang Jævla bra kommune (Nummer 1, 58,5% av stemmene) Dei to visjonsforslaga som vart tatt ut av dei fem beste og som difor ikkje er vurdert i saka er:

17 Ullensvang kommune Rått og flott (Nummer 4, 3,8% av stemmene) Ullensvang kommune Kraftfull og raus (Nummer 3, 5,5% av stemmene) Gjennomgang av forslaga Ullensvang kommune Den sprudlande kommunen Visjonen kjem frå elevane ved Odda vidaregåande skule. Den er kort, presis og positiv. Ordet sprudlande er noko me alle kan relatere til i vår tid, og tar med seg sideren og eplemosten frå fjorden. Det er ein del av vår identitet og kultur som vert forsterka, og som me kan gjera til ei haldning for kommunen og våre innbyggjarar. Så kva ligg det i ordet sprudlande? Når til dømes ein sider er sprudlande så har den det vesle ekstra, eit ekstra kick som verkeleg gjer at den kan nytast, og som gjer at den lever i munnen. Det er denne verdien me må overføre til oss sjølve. Sprudlande menneske er nokon me gjerne ser som glade, kreative og energirike med positiv gjennomføringskraft, og evne til å løfte både situasjonar og andre menneske fram. Og sidan me allereie er inne på korleis noko sprudlande smakar. Smak litt på uttrykka «den Sprudlande skulen», eller kanskje noko me har litt meir trauste assosiasjonar til «Den sprudlande eldreomsorgen». Ein eldreomsorg med fokus på smil, aktivitet og livsglede. For det er ikkje alltid me kan setja av ressursane til å skapa det heilt spesielle, men me kan uansett gjera noko med våre haldningar, og vår kultur. Her kan denne visjonen fungera svært bra. Så kva prioriteringar gjer ein sprudlande kommune? I ein sprudlande kommune skal ting skje. Kultur og hendingar vil difor stå sentralt. For at våre innbyggjarar skal sprudla må dei få arenaar og sprudla i. Reiselivet vil og stå sentralt, dei som besøkjer oss skal kjenna på den sprudlande kjensla og kanskje og den sprudlande sideren, vårt kulturlandskap og det me haustar inn i regionen vil difor få ei særskild rolle. Me skal vera ein kommune som legg til rette for eit sprudlande næringsliv. Noko som tilseier ein sunn og god vekst. Visjonen kan og nyttast av våre innbyggjarar. Alle kan vere ein sprudlande person. Klarar me å løfta visjonen fram, vil me difor og få ein sprudlande giv blant våre innbyggjarar, som kan jobba for å skapa eit positivt og bra samfunn rundt seg. Ullensvang kommune Kultur for å lukkast Det einaste visjonsforslaget med ordet kultur i seg, då skulle ein trudd ein fekk ein visjon med fokus på nettopp kulturlivet vårt. Det er ikkje nødvendigvis tilfellet. Visjonen går meir på å skapa ein kommune med riktig haldning og politikk for at me skal kunne skapa vekst og lukkast med måla vi set oss i livet som innbyggjar eller investor i kommunen. Visjonen vil difor setje våre innbyggjarar i fokus og med kvart grep me gjer kan me stilla oss spørsmålet «Vil me gjennom dette grepet leggja til rette for at fleire kan skapa noko positivt for seg sjølve og menneska rundt seg?». Me må ha gode strategiar og planar som gir føreseielegheit til dei som satsar i kommunen, og me må leggja godt til rette for grunderar, dei frivillige og kulturliv som vil skapa noko for oss. Den vil sjølvsagt og tyde noko for kommunen. Kommunen må skapa ein kultur som gjer at organisasjonen lukkast med sine mål og visjonar. Om me må leggje til rette for at kvar enkelt tilsett i kommunen skal lukkast med sine arbeidsoppgåver, vil og kommunen oppleva positivitet og vekst. Dette kan gjerast gjennom openheit, føreseielegheit, samarbeid, fokus på fast tilsetjing, og gode program for vidare- og etterutdanning. Eit godt arbeidsmiljø vil føre til positive initiativ, som igjen gir ein kommune som legg til rette for at våre innbyggjarar tørr å satsa. Dette

18 gjeld i alle ansvarsområda i kommunen, frå våre elevar i skulen til gründerar i næringslivet og til slutt for å stella i stand dansekveld på Bokkotunet. Vi håpar spesielt at me lukkast med sistnemnde. Ullensvang kommune- Dyrkar samhald frå fjord til fjell Samhald. Eit nøkkelord som er brakt fram i både positiv og negativ forstand i nesten samtlege folkemøte. I grendene har dei fleste eit sterkt samhald. Eit samhald som skapar engasjement, kultur og trivsel. Det kan derimot være store motsetnadar mellom grendene basert på geografi. Me vil alle sjå utvikling i vår eige tettstad, og det vert difor mange interessemotsenadar innad i kommunen. No når me vert ein kommune, er mange og bekymra for at deira lokalsamfunn skal bli gløymd i den større samanhengen. Ein kommune må gjere prioriteringar, og det er naturleg at utviklinga i hovudsak kjem der dei fleste bur. Ein slik visjon kan då vere viktig for å og setje fokus og på våre utkantar, og at me som ein heilskap står saman som ein kommune. Ein må då ha klare prioriteringslister over kva tiltak som skal kor, med gode grunnar. Ein må også gjere tiltak for å knyta våre utkantar nærare saman med dei større tettstadane. Spesielt når ein kanskje må gjere tøffe avgjerder i framtida som avgrensar servicetilbod rundt i kommunen. Visjonen tar med seg våre naturverdiar gjennom fjord og fjell. Det inneber og et fokus på å framheva verdiane, og dermed og setje reiselivet i fokus. Dei fleste i kommunen nyttar og begge flittig. Me bur langs fjorden og me trivst i fjellet. Dette er verdiar som me vil fremma gjennom visjonen og skapa trivsel rundt. Visjonen er noko traust og det kan verte ei utfordring å nytte den på ein god måte. Det er ein reell fare for at visjonen raskt går i gløymeboka om ikkje den vert tatt med, og vert gjort aktiv av både politikarar og administrasjon. Noko som er viktig å tenkje på om visjonen vert valt. Det er vel ingen hemmelegheit at det har vert ein debatt rundt fjellrettane i den nye kommunen. Gjennom ein slik visjon manar ein til samhald og like rettigheiter for alle innbyggjarane i kommunen. Vi går saman inn i framtida! Bilde 3: "Dyrkar samhald frå fjord til fjell" kjem frå visjonsverkstaden på Hauso, der og dette slagordet vart føreslege.

19 Ullensvang kommune Frukt, kultur og industri Grøn harmoni i Hardanger! Ein visjon som trekk fram enkeltkvalitetar i kommunen og dermed og har eit klart fokus på framtida. Identiteten og satsinga vår skal byggjast rundt vårt kulturlandskap med frukt, eit rikt og mangfaldig kulturliv, og i våre hjørnesteinsbedrifter og varierte industri. Dette er tre verdiar og tre grunnsteinar som rører det meste av vår nye kommune, og er noko som påverkar alle innbyggjarar sin identitet og kultur. I så måte er det tre gode nøkkelord som vert trekte fram. Orda får og overført tyding, både kultur og frukt kan trekkjast mot reiselivsutviklinga. Industri kan trekkjast mot verdiskaping og vidareutvikling innanfor det generelle næringsliv. Del to av visjonen «Grøn harmoni i Hardanger» tar med seg nøkkelordet og merkevara Hardanger som me ynskjer å identifisera oss med. At me har et fokus på å vidareutvikla og forsterka merkenamnet kan vere sunt for reiselivet og for stoltheita til innbyggjarane. Hardanger er eit kvalitetsstempel. Ordet harmoni manar til samhald og deler mange av kvalitetane til visjonen over. Harmoni er derimot litt meir passivt og seier at ein i alle fall skal kome overeins. At ordet harmoni kjem i kombinasjon med Hardanger tilseier at ein og skal samhandla og samarbeida med heile Hardangerregionen og at ein dermed får eit blikk ut av kommunen. Deretter kjem me til ordet grøn. Eit ord som ein bør vere sikker på at kan nyttast på ein god måte. Skal kommunen verkeleg satsa grønt i alle ledd? Det vil vere ei ynskja utvikling, men det kan vere utfordrande for ein distriktskommune å gå fremst. Når det er sagt har me spennande industri og eit ansvar om å skapa ein berekraftig reiselivsutvikling. Det vil og skapa ein utvikling i tråd med nasjonale mål, med sentralisering, satsing på mjuke trafikantar, og kollektiv. Å leva opp til ein grøn visjon vil med andre ord vera utfordrande, men det vil definitivt gi oss noko å strekkja oss mot, spørsmålet er om vi er klare for det, og klarer å implementera visjonen i den nye kommunen. Ullensvang Jævla bra kommune Visjonen som vann folkeavstemminga med fleire stemmer enn de 15 andre alternativa til saman. Ein kan gå ut frå at dei fleste som stemte på visjonen er av den yngre garde, framtida vår. Det er visjonen som og har skapt klart mest engasjement og meiningar, både positive og negative, og vi kan sjå kvifor. Dette er ein visjon som kjem frå møtet på Odda Vidaregåande Skule, og det er visjonen som fekk klart mest «traction», og som nemnd røyster gjennom visjonsprosessen. Det er ikkje utan grunn, det er den einaste visjonen med x-faktor.

20 Bilde 4: Bilete frå møte med elevane ved Odda Vidaregåande Skule. Visjonen er positiv og tar med seg noko mange av oss kan identifisera oss med. Me seier ting rett ut, og me er rett fram med kvarandre. Det er ingen enklare måte å sei kva visjonar og mål me skal ha for den nye kommunen. Me skal enkelt og greitt bli jævla bra. Den syner og takhøgda me har i kommunen, me kan prata slik til kvarandre, me kan handtera dei vanskelege sakene. Visjonen syner handlekraft, me får ting gjort, ingenting står i vegen for noko som skal verte jævla bra, det er inga alternativ. Visjonen vil verte kulturbærande og haldningsbærande for kommunen, der inga oppgåve skal vere for stor, og der me jobbar i lag for å finna dei beste løysingane. Det er noko tilnærmeleg for alle gjennom ein slik visjon. Kommunar er kjende i dag for å velja ganske trauste, og på grensa til kjedelege slagord. Med denne visjonen vil vi få noko kreativt og nytenkjande som kan vera eit godt grep for å kickstarta kommunen både for oss, og for våre innbyggjarar. Den syner og folkelegheit, kommunen er direkte, og snakkar eit språk innbyggjarane kan relatere seg med, ein kan difor sjå auka engasjement og medverknad i samfunns- og kulturliv med visjonen. Og når våre innbyggjarar flyttar vekk for å studera, og folk spør kvar dei kjem i frå så treng dei ikkje lenger sei at dei kjem frå kommunen alle flytter frå, dei kjem frå ein jævla bra kommune! Viktigast av alt, visjonen er no bullshit. Me skal meine noko, me skal skape noko og me skal få det til. Visjonen står sånn sett i klar kontrast til det litt meir trauste «alt kjem til å bli bra», som har prega Oddasamfunnet dei siste åra. For alt kjem ikkje til å verte bra av seg sjølv, me må gjera det jævla bra. Forslaget er samla sett difor det klart beste som har kome frå innbyggjarane gjennom våre mange visjonsmøte. Dessverre er det fleire som ikkje er klare for ein slik visjon grunna ordet jævla, visjonen vil i å så måte bidra til å splitta kommunen. Dersom ein skal gå for ein slik visjon må den kunna nyttast med stoltheit, er me tøffe nok til det? Om ikkje vert visjonen useriøs, og som mange har påpeikt, uverdig for den nye kommunen. Konklusjon: Å laga visjon for ein kommune er ikkje enkelt, dei fleste selskap har til dømes eit segment dei skal satsa på, og nyttar store ressursar på det produktet me no har fått av våre innbyggjarar. Ein kommune rører nesten samtlege samfunnstema, og den skal vera ein visjon for alle kommunen sine innbyggjarar og ein stor og variert arbeidsplass.

21 Det syner igjen i mange av dei 16 forslaga som vart lagt ut til avstemming. Dei kan sjåast som svært generelle, og vil ha universelle bruksområde. Det kan gjera ein visjon svært god eller svært dårleg. Det som er bra er at den kan nyttast breitt, og av alle dei forskjellege laga i ein kommune. Faren er at det vert ein visjon me ikkje kan identifisera oss med, og at bodskapet vert kjedelig. Visjonen vil dermed ikkje verte nytta. I så måte er «jævla bra kommune» eller «den sprudlande kommunen» dei beste alternativa til ny visjon for Ullensvang kommune. Me i juryen har likevel bestemt at den litt mindre sprudlande «Ullensvang kommune dyrkar samhald mellom fjord og fjell» skal være fyrsteval i vår innstilling til ny visjon for kommunen. Som me har vore inne på tidligare tar visjonen opp ein svært viktig verdi med samhald. Ein verdi me vil trengje i framtida når tre kommunar no skal bli ein. Her er det nok å ta tak i; me skal verte einige om kva samferdselsprosjekt me skal satsa på, og korleis me skal bu og leva i den nye kommunen, som består av mange sterke grender og eit regionsenter med store moglegheiter. Me skal og skapa nye arbeidsmiljø og mange av oss skal arbeida på nye stader. Sist men ikkje minst skal ein og bli samd om korleis ein forvaltar fjellrettane. For å finna gode løysingar er me avhengige av eit godt samarbeid og samhald i heile den nye kommunen, og at me gjer kvarandre gode. For det er ingen svarteper gjennom samhald, berre moglegheiter. Fallgruva vert som nemnd over, at det kjem til å krevje mykje frå organisasjonen, det er fleire døme på at denne type visjonar er gløymd etter ei veke. Det vert difor set krav om eit visst ansvar frå kommunen si leiing og politikarar, som må bera visjonen fram og gjere den aktuell i måten me angrip framtida. Lykke til og takk for meg! Saka skal ekpederast av: Særutskrift skal sendast til: Sakshandsamar Alle relevante partar Arkiv

22 Arkiv: Arkivsak ID: 19/125-1 Journalpost ID: 19/1727 Saksh.: Ragnvald Joakimsen Dato: Nemnd / utval Møtedato Saksnr Fellesnemnd Ullensvang /19 kommune Kommunevåpen for Ullensvang kommune - prosess og framdrift Prosjektleiar sitt forslag til vedtak: Ullensvang kommune gjennomfører ein open idekonkurranse for etablering av nytt kommunevåpen. Ideen som førar til det nye kommunevåpenet vert premiert med kr Fellesnemnda fristiller utforminga av kommunevåpenet frå det som er vedteke i intensjonsavtalen og kommunevåpenet må ikkje ta utgangspunkt i Ullensvang herad sitt. Våpenskjoldet skal ha spiss skjoldfot. Det vert satt ned ein jury som skal plukke ut inntil fem alternativ som skal ut i ei rådgjevande folkerøysting. Folkerøystinga skal skje på eigna måte. Juryen er samansett av: 3 politikarar (ein frå kvar kommune) 1 ungdomsrepresentant (veljast frå eit av dei tre ungdomsråda) 2 frå administrasjonen 1 med kunstfagleg bakgrunn 1 med designfagleg bakgrunn Politiske medlemar av juryen er: Ungdomsrepresentant er:. Prosjektleiar får mandat til å knyta til seg ein jurymedlem med kunstfagleg bakgrunn og ein medlem med designfagleg bakgrunn.

23 Prosjektleiar peikar ut administrative medlemmar til juryen. Alle forslaga som vart teikna av elevar ved skulane i visjonsarbeidet i haust vert automatisk med i konkurransen. Fellesnemnda får ny sak til møte 14. juni 2019 om val av nytt kommunevåpen. Kommunevåpenet vert vedteke når kommunestyret for Ullensvang kommune er konstituert. Prosjektleiar Ole-Jørgen Jondahl Saka gjeld: Saka gjeld rammer og framdrift for etablering av nytt kommunevåpen for Ullensvang kommune. Saksopplysingar: I intensjonsavtalen les me i punkt 4. at kommunevåpenet til Ullensvang kommune skal ta utgangspunkt i Ullensvang herad sitt. I planprogrammet til kommuneplanen, stadfesta av fellesnemnda i sak 051/18, har me lagt opp til ein medverknadsprosess kor innbyggarane i Ullensvang kommune skal vera med i utforminga av kommuneplan, visjon og kommunevåpen. Leiar av fellesnemnda har fått ein førespurnad, dagsett 2. november 2018, frå Reidun Haugen Dalseth om sak til fellesnemnda om å fristille utforminga av kommunevåpenet slik at alle kreative forslag kan verta handsama. 1. januar 2018 vart eit nytt regelverk om kommunevåpen gjeldande. Det er no kommunen sjølv som vedtek kommunevåpen og kommuneflagg, men fellesnemnda har ikkje kompetanse til å vedta nytt kommunevåpen. Dersom kommunevåpen skal vedtakast før samanslåinga, må dei eksisterande kommunestyra treffe likelydande vedtak eller me må vente til det første kommunestyremøte for Ullensvang kommune. Det er kommunestyra sjølv som må vedta kommunevåpenet. Kommunestyra kan ikkje delegera vidare. Det er ikkje lenger eit krav at ein må følgje dei heraldiske prinsipp. Vurderingar: I planprogrammet til kommuneplanen er det bestemt at me skal ha innbyggarmedverknad i utarbeidinga av kommunevåpenet. For å kunne gjennomføre det foreslår prosjektleiar at det vert gjennomført ein open idekonkurranse kor ein kan levera både bilete og/eller tekst. Ein idekonkurranse med både bilete og tekst gjev at fleire får høve til å vera med. Ein må ikkje kunne teikne. Det vil gjera at me får inn fleire forslag.

24 Prosjektleiar vil i utgangspunktet ikkje ha stramme rammer på idekonkurransen. Den einaste føringa prosjektleiar meiner me skal ha i idekonkurransen er at våpenskjoldet skal ha ein spiss skjoldfot. Det har dei tre kommunevåpena i dag. Reidun Haugen Dalseth har sendt ein førespurnad om ei sak om utforminga av kommunevåpenet. I intensjonsavtalen står det at kommunevåpenet skal ta utgangspunkt i Ullensvang herad sitt. Dalseth peikar på at dette er eit tolkingsspørsmål, og at i staden for å koma fram til kva det betyr, så kan fellesnemnda fristille utforminga av nytt kommunevåpen slik at alle kreative forslag kan verta handsama. Å ta utgangspunkt i Ullensvang herad sitt kommunevåpen er ein romsleg setning, og det kan opna for ein tolkingsdiskusjon. Ved å gå vekk frå det som er vedteke i intensjonsavtalen vil me unngå den diskusjonen. Det vil òg vera i samsvar med prosjektleiar sitt ynskje om ein open idekonkurranse med romslege rammer. Prosjektleiar ynskjer at dei kommunevåpena som skulane teikna i samband med visjonsarbeidet i haust skal automatisk vera med i idekonkurransen. Etter idekonkurransen vil me leggja opp til ei folkerøysting på line med det som vart gjennomført i visjonsarbeidet. I folkerøystinga vil det vera maks fem alternativ. Sidan me legg opp til ein idekonkurranse må dei fem alternativa verta arbeida på av ein designar slikt at dei stillar likt. Det vil kome tydleg fram i utlysinga at me vil arbeide med alle forslag og at dei vil verta endra for å stette dei tradisjonane som er for utforming av kommunevåpen. Dei fem alternativa som det skal røystast om, vert plukka ut av ein jury. Prosjektleiar foreslår at juryen er samansett av: 3 politikarar (ein frå kvar kommune) 1 ungdomsrepresentant (veljast frå eit av dei tre ungdomsråda) 2 frå administrasjonen 1 med kunstfagleg bakgrunn 1 med designfagleg bakgrunn Det er ikkje kunstfagleg eller designfagleg kompetanse i dei tre eksisterande kommunane, så me må knyte til oss den kompetansen. I tillegg til fagkompetansen vil det vera nyttig med eit blikk som går utanfrå og inn. Det vil vera ein fordel at den designfaglege kompetansen i juryen er den same som skal teikna ut dei fem ideane som skal til røysting. Det er viktig med kunstfagleg og designfagleg kompetanse i juryarbeidet. Kommunevåpenet skal nyttast i lang tid, og i forarbeidet til endringa av regelverket om kommunevåpen understrekar Kommunal- og moderniseringsdepartementet verdien av å nytta kompetente rådgjevarar i arbeidet. Den ideen som førar til det nye kommunevåpenet vil verta premiert med kr Framdriftsplan Vedtak i fellesnemnda Idekonkurranse Juryarbeid/arbeid med forslag til folkerøysting 8. februar 13. februar 13. mars 14. mars 10. mai

25 Folkerøysting Sak til fellesnemnda val av kommunevåpen Vedtak kommunevåpen 13. mai 24. mai 14. juni Veke 25 i dei tre eksisterande kommunestyra eller til hausten i kommunestyre for Ullensvang kommune Det er i tenkt at fellesnemnda skal velje kommunevåpen, men fellesnemnda kan ikkje vedta nytt kommunevåpen for Ullensvang kommune. Alle tre kommunestyra har møte veka etter fellesnemnda i juni, så det er høve til å få likelydande vedtak i dei tre kommunane. Alternativt kan kommunestyret for Ullensvang kommune vedta kommunevåpenet når det er konstituert. Økonomiske konsekvensar: Prosjektleiar har henta inn prisoverslag på bruk av designar. I tillegg til timane med juryarbeid, så vil det vera ein kostnad på kr per forslag som skal til røysting og kr for endeleg ferdigstilling av vedteke kommunevåpen. Det inkluderer kommuneflagg og kommunesegl. Den kulturfaglege jurymedlemmen må ha eit honorar. Premiering kr Saka sitt forhold til lovverk, planar og avtalar: Kommunelova 3 nr 6. Intensjonsavtalen mellom Jondal, Ullensvang og Odda Planprogram Ullensvang kommune, stadfesta av fellesnemnda i sak 051/18 Saka skal ekspederast av: Partsbrev skal sendast til: Sakshandsamar Alle relevante partar Arkiv