EIT TILBOD TIL STUDENTAR VED HØGSKULEN I SOGN OG FJORDANE www.sisof.no
Førde Sogndal NY SOM STUDENT I SOGN OG FJORDANE Mellom fjordar og fjell på vestlandet ligg Sogndal, Førde og Sandane. Her finn du eit fantastisk studentmiljø, eit av dei beste i landet. Som student på ein av desse supre stadene vil du oppleva spektakulær natur som du sjeldan har sett makan til og som byr deg på utrulege turopplevingar. Vi legg også til rette for sosiale aktivitetar på vårt studenthus Meieriet i Sogndal og på Akutten kro i Førde. Dette saman med Høgskulen i Sogn og Fjordane sitt gode studietilbod vil gi deg ei god oppleving i studietida di! Treng du plass å bu har vi over 400 hyblar og leiligheter. Vi har kantiner der vi utviklar produkta våre etter trendar i ungdomsmiljøa. Bøker og rekvisita finn du i vår bokhandel Fjordbok og treng du barnehageplass har vi studentbarnehagen vår i Sogndal og avtalar med barnehage i Førde. Saman med studentorganisasjonane kan vi tilby deg treningssenter, aktivitetar i Sognahallen og turar i den flotte naturen. Treng du litt ekstra hjelp og har noko på hjarta kan du ta kontakt med studentrådgjevarane våre. Lykke til og velkommen til Sogn og Fjordane Randi Marie Sjøholt Direktør
Utan mat og drikke... MEIERIET I SOGNDAL Eit av dei beste studenthusa i landet kan by på masse aktivitetar gjennom heile studieåret. Her er det krokveldar, konsertar, disko, bingo, pubquiz og mykje meir. På Meieriet held studentsamfunnet til med alle sine aktivitetar, og du finn garantert noko av interesse! I same bygning finn du supert konsertlokale, pub og kafe. Sjå www.meieriet.no. Mykje av arbeidet er dugnadsbasert, og her kan den som ynskjer jobba i baren, kafeen eller som vakt. AKUTTEN I FØRDE Akutten er den nye kafeen og studentkroa i Førde. Her blir det og arrangert intimkonsertar og plassen er blitt svært populær. KANTINER I kantinene skal du ete godt. Vi er difor opptekne av at du som student skal få tilbod om både trendy og sunn mat. Du finn alltid eit godt tilbod i våre kantiner, og vi serverer både varm og kald mat. Saman med det hyggelege kantinepersonalet skal vi gjere dette til ei god oppleving for deg!
STUDENTVELFERD STUDENTRÅDGJEVING SISOF har rådgjevingsteneste for studentane både i Sogndal og Førde. Du kan snakke med studentrådgjevar om det du har på hjartet. Studentrådgjevaren har teieplikt og tilbodet er gratis. Lese og leve... FJORDBOK Bokhandelen vår, finn du i Fosshaugane Campus. Dette er studentane sin eigen bokhandel. Vi sel pensumlitteratur og rekvisita til konkurransedyktige prisar. Vi legg vekt på servise og skaffar deg det du treng anten det er pensumlitteratur eller andre ting til undervisninga. STUDENTBUSTADER Treng du ein stad å bu? Vi kan tilby deg hyblar eller leilegheiter etter ulike behov. Nokre hyblar er tilpassa funksjonshemma. Vi har bustader på alle tre studiestadene våre. Meir informasjon finn du ved å gå inn på www.sisof.no og bustadtorget. HELSESTASJON FOR UNGE VAKSNE (HUV) er eit tilbod for deg mellom 20 og 25 år som er student i Sogndal. Dette er eit samarbeidsprosjekt mellom SISOF, HSF og Sogndal kommune. Her kan du få hjelp og råd innan samliv og seksualitet, graviditet, abort m.m. HELSEKASSA Er eit tilbod for studentar som pådreg seg store utgifter i samband med helse. Vi kan tilby økonomisk hjelp utover det som trygdekontoret og andre instansar skal dekke. Til stades for deg... BARNEHAGE SISOF driv sin eigen barnehage i Sogndal. Barnehagen held til i flotte nye lokale i sentrum av Sogndal, med gangavstand til HSF sine avdelingar. Studentbarnehagen har 44 plassar. Barnehagen tilpassar seg studentane sin kvardag og tilbyr difor tenester utover ein vanleg barnehage. I Førde har vi samarbeid med Viebøen barnehage som ligg like ved bygget til Høgskulen.
www.sisof.no GASTA www.gasta.no Foto: oskar-andersen.no STUDENTSAMSKIPNADEN I SOGN OG FJORDANE Sogndal Førde Sandane SISOF Trolladalen 30 6856 Sogndal Tlf: 57 67 62 90 Fax 57 67 62 96 E-post: post@sisof.no