SIKRINGSINSTRUKS FOR FURULY BARNEHAGE Instruksen skal vera med på å fremja helse, trivsel, gode sosiale og miljømessige tilhøve for barna i Furuly barnehage. Han skal og førebyggja sjukdom og skade. Bakgrunn for instruksen: Forskrift om miljøretta helsevern i barnehagar og skular m.m. av 01.12.95 ( Barna si arbeidsmiljølov ). INNHALD: A Krav om deltaking og kontroll av risikofylte aktivitetar. s. 2 B Ansvarsfordeling ute. s. 3 C Ansvarsfordeling inne. s. 3 D Reglar og grenser. s. 3 E Sikringstiltak i tilfelle ulykker. s. 4 F Tidsplan for kontrollrundar med ansvarsfordeling. s. 5 G Sikringstiltak og anna ved bringing og henting av barna. s. 6 Til nytilsette og foreldre/føresette. I dette heftet finn de kva område barnehagen har reglar og tiltak for. Les denne sikringsinstruksen! Gjer dykk kjent med reglane som gjeld for dei ulike punkta i instruksen, og spør personalet dersom det er noko som er uklart. 1
TIL PERSONALET A KRAV OM DELTAKING OG KONTROLL AV RISIKOFYLTE AKTIVITETAR. Personalet skal gje melding til styrar om risikofylte aktivitetar, leikeutstyr og apparat. Dei skal sjølv stoppa aktiviteten dersom dei meiner at han kan vera til fare for liv og helse. Risikofylte aktivitetar kan m.a. vera: Klatring - tre, leikeapparat, hytte m.m. Husking Sykling Skliene Aking Turgåing Reglar for dei ulike aktivitetane: Personalet skal vera i nærleiken og fylgja med når desse aktivitetane foregår: Klatring Personalet ser etter at leikeapparata er forsvarleg sikra. Viktig å fjerna tau og anna som kan verta hengjande att på apparata etter leik. Det skal vera godkjent fallunderlag under leikeapparata! Sykling Sykling skal foregå på asfaltert sykkelsti på barnehagen sitt uteområde. Fotballbanen kan også brukast når det ikkje føregår ballspel der. Sklia Personalet må fylgja med når barna er på sklia mellom anna for å passa på at barna ikkje renner kvarandre ned. Aking Personalet som er ute vurderer kor barna kan aka og kva type akebrett som er forsvarleg å bruka. Turgåing Ta med mobiltelefon Alltid 2 vaksne med på lengre turar Maksimum storleik på gruppene: Born over 3 år: 8 12 born og 2 vaksne Born under 3 år: 6-7 born og 2 vaksne 2
B ANSVARSFORDELING UTE Personalet ved Furuly barnehage har ansvar for tryggleiken til alle barna som leikar innanfor deira synsfelt. C ANSVARSFORDELING INNE Tidlegvakt på dei eldste barnegruppene registrerer frammøte på Grøn gruppe. Meldingar frå føresette vert tekne imot og registrert i informasjonsbok der. Furuly barnehage er ein basebarnehage, som legg vekt på samarbeid og ansvarsfordeling på tvers av basane. Det skal vera personale til stade i dei ulike aktivitetsromma når dei er i bruk. Når det er møteverksemd i barnehagen, hjelper basane kvarandre med å passa borna. Lagerrom, vaskerom og personalgarderobe skal berre brukast av personalet. Lagerrom og vaskerom skal vera låst. Personalrommet kan brukast som grupperom saman med vaksne. Borna skal ikkje vera åleine på kjøkkenet. Helsefarlege produkt som t.d. oppvaskemiddel eller medisin tilhøyrande barn og vaksne skal oppbevarast forsvarleg, t.d. innelåst eller høgt i eit skåp. D REGLAR OG GRENSER Borna skal ha få reglar og grenser å retta seg etter. Dei skal vera tilpassa barna sin alder og modning. Personalet har ansvar for å informera borna om reglane og grensene i barnehagen. 3
E SIKRINGSTILTAK I TILFELLE ULYKKER Førstehjelputstyr: Førstehjelputstyret ligg i eit merka skåp på kjøkkenet. Ein tilsett har ansvar for at det til ei kvar tid inneheld det utstyret det skal. Når ein er på tur med barn, skal det vera med førstehjelpsutstyr. Handlingsplan ved ulykker og dødsfall: Barnehagen sin handlingsplan ved ulykker og dødsfall skal vera slått opp på ein synleg stad ved kvar base. Ved ei eventuell ulykke skal styrar/assisterande styrar syta for at det vert skrive ei skademelding. Sorgplan: Styrar har ansvar for at plan for sorgarbeid for barnehagane i Stord kommune vert fylgt når det er nødvendig. Brann: Den som oppdagar brann tek leiinga og ansvaret til ho eventuelt delegerer det til styrar. Det heng handlingsplan for brann ved kvar base. 4
F PLAN FOR KONTROLLRUNDAR OG ANSVARSFORDELING Brannøving Minimum 2 brannøvingar i året. Skriftleg evaluering av brannøvingane. Skal setjast inn i brannvernpermen. Ansvar: Styrar Kontrollrutiner brannslokkingsapparat Skal kontrollerast av Brann og Feiarv. i Stord kommune 1 gong i året Kontrollrutiner brannslange Skal kontrollerast 2 gonger i året Når me har brannøving Ansvar: Styrar Brannklokkene Skal kontrollerast av Stord kommune 1 gong i året. Røykvarslar Skal kontrollerast 1 gong i året. Ansvar: Tekniske tenester, Stord kommune HMT / vernerunde Ved behov Skriva rapport etter runden Ansvar: Styrar Oppbevaring av helsefarlege stoff Vaskemiddel og kjemiske/etsande stoff skal oppbevarast øvst i eit skåp eller vera innelåst. Ansvar: Alle 5
TIL FØRESETTE G SIKRINGSTILTAK OG ANNA VED BRINGING OG HENTING AV BORNA Motoren på bilane skal slåast av. Bilane skal stå i gir og nøklane takast ut. Borna skal til ei kvar tid ha uteklede i barnehagen som høver årstid og ver. Borna skal ha bytteklede liggjande i barnehagen. Foreldre/føresette har ansvar for at det alltid er nok bytteklede. Foreldre/føresette må melda frå til personalet når dei hentar barnet/borna. Det kan, av ulike grunnar, førekoma at personalet ikkje ser det. Slepp ikkje barnet/borna dykkar utanfor porten før de er klare til å gå sjølv. Det kan skje ei ulykke dersom born går bak bilar som skal til å rygga. Ved bringing og henting skal foreldre og born bruka inngangane til basane. Informasjon som vedkjem barnet/borna vert mellom anna hengt opp der, eventuelt formidla munnleg. Ta ein kikk på informasjonen når de hentar om kva gruppa til barnet dykkar har gjort på i barnehagen. Lat att porten inn til barnehagen når de kjem og går, sjølv om det ikkje er born ute. Snorer i borna sine uteklede kan vera årsak til kveling under leik. Sjå etter om snorene kan fjernast eller klippast kortare. Føresette tek heim regnkle og liknande i yttergarderoben kvar fredag så reinhaldar får vaska litt grundigare når ho kjem måndag morgon. 6