Sunde Resirk AS - løyve til lagring og handtering av avfall på eigedommen Øvstetunvegen 12 i Øvre Årdal

Sakshandsamar: Grete Haugan Vår dato Vår referanse Telefon: 57643148 23.02.2016 2010/14368-470 E-post: fmsfgha@fylkesmannen.no Dykkar dato Dykkar referanse Sunde Resirk AS Postboks 193 6882 ØVRE ÅRDAL Sunde Resirk AS - løyve til lagring og handtering av avfall på eigedommen Øvstetunvegen 12 i Øvre Årdal Fylkesmannen gir Sunde Resirk AS løyve etter ureiningslova til lagring og handtering av avfall på eigedommen Øvstetunvegen 12 i Øvre Årdal. Løyvet gjeld for lagring og pressing av papp og behandling av elektriske kablar for å fjerne plastisolasjon frå aluminium og kopar. Det vert og gitt løyve til lagring av containarar med vindauge og impregnert trevirke som er klargjort for transport til godkjent sluttbehandling. Forvaltninga sitt arbeid med utsleppsløyve er omfatta av ei gebyrordning, og verksemda vil få betalingskrav i etterkant. Vi viser til søknad frå Sunde Resirk AS dagsett 18.11.2015, og opplysningar som har komme fram under handsaminga av søknaden om løyve til lagring og handtering av avfall. Løyvet med tilhøyrande vilkår vert send saman med denne oversendinga. Dokumenta må sjåast i samanheng. Dette dokumentet gir bakgrunn for saka, grunngjeving for vedtak og nærare tolkingsgrunnlag for dei juridiske vilkåra i løyvedokumentet. Saksframstilling Sunde Resirk AS er ei etablert verksemd som driv med avfallshandtering. Verksemda har kjøpt eit industribygg i Øvre Årdal, og søkjer om løyve til å drive med handtering og lagring av avfall på det nye anlegget. Bakgrunn Sunde Resirk AS har i dag løyve til handtering av avfall ved anlegga i Utladalen i Årdal kommune og på Kaupanger i Sogndal kommune. Bedrifta har no kjøpt eit industribygg i Øvstetunvegen 12 i Øvre Årdal. Bygget har tidlegare vore nytta som mekanisk verkstad. Verksemda har planar om å flytte noko av aktiviteten som i dag er i Utladalen til det nye anlegget. Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: 57 64 30 00 Postboks 14, 6801 Førde Internett: Telefaks: 57 65 33 02 Telefon: 57 64 30 00 www.fylkesmannen.no/sfj Org.nr 974 763 907 Telefaks: 57 82 17 77

FYLKESMANNEN I SOGN OG FJORDANE 2/10 Det vert søkt om løyve etter ureiningslova til følgjande aktivitetar på eigedommen: Papp-presse: Sunde Resirk AS ønskjer å flytte papp-pressa frå anlegget i Utladalen grunna manglande lagerplass for råvarer/ ferdigvarer under tak. Granuleringsmaskin: Sunde Resirk AS ønskjer å flytte maskina som skil plast og metall i elektriske kablar og leidningar og kvernar dette til granulat til det nye lokalet. Lagerplass: Sunde Resirk AS ønskjer også å nytte bygget som mellomlager for containarar med vindauge og impregnert trevirke som er klare for transport. Alle aktivitetar og all lagring vil skje inne i bygget. Planstatus Årdal kommune opplyser at plangrunnlaget for området er Reguleringsplan for Grandane, planid 1424-1999002. Reguleringsføresegnene som regulerer bruken av bygget og tomta er: 3.3 Industriområde I området kan det førast opp bygningar for industriverksemd. Brann- og eksplosjonsfarleg industri må ikkje leggjast til planområdet. I industriområdet må det heller ikkje etablerast verksemder som vil vere til vesentleg ulempe for dei som bur i omkringliggjande bustadområde, med støy, andre forureiningar eller trafikk. Årdal kommune vurderer den omsøkte aktiviteten til å vere innanfor reguleringsføresegnene. Førehandsvarsling og offentleg høyring I og med at området er regulert til industri og det tidlegare har vore industriaktivitet i bygget, har Fylkesmannen vurdert det som tilstrekkeleg med ei avgrensa høyring der varsel har vore sendt direkte til naboar/nærliggande eigedomar og til Årdal kommune. Søknaden har vore kunngjort på Fylkesmannen si nettside. Det har kome 3 uttaler til søknaden. Uttalene er send til Sunde Resirk AS, og dei har gitt sine kommentarar i brev datert 22.01.2016. Innkomne uttaler Uttale frå Frank-Runar Øren Syner til brev motteke av fylkesmannen om å gje innspel på handsaming av søknaden. Me er opptekne av at det vert sett krav til å halde all aktivitet innandørs. Kva arbeidstid er det meint å ha?

FYLKESMANNEN I SOGN OG FJORDANE 3/10 Vert det utslepp av svevestøv frå granuleringsmaskina? Skal dette reinsast på nokon måte? Er dette maskiner som lagar mykje bråk? Er bygget lydisolert? Ein lyt å ta hensyn til at det vert ein del meir trafikk i bustadmiljøet i Øvre Årdal. All transport til og frå anlegget vil gjere til at det vert ein del meir tungtransport. Uttale frå Arild Johan Røneid Eg har vore nabo til industribygget sidan 1980 og det har i denne perioden vore aktivitet i bygget som til tider har hatt innverknad for miljøet og trivselen for naboane. Ei tid vart det også klaga til bedriftsleiar på støy og utslepp i luft, på den tida var det også skiftarbeid ved bedrifta. Oppsittarane her i grenda Børtnes håpar dei slepp å oppleve liknande no etter at nye eigarar har overteke bygget. Det framgår i søknaden at Sunde Resirk AS ikkje skal nytte heile bygget sjølve, og kva slags aktivitet leigetakarar event. startar opp med veit jo ingen i dag. INNSPEL / MERKNADER TIL POSISJONAR I SØKNADSSKJEMA OG TILLEGGSOPPLYSNINGAR FRÅ SØKAREN: Pos 2.6 - Avstand til naboar som har motteke dette brevet framgår ikkje av kartet, dette visar i hovedsak kun industribygget som eigendommen til Bygger'n. Pos. 3.3 og 6.2 - Råstoff til granuleringsmaskin inneheld EE-avfall og som vi veit inneheld ei rekke giftige stoff og som er uheldig både for mennesker, dyr og miljøet ellers. Det framgår i 6.2 at dette avfallet overgår grenseverdiar. Pos 5.2 - Filter på granuleringsmaskin skal fange opp fint støv, kva med måling av event. utsleppskomponentar kontinuerleg og kontroll med dette? Pos 5.3 - Det er iflg. søknaden ikkje planlagt målingar av avfall frå filter, det undrar eg meg over når ein veit kva typar giftige stoff EE-avfallet inneheld. Pos. 6.3, 6.5 og 7.1 I pos. 6.5 framgår det at mellomlagring for råstoff og ferdigvare ved anlegget vil utgjere mellom 500-1000 tonn, så ein del transport må det bli BÅDE TIL OG FRÅ ANLEGGET, og ikkje slik det framgår av pos. 6.3 der det blir peika på at maskinene er kjøpt for å redusere transportbehovet UT AV ANLEGGET. Mellom 500-1000 tonn skal også køyrast inn. Så i tillegg til støykjeldene som framgår i pos. 7.1 er eg oppteken av støy frå køyretøy som skal førestå transporten både til og frå anlegget. Pos7.4 I søknaden er det stilt spørsmål om bedriften får inn naboklager på støy. Søkaren har her svara JA med henvisning til vedlegg nr. 1. I vedlegget skriv søkaren at aktiviteten som er planlagt flytta historisk sett ikkje medført klage frå naboar kva støy angår. Ein kan vel ikkje først svare ja og deretter grunngje det med at dei ikkje har fått klage på den aktiviteten søknaden omhandlar. Pos. 8.1 Eg er oppteken av at gjeldande internkontroll i bedriften verkeleg ivaretek risiko som dei påfører det ytre miljø. Pos. 9.2 Eg merkar meg at det ikkje er utarbeidd beredskapsplan for handsaming av ekstraordinære utslepp. Dette med bakgrunn i dei ulike giftstoffa som er i EE-avfall. STØYSKJERMING MOT OMRÅDET MOT FARDALSELVA OG NABOANE I BØRTNES Dersom transport også skal skje gjennom industriport i den delen av bygget som vender mot

FYLKESMANNEN I SOGN OG FJORDANE 4/10 Fardalselva og Børtnes, vel eg anmode om at søkaren vert pålagt å sette opp støyskjerm mot dette området slik det er gjort ved bedriften i Utladalen. Uttale frå Årdal kommune, vedteken i Formannskapet 12.01.2016: 1. Årdal kommune vurderer den omsøkte aktiviteten til å vere innanfor reguleringsføresegnene, men ber Fylkesmannen sjå nærare på trafikk og støy. 2. Søkjar må gjennomføre ROS-analyse når det gjeld brann og eksplosjonsfare. Sunde Resirk AS sine kommentarar til uttalane. Generelle kommentarer. Vi har søkt om å flytte en del av aktiviteten vår til ny lokalitet. Dette er et bygg/område som er regulert for industrivirksomhet og som det fremgår av brev fra Årdal Kommune er virksomheten vurdert til å være innenfor gjeldende reguleringsplan. Alle områder i Årdal som er regulert til industrivirksomhet ligger i nær tilknytning til privatboliger og som automatisk vil kunne føre til ulemper for alle parter. Vi må som selskap gjøre det vi kan for å begrense slike ulemper. Konkrete tilbakemeldinger på forhold som oppfattes som negative kan hjelpe oss til å bli bedre. I Utladalen har vi hatt møter med naboer og som har ført til at vi har endret noen rutiner. I en travel hverdag er slike innspill positive og det kan være ting vi kan gjøre på en annen måte når vi blir klar over ulempene vi påfører andre. Maskinene vi har søkt om å flytte representerer, etter vår vurdering, ikke noe problem med tanke på støy eller andre utslipp, men vil automatisk føre til et endret transportmønster. Å få til virksomhet i et bygg på 2300 m2 uten transport av varer inn/ut vil være vanskelig. Siden bygget ikke har vært i bruk på en stund vil dette være ekstra merkbart. Vi har et løyve i Utladalen på behandling av 15000 tonn ordinært avfall og 1000 tonn farlig avfall årlig. Gjennomsnittet de siste 6 år har vært ca. 10000 tonn ordinært avfall og ca. 100 tonn farlig avfall. Avfall som er omhandlet av søknad utgjør i snitt de siste 6 år mindre enn 400 tonn årlig. Vi sender ut 1 lass med papp på 25 tonn hver mnd. og 3 lass med plast/big-bag hvert år. For granulat vil årlig mengde utgjøre 1-2 lass årlig. Transport inn på anlegget vil være betydelig større siden dette blir transportert i containere som inneholder mellom 3 og 20 tonn hver.

FYLKESMANNEN I SOGN OG FJORDANE 5/10 For å unngå at vi må kjøre til anlegget i Utladalen for veiing vil det bli montert bil-vekt på anlegget. Dette vil redusere trafikken betydelig til begge anleggene. Svar på tilbakemelding fra Årdal Kommune. Vi vil gjennomføre en ROS-analyse for de aktiviteter som omfattes av søknaden. Dette vil skje før vi starter flytting av maskinene. Transport inn/ut av anlegget er en nødvendig aktivitet for å kunne bruke anlegget, noe som også må ha vært en del av vurderingen som ble gjort da reguleringsplanen ble vedtatt. Svar på tilbakemelding fra Frank-Rune Øren. (Børtnes.) Med unntak av lasting/lossing av biler vil all omsøkt aktivitet foregå innendørs. Arbeidstiden vil være den samme som for anlegget i Utladalen, men antall dager med pressing og granulering vil være betydelig lavere. Dette er maskiner som i liten grad lager støy. Største støykilde vil være gravemaskinen som mater disse med råvarer. Svar på tilbakemelding fra Arild Johan Røneid. (Børtnes.) Pos. 2.6. Er ikke kjent med hvilke naboer varselet er sendt til. Pos. 5.2/5.3.Filterstøv går direkte i lukket sekk, plastgranulat går på band til big-bag. Målinger som er gjort viser verdier som tilsier at dette er farlig avfall. Slike målinger må behandles av laboratorier. Pos. 6.5. Det vil bli behandlet mellom 500 og 1000 tonn årlig -ikke mellomlagret. Mellomlagring vil utgjøre vesentlig mindre mengde siden ferdigvarer blir utsendt når vi har et komplett lass. Pos. 7.4. Aktiviteten vår gjelder mye mer enn disse 2 maskinene. Pos. 8.1/9.2.Vi planlegger ny risikovurdering for selskapets aktiviteter i 2016. All aktivitet i denne sammenheng vil foregå i den midterste hallen som kun har port mot øst. Vil som avslutning presisere at vi ikke ønsker å påføre naboer og miljø unødige ulemper, men at vi representerer en industri som medfører et betydelige transportbehov. Innspill som kan hjelpe oss til å redusere transportbehovet vil være ønskelig. Har forsøkt å besvare innspill på beste mulige måte, men ta gjerne kontakt hvis ytterligere informasjon er ønskelig.

FYLKESMANNEN I SOGN OG FJORDANE 6/10 Produksjonsforhold Ramme for produksjonen er gitt i vilkår 1. Med vesentlege endringar er meint endringar over om lag 10%, men også vedvarande produksjonsmengd over ramma kan utløyse behov for endring av løyvet. Det same gjeld ved andre nødvendige driftsendringar som kan føre til auka utslepp eller ulempe. Miljøpåverknad frå aktivitetane Avfallshandtering kan gje fleire ulike miljøpåverknader. Samstundes er denne type anlegg avgjerande for å i vare ta næringslivet sine behov for tiltak etter ureiningslova, redusere samla avfalls-/forsøplingstilhøve i kommunane det gjeld, og for å unngå unødvendig frakt av usortert avfall. Aktiviteten vil medføre støy. Dei viktigaste støykjeldene vurderer vi vil vere handtering av avfall og flytting/handtering av lagringseiningar for avfall på uteområdet. Det vil også vere støy frå køyretøy til og frå anlegget. All hovudaktivitet vil skje innandørs, og det er ikkje rekna med nemneverdig støy frå aktiviteten som skjer inne. Det er ikkje venta at aktiviteten vil føre til nemneverdig spreiing av støv til nabolaget eller til auka avrenning av ureina vatn. Verksemda har ei maskin som separerer plast og metall i elektriske kablar slik at metallet kan gjenbrukast. Ein analyse av plastgranulatet frå denne prosessen synte verdiar over grensa for farleg avfall for ftalater(dehp) og klorparafiner(mccp). Dette har difor vore deklarert og levert som farleg avfall. Det er ikkje venta at handteringa og vidareleveringa til godkjent avfallsmottakar vil føre til utslepp frå anlegget. Fylkesmannen sine vurderingar og grunngjeving for fastsette vilkår Fylkesmannen skal ved avgjerda av om løyve skal gjevast og ved fastsetjinga av vilkåra legge vekt på dei ureiningsmessige ulemper ved tiltaket samanhalde med dei fordelane og ulempene som tiltaket elles vil føre med seg, jf. ureiningslova 11. I tillegg skal krava i vassforskrifta 4-6 og kravet i naturmangfaldlova 8-12 leggjast til grunn som retningsliner ved utøving av skjønn etter ureiningslova. I merknadane frå naboar er det peika på mange ulike forhold, og fleire av innspela er lagt til grunn ved utforming av krav i utsleppsløyvet. Forhold som ikkje gjeld ureining og støy kan ikkje regulerast i vår løyvehandsaming. Plan for området Fylkesmannen har ved si avgjerd lagt vekt på at eigedommen er regulert til industri, og at Årdal kommune som planmyndigheit vurderer den omsøkte aktiviteten til å vere innanfor reguleringsføresegnene. Krav om ROS-analyse for brann- og eksplosjonsfare er gitt av Årdal kommune, og må følgjast opp av verksemda saman med kommunen som rette myndigheit.

FYLKESMANNEN I SOGN OG FJORDANE 7/10 Utslepp til luft I innspel frå nabo vert det uttrykt uro for eventuelt støv frå granuleringsmaskina. Sunde Resirk AS skriv i si tilbakemelding at alt filterstøv vil gå direkte i lukka sekk. Dette er ein aktivitet som skal skje inne i bygget, og eventuelt støv vil difor kunne vere eit arbeidsmiljøproblem heller enn eit problem for ytre miljø. Vi har difor ikkje sett spesielle støvgrenser i løyvet. Vi vil likevel merke at det er eit generelt krav i løyvet at ureining skal reduserast så langt som mogleg. Det er ikkje grunn til å tru at nokon av dei aktivitetane det no vert søkt om vil føre til lukt. Utslepp til vatn Avløp frå eigedommen går til kommunalt nett. Støy Årdal kommune har ikkje sett konkrete støykrav i gjeldande reguleringsplan for området. Naboar har i uttaler til søknaden vore bekymra for at drifta ved anlegget vil kunne føre til støyplager i nabolaget. Sunde Resirk AS viser i si tilbakemelding til at dei har motteke klagar på støy ved anlegget i Utladalen, men at desse klagene ikkje har vore knytt til den aktiviteten som no skal flyttast til Øvstetunvegen 12. Fylkesmannen vurderer at sjølv om aktiviteten skal skje innomhus i eit isolert bygg, vil transport og lasting/lossing kunne føre til støy. I løyvet er det difor sett støygrenser som samsvarar med støygrensene i industrikapittelet i ureiningsforskrifta. Støygrenser er utforma på same måte som i den statlege støyretningslina T-1442 (siste utgåve i 2012). Merk likevel av ekvivalenttida (som er tidsrommet støyutsleppa skal midlast over - sjå omtale av støy i løyvedokumentet) her skal reknast for døgnet med høgast støyutslepp og ikkje over året. Støygrensene gjeld all støy frå verksemda sine ordinære aktivitetar, inkludert intern transport på verksemdsområdet og lossing/lasting av råvarer og produkt. Det er sett støygrenser for dag (7 19) og kveld (19 23). Det skal ikkje vere støyande aktivitet på anlegget utanom desse tidene. Med desse støygrensene har Fylkesmannen vurdert at det ikkje er aktuelt å gi pålegg om støyskjerming. Uavhengig av støygrensene skal unødig støyutslepp avgrensast mest mogleg. Transport inn/ut av anlegget Uttalene frå naboar uttrykker uro for auka trafikk til/frå eigedommen og også støy knytt til dette. Årdal kommunen ber også om at Fylkesmannen ser nærare på trafikk og støy. Fylkesmannen har etter at desse høyringsuttalene kom inn bede Sunde Resirk AS om ei meir detaljert utgreiing om omfanget av transport til anlegget. Sunde Resirk AS har i sitt svar skissert følgjande behov for transport:

FYLKESMANNEN I SOGN OG FJORDANE 8/10 Årleg transportbehov Mengde Tal lass Inn på anlegget 500 tonn à 4 tonn 125 lass Ut av anlegget 500 tonn à 25 tonn 20 lass Diverse transport 50 lass Ca. 200 lass pr år vil utgjere eit snitt på 4 lass pr. veke, men dette vil ikkje vere jamt fordelt gjennom året. Normal køyrerute for transporten er Storevegen/Øvstetunvegen frå Rallaren til bygget. Denne strekninga er på 1400 meter med gangfelt på begge sider gjennom sentrum og på den eine sida på resten av strekninga. Fartsgrensa i området er 30 km/t, og det er mange fartsdumpar på strekningen. Fylkesmannen vurderer at den skisserte transportmengda ikkje er spesielt høg for ein industrieigedom, og vi meiner det ikkje er rimeleg å regulere transporten meir enn det som er gjort gjennom støykrava. Bedrifta har eit krav om loggføring av aktiviteten ved anlegget, og dette vil også omfatte loggføring av all transport. Internkontroll, miljørisikovurdering og beredskap Verksemda må avgjere kva dei meiner er akseptabel miljørisiko frå si aktivitet. Fylkesmannen kan overprøve verksemda si vurdering og presisere/stille nærare krav til tiltak. På bakgrunn av analyse av miljørisikoane og risikoreduserande tiltak, må verksemda etablere beredskap mot akutt ureining. Vilkår 7 omtalar nærare kva beredskapen skal handle om. Krav til internkontroll går fram av eige forskrift og plikta er presisert i vilkåra. Kravet føreset ein rad tiltak. Behovet for skriftleg dokumentasjon og oppfølging vil vere tydlegare for verksemda etter risikokartlegging av aktivitetar som kan ha følgjer for det ytre miljøet. Risikovurdering, eigne mål, handlingsplanar og skriftlege rutinar er sentrale dokument for HMS-styresmaktene sine tilsyn med verksemda. Tilhøva til naturmangfaldlova og vassforskrifta I tillegg til retningslinene i ureiningslova, er også prinsippa i 8-12 naturmangfaldlova lagde til grunn for vår vurdering. Arealbruken er i samsvar med endeleg vedtak etter plan- og bygningslova, og er opparbeidd til industriføremål. Naturmangfald vert difor i liten grad omfatta av denne etableringa, og nærare vurderingar etter 9 12 er vurdert å vere unødvendig. Omsyn til miljøet er forsøkt ivareteke så langt det er mogeleg med fastsetjing av vilkåra for drifta. Fylkesmannen har vurdert vurdert at den omsøkte aktiviteten ikkje er relevant i høve til føringane i vassforskrifta. Konklusjon På bakgrunn av søknaden og etter ei heilskapleg vurdering av miljømessige, tekniske og økonomiske forhold vurderer Fylkesmannen at utsleppskonsesjon (utsleppsløyve) med dei tilhøyrande vilkåra som omtalt i løyvedokumentet kan gjevast. Fylkesmannen vil føre eit risikobasert tilsyn med verksemda, og vil ha særskild fokus på tilhøve som har kome fram i søknadsprosessen.

FYLKESMANNEN I SOGN OG FJORDANE 9/10 Løyvedokumentet (utsleppskonsesjon) vert sendt saman med dette skrivet. Dei juridiske krava som elles ikkje går fram av lov- og forskriftsverket, eller som er presisert eller innskjerpa i høve til det generelle regelverket, er samla i løyvedokumentet. Fristar Tabellen nedanfor gir oversikt over fristar for gjennomføring av tiltak som løyvet krev: Tiltak Frist Tilvising til vilkår Miljørisikoanalyse og internkontroll bør vere på plass 2.2 ved oppstart, og må oppdaterast minst årleg Lagringstid ordinært avfall Maks. 12 månadar 3.3 Lagringstid farleg avfall Maks. 12 månader 3.4 Vurdere utbytting av miljøfarlege kjemikal Min. årleg 6 (substitusjon) Øving av beredskap Min. årleg 7 Rapportering til Fylkesmannen Årleg innan 1.mars 8.2 eller særskild frist det enkelte året Ha etablert tilfredsstillande finansiell Innan 12 månader 9 garanti frå løyvedato Oversikt over miljøpåverknad frå aktiviteten Årleg Miljøinformasjonslova Risikoklasse Bedrifta er plassert i risikoklasse 4. Fylkesmannen har lagt ureiningspotensiale og plassering av eigedommen til grunn for val av risikoklasse. Plassering i risikoklasse i samsvar med 39-6 har mest å seie for ressursbruk ved tilsyn og normalt intervall mellom tilsynsbesøk. Vedtak om gebyr Fylkesmannen si handsaming av søknader om nytt eller endra utsleppsløyve er omfatta av ei gebyrordning, jf. kap. 39 i ureiningsforskrifta. Vi viser til varsel om gebyrplikt datert 23.11.2015, og vedtek med dette at verksemda må betale eit gebyr til staten på kr. 21000,- for Fylkesmannen si handsaming av søknaden, jf. 39-4 i ureiningsforskrifta. Faktura vert sendt ut seinare av Miljødirektoratet. Gebyret forfell til betaling 30 dagar etter mottak av faktura. Generelle føresetnader for løyvet Endring eller tilbakekalling av løyvet Fylkesmannen kan gjere endringar i dette løyvet med heimel i 18 i ureiningslova. Endringar skal vere grunna på skriftleg saksbehandling og ei forsvarleg utgreiing av saka. Ein eventuell endringssøknad må difor liggje føre i god tid før endring kan gjennomførast.

FYLKESMANNEN I SOGN OG FJORDANE 10/10 Tilsyn Verksemda pliktar å la representantar for ureiningsstyresmaktene eller den som desse gjev fullmakt, få inspisere anlegget til ei kvar tid jf. ureiningslova kap. 7. Erstatningsansvar At ureininga er tilleten, fritek ikkje verksemda frå eventuelle erstatningsansvar for skade, ulemper eller tap som følgje av ureininga, jf. ureiningslova 10 og kap 8 (spesielt 56), og grannelova 6, 7 og 8. Dette løyvet fritek ikkje søkjaren for ansvar etter anna lovverk som gjeld for denne verksemda, t.d. arbeidsmiljø-, helse- og brannvernreglar. Klagerett Vedtaket - også plasseringa i risikoklasse, kan klagast på til Miljødirektoratet av partane i saka eller andre med rettsleg klageinteresse innan 3 veker etter melding om vedtak er kome fram eller frå vedkommande fekk eller burde skaffa seg kjennskap til vedtaket. Ein eventuell klage skal oppgje nærare kva det vert klaga på og den eller dei endringane som ein ønskjer. Klagen bør grunngjevast, og andre opplysningar som har noko å seie for saka bør nemnast. Klagen skal sendes til Fylkesmannen. Ein eventuell klage fører ikkje automatisk til at gjennomføringa av vedtaket vert utsett. Fylkesmannen eller Miljødirektoratet kan etter oppmoding eller av eige tiltak avgjere at vedtaket ikkje skal gjennomførast før klagefristen er ute eller klagen er avgjort. Avgjerda av spørsmålet om gjennomføring kan ikkje påklagast. Med visse avgrensingar har partane rett til å sjå sakens dokumenter. Nærare opplysningar om dette kan ein få ved å vende seg til Fylkesmannen. Andre opplysningar om reglar som har noko å seie for saka vil Fylkesmannen også kunne gje på førespurnad. Offentleggjering av løyvet Vedtaket vert kunngjort offentleg for dykkar rekning, jf. 36-11 i ureiningsforskrifta. Kunngjeringa vil innehalde ei kort orientering om løyvet, kvar ein kan vende seg for å få innsyn i saksdokumenta, og opplysningar om klageinstans og frist for ev. klage på vedtaket. Løyvet vert også publisert på Fylkesmannen si nettside. Med helsing Eyvin Sølsnæs Fung.fylkesmiljøvernsjef Grete Haugan senioringeniør Sendt saman med dette brevet: Utsleppsløyvet med vilkår Kopi til: Årdal kommune via EDU Arild Johan Røneid, Børtnes 10, 6884 Øvre Årdal Frank-Runar Øren, Børtnes 9, 6884 Øvre Årdal

Løyve etter ureiningslova for handtering og lagring av avfall i Øvstetunvegen 12 i Årdal kommune. Sunde Resirk AS Løyvet er gitt i medhald av lov om vern mot forurensninger og om avfall av 13. mars 1981 nr. 6 (ureiningslova), 11 jf. 16, 29, 11-6 i forskrift om gjenvinning og behandling av avfall av 1.6.2004 (avfallsforskrifta). Løyvet er gitt på grunnlag av opplysningar gitt i søknad av 18.november 2015, og opplysningar framkome under behandlinga av søknaden. Verksemddata Anlegg Sunde Resirk AS Øvstetunvegen 12 Verksemd Sunde Resirk AS Adresse, poststad Besøksadresse Postboks 193, 6882 Øvre Årdal Øvstetunvegen 12, Øvre Årdal Kommune og fylke Årdal i Sogn og Fjordane Gards- og bruksnr. 19/113 UTM midtpunkt 6797833 434913 Org. Nummer (føretak/eigd av) 995 772 604 Org.nr. (verksemd) 972 220 248 NACE-kode 38.21 Behandling og disponering av ikkje-farleg avfall 38.22 Behandling og disponering av farleg avfall Fylkesmannen sine referansar Arkivkode Anleggsnummer Aktivitet Løyvenummer Risikoklasse 1 2010/15497 1424.0023.02 1424.0023.03 Avfall lagring og handtering 2016.0118.T 4 Løyve gitt: 23.02.2016 Endringsnummer: Denne endringa: Eyvin Sølsnæs fung. fylkesmiljøvernsjef Brevet er godkjent elektronisk og har derfor ikkje underskrift. Kopiadressatar: Sjå liste i oversendingsbrevet. Grete Haugan senioringeniør 1 Jf. ureiningsforskrifta kap. 39 om gebyr til statskassen for arbeid med tillatelser og kontroll etter ureiningslova. z Kap. 39 er under endring, men ikkje vedteke når dette løyvet vart avgjort. Hovudkontor Landbruksavdelinga E-post og heimeside Njøsavegen 2, 6863 Leikanger Fjellvegen 11, 6800 Førde fmsfpost@fylkesmannen.no Telefon: 57 64 30 00 Postboks 14, 6801 Førde Internett: Org.nr 974 763 907 Telefon: 57 64 30 00 www.fylkesmannen.no/sfj

Side 2 av 12 Innhald 0. Føresetnader 3 1. Rammer for løyvet 3 2. Generelle krav 4 2.1. Plikt til å redusere ureining så langt som mogleg... 4 2.2. Internkontroll, HMS-dokumentasjon for ytre miljø... 4 2.3. Tiltak ved auka ureiningsfare eller unormale driftsforhold... 4 2.4. Nærmiljø... 5 3. Handtering av avfall 5 3.1. Bemanning og kompetanse... 5 3.2. Mottak og journalføring... 5 3.3. Lagring av avfall... 6 3.4. Farleg avfall... 6 3.5. Eige avfall... 6 4. Utslepp til grunn og vatn 6 4.1. Oljehaldig avløpsvatn... 6 4.2. Overflatevatn... 6 5. Støy 7 5.1. Utsleppsgrenser... 7 6. Kjemikal 7 7. Beredskap mot akutt ureining o.l. 8 8. Rapportering og informasjon 8 8.1. Måling og utrekning av utslepp... 8 8.2.Rapportering til Fylkesmannen... 8 9. Økonomisk sikkerheit 9 9.1. Finansiell garanti... 9 9.2. Krav til rekneskap ved lagring av farleg avfall... 9 10. Større endringar 9 10.1. Utskifting av utstyr... 9 10.2. Eigarskifte... 9 10.3. Nedlegging eller lengre driftsstans... 9 VEDLEGG 1 - Definisjonar 11 VEDLEGG 2 Innhald i årsrapport 12

Side 3 av 12 0. Føresetnader Løyvet gjeld frå den datoen Fylkesmannen kunngjer løyvet. Løyvet gjeld berre saman med dei vilkåra som er gitt i dette dokumentet. Vilkåra er særskilde juridiske krav til verksemda. Utfyllande kommentar til enkelte av vilkåra står i oversendingsbrevet, og dokumenta må lesast i samanheng. Nokre viktige omgrep er nærare forklart i vedlegg. Dersom verksemda ynskjer å gjere endringar i høve til opplysningar som er gitt i søknaden eller under saksbehandlinga, og desse endringane kan ha noko å seie for utforming av vilkår eller verknad for miljøet, må endringane avklarast skriftleg med Fylkesmannen på førehand. Dersom heile eller vesentlege delar av løyvet ikkje er tatt i bruk innan 2 år etter at løyvet er gitt, skal verksemda sende Fylkesmannen ei utgreiing slik at vi kan vurdere eventuelle endringar, attendetrekking eller utferding av nytt løyve. Ombruk av material/stoff på staden eller innsamling av avfall er ikkje omfatta av dette løyvet. 1. Rammer for løyvet Løyvet gjeld for følgjande aktivitetar: lagring og pressing av papp behandling av elektriske kablar for å fjerne plastisolasjon frå aluminium og kopar. mellomlagring av containarar med vindauge og impregnert trevirke Årleg mengd er avgrensa til: Ordinært avfall Farleg avfall Maksimal mengde samtidig lagra Kopar-granulat 100 tonn Plast-granulat 100 tonn 40 tonn Plast 75 tonn Papp 250 tonn Big-bag 25 tonn Mellomlagring av 100 tonn containarar med vindauge og impregnert trevirke Løyve til mellomlagring av containarar gjeld for containarar med vindauge og impregnert trevirke som er klargjort for transport til godkjent sluttbehandling. Alle aktivitetar og all lagring skal skje innandørs.

Side 4 av 12 2. Generelle krav 2.1. Plikt til å redusere ureining så langt som mogleg Verksemda må arbeide kontinuerleg for å hindre at ureining oppstår eller aukar, for å avgrense ureining og for ei best mogeleg avfallshandtering. Utsleppskomponentar som er vurdert å ha størst effekt på miljøet, er uttrykkeleg omtalt eller regulert i vilkåra i dette løyvet. Utslepp som ikkje er uttrykkeleg regulert på denne måten, er omfatta av løyvet så langt opplysningar om slike utslepp vart lagt fram i samband med sakshandsaminga, eller på annan måte må sjåast på å vere kjend når dette løyvet vart vedteke. 2.2. Internkontroll, HMS-dokumentasjon for ytre miljø Verksemda skal gjennomføre ein miljørisikoanalyse 2 av aktiviteten sin. Analysen skal omtale alle forhold ved verksemda som kan medføre fare for ureining eller avfallsproblem på verksemda sitt område eller utanfor. Ved modifikasjonar og endra produksjons- eller utsleppsforhold skal analysen oppdaterast. Med grunnlag i analysen skal verksemda vurdere risiko og fastlegge akseptabel risiko for det ytre miljøet. Fylkesmannen kan overprøve verksemda sine vurderingar og konklusjonar. Verksemda sin internkontroll 3 for ytre miljø skal vere bygt opp etter resultat frå risikovurderingane, krav i dette løyvet og relevante krav elles etter ureiningsregelverket. Internkontrollen skal vere dokumentert og etterprøvbar i samsvar med dokumentasjonskrava i gjeldande forskrift. For gjentekne, uønskte hendingar skal verksemda ha etablere eit dokumentert system for registrering og eiga oppfølging. Plikta gjeld både for interne meldingar og melding/klage frå andre. Verksemda skal ha oversikt over dei miljøressursane som kan bli truga av akutt ureining og dei helse- og miljøkonsekvensane slik ureining kan føre med seg. For å halde dei ordinære utsleppa på eit lågast mogleg nivå og for å unngå utilsikta utslepp, skal verksemda syte for førebyggande vedlikehald av utstyr som kan gje negativ effekt på miljøet ved utslepp. System og rutinar for vedlikehald av slikt utstyr skal vere dokumentert. 2.3. Tiltak ved auka ureiningsfare eller unormale driftsforhold Dersom det som følgje av unormale driftsforhold eller av andre grunner oppstår fare for auka ureining, skjemmande aktivitetar eller liknande, pliktar verksemda å setje i verk dei tiltaka som er nødvendige for å fjerne eller redusere den auka faren, også om nødvendig å redusere eller innstille drifta. 2 Framgangsmåten bør følge NS 5814:2008 Krav til risikovurdering (eller seinare utgåve) 3 Jf. forskrift om systematisk helse-, miljø- og sikkerhetsarbeid i virksomheter av 06.12.1996 nr. 1127 eller seinare utgåve (internkontrollforskrifta)

Side 5 av 12 Verksemda skal straks informere Fylkesmannen om unormale forhold som har ført til, eller kan føre til ureining. 2.4. Nærmiljø Verksemda skal ha driftsrutinar som sikrar at ulemper frå utslepp til vatn og luft, lukt, støy, støv, skadedyr, innsyn, med meir, vert reduserte til eit minimum. Miljøet nær staden som omfattar mellom anna folk, husdyr, ville dyr, natur og vatn, skal såleis sikrast mot ulempe utover det som må reknast som nødvendig og tillate i dette løyvet. Aktivitetane må vere lagt opp på ein slik måte at nemneverdig støv ikkje slepp ut til miljøet. Brenning av avfall er ikkje tillate. 3. Handtering av avfall 3.1. Bemanning og kompetanse Bemanninga ved anlegget skal vere tilstrekkeleg til at avfall vert forsvarleg teke hand om. Tilsette som handterer avfall skal halde seg oppdatert om gjeldande reglar og normer og utvikle eigen kompetanse om stoff/avfall som kan takast i mot på anlegget. Verksemda skal ha ein plan for korleis kompetansen skal haldast vedlike og aukast. 3.2. Mottak og journalføring Alt avfall skal vere sortert og kontrollert før det vert motteke på anlegget. Ved anlegget i Øvstetunvegen 12 skal det førast journal over alt avfall som til ei kvar tid er lagra på anlegget. Journalen skal også innehalde oversikt over all transport av avfall og produkt til og frå anlegget. Av journalen skal minst framgå: Dato for mottak, avfallsprodusent, mengd avfall, samt tal kolli/volum der det er relevant og transport inn/ut av anlegget. Avfallet skal vere registrert etter type i samsvar med NS 9431 4, og etter opphav i samsvar med EAL-lista 5 så langt som råd. Verksemda skal til ei kvar tid ha oversikt over mengd og type avfall som er motteke, kor lenge avfallet er lagra, dato når avfall forlet anlegget og namn på godkjent mottakar. Journalane skal oppbevarast i minst 3 år, og skal vere lett tilgjengelege ved kontroll. Journaldata skal vere sikra med kopi lagra annan stad for å unngå tap ved uføresett hending. 4 Norsk Standard med 4-sifra avfallskode (avfallstoffnummer) 5 EAL: Europeisk avfallsliste, kode med 6 siffer, tatt inn i avfallsforskrifta.

Side 6 av 12 Orientering om mengd og plassering av brannfarleg avfall skal vere tilgjengeleg i brannsikker avstand frå lagerplass. Fylkesmannen kan påleggje mottaksanlegget å sende kopi eller samandrag av alle journalar til Fylkesmannen eller andre. 3.3. Lagring av avfall All lagring skal skje innandørs. All lagring og behandling av motteke avfall skal skje på ein slik måte at det ikkje oppstår ureining. Så framt sortert papp, papir og el-kablar ikkje medfører fare for ureining eller verkar skjemmande, eller materialverdien vert forringa, kan avfallet lagrast ved anlegget i inntil 12 månader, før vidarelevering til godkjente mottak. 3.4. Farleg avfall Farleg avfall skal lagrast på ein slik måte at det ikkje oppstår ureining. Lagra farleg avfall skal til ei kvar tid ha tilstrekkeleg tilsyn. Farleg avfall skal ikkje blandast med anna avfall. Før avfallet vert levert vidare til eller henta av aktør, skal løyvehavar sikre at lagring skjer i samsvar med avfallsforskrifta kapittel 11, vedlegg 4. Farleg avfall kan lagrast ved anlegget i inntil 12 månader før vidarelevering til godkjente mottak. 3.5. Eige avfall Verksemda pliktar så langt det er mogleg utan urimelege kostnader eller ulemper å unngå at det vert danna restavfall som følgje av drifta. Verksemda må skilje mellom eige, farleg avfall som avfallsprodusent og avfall dei handterer for andre som aktør. 4. Utslepp til grunn og vatn Verksemda skal vere innretta slik at det ikkje skjer utslepp til grunn eller vatn som kan medføre nemneverdige skader eller ulemper for miljøet. Verksemda pliktar å halde oversikt over eventuell eksisterande ureina grunn på eige område. Ein skal til ei kvar tid ha oversikt over faren for spreiing, og vurdere behovet for undersøkingar og tiltak. Er det grunn til å tru at undersøkingar eller tiltak vil vere nødvendig, skal ureiningsstyresmakta varslast om dette. 4.1. Oljehaldig avløpsvatn Dersom det kan oppstå oljehaldig avløpsvatn ved drift av anlegget (verkstad, bilvask, uteområde, med meir) skal vatnet leiast via sandfang til oljeutskiljar. Oljekonsentrasjonen i utslepp frå oljeutskiljaren skal ikkje overstige 50mg/l. 4.2. Overflatevatn Avrenning av overflatevatn frå verksemda sine uteareal skal handterast slik at det ikkje medfører skade eller ulempe for miljøet.

5. Støy Jamvel om verksemda held seg innafor grenseverdiane, har ein likevel plikt til å redusere støy mest mogleg med hjelp av best tilgjengeleg teknologi. Side 7 av 12 Verksemda skal ha oversikt over alle utslepp av støy til miljøet. Oversikta skal omfatte både støy frå eigen aktivitet, og støy frå annan aktivitet som er nødvendig for aktivitet ved verksemda. 5.1. Utsleppsgrenser Verksemda sine bidrag til utandørs støy per driftsdøgn ved omkringliggande og eksisterande bustader, sjukehus, pleieinstitusjonar, fritidsbustader, utdanningsinstitusjonar, barnehagar og rekreasjonsområde skal ikkje overskride desse grensene, målt eller utrekna som frittfeltverdi ved mest støyutsette fasade: Tidsintervall Utrekningsmåte Måndagfredag Laurdag Sundag/ heilagdag Dag (kl. 07-19) L den 55 db(a) 50 db(a) 45 db(a) Kveld (kl.19-23) L den 50 db(a) 45 db(a) 45 db(a) Dersom reintonelyd eller impulslyd opptrer med i gjennomsnitt meir enn 10 hendingar per time, skal grenseverdien for ekvivalentnivået reduserast med 5 db, i høve til verdiane gitt i støykrava over. Støygrensene gjeld all støy frå verksemda sine ordinære aktivitetar, inkludert intern transport på verksemdområdet og lossing/lasting av råvarer og produkt. Støy frå bygg- og anleggsaktivitet og frå ordinær persontransport av verksemda sine tilsette er likevel ikkje omfatta av grensene. Støygrensene gjeld ikkje for bygning av nemnde typar, eller bruksendring av bygning til nemnde typar som er etablert etter at verksemda starta opp. Støygrensene gjeld heller ikkje for bygning av nemnde typar som er eigd eller på annan måte disponert av nokon som har direkte økonomisk interesse i verksemda. 6. Kjemikal Verksemda kan berre nytte kjemikal der dei har lokalt tilgjengeleg sikkerheitsdatablad på norsk, og der bruken skjer i samsvar med produsenten sine bruksområde og når dei er i samsvar med krava i REACH-regelverket. 6 Produkt med forbodne eller strengt regulerte kjemikal etter REACH-regelverket er ikkje tillate brukt. Verksemda skal ha dokumentert, samla oversikt over alle kjemikal i bruk eller på lager. Verksemda pliktar vidare å jamleg vurdere utskifting av helse- og miljøskadelege kjemikal med mindre skadelege kjemikal (substitusjon). Der det finst mindre skadelege alternativ, pliktar verksemda å nytte desse så langt dette kan skje utan urimeleg kostnad eller ulempe. 6 Jf. produktkontrolloven av 11.06.1979 nr. 79 3a

Side 8 av 12 Verksemda skal unngå å bruke produkt der sikkerheitsdatabladet har manglande opplysningar i seksjon 12 (økologiske opplysningar), 13 (disponering) og 15 (tilvising til norsk regelverk). 7. Beredskap mot akutt ureining o.l. Verksemda skal, på bakgrunn av miljørisikoanalysen og dei risikoreduserande tiltaka som er sett i verk, etablere og vedlikehalde ein beredskap for å hindre, oppdage eller stanse akutt ureining, forsøpling og skjemmande forhold. Beredskapen skal vere tilpassa den miljørisikoen som verksemda til ei kvar tid representerer, og skal også omfatte utstyr til å fjerne og avgrense omfanget og skadane og ulempene som kan skje. Beredskapen skal øvast minst ein gang pr. år. 8. Rapportering og informasjon 8.1. Måling og utrekning av utslepp Fylkesmannen kan pålegge verksemda å gjennomføre nødvendige målingar og utrekningar av støy. Ved eventuelle utslepp til luft og vatn kan det også bli kravd målingar. Målingar og utrekningar skal utførast slik at dei blir representative for verksemda sine faktiske utslepp. Dei skal omfatte både dei komponentane som er uttrykkeleg regulert gjennom grenseverdiar og andre komponentar som er omfatta av rapporteringsplikta eller særskild førespurnad. Målingar og utrekningar skal gjennomførast etter eit program som skal inngå i verksemda sin dokumenterte internkontroll. Måle- og utrekningsprogrammet skal mellom anna skildre fastlegging av målemetode og prøvetakingsmetode, utvelging av måleperiodar, samt utrekningsmodellar og utsleppsfaktorar som vert nytta. Verksemda skal i samband med utarbeiding og revidering av måle- og utrekningsprogrammet vurdere usikkerheita i målingane, og søke å redusere denne mest mogleg. Målingar, prøvetaking og analyse skal utførast etter CEN-standard eller Norsk Standard (NS). Dersom dette ikkje finst, kan annen internasjonal standard nyttast. Fylkesmannen kan akseptere at annan metode vert brukt også der standard finst, dersom det kan dokumenterast tilfredsstillende at den er minst like føremålstenleg. Verksemda er ansvarleg for at metodar og utføring er forsvarleg kvalitetssikra, og at prøvetakingspunkt vert etablert på stader som gjer det mogleg å ta prøver av utsleppa i høve til aktuelle standardar. 8.2.Rapportering til Fylkesmannen Verksemda skal årleg, innan utgangen av mars, informere Fylkesmannen om avfallshandteringa og om alle miljøtilhøve som kan ha relevans for det ytre miljøet. Innhald i årsrapporten er gitt i vedlegg 2.

Side 9 av 12 9. Økonomisk sikkerheit 9.1. Finansiell garanti Verksemda skal kunne dokumentere tilfredstillande økonomisk sikkerheit for å sikre at mottatt avfall vert forsvarleg handtert og behandla vidare dersom verksemda legg ned sin aktivitet eller på annen måte ikkje er i stand til sjølv å behandle avfallet. Økonomisk sikkerheit skal stillast i form av pant for Fylkesmannen i Sogn og Fjordane i sperra bankkonto med ein innbetalt sum tilsvarande den summen som skal sikrast, eller ved ein løpande påkravsgaranti frå bank utskriven til Fylkesmannen i Sogn og Fjordane på tilsvarande sum. Dersom verksemda kan dokumentere at det vil gje tilsvarande sikkerheit, kan Fylkesmannen etter ei vurdering godta andre former for sikring av den aktuelle summen. Så snart som mogleg etter at løyvet er motteke, skal verksemda sende skriftleg melding til Fylkesmannen om korleis ein stiller sikkerheit. Før Fylkesmannen har godkjent sikringa av den aktuelle summen, kan verksemda ikkje ta imot farleg avfall ved anlegget. 9.2. Krav til rekneskap ved lagring av farleg avfall Lagra farleg avfall skal takast med i verksemda sitt årlege rekneskap i samsvar med rekneskapslova slik at dei framtidige kostnadane ved vidaresending og behandling av dette avfallet kjem fram i rekneskapen. 10. Større endringar 10.1. Utskifting av utstyr Dersom det skal gjerast utskifting av utstyr i verksemda som gjer det teknisk mogleg å motverke ureining på ein vesentleg betre måte enn då løyvet vart gitt, skal Fylkesmannen på førehand ha melding om dette. All utskifting av utstyr skal vere grunna på at dei beste tilgjengelege teknologi med sikte på å motverke ureining. 10.2. Eigarskifte Løyvet kan ikkje overdragast til andre utan samtykke frå Fylkesmannen. Ny eigar kan ikkje ha eller ta imot avfall ved anlegget utan etter avklaring med Fylkesmannen. 10.3. Nedlegging eller lengre driftsstans Dersom anlegget vert nedlagt eller stansar lenger enn ein 1 månad, skal løyvehavar melde frå til Fylkesmannen. Den ansvarlege skal gjere det som til ei kvar tid er nødvendig for å motverke fare for ureining. Dersom noko ved anlegget kan medføre ureining eller det er avfall som kan verke skjemmande etter driftsstans, skal det opplysast særskild. Fylkesmannen kan fastsetje nærare kva for tiltak som er nødvendig for å motverke ureining og å rydde opp i avfall. Fylkesmannen kan pålegge eigaren eller brukaren å stille garanti for dekking av framtidige utgifter og mogleg erstatningsansvar.

Side 10 av 12 Ved nedlegging eller stans skal verksemda sørgje for at råvarer, hjelpestoff, halvfabrikat eller ferdig vare, produksjonsutstyr og avfall vert teke hand om på forsvarleg måte, mellom anna skal farleg avfall handterast i samsvar med gjeldande forskrift 7. Dei tiltaka som vert gjennomførte i slike høve, skal rapporterast til Fylkesmannen innan 3 månader etter nedlegging eller stans. Rapporten skal også innehalde dokumentasjon på disponeringa av kjemikalierestar og ubrukte kjemikal og namn på eventuell kjøpar/ar. Ved ny oppstart skal den ansvarlege syte for at driftsstaden er i miljømessig tilfredsstillande stand. Før oppstart skal den ansvarlege i god tid i førevegen gje melding til Fylkesmannen som kan gjere nødvendige endringar i eksisterande løyve, nekte godkjenning av ny ansvarleg eller be om at ønskt aktivitet går gjennom ny søknadsprosess. Dette gjeld for all aktivitet som kan medføre fare for ureining eller kunne verke skjemmande. 7 Avfallsforskrifta kapittel 11 om farleg avfall

Side 11 av 12 VEDLEGG 1 - Definisjonar Lagring er eit uttrykk for tidsavgrensa og forsvarleg lagring før avfallet vert levert til sluttbehandling eller nyttiggjering. L den A-veid ekvivalent støynivå for dag-kveld-natt (day-evening-night) med 10 db / 5 db tillegg på natt / kveld. Tida i dei ulike periodane er; dag: 07-19, kveld: 19-23 og natt: 23-07. Lden er nærare omtalt i T-1442 og definert i rammedirektivet for støy (2002/49). NB! midlingstid for Lden-nivået her gjeld for dag, kveld og natt for det døgnet med høgast støyemisjon. Impulslyd: kortvarig, støytvis lydtrykk som varar mindre enn 1 sekund og der impulslyden er av typen highly impulsive sound som definert i T-1442 kapittel 6. L AFmax er A-vegd maksimalnivå for dei 5 10 mest støyande hendingane innafor perioden, målt/utrekna med tidskonstant "fast" på 125 ms. Med immisjon (av støy) meinar vi eit mål på støybelastning (innfallande lydtrykknivå) på eit punkt ut frå direkte måling og utrekning etter emmisjonsdata (måling ved støykjelda). Med skadedyr meinar vi her både arter som kan vere naturleg utbreidd eller som kan ha kome til som følgje av aktiviteten ved verksemda annan aktivitet i tilknyting til verksemda. Dersom tal individ med eit skadepotensial aukar eller det er fare for at tal individ aukar, må tiltak vurderast / eventuelt setjast i verk. Med kjemikal meiner ein her kjemiske stoff og stoffblandingar som vert brukt i verksemda, slik som hjelpekjemikal som vaskemiddel, hydraulikkvæsker, brannhindrande middel m.m.

Side 12 av 12 VEDLEGG 2 Innhald i årsrapport Føremål: Å informere tilsynet, kundar og nærmiljø om aktiviteten ved anlegget siste året. Rapporteringa skal generelt gje opplysningar om verksemda som tilsynet har behov for i utøving av tilsynsoppgåvene etter kapitel 7 i ureiningslova (tilsyn med forurensninger og avfall). Opplysningane er offentleg tilgjengeleg så framt dei ikkje vert råka av unntaks- eller teiepliktreglane i forvaltningslova, offentlegheitslova eller miljøinformasjonslova. Rapporteringsform: verbal og tabell/figur levert elektronisk til miljøvernavdelinga hos Fylkesmannen på WORD og/eller EXCEL-lesbart format. Innhald 1. Kort og verbal omtale av drifta siste året. 2. Totalmengd avfall som er motteke førre år, og delt etter type (jf. dei 4-sifra kodane i NS 9431). EAL-kode skal spesifiserast så langt råd jamfør med ramma i løyvet. 3. Lagra avfall pr. 31.12, gruppert som under punkt 3. 4. Levert mengd, gruppert som under punkt 3, og mottakar av vidarelevert avfall. Omtal om verksemda handterer avfall utanom avfallsanlegget. 5. Oversikt over eigne, genererte avfallsmengder. 6. Omtale av førebyggande tiltak, eventuelle unormale hendingar, spesielle problem (i høve til ytre miljø) o.l. 7. Resultat av eventuelle målingar av utslepp (t.d. støy, lukt, støv, oljeutskiljar). Vurder i høvet til grenseverdiar i løyvet, og om utsleppa har auka, minka eller ligg på same nivå i høve til tidlegare år. 8. Omtale av skriftlege eller muntlege klagar eller merknader til drifta frå andre, og om eigen oppfølging. 9. Omtale av visuelle tilhøve som kan verke skjemmande. 10. Oversikt over type økonomisk sikkerheit, og storleiken på nødvendig, avsett beløp. Vurder om behov for endring.