Revidert rapport frå inspeksjon ved Etne Containerservice AS

Transkript

1 Fylkesmannen i Hordaland ETNE CONTAINERSERVICE AS Bergen, 28. september 2018 Nedre Austrheim Etne Sendt på epost til drift@etne-container.no Dykkar ref.: Vår ref.(oppgi ved svar): 2015/4385 Sakshandsamar: Astrid Holte Revidert rapport frå inspeksjon ved Etne Containerservice AS Kontrollnummer: I.FMHO Kontaktpersonar ved inspeksjonen: Frå verksemda: Knut Sverre Vaksdal Frå Fylkesmannen i Hordaland: Astrid Holte og Nina Vadøy Resultat frå inspeksjonen Denne rapporten gjeld resultatet frå inspeksjon ved Etne Containerservice AS den 10. august Storleiken på tvangsmulkta i punkt 4 er endra, da det vart oppdaga ein feil i rapporten sendt 28. september Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken. Fylkesmannen i Hordaland avdekka 4 avvik under inspeksjonen innan følgjande tema; Lagring og handtering av avfall Farleg avfall Utslepp Internkontroll Avvik og oppfølging er nærare omtalte bak i rapporten. Vi ser alvorleg på avvika. Etne Containerservice AS må sende skriftleg melding innan 31. desember 2018 på at avvika er retta. Brevet er godkjent elektronisk og har derfor inga underskrift. Kjell Kvingedal miljøvernsjef Astrid Holte senioringeniør Kopi til: Eivind Vik eivind.vik@outlook.com Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9 Telefon: Org. nr.: E-post: fmhopostmottak@fylkesmannen.no Internett:

2 1. Informasjon om den kontrollerte verksemda Ansvarleg eining Namn: ETNE CONTAINERSERVICE AS Organisasjonsnr.: Eigd av: Bransjenr. (NACE-kode): Oppsamling og behandling av avløpsvann Kontrollert eining Namn: Etne Containerservice AS Anleggsnr.: Kommune: Etne Fylke: Hordaland Anleggsaktivitet: Avfall - mottak, mellomlagring og sortering Løyve gitt: Sist endra: - 2. Bakgrunn for inspeksjonen Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen er ei særskilt oppfølging og vart gjennomført for å kontrollere at alvorlege avvik etter tilsyn 7. mai 2018 er retta. Tilsynet vart gjennomført med heimel i forureiningslova 48. Inspeksjonstema Farleg avfall: mottakskontroll, journalføring, handtering, lagring, vidarelevering, finansiell sikring Utsleppskontroll Internkontroll: avvikssystem, risikovurdering, beredskap Rapporten gjeld avvik og merknader som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda. Definisjonar Avvik: Manglande etterleving av krav fastsette i eller med heimel i lov. Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik. Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her. Inspeksjonsrapport I.FMHO Side 2 av 10

3 3. Oppfølging etter inspeksjonen Etne Containerservice AS pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Etne Containerservice AS innan 31. desember 2018 sender ei skriftleg utgreiing som viser korleis avvika er retta og kva tiltak som er gjennomførte eller planlagde. Vi ser alvorleg på avvika som vart avdekka i denne inspeksjonen. Vi ser særleg alvorleg på at fleire avvik er dei same som vart gitt ved førre tilsyn i 2015 og Dei gjentakande avvika er klassifisert som alvorlege i rapporten etter tilsynet 7. mai overskridinga for lagra avfallsmengd har blitt større for kvart tilsyn. I 2015 vart det lagra 591 tonn avfall, i februar 2018 var det lagra 740 tonn, ved dette tilsynet var det lagra 1025 tonn, sjå avvik 1. fleire avfallsfraksjonar som allereie var lagra lengre enn tillate lagringstid ved førre tilsyn var framleis ikkje fjerna, sjå avvik 1. sorteringshallen var også ved dette tilsynet så full at det ikkje var plass til sortering og omlasting under tak, sjå avvik 1. mykje avfall var framleis lagra ute slik at det fører til produksjon av forureina vatn, og fare for forureining til Etne-elva og grunnen (på nabo-tomta), sjå avvik 1 og 4. verksemda har framleis store manglar ved internkontrollen, sjå avvik 4. Gjennomføringa av tiltaka vil bli følgd opp ved ny kontroll. Verksemda har etter tilsynet og før rapporten er ferdig informert om at dei har retta opp ein del av avvika. Sidan verksemda viser vilje til å rette avvika, vil vi likevel ikkje stogge vidare mottak av avfall slik vi varsla på tilsynet. Vi legg til grunn at verksemda held fram med retting av alle avvik slik at drifta snarast mogleg er i tråd med gjeldande vilkår. 4. Vedtak om tvangsmulkt for retting av avvik Vi viser til rapport frå inspeksjon på anlegget av 7. mai 2018, punkt 4. Her varslar Fylkesmannen at vi vil fatte vedtak om tvangsmulkt (jf. forureiningslova 73) dersom vi ikkje har fått skriftleg melding på at avvika omtalt i rapporten er retta innan 15. juni Vi har mottatt tilbakemelding frå verksemda innan fristen, men tilbakemeldinga og tilsyn 10. august 2018 viser at fleire alvorlege avvik ikkje er retta innan fristen. Dersom Fylkesmannen ikkje innan 31. desember 2018 har mottatt dokumentasjon som viser at avvika som går fram av rapporten datert 7. mai 2018 er retta, påløper ei tvangsmulkt på kroner. Pålegg om tvangsmulkt er tvangsgrunnlag for utlegg, jf. tvangsfullbyrdingslova 7-2, og tvangsmulkta kan inndrivast straks av Statens innkrevjingssentral (SI). Vedtaket om tvangsmulkt er fatta med heimel i forureiningslova 73. Bakgrunnen for vedtaket om tvangsmulkt er at dette er vurdert som nødvendig for å sikre gjennomføring av gjeldande krav. Vilkåra for drift av sorteringsanlegget er fastsett i løyve frå Fylkesmannen 2. juli 2012, men fleire tilsyn har vist at verksemda ikkje har sørga for at drifta er i tråd med vilkåra. Inspeksjonsrapport I.FMHO Side 3 av 10

4 De kan klage på avgjerda til Miljødirektoratet innan tre veker etter at dette brevet er mottatt. Klagen bør grunngjevast og skal sendast til Fylkesmannen i Hordaland. 5. Varsel om større tvangsmulkt for retting av avvik Fylkesmannen varslar at vi vil fatte vedtak om ny og større tvangsmulkt (jf. forureiningslova 73) dersom vi ikkje har fått skriftleg melding om at avvika omtalt i denne rapporten er retta innan 31. desember Fylkesmannen finn det naudsynt med slikt varsel som eit verkemiddel for å sikre at krav sett i løyvet for å hindre forureining vert følgt. Ny og større tvangsmulkt vil påløpe dersom vi ikkje har mottatt melding på at avvik omtalt i denne rapporten er retta innan 4 veker etter at vedtak om tvangsmulkt vart fatta. Ei eventuell ny tvangsmulkt vil vere eit eingongsbeløp på kroner. De har høve til å kome med merknader til dette varselet. Eventuelle merknader må sendast til Fylkesmannen i Hordaland innan to veker etter at denne rapporten er motteken. 6. Vedtak om gebyr Vi viser til informasjon og varsel om gebyrplikt som vart gitt til verksemda under tilsynet den 10. august Verksemder skal betale gebyr for kontrollar utførte av Fylkesmannen i samsvar med 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. På bakgrunn av forventa ressursbruk må Etne Containerservice AS betale eit gebyr på kroner for inspeksjonen, jf. forureiningsforskrifta Dette svarer til gebyrsats 1 for tilsyn av inntil en dags varigheit. Miljødirektoratet vil sende dykk ein faktura for innbetaling til statskassa. Fylkesmannen viser elles til forureiningsforskrifta kapittel 39 om innkrevjing av gebyr til statskassa. Klagerett Vedtaket om gebyr kan klagast på til Miljødirektoratet, jf. 28 i forvaltningslova. Ein eventuell klage bør vere skriftleg grunngjeven og adressert til Miljødirektoratet, men han skal sendast via Fylkesmannen i Hordaland. Fylkesmannen vil vurdere endring av vedtaket eller sende saka vidare til Miljødirektoratet for endeleg vedtak. Gebyret som er fastsett ovanfor, må likevel betalast inn. Dersom Miljødirektoratet tek klagen til følgje, vil for mykje innbetalt beløp bli refundert. 7. Offentlegheit i forvaltninga Denne rapporten vil vere offentleg tilgjengeleg via postjournalen til Fylkesmannen i Hordaland (jf. offentleglova). Inspeksjonsrapport I.FMHO Side 4 av 10

5 8. Avvik Vi fann følgjande avvik under inspeksjonen: Avvik 1: Avfall vert ikkje handtert og lagra i tråd med krav i løyvet Avvik frå: Løyve punkt 1 Rammer Løyve punkt 4.1 Krav til anlegget Løyve punkt 4.2 Lagringstid og lagringsmengder Løyve punkt 7.1 Registrering Kommentar til regelverket: Rammer for løyvet - lagerområde Løyvet gjeld avfallsaktivitet på gnr. 43 bnr. 20 i Etne. Krav til anlegget All omlasting og sortering skal skje på tett flate og under tak. Lagringstilhøve Lagring av avfall skal skje på tett flate og under tak. Avfallsmengder på lager Verksemda kan ha maksimalt 300 tonn avfall på lager. Det er sett følgjande krav til lagringstid: blanda usortert næringsavfall kan lagrast i 3 verkedagar restavfall til slutthandsaming kan lagrast i 1 månad sortert avfall til gjenvinning kan lagrast i 12 månader Registrering Verksemda skal føre dagleg oversikt over kva avfall og kva mengder som blir mottatt og passerer anlegget. Denne informasjonen er naudsynt for å halde oversikt over mengde og type avfall på lager og lagringstid og at dette er innanfor krava i løyvet. Avviket er basert på følgjande observasjonar: Rammer for løyvet - lagerområde Verksemda lagra avfall på nabotomta, utanfor området som er dekka av løyvet. Kommentar til tilbakemelding og tiltak: Etter tilsynet i august har verksemda opplyst i e- post 28. august at nabotomta er tømt for plastemballerte avfallsballar. Det er ikkje opplyst om nabotomta framleis er i bruk til lagring av anna avfall. Det er derfor framleis avvik på dette punktet. Krav til anlegget Hallen for sortering og omlasting av blanda næringsavfall var full, og det var ikkje mogleg å sortere og laste om avfallet under tak slik det er krav om. Det vart opplyst at anlegget tok imot avfall også når hallen var full, men at avfallet da ikkje vart sortert. Ved full hall vart avfallet omlasta og køyrd ut frå anlegget i bulk utan sortering eller emballering. Det vart opplyst at det hadde vore noko ledig plass i hallen tidlegare på Inspeksjonsrapport I.FMHO Side 5 av 10

6 dagen, men at hallen var fylt opp i løpet av dagen. Maskin for sortering var plassert slik at han var omgitt av avfall på alle kantar, nær utilgjengeleg og ikkje mogleg å bruke til sortering av avfall. Kommentar til tilbakemelding og tiltak: Etter tilsynet i august har verksemda sendt e-post 10. september med bilde som viser at det er fjerna mykje avfall og no er plass til sortering inne i hallen. Vi legg til grunn at verksemda har etablert rutinar som sikrar at hallen ikkje vert overfylt på nytt. Fylkesmannen tar dette til orientering og vidare oppfølging av denne delen av avviket vert følgd opp når vi mottek den skriftlege tilbakemeldinga. Avfallsmengder på lager og lagringstilhøve Ved tilsynet 10. august hadde verksemda meir enn maksimal tillate mengd avfall på lager, og fleire avfallsfraksjonar var lagra lengre enn maksimal tillate lagringstid. Mykje avfall var ikkje lagra på tett flate eller under tak. Overslag viste at dei samla avfallsmengdene lagra på ulike plassar ved tilsynet var over 1000 tonn. Dette er over kravet på maksimalt 300 tonn avfall på lager. Det vart opplyst at noko blanda usortert næringsavfall var lagra over kravet til maksimal lagringstid på 3 dagar. Det vart opplyst at noko restavfall til slutthandsaming var lagra i inntil 13 månader. Dette er over maksimal lagringstid på 1 månad. Fleire avfallsfraksjonar var lagra utanfor tett flate og utan tak eller annan skjerming. Plastemballert restavfall og bildekk var lagra på grusdekke. Trevirke, landbruksplast, bildekk og ein del plastemballerte ballar med hol i plasten var lagra utan tak eller annan skjerming. Delar av det plastemballerte avfallet låg i ein dam. Fleire avfallstypar, inkludert forureina masse og isolasjon som kunne vere farleg avfall, var lagra i opne, utette konteinarar plassert på grusdekke. Registrering Ved tilsynet 10. august mangla verksemda oversikt over kva typar og mengder avfall som var lagra på anlegget. Dei mangla dermed informasjon som er naudsynt for å sikre at mengde og type avfall på lager og lagringstid var innanfor krava i løyvet. Mengdene oppgitt i denne rapporten er basert på verksemda sine overslag under synfaringa over mengde og lagringstid i kvar lagringseining/område. Det er første gong dette punktet er ført som eige punkt i avviket, sjølv om det også tidlegare har mangla slik oversikt. Kommentar til tilbakemelding og tiltak: Etter tilsynet i august har verksemda opplyst i e-post 19. og 28. august og 10. september at til saman 990 tonn avfall er levert ut frå anlegget. Fylkesmannen tar dette til orientering, men kan ikkje avslutte oppfølging av dette punktet i avviket før det er dokumentert at lagra mengd avfall er under 300 tonn, og at lagringstida er innanfor gjeldande krav for alle avfallstypar. Inspeksjonsrapport I.FMHO Side 6 av 10

7 Avvik 2: Farleg avfall vert ikkje handtert i tråd med krav Avvik frå: Løyve punkt 5 Krav til mottak og lagring av farleg avfall Avfallsforskrifta 11-8 om leveringsplikt Kommentar til regelverket: Krav til deklarasjon, lagring og levering av motteke farleg avfall i løyvet Ved mottak av farleg avfall skal Etne Containerservice AS sjå til at avfallet er deklarert. I løyvet er det sett krav til at lagring av motteke farleg avfall skal skje innandørs og på tett dekke. Maksimal lagringstid for motteke farleg avfall er 6 månader. Krav til levering av eige farleg avfall i avfallsforskrifta I 11-8 står det at verksemder med farleg avfall skal levere dette minst 1 gong per år til godkjent mottak. Avviket er basert på følgjande observasjonar under tilsynet: Deklarasjon, lagring og levering av motteke farleg avfall Etne Containerservice hadde tatt imot kreosotimpregnert trevirke utan at det var deklarert. Kreosotimpregnert trevirke var ikkje lagra i tråd med krav i løyvet. Avfallet var lagra bak lagerbygning på tomta til Etne Elektrisitetslag AS. Området var ute på grus, og ikkje innandørs på tett dekke slik det er krav om. Avfallet var lagra lengre enn maksimal lagringstid på 6 månader. Etne Containerservice AS og Etne Elektrisitetslag AS var usamde om eigarskapen til dei kreosotimpregnerte stolpane. Sidan ansvarsforholda er uklare, har begge verksemdene fått avvik for uforsvarleg handtering av farleg avfall. Levering av eige farleg avfall Eige farleg avfall var lagra meir enn 1 år. Kommentar til tilbakemelding og tiltak: Etter tilsynet i august har verksemda opplyst i e-post 19. og 28. august at Etne Elektrisitetslag AS har levert det kreosothaldige avfallet til HIM, og at dei for framtida ville ha avtale om levering dit. I avfallsdeklarering.no viser deklarasjonsnummer at Etne Elektrisitetslag AS har levert kg farleg avfall til HIM den 24. august Fylkesmannen tar til orientering at punktet som gjeld lagring og levering av kreosotimpregnert avfall er retta og vidare oppfølging av denne delen av avviket vert avslutta. Det er framleis avvik når det gjeld lagringstid for eige farleg avfall. Inspeksjonsrapport I.FMHO Side 7 av 10

8 Avvik 3: Krav for å hindre utslepp til vatn og grunn er ikkje innfridd Avvik frå: Løyvet punkt 3.1 Utslepp til vatn og grunn Kommentar til regelverket: Sortering, omlasting og lagring av avfall skal ikkje medføre produksjon av forureina sigevatn eller prosessavløpsvatn. Eventuelt spill, søl og forureina overvatn skal reinsast via oljeutskiljar og sandfang. Etter reinsing skal vatnet leiast til tett tank. Verksemda skal vere innretta slik at det ikkje skjer utslepp til grunnen. Avviket er basert på følgjande observasjonar under tilsynet: Under tilsynet førte lagring og handtering av avfall til produksjon av forureina sigevatn og overvatn. Ikkje alt forureina sige- og overvatn vart samla opp, reinsa og ført til tett tank slik det er krav om, men gjekk direkte i grunnen og til Etne-elva. Fleire avfallsfraksjonar vart lagra ute slik at det kom i kontakt med vatn, og det hadde oppstått forureina vatn. Forureina vatn frå kontakt med plastemballerte ballar (nokre med hol i plasten, og nokre ballar lagra i ein vassdam), kreosotimpregnert trevirke, bildekk og opne, utette konteinarar med diverse avfall gjekk i grunnen. Forureina vatn frå kontakt med trevirke, landbruksplast, diverse metall og anna utsorter avfall lagra på asfaltert område vart ført til sluk med sandfang og til utslepp i Etneelva. Ved tilsynet var det synleg oljefilm på asfalten. Utandørs lagring av avfall vil føre til produksjon av forureina sigevatn, men type forureining og konsentrasjon vil variere. Ein stikkprøve av vatnet i bekken ved utsleppspunktet til elva gjev ein indikasjon på tilstanden i bekken, men er ikkje nok for å dokumentere at det ikkje er produksjon av forureina vatn frå anlegget eller at anlegget ikkje fører til forureining. Avvik 4: Internkontrollen har manglar Avvik frå: Internkontrollforskrifta 5 punkt 6 om risikovurdering og punkt 7 om rutinar Løyve punkt 2.5 Krav til kompetanse om farleg avfall Løyve punkt 4.4 Dokumentasjon og mottakskontroll Kommentar til regelverket: Risikovurdering Verksemda skal kartleggje farar og problem, vurdere risiko, og lage planar og tiltak for å redusere risikotilhøva. Inspeksjonsrapport I.FMHO Side 8 av 10

9 Rutinar og mottakskontroll Verksemda skal ha rutinar for å avdekke, rette opp og førebyggje brot på krav i løyvet eller andre krav i miljøregelverket. Rutinane skal vere skriftlege. I løyvet er det særskilt krav til at verksemda skal ha rutinar for mottakskontroll slik at ulovleg avfall som kjem inn på anlegget vert sortert ut. Ulovleg avfall skal registrerast og følgjast opp som avvik. Kunnskap om farleg avfall Verksemda skal ha naudsynt kompetanse om farleg avfall, m.a. for å hindre at farleg avfall blir blanda med anna avfall. Verksemda skal ha plan for kompetanseutvikling. Kva som er definert som farleg avfall eller kva avfall som kan innehalde så høge konsentrasjonar av miljøfarlege stoff at det blir definert som farleg avfall, er heile tida under endring. Dette gjeld særleg avfall frå bygg og anlegg. Verksemda må ha oppdatert kunnskap på dette området for å kunne skilje farleg avfall frå ikkje-farleg avfall mellom anna ved sortering av blanda næringsavfall. Verksemda må også sørgje for at oppdatert kunnskap blir formidla vidare til tilsette og kundar. Avviket er basert på følgjande observasjonar under tilsynet: Risikovurdering Risikovurderinga omfattar ikkje ytre miljø. Verksemda må sjølve identifisere kva for hendingar med følgjer for ytre miljø som skal risikovurderast. Utslepp til Etne-elva, overfylt sorteringshall, overskriding av grensene for tillate avfallsmengder og lagringstid, utslepp av brannslokkevatn og innhald av farleg avfall i restavfallet er døme på hendingar som må risikovurderast. Verksemda opplyste at nytt internkontrollsystem er under utarbeiding. Rutinar og mottakskontroll Skriftlege rutinar etterlyst på dei to førre tilsyna var ikkje tilgjengelege under tilsynet; Handtering av farleg avfall: rutinane var ikkje skriftlege. Mottakskontroll for avfall: det var ikkje skriftlege rutinar for kva som var ulovlege fraksjonar og skulle kontrollerast før mottak og sorterast ut ved feillevering. Dette er særleg viktig når det er manglande kompetanse om kva som er farleg avfall Mottakskontroll for bygg- og anleggsavfall: det var ikkje skriftlege rutinar for å sjekke om det var gjennomført kartlegging og utsortering av farleg avfall før mottak av bygg- og anleggsavfall. Ved synfaringa vart det observert at verksemda hadde tatt imot isolasjonsmateriale som kunne vere farleg avfall utan å sjekke om avfallet var klassifisert som farleg avfall Kommentar til tilbakemelding og tiltak: I e-post 28. august er det opplyst at verksemda har skaffa datablad frå kunden som leverte isolasjonsmaterialet, og dette viser at avfallet ikkje er klassifisert som farleg. Fylkesmannen tar til orientering at isolasjonsmaterialet ikkje er farleg avfall. Vidare oppfølging av denne delen av avviket vert avslutta. Kunnskap om farleg avfall Verksemda hadde manglande kompetanse om kva avfall som er farleg avfall og krav til handtering av dette. Manglande kunnskap om kva som er farleg avfall er særleg kritisk når verksemda manglar skriftlege rutinar for mottakskontroll og handtering av farleg avfall. Verksemda hadde heller ikkje plan for kompetanseutvikling for å sikre kunnskap om farleg avfall. Inspeksjonsrapport I.FMHO Side 9 av 10

10 Kommentar til tilbakemelding og tiltak: I e-post 12. september er det opplyst at 4 tilsette på anlegget har gjennomført NFFA sitt grunnkurs 1 og 2. Fylkesmannen tar til orientering at punktet som gjeld manglande kompetanse om farleg avfall er retta, og vidare oppfølging av denne delen av avviket vert avslutta. Verksemda har ikkje plan for kompetanseutvikling, og det er framleis avvik på dette punktet. 9. Merknader Det vart ikkje gitt merknader under inspeksjonen. 10. Andre tilhøve Endring av løyve Fylkesmannen fekk i 2016 søknad frå verksemda om utvida lagringstid, auka lagringsmengde og utandørs lagring av avfall. Søknaden var mangelfull, og vi har etterlyst meir informasjon fleire gongar. Det er sendt inn nye opplysningar om søknaden 17. juni Ved tilsynet opplyste vi at søknaden framleis manglar informasjon. Vi bad verksemda bruke nytt søknadsskjema for avfallsanlegg, sjå som utgangspunkt for å lage ein fullstendig søknad om endring i løyvet. I lys av at det har tatt tid å få ein fullstendig søknad, vil vi rå verksemda til å vurdere å be eit konsulentfirma om hjelp til utarbeiding av søknaden. Fylkesmannen kan ikkje handsame søknaden før det er sendt inn tilstrekkeleg informasjon. Inntil dette er gjort vert saka stilt i bero. Vi vil gjenta informasjonen i vårt brev om at det framleis er krava i løyve av 2. juli 2012 som gjeld, og at inntil søknaden er handsama, legg vi til grunn at verksemda rettar seg etter gjeldande krav. 11. Dokumentunderlag Lovgrunnlaget for inspeksjonen var: Forureiningslova Avfallsforskrifta Internkontrollforskrifta Løyve til verksemd etter forureiningslova frå Fylkesmannen Inspeksjonsrapport I.FMHO Side 10 av 10