Retningslinjer Arrangement Kretsligaen NFF Sogn og Fjordane 2017
Arrangement i fokus i fylkesfotballen! NFF Sogn og Fjordane ser verdien av å ha gode arrangement i fylkesfotballen. Godt tilrettelagte arrangement skaper entusiasme, sterkare identitet og tilhøyrigheit og gjer heimekampen til ein viktig møteplass i nærmiljøet. Fleire klubbar i Sogn og Fjordane har allereie ein høg standard på sine arrangement. Vi ser dette tiltaket i samanheng med fokus på klubb-utvikling og arbeidet med kvalitetsklubbkonseptet. NFF Sogn og Fjordane vil på denne måten hjelpe klubbane til å utvikle og skape gode arrangement i fylkesfotballen. Vi håper at klubbene våre ser verdien av å holde fokus på kvaliteten oppe på arrangementssida. Målet er å skape engasjement og begeistring og få fleire til å gå på kamp! Ny kretsliga i 2017 nye mulegheiter! Den nye Kretsligaen i 4.div menn vil i 2017 vere øverste nivå som vert administrert av vår krets. NFF Sogn og Fjordane har utarbeidd felles retningslinjer for arrangement for sesongen 2017. Retningslinjene er utarbeidd i henhold til sikkerheitsforskrifter som er regulert i Kampreglementet i NFF og tek utgangspunkt i turneringsbestemmelsane i gamle «Firdaligaen». Alle klubbane i 4. div vil i løpet av sesongen få besøk av tillitsvald i krets på ein av sine heimekampar. Klubbane vil få informasjon frå krets om når dei får arrangementsbesøk og kven som representerer frå NFF Sogn og Fjordane. Målsetting for besøket er å vurdere arrangement ut i frå gjevne retningslinjer for arrangement for Kretsligaen. Retningslinjer er inndelt i følgande hovudpunkt: 1. Arrangementrammar s. 3 2. Arenafasilitetar, spelbane s. 4 3. Romfasilitetar og sport s. 5 4. Arenaservice s. 6 5. Felles «countdown» i Kretsligaen s. 8 2
Vi ønskjer klubbane våre lykke til med fotballsesongen 2017! 1. Arrangementrammar 1.1 Arrangementansvarleg klubb Alle klubbar i Kretsligaen skal ha ein arrangementansvarleg som er leiar for arrangementgruppe/utval i klubben. a) Klubbane skal ha ein arrangementansvarleg på alle arrangement b) Leiar for arrangementet c) Arrangementsansvarleg har eigen instruks d) Bekledning kampvertvest/fair Play-vest e) Vertskap for møtande lag, dommarar og publikum - koordinator for kiosk/vakt og speakerteneste/førstehjelp/media/ ballgutar/jenter - heise flagg 1.2. Fair Play kampvertar på alle arrangement a) Fair Play kampvert skal ha eigen instruks b) Hovudoppgåve til Fair Play kampvertane er å ha kontakt med dommarane og assistentdommarane c) Fylgje dommar og assistentdommarar til kampen under innmarsj d) Avtale med dommar om ein skal fylgje dommar og assistentdommarar til garderobe i pausen e) Avtale med dommar om ein skal fylgje dommar og assistentdommarar frå garderobe til bane etter pausen f) Fylgje dommartrio frå bane til garderobe etter kampen g) Vaktene har ansvar for tryggleik til dommarar, spelarar og publikum h) Vaktene har ansvar for å sjå til at Fair Play vert praktisert utanfor bana i) Dersom publikum har ei negativ adferd som ikkje er i samsvar med stadionreglane blir det gitt ein advarsel. Adferd som ikkje er i samsvar med stadionreglane vil kunne føre til utvisning frå stadionområdet. j) Stadionreglar skal vere publisert og synleg på stadionområdet. 3
2. Arenafasiliteter, spelbane 2.1 Hovudarena Alle laga i Kretsligaen skal ha spesifisert hovedarena 2.2 Reservearena Alle laga i Kretsligaen skal ha spesifisert reservearena Minimumskrav til reservearena: - kiosk - toaletter - Speakerteneste og stadionklokke - kort veg til garderobe - innbyttarbenk for 8-10 personar 2.3 Kamparena - Kamparena skal vere tilgjengeleg 45 min.før kampstart - Om det ikkje er tilgang til spelebane 45.min før, må det vere eigna oppvarmingsområde. - Oppvarmingsballar - Minimum 5 gode ballar (god kvalitet og med nok luft) 2.4 Spelebane og tryggleik Begrensa adgang: Det skal vere begrensa adgang til spelebana. Den må vere utan adgang for publikum og media. Tryggleiksone 4 m sidelinje og 5 m mållinje. Tryggleiksone skal vere rydda. Ingen spisse eller farlege gjenstandar. Adgang til spelebana: Spelarar og dommarar skal ha fri adgang til spelebana, og på ein slik måte at dei ikkje kan bli antasta, angrepet eller utsett for ubehagelegheiter. 2.5 Atkomst utrykningskøyretøy Utrykningskøyretøy som ambulansar, og brannbilar må ha tilgang til spelebana. Det same gjeld ulike typar vedlikehaldskøyretøy. 4
2.6 Teknisk område Området rundt innbytterboksane eller -benker for trenarar, leiarar og reservar på ein kamparena, definerast som «det tekniske området». Det tekniske området strekker seg 1 meter ut til sida frå innbyttarboksene/- benkene og ikkje nærmare enn 1 meter fra sidelinja. Området bør merkast med streker. Personar som kan opphalde seg i dette området skal: a. identifiserast før kampstart iht. konkurranse-/turneringsreglement. b. opptre på ein aktsom og ansvarleg måte c. forbli i dette området under kampens varigheit, unnateke i helt spesielle tilfeller, f.eks. reserver som varmar opp og tilfeller der det gis lov til av dommer for fysioterapeut eller anna medisinsk personell å komme inn på bana for vurdering av skada spelar d. kun éin person om gongen kan gi taktiske instruksjonar frå det tekniske området. 3. Romfasilitetar og sport 3.1 Garderober for spelarar I direkte tilknytning til arenaen skal det vere 2 stk. lagsgarderobar. Garderobane skal vere så like som mogleg mht areal. Lagsgarderobane skal ligge så nær kvarandre som mogleg, og i same bygg/tribune. Dusjareala skal være reine og ryddige. 3.2 Service gjenstande lag Bortelag får drikke i garderobe før kamp. Bortelag får kaffe til innbyttarbenken før kampstart Frukt i garderoben til spelarane 3.3 Garderober for dommarar Det skal vere eigen garderobe for dommarane med tilliggande dusjareal med minimum 1 stk dusjhovud. Garderoben skal vere til bruk for inntil 4 personar, og anbefalt minimumsstorleik er 15 m2. Arenaen skal kunne handtere dommertrio av to kjønn på ein slik måte at omkledning og førebuingar kan gjennomførast usjenert. 5
Dommargarderoben kan ligge i anna nærliggande bygg/anna tribune enn lagsgarderobane, men dette anbefalast ikkje. 3.4 Service dommarar Dommartrio får mat og drikke før kampen (smørbrød, kaffe, drikke) Frukt i garderoben i pausen + drikke 3.5 Fasilitetar media Arenaen skal tilby arbeidsplassar for skrivande presse. Arbeidsplassene kan vere utandørs på tribuna, skjerma frå vær og vind, og/eller innandørs i tilliggande bygning 3.6 Fasilitetar publikum Arrangøren er ansvarleg for at publikum gis adgang til områder og tribunar som er trygge og i henhold til NFFs Sikkerhetsbestemmelser. Arenaen må vere skilta slik norsk lov krev. Tribuna kan vere sittetribune, ståtribune eller ein kombinasjon. Tribuna skal vere i god bygningsteknisk stand, og skal kontrollerast minimum ved seriestart kvart år av kvalifisert person/firma. Dette er arrangørklubben sitt ansvar. Tribunas maksimalt tillatte publikumskapasitet skal fastsetjast av lokal politimyndighet, og det er klubben sitt ansvar at denne kapasiteten ikkje vert overskriden. Dette betyr at klubben skal ha eit system for fortløpande registrering av antal tilskoderar som entrer tribuna. 4. Arenaservice 4.1 Kiosk Arenaen må ha minst eit utsal for forfriskningar. Utsalet skal ha god kapasitet, vere reint, tiltalande og lett tilgjengeleg. Eventuelle krav frå offentlege myndigheiter skal innfriast. Kiosken skal vere open seinast 30.min før kampstart. 4.2 Toaletter Arenaen skal ha eit rimeleg antal toalett i høve til normal tilskodarmengde. Toaletta skal vere så nær publikumsområda som mogleg, vere reine og tiltalande, 6
og klart merka mht kjønn. 4.3 Medisinsk beredskap Det skal minimum vere 1 stk. behandlingsrom på arenaen. Rommet skal kunne nyttast til enkel behandling av skadar og akutt sjukdom blant spelarar og/eller publikum. Rommet skal kunne disponerast av lagas medisinske personell, eller av autorisert medisinsk personell. Det vert anbefalt at rommet er på minimum 10 m2, og har vask med varmt og kaldt vann i nærleiken. Klubben bør ha følgende utstyr tilgjengeleg: - Båre - Førstehjelpsutstyr, godkjend av lokal medisinsk myndighet - Hjertestarter er anbefalt 4.4 Handicap-fasilitetar Det skal vere avsett særskild plass på tribuna/arenaen for rullestolbrukarar med ledsagar. Antallet skal vere bestemt ut frå lokalt behov, dog ikkje mindre enn 3 plassar. Plassane må vere så nær HC-parkering som mogleg, og ha enkel adgang til arenaen. 4.5 Speaker Alle arrangement i Kretsligaen skal ha eigen speakerteneste 4.6 Kampprogram Alle laga i Kretsligaen bør ha kampprogram, elektronisk eller papir * Kampprogram er ei god muligheit til å presentere klubben sine ulike aktivitetar og arrangement gjennom året * Alle skal ha resultatservice * T.d. Firdalive eller liknande 7
5. Felles «count-down» i Kretsligaen 90.min : Lagoppstilling m/innbyttarar skal vere lagt inn i Fiks systemet - 90.min : Dommar og motstandar skal ha lagoppstillinga ved ankomst - 75.min: Garderobe opplåst / musikk på stadion - 60 min: 3 kampballar + 2 reserveballar skal vere klare i dommargarderoben - 60.min : Kaffi, servering gjestar i klubbhus - 45.min : Dommarkort ferdig utfylt og innlevert dommargarderobe - 30.min : Kiosk opnar - 10.min : Oppvarming avsluttar - 06.min : Laga klare til innmarsj - 04.min : Presentasjon av laga via speakertenesta - 02.min : Handhelsingprosedyre - 00.min : Avspark 8