RUNDSKRIV FOR TILSKOTSORDNING RUNDSKRIV 06/2017 Del C: Tilskot til kommunar for å forlenge kvalifiseringslaup for deltakarar i introduksjonsprogram år 4 1. Innleiing Rundskrivet er utarbeida av IMDi og er basert på regelverket fastsett av Justis- og beredskapsdepartementet 20. desember 2016, med grunnlag i Stortinget sitt budsjettvedtak av 15. desember, jf. Prop. 1 S (2016-2017) kap. 496, post 62. Tilskotsordninga vert forvalta av Integrerings- og mangfoldsdirektoratet (IMDi). 2. Mål for ordninga 2.1. Hovudmål Hovudmålet med denne delen av Jobbsjanseordninga er å styrke nyankomne innvandrarar sin moglegheit for deltaking i yrkes- og samfunnslivet gjennom forlenga kvalifiseringslaup med eitt ekstra år (år 4), etter deltaking i eit treårig Introduksjonsprogram. Tilskotsordninga skal bidra til å prøve ut tiltak som kan bidra til å gjere rammene for introduksjonsprogrammet meir fleksible for kommunane. 2.2. Delmål Jobbsjansen skal gjennom individuelt tilpassa program gi styrka kvalifikasjonar for å delta i arbeidslivet eller ordinær utdanning. Tilskotsordninga skal bidra til kunnskapsutvikling. 2.3. Målgrupper Deltakarar i introduksjonsprogram som har behov for forlenga kvalifiseringslaup med ytterlegare eitt år utover dei første tre år. I samhøve med introduksjonslova skal programmet vare så lenge deltakaren har behov for det, innanfor ei maksimal ramme på 3 år. Kommunar kan etter søknad gjevast jobbsjansemidlar for å forlenge deltakarens kvalifiseringslaup med eitt ekstra år, slik at programmet vert på til saman 4 år. Dette vil særlig gjelde for deltakarar med liten eller ingen skulebakgrunn og som derfor ikkje kjem i arbeid eller utdanning innanfor den ordinære ramma av Introduksjonsprogrammet. Denne ordninga kan vere aktuell for deltakarar som har starta i grunnskule eller vidaregående opplæring som ein del av introduksjonsprogrammet, og som har behov for lenger kvalifiseringslaup for å kunne fullføre den skulegangen dei har starta. I særlege høve kan det også vere aktuelt for kommunen å forlenge deltakarar sine arbeidsretta kvalifiseringslaup. Følgande presiseringar/ unnatak gjeld: IMDi Postboks 8059 Dep. 0031 Oslo I Tollbugata 20, 0031 Oslo I Telefon: 24 16 88 00 I Telefaks: 24 16 88 01 E-post: post@imdi.no I Organisasjonsnummer: 987 879 696 I www.imdi.no
Personar som har rett til introduksjonsprogram, det vil seie dei første tre år etter introduksjonslova, er ikkje omfatta av Jobbsjansen. Kravet er at kommunen først skal ha gitt tilbod om 3 år i introduksjonsprogrammet for aktuelle deltakarar før ein kan søke om Jobbsjansemidlar for å utvide kvalifiseringslaupet til eitt ekstra år. Overgang til år 4 bør helst skje direkte, men i særlege høve kan det godtakast eit opphald i programmet. Eit tilbod om forlenga programtid etter denne ordninga skal vere forankra i deltakaren sin individuelle plan, og skal vere eit ledd i eit samanhengande kvalifiseringslaup som varer opp til fire år. Tilbodet skal ikkje vurderast som ei forlenging av program i høve Introduksjonslova, men ein kvalifiseringsaktivitet innanfor ramma av Jobbsjansen. 2.4. Varighet Tilbodet i Jobbsjansen skal vere inntil eitt år. 3. Tildelingskriterium 3.1. Inngangskriterium Kommunar med deltakarar i introduksjonsprogram som har gjennomført tre år programtid innanfor ramma av introduksjonsprogrammet. Det er ope for interkommunalt samarbeid. Kommunane kan i interkommunale fellesskap søke prosjektmidlar. 3.2. Utgifter som kan søkast dekt av Jobbsjansemidlar Det kan søkast om midlar til dekning av prosjektleiar/- programrådgjevarstilling. Det skal utbetales stønad til programdeltakarar tilsvarande 2 G per år jf Lov om Introduksjonsprogram. Deltakarar under 25 år skal motta 2/3 stønad. Kommunar kan søke om Jobbsjansemidlar til dekning av stønad opptil 1 G per deltaker per år. Resterande stønad skal utbetalast av kommunen med eigne midlar. 3.3. Vurderingskriterium Det skal settast resultatmål for prosjekta. Kommunane må i søknaden fastsette kvantitative og kvalitative mål. Kommunen må kunne syne til at det vil verte etablert samarbeidsstruktur og rutinar som sikrar god overgong frå intro år 3 til intro år 4 i jobbsjansen. Det skal arbeidast systematisk med utvikling av individuelt tilpassa programinnhald og tiltak som gir best mogleg resultat i kvalifisering og formidling til arbeid og utdanning. Prosjekta bør beskrive korleis dei skal jobbe med år 4 for at det skal auke moglegheita for å få den einskilde deltakar over i arbeid eller utdanning. Det er ein føresetnad at kommunen har etablert eit forpliktande og systematisk samarbeid med relevante kommunale fylkeskommunale og statlege sektorstyresmakter. Prosjekt som har deltakarar under 25 år bør etablere samarbeid med fylkeskommunen sin utdanningsadministrasjon og den fylkeskommunale oppfølgingstenesta. Eit slikt samarbeid kan også vere aktuelt for aldersgruppa over 25 år. Prosjektsøknadane skal synleggjere korleis forpliktande samarbeid med ulike partar er planlagt ivareteke. Side 2 av 6
Prosjekta bør ha eller opparbeide seg naudsynt arbeidsmarknadskompetanse og etablere forpliktande og systematisk samarbeid med private og offentlege arbeidsgjevarar der det er hensiktsmessig. Kvalifiseringa skal tilpassast mot behovet for arbeidskraft i den lokale og regionale arbeidsmarknaden. Det leggast til grunn at tiltak og stønadar i regi av NAV nyttast både ved gjennomføring av programmet når det er hensiktsmessig, og når deltakerne kan formidlas til ordinært arbeid. Der ikkje kommunen allereie har etablert eit forpliktande og systematisk samarbeid med lokale frivillige organisasjonar, forventast det at prosjektet etablerer eit slikt samarbeid. Prosjekta skal sjåast i samanheng med eventuelt anna utviklingsarbeid i kommunen og bidra til ein heilskapleg og langsiktig planlegging og utvikling av kommunane sitt integreringsarbeid. 3.4. Fleirårige prosjekt Det kan gjevast støtte til fleirårige prosjekt, men det takast atterhald om Stortinget si bevilling utover budsjettåret 2017. 4. Kunngjering Tilskotsordninga kunngjerast i desember månad på IMDi si nettside samt på Justis- og beredskapsdepartementet si nettside for tilskotsordningar (Hurtigval Tilskot frå JD). Søknadsfristen er 15. februar 2017. Tildelinga av tilskot frå IMDi skal normalt skje innan 15. mars 2017. Dersom ikkje alle midlar er fordelt etter dette, kan det ev. foretakast ei ny kunngjering med søknadsfrist 1. august. IMDi kan, men er ikkje forplikta til å behandle søknader som er komne inn etter fristen. 5. Oppfølging og kontroll 5.1. Krav til søknaden sitt innhald og form Det skal nyttast eit elektronisk søknadsskjema for å søke om Jobbsjansemidlar. Skjemaet vert gjort tilgjengeleg på deira webområdet i IMDinett.no saman med rettleiing for bruk av skjemaet. Skjemaet skal minimum innehalde følgande opplysningar: Om søkar: Søkar sitt namn Adresse, telefonnummer og e-postadresse Organisasjonsnummer Kontonummer for remittering av tilskot Kontaktperson(ar) Tal på prosjektarbeidere (stillingsprosent) Kva føresetnader/kompetanse har søkar for å gjennomføre prosjektet/tiltaket? Har søkar tidlegare gjennomført liknande tiltak? Om prosjektet/tiltaket: Målsetting og grunngjeving i forhold til formålet med tilskotsordninga Side 3 av 6
Målgruppe og geografisk område Tal på deltakarar i prosjektet Plan for gjennomføring Forventa resultat Interne og eksterne samarbeidspartnarar som kommunen vil samarbeide med om gjennomføring av prosjektet. Det vert særleg bede om tydeleggjering av samarbeidet med arbeidsgjevarar, næringslivet, andre offentlege instansar med ansvar for kvalifisering, og frivillige organisasjoner. Finansiering: Budsjett for tiltaket/prosjektet Finansieringskjelder for prosjektet Det leggjast til grunn at kommunen bidreg med eigenfinansiering av prosjektet, herunder bruk av kommunen sine faste stillingsressursar. Kommunen si eigenfinansiering skal gå inn i budsjettforslaget, som ein del av søknaden. Eigenfinansiering i form av eigeninnsats skal kvantifiserast med kronebeløp. Berekninga av eigeninnsats skal gjerast synleg i søknaden til IMDi. Kva beløp har søkar søkt om frå andre offentlege styresmakter, ev andre kjelder (kva). Søknaden skal signerast av rådmann/bydelsdirektør i kommunen/bydelen, ev. av ein leiar i ovannemnde si leiargruppe. Innvilga søknadar vil verte bekrefta med tilskotsbrev frå IMDi. For å bidra til best mogleg effekt av tilskotsordninga ønsker IMDi å følge opp prosjekt det gjevast tilskot til gjennom samarbeid med kommunane. Dette vil bli nærare omtalt i tilskotsbrev til dei kommunar som vert innvilga støtte. 5.2. Rapporteringskrav og andre krav til tilskotsmottakar Tilskotsmottakar skal rapportere om resultat- og måloppnåing med omsyn til tilskotsordninga sitt mål og vurderingskriterium. Nærare rapporteringskrav vil gå fram av tilskotsbrevet. Prosjektrekneskap skal innehalde eit oversyn over prosjektet sine inntekter og utgifter som er rekneskapsført i 2017. Kommunane skal delta i formidling av erfaringar og resultat til andre kommunar og offentlege styresmakter med sektoransvar på integreringsfeltet. Kommunane skal også bidra i evaluering av ordninga. Tilskotsmottakar skal nytte tilskot i samhøve med det formål, dei aktivitetar og det budsjett som går fram av IMDi sitt tilskotsbrev. For eventuelle endringar skal tilskotsmottakar sende ei skriftleg henvending til IMDi. Endringar kan berre skje etter at tilskotsmottakar har fått samtykke frå IMDi. Dersom tilskotsmottakar samarbeider med andre aktørar om prosjekt/tiltak, skal tilskotsmottakar gjere samarbeidspartnarar kjende med vilkåra for tilskotet. Dersom prosjektrapport, årsrapport, rekneskap eller andre opplysningar viser at tilskotsmottakar opptrer eller har opptredd i strid med intensjonar med tilskotet slik desse er klargjort i tilskotsbrev og dette regelverket, kan IMDi: 1) Innføre strengare rapporteringsrutiner 2) Avslå eventuelle seinare søknadar om tilskot 3) Redusere storleiken på eventuelle seinare tilskot 4) Krevje at tilskotet betalast tilbake Side 4 av 6
IMDi og Riksrevisjonen kan kontrollere at midlane vert nytta etter føresetnadene, jf. Stortinget sitt bevillingsreglement 10, 2. ledd og riksrevisjonslova 12, 3. ledd. 6. Klagebehandling IMDi si tildeling av tilskot i samhøve med dette regelverket er ikkje å rekne som enkeltvedtak jf. forvaltningslova (fvl) 2. Kommunane har derfor ikkje klagehøve jf. fvl 3.. 7. Stønad til deltakarar Deltakarar i denne delen av Jobbsjansen skal motta stønad. Det skal utbetalast stønad til programdeltakarar tilsvarande 2 G per år jf Lov om Introduksjonsprogram. Deltakarar under 25 år skal motta 2/3 stønad. Kommunar kan søke om Jobbsjansemidlar til dekning av stønad opptil 1 G per deltakar per år. Resterande stønad skal utbetalast av kommunen med eigne midlar. Stønaden per månad utgjer 1/12 av stønaden på årsbasis. Ved fråvær som ikkje skuldast sjukdom dokumentert med legeerklæring, eller andre tvingande velferdsgrunnar som det er gitt løyve til, skal stønaden reduserast med trekk etter mønster av introduksjonslova 10. Regelverket for trekk beskrivast skriftleg for deltakar. Unnatak er at det ikkje er heimel for å gjere avkorting i overgangsstønaden som følge av fråvær i Jobbsjansen. For deltakarar som mottar stønad basert på tilskotsmidlar frå IMDi gjeld særleg: Stønaden er skattepliktig jf. fråsegn frå Finansdepartementet til Arbeids- og inkluderingsdepartementet i brev av 16. desember 2009. Fråsegna gjeld Ny sjanse, men vil no også gjelde Jobbsjansen: Stønad som ytast under kvalifiseringsprogrammet Ny sjanse til deltakarar som ikkje er mottakarar av sosialstønad, er skattepliktig etter skattelova 5-1 første ledd jf. 5-42 bokstav b. Det skal også bereknast personinntekt av slik stønad, jf. skattelova 12-2. Trygdeavgift bereknast med låg sats. Den aktuelle kommunen vil vere oppgåvepliktig etter likningslova 6-2 første ledd bokstav b, og det skal foretakast forskuddstrekk i ytinga, jf. skattebetalingslova 5-6 første ledd bokstav b. Ytinga er arbeidsgjevaravgiftspliktig. Informasjon om samordning av utbetaling av stønad og ytingar frå NAV Det er ikkje høve til å utbetale individstønaden til kommunen for tiltaksdeltakarar i Jobbsjansen. Det er kommunen si oppgåve å samordne stønad til livsopphald gjennom Jobbsjansen med eventuell utbetaling av individstønad til deltakarar på arbeidsretta tiltak frå NAV. 8. Kontaktpersonar Nærare opplysningar kan også fåast ved å vende seg til IMDi: IMDi Øst: Binh Nguyen (90 27 15 56, bing@imdi.no), Ritika Dhall (90 23 84 62, rdh@imdi.no) IMDi Indre Øst: Guro Engstrøm Nilsen (45 84 27 60, gen@imdi.no) IMDi Sør: Gry Tangstad (48 19 32 41, gta@imdi.no) IMDi Vest: Tone Fossgard Sandøy (48 50 47 20 tfs@imdi.no) IMDi Midt-Noreg: Fiffi Ndirira M. Namugunga (90 28 85 31, fina@imdi.no) IMDi Nord: Lars Erik Lillefloth (94 78 58 18, lli@imdi.no) Side 5 av 6
IMDi sentralbord: 24 16 88 00 For meir informasjon om ordninga: www.imdi.no. Med helsing for Integrerings- og mangfaldsdirektoratet Morten Tjessem fung. regiondirektør IMDi Øst Manzoor Khan seniorrådgjevar Side 6 av 6