Eksamensrettleiing om vurdering av eksamenssvar 2014 NOR0214 og NOR0215 norsk hovudmål og norsk sidemål Sentralt gitt skriftleg eksamen etter 10. trinn for elevar og for vaksne deltakarar og privatistar Nynorsk
Eksamensrettleiing for vurdering av sentralt gitt eksamen i norsk etter 10. trinn Denne eksamensrettleiinga gir informasjon om sentralt gitt eksamen og korleis denne eksamenen skal vurderast. Rettleiinga skal vere kjend for elevar, vaksne deltakarar og privatistar, lærarar og føresette i god tid før eksamen. Sensorane skal bruke rettleiinga som ei felles referanseramme som grunnlag for vurdering av svaret. Under vil «elevar» bli brukt om både elevar og vaksne deltakarar og privatistar. 1. Organisering av sentralt gitt skriftleg eksamen i norsk Førebuingsdel: 1 dag: onsdag 21. mai 2014, frå kl. 09.00 Eksamen: 5 timer x 2 dager: dag 1, hovudmål: dag 2, sidemål: torsdag 22. mai fredag 23. mai På førebuingsdagen er alle hjelpemiddel tillatne, inkludert bruk av Internett. Førebuingsdagen er obligatorisk skoledag for elevar i grunnskolen. I førebuingstida kan elevane samarbeide, hente informasjon og få rettleiing. Førebuingsmateriell til eksamen blir berre publisert på nett. For å kunne dra nytte av bilete og lyd bør skolane leggje til rette for at elevane kan arbeide med materiellet digitalt. Førebuingsmateriellet kan òg skrivast ut. Sentralt gitt skriftleg eksamen varer i 5 timar. Så langt det er mogleg, bør sentralt gitt eksamen vere IKT-basert. Oppgåvene blir trykte og sende til skolen i tillegg til at dei blir tilgjengelege i PAS på eksamensdagen. Sentralt gitt skriftleg eksamen i norsk er ei prøve i tekstkompetanse. Elevane skal lese og vise at dei forstår ulike tekstar og sjølve produsere tekstar skriftleg. Frå 2014 vil elevane bli prøvde i skriving av ulike typar tekstar på begge eksamensdagane. Det vil derfor ikkje vere ein rein sakprega eller skjønnlitterær skrivedag, som har vore praksis inntil 2013. Elevane skriv éin dag på hovudmål og éin dag på sidemål og får to karakterar: éin i hovudmål og éin i sidemål. Elevar som er fritekne for vurdering med karakter i sidemål, skriv på hovudmålet sitt begge dagane og får éin samla karakter. Praktisk informasjon Topptekst: fagkode, kandidatnummer og namn på skole Botntekst: sidetal og totalt sidetal Font og skriftstørrelse: Arial, Times New Roman eller Calibri i brødtekstar, str. 12 Linjeavstand: 1,5 Oppgåvenummer: skrivast inn i eksamenssvaret, f.eks. A1 og B3 1.1 Førebuing Førebuingsdagen og førebuinsesmateriellet gjeld for begge eksamensdagane. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 2 av 12
Elevane får tilgang til førebuingsmateriellet ved hjelp av brukarnamn og passord kl. 09.00 på førebuingsdagen. I førebuingsmateriellet blir tema for årets eksamen kunngjort. Frå 2014 vil førebuingsmateriellet vere om lag 10 sider, for både å gi elevane tid til å arbeide grundig med materiellet og tid til å knyte temaet for eksamen til innhaldet i opplæringa. Førebuingsmateriellet er knytt opp mot tema på ulike måtar og består av ulike typar tekstar med ulik lengd og vanskegrad. Materiellet er tilpassa alle brukarar, bileta har forklaringar, og alle tekstar er òg lesne inn som lydfiler. Tekstane skal vere til inspirasjon og til bruk som kjelder på eksamensdagane. Valfrie oppgåver har konkrete referansar til førebuingsmateriellet, jf. tidlegare eksamensoppgåver og eksempeloppgåvene. Til eksamen er heile læreplanen til og med 10. trinn aktuell. Det inneber at elevane til eksamen kan prøvast i fleire og relevante delar av læreplanen enn det som kan lesast direkte ut av førebuingsmateriellet. Førebuingstida skal bidra til å førebu elevane til eksamen, men ikkje vere så konkret at ho avslører eksamensoppgåvene. Læraren skal rettleie, men ikkje undervise i førebuingstida. 1.2 Eksamensoppgåvene Eksamensoppgåvene er baserte på kompetansemåla i læreplanen for faget. For å sikre at eksamen prøver fleire av hovudområda i faget og gi elevane høve til å vise brei kompetanse i faget, vil eksamen i 2014 få to delar, del A og del B. Ei eller fleire av oppgåvene vil vere knytte til tekst som er vedlagd eksamensoppgåvene. Eksempeloppgåver for eksamen 2014 er publiserte på www.utdanningsdirektoratet.no, under fana for Vurdering, Eksamen grunnskole. Eksamen har to delar: Del A vil ha oppgåve(r) som tek utgangspunkt i ein eller fleire vedlagde tekstar med avgrensa omfang. Oppgåva(-ene) i del A kan vere knytt opp mot temaet, men må ikkje vere det. Del B vil ha oppgåver til val med utgangspunkt i temaet og knytt opp mot tekstane i førebuingsmateriellet. Eit eller fleire vedlegg med ukjende tekstar i A-delen gjer at lesekompetansen blir knytt tettare til skrivekompetansen og opnar for å prøve konkret fagkompetanse knytt til hovudområdet Språk, litteratur og kultur til skriftleg eksamen i norsk. Oppgåvene i del B kan ha tilvisingar til førebuingsmateriellet igangsetjarar for å hjelpe eleven til å vise kompetansen sin i faget. Eksamen vil ikkje ha krav til kortare svar i del A enn i del B, slik tilfellet var i eksempeloppgåvene. Eleven må disponere tida slik at det blir svart på alle oppgåvene og alle delar av oppgåvene innanfor ramma på 5 timar. Korleis oppgåvene blir utforma i tråd med revidert læreplan, er omtalt under 4.1. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 3 av 12
2. Hjelpemiddel til sentralt gitt eksamen Til eksamen i norsk er alle hjelpemiddel tillatne, bortsett frå Internett og andre verktøy som kan brukast til kommunikasjon. For norsk, som for andre språkfag, er heller ikkje omsetjingsprogram tillatne. Gjennom opplæringa i det enkelte faget skal elevane ha fått rettleiing i å vurdere kva for hjelpemiddel dei kan ha nytte av i arbeidet med å løyse ulike typar oppgåver. Det er eleven sjølv, gjerne i samråd med læraren, som finn fram til kva for hjelpemiddel som er formålstenlege. 3. Kjelder Dersom det er aktuelt for eleven å bruke kjelder i svaret, må dei førast opp på ein påliteleg måte. Det finst ulike måtar å føre opp kjelder på. Det er viktig at kjelder som blir brukte til eksamen, er førte opp på ein slik måte at lesaren kan finne fram til dei. Eleven skal føre opp forfattar og fullstendig tittel på så vel lærebøker som andre tekstar. Dersom eleven bruker utskrift eller sitat frå nettsider, skal eleven føre opp nøyaktig nettadresse og nedlastingsdato. Læreplanen i norsk har kompetansemål som beskriv forventa kompetanse både i å bruke kjelder og i å oppgi kjelder, sjå punkt 4,3. 4. Vurdering av eksamenssvar i norsk etter 10. trinn Læreplanane og forskrift til opplæringslova er grunnlagsdokument for vurderinga. Forskrift til opplæringslova 3-25 og 4-18 slår fast følgjande: Eksamen skal organiserast slik at eleven/deltakaren eller privatisten kan få vist kompetansen sin i faget. Eksamenskarakteren skal fastsetjast på individuelt grunnlag og gi uttrykk for kompetansen til eleven/deltakaren eller privatisten slik den kjem fram på eksamen. Kompetanse er i denne samanhengen definert som evna til å møte ei kompleks utfordring eller utføre ein kompleks aktivitet eller ei kompleks oppgåve. 1 Eksamensoppgåvene blir utforma slik at dei prøver denne kompetansen. Dei samla kompetansemåla i læreplanen for faget 2 er grunnlaget for å vurdere den kompetansen elevane viser i eksamenssvaret, men ikkje alla kompetansemåla blir prøvde i eitt og same eksamenssett. Dei grunnleggjande ferdigheitene er integrerte i kompetansemåla i læreplanane for fag. Grunnleggjande ferdigheiter vil derfor prøvast indirekte til sentralt gitt eksamen. 1 St.meld. nr. 30 (2003 2004) Kultur for læring. 2 Forskrift til opplæringslova 3-3 og 4-3. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 4 av 12
Elevsvaret blir vurdert av to eksterne sensorar. Dersom desse to er ueinige, avgjer ein oppmann karakteren, jf. 3-28 eller 4-21 i forskrift til opplæringslova. Til eksamen er heile læreplanen til og med 10. trinn aktuell. Frå skoleåret 2013/2014 har faget tre hovudområde: Muntlig kommunikasjon, Skriftlig kommunikasjon og Språk, litteratur og kultur. Desse tre hovudområda er utgangspunkt for val av tema og oppgåver til eksamen. 4.1 Ulike typar tekstar Sjangeromgrepet er tona ned i den reviderte læreplanen. Ein annan måte å klassifisere ulike typar tekstar på er basert på den funksjonen teksten har. Tekstar kan mellom anna vere forteljande, beskrivande, kreative, reflekterande, argumenterande, informative eller ei blanding av ulike funksjonar. Det er desse beskrivingane vi finn i den reviderte læreplanen. I læreplanen for norsk er kompetanse i å skrive mellom anna formulert som at eleven skal kunne: skrive enkle beskrivende og fortellende tekster (etter 2. trinn) skrive enkle fortellende, beskrivende og argumenterende tekster (etter 4. trinn) skrive fortellende, beskrivende, reflekterende og argumenterende tekster etter mønster fra eksempeltekster og andre kilder, og tilpasse egne tekster til formål og mottaker (etter 7. trinn) skrive kreative, informative, reflekterende og argumenterende tekster på hovedmål og sidemål med begrunnede synspunkter og tilpasset mottaker, formål og medium (etter 10. trinn) Til eksamen 2014 vil elevane få ulike oppgåver som ber om skriving av ulike typar tekstar. Oppgåvene vil gi elevane høve til å vise lesekompetanse, fagkompetanse og skrivekompetanse. Oppgåveformuleringar i tråd med revidert læreplan Eksamensoppgåvene vil ikkje be om andre typar tekstar enn dei som er nemnde i læreplanen. Oppgåvebestillingane vil alltid konkretisere kva som krevst i oppgåvesvaret. Slike konkretiseringar kan vere at oppgåva fører opp spesifikke skrivehandlingar som at eleven skal fortelje om noko, beskrive noko, informere om noko, gi eksempel på noko, overtyde om noko, eller at teksten skal vere kreativ. Ein kreativ tekst er ikkje éin teksttype, men ein skrivemåte, og kreative tekstar kan vere både skjønnlitterære og sakprega. Andre måtar å gi bestillingar i oppgåvene på kan vere ved å bruke verb frå læreplanen, krav til innhald, oppbygging og/eller språk. Oppgåvene kan også kunne definere mottakar, formål og/eller medium. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 5 av 12
Til eksamen 2014 vil oppgåvene få tilleggsinformasjon som presiserer kva slags sjanger eleven kunne ha blitt beden om å skrive i etter tidlegare læreplan jf. eksempeloppgåvene, revidert versjon. Eleven skal i opplæringa ha lese og analysert eit breitt spekter av tekstar i ulike sjangrar og medium, på bokmål og nynorsk. Til eksamen er det å velje type tekst ein del av kompetansen eleven viser. Eleven skal, ved hjelp av kunnskap om språk og tekst, kunne velje kva for type tekst, eller sjanger, som er best eigna for oppgåvene. Dei skal kunne planleggje, utforme og bearbeide tekstane og tilpasse dei til mottakar, formål og medium, jf. kompetansemål etter 10. trinn. Det er bestillingane i oppgåvene som er styrande for korleis sensor skal vurdere eleven sitt eksamenssvar. Eksamen vil ikkje ha krav til kortare svar i del A enn i del B, slik tilfellet var i eksempeloppgåvene. Det viktige er at eleven svarer på alle oppgåvene og alle delar av oppgåvene. Sensor skal ikkje vekte oppgåvene og skal vere open for at eleven viser kompetanse på andre område enn forventa. Sensor skal vurdere samla kompetanse slik han kjem fram i eksamenssvaret, jf. forskrift til opplæringslova 3-25 og 4-18. 4.2 Hovudmål/sidemål, bokmål/nynorsk Kompetansemål for fagleg innhald og språkleg kompetanse er felles for hovudmål og sidemål for 10. trinn. Det er derfor ingen fagleg nivåforskjell mellom eksamen i hovudmål og sidemål. Når ein elev har skrive eksamen i sidemål på hovudmålet sitt, eller motsett, skal eksamenssvaret vurderast til lågaste karakter. Når det gjeld vurdering av nynorsk, er det fastsett ei overgangsordning for eksamen i grunnopplæringa i 2013 og 2014. Til desse eksamenane skal bruk av former frå den gamle rettskrivinga, som gjeld fram til 1. august 2012, ikkje reknast som feil. 4.3 Vurdering av kjelder til eksamen i norsk Arbeid med kjelder er forankra i læreplanane for fag. Ei kjelde er i denne samanheng publiserte tekstar. Ifølgje læreplanen for norsk skal elevane etter 10. årstrinn kunne bruke publiserte tekstar på ein kritisk måte og vise til kjeldene dei har brukt: bruke bibliotek og Internett til å finne stoff til egen skriving (etter 4. årstrinn) velge ut og vurdere informasjon fra bibliotek og digitale infomasjonskanaler (etter 7. årstrinn) integrere, referere og sitere relevante kilder på en etterprøvbar måte der det er hensiktsmessig (etter 10. årstrinn) Det er ikkje krav til å bruke kjelder dersom ikkje oppgåva ber om det. I mange samanhengar er det likevel både nødvendig, oppklarande og relevant å vise til kva andre har skrive, og å bruke dette i eigen tekst. Når eleven vel å bruke kjelder i ein tekst, må innhaldet vere relevant og brukast på ein slik måte at eleven viser kompetansen sin i å Eksamensrettleiing 2014: Norsk for elevar og for vaksne deltakarar og privatistar etter 10. trinn Side 6 av 12
nytte seg av kjelder på eksamensdagen. Kjelder som blir nytta til eksamen, må førast opp på ein slik måte at lesaren kan finne fram til dei. Det er ulike måtar å føre opp kjelder på, og til norskeksamen skal eleven både kunne vise til kjelda som referanse i løpande tekst og i ei kjeldeliste (jf. mål etter 10. trinn). Kjelder i løpande tekst skal òg førast opp med fullstendig tilvisingar i ei kjeldeliste. Denne kjeldelista skal plasserast til slutt, etter eleven sin eigen tekst. Her skal eleven føre opp forfattar og fullstendig tittel på så vel tekstar frå førebuingsmateriellet som lærebøker og annan litteratur. Dersom eleven bruker utskrift eller sitat frå nettsider, skal nøyaktig nettadresse og nedlastingsdato førast opp i denne lista. Eksempel på kjelde i løpande tekst: «jekke seg ned» (Vanneboe 2006, s. 105) Vanneboe seier i si bok at (Vanneboe 2006) Eksempel på bokkjelde i kjeldeliste: Vanneboe, Kjell Ivar (2006): Katta i sekken og andre uttrykk, Oslo: Cappelen Eksempel på Internett-kjelde i kjeldeliste: http://www.udir.no/lareplaner/grep/modul/?gmid=0&gmi=167313 lasta ned 26.06.2012 Sensor skal både vurdere måten kjeldene er brukte på, og om kjeldene er førte opp på ein påliteleg måte. Eksamenssvar som heilt viser seg å vere kopi av tidlegare publisert materiell, vil bli vurdert til lågaste karakter. Sensor har tilgang til plagiatkontroll. 4.4 Førehandssensur Formålet med ein førehandssensur er å støtte opp om den sentrale sensuren og sikre ein rettferdig sensur. Førehandssensuren i norsk blir gjord av oppmenn som er erfarne sensorar frå heile landet. Dersom det viser seg at enkelte oppgåver blir oppfatta som vanskelege å vurdere, vil førehandssensuren gi informasjon om dette. Førehandssensuren skal vere 27. og 28. mai 2014, og resultatet av førehandssensuren blir publisert 28. mai kl. 14.00 på Utdanningsdirektoratets nettsider: www.udir.no. Føringane i førehandssensuren er retningsgivande for sensor. 5. Karakterar Forskrift til opplæringslova 3-4 og 4-4 har generelle karakterbeskrivingar for grunnopplæringa: a) Karakteren 6 uttrykkjer at eleven har framifrå kompetanse i faget. b) Karakteren 5 uttrykkjer at eleven har mykje god kompetanse i faget. c) Karakteren 4 uttrykkjer at eleven har god kompetanse i faget. d) Karakteren 3 uttrykkjer at eleven har nokså god kompetanse i faget. e) Karakteren 2 uttrykkjer at eleven har låg kompetanse i faget. f) Karakteren 1 uttrykkjer at eleven har svært låg kompetanse i faget. Berre heile karakterar blir brukt til eksamen. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 7 av 12
6. Kjenneteik på måloppnåing Kjenneteikn på måloppnåing kan utformast som meir utfyllande beskriving eller samlast i ei kortfatta matrise. Vurderingsmatrisa på side 9 10 har beskrivingar av kjenneteikn på måloppnåing til sentralt gitt skriftleg eksamen i norsk hovudmål og norsk sidemål etter 10. trinn. Matrisa har ikkje beskrivingar av kompetanse for kvar enkelt oppgåve eller kvar enkelt tekst, men beskriv den samla kompetansen for eksamenssvaret. Beskrivingane skal bidra til ei felles forståing av krava til eksamen og til ei meir rettferdig vurdering. Vurderingsmatrisa beskriv kjenneteikn på måloppnåing innafor tre nivå i forhold til kompetansemåla. Karakteren éin, 1, er ikkje beskriven. Kjenneteikna beskriv nærmare kva for eksempel «nokså god til god kompetanse» i faget vil seie for eit eksamenssvar på dette nivået. Lengd er ikkje definert som ein isolert kompetanse. Oversikta over kjenneteikn i vurderingsmatrisa må ikkje oppfattast som uttømmande, og sensor må bruke rettleiingsmateriell og profesjonelt skjønn for å vurdere eleven sin kompetanse slik han kjem fram i kvart enkelt eksamenssvar. Sensor skal nytte den vedlagde matrisa med kjenneteikn på måloppnåing i vurderinga av eksamen i norsk etter 10. trinn, og sensor skal sjå etter kva for kompetanse eleven viser, jf. beskrivingar av kompetanse i matrisa. Eleven skal til eksamen vise sluttkompetanse etter 10. trinn, og alt eleven skriv, set inn og leverer som ein del av eksamenssvaret sitt, skal vurderast som ein del av eleven sin sluttkompetanse. Kjenneteikna er til hjelp for sensor i å definere kvaliteten på elevsvaret. Ved å bruke kjenneteikn på måloppnåing kan sensor danne seg eit bilete av den kompetansen eleven viser. Oppgåvene skal ikkje vektast. Karakteren skal setjast ut frå samla kompetanse, slik han kjem fram i eksamenssvaret. Karakteren 1 skal brukast i dei tilfella der eksamenssvaret som heilskap viser svært låg kompetanse i faget, eller der eksamenssvaret som heilskap er heilt utanfor oppgåvene som er gitt. Vurderingsskjema Vurderingsskjemaet er til bruk for sensor i vurderingsarbeidet. Vurderingsskjemaet blir lagt ut som ei word-fil i same dokumentlager som eksamensrettleiinga, slik at sensorar som ønskjer det, kan bruke skjemaet digitalt. Eksamensrettleiing 2014: Norsk for elevar og for vaksne deltakarar og privatistar etter 10. trinn Side 8 av 12
Kjenneteikn på måloppnåing sentralt gitt skriftleg eksamen 2014 norsk hovudmål og norsk sidemål etter 10. trinn, eksamenskodar NOR0214 og NOR0215 Hovudområde Karakterar 2 3 og 4 5 og 6 Førsteinntrykk kommuniserer til ein viss grad som svar på oppgåvene kommuniserer som svar på oppgåvene kommuniserer tydeleg og presist som svar på oppgåvene Skriftleg kommunikasjon og Innhald og ev. bruk av kjelder har innhald som til ein viss grad er svar på oppgåvene viser noko tekstforståing viser noko fagleg kunnskap har innhald med ei viss utvikling viser bruk av kjelder når oppgåvene ber om det har innhald som er svar på oppgåvene viser tekstforståing viser fagleg kunnskap har eit utvikla innhald viser bruk av relevante kjelder har innhald som er relevante svar på oppgåvene viser relevant tekstforståing viser god fagleg kunnskap har eit innhald med perspektiv og tydeleg utvikling viser sjølvstendig bruk av relevante kjelder Språk, litteratur og kultur Oppbygging har ein viss tematisk samanheng og formål har ein enkel struktur inneheld skrivehandlingar som fortel, informerer, beskriv, reflekterer, argumenterer og/eller grunngir til ein viss grad tilpassa teksttype og formålet med tekstane har tematisk samanheng og etter måten eit klart formål har klar form og struktur inneheld skrivehandlingar som fortel, informerer, beskriv, reflekterer, argumenterer og/eller grunngir stort sett tilpassa teksttype og formålet med tekstane har tydeleg tematisk samanheng og eit klart formål har klar og formålstenleg ytre form og indre struktur inneheld skrivehandlingar som fortel, informerer, beskriv, reflekterer, argumenterer og/eller grunngir godt tilpassa teksttype og formålet med tekstane Språk og stil har forståeleg språkføring stort sett tilpassa innhald, formål, mottakar og medium har innslag av fagspråk og språklege verkemiddel har språkføring som stort sett er tilpassa innhald, formål, mottakar og medium viser bruk av fagspråk og ulike språklege verkemiddel har gjennomført og god språkføring tilpassa innhald, formål, mottakar og medium viser relevant bruk av fagspråk og språklege verkemiddel Eksamensrettleiing 2014: Norsk for elevar og vaksne deltakarar og privatistar etter 10. trinn Side 9 av 12
Kjenneteikn på måloppnåing sentralt gitt skriftleg eksamen 2014 norsk hovudmål og norsk sidemål etter 10. trinn, eksamenskodar NOR0214 og NOR0215 Skriftleg kommunikasjon og Språk, litteratur og kultur Formelle ferdigheiter har eit enkelt eller lite variert ordforråd har forståeleg setningsbygning og enkel tekstbinding har korrekt ortografi i høgfrekvente ord og i teiknsetjing som er nødvendig for kommunikasjonen viser at eleven meistrar dei mest sentrale reglane i formverket viser til einskilde kjelder som er brukte, anten integrert i svaret eller i ei kjeldeliste har stort sett eit klart og variert ordforråd har variert og stort sett korrekt setningsbygning og tekstbinding har stort sett korrekt ortografi og teiknsetjing viser at eleven stort sett meistrar reglane i formverket viser at eleven stort sett kan integrere, referere, sitere og oppgi kjelder som er brukte, på ein etterprøvbar måte har eit presist og variert ordforråd viser at eleven meistrar variert setningsbygning og ulike former for tekstbinding har korrekt ortografi og variert og funksjonell teiknsetjing viser at eleven i hovudtrekk meistrar reglane i formverket viser at eleven kan integrere, referere og sitere kjelder som er brukte, på ein etterprøvbar måte Karakteren 1 uttrykkjer at tekstene viser svært låg måloppnåing, ei lågare måloppnåing enn det som er beskrive ovanfor. Samla vurdering Karakteren 2 uttrykkjer at eleven har låg kompetanse i faget. Karakteren 3 uttrykkjer at eleven har nokså god kompetanse i faget. Karakteren 4 uttrykkjer at eleven har god kompetanse i faget. Karakteren 5 uttrykkjer at eleven har mykje god kompetanse i faget. Karakteren 6 uttrykkjer at eleven har framifrå kompetanse i faget. Eksamensrettleiing 2014: Norsk for elevar og vaksne deltakarar og privatistar etter 10. trinn Side 10 av 12
Vurderingsskjema til sentralt gitt skriftleg eksamen 2014 norsk hovudmål og sidemål for elevar og vaksne deltakarar og vaksne privatistar etter 10. trinn 2014 Kandidatnummer Oppgåvenummer og overskrift, del A og del B Kriteria Førsteinntrykk kommunikasjon med mottakar ut frå oppgåvene Beskrivingar av eleven sin kompetanse (sjå matrisa) Innhald og ev. bruk av kjelder svar på oppgåvene tekstforståing fagleg kunnskap innhald ev. kjeldebruk Oppbygging tematisk samanheng struktur relevante skrivemåtar for teksttypen klart formål Språk og stil språkføring i samsvar med innhald, formål, mottakar og medium fagspråk verkemiddel ordforråd setningsbygning tekstbinding Formelle ferdigheiter ortografi teiknsetjing formverk oppgir kjelder dersom kjelder er brukte Oppsummering med forslag til karakter «Svært låg» kompetanse (1) «Låg» kompetanse (2) «Nokså god» (3) «god» kompetanse (4) «Mykje god» (5) «framifrå» kompetanse(6) Eksamensrettleiing 2014: Norsk for elevar og vaksne deltakarar og privatistar etter 10. trinn Side 11 av 12
Schweigaards gate 15 Postboks 9359 Grønland 0135 OSLO Telefon 23 30 12 00 www.utdanningsdirektoratet.no