Sirdal kommune Enhet for skole Kommunale forskrifter for grunnskulen i Sirdal kommune Foto: Sinnes skule Revidert februar 2017 Vedtatt av kommunestyret 30.03.2017
Kommunale forskrifter for Grunnskulen i Sirdal. Revidert februar 2017 Kapittel 1: Grunnskuletilbodet 1.1 Undervisingstid 1.2 Skulerute 1.3 Reduksjon av talet på skuledagar 1.4 Inndeling av skuledagen 1.5 Innhaldet i opplæringa 1.6 Målform 1.7 Ordensreglar 1.7.1 Gjeldande forskrift 1.7.2 Drøfting av ordensreglar 1.8 Skulekrinsar 1.8.1 Krinsinndeling 1.8.2 Val av annen skule /Flytting til annen krins 1.9 Opplæring utanfor skulen 1.9.1 Leirskule 1.9.2 Turar med overnatting 1.10 Elevpermisjon frå undervisning 1.11 Lærebøker Kapittel 2: Skulebibliotek og skulegudsteneste 2.1 Skulebibliotek 2.2 Skulegudsteneste/samarbeid med trussamfunn Kapittel 3: Elevtryggleik 3.1 Miljøretta helsevern i Grunnskulen 3.1.1: Krav om rutinar 3.2.2: Godkjenning og tilsynsmyndigheit 3.2 Symjeopplæring 3.3 Praksisarbeid for grunnskuleelevar i samband med utdanningsval 3.4 Praksisarbeid i samband med einskildvedtak om spesialopplæring utan timevedtak. 3.5 Elevtilsyn i friminutta Kapittel 4: Skuleskyss 4.1 Kommunalt skyssreglement for Sirdal kommune Kapittel 5: Reglar for tilsette. 5.1 Arbeidsbeskriving for tilsette i grunnskulen Kapittel 6: Supplerande lokale avtalar 6.1 Lokale arbeidstidsavtaler 6.2 Lokale lønstillegg
Kapittel 1: Grunnskuletilbodet 1.1 Undervisingstid (Opplæringslova 2-2, Forskrift til opplæringslova 1-1, 1-6 og Rundskriv Udir-01-2016, vedlegg 1) Skulane i Sirdal har sidan 1997 hatt 9 undervisningstimar på 5-7 ( 3 timar kvar gruppe) utover det veketimetal som er fastsett sentralt (skulestyresak 2/97). Det er gjort fleire endringar frå statleg hald som skulen har dekka innanfor gjeldande rammer. Dette har gitt følgjande konsekvens for dei ekstra timane. Hausten 2009 innførde staten 2,66 timar fysisk aktivitet på 5-7 trinn. Hausten 2010 innførde staten 1,33 timar til fleksibelt bruk. Hausten 2016 innførde staten 1,33 timar naturfag for 5.-7.trinn. Det står da att ca. 1 time pr. gruppe ut over timetalet satt av staten 1.2 Skulerute (Opplæringslova 2-2) Tonstad skule følgjer skuleruta for Vest-Agder, Sinnes skule følgjer skuleruta for Rogaland. (PS 15/47). Dersom desse skal avvikast, søker ein rådmann om dette. 1.3 Reduksjon av talet på skuledagar Er det tale om å ha fleire skuletimar på ein skuledag enn det timetalet som er lagt ut på timeplanen, kan rektor i samråd med SU gje elevane fri tilsvarande. 1.4 Inndeling av skuledagen (Opplæringslova 2-2, Forskrift til Opplæringslova 1-4 1-6) Rådmannen fastsett når skuledagen startar og sluttar. Rådmannen tek stilling til ordningar som endrar lengda på undervisingstimar/samla undervisningstid. 1.5 Innhaldet i opplæringa (Opplæringslova 2-3) Undervisningstimane nemnd i punkt 1.1 vert nytta til styrking av basisfaga (norsk, matematikk, engelsk). Rektor gjer vurdering av kva for fag som skal få styrking. 1.6 Målform (Opplæringslova 2.5) Nynorsk er opplæringsmål i grunnskulane i Sirdal. 1.7 Ordensreglar og bortvising av elevar (Opplæringslova 2.9 og 2.10) 1.7.1 Grunnskulane i Sirdal har ei felles forskrift om ordensreglement Forskrift om ordensreglement er vedtatt av utval for oppvekst og levekår 06.05.2015. Kvar skule kan ha tilleggsreglar ( 12 i forskrift om ordensreglement) som tar i vare særlege, lokale forhold. Rektor fastset tilleggsreglar etter drøfting i skulen sine råd og organ. Reglane blir skrivne inn i forskrift om ordensreglement av den einskilde skulen. Tilleggsreglane må innehalda konsekvensar/tiltak ved brot på reglane. 1.7.3 Drøfting av ordensreglar Ordensreglane blir drøfta i skulen sine rådsorgan kvart andre år etter start på nytt
skuleår. 1.8 Krinsinndeling (Opplæringslova 8.1) Lova seier at «Grunnskoleelevane har rett til å gå på den skolen som ligg nærast eller ved den skolen i nærmiljøet som dei soknar til. Kommunen kan gi forskrifter om kva for skole dei ulike områda i kommunen soknar til». Siste leddet i same lovparagraf lyder : «Etter søknad kan eleven takast inn på annan skole enn den eleven soknar til.» Med utgangspunkt i dette, gjeld følgjande for Sirdal kommune: 1.8.1 Krinsinndeling Det er to skulekrinsar i Sirdal kommune: Sinnes og Tonstad. Grensa går nord for Lindeland gard. Områda nord for grensa høyrer til Sinnes skule. Føresette til elevar som er busett i områda frå krinsgrensa til Omlid, kan fritt velje mellom Sinnes og Tonstad skule. Føresette til elevar i desse områda må melde til kommunen innan 1.februar det året barnet skal starte i 1.klasse, kva for skule dei vel for sitt barn. Skjema for slik melding ligg på Sirdal kommune si heimeside. 1.8.2 Val av annen skule / Flytting til annen krins (Opplæringslova 8.1) Barna skal gå på den skulen som dei ut frå sin bustad soknar til. I særlege tilfelle kan ein søke om å bytte til ein annan skule. Søknaden rettast til rådmann v/einingsleiar skule. Rådmannen/einingsleiar skule rådfører seg med rektorane og avgjer om eleven kan bytte skule. Når ein elev skal flytte frå ein krins til ein annan, må dei føresette tidligast mogleg gje melding til den skulen barnet er elev. Rektor skal straks sende flyttemelding. I særlege tilfelle, og etter sakkunnig tilråding, kan det fattast vedtak om at eit barn skal halde fram med å gå på skule i den krinsen familien har flytta frå. 1.9 Opplæring utanfor skulen (Opplæringslova 2.2 ) 1.9.1 Leirskule Grunnskuleelevane i Sirdal får eit leirskuletilbod i løpet av skulegangen. Opphald og reise er kostnadsfritt. Tilbodet blir gitt det året dei går i 7. klasse. 1.9.2. Turar med overnatting og skuleturar Det er alltid med to vaksne, om mogleg ein av kvart kjønn. Føresetnader for skuleturar (HUV-sak 47/01): a) Skuleturen må vere ein naturleg lekk i klassen sin årsplan, og det må vere ein klar pedagogisk målsetjing for turen og for klassen sin eigeninnsats b) Turen skal i hovudsak vere dekt av inntente middel c) Foreldra i lag med elevane er ansvarlege for inntening/innsamling av middel d) Inntening /innsamling må organiserast slik at ein ikkje kjem i strid med 2 15 i Opplæringslova
Bidrag må vere friviljuge, og det må ikkje utøvast press i høve til å bidra. Ein kan difor ikkje krevje at den einskilde føresette eller elev bidreg for å dekkje utgifter til turar som er ein del av grunnskuleopplæringa. 1.10 Elevpermisjon frå undervising (Opplæringslova 2.11) Når det er forsvarleg kan kommunen etter søknad på fastsett skjema gi den einskilde eleven permisjon i inntil to veker. Heimelen til å gi permisjon er slik: Klassestyrar: Inntil 1 veke. Rektor: Inntil 2 veker. 1.11 Lærebøker (Opplæringslova 11.1: SU har rett til å utale seg om alle saker som gjeld skulen) Rektor vel i samarbeid med sakkunnige lærarar ut læreverk. Kapittel 2: Skulebibliotek og skulegudsteneste (Opplæringslova 9.2, Forskrift 21.1) 2.1 Skulebibliotek Skulebiblioteka i grunnskulen samarbeider med skulebiblioteket på vidaregåande og folkebiblioteket om Forfattarbesøk Kompetanseheving av skulebibliotekarane Erfaringsutveksling Innkjøp og sirkulering av felles materiell 2.2 Skulegudsteneste (Rundskriv F15-07) Den einskilde skule kan arrangere skulegudstenester som ein del av sin generelle kultur- og tradisjonsformidling. Skulegudstenesta kan ikkje være ein del av KRLE-faget. Skulegudstenester bør ikkje arrangerast som semesteravslutning. Det må gjevast informasjon om arrangementet i så god tid at foreldre eller elevar som ønskjer det, innan rimelig frist kan melde fritak. For dei som melder fritak, må skulen gi tilbod om likeverdige alternative tilbod. Foreldra må gi skriftleg melding om fritak til skulen. Elevar over 15 år kan sjølv gi skriftleg melding. Skulen informerer om ordningane ved starten av kvart skuleår.
Kapittel 3: Elevtryggleik (Opplæringslova 9a, Forskrift til opplæringslova 12-1. Forskrift om miljøretta helsevern 6 om kommunen si tilsynsplikt, Forskrift om arbeid av barn og ungdom, og Internkontrollforskrifta) Miljøretta helsevern i grunnskulen 3.1.1: Krav om rutinar Verksemda skal ha rutinar i samband med symjeopplæring ute og inne, trafikk og andre aktivitetar der det er behov for å tenkje tryggleik. 3.1.2: Godkjenning og tilsynsmyndigheit Tilsyns- og godkjenningsansvar er delegert til kommunelege 1. 3.2 Symjeopplæring Rektor gjer vedtak når det er naudsynt med forsterka tiltak. ( jf. forskrift til opplæringslova 12-1b) Læreplanen i Kroppsøving slår fast kav som er norma for symjedugleik. Etter 4.årstrinn: «vere svømmedyktig ved å falle uti på djupt vatn, symje 100 meter på magen, og undervegs dykke ned og hente ein gjenstand med hendene, stoppe og kvile i 3 minutt (imens flyte på magen, orientere seg, rulle over, flyte på rygg); så symje 100 meter på rygg og ta seg opp på land.» 3.3 Praksisarbeid for grunnskuleelevar i samband med faget utdanningsval Rådgjevar syt for at arbeidsgivar blir informert om gjeldande lovverk ( Forskrift om arbeid av barn og ungdom ). 3.4 Praksisarbeid i samband med einskildvedtak om spesialopplæring utan timevedtak. Arbeidet skal følgje reglane for IOP ( Individuell opplæringsplan). Rådgjevar syt for at arbeidsgivar blir informert om gjeldande lovverk ( Forskrift om arbeid av barn og ungdom ). 3.5 Elevtilsyn i friminutta Rektor skal ha ein tilsynsplan som syter for at det er lærartilsyn med elevane heile tida. Kapittel 4: Skuleskyss (Opplæringslova 7.1) 4.1 KOMMUNALT SKYSSREGLEMENT FOR SIRDAL KOMMUNE 1. Rett til skuleskyss vert regulert av opplæringslova 7-1. Utover lovens bestemmingar gjelder også fylkeskommunale og kommunale skyssreglement. Kommunens reglement for skuleskyss er ei kommunal føresegn. Føresegna konkretiserer og gir retningslinjer som ligg til grunn for å innvilga eller avslå skuleskyss. 2. Ifølge lova har elevar i 2.-10. klasse som bor meir enn 4 kilometer frå skolen, rett til gratis skyss. For elever i 1. klasse er skyssgrensa 2 kilometer.
3. I tillegg til dette blir elevar i 2.-10. klasse med under 4 km og 1. klasseelevar med under 2 km reiseavstand omfatta av loven si bestemmingar om rett til skoleskyss når dei må følgje ein vegstrekning som vert definert som særlig farlig eller vanskelig skuleveg. I Sirdal kommune faller flg. vegstrekningar inn under kategorien særleg farleg eller vanskeleg skuleveg: * Josdal Tonstad skule (svært smal, uoversiktlig, bratt, mørk) * Tjomlid Tonstad skule (riksveg, uoversiktlig, høg fart, smal) 4. Dette gjelder når eleven må følgje vegen i ein "rimelig lang og farlig strekning", ikkje berre kryssing av vegen. 5. Akseptabel gangavstand til oppsett bussforbindelse er i følgje fylkeskommunens reglement ca. 1 km for 1. og 2. klasse og ca. 2 km for elever i 3. - 10. klasse, men her skal kommunen foreta ei skjønnsmessig vurdering av elevens modning og korleis standarden på vegen er. 6. Føresette kan søke om fri skuleskyss om dei meiner at vegen er trafikkfarleg. 7. Når søknad føreligg vil rektor i samarbeid med representant frå kommunen sin trafikksakkunnige og FAU ta ein synfaring og avgjere om vegen kan sjåast på som særleg vanskeleg eller trafikkfarleg. Rektor tek den endelige avgjersla. 8. Der det skjer utbetringar m.o.t. sikring av strekningane med for eksempel sykkel- og gangsti, vil klassifisering som trafikkfarlig skuleveg automatisk falle bort. 9. Elevar som er innvilga skuleskyss p.g.a. avstanden til skulen, farlig/vanskelig skuleveg eller av andre årsaker, får utdelt busskort. Eleven kan da nytte oppsette skyssruter, og skuleeigar v/rektor betalar skyssen. 10. Foreldre til elever som har rett på gratis skuleskyss, men som ikkje kan nytte oppsett skulerute, eller som har lengre gangavstand til busshaldeplass enn hhv. 1 og 2 km, kan etter avtale med skulen kjøre barna sjølv og ta imot skysstilskot tilsvarande busstaksten. Rektor kontrollerer at foreldra har utført transporten, og utbetaler godtgjersla. 11. Fylkesmannen i Vest Agder er endelig klageinstans for klager på kommunale skyssvedtak. 12. Dette skyssreglementet for Sirdal kommune gjerast gjeldande frå skulestart hausten 2008. Revidert 2017.
Kapittel 5: Reglar for tilsette (Opplæringslova 2-3, Forskrift til opplæringslova 1.1-1.3, Arbeidsmiljølova) 5.1 Arbeidsbeskriving for tilsette i grunnskulen Det ligg føre arbeidsbeskriving for Rektor Lærar Kontaktlærar Det skal føreligge arbeidsbeskriving for alle stillingar/funksjoner i grunnskulen. Rektor har ansvar for dette. Arbeidsbeskrivinga skal rullerast kvart tredje år. Kapittel 6: Supplerande lokale avtalar 6.1 Lokale arbeidstidsavtaler Rektorane utarbeider lokale arbeidstidsavtaler i samarbeid med plasstillitsvald. Dersom partane ikkje blir samde, kan kvar av partane bringe tvisten inn for sentrale bistandsforhandlingar som slår fast endeleg løysing (Jamfør SFS 2213, pkt. 4a). 6.2 Lokale lønnstillegg Ein visar til lønnspolitiske retningsliner for Sirdal kommune.