Arkiv: K2 - H00, K3 - &00 JournalpostID: 17/1405 Sakshandsamar: Helle, Stein Dato: 01.03.2017 Saksframlegg Saksnr. utval Utval Møtedato 005/17 Komité helse og omsorg 08.03.2017 014/17 Kommunestyret 08.03.2017 Forslag til forskrift om rett til opphald i sjukeheim - kriterie og venteliste Rådmannen sitt framlegg til vedtak: Forskrift om rett til opphald i sjukeheim kriterie og venteliste vert lagt ut på offentleg høyring i perioden 13.03.17 24.04.17 08.03.2017 Komité helse og omsorg Handsaming: Røysting - samrøystes: Komite for helse og omsorg er samd i rådmannen sitt framlegg til vedtak. KHO-005/17 Vedtak: Tilråding: Kommunestyret godkjenner rådmannen sitt framlegg til vedtak. 08.03.2017 Kommunestyret Handsaming: Røysting - samrøystes: Komite for helse og omsorg si tilråding vart vedteken. KOM-014/17 Vedtak: Forskrift om rett til opphald i sjukeheim kriterie og venteliste vert lagt ut på offentleg høyring i perioden 13.03.17 24.04.17
Kva saka gjeld : Bakgrunn for forskrifta er lovendringar i pasient- og brukerrettigheitslova og helse- og omsorgstenestelova om rett til opphald i sjukeheim mm. som trer i kraft 1. januar 2017. Lovendringa er vedtatt for å betre rettsstillinga til pasientar og brukarar når det gjeld rett til opphald i sjukeheim eller tilsvarande bustad særskilt tilrettelagt for heildøgns tenester. Lovendringa gjer det klart at pasient eller brukar har rett til slikt opphald dersom det etter ei helse- og omsorgsfagleg vurdering er det einaste kommunale tilbodet som kan sikre pasienten og brukaren nausynte og forsvarlege helse- og omsorgstenester. Kommunen er etter lovendringa forplikta til å fastsetje i forskrift kriterie for tildeling av langtidsopphald i sjukeheim. Hensikta med slike kriterie er å bidra til betre forutsigbarheit og mer åpenheit rundt tildelingsprosessen. Forskrifta skal regulere at søkjarar til langtidsopphald sjukeheim har rett til å få eit vedtak om å stå på venteliste. Dette gjeld dei pasientane og brukarane som tilfredsstiller kommunen sine kriterie for langtidsopphald, men som med forsvarleg hjelp kan vente på ein langtidsplass. Kommunen si forskrift skal også innehalde bestemmingar om korleis kommunen skal sikre forsvarlig oppfølgjing av dei som står på venteliste. Kommunen har ansvaret for å sørgje for kommunale helse- og omsorgstenester. Kommunen må etter lovendringa vere tydelege overfor egne innbyggarar på kva tenester som pasientar og brukarar kan forvente i eigen kommune. Retten til vedtak skal gje tryggheit for at vedkommande sitt behov er sett og at eit tilbod om sjukeheimsplass er der nå behovet tilseier det. Forslaget er utarbeida av ei arbeidsgruppe samansett av seksjonsleiar, kontorkonsulent og kommunalsjef for helse og omsorg. Høyringsforslaget kjem opp som sak i kommunestyret, og vert deretter lagt ut på høyring, om kommunestyret gjev sin tilslutnad til dette. Etter høyringa skal arbeidsgruppa fremje eit endeleg forslag til forskrift som skal vedtakast av Askvoll kommunestyre. Den nye forskrifta skal ha verknad frå 1. juli 2017. Saksutgreiing : MERKNADAR TIL FORSKRIFTA SINE ENKELTE BESTEMMINNGAR Til 1 Formål Formålet er angjeve i forarbeida til lovendringa. Til 2 Virkeområde Forskrifta gjeld pasientar og brukarar som har krav på helse- og omsorgstenester i Askvoll kommune. Lovendringa sidestiller «tilsvarende bolig særskilt tilrettelagt for heldøgns tjenester» med sjukeheim. Til 3 Definisjonar Her er langtidsopphald sjukeheim og venteliste definert. Langtidsopphald sjukeheim er fortrinnsvis eit opphald for eldre over 67 år, og det vil vere forbeholdt pasientar og brukarar som det er mest sannsynleg vil ha behovet livet ut. Det vert presisert at venteliste ikkje er eit køsystem, dette framgår også av forarbeida til lovendringa. Til 4 Generelt om tildeling langtidsopphald sjukeheim Bestemminga gjev nærare bestemmingar om omsorgsnivå, kven tilbodet er berekna for og brukermedverknad. I tillegger det sett krav til saksarbeidet før vedtak vert fatta. Det vert stillt krav om god utgreiing og vurdering av andre tiltak som er på eit lågare omsorgsnivå enn sjukeheim. Til 5 Kriterie for tildeling av langtidsopphald sjukeheim I denne bestemminga vert det angjeve kriteria kommunen vil legge vekt på ved ei heilheitsvurdering av om
pasient eller brukar skal få vedtak om at vedkommende får tildelt langtidsopphald i sjukeheim. Denne bestemminga gjev også noko om når pasient eller brukar likevel ikkje får langtidsopphald, sjølv om vedkommande oppfyller kriteria. Til 6 Rett til vedtak Pasient og brukar har krav på eit vedtak om vedkommande fyller kommunen sine kriterie for langtidsopphald. Vedtaket kan verte gjeve som eit avslag på søknaden om sjukeheim med begrunning for kvifor det er forsvarleg at vedkommende vert ivareteken i eigen heim eller i anna eigna bustad. I tillegg vil vedtaket opplyse om at vedkommande vil stå på kommunen si venteliste for pasientar og brukarar som er kvalifisert for langtidsopphald. Vedtaket gjev klagerett til Fylkesmannen. Til 7 Venteliste langtidsopphald sjukeheim Nærare bestemmingar om korleis kommunen skal handtere ventelista over kvalifiserte pasientar og brukarar. I forarbeida til lovendringa er det presisert at ventelista ikkje er ei køordning, og forskrifta tydleggjer dette. Det vil vere den som til einkvar tid har det største behovet som skal tildelast langtidsopphald når det vert ledig plass. Vurderinga av den enkelte skal vere basert individuelle behov. Forskrifta har ikkje noko maksimumstid for å stå på venteliste, det er likevel mest sannsynleg at personer som kvalifiserar for langtidsopphald sjukeheim, får tildelt plass sjølv om det vanskeleg for kommunen å forutsei når dette vil skje. Til 8 Oppfølging av ventelister langtidsopphald Bestemminga slår fast at kommunen skal sikre at pasientar og brukarar har naudsynte og forsvarlege tenester mens dei ventar på langtidsopphald. Det vert også stillt krav til kommunen si systematiske oppfølging av ventelistepasientar og brukarar. Til 9 Ikrafttredelse Lovendringa krev at dei kommunale forskriftene skal tre i kraft seinast 1. juli 2017. Saka vert lagt ut på offentleg høyring i perioden 13.03.17 24.04.17. Saka vert sendt ut til eldrerådet/råd for menneske med nedsett funksjonsevne. Den vert også distribuert internt til aktuelle einingar i Askvoll kommune. Aktuelle lover, forskrifter, avtalar m.m. Vedlegg i saka: 01.03.2017 Framlegg til forskrift om rett til opphald i sjukeheim 148345 25.01.2017 Kommunal forskrift - lovendring i pasient- og brukarrettslova og helse- og omsorgstenestelova 146203
Framlegg til forskrift om rett til opphald i sjukeheim - kriterie og venteliste 1. Formål Formålet med forskrifta er å få oversikt over behovet for langtidsopphald og bidra til forutsigbarheit og openheit rundt kriterie og tildelingsprosessen for langtidsopphald sjukeheim i Askvoll kommune. 2. Virkeområde Forskrifta gjeld pasient eller brukar som har rett etter pasient- og brukerrettigheitslova 2-1e. til langtidsopphald i sjukeheim i Askvoll kommune. Forskrifta gjeld Askvoll kommune sitt ansvar for å tilby langtidsopphald i sjukeheim etter helse- og omsorgstjenestelova 3-2 a., kriterie for tildeling opphald i sjukeheim og oppfølgjing av pasientar og brukarar på venteliste for langtidsopphald. 3. Definisjonar Langtidsopphald sjukeheim: Opphald utan sluttdato/tidsubegrensa opphald der pasienten eller brukaren sin helsetilstand og behov for helse- og omsorgstenester gjer at det ikkje er sannsynleg at vedkommande vil flytte heim eller få tilbod om lågare grad av helse- og omsorgstenester. Venteliste langtidsopphald sjukeheim: Kommunen si oversikt over dei pasientane og brukarane som etter søknad har fått vedtak om at dei er kvalifisert til langtidsopphald sjukeheim, men som med forsvarleg hjelp kan bu heime i påvente av langtidsopphald. Ventelista er ikkje eit køsystem, og plass på ventelista gjev ikkje fortrinnsrett til ledig plass på sjukeheim, jf. 7. 4. Generelt om tildeling langtidsopphald sjukeheim Langtidsopphald på sjukeheim er eit høgare omsorgsnivå enn helse- og omsorgstenester i heimen. Langtidsopphald i sjukeheim skal fortrinnsvis vere eit tilbod til personar over 67 år. Kommunen skal samhandle med pasient og brukar, deira pårørande og verge i tildelingsprosessen. Følgjande forhold må vere utgreia om pasient og brukar før ein søknad om langtidsopphald kan vurderast: - Pleie- og omsorgsbehov - Søkjars eige ønskje om langtidsopphald - Svikt i egenomsorg på grunn av demens - Andre relevante tiltak og tilrettelegging i heimen, f.eks hjelpemiddel - Kvardagsrehabilitering - Tryggheitsskapende tiltak, tryggleiksalarm og velferdsteknologi - Dagtilbod eller andre sosiale støttetiltak og auke omfang heimetenester og omsorgsbustad - Tidsbegrensa opphald i institusjon, korttids- eller rulleringsopphald - Familieforhold og nettverk - Oppdatert pasient- og brukerinformasjon fra kommunen si helse- og omsorgsteneste som yter tenester til søkjar - Oppdaterte helseopplysningar fra fastlege og spesialisthelseteneste
5 Kriterie for langtidsopphald i institusjon Pasient/brukar er varig ute av stand til ta vare på seg sjølv og ikkje lenger meistre gjeremål i dagleglivet grunna fysisk eller psykisk funksjonstap. Pasient/ brukar må ha eit omfattande behov for heildøgns helse og omsorgtenester, og ikkje få dekka sitt daglege behov for helsetenester, pleie og omsorg på eit forsvarleg nivå i eigen heim. Det må ligge føre ein oppdatert dokumentasjonsvurdering som skildrar funksjonsnivå ved hjelp av IPLOS og andre relevante opplysningar om pasienten/brukaren sitt behovsnivå. Under omfattende behov inngår ein heilheitsvurdering av funksjonsnivået og eigenomsorgen til pasient/bruker mellom anna i forhold til: - Samensett sjukdomsbilete - Kognitiv svikt og langtkomen demens - Alvorlig fallrisiko / immobilitet - Alvorlig svekka ADL-funksjon (t.d. personleg hygiene, toalettbesøk) - Alvorleg underernæring Langtidsopphald skal ikkje tildelast utan at alle andre alternative tenester er vurdert, prøvd ut eller ikkje funne føremålstenelege. 6. Rett til vedtak Kommunen kan fatte vedtak om avslag på søknad om langtidsopphald når det er forsvarleg at pasient eller brukar med omfattende behov for heildøgns helse- og omsorgstenester bur heime i påvente av langtidsopphald i sjukeheim. Vedtaket skal opplyse om at vedkommande er kvalifisert for langtidsopphald sjukeheim og vert sett på kommunen si venteliste for langtidsopphald, jf. 7. Pasientar og brukarar har rett til å klage over vedtak om avslag på sjukeheimsplass og plass på venteliste for langtidsopphald, jf. pasient- og brukerrettigheitslova 2-7 andre ledd og 7-2. 7. Venteliste langtidsopphald sjukeheim Pasientar og brukarar som har fått vedtak om at dei er kvalifisert for langtidsopphald, men som med forsvarleg hjelp kan bu heime i påvente av plass på sjukeheim skal førast på kommunen si venteliste for langtidsopphald. Ved kvar tildeling av langtidsopphald på sjukeheim, skal kommunen vurdere det individuelle behovet til nye søkjarar og alle som står på kommunen si venteliste for langtidsopphald. Kommunen si venteliste for langtidsopphald gjev ingen fortrinnsrett til plass på sjukeheim, pasientar og brukarar som søkjer seinare enn dei som allereie står på venteliste, vil kunne få plass først dersom deira behov vert vurdert som større. 8. Oppfølgjing av venteliste langtidsopphald Pasientar og brukarar som står på kommunen si venteliste for langtidsopphald skal kontinuerleg vurderast ut frå behovet for å verte tildelt plass ved sjukeheim. Kommunen sine rutinar skal sørgje for at pasientar og brukarar på venteliste har naudsynte og forsvarlege helse- og omsorgstenester mens dei ventar på tildeling av plass i sjukeheim. Kommunen skal ha ei systematisk og jamnleg evaluering og vurdering av helsetilstand og funksjonsnivå til pasientar og brukarar på venteliste for å fange opp eventuelle endringar i bistandsbehov. 9. Ikraftsetjing Forskriften trer i kraft 1. juli 2017.