FUSA KOMMUNE MØTEINNKALLING Arkivsak: 13/281 Løpenummer: 13/5607-1 Utval: Ungdomsrådet Møtestad: Kommunetunet Møtedato: 24.09.2013 Tid: Kl. 12:00 Forfall eller inhabilitet: Grunngjeve forfall til møtet, eller inhabilitet, må meldast snarast råd til postkasse@fusa.kommune.no eller ekspedisjonen tlf. 56 58 01 00. Administrasjonen kallar inn varamedlem. Varamedlemer møter berre etter særskild innkalling. Dokumenta ligg til offentleg ettersyn på heimasida www.fusa.kommune.no og på biblioteket, Kommunetunet, Eikelandsosen. Sak nr. Sakstittel Saksliste 019/13 GODKJENNING AV MØTEPROTOKOLL FRÅ MØTET 04.06.2013 020/13 VAL AV FIRE UNGDOMSREPRESENTANTAR TIL UNGDOMSRÅDET 2013-2014 021/13 KONSTITUERING AV FUSA UNGDOMSRÅD 2013-2014 022/13 INVITASJON TIL HØRING NOU 2011 : 20 UNGDOM, MAKT OG MEDVIRKNING 023/13 SØKNAD OM TILSKOT TIL PRODUKSJON AV CD-PLATE 024/13 SKATEPARK I FUSA 025/13 HANDLINGSPROGRAM FOR FUSA UNGDOMSRÅD 026/13 KOMMUNEPLANENS AREALDEL REVIDERT FRAMLEGG TIL PLANPROGRAM SAKA BLIR ETTERSENDT/DELT UT I MØTE Eikelandsosen,16.09.2013 Lena M. Schad Leiar Erik Vangsnes Ansvarleg sekretær 1
Sakshandsamar: Heidi Bergesen Arkivsaknr: 13/1132 Saksnr U t v a l Møtedato Saksbeh. 019/13 Ungdomsrådet 24.09.2013 HCB GODKJENNING AV MØTEPROTOKOLL FRÅ MØTET 04.06.2013 Rådmannen sitt framlegg til vedtak: Møtebok etter møte 04.06.2013 vert godkjend. Saksframstilling: Saksdokument: Ikkje vedlegg : Møteprotokoll frå møtet 04.06.2013 2
Saksnr U t v a l Møtedato Saksbeh. 020/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 13/1024 VAL AV FIRE UNGDOMSREPRESENTANTAR TIL UNGDOMSRÅDET 2013-2014 RÅDMANNEN SITT FRAMLEGG TIL VEDTAK: Saka vert lagt fram utan framlegg til vedtak. Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 12.09.2013 Godkjende vedtekter for Fusa ungdomsråd.pdf 64333 Ikkje vedlegg: Faktiske opplysninger: Fusa ungdomsråd skal ha 7 medlemer. 2 av desse kan veljast fritt mellom ungdom busett i Fusa som er 25 år eller yngre. Det skal også veljast personlege varamedlemar. Funksjonstida er 1 år. Det er sett inn kunngjering i Os og Fusaposten og på heimesida til Fusa kommune. Alle interesserte kunne koma med forslag til kandidatar innan 14. september. Representantane som vart vald hausten 2012, Vegar Berget og Tone Koldal, vert kalla inn til første møte på hausten. Desse kan ta attval, men er ikkje sjølv med i handsaminga av saka som gjeld val til nytt ungdomsråd. Ungdomsrådet står fritt til å fremja eigne kandidatar i møte i tillegg til dei som det kjem forslag om frå publikum. Vurdering: Saka vert lagt fram utan framlegg til vedtak 3
Saksnr U t v a l Møtedato Saksbeh. 021/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 13/1024 KONSTITUERING AV FUSA UNGDOMSRÅD 2013-2014 RÅDMANNEN SITT FRAMLEGG TIL VEDTAK: Saka vert lagt fram utan framlegg til vedtak. Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 12.09.2013 Godkjende vedtekter for Fusa ungdomsråd.pdf 64327 Ikkje vedlegg: Faktiske opplysninger: Ved konstituering skal Fusa ungdomsråd velga leiar og nestleiar. Desse verva skala velgast mellom ungdomsrepresentantane. Sjå vedtekter i vedlegg. Det er ei eiga godtgjersle for den som er leiar. Leiar i ungdomsrådet er også møteleiar Vurdering: Saka vert lagt fram utan framlegg til vedtak. 4
Saksnr U t v a l Møtedato Saksbeh. 022/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 12/194 INVITASJON TIL HØRING NOU 2011 : 20 UNGDOM, MAKT OG MEDVIRKNING RÅDMANNEN SITT FRAMLEGG TIL VEDTAK: Saka vert lagt fram utan framlegg til vedtak Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 11.09.2013 HØYRINGSNOTAT 63621 27.08.2013 HØYRING - LOVFESTING AV 63620 MEDVIRKNINGSORDNING FOR UNGDOM 15.05.2012 UTTALE FRÅ FUSA UNGDOMSRÅD TIL NOU 2011: 20 UNGDOM MAKT OG MEDVIRKNING 45419 Ikkje vedlegg: Faktiske opplysninger: Norsk offentleg utgreiing nr 20 om Ungdom, makt og medverknad var ute til høyring i 2012. Fusa ungdomsråd sendt då inn høyringssvar i sak 08/12 etter møte 24. april 2012. Departementet har sendt ut eit nytt notat der dei ønskjer innspel på ein del problemstillingar og spørsmål som etter den første høyringa. Kommunane vert bedne om at ungdomsråda får høve til å koma med sine synspunkt. Det er i dag lovfesta at kommunane skal ha eit organ som sikrar medverknad frå eldre og menneske med nedsett funksjonsevne. Ungdomsråda, slik som i Fusa, har ei anna rolle sidan ein etter vedtektene har både avgjerdsmynde, forslags- og innstillingsrett. 5
Spørsmålet er om ungdomsrådet då er eit medverknadsorgan eller snarare eit kommunalt organ. Det neste spørsmål blir då om ungdom, som ikkje er direktevalde folkevalde i ordinære val, får like sterke rettar som ordinært valde representantar. Senior og funksjonsråda har ei avgrensing då dei berre skal uttale seg om saker som har særleg interesse for desse gruppene. Skal dette også gjelda ungdomsråda? Aktuelle spørsmål er: Skal eit medverknadsorgan for ungdom få en sterkare posisjon og status i den kommunale saksgang og organisasjon enn det gjeldande medverknadsorgan i dag har? Skal lovfestinga av ei ordning for medverknad for ungdom legga opp til at desse vert tillagt formell avgjerdsmynde? Skal ein leggja opp til at medverknadsorgan for ungdom får forslags- og innstillingsrett, og i tilfelle overfor kva organ? Når det gjeld val til ungdomsråd peikar utvalet på at det er viktig at skular, ungdomsklubbar og frivillige organisasjonar vel sine representantar til ungdomsråda. Utvalet meiner at det er viktig at ein kan rekruttera ungdom også frå det ein kan kalla uorganisert og tilfeldig valde ungdomar. Det at ein berre får rekruttert ungdom som alt er engasjerte og organiserte meiner utvalet kan gje ein skeiv representasjon. Eit anna spørsmål som vert teke opp er om representantane i ungdomsrådet må vera busett i same kommune. To andre punkt som er viktig for ungdomsrådet å kommentera er valperiode og alder. Utvalet rår til ein valperiode på 2 år for å sikra kontinuitet. Utvalet meiner ein kan velgast inn frå og med ungdomsskulealder, med ei øvre aldersgrense på 18 år for å bli vald inn i ungdomsråd. I Fusa vert ein vald for 1 år. Nedre aldersgrense er 9. klasse og øvre aldersgrense er 25 år. Vurdering: I Fusa har vi gode erfaringar med at ungdomsrådet har forslagsrett og avgjerdsmynde. Talerett i andre politiske organ har så langt ikkje vorte brukt. Skal ein berre vera eit medverknadsorgan utan eigne saker vert det ei meir passiv rolle som truleg ikkje blir like attraktiv og engasjerande. Får ungdomsrådet meir sjølvstendig makt er det lettare å få det til å bli eit vitalt og aktivt organ. I Fusa har ein praktisert at ungdomsrådet vert involvert i saker der barn og unge har særlege interesser. Vi har har prøvd ut om ungdomsrådet skal ha alle saker som t.d. alle reguleringsplanar. Dette fungerer dårleg, sidan ungdom då må ta stilling til saker som vert opplevd til å vera av perifer og lita interesse. Når ein skal sila og velga ut kva saker som er relevante er det likevel alltid ei fare at ungdomsperspektivet vert utegløymt i viktige saker. I Fusa har ungdomsrådet innstillingsrett overfor formannskap og kommunestyre. Det å rekruttera til ungdomsrådet utanom skulane har synt seg å vera vanskeleg. Vi har prøvd oss med annonsering og plakatar, men med liten respons. I Fusa er det ingen kommunale fritidsklubbar og få typiske ungdomsorganisasjonar. Det å rekruttera frå "ungdomar flest" og uorganiserte er vanskeleg, kanskje særleg ute på bygdene. Ein bør ikkje lovfesta noko som kan bli vanskeleg å gjennomføra i praksis. 6
Når det gjeld valperiode så hadde det vore ein fordel med ein lengre valperiode enn eitt år som i dag. Med to år som funksjonstid måtte ein gjera val med kandidatar frå 9. klasse og første eller andre år på vidaregåande, t.d. annakvart år. Spørsmålet om heimstadkommune er ikkje lett å gje eit eintydig ja eller nei på. I Fusa har vi opna for at elevar ved Fusa vidaregåande skule som er buset i andre kommunar har vore valde inn i ungdomsrådet. Dette gjeld både hybelelevar og heimebuande. Problemet med dette er at ungdom frå andre kommunar har liten kjennskap til ungdomsmiljøet i Fusa og ofte heller ikkje noko stort engasjement i dette. På andre sida kan ein få nyttige innspel frå ungdom med andre erfaringar frå eigen heimstadkommune og hybelelevane har også viktige erfaringar ein bør lytta til. Når det gjeld øvre og nedre aldersgrense så ser ein at det kan vera ein fordel at ein ikkje har for stort alderssprik. I Fusa har det vore få representantar eldre enn 20 år. Det bør vera opna for at ungdom i heile tida på vidaregåande kan engasjera seg i ungdomsrådet. Kanskje det hadde vore greit om ein kan velgast frå alle tre trinna på ungdomsskulen og før ein fyller 20 år? 7
Saksnr U t v a l Møtedato Saksbeh. 023/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 13/1115 SØKNAD OM TILSKOT TIL PRODUKSJON AV CD-PLATE RÅDMANNEN SITT FRAMLEGG TIL VEDTAK: ALTERNATIV 1 Fusa ungdomsråd gjev Håvard Grøndal Skåtun eit tilskot på kr 10.000,- til produksjon og utgjeving av CD-plata "Living out loud". Tilskotet går frå kt 1.1020.1001.4702 ALTERNATIV 2 Fusa ungdomsråd kan diverre ikkje imøtekoma søknaden frå Håvard Grøndal Skåtun om tilskot til plateutgjeving. Ungdomsrådet har små budsjettmidlar til rådvelde og dette formålet fell utom det ungdomsrådet ønskjer å prioritera å gje tilskot til. Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 09.09.2013 SØKNAD OM TILSKOT TIL PRODUKSJON AV CD 64137 PLATER 13.09.2013 TILLEGG SØKNAD OM TILSKOT TIL PRODUKSJON AV 64139 CD PLATER 13.09.2013 BUDSJETT FOR LIVING OUT LOUD.DOCX 64379 Ikkje vedlegg: Faktiske opplysninger: Håvard Grøndal Skåtun er i gang med utgjeving av eiga cd-plate "Living out loud". Opptaka er for ein stor del gjort i Nashville, USA. Han er no i slutten av prosessen med mixing, mastering, bilder, design, trykk av plater og promotering. Vedlagt budsjett syner ein kostnad med produksjon og utgjeving på kr 93.100,-. Håvard søkjer Fusa kommune ved ungdomsrådet om tilskot til gjennomføring av prosjektet. 8
Vurdering: Det er ambisiøst å stå åleine bak eit plateprosjekt utan å ha eit plateselskap i ryggen og særleg av ein ungdom på 18 år. Håvard Grøndal Skåtun har trass sin unge alder vore svært aktiv i det lokale musikkmiljøet. Han har vore heidra med Drømmestipend og spelt i ulike grupper innanfor fleire stilartar og sjangrar innan rock og pop. Det er heller ikkje første gang at han er med på å gje ut musikk på plate. "Living out loud" er Håvard sitt soloprosjekt. Håvard har så langt finansiert og organisert produksjonen sjølv og det går klart fram av søknaden at det er knapt med pengar for å plata ferdig til sleppet som er planlagt 10. oktober. Det har gjennom åra kome fleire plateutgjevingar innanfor ulike musikksjangrar i Fusa. Andre har tidlegare fått avslag på sine søknader om tilskot frå Fusa kommune. Ein har tidlegare argumentert med at kulturtilskot skal stimulera til aktivitet og tilbod for ungdom i Fusa. Om ei plateutgjeving er innanfor eller utanfor ei slik avgrensing kan diskuterast. Om ungdomsrådet ønskjer å gje eit tilskot til denne utgjevinga må ein rekna med at det kjem liknande søknader seinare. Saka er difor prinsipiell. Samstundes står ungdomsrådet fritt til å disponera tilskotsmidlane som er avsett i ungdomsrådet sitt budsjett. 9
Saksnr U t v a l Møtedato Saksbeh. 024/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 13/1141 SKATEPARK I FUSA RÅDMANNEN SITT FRAMLEGG TIL VEDTAK: Saka vert lagt fram utan framlegg til vedtak. 10
Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 13.09.2013 BREV TIL UNGDOMSRÅDET.DOCX 64391 13.09.2013 bilde-1.jpg 64390 13.09.2013 Fusa Kommune Skatepark design 2.pdf 64389 13.09.2013 Tilbud - Tress.pdf 64388 Ikkje vedlegg: Faktiske opplysninger: Det er sterkt aukande interesse for skating i Fusa. Det første nærmiljøanlegget i kommunen vart bygd ved Bogøytunet på Boga i sommar. Skating er ein typisk eigenorganisert aktivitet og ikkje ein del av den organiserte idretten. Ungdomsrådet vert no utfordra av ein forelder til to unge skatarar til å gå i bresjen for eit slikt anlegg i Fusa. Anlegget på Boga er eit lite anlegg med ei kostnadsramme på 80.000 kroner. Det nye innspelet gjeld ein fullskala skatepark med eit budsjett på 350-400.000 kroner. I søknaden vert det vist til at ein har fått fleire slike parkar i Os kommune siste åra. I Bergen har ein også ein innandørs hall for skating, eller rullebrett. Ungdom frå Fusa reiser til desse anlegga i dag. Det vert i brevet argumentert med at Fusa i første omgang bør etablera ein skatepark ved skule- og idrettsanlegga i Eikelandsosen. Då vert den både geografisk sentralt plassert og samlokalisert med andre kultur- og idrettsanlegg og institusjonar der det er stor aktivitet både i skuletid og på fritida. Framlegget går ut på å bygga eit anlegg med betongdekke og der elementa også er i betong, noko som gjer det tilnærma vedlikehaldsfritt. Vurdering: Det er ingen tvil om at det er stor interesse for skating. Ein ser at dette fengjer både gutar og jenter. Under Fritidsmønstringa 28. september får Fusa besøk av eit mobilt anlegg og instruktør frå bergens-miljøet i Fysak-hallen. Med Fusa sin spreiddbygde busetnad og relativt små ungdomskull, vil det vera lurt å satsa på ein skatepark på ein plass der alle ungdomar i kommunen kan få glede av anlegget. Ungdomsskulen er ein slik stad. Om Fusa treng fleire slike anlegg må ein avklara i Kommunedelplan for idrett, friluftsliv og fysisk aktivitet som er under rullering.
Ungdomsskulen har i dag eit ferdig planert område som er tiltenkt eit nærmiljøanlegg. Ein sandvolleybane er bygd på deler av arealet, men det er plass att til ein skatepark. Skulen ønskjer seg i utgangspunktet ein ballbinge. Det er alt ein ballbinge i området og idrettslaget arbeider for å få bygd ein fullskala krøllgrasbane. Kanskje er det ein betre ide om ein får etablert ein skatepark? Fusa kommune ved ungdomsskulen har alt gjort ferdig grunnarbeidet og investert pengar i dette. Med ein kostnad på 400.000,- for sjølve skateanlegget vil ein få dekka halve kostnaden med statlege spelemidlar. Nettokostnad til Fusa kommune vert difor liten. Ungdomsrådet må eventuelt be om at Fusa ungdomsskule v/ plangruppa stiller seg til positiv til tiltaket og at skulen stiller den planerte tomten til rådvelde for skatepark. Utbygginga bør skje i kommunal regi og ungdomsrådet kan ta initiativ til at prosjektet kjem med på det kommunale investeringsbudsjettet for 2014. Lukkast ein med det kan Fusa sin første fullskala skatepark stå ferdig våren 2014
Saksnr U t v a l Møtedato Saksbeh. 025/13 Ungdomsrådet 24.09.2013 ERV Sakshandsamer: Erik Vangsnes Arkivsaknr 13/1125 HANDLINGSPROGRAM FOR FUSA UNGDOMSRÅD RÅDMANNEN SITT FRAMLEGG TIL VEDTAK: Saka vert lagt fram for drøfting utan framlegg til vedtak. Saksframstilling: Vedtaksmynde: Ungdomsrådet Saksdokument: Vedlegg: Dok.dato Tittel Dok.ID 10.09.2013 HANDLINGSPROGRAM FOR UNGDOMMENS FYLKESTING.PDF 64251 Ikkje vedlegg: Faktiske opplysninger: I siste møte før ferien 4. juni drøfta ungdomsrådet korleis ein kan vitalisera arbeidet med ungdomspolitikk i Fusa, sak 018/13. Ungdomsrådet gjorde då vedtak om å utarbeida ein lokal variant av handlingsprogrammet for ungdommens fylkesting, med mål om få denne ferdig innan sommaren 2014. Tema for UFT sitt handlingsprogram er bygd opp slik: Opplæring og helse Kultur, fritid og idrett Ungdomsråd og Ungdommens kommunestyre Samferdsel Klima, energi og miljø Under kvart tema er det undertema med konkrete tiltak. UFT har 5 særlege satsingsområde i 2013: 1. Kulturkort 2. Elevhandbok 3. Oppretting og oppfølging av ungdomsråd
4. Talerett for UFU i Hordaland fylkesting 5. Elev- og lærlingeombod Vurdering: I dette førte møte kan ein starta med å gå gjennom UFT sin plan for å sjå kva som er relevant for ein plan lokalt. Generelt kan ein seia at mykje av det som står i UFT sin plan rettar seg mot tilhøve i den vidaregåande skulen og inn mot Hordaland fylkeskommune. Det kan vera lurt at ein i møte drøftar korleis ein vil arbeida vidare med dette. Ein stad ein kan be ungdom om innspel, er på Fritidsmønstringa laurdag 28. september. Kanskje kan ungdomsrådet ha ein stand her?