Rapport frå inspeksjon ved Strandvik Transport Sorteringsanlegg

Transkript

1 Fylkesmannen i Hordaland STRANDVIK TRANSPORT OG MASKIN AS Bergen, 11. mai 2018 Håvikvegen Strandvik Sendt på e-post til: dulten@online.no Dykkar ref.: Vår ref.(oppgi ved svar): Olav Vik 2016/2399 Sakshandsamar: Nina Vadøy Rapport frå inspeksjon ved Strandvik Transport Sorteringsanlegg Kontrollnummer: I.FMHO Kontaktpersonar ved inspeksjonen: Frå verksemda: Olav Vik, Ingeborg Vik og Geir Aase Frå Fylkesmannen i Hordaland: Nina Vadøy og Sissel Storebø Resultat frå inspeksjonen Denne rapporten gjeld resultatet frå inspeksjon ved Strandvik Transport Sorteringsanlegg den 12. april Rapporten er å sjå på som endeleg dersom vi ikkje får tilbakemelding om faktiske feil innan to veker etter at rapporten er motteken. Fylkesmannen i Hordaland avdekka 4 avvik og ga ingen merknader innan følgjande tema under inspeksjonen: handtering av avfall, inkludert farleg avfall krav i løyvet internkontroll Vi ser alvorleg på avvika. Strandvik Transport og Maskin AS må sende skriftleg melding innan 15. august 2018 på at avvika er retta. Avvik og merknader er nærare omtalte frå side 3 og utover i rapporten. Oppfølginga etter inspeksjonen er nærare omtalt på side 3. Elektronisk dokumentert godkjenning, utan underskrift Nina Vadøy overingeniør Kjell Kvingedal miljøvernsjef Kopi til: Fusa kommune Fylkesmannen i Hordaland Postadresse: Postboks 7310, 5020 Bergen Besøksadresse: Statens hus, Kaigaten 9 Telefon: Org. nr.: E-post: fmhopostmottak@fylkesmannen.no Internett:

2 1. Informasjon om den kontrollerte verksemda Ansvarleg eining Namn: STRANDVIK TRANSPORT OG MASKIN AS Organisasjonsnr.: Eigd av: Bransjenr. (NACE-kode): Godstransport på veg Kontrollert eining Namn: Strandvik Transport Sorteringsanlegg Anleggsnr.: Kommune: Fusa Anleggsaktivitet: Avfall - mottak, mellomlagring og sortering Fylke: Hordaland Løyve gitt: Sist endra: Bakgrunn for inspeksjonen Inspeksjonen vart gjennomført for å kontrollere om gjeldande krav som er fastsette i eller med heimel i forureiningslova, vert overhaldne. Inspeksjonen vart gjennomført for å følgje opp alvorleg avvik ved førre tilsyn 10. juli Tilsynet vart gjennomført med heimel i forureiningslova 48. Inspeksjonstema internkontroll med vekt på risikovurdering, avvikshandtering og skriftlege rutinar for ytre miljø utslepp til vatn, grunn og luft handtering av avfall, inkludert farleg avfall vidarelevering av avfall løyvet datert 7. mars 1997 Rapporten gjeld avvik som vart avdekka under inspeksjonen. Han gir ingen fullstendig tilstandsvurdering av miljøarbeidet eller miljøstatusen til verksemda. Definisjonar Avvik: Manglande etterleving av krav fastsette i eller med heimel i lov. Merknad: Eit tilhøve som tilsynsetatane meiner det er naudsynt å peike på for å ivareta ytre miljø, men som ikkje er omfatta av definisjonen for avvik. Andre tilhøve: Saker som kom fram under inspeksjonen og som det kan vere nyttig for verksemda og sakshandsamarar å kjenne til. Informasjon om verksemda og kommentarar til tema som vart tekne opp under inspeksjonen, men som ikkje vart klassifisert som avvik eller merknader, kan også inngå her. Inspeksjonsrapport I.FMHO Side 2 av 10

3 3. Oppfølging etter inspeksjonen Strandvik Transport og Maskin AS pliktar å rette opp avvika som er omtalte i denne rapporten så snart som råd. For at Fylkesmannen skal kunne avslutte saka, ber vi om at Strandvik Transport og Maskin AS innan 15. august 2018 sender ei skriftleg utgreiing som viser korleis avvika er retta og kva tiltak som er gjennomførte eller planlagde. Fleire avvik er dei same som vart gitt ved førre tilsyn i juli 2017 og dei fører til forureining og forsøpling. Vi ser alvorleg på avvika som vart avdekka i denne inspeksjonen, og vidare drift av anlegget føreset at avvika blir retta. Gjennomføringa av tiltaka vil bli følgd opp ved nytt tilsyn. Vi ber om at de stiler svarbrev eller e-post (fmhopostmottak@fylkesmannen.no) til Fylkesmannen i Hordaland v/nina Vadøy. 4. Varsel om tvangsmulkt for retting av avvik Fylkesmannen varslar at vi vil fatte vedtak om tvangsmulkt (jf. forureiningslova 73) dersom vi ikkje har motteke ei skriftleg stadfesting på at avvika er retta innan 15. august Tvangsmulkta vil starte dersom vi ikkje har fått stadfesting på at avvika er retta innan 4 veker etter at vedtaket om tvangsmulkt vart fatta. Ei eventuell tvangsmulkt vil vere eit eingongsbeløp på kroner. De har høve til å kome med merknader til dette varselet. Eventuelle merknader må sendast til Fylkesmannen i Hordaland innan to veker etter at denne rapporten er motteken. 5. Varsel om gebyr Vi viser til informasjon og varsel om gebyrplikt som vart gitt til verksemda under tilsynet den 12. april Verksemder skal betale gebyr for kontrollar utførte av Fylkesmannen i samsvar med 39-3 i forureiningsforskrifta. Gebyret skal dekke kostnader med førebuing, gjennomføring og oppfølging av kontrollen. Gebyrsatsar for kontroll av verksemder utan løyve etter forureiningslova er fastsette i forureiningsforskrifta 39-7 og Under tilsynet varsla vi eit gebyr på kroner. Dette svarer til gebyrsats 2 for tilsyn av inntil ein dags varigheit. På bakgrunn av ressursbruk for planlegging av tilsyn, gjennomføring av tilsynet og skriving av rapport med omfattande avvik har vi vurdert at gebyrsatsen vert auka til kroner som tilsvarar sats 1. Vi varslar derfor at Strandvik Transport og Maskin AS må betale eit gebyr på kroner for inspeksjonen, jf. forureiningsforskrifta 39-7 og De har høve til å kome med merknader til dette varselet. Eventuelle merknader må sendast til Fylkesmannen i Hordaland innan to veker etter at denne rapporten er motteken. Inspeksjonsrapport I.FMHO Side 3 av 10

4 6. Innsyn Denne rapporten vil vere offentleg tilgjengeleg via postjournalen til Fylkesmannen i Hordaland, jf. offentleglova. 7. Avvik Vi fann følgjande avvik under inspeksjonen: Avvik 1 Handtering av farleg avfall er ikkje i samsvar med regelverket. Avvik frå: Avfallsforskrifta 11-2, 11-5 og 11-8 Forureiningslova 32 Kommentarar til regelverket: Lagring av farleg avfall Farleg avfall skal mellomlagrast forsvarleg. Den som tar hand om farleg avfall har ansvar for å treffe nødvendige tiltak slik at farleg avfall ikkje fører til forureining. Farepotensialet til avfallet set krav til lagringsplassen. Den må vere verna mot ytre påverknad og sikring mot lekkasjar og uvedkomande. Det er også krav til at ein held orden og oversikt over avfallet, ved ryddig og separat plassering og med tydeleg merking av innhaldet. Leveringsplikt Verksemder der det oppstår farleg avfall, skal levere dette til godkjent mottak minst ein gong i året. Verksemda som leverer avfallet skal gje tilstrekkeleg opplysningar om opphavet til avfallet, innhald og eigenskapar, slik at den vidare handteringa av avfallet kan skje på forsvarleg måte. Det blir gjort ved å fylle ut deklarasjon på avfallsdeklarering.no. Sentrifugering av olje blir rekna som behandling av farleg avfall og krev løyve frå Miljødirektoratet. Krav om løyve gjeld ikkje for verksemder som har løyve med heimel i forureiningslova 11 til handtering av farleg avfall frå eiga verksemd. Krav om løyve gjeld heller ikkje ved gjenvinning av eige farleg avfall som skjer innanfor området til verksemda, dersom gjenvinningsprosessen ikkje fører til fare for forureining, jf. forureiningslova 7. Avviket er basert på følgjande observasjonar: Lagring av farleg avfall og leveringsplikt Verksemda hadde ikkje oversikt over kva for farleg avfall som oppstod ved drifta og farleg avfall stod lagra diverse plassar inne i den gamle hallen. Det farlege avfallet var ikkje merka. Sjå bilde 1 og 2. Dette vart også påpeikt under tilsyn i juli Inne i hallen stod det lagra ei opa bøtte med olje. Sjå bilde 3. Det vart opplyst at dette skulle hellast på ein IBC-konteinar med olje som inneheldt vatn. Innhaldet på IBCkonteinaren skulle sendast til Knas i Førde for sentrifugering for å skilje oljen frå vatn slik at oljen kunne brukast om igjen. Inspeksjonsrapport I.FMHO Side 4 av 10

5 Inne i hallen låg fleire eternittplater som har falle av ytterveggen. Sjå bilde 4. Avvik 2 Verksemda lagrar ikkje avfall i samsvar med krav i løyvet. Avvik frå: Løyvet datert 7. mars 1997, punkt 3.2 Kommentarar til regelverket: Avfallet skal lagrast på ein slik måte at det ikkje er skjemmande eller fører til fare for lukt, avrenning eller annan forureining. Lagring av avfall inkludert usortert materiale skal som eit minimum gå føre seg på tett flate med fall til sluk. Avviket er basert på følgjande observasjonar: Det var avfall rundt om kring på området som ikkje var lagra forsvarleg. Til dømes var det lagra røyr med kablar og fiskegarn på grus. Konteinarar og behaldarar var ikkje merka og området var generelt uoversiktleg og bar preg av forsøpling. Verksemda har etter tilsynet i juli 2017 fjerna ein del avfall, men det er framleis ein del avfall som ikkje er lagra etter krav i løyvet. Sjå bilde 5, 6 og 7. I eksisterande løyve står det at alt sigevatn frå omlasting og sortering og eventuelt anna forureina avløpsvatn frå verksemda skal før påslepp til offentleg avløpsnett reinsast via sandfang og oljeutskiljar. Det står også at lagring av avfall inkludert usortert materiale skal som eit minimum gå føre seg på tett flate med fall til sluk. Fylkesmannen vil presisere at ved revidering av løyve vil det ikkje bli tillate med utslepp til vatn frå innandørs avfallshandtering. Eventuell avrenning skal samlast opp, handterast og klassifiserast som avfall. Avvik 3: Internkontrollen er mangelfull på ytre miljø. Avvik frå: Internkontrollforskrifta 5 andre ledd, punkt 2, 6, 7 og 8 Kommentar til regelverket: Kunnskap og kompetanse Verksemda skal sørgje for at arbeidstakarane har tilstrekkeleg kunnskap og ferdigheiter i det systematiske helse-, miljø- og sikkerheitsarbeidet. Det er særleg viktig med kompetanse om farleg avfall for å hindre at dette kjem på avvege og sikre forsvarleg handtering. Kva som er definert som farleg avfall eller kva avfall som kan innehalde så høge konsentrasjonar av miljøfarlege stoff at det blir definert som farleg avfall, er heile tida under endring. Dette gjeld særleg avfall frå bygg og anlegg. Verksemda må ha oppdatert kunnskap på dette området for å kunne skilje farleg avfall frå ikkje-farleg avfall mellom anna ved sortering av blanda næringsavfall. Verksemda må også sørgje for at oppdatert kunnskap blir formidla vidare til tilsette og kundar. Inspeksjonsrapport I.FMHO Side 5 av 10

6 Risikovurdering Verksemda skal ha oversikt over all aktivitet som kan føre til forureining, og må kartleggje og vurdere risiko knytt til aktivitetar eller hendingar som kan påverke det ytre miljøet. På bakgrunn av kartlegginga må det utarbeidast planar og tiltak for å redusere risiko der det er naudsynt. Rutinar Verksemda skal utarbeide rutinar for å avdekke, rette opp og førebyggje overskridingar av krav fastsett i eller i medhald av helse-, miljø- og sikkerheitslovgivinga. Overvaking og gjennomgang av internkontrollen Verksemda skal systematisk overvake og gjennomgå internkontrollen for å sikre at den fungerer som den skal. Avviket er basert på følgjande observasjonar: Kunnskap og kompetanse Dei tilsette har ikkje nødvendig kompetanse og oppdatert kunnskap om farleg avfall. Dette vart også påpeikt under tilsyn i 2011 og i Avviket er mellom anna basert på at dei tilsette har manglande oversikt over kva som er farleg avfall på anlegget lagrar farleg avfall uforsvarleg leverer farleg avfall til behandling til ein aktør utan løyve brukar massar som kan innehalde farleg avfall Verksemda har ikkje etablert eit system for opplæring og oppdatering om kva avfallstypar som er/kan vere farleg avfall. Ein av dei tilsette har gjennomført dagskurs i farleg avfall i september 2017 og det vart opplyst at han skal ta fleire kurs. Risikovurdering Kartlegginga av farar og problem på verksemda er mangelfull og verksemda har ikkje ei tilfredsstillande skriftleg risikovurdering for ytre miljø. Avvikssystem Verksemda har etablert eit avvikssystem, men dette var ikkje tatt i bruk for ytre miljø. Rutinar I verksemda sin instruks for henting og tømming av eigne konteinarar står det at dei tilsette skal sjekke for uønskt avfall utan at det er definert kva uønskt avfall er. I verksemda sin instruks for mottak av avfall frå kundar som leverer avfall til sorteringsanlegget står det at alt avfall som kjem inn til anlegget skal kontrollerast utan at det er definert kva som skal kontrollerast. Det vart opplyst at konteinarar med blanda avfall frå kundar ofte inneheldt EE-avfall og farleg avfall. Dette vart også påpeikt i juli Verksemda har ikkje eit system for å sikre at avfall ikkje blir lagra lenger enn eitt år før avfallet blir levert til sluttbehandling, jf. avfallsforskrifta kapittel 9 om deponering av avfall. Det vart opplyst under tilsynet at noko avfall har vorte lagra i rundt eitt år, Inspeksjonsrapport I.FMHO Side 6 av 10

7 kanskje lenger. Dette vart gjort for å fylle ein lastebil ved vidarelevering til sluttbehandling. Verksemda hadde ikkje rutine for å oppdatere internkontrollen. Avvik 4: Verksemda har disponert avfall som kan føre til forureining utan at det var risikovurdert. Avvik frå: Forureiningslova 7 og 32 Internkontrollforskrifta 5 andre ledd, punkt 6 Kommentar til regelverket: Ingen må ha, gjere eller sette i verk noko som kan føre til fare for forureining utan at det er lovleg etter forureiningslova 8 eller 9, eller tillate etter vedtak i medhald av 11. Den som produserer næringsavfall, skal sørge for at avfallet blir brakt til lovleg avfallsanlegg eller gjennomgår gjenvinning, slik at det enten sluttar å vere avfall eller på anna måte kjem til nytte ved å erstatte material som elles ville vorte brukt, jf. forureiningslova 32. Verksemda skal ha oversikt over all aktivitet som kan føre til forureining, og må kartleggje og vurdere risiko knytt til aktivitetar eller hendingar som kan påverke det ytre miljøet. På bakgrunn av kartlegginga må det utarbeidast planar og tiltak for å redusere risiko der det er naudsynt. Avviket er basert på følgjande observasjonar: Under tilsynet vart det observert bruk av avfall som utfyllingsmassar på anlegget. Jord og stein var blanda med mellom anna malt og umalt betong, restar av isolasjon, trevirke, elektriske leidningar. Sjå bilde 8. Slikt avfall kan innehalde miljøgifter som PCB, krom mv. og kan føre til spreiing av miljøgifter. Slik disponering fører til fare for forureining. Det var ikkje gjennomført risikovurdering og sett i verk risikoreduserande tiltak av disponeringa. Etter tilsynet har Fylkesmannen fått melding frå verksemda om at massane er gravne opp og erstatta med steinmassar. Verksemda har opplyst at avfallet er sett i konteinarar og at det skal leverast til eit lovleg deponi. 8. Merknader Vi ga ingen merknader under inspeksjonen. Inspeksjonsrapport I.FMHO Side 7 av 10

8 9. Andre tilhøve Behandling av søknad om endring av løyve Verksemda har 29. september 2017 med endring 31. oktober 2017 søkt om oppdatert løyve og om å etablere mottak og mellomlager for farleg avfall. Verksemda har løyve frå Fylkesmannen av 7. mars 1997 med sist endring 21. oktober Løyvet er av eldre dato og ikkje i samsvar med dagens regelverk. Vidare drift føreset derfor at løyvet blir revidert. Søknaden er til handsaming hos Fylkesmannen. Verksemda har opplyst at det kan vere aktuelt å ikkje etablere mottak og mellomlager for farleg avfall likevel. Fylkesmannen ventar på tilbakemelding frå verksemda om denne delen av søknaden skal trekkjast. Vi vil påpeike at det er grensene i løyvet av 7. mars 1997 som gjeld, og at inntil søknaden er ferdig behandla, legg vi til grunn at verksemda rettar seg etter gjeldande krav. I lys av at vi ser alvorleg på avvika, og at vidare drift føreset at avvika blir retta, vil vi informere om at dersom vesentlege delar av drifta ikkje er i samsvar med vilkåra, kan det vere aktuelt å trekkje gjeldande løyve og avslå søknaden av 29. september Tilbakemelding på årsrapport for 2017 I årsrapporten står det at det er tatt imot 1,64 tonn CCA-impregnert trevirke. Under tilsynet vart det avdekt at dette var feilrapportert. Verksemda har dokumentert at dette var mottak av ordinært trevirke som inneheldt fraksjonar av impregnert trevirke, slik at heile lasset måtte leverast som farleg avfall. Vi tek elles årsrapport for 2017 til orientering. I samband med årsrapporten for 2018 minner vi om ansvaret de har for å rapportere alle utslepp og tilhøve frå verksemda som kan ha noko å seie for miljøet. Dette gjeld uavhengig av om utsleppa er regulert i løyvet eller ikkje. Dette må de ta omsyn til i måleprogrammet/internkontrollen. 10. Dokumentunderlag Lovgrunnlaget for inspeksjonen var: Løyvet etter forureiningslova datert 7. mars 1997 med sist endring 21. oktober 2009 Forureiningslova Avfallsforskrifta kapittel 11 om farleg avfall Internkontrollforskrifta Årsrapport for 2017 Inspeksjonsrapport I.FMHO Side 8 av 10

9 11. Bilde Alle bilda er tatt av Fylkesmannen i Hordaland under tilsynet. Bilde 1: Lagring av farleg avfall inne i hall Bilde 3: Lagring av olje i opa bøtta utan merking. Bilde 2: Lagring av farleg avfall inne i hall Bilde 5: Lagring av avfall utandørs Inspeksjonsrapport I.FMHO Side 9 av 10

10 Bilde 7: Lagring av avfall utandørs Bilde 6: Lagring av avfall utandørs Bilde 4: Lagring av eternitt-plater inne i hall Bilde 8: Avfall disponert som utfyllingsmassar Inspeksjonsrapport I.FMHO Side 10 av 10