Avtale om samanslåing mellom

Avtale om samanslåing mellom Norsk Landbruksrådgiving Dalane Norsk Landbruksrådgiving Rogaland Norsk Landbruksrådgiving Suldal og Sauda Haugaland landbruksrådgjeving 1

Innhald 1. Bakgrunn... 3 2. Styringsgruppe... 3 3. Grunngiving frå styrene for samanslåing... 4 4. Overordna mål ved samanslåinga... 4 5. Samanslutningspartane... 4 6. Framgangsmåte... 5 7. Verknad for rekneskap ved samanslutninga... 5 8. Gjennomføringa av samanslåinga... 5 9. Ingen særlege rettar... 6 10. Vedtekter... 6 11. Dei tilsette si stilling... 6 12. Avgjerande avtalar... 6 13. Forvaltning fram til gjennomføring av samanslåinga... 6 14. Etablering av den overtakande foreininga sine organ... 7 15. Dagleg leiar... 7 16. Skatte- og avgiftsmessige forhold... 7 17. Behandling av samanslutningsavtalen i årsmøte... 7 18. Godkjenning av årsmelding og rekneskap for 2016... 8 19. Revisor... 8 20. Rekneskap for 2015... 8 21. Kontorlokalisering... 8 22. Eksemplar... 9 2

1. Bakgrunn Bakgrunn for prosessen er brev frå Landbruksdirektoratet der dei ber NLR vurdera eigen organisasjon med mål om å kunna ha eit likeverdig rådgivingstilbod i heile landet. Etter ein grundig organisasjonsmessig behandling vedtok årsmøtet i Norsk Landbruksrådgiving sentralt i 2015 ei regionalisering av organisasjonen. Samanslåing av einingar til regionar skal tena medlemmenes heilskaplege kompetanse- og rådgivingsbehov. Den nye strukturen skal kunne løysa dei oppgåver og utfordringar som Norsk Landbruksrådgiving har i dag og i dei neste ti åra. Norsk Landbruksrådgiving skal opptre og oppfattast som ein heilskapleg organisasjon. Styra i dei involverte rådgivingseiningane gir nærmare grunngiving for samanslåinga overfor sine ekstraordinære årsmøter, som fattar vedtak om samanslåing og godkjenner samanslåingsavtalen. På årsmøtet til NLR sentralt 23.-24.mars 2015 møttest alle einingane i Rogaland, og vart samde om å møtast igjen i mai. NLR Rogaland fekk ansvar for å kalla inn til møtet. 2. Styringsgruppe Første møte vart halde 7.mai 2015 på Særheim. Då vart det sett ned ei styringsgruppe med 2 styremedlemmer og dagleg leiar frå kvar eining, tilsette sin representant og Gette Eidesen frå NLR sentralt: Asbjørn Alendal, styreleiar, Haugaland landbruksrådgjeving Sigbjørn Eikje, nestleiar, Haugaland landbruksrådgjeving Lars Kjetil Flesland, dagleg leiar, Haugaland landbruksrådgjeving Albrigt Stokka, nestleiar, NLR og Suldal og Sauda Bjørn Kjetil Askvik, styremedlem, NLR Suldal og Sauda Odd Øvstebø, dagleg leiar, NLR Suldal og Sauda Ludvig Vikesdal, styreleiar, NLR Dalane Per Børge Ollestad, styremedlem, NLR Dalane Birgitt Harstad, dagleg leiar, NLR Dalane Olav Bjarte Nese, styreleiar, NLR Rogaland Kai Petter Flesjå, nestleiar, NLR Rogaland Helga Hellesø, dagleg leiar, NLR Rogaland Håkon Pedersen, tilsette sin representant, Haugaland landbruksrådgjeving Gette Eidesen, NLR styret Olav Bjarte Nese vart valt til leiar av styringsgruppa, og Helga Hellesø vart valt til sekretær. 3

På møtet 7.mai vart det også sett ned ei arbeidsgruppe. Denne består av dei daglege leiarane, som kan knyta til seg ressurspersonar i arbeidet. Helga Hellesø drar prosessen i arbeidsgruppa. Arbeidsgruppa legg fram saker det trengst avklaring på, for styringsgruppa. Daglege leiarar har jamleg kontakt med eigen styreleiar og eige styre i prosessen. Styringsgruppa har hatt møte 7.mai -15, 15.september -15, 16.desember -15 og 28.januar 2016. Målet var at styringsgruppa har klart eit grunnlag for samanslåing i god tid før årsmøta i 2016. Eventuell samanslåing skjer frå 1.1.17. 3. Grunngiving frå styrene for samanslåing Årsmøtet i NLR sentralt har vedtatt ei regionalisering av einingane. 4. Overordna mål ved samanslåinga Det overordna målet ved å gå saman er at ein kan tilby ei likeverdig og uavhengig rådgiving i heile fylket. Fleire fagfolk og sterkare fagmiljø vil kunna gjera oss meir robuste, gi oss nye muligheter og gjer at me vert ein attraktiv arbeidsplass. I eit samarbeid bør det vera råd å utvikla ei rådgiving av høg fagleg kvalitet utvikla og tilby fleire tilbod til alle medlemmer spissa rådgiving på ulike fagområde styrka informasjonsarbeidet ut til medlemmene integrera og utvikla HMS-rådgivinga utvikla gode og målretta prosjekt lettare samarbeid med andre aktørar forenkla administrative oppgåver sikra økonomien utøva profesjonell leiing Samanslåinga vert gjennomført teknisk ved at NLR Rogaland står fram som overtakande foreining (overtakande part). NLR Dalane, NLR Suldal og Sauda og Haugaland landbruksrådgjeving er dei overdragande partane. Dei overfører sine eigendelar, rettigheter og forpliktingar som helhet til NLR Rogaland, jf. punkt 8. 5. Samanslutningspartane Samanslutningspartane er Overdragande part: Norsk Landbruksrådgiving Dalane, org.nr. 970218378 4

Sirdalsveien 38, 4376 Helleland Norsk Landbruksrådgiving Suldal og Sauda, org.nr. 971345969 Sandsvegen 122, 4230 Sand Haugaland landbruksrådgjeving, org.nr. 988 094 781 Boks 38, 5588 Ølen Overtakande part: Norsk Landbruksrådgiving Rogaland, org.nr. 870 543 492 Postvegen 211, 4354 Klepp st. 6. Framgangsmåte Samanslåinga vert gjennomført i samsvar med foreininga sine vedtekter og på vilkår som lovgiving, likningspraksis og rettspraksis elles tilseier. Revisor hos NLR Rogaland vert engasjert for å setja opp opningsbalanse for den samanslutta foreininga. 7. Verknad for rekneskap ved samanslutninga Samanslåinga skjer til kontinuitet og med verkand for rekneskap frå 1.1.2017. 8. Gjennomføringa av samanslåinga Samanslåingsavtalen vert behandla av årsmøta i NLR Dalane, NLR Suldal og Sauda, Haugaland landbruksrådgjeving og NLR Rogaland. I den enkelte rådgivingseining treffer ein avgjerd om samanslåing ved at årsmøtet godkjenner samanslåingsavtalen med det fleirtall som vert kravd i følgje vedtektene. Samanslåinga vert gjennomført teknisk ved at dei overdragande rådgivingseiningane vert slått saman med NLR Rogaland ved at NLR Rogaland overtar dei overdragande rådgivingseiningar sine eigendeler, rettigheter og forpliktingar i sin heilskap. NLR Rogaland overtar alle tilsetteforhold og ansvar for drift av alle lokale kontor i dei tidlegare NLReiningane. Ved gjennomføring av samanslåinga får medlemmene i dei overdragande rådgivingseiningane tildelt medlemskap i NLR Rogaland. Ved endeleg gjennomføring av samanslåingsavtalen blir dei overdragande rådgivingseiningar vedtatt oppløyst. Samanslåinga er betinga av at alle lovbestemte betingelsar for gjennomføring av 5

samanslåinga er oppfylt, herunder gyldig årsmøtevedtak. Samanslåingsavtalen vert gjennomført dersom NLR Rogaland som overtakande rådgivingseining og minst ein av dei overdragande rådgivingseiningane fattar positivt og gyldig årsmøtevedtak om samanslåing. 9. Ingen særlege rettar Korkje medlemmene av styra eller dei daglege leiarane i dei to foreiningane skal ha særlege rettar eller fordeler ved samanslåinga. 10. Vedtekter I vedlegg 1 er forslag til vedtekter for den samanslåtte foreininga NLR Rogaland. Som vedlegg 2a-d er det tatt med dei gjeldande vedtektene for NLR Dalane, NLR Rogaland, NLR Suldal og Sauda og Haugaland landbruksrådgjeving. Det er ein føresetnad at årsmøta i NLR Dalane, NLR Rogaland, NLR Suldal og Sauda og Haugaland landbruksrådgjeving vedtar vedtektene for den samanslåtte foreininga som del av at årsmøta godkjenner samanslutningsavtalen. 11. Dei tilsette si stilling Ved samanslutning vil dei tilsette i NLR Dalane, NLR Suldal og Sauda og Haugaland landbruksrådgjeving bli overført til NLR Rogaland som vert ny arbeidsgivar. Dei tilsette sine rettar og plikter følgjer lov og avtaleverk. Dei tilsette vil vera representert i styrande organ ut frå vedtektene for den samanslåtte foreininga. Dei tilsette sin rettar og plikter er styrt av gjeldande lover og avtaleverk. 12. Avgjerande avtalar Det finst ingen vesentlege avtalar som partane er gjort kjent med og som er til hinder for samanslåinga. 13. Forvaltning fram til gjennomføring av samanslåinga NLR Dalane, NLR Rogaland, NLR Suldal og Sauda og Haugaland landbruksrådgjeving har forplikta seg på å ikkje foreta disposisjonar i foreiningane utover normal drift, som endrar det økonomiske grunnlaget for samanslåinga utan at dette skjer i samsvar med samanslutningsavtalen eller etter samtykke i forkant frå alle partar. Dei overdragande einingane forpliktar seg til å låna ut sine midlar til NLR Rogaland for å sikra at foreininga har tilstrekkeleg driftskapital. 6

NLR Dalane, NLR Suldal og Sauda og Haugaland landbruksrådgjeving blir sletta samtidig med den endelege gjennomføringa av samanslåinga. 14. Etablering av den overtakande foreininga sine organ Når årsmøta i NLR Dalane, NLR Rogaland, NLR Suldal og Sauda og Haugaland landbruksrådgjeving har behandla og godkjent samanslåingsavtalen, fattar ein deretter vedtak om at styrets leiar og nestleiar frå kvar enkelt av dei rådgivingseiningane som deltar i samanslåinga og som er representert i den valte styringsgruppa, og dei tilsette sin representant i styringsgruppa, fungerer som interimsstyre i den samanslåtte foreininga fram til første årsmøte gjennomfører val i samsvar med den samanslåtte foreininga sine vedtekter. Interimsstyret tiltrer berre som styre dersom samanslutninga vert gjennomført endeleg. Det nye styret vert meldt samtidig med gjennomføringa av samanslåinga, og trer i funksjon frå det tidspunkt samanslåinga er endeleg registrert i Einingsregisteret. Vel ein representantar til andre tillitsverv, tiltrer også desse verva berre dersom samanslåinga endeleg vert gjennomført. Dei eksisterande styra i dei fire rådgivingseiningane fungerer dermed fram til samanslåinga er endeleg godkjent og registrert i Einingsregisteret. Vala skjer i samsvar med den overtakande foreininga sine vedtekter. Styra i dei «gamle» einingane plukkar ut kandidatar til valkomiteen for det nye styret. På første ordinære årsmøte vert halvparten av styremedlemmene vald for eit år etter loddtrekking, dei andre for to år. Seinare vert alle styremedlemmer valde for to år. 15. Dagleg leiar Helga Hellesø vert tilsett som dagleg leiar i den samanslåtte foreininga. 16. Skatte- og avgiftsmessige forhold Det er ein føresetnad av overføring av NLR Dalane, NLR Suldal og Sauda og Haugaland landbruksrådgjeving sine eignedelar, rettar og plikter og saker til NLR Rogaland skjer utan vesentleg skattebelastning. 17. Behandling av samanslutningsavtalen i årsmøte Gyldig vedtak om samanslåing vert fatta i samsvar med den enkelte rådgivingseining sine vedtekter. 7

Partane forutset at denne samanslåingsavtalen vert behandla og vedtatt på ordinært årsmøte i dei rådgivingseiningane som deltar i samanslåinga. NLR Suldal og Sauda behandlar samanslåingsavtalen og fattar sitt vedtak på sitt ordinære årsmøte i løpet av veke 11 2016. NLR Dalane og Haugaland landbruksrådgjeving behandlar samanslåingsavtalen og fattar sine vedtak på sine ordinære årsmøte hhv. 17. mars og 2. mars 2016. Et vedtak om samanslåingsavtalen i NLR Dalane og Haugaland landbruksrådgjeving krev at minst halvparten av medlemmene er til stades i årsmøte og at 2/3 av desse stemmer for samanslåing. Møter det ikkje så mange som halvparten av medlemmer, kan det vera aktuelt med eit påfølgande ekstraordinært årsmøte for Haugaland landbruksrådgjeving 30. mars 2016 og etter 17. mai for NLR Dalane for å fatta endeleg vedtak om samanslåing. NLR Rogaland behandlar samanslåingsavtalen og fattar sitt vedtak på det ordinære årsmøte den 15. mars 2016. 18. Godkjenning av årsmelding og rekneskap for 2016 Årsmøta i 2016 til NLR Dalane, NLR Suldal og Sauda og Haugaland landbruksrådgjeving fattar vedtak om at det er årsmøte i den samanslåtte foreininga NLR Rogaland som skal behandla og godkjenna årsmelding og rekneskap for 2016. 19. Revisor BDO held fram som revisor for den samanslåtte foreininga NLR Rogaland fram til årsmøte i ny eining i 2017. 20. Rekneskap for 2015 I vedlegg 3a-3d er det tatt med rekneskap for 2015 for NLR Dalane, NLR Rogaland, NLR Suldal og Sauda og Haugaland landbruksrådgjeving. 21. Kontorlokalisering Hovudkontoret i ny organisasjon vert på Særheim i Klepp kommune. Ut over det skal kontorlokalisering vera som i dag i ny organisasjon inntil årsmøtet vedtar noko anna. 8