ROVVILTNEMNDA I REGION 1 Vest-Agder, Rogaland, Hordaland og Sogn og Fjordane Rovviltnemnda region 1 Adresseliste Dykkar ref: Vår ref:. Arkivnr.: Dato: 2017/968 433.52 02.03.2017 Protokoll frå møte i rovviltnemnda region 1-27. februar 2017 Rovviltnemnda region 1 hadde møte i Bergen måndag 27. februar. På førehand var natur- og miljøvernorganisasjonane inviterte til å halde innlegg om deira syn på rovviltforvaltninga i regionen. Bondelaget/beitenæringa ga på førehand innspel til sak 3/17 kvote for betinga skadefelling og beitelaga i Indre Sogn leverte ein kort rapport om lisensfellingsprosjektet. Deltakarar: Frå rovviltnemnda: Aleksander Øren Heen, Helge Nævdal, Gunvor Birkeland, og Aase Simonsen. Forfall: Helen Hjertaas. Frå fylkesmennene: Hermund Mjelstad, Helen Haaland, Jørgen Aarø og Kari Elsa A. des Bouvrie. Statens Naturoppsyn: Rein-Arne Golf Naturvernforbundet Sogn og Fjordane: Marit Bendz Vestskog: Arve Aarhus Hordaland Bondelag: Geir Totland Hordaland Sau- og geit: Reidar Kallestad Protokoll Sak 1/17: Fordeling og prioritering av budsjett for førebyggande og konfliktdempande tiltak i 2017. Driftsbudsjett for nemnda og kompensasjon for sekretariatet. Postadresse: Leiar for rovviltnemnda: Sakshandsamar: Rovviltnemnda i region 1 Aleksander Øren Heen Hermund Mjelstad c/o Fylkesmannen i Sogn og Fjordane Naddvik, 6885 Årdalstangen Telefon 57643124 Njøsavegen 2 6863 Leikanger Telefon: 91134842 aleksander.heen@sfj.no fmsfhm@fylkesmannen.no http://www.fylkesmannen.no/sfj
Side 2 av 5 Vedtak: 1. Rovviltnemnda i region 1 fordeler tilskotsramme til førebyggande og konfliktdempande tiltak, kjøp av tenester og drift av rovviltnemnda på dette viset for 2017: * 1420.73 Tilskot etter søknad 1420.73 Akutte tiltak 1420.21 Tenestekjøp 1420.21 Drift og løn FM Aust- og Vest-Agder 100 000 80 000 150 000 25 500 FM Rogaland 40 000 40 000 25 000 25 500 FM Hordaland 40 000 40 000 25 000 25 500 FM Sogn og Fjordane 200 000 80 000 150 000 373 500 Vaktordning, løn og drift av nemnda, kompensasjon sekretariat Fellestiltak 70 000 Nemnda til disp. 60 000 Til saman 450 000 300 000 350 000 450 000 *Fordelinga er under føresetnad av at rovviltnemnda får tildelt same ramme som tidlegare år frå Miljødirektoratet. Ramma var ikkje klår til møtet. 2. Det skal ikkje utbetalast tilskot til reine tilsynsprosjekt utan i kombinasjon med andre tiltak. Fylkesmennene har høve til å sette av ytterlegare midlar til reserve dersom det ikkje er omsøkt tilstrekkeleg beløp frå søknader som kvalifiserer til tilskot. 3. Det er sett av store beløp i reserve, det vil seie til akutte behov i beitesesongen. Nemnda vil oppmode fylkesmennene til å sjå nærare på om det kan vere aktuelt å nytte eventuelle beløp som står att etter beitesesongen er ferdig til nye tiltak eller forbetring av eksisterande tiltak. Reservebeløpet kan og nyttast til formar for dialog med involverte organisasjonar i fylket. Frigjorte beløp som følgje av avslag eller reduserte tilskot til søknader er reserver til akutte tiltak. 3 b. Nemnda har sett av kr 60.000,- til disposisjon for akutte tiltak felles for heile regionen. Dersom beløpet ikkje blir nytta i beitsesongen, skal sekretariatet informere dei andre fylkesmennene om dette i løpet av oktober. 4. Tilskot skal vere retta inn mot spesifiserte tiltak og kan ikkje nyttast til løn og drift av skadefellingslag utanom fellingsaksjonar, jf. rovviltforskrifta 9 og 9 a. 5. Fylkesmennene må ta høgde for godtgjering av skadefellingslag etter gjeldande satsar. 6. Bruk av tilskot til tidleg sanking skal vere i samsvar med forvaltningsplanen for Region 1. 7. For å få tilskot til førebyggande eller konfliktdempande tiltak skal tiltaket avklarast med fylkesmannen på førehand. Tilsegn skal vere skriftleg. Akutte tiltak kan avklarast pr. telefon eller e-post, men skriftleg tilsegn skal sendast så snart som råd.
Side 3 av 5 8. Tildelinga på 1420.21 kan nyttast til kjøp av tenester for å styrke arbeidet med førebyggande og konfliktdempande tiltak. 9. Det er ikkje høve til å engasjere personell hos fylkesmannen for gjennomføring av førebyggande tiltak. 10. Tilskot frå 1420.73 skal prioriterast til tiltak retta mot husdyr. Fylkesmannen kan likevel nytte deler av ramma til andre førebyggande tiltak, jf. forvaltingsplanen kap. 8. 11. Mottakar av tilskot skal rapportere bruken innan 1. desember 2017 gjennom elektronisk søknadssenter. Rapporten skal innehalde ei evaluering av tapsreduserande eller konfliktdempande effekt. Fylkesmannen skal rapportere bruken av tilskotsmidlane innan 15. januar 2018 til Miljødirektoratet og rovviltnemnda. Fylkesmannen skal og rapportere effektar av tilskotet så godt det let seg gjere. 12. Nemnda har vedteke å støtte søknaden frå Vestskog om eit regionprosjekt for jerv; «Prøveprosjekt jerv region 1 2017 2019» med kr 70.000,- frå 1420.73, under føresetnad av at Klima- og miljødepartementet støttar prosjektet økonomisk. Dette vedtaket er ikkje eit enkeltvedtak etter forvaltningslova, og kan ikkje klagast vidare. Sak 2/17: Status for rovvilt i regionen, ved Statens Naturoppsyn. SNO v/rein-arne Golf orienterte. Det er ingen observasjonar av bjørn i regionen. Det vert registrert sporadisk førekomst av gaupe i indre deler av Hordaland og Sogn og Fjordane. I 2016 vart det fanga opp ei gaupe på eit viltkamera i Odda kommune. I tillegg vil det normalt vere nokre dyr også i Vest-Agder, men det er ikkje observert gaupe hittil i vinter. Heller ingen felte gauper så langt vi kjenner til. Ulv er det ingen sikre observasjonar av i Rovbasen i vinter, den siste observasjonen er frå i sommar 2016 (seinast 1. september), då ulv truleg drepte 10 sau i Vest-Agder. Jerv er det observasjonar av i Sogn og Fjordane, men usikkert kor mange individ. Vidare er det ein eller fleire jervar på Hardangervidda inkludert tilgrensande område i Rogaland, Vest-Agder og Hordaland. Det er ikkje felt jerv under lisensjakta i region 1 i 2016/2017. Sak 3/17: Kvote for betinga skadefelling frå 01.06.2017 15.02.2018. Vedtak: Art Tal Jerv 8 Gaupe 2 Ulv 4 Bjørn 1 Nemnda sitt vedtak kan påklagast og blir difor sendt ut som eiga sak. Sak 4/17: Orientering/innlegg frå natur- og miljøvernorganisasjonane. Det møtte ein representant, frå Naturvernforbundet i Sogn og Fjordane. Representanten orienterte kort om Naturvernforbundet sitt syn på rovviltpolitikken i region 1. Politikken ber preg av at alle rovdyr i regionen skal skytast ut og det er ikkje Naturvernforbundet samde i.
Side 4 av 5 Sak 5/17: Fylkesmennene sitt arbeid med rovviltsaker i region 1, samordning og lik praksis. Leiar i nemnda orienterte om bakgrunnen for saka, og viste spesielt til ulik praksis ved tildeling av midlar til førebyggande tiltak, og ulik praksis ved tildeling av skadefellingsløyve for t.d. jerv. Det er semje om at vi diskuterer dette vidare på neste møte i nemnda. Det er ønskjeleg at ein representant for rovviltforvaltninga hos fylkesmennene i regionen kan delta på dette møtet, som er føreslege å vere 22. mai i Oslo eller på Gardermoen. Sak 6/17: Orienteringssaker og ymse. -Evaluering av den regionale rovviltforvaltninga og forvaltning av kongeørn. Leiar orienterte om evalueringa. Det har vore eit møte med KLD der leiar og sekretariatet møtte. Leiar fremma forslag til uttale om saka i møte. Innspel som kom i møte skal innarbeidast og kvitterast ut med nemnda før uttalen vert sendt KLD. FM Sogn og Fjordane har gjeve ei generell og kort uttale, m.a. på bakgrunn av FM si rolle som sekretariat. -Samordningsoppdraget for jerv i Sør-Noreg. FM Oppland har ansvaret for dette oppdraget, men arbeidet er utsett sidan fleire av rovviltnemndene er ute av drift. -Økonomirutiner i nemnda. Viktig at alle sender inn rekningane sine gjennom DFØ-systemet. Normalt blir ein møtedag i nemnda rekna til 6 timar, og møtegodtgjersla er kr 439,- for medlem og kr 581,- for leiar i 2017. Andre møter som medlemane deltek på blir rekna time for time med kr 439,- for alle. -Møteplan Neste møte i nemnda blir 22. mai 2017. Stad Oslo eller Gardermoen. -Søknad om tilskot til «Prøveprosjekt jerv region 1 2017 2019» frå Vestskog. Arve Aarhus frå Vestskog orienterte om søknaden som gjeld heile region 1. Prosjektet vil samordne innsatsen for å få ein meir effektiv lisensjakt på jerv. Utfordringa er m.a. at jerven nyttar store område på tvers av fylkesgrenser og dette krev samhandling mellom fleire fylkesmenn og fellingslag. Prosjektet vil bidra til ei samordning på tvers av fylka og sjå regionen under eitt. Hovudsøknaden går til Klima- og miljødepartementet og til fylkesmennene med delfinansiering. Med helsing Aleksander Øren Heen leiar for rovviltnemnda
Adresseliste: Klima- og miljødepartementet Miljødirektoratet Fylkesmennene i region 1 Mattilsynet Statens Naturoppsyn Bondelaga i fylka Sau- og geit i fylka WWF Norge Foreningen våre rovdyr Norges Miljøvernforbund NOAH -for dyrs rettigheter Naturvernforbundet i fylka Side 5 av 5