Kultur og fritid ÅRSMELDING FOR VALLE UNGDOMSKLUBB MED JUNIORKLUBB Velkomne inn i Valle ungdomsklubb! 2016 Vedlagt finn du årsmeldinga vår for 2016. Det har vore eit spennande år med mykje aktivitet. Vi har ikkje tatt med alle aktivitetar i årsmeldinga, men den skal gi innsyn i verksemda vår, og nokre konkrete døme på korleis vi jobbar i Valle juniorklubb og Valle ungdomsklubb. Juniorklubben er for 5.-7.klasse, ein gong per månad, medan ungdomsklubben er frå 8.klasse og oppover, 3 gongar per månad. Vi er stolte av klubben vår, og ikkje minst av alle dei fine og gode ungdomane som er med. Vi er heldige! Samtidig er vi medvitne at vi - i tillegg til foreldre og lokalmiljø - har både eit stort ansvar for og ei unik mogelegheit til å vere med å byggje eit godt oppvekstmiljø i Valle kommune. I klubben legg vi derfor vekt på inkludering og medverknad, og på at alle vaksne som er involverte i klubben skal vere gode rollemodellar. Vi har fokus på folkehelse, og det er alltid tilbod om fysisk aktivitet på klubbkveldane. Vi vil også gi ungdomane kunnskap om og erfaring med sunn mat som smakar godt, og derfor lagar ungdomsarbeidar mykje av varmmaten til klubbkveldane sjølv - ofte saman med nokre av ungdomane. Vi opplever at juniorog fritidsklubben er ein svært viktig arena for barn og ungdom i Valle. Klubben skal vere ein god, trygg og inkluderande stad å vere. Det er sjølvsagt 0-toleranse for mobbing og hærverk. Vi takkar for eit kjempefint år i Valle ungdomsklubb, og for støtte frå næringsliv, foreldre og andre, og ikkje minst vår faste klubbmedarbeidar Liv Åkre Trydal. Spesielt vil vi takke Valle sparebank for støtta som gjer det mogeleg for oss å arrangere flotte aktivitetshelger nokre gong i året! 31.januar 2017, Eliezer Ivan M. Contreras Ungdomsarbeidar Torunn Charlotte Nyberg Leiar kultur og fritid
Januar Verdens beste taco, proppfull av gode og sunne ingrediensar, får du i Valle ungdomsklubb! Finhakka grønsaker gjer smaken himmelsk, og når alt er blanda med saus merkar ingen kor mykje sunt dei får i seg før det er for seint!! ;-) Nytt år, nye mogelegheiter! :-) Vi held fram med å leggje vekt på varierte aktivitetar og sunn og VELDIG god mat i klubben! Vi har mange planar for 2016, men for å kunne gjennomføre desse treng vi pengar, og vi søkjer Valle sparebank om gåve. Heilt FANTASTISK - vi får 25 000 kroner!! Dette betyr at vi kan gjere det vi har planlagt - vi kan ha aktivitetshelger med kurs, flotte aktivitetar med spennande instruktørar, og besøk frå Bykle og Bygland fritidsklubbar. Dette skal bli eit SUPERT år - tusen takk til Valle sparebank, banken vår!
Februar Litt om juniorklubben: Juniorane er ein herleg gjeng, med masse liv! Vi har hatt juniorklubb i heile 2016. Fantastiske klubbkveldar har det vore - 30 til 40 stk kvar klubbkveld! Ungdomsklubben i februar: Mange ungdommer møter opp. Vi speler fin musikk og har forskjellige aktivitetar og god mat. I februar bruker vi tid på å planleggje aktivitetar med ungdomane, og finn på mange gøye aktivitetar framover!
Mars I mars hadde vi mange forskjellige aktivitetar. Vi prøver å finne gode aktiviteter som ungdomane liker. Heimelaga mat annakvar veke. Gratis frukt, og rabatt på menyen. Vi hadde kinokveldar med popkorn og forskjellig snacks.
I mars var ungdomsklubben med og arrangerte UKM - Ung Kultur Møtast - på Hovden grendehus. UKM er eit fast samarbeid mellom Kultur og fritid i Valle og Bykle, og ungdomsklubbane er medarrangørar. Vi søkte om eksterne prosjektmidlar til å arrangere UKM på vår eigen måte, noko som var både spennande, lærerikt og vellykka! :-)
April I april var vi litt meir aktive med nye aktivitetar for å auke trivselen og samarbeid mellom ungdommene. Mange gode tilbakemeldinger frå både ungdommar og juniorklubben! Sunn mat og drikke til alle saman til ein rimeleg pris.
Mai Vi arrangerer karibisk fest, med ein kjent DJ frå Mexico! DJ-kurs, taggekurs, dans med meir, både for ungdomsklubb og juniorklubb. I løpet av helga fekk veggen ved inngangen til klubben ein skikkeleg makeover - det vart så kult! Bykle og Bygland fritidsklubbar vart inviterte til arrangementet. Som i fjor var det ein suksess! Vi fekk besøk av om lag 60 ungdommar, og om lag 45 var med på juniorklubben! Alle hadde det moro både på kurs og konserten. Mat, musikk og mange gode minne frå den kvelden. <3 Tusen takk til Valle sparebank for støtta - det gjorde at vi kunne gi alle gratis inngang til både kursa og konserten!
Juni I juni hadde vi fine aktivitetar både ute og inne. Alt frå fotball og håndball til kino. Til avslutning hadde vi grillfest ute, med musikk og fotball. Fantastisk ver som støtta oss med sol og vindstille. =)
August Etter ein lang sommarferie var det stor glede å kome tilbake til ungdomsklubben! Mange ungdomar kom til klubben og spelte biljard, bordtennis og musikk, og hadde det fint saman etter ferien. :-)
September Det er viktig at det vi spiser ser fint og fristande ut - farger gir matglede og energi! Vi lagar forskjellig varmmat kvar veke. Mykje grønsaker, frukt og bær til ungdomane for ein rimeleg pris. Dette tykkjer vi er viktig! Vi har fått gode tilbakemeldingar på maten og drikken. Mange ungdomar er med på å hjelpe til på kjøkkenet. Vi held fram med sunn mat og snacks, og varierte aktivitetar kvar gong!
Oktober Endeleg COUNTRYFESTiVALLE! I samarbeid med Bykle Hovden ungdomsklubb. Ungdomane var med på å planleggje og arrangere COUNTRYFESTiVALLE! Vi hadde kostymekonkurranse med mange gode deltakarar! Dette var moro! :-D
November Vi har alltid både frie og organiserte aktiviteter i klubben. Det er viktig at alle har noko å finne på, og at klubben også er ein plass kor ungdomane berre kan prate og slappe av saman med andre. Kino, basketball og frisbee, fotball ute i ballbingen. =) Planlegging av juleballet - som alle gler seg til!
Desember JULEBALL! :-) Besøk av Hovden og Bykle ungdomsklubb - om lag 80 ungdomar i huset! Mange ungdomar kom for å hjelpe til med å rigge til lokalet og lage mat på førehand. Morosame aktivitetar og bra musikk. Festkledde ungdomar og topp stemning! Gratis inngang og tacobuffet - og masse dessert! :-) Juleballet skal vere gratis, og er finansisert av midlar frå Valle barne- og ungdomsråd.