Ureiningstilsyn Inspeksjonsrapport Sakshandsamar: Grete Hamre Telefon: 57 64 31 41 E-post fmsfgrh@fylkesmannen.no Slakteriet AS Postboks 393 6901 Florø Vår dato 18.12.2013 Vår referanse 2013/5254 Rapportnummer 2013.024.I.FMSF Tilsyn ved Slakteriet AS - krav om retting av avvik vedtak om gebyr Informasjon om verksemda: Namn på anlegg: Slakteriet AS Namn på verksemda: Organisasjonsnr.: 971 688 661 Eigd av: 996 678 489 Stad og kommune: Hamregt. 1, Florø, Flora kommune Kontrolldato: 04.12.2013 Postadresse: Boks 393, 6901 Florø ISO 14001-sertifisert EMAS-registrert Informasjon om kontrollen: Til stades under kontrollen Frå verksemda: Ole Eilertsen, Norvald Blom og Maria Elshina Desse hovudtema vart kontrollert: Internkontroll (ytre miljø) Risikovurdering Utslepp til luft eller vatn Støy Løyvet med vilkår Forskriftskrav Anna: Bakgrunn for kontrollen: Frekvensbasert inspeksjon Frekvensbasert revisjon Kontrollaksjon Ny verksemd (ikkje kontrollert før) Nytt løyve (ikkje kontrollert før) Frå miljøvernavdelinga hos Fylkesmannen: Gunn Helen Henne og Grete Hamre Avfallshandtering ordinært avfall Handtering av farleg avfall (merking, emballering, mellomlagring, levering) Handtering av kjemikal (klassifisering, merking, emballering) Sikkerheitsdatablad Substitusjon Oppfølging av eigenrapport Oppfølging av klage/hending/tips Oppfølging av siste kontroll Kartlegging Anna Hovudfunn frå kontrollen Det vart påvist 2 avvik og gitt 2 merknader i høve til ureiningsregelverket. Melding om retting av avvik, ev. ein tidfesta handlingsplan for tiltak som skal iversetjast, må vere send til Fylkesmannen innan 24.01.2014. Inspeksjonsrapporten vert vurdert som endeleg dersom vi ikkje får tilbakemelding om at han inneheld faktiske feil eller mistydingar innan to veker etter at verksemda har motteke han. Varsla kontrollgebyr for innbetaling til staten vert sendt frå Miljødirektoratet. Med helsing Gunn Helen Henne overingeniør Brevet er elektronisk godkjent og er utan underskrift Grete Hamre overingeniør Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde post@fmsf.no Telefon: 57 65 50 00 Postboks 14, 6801 Førde Internett: Telefaks: 57 65 50 55 Telefon: 57 65 50 00 www.fylkesmannen.no/sfj Org.nr 974 763 907 Telefaks: 57 72 32 50
2/5 Om kontrollen frå ureiningstilsynet Inspeksjonsrapporten er utarbeidd etter kontroll ved Slakteriet AS 04.12.2013. Kontrollen vart gjennomført i form av samtale med nøkkelpersonell, gransking av dokument og synfaring i verksemda. Rapporten inneheld omtale av kontrollen og avvika og merknadene som vart avdekte i høve til miljøvernavdelinga sitt forvaltningsområde. Vi vil gjere merksam på at kontrollen ikkje omfatta alle sider ved verksemda som kan ha noko å seie for ytre miljø. Verksemda må sjølv aktivt utøve internkontroll, avdekkje feil og manglar og setje i verk naudsynte tiltak. Definisjonar: Avvik Brot på krav som er fastsett i eller med heimel i helse-, miljø, og tryggleikslovgivinga. (Døme er brot på krav i ureiningslova eller produktkontrollova, forskrifter til lovene, utsleppsløyve, og verksemda sine eigne rutinar som er nødvendige for å stette styresmaktene sine krav.) Merknad Tilhøve som tilsynsetatane meiner det er naudsynt å peike på for å ivareta helse, miljø og tryggleik, og som ikkje vert omfatta av definisjonen for avvik. Brot på eigne rutinar som inneheld strengare krav enn lovkrava, kan verte omtala som merknad. Merknader kan gje grunnlag for enkeltvedtak med krav om tiltak. Aktuelt regelverk LOV 1981-03-13 nr 06: Lov om vern mot forurensninger og om avfall (ureiningslova) Utsleppsløyve frå Fylkesmannen i Sogn og Fjordane, dagsett 26.04.1991, endra 25.04.2013 FOR-1996-12-06-1127: Forskrift om systematisk helse-, miljø- og sikkerhetsarbeid i virksomheter (internkontrollforskrifta) FOR-2004-06-01-931 Forskrift om begrensning av forurensning (ureiningsforskrifta) FOR-2004-06-01-930: Forskrift om gjenvinning og behandling av avfall (avfallsforskrifta) Vi gjer merksam på at ein kan finne oversikt over miljølovverket på www.lovdata.no eller vist til frå www.miljodirektoratet.no (sjå under regelverk). Dei viktigaste HMS-krava finn ein på nettstaden www.regelhjelp.no. Reglane om innkrevjing av gebyr finn ein under kap. 39 i ureiningsforskrifta. Papirversjon av dette kapittelet kan de få hos Fylkesmannen. ----------- Vi vil nytte høvet til å takke for ein fin gjennomgang på ein travel dag for verksemda. Oppfølging etter kontrollen Verksemda pliktar å rette opp avvika som er omtalte i rapporten så snart som råd. Verksemda må også gå nøye gjennom merknadene og vurdere kva tiltak som er aktuelle og naudsynte for å tilfredsstille krav etter HMS-lovgivingane. Merknader kan gi grunnlag for pålegg seinare. For å kunne kontrollere at avvika er retta opp, ber vi om at verksemda skriftleg melder attende at påpeikte tilhøve er komne i orden, og at de gjer greie for dei gjennomførte eller planlagde tiltaka innan 24.01.2014. Fylkesmannen ventar at verksemda legg ved dokumentasjon på gjennomførte tiltak t.d. bilete, kopi av internkontrolldokument og utfylt deklarasjonsskjema. Informasjon om tvangsmulkt Dersom Fylkesmannen ikkje får skriftleg tilbakemelding innan fastsett frist, har vi høve til å fatte vedtak om tvangsmulkt. Vedtak om tvangsmulkt vert gjort med heimel i ureiningslova 73 eller produktkontrollova 13. Ei eventuell tvangsmulkt kan fastsetjast som eit eingongsbeløp, eller som eit løpande dagsgebyr som gjeld så lenge vi ikkje har motteke tilbakemelding om korleis avvik er handterte. Tvangsmulkt vil i tilfelle bli varsla før det vert fatta vedtak.
3/5 Vedtak om gebyr for kontroll I samsvar med 39-3 i ureiningsforskrifta skal verksemda betale gebyr for kontroll frå Fylkesmannen. Gebyret skal dekkje kostnader med førebuing, gjennomføring og oppfølging av kontrollen. Gebyrsats for verksemder med utsleppsløyve er fastsett i ureiningsforskrifta 39-6 om gebyr for kontroll som varer inntil ein dag i verksemder med løyve. Verksemda er plassert i risikoklasse 3. Plassering i risikoklasse vart fastsett under handsaminga av utsleppssøknaden og er oppgitt utsleppsløyvet. Det vart informert kort om gebyrsystemet under kontrollen, og aktuell sats for gebyret vart varsla munnleg. Fylkesmannen vedtek med dette at Slakteriet AS skal betale eit gebyr på kr. 11 700,- for den gjennomførte kontrollen. Faktura for innbetaling til statskassa vert send frå Miljødirektoratet. Gebyret må betalast innan 30 dagar etter fakturadato. Vedtaket om gebyr kan klagast på til Miljødirektoratet, jf. 28 i forvaltningslova. Klagefristen er 3 veker etter at vedtaket er gjort gjeldande. Ev. klage bør vere skriftleg grunngjeven, og han skal sendast via Fylkesmannen som enten vil vurdere endring av vedtaket eller sende saka vidare til klageorganet for endeleg vedtak. Ein ev. klage vil ikkje få oppsetjande verknad, og gebyret som er fastsett ovanfor må betalast inn. Dersom klageorganet tek klagen til følgje, vert for mykje innbetalt gebyr refundert. Offentleg rapport Rapporten vil verte tilgjengeleg for innsyn via Fylkesmannen sitt elektroniske arkiv, jf. offentleglova. Avvik Desse avvika vart påvist under kontrollen: Avvik 1 Verksemda har ikkje utarbeidd måleprogram for kontroll med utslepp til vatn Avvik frå: Utsleppsløyvet, vilkår 3.1 og 11 Kontrollen viser at det ikkje er etablert måleprogram og at prøvane av prosessavløpsvatnet berre er analyserte for feitt. Ut frå staden der prøvane blir tekne er det også usikkert om prøveresultata er representative for utsleppet. I utsleppsløyvet er det sett krav til at verksemda skal etablere eit måleprogram for å sikre at krav i løyvet vert overhaldne. Det skal takast prøver av prosessavløpsvatnet minst fire gonger i året. Prøvane skal analyserast med omsyn til parametrane suspendert stoff (SS), feitt og kjemisk oksygenforbruk jf. vilkår 3.1. Måleprogrammet må omfatte målepunkt, metodar, tidspunkt og frekvensar for prøvetaking som gir representative prøveresultat. Miljødirektoratet har nyleg kome med ein ny rettleiar: «Industrielle måleprogram». I denne er det spesielt Del 1 «Måleprogram og usikkerhetsvurderinger av enkeltmålinger» som er aktuell. Rettleiaren følgjer vedlagt. Verksemda må etablere måleprogram og dokumentere dette i internkontrollen.
4/5 Avvik 2 Verksemda har ikkje utarbeidd energistyringssystem Avvik frå: Utsleppsløyvet, vilkår 2.4 og 8 I løyvet er det sett krav til at verksemda skal ha eit energistyringssystem. Fristen for utarbeiding av eit slikt system var sett til 01.09.2013. Verksemda har enno ikkje utarbeidd eit slikt program. Verksemda nyttar elektrisk kraft som energikjelde til alle prosessar og aktivitetar som krev straum. Utsleppsløyvet inneheld krav om at verksemda skal etablere eit styringssystem for effektiv bruk av energi og rapportering av energiforbruket. Dette inneber at verksemda skal ha eit system for kontinuerleg vurdering av tiltak som kan setjast i verk for å oppnå mest mogleg energieffektiv produksjon ved bruk av beste tilgjengelege teknologi (BAT). Systemet skal vere utarbeidd med bakgrunn i ein grundig gjennomgang av energiforbruket ved heile verksemda og det må omfatte m.a. mål for energieffektivitet (totalt energi forbruk og spesifikt energiforbruk) og ein skriftleg plan for korleis energiforbruket kan reduserast eller haldast lågast mogleg. Verksemda må difor etablere eit energistyringssystem i samsvar med krava i norsk standard for energileiing, NS-EN ISO 50 001. Systemet skal inngå i verksemda sin internkontroll. Merknader Det vart gitt følgjande merknad under kontrollen: Merknad 1 Internkontrollen har nokre forbetringspunkt Verksemda er sertifisert etter BRC-standarden som set høge krav til internkontrollsystem. Internkontrollen for ytre miljø er integrert i dette systemet, og synest i hovudsak å fungere godt. Fylkesmannen vil likevel peike på nokre forbetringspunkt: a. Verksemda opplyste at de har mottatt klage på støy frå naboar. Denne klagen har ikkje vorte handsama i avvikssystemet. Verksemda har eit relativt nytt elektronisk avvikssystem som vert brukt aktivt. For å sikre ei sams handtering av avvik og hendingar knytte til verksemda sine aktivitetar, er det viktig at systemet også omfattar naboklager og andre eksterne avvik. b. Verksemda har ikkje følgt opp alle krava i det nye utsleppsløyvet, sjå avvik 1 og 2. Internkontrollen må sikre at alle relevante krav som gjeld ytre miljø, inkludert nytt eller endra regelverk / løyve, vert fanga opp. Merknad 2 Verkstadkjemikal er ikkje vurderte med omsyn til substitusjon Verksemda har utarbeidd stoffliste for kjemikala som er i bruk. Kjemikal som vert brukte i produksjonslokala er vurderte med omsyn til næringsmiddelgodkjenning. Vaske- og desinfeksjonsmiddel er vurderte i høve til helsefare men ikkje miljøfare. Verkstadkjemikal er ikkje vurderte i det heile. Verksemda bør kartlegge alle kjemikal som er i bruk og vurdere desse i høve til både helse- og miljøfare og om dei ev. kan substituerast med mindre farlege kjemikal.
5/5 Både fare knytt til sjølve kjemikalet, kor store mengder som blir brukt, kor det blir brukt og korleis det vert oppbevart bør vurderast. Andre tilhøve Eigenrapport Innan 1. mars året etter aktuelt utsleppsår skal verksemda rapportere m.a. følgjande til Fylkesmannen: produsert kvantum, utslepp til vatn, energiforbruk (totalt og per tonn produkt) og levert avfall (alle typar. Dette skal rapporterast elektronisk på standardiserte skjema som vert gjort tilgjengeleg via nettstaden Altinn frå ca. 1. februar. Dette er eit nytt krav i utsleppsløyvet så verksemda har ikkje hatt krav om slik rapporering tidlegare. Ta gjerne kontakt med oss dersom de treng hjelp / rettleiing til rapporteringa. Tanklagring Frå 01.01.2014 trer ei ny forskrift om tanklagring i kraft. Forskrifta gjeld tankar for lagring av petroleumsprodukt (10 m 3 ) og andre farlege kjemikal og farleg avfall (2 m 3 ). Forskrifta gjeld også røyrlendingar og anna utstyr knytt til tankane. Det skal vere utarbeidd miljørisikovurdering knytt til lagring av farlege kjemikal. Uavhengig av risikovurderinga skal verksemda etablere ulike førebyggjande tiltak. Dette kan vere kompetansen til tilsette som handterer tankane, konstruksjon, barrierar, teknisk tilstand og vedlikehald, rutinar for drift og handtering, merking av tankar og røyr, oversikt over kva som vert lagra og autorisert tilgang til tankområdet. Verksemda har tankar for oppbevaring av kjemikal (ensileringsmiddel) som kjem inn under denne forskrifta. Ureiningsforkrifta kapittel 18. Tanklagring av farlige kjemikalier og farlig avfall Endringar Dersom det vert endring i produksjonen t.d. dersom verksemda startar med filetering eller anna aktivitet som kan ha innverknad på utsleppa eller det ytre miljøet elles, skal Fylkesmannen ha melding om dette.