EID KOMMUNE Valstyret HOVUDUTSKRIFT Møtedato: 07.04.2016 Møtetid: Kl. 10:00 Møtestad: Eid rådhus, Trollenykjen 1. etg Saksnr.: 001/16-002/16 Forfall meldt frå følgjande medl. Parti Følgjande varamedl. møtte Parti Eli Førde Aarskog H Ida Elisabeth Lien Ohrvik Sp Sissel Ommedal Krf Tore Hjelle H Ugilde Sak Følgjande varamedl. møtte Møteleiar: Frå adm. møtte: Utlevert i møtet: Orientering: Sp.mål/interpell.: Synfaring: Diverse: Alfred Bjørlo Underskrifter: Siri Sandvik Alfred Bjørlo Sigurd Reksnes
Sakliste Sak nr. Saktittel 001/16 Godkjenning av innkalling og saksliste 002/16 Gjennomføring av rådgjevande folkerøysting i samband med kommunereforma
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Valstyret 07.04.2016 001/16 JEA Avgjerd av: Saksansv.: Janne Endal Andersson Arkiv: Namn-, Namn- Objekt: Arkivsaknr 16/808 GODKJENNING AV INNKALLING OG SAKSLISTE RÅDMANNEN SI TILRÅDING: Innkalling og sakliste 07.04.2016 vert godkjent. 07.04.2016 VALSTYRET VA-001/16 VEDTAK: Innkalling og sakliste 07.04.2016 vert godkjent.
EID KOMMUNE Møtebok SAKSGANG Styre, utval, komite m.m. Møtedato Saksnr Saksansv. Valstyret 07.04.2016 002/16 JEA Avgjerd av: Valstyret Saksbehandler: Janne Endal Andersson Arkiv: 016 Objekt: Arkivsaknr 16/757 Gjennomføring av rådgjevande folkerøysting i samband med kommunereforma Bakgrunn for saka: Kommunestyret gjorde følgjande vedtak på møte 10. mars 2016, i KS-sak 024/16: 1. Det skal haldast ei rådgjevande folkeavrøysting i Eid kommune om evt. samanslåing av Eid og Gloppen til ein ny kommune. 2. Intensjonsavtalen vert grunnlag for folkeavrøysting om Nordfjord kommune. 3. Gjennomføring av ei rådgjevande folkeavrøysting i Eid kommune: a. Kommunestyret gjev valstyret i oppgåve å gjennomføre den rådgjevande folkeavrøystinga. Gjennomføringa skal følgje same rutinar og lovkrav som for kommunestyre- og fylkestingsvalet så langt dei passar. b. Rådgjevande folkeavrøysting om kommunesamanslåing med Gloppen kommune skal gjennomførast måndag 30. mai 2016. Eid kommune nyttar dei same valkrinsane, røystestadene og røystestyre som ved kommunestyre- og fylkestingsvalet. c. Valstyret skal fastsette tidsrommet for førehandsrøysting. d. Avrøystingstema blir: «Skal Eid og Gloppen kommune slå seg saman til ein ny kommune?» Det blir laga røystesetlar med utgangspunkt i eit alternativ med JA, NEI og BLANK setlar.
e. Alle som har røysterett i Eid kommune etter reglane ved kommunestyre- og fylkestingsvalet, i tillegg til personar som fyller 16 år eller 17 år i valåret, kan stemme ved den rådgjevande folkeavrøystinga. f. Eid kommune søkjer Skattedirektoratet om manntal med same røysterettskriterium som for kommunestyre- og fylkestingsvalet, inkludert dei som fyller 16 år og 17 år i 2016. 4. Det skal gjennomførast ei opinionsundersøking/innbyggjarundersøking i mai. Resultatet av denne skal offentleggjerast på same tid som resultatet av den rådgjevande folkerøystinga. Denne saka gjeld oppfølging av punkt 3a og 3c i vedtaket. Saksutgreiing: Tidspunkt for avrøysting Rådmannen legg til grunn at den rådgjevande folkerøystinga måndag 30. mai 2016 blir gjennomført med same opningstider som i Gloppen kommune, dvs. frå kl 12:00 til 18:00 i alle krinsar unnateke Eid, der opningstida er frå kl 10:00 til 20:00. Førehandsrøysting Vallova har detaljerte reglar om førehandsrøysting som bør følgjast så langt som råd. Ved ordinære val er det lovfesta at det skal haldast førehandsrøysting på helse- og sosialinstitusjonar. Likeeins kan veljarar som er sjuke eller uføre på ein slik måte at dei ikkje kan røyste der det er førehandsrøysting, søkje om å få førehandsrøyste der dei er (som oftast heime). Det skal settast ein søknadsfrist for dette. Rådmannen tilrår førehandsrøysting berre på rådhuset. I tillegg bør vi tilby førehandsrøysting til dei som har krav på dette etter vallova (i institusjonar og heime). Rådmannen tilrår same periode for førehandsrøysringa i Eid som i Gloppen. Rådmannen gjer difor framlegg om førehandsrøysting i perioden tidlegast 26. april, til og med fredag 27. mai. Tidlegrøystinga starta 22. mars og varer fram til den ordinære førehandsrøystinga startar. Brevrøysting Sidan det ikkje er folkerøysting i alle kommunar, vil det ikkje vere høve til å førehandsrøyste i andre kommuner som ved ordinære val. Dei som ikkje kan tidlegrøyste, førehandsrøyste, eller røyste på sjølve dagen 30. mai, kan nytte seg av «brevrøysting». Brevrøysting er eit tilbod som ved ordinære val er meint for folk som bur i utlandet, og som ikkje har tilgang til røystesetlane. For å gjere røystesetlane tilgjengelege, vil rådmannen legge desse ut på kommunen si heimeside til utskriving. Alternativet er at veljaren kontakter kommunen og ber om å få tilsendt røystesetlar. Framgangsmåte ved røysting pr. brev jf. Valforskrifta 28: 1. Røystesetelen blir lagt i ein blank røystesetelkonvolutt, som blir limt att 2. Røystesetelkonvolutten (med røystesetelen i) blir lagt i ein ny konvolutt, omslagskonvolutt, og påfør følgjande opplysningar:
a. At du stemmer ved brevpost b. Namn og adresse til valstyret i Eid c. Dato og stad for røystegjevinga d. Fult namn, adresse og fødselsnummer (11 siffer) e. Signatur 3. Konvolutten skal leggast i ein oversendingskonvolutt og adresserast til: Valstyret i Eid, Rådhusvegen 11, 6770 Nordfjordeid Brevrøysta må vere framkomen til valstyret seinast på valdagen kl 21:00. Fullmakt til leiaren i valstyret Valstyret delegerer til leiar i valstyret og rådmannen å ta avgjerd i saker vedkomande den praktiske gjennomføringa av valet, og som ikkje er av prinsipiell karakter. RÅDMANNEN SI TILRÅDING: 1. Den rådgjevande folkerøystinga måndag 30. mai 2016 blir gjennomført med same opningstider som i Gloppen kommune, dvs. frå kl 12:00 til 18:00 i alle krinsar unnateke Eid, der opningstida er frå kl 10:00 til 20:00. 2. Det skal vere førehandsrøysting i perioden tidlegast 26. april 2016 til og med fredag 27. mai 2016. Tidlegrøystinga starta 22. mars 2016 og varer fram til den ordinære førehandsrøystinga startar. Det vert høve til å nytte brevrøysting. 3. Valstyret delegerer til leiar i valstyret og rådmannen å ta avgjerd i saker vedkomande den praktiske gjennomføringa av valet, og som ikkje er av prinsipiell karakter. 07.04.2016 VALSTYRET Felles endringsframlegg frå valstyret: 1. Den rådgjevande folkerøystinga måndag 30. mai 2016 blir gjennomført med opningstider frå kl 12:00 til 18:00 i alle krinsar unnateke Nordfjordeid, der opningstida er frå kl 10:00 til 20:00. 2. Det skal vere førehandsrøysting i perioden 26. april 2016 til og med fredag 27. mai 2016. Tidlegrøystinga starta 22. mars 2016 og varer fram til den ordinære førehandsrøystinga startar. Det vert høve til å nytte brevrøysting. 3. Valstyret delegerer til leiar i valstyret og rådmannen å ta avgjerd i saker vedkomande den praktiske gjennomføringa av valet, og som ikkje er av prinsipiell karakter. Fellesframlegget frå valstyret vart samrøystes vedteke.
VA-002/16 VEDTAK: 1. Den rådgjevande folkerøystinga måndag 30. mai 2016 blir gjennomført med opningstider frå kl 12:00 til 18:00 i alle krinsar unnateke Nordfjordeid, der opningstida er frå kl 10:00 til 20:00. 2. Det skal vere førehandsrøysting i perioden 26. april 2016 til og med fredag 27. mai 2016. Tidlegrøystinga starta 22. mars 2016 og varer fram til den ordinære førehandsrøystinga startar. Det vert høve til å nytte brevrøysting. 3. Valstyret delegerer til leiar i valstyret og rådmannen å ta avgjerd i saker vedkomande den praktiske gjennomføringa av valet, og som ikkje er av prinsipiell karakter. Åslaug Krogsæter -rådmann-