Årsmelding for Breim Sau og Geit 2012. Norsk Fjordhestgard, Onsdag 30. januar 2013 kl. 20.00. Sakliste: 1. Val av møteleiar. 2 Godkjenning av innkalling og sakliste. 3. Val av 2 personar i tillegg til leiar å skrive under møteprotokoll. 4. Årsmelding. 5. Rekneskap. 6. Nytt frå fylkeslaget. 7. Arbeidsplan. 8. Val. 9. Val av utsending til fylkesårmøtet og vara. 10. Val av 2 revisorar. 11. Val av 1 ny i valnemnda. Matøkt. 12. Æresbevisning. 13. Fjøsbygg for sau, v/edvin Hugvik. Årsmøte vart halde 15.februar 2012 på Norsk Fjordhestgard. Styret: Leiar: Vidar Sandal. Nestleiar: Janne Håheim. Kasserar: Lars Myklebust. Sekretær: Reidar Sandal. Styremedlem: Atle Løvland. Styremedlem: Jonfinn Bø. 1.vara: Atle Støyva. 2.vara: Nils Even Bjørnarheim. 3.vara: Johnny Frøystad. Revisorar: Valnemnd: Rasmus Raad. Atle Støyva. Johnny Frøystad, leiar. Paul Nygård. Lars Olav Vanberg. Styret har helde 5 styremøter og handsama 29 bokførde saker.
Breim Sau og Geit har i arbeidsåret auka medlemstalet frå 33 til 34 medlemar. Småfenæringa er i utvikling. Geitnæringa i Breim har gjennomført renovering og modernisering av bygningsmassen i samband med saneringsprosjektet. Dei som ynskjer å fortsette med geitmjølkproduksjon har no meld seg på siste fase av sanneringa og resten av den gamle geitpopulasjonen vert slakta i løpet av komande vår. Då vert siste etappe av saneringa avrunda og geitenæringa skal vere fri for cae, byllesjuke og paraturbekolose. Ein registrerar samtidig eit redusert behov for mjølk i marknaden. Ei stor utfordring for produsentane og ein stor jobb å gjere for Tine. Sauenæringa produserar samla mindre mengde kjøt og det er underdekning i marknaden. Breim treng eit samla løft og nyskaping innan sauehaldet. Næringa treng av og til sosiale samlingar utan om det daglege fjøsstellet og dei ulike oppgåvene gjennom sesongen. Laga i Breim og Gloppen har siste året gjennomført mykje aktivitet i fellesskap. Dette medfører eit breiare miljø og fleire som er samla samtidig. Sau og Geit i Breim har vore svært opptekne av å styrke samhaldet i småfenæringa i Gloppen Kommune. Næringa er avhengig av eit godt fagleg og sosialt miljø. Det er avgjerande for trivsel og rekruttering. Sau og Geit ynskjer å stimulere til at unge interesserte småfehaldarar skal ta over gardsbruk og gjerne auke talet med vinterfora dyr. Saker styret har jobba med: Ullinnsamling. Det har vore 1 oppsamlingsplass for innsamling av ull i Breim. 3. mars samla vi haustulla ved stadionbygget på Byrkjelo.3.mai vårulla. Lars og Reidar deltok. Fellingsløyve rev. Laget søkte om betinga løyve til å kunne ta ut rev og hi som fører til tap av lam på vårbeite. Vi søkte i lag med Gloppen og Hyen. Løyvet vart gjeve 17. april. Det var tidsavgrensa frå vedtaksdato fram til ordinær jakttid den 15.juli. Fagmøte småfe. Den 27. mars arrangerte Breim fagmøte i lag med Gloppen og Jølster. 43 personar deltok på kveldsmøtet. Det var fagleg innhald og god prat rundt karbonadesmørbrød, kaker og kaffi. Tema for kvelden var førebuande tiltak før beitesesongen. Mål med kvelden var å få meir kunnskap med resultat å redusere tap på beite. Diskusjon kring flott, snyltarbehandling og andre aktuelle utfordringar kring beiteslepp. Veterinær Anne Berit Selle informete på ein god måte og svarte på spørsmål. Forsamlinga fekk god oppdatering, kombinert med ny kunnskap denne kvelden. Marit Flatjord, medlem i roviltutvalet informerte om status kring rovviltsituasjonen i fylket. Ho informerte og om korleis bøndene skulle gå fram ved observasjonar og kven ein skulle kontakte ved funn av spor og kadaver i terrenget. Grim Erik Gillestad frå Felleskjøpet deltok og informerte om nye sortar og kunnskap kring kraftfor til sau.
Fjelltur. Laurdag 4. august arrangerte Breim Sau og Geit i lag meg Gloppen Sau og Geit fjelldag for alle interesserte. Fjelldagen starta med oppmøte på Mardal skule kl. 09.00. Registrering og samkøyring opp til Jardalen. Bildetaking og litt informasjon om ruta for dei 23 deltakarane. Fjellturen frå Sandane til Kandal tok til slutt 7 timar. 6 av deltakarane var frå Breim. Første pause var på Mardalstøylen. Leiaren i Gloppen Sau og Geit, Kjell Mardal orienterte om støylen, drifta opp gjennom tida og beiteområdet slik som det er i bruk i dag. Opphaldsveir og vindstille gjorde at naturopplevinga, i eit fantastisk fjellområde vart ekstra sterk. Turen gjekk i roleg tempo slik at vi kunne få med oss flest muleg. Turdeltakarane fekk oppleve eit aktivt beiteområde som ligg i Naustdal/Gjengedal Landskapsvernområde. Ole Johannes Mardal leda turfølget via Svartekari, Tverrfjellet, Søreideskaret og ned i Sørsendalen. Deretter enda turen nede på Nesstøylen. Deltakarane og andre oppmøtte fekk severt lammelår herleg tilbredt i kokegrop og heimelaga geitost kokt i meieriet på støylen. God stemning i opphaldsveir rundt benkane, gjorde til at myggen til tider vart reint sjarmerande... Ut over kvelden vart det meir servering og dansefoten fekk prøve seg. Danseflaken vart sentrum for deltakarane og andre frammøtte ut i dei seine nattetimar. Dei som ikkje nytta den organiserte skyssen ned frå støylen fekk tilbod om overnatting på støylen. Breim og Gloppen Sau og Geit ynskjer å takke alle frammøtte og sjølvsagt alle som stod for dugnaden i forkant og under fjelldagen. Mykje gode tilbakemldingar på at dette vart ein sosial og uformell triveleg dag.
Verlamkåring. Det vart helde værkåring på Norsk Fjordhestgard med litt historisk sus, laurdag 6.oktober. Det nye av året var at laga i Gloppen/Hyen slo seg i saman med Breim Sau og Geit, til ei felles storkåring. Etter mykje god planlegging av kåringsnemnda med Lars Myklebust i leiing, samla vi ein dugnadsgjeng på 12 stykker til rigging av bingane på fredagen. Den store innandørshallen var fantastisk romsleg og praktisk. Vi fekk låne gjerda til Norsk Countrytreff og fekk med det gode avstands grenser mellom bingane. 131 dyr var mønstra og 110 av dei vart kåra. Av desse var: Møtt: Kåra: NKS 97 86 Spæl 25 15 Sjeviot 2 2 Pels 4 4 Andre 3 3 Rangering: Spelsau: Kåringsnr: Produsent namn: Poengsum: 201258451 - Bø Fellesfjøs. 163 201258448 - Bø Fellesfjøs. 159 201258633 - Svein Helge 156 Hovstad. 201258407 - Bø Fellesfjøs. 156 Norsk Kvit Sau: 201258418 - Rune Gimmestad. 185 201258409 - Rune Gimmestad. 180 201258481 - Mardal Samdrift. 180 201258187 - Flølo Samdrift DA. 178 201258424 - Rune Gimmestad. 177 201258426 - Morten Rygg. 177 201258188 - Flølo Samdrift DA. 176 201258482 - Mardal Samdrift. 176 Det var ein god del sideaktivitetar denne dagen, for å invitere til ein publikum og familiedag. Ungane gjekk natursti med tema sauehald. Stor tippekonkurranse på samla vekt av 2 kraftige værar frå Bø Fellesfjøs. Vi selde lodd og presenterte bruk av gjetarhund på bøen ved ridehallen. Kaffi og vafler i hallen og nydleg betasupemiddag i kafeen på låven. Mykje flotte premiar til publikum og kåringspremiar til sauebøndene. Mykje gode tilbakemeldingar og ein smilande samlande arrangørstab frå heile kommunen. Kan sjå ut som vi har funne ein god mal for kåringssjå inn i framtida. Eit større miljø vert samla og arrangemanget gjev fleire personar å spele på.
Takk til alle som bidrog til å gjere kåringa til ein vellukka og triveleg dag for næringa og besøkande. Matamål. Årets Matamålfestival vart arrangert 29. september på Sandane. Tema i år var småfe og sau. Breim i lag med Gloppen Sau og Geit hadde hovudansvar for aktivitet rundt sau og geit. Utstilling av ulike sauerasar, og binge med kje. Det var klypping av sau i sentrum og gjeting av sau med hund på bøen ved Gloppen Hotell. Fint haustveir og godt oppmøte, gav småfenæringa god profilering denne laurdagen. Fagmøte sau. Breim og Gloppen Sau og Geit arrangerte fagmøte ilag hos Astrid Fjellestad og Finn Hauge på Sandane. Tema var utplukk av påsettlam og foring av sauen gjennom vinteren. Heile 63 personar møtte fram. Kring 15 av desse kom frå Breim. Det var ei yrande stemning under fjøsmøtet på Hauge. Kjell Rune Vik frå Fiskå Mølle held foredrag om foring gjennom vinterhalvåret. Deltakarane fylde forgangane og delvis ledige sauebingar i den romslege fjøsen hos Astrid Fjellestad og Finn Hauge. Johannes Nedrebø tok opp kva som skal til for å kunne gjere eit best mogeleg utplukk av påsettlam. Det var ein sosial lærerik og triveleg kveld i fjøsen på Hauge. Midt i programmet vart det servering av kaker kaffi og pølser med brød. det var rett og slett ei miljøskapande samkome som vart gjennomført denne kvelden. Det var rett og slett nesten utruleg å kunne greie å samle så mykje aktive sauebønder på eit fjøsmøte. Erfaringa Breim Sau og Geit etter kvart kan dra, er nok at å arrangere i lag med
Gloppen Sau og Geit er ein suksessfaktor. Å fordele arbeidsoppgåver mellom 2 aktive lokallag resulterar i størrre miljø og lettare å arrangere. Det er ein fordel med fleire personar å fordele arbeidsoppgåver på. Det vert og lettare å få større breidde i typane arrangemang. Ein erfarar og at lokallaga dreg kvarandre opp og fram. Hyen har slege seg saman med Gloppen og vel å kalle seg Gloppen Sau og Geit. Gjetarhundtrening. Breim og Gloppen arrangerte 24. november trening for gjetarhundar på Norsk Fjordhestgard. Ein ivrig og engasjert gjeng deltok. Kurset fylte seg raskt opp. Dei som deltok var: Mariann Rauset, Rolv Roger Mykland, Paal Flatjord,Nina Erichsen, Maria Langhelle og Janne Håheim. Vi starta med presentasjon av oss sjølv og instruktør, så starta vi med treninga. Sauene var ikkje av dei enklaste, men dette løyste alle hundane bra med litt støtte av dei erfarne hundane til innstruktørane. I ridehallen var det god plass, og dei som ikkje var nede og trente på sauene hadde god oversikt frå tribuna. Vi la opp til ei matpause, der fekk deltakarane sjå litt kva fagstoff der er å oppdrive på dvd fronten. Her gjekk praten laust om hund, lamming og paring. Det sosiale er nesten halve kurset. Mange lovande unghundar møtte fram. Desse blir det spennande å følge med på utover vinteren. Vi rette ei stor takk til instruktørane Margrethe Garlid og Knut Alsaker. Takk til alle som kom og deltok, dette var ein kjempekjekk dag. Media og informasjon. Styret har gjennom arbeidsåret hatt ei bevist satsing på å profilere sau og geitenæringa på ein positiv måte. Noko av presentasjonen har vore i lag med Gloppen Sau og Geit, sidan vi siste året har arrangert ein del i lag. Firda Tidend og Firda har vore positive til
å ta inn skriv og dekke arrangemang. Den 9.mars gjekk det ut pressemelding som informerte om styresamansetning og litt mål for arbeidsåret. Til saman 8 heilsider i Firda Tidend og 4 sider i Firda. Bergens Tidende skreiv 2 sider om sannering hos Marta Ness med kommentar frå leiar i Breim Sau og geit.. Avisa Nationen skreiv den 4.august om Breim Sau og Geit sitt informasjonsskriv om utfordringa med laushundar i beiteområder. Denne saka var det og interjuva leiar om på lokalradioen den 3. august. Reduksjonen i kvotegrunnlaget for geitmjølk var tema i NRK Sogn og Fjordane, den 8. november, med interjuv og synspunkt frå leiar. Gjennom arbeidsåret har Breim Sau og Geit informert på eiga nettside http://www.nsg.no/sfsg/breim/. Denne vert oppdatert med jamne mellomrom. Sida er oppdaga av media og har vore grunnlag for mediaoppslag, t.d. halvsida i F.T den 28. november med tema reduksjon i tapstala for sau etter beitesesongen. Styret samla inn e-postadressene og telefonnummer til medlemane på slutten av arbeidsåret. Desse ynskjer vi å nytte ved noko informasjon frå laget i tida framover. http://www.nsg.no/sfsg/breim/