Fyresdal kommune Møteprotokoll Utval: Råd for eldre og menneske med nedsett funksjonsevne Møtestad: Kommunestyresalen Dato: 03.09.2015 Tid: 10:00-11:30 Fylgjande medlemmer møtte: Namn Funksjon Representerer Torleiv O. Veum Leiar Annveig Johre Nestleder Aud K Syvertsen Lukassen Medlem Karin Bergland Medlem Fylgjande medlemmer møtte ikkje: Namn Funksjon Representerer Nils Vidar Pettersen Medlem AP Fylgjande varamedlemmer møtte: Namn Møtte for Representerer Fylgjande frå administrasjonen møtte: Namn Stilling Ketil Kiland Rådmann Saker til handsaming:(sak nr./år, f.o.m. t.o.m.) PS 8/15 PS 9/15 PS 9/15 blei ettersendt og blei behandla i møtet. Merknader til møteboka: Godkjenning av protokoll: Torleiv Veum utvalsleiar Fellestenesta utvalssekretær Rådmannen si godkjenning, jfr. sakshandsamingsrutiner pkt. 12.0: Ketil O. Kiland rådmann
Saksliste Utvalssaksnr PS 7/15 RS 8/15 PS 8/15 PS 9/15 Innhald Referatsaker Orienteringar og meldingar Evaluering av REMNF Samlokalisering av offentlege og private tenester i Klokkarhamaren 6 (Fyresdal næringshage) - endeleg avgjerd Fyresdal 26.08.15 Torleiv Veum utvalsleiar Grethe Lassemo utvalssekretær
PS 7/15 Referatsaker RS 8/15 Orienteringar og meldingar Status på tidlegare saker i rådet: Pårørande skule for demente Dei tilsette på pleie og omsorgssenteret arbeider med å organisere eit demensteam. Pårørande skule/formidling av informasjon på ulike vis vil vere eit av områda det vil bli arbeidd med når teamet er i gang. Demensnettverket i Vest-Telemark arbeider med pårørandeskule. Frivilligsentral Det er gitt munnleg tilsagn frå Kulturdepartementet på kr 155 000,-. Folkehelseteamet har møte denne veka så vidare framdrift blir vel eit tema der. Lokal lag av Mental helse Kommunalsjef for helse og omsorg har hatt kontakt med fylkeslaget og avventar kontakt frå leiaren av laget. Samarbeid om psykiatritenesta Tema er teke opp både i arbeidsgruppa og styringsgruppa for samhandling i Vest-Telemark. Temaet blir arbeidd vidare med. Turveg i Hamaren Denne blir arbeidd med nå. Lyttevenn Rektor er positiv til dette. Kan det vere ein av oppgåvene gjennom frivilligsentralen? Eller skal rektor invitere til dette? Rådmann tek dette opp med kommunalsjefen for kultur og oppvekst. ------------------------------------ Karin Bergland var på eldrerådskonferansen og orienterte frå den. Alle har fått referat. Rådmann orienterte om at det er mogleg det blir eit tiltak med grøn omsorg i kommunen. Frå eit medlem kom det framlegg om å sete opp ein vennskapsbenk i barnehage og skule. Denne fungerar på den måten at om nokon set seg der har alle som ser det eit ansvar for å gå dit å vere ein venn.
PS 8/15 Evaluering av REMNF Innstilling frå rådmannen: REMNF evaluerer måten rådet har fungert på for perioden 2011-2015 og gir si tilråding til kommunestyret på korleis dei to gruppene rådet representerer på best mogleg måte kan fungere for neste kommunestyreperiode. Rådmannen klargjorde for saka og rådet evaluerte dei 4 åra som har vore. Det kom fram to framlegg. - Vidareføre som i dag, eit felles råd for eldre og for menneske med nedsett funksjonsevne, men med auka tal representantar, opp til sju, inklusiv ein politikar. - Lage to råd, eit eldreråd og eit råd for menneske med nedsett funksjonsevne Dette blei det stemt over og det blei fleirtal 3 mot 1 for å ha to råd. Tal på representantar i desse råda bør vere fem, inklusiv ein politikar Dersom kommunestyre likevel vel å ha eitt felles råd ynskjer dagens råd at: Kommunestyret vel leiar, frå pensjonistane, og nestleiar frå brukarorganisasjonane Leiar bør site for to år av gonga, då bør nestleiaren gå opp som leiar. Vedtak i Råd for eldre og menneske med nedsett funksjonsevne - 03.09.2015 Råd for eldre og menneske med nedsett funksjonsevne ynskjer i neste kommunestyreperiode å ha to råd, eit eldreråd og eit råd for menneske med nedsett funksjonsevne. Desse råda bør vere samansett av fem representantar. Dersom kommunestyre likevel vel å ha eitt felles råd ynskjer dagens råd at: Rådet skal ha 3 representantar frå pensjonistane og 3 representantar frå brukarorganisasjonar, samt ein politikar. Kommunestyret vel leiar, frå pensjonistane, og nestleiar frå brukarorganisasjonane Leiar bør site for to år av gonga, då bør nestleiaren gå opp som leiar. PS 9/15 Samlokalisering av offentlege og private tenester i Klokkarhamaren 6 (Fyresdal næringshage) - endeleg avgjerd Innstilling frå rådmannen: Fyresdal kommune gjer fylgjande leigeavtale med FN Eigedom AS: 1. Fyresdal kommune leiger frå den tid Klokkarhamaren 6 er klar for innflytting i byggesteg to: Ca. 137 m2 i første høgda og 175 m2 i andre høgda med tillegg for kyrkja 40 m2, NAV 91 m2 og utvendig toalett 7,5m2. Vedlagte leigekontrakt næringslokaler leggast til grunn for leigeavtala. Dersom kontor som leigast av Fyresdal kommune blir ståande ledig forpliktar FN Eigedom AS seg til å leige ut desse før andre ledige kontor blir leigd ut. Blir å innarbeide i leigeavtala. Fyresdal kommune gjer leigeavtale med FN Eigedom AS for ein periode på 15 år og for 5 år for NAV frå den tid bygget er klart til innflytting.
2. Fyresdal kommune gir ein garanti for eit lån som FN Eigedom AS tar opp innafor ei ramme av 40 mill. kr i KLP Banken basert på dei lånevilkåra som oppnåast med løpande rente og i forhold til innkomen eigenkapital. Fyresdal kommune er sjølvskuldarkausjonist for ein periode av 10 år frå den tid lånet blir tatt opp. Fyresdal kommune får ein årleg husleigereduksjon på kr 120.000 for denne perioden som trekkast frå den til kvar tid gjeldande husleiga. 3. Fyresdal kommune mottek av FN Eigedom AS ei årleg leige på kr 25.000,- for tilkopling av nettet kommunen brukar som energikjelde til varmepumper. 4. Fyresdal kommune skal kunne bruke det store møteromet i første høgda som kommunestyresal og legge til rette for dette behovet, så som ved møblering og utsmykning. 5. Fyresdal kommune tar kostnadane med "dobbelt-leige" av NAV-kontor fram til nåverande leigeavtale opphøyrer. Ekstra kostnad må innarbeidast i budsjett for 2017. Leigeavtala for NAV gjerast i samråd med NAV-stat og i tråd med gjeldande avtale, for ein periode på nye fem år frå den tid nåverande avtale går ut. 6. Fyresdal kommune leiger offentlege toalett med årleg leigesum på kr 70.000 per år som inkluderer reinhald, etterfylling av papir/såpe, straum vedlikehald etc. 7. Fyresdal kommune teiknar seg for inntil 1,5 mill. kr i nye aksjar i FN Eigedom AS. Løyvinga finansierast med å omdisponere i investeringsbudsjettet med kr 350.000 frå gateljos i 2016 og kr 1.150.000 frå ventilasjon helse høvesvis med kr 400.000 i 2015 og 750.000 i 2016. Dette føreset at aksjekapitalutvidinga i FN Eigedom AS først blir gjennomført i 2016 og sum aksjar fastsett i forhold til sum eigenkapital i selskapet. 8. Fyresdal kommune avset kr 600.000 til inventar etc. Løyvinga blir å ta i frå rådmannens million for 2016. 9. Vask, drift av kaffemaskiner, kopieringsmaskiner etc. utførast av Fyresdal Næringshage AS til marknadspris. Fyresdal kommune kan om dei ønskjer det ta over delar eller alle desse oppgåvene for sin del etter avtale med Fyresdal Næringshage AS. 10. Rådmannen utarbeider innan 1. oktober 2016 eiga sak om framtida til Gardar, Meinstad og kommunehuset. 11. Det er ein føresetnad at FN Eigedom AS innanfor avtalt husleige etablerar tilstrekkeleg med parkeringsplassar for besøkande og tilsette. 12. Fyresdal kommune gjer avtale med FN Eigedom AS for leige av Gardar til Telemark Lys AS i byggeperioden. 13. Fyresdal kommune sine kostnader med leige av kontor innarbeidast i budsjett for 2017. 14. Ordføraren får fullmakt til å signere nødvendige avtaler vedrørande samlokalisieringa. Rådmannen orienterte om saka. Rådet tek ikkje stilling til realiteten i sjølve saka, det overlet ein til kommunestyret. Spørsmål om veg til kommuneadministrasjon ved næringsparken er ikkje nemd i saka. Rådet meiner dette svært viktig for eldre og funksjonshemma. Som kjent er vegane frå Folkestadbyen/Gimle skule til Næringshagen og Moland kyrkje smale, og utan fortau eller gangveg. Vedtak i Råd for eldre og menneske med nedsett funksjonsevne - 03.09.2015 Dersom Fyresdal kommune vedtek framlegget i kommunestyresak 46/15, må sikker veg stå ferdig til nye kontor blir tatt i bruk.