ROVVILTNEMNDA I REGION 1 Vest-Agder, Rogaland, Hordaland og Sogn og Fjordane Rovviltnemnda region 1 pr epost Dykkar ref: Vår ref:. Arkivnr.: Dato: 2012/68 433.52 17.08.2012 Innkalling til møte i rovviltnemnda 30. august i Sogndal Det blir møte i rovviltnemnda på Quality hotell Sogndal, i Sogndal 30.08.2012. Ordinært møte startar kl. 12.00. Før det er det sett av tid til innspel frå organisasjonane kl 10.30 og fram til lunsj. Vi ber om at ordinære medlemmar som ikkje kan møte gjev beskjed til sekretariatet så snart som råd, slik at vi kan ta kontakt med vararepresentant. Innkallinga blir lagt ut på vår heimeside www.fylkesmannen.no/rogaland og på rovviltforvaltinga sine sharepointsider. Sakliste: 11/12: Status for tap av beitedyr og førekomst av freda rovvilt mot slutten av beitesesongen. Orientering frå SNO. 12/12: Jakt på gaupe i regionen i 2013. Vedtak om eventuell kvotefri jakt. 13/12: Lisensfelling av jerv og eventuelt ulv i regionen 2012/2013. Vedtak om kvotestorleik, fellingsområde og andre vilkår. 14/12: Dialogen med næringsorganisasjonene om forvaltingsplanen. Representantar frå næringsorganisasjonane inviterast til dialog om innspel til forvaltingsplanen, dagsett 31.07.2012. 15/12: Oppstart av arbeid med revisjon av forvaltingsplan for region 1. 16/12: Revisjon av budsjett for 2012 17/12: Orienteringssakar og ymse Postadresse: Leiar for rovviltnemnda: Sakshandsamar: Rovviltnemnda i region 1 Noralv Distad Anders T. Braa, viltforvaltar c/o Fylkesmannen i Rogaland Postboks 53, 5741 Aurland Telefon: 51568914 Miljøvernavdelinga Telefon: 91374976 Postboks 59 noralv.distad@sfj.no anders.braa@fmro.no 4001 Stavanger http://www.fylkesmannen.no/rogaland
Side 2 av 10 Med helsing Noralv Distad leiar for rovviltnemnda Vedlegg: Eksterne innspel til forvaltingsplan Arbeidsnotat om forvaltingsplan Saksframlegg frå sekretariatet Brev frå FM Vest-Agder mottatt 16.08.2012 Kart med fellingsområde for jerv Brev frå FM Vest-Agder av 14.08.2012 om utvida fellingsløyve på ulv Kopi pr epost: - Fylkesmennene i Sogn og Fjordane, Hordaland og Vest-Agder - Direktoratet for naturforvaltning - Sogn og Fjordane Bondelag v/merethe Støfring - Fylkeslaga av Norges bondelag - Fylkeslaga av Norges sau- og geitalslag - Mattilsynet, regionkontoret Agder og Rogaland - Mattilsynet, regionkontoret Hordaland og Sogn og Fjordane
Side 3 av 10 - Saksopplysningar, vurderingar og framlegg til vedtak 11/12: Status for tap av beitedyr og førekomst av freda rovvilt mot slutten av beitesesongen. Orientering frå SNO. 12/12: Jakt på gaupe i regionen i 2013. Vedtak om eventuell kvotefri jakt. Politiske føringar og lovverk Desse dokumenta er lagt til grunn for saksframlegget: -St.meld.nr. 15 (2003-2004) Rovvilt i norsk natur -Innst.S.nr 174 (2003-2004) -Lov av 19.06.2009 nr 100. Lov om forvaltning av naturens mangfold -Forskrift av 19.03.2005 Om forvaltning av rovvilt -Forvaltningsplan for rovvilt i Region 1, revidert i 2009 -Data frå overvakingsprogram for rovvilt -Rovviltforliket i Stortinget, Dokument 8:163 S(2010-2011) av 16.06.2011 Saksopplysningar MD sitt brev av 22.10.2009 sett krav om at vedtak om gaupejakt må gjerast innan månadskiftet november/desember året før av omsyn til klagesakshandsaminga. Etter sekretariatet sin oppfatning ligg det føre tilstrekkeleg informasjon til å gjere vedtak om dette allereie no. Rovdata syner i brev til Direktoratet for naturforvaltning av 16.05.2012 til bestandstatus for gaupe i landet. Gjennomsnittleg er det registrert 74 ynglegrupper av gaupe målt ved normale avstandskriteriar, fordelt på 80 i 2010, 74 i 2011 og 69 i 2012. Nasjonalt bestandsmål er 65. 80 gauper blei felt i kvotejakta i landet i år. Prognose for bestandstorleik før jakt i 2013 er 70 familiegrupper. I Region 1 er det ikkje krav om årlege ynglingar, og nemnda vil difor alltid ha mynde til å vedta gaupejakt. Etter rovviltforskrifta skal gaupejakta vere kvoteavgrensa, men det kan gjerast unnatak ved å fastsette kvotefri jakt i visse høve, jf forvaltingsplanen. Rovviltnemnda har i fleire år vedteke kvotefri jakt på gaupe i heile regionen. Jakttida er i februar og mars månader. Vurdering Trass i mangel på registreringar av familiegrupper (1 i 2012), finst gaupe spreidd fleire plassar innafor regiongrensa. Gaupe som skadevaldar på sau ser ut til å vere eit aukande problem, særleg i Sogn og Fjordane. Bestanden er over bestandsmålet, sjølv om den er i reduksjon. Sekretariatet vil rå til å halde fram med kvotefri jakt i heile regionen. Framlegg til vedtak 1. Rovviltnemnda opner for kvotefri jakt på gaupe i heile Region 1 i 2013. jakttid er 1. februar til 31. mars. For utøving av jakta gjeld reglane i viltlova med tilhøyrande forskrifter. 2. Felling eller forsøk på felling skal så snart som råd meldast til Fylkesmannen. Felte dyr skal dessutan framsynast til Statens naturoppsyn for prøvetaking m.v. med opplysning om kjønn, alder, tidspunkt for felling og fellingsstad.
Side 4 av 10 3. Fangst av gaupe skal utøvast etisk forsvarleg og i samsvar med reglane for bruk av fangstredskap. Bruk av fangstredskap krev godkjenning frå Fylkesmannen. 4. Rovviltnemnda kan til ein kvar tid gjere om vedtaket dersom ny informasjon ligg føre. 13/12: Lisensfelling av jerv og eventuelt ulv i regionen 2012/2013. Vedtak om kvotestorleik, fellingsområde og andre vilkår. Politiske føringar og lovverk Tilsvarande som under sak 12/12. Saksopplysningar Lisensfellingsperioden for jerv er 10. september til 15. februar. Det er ikkje nasjonale mål om ynglingar av jerv eller anna rovvilt i Region 1. Rovviltnemnda har difor alltid mynde til å kunne vedta kvote for lisensfelling etter rovviltforskrifta 7. I Region 1 er det store beiteinteressar, og tiltak mot rovviltskade vil i stor grad vere ulike former for felling. Stortinget har seinast i rovviltforliket frå i fjor sommar understreka at lisensfelling skal vere viktigaste reiskap for felling. Det er likevel slik at også i Region 1 skal ein ta omsyn til nasjonale mål for jerv. Difor er det og krav om fastsetting av kvote. Rovviltnemnda skal legge til grunn data frå nasjonalt overvakingsprogram, SNO sin dokumentasjon av førekomsten av jerv i Region 1 og tilgrensande område i spesielt Region 3, og skadesituasjonen ved vedtak om lisensfelling på jerv (jf forvaltingsplanen pkt 8.7). Miljøverndepartementet har i handsaming av klagesak streka under på at prinsippet om arealdifferensiering ikke er ensbetydende med at områder som er prioritert til beitebruk til enhver tid skal være frie for rovvilt, eller at beitedyr skal utelukkes i områder hvor rovdyr gis prioritet. Rovviltforliket gjentar regjeringa si hovedprioritering av lisensfelling som hovedregime for uttak av jerv. Ekstraordinære uttak skal haldast så låge som råd. Samstundes er det sagt at i de tilfeller der lisensfelling ikke gir tilfredsstillende uttelling, skal miljøforvaltningen så langt det er mulig sørge for at resterende kvote tas ut i de områdene lisensfellingskvote er gitt. Uttak i det som av rovviltnemndene er definert som prioriterte beiteområder i de enkelte regionene blir prioritert. Region 1 er fullt ut definert som prioritert beiteområde. Det nasjonale overvakingsprogrammet ( NINA rapport 614) estimerer ein gjennomsnittleg bestandstorleik for jerv på 50 overlevande ynglingar i landet. Tal frå 2012 er ikkje med i dette estimatet. Så langt i år er det registrert 69 ynglingar i landet. Pr 28.05 i år var 13 ynglehi tatt ut av SNO i tillegg til 21 einskilde jervar som ekstraordinære uttak. Ingen jerv blei felt på lisensfelling i sesongen 2011/2012 i region 1 av ei kvote på 6 dyr. Sidan desember 2012 er det tatt ut eitt jervhi, 2 hannar og ei jervtispe i regionen, alle i Sogn og Fjordane. Jervebestanden i landet ligg over nasjonalt bestandsmål. Erstatningsoppgjeret for tap av bufe til rovvilt syner desse tala i form av tal tapte sau og lam som det er utbetalt erstatning for etter beitesesongen 2011:
Side 5 av 10 Gaupe Jerv Bjørn Ulv Kongeørn Uspesifisert Sogn og Fjordane 78 293 0 0 112 2 Rogaland 6 59 0 0 17 0 Hordaland 1 1 0 0 2 0 Vest-Agder 23 0 71 0 42 0 Totalt 108 353 71 0 173 2 Sekretariatet si vurdering I følgje Rovbase er det ikkje dokumentert tap til jerv i regionen så langt i år. Det er likevel typisk at dei fleste jervskadar oppstår i slutten av beitesesongen, frå midten av august. I Skjåk kommune i Oppland er det 2 ynglehi, ikkje langt frå grensa mot Sogn. Jerv er dokumentert på sporsnø i Suldal, Rogaland i mars i år. Etter mange ekstraordinære uttak i særleg i Sogn og Fjordane dei seinare åra er det truleg lite jerv igjen i regionen. Det er heller ikkje auke i bestanden den sørvestlege delbestanden, slik det er i områda lenger nord i landet. På den eine sida er det viktig å ha ei tilstrekkeleg kvote for å kunne ta ut jerv på lisensfelling. Det gjeld både dei få dyra som framleis kan tenkast å ha fast tilhald innafor regiongrensa, men ikkje minst dyr som nytter grenseområde mot Oppland og kanskje og Agder/Telemark. Jerven sin vandringskapasitet og utfordringa med å framskrive situasjonen fram til midten av februar gjer det vanskeleg å gje råd om ei talfesta kvote. SNO sin statusrapport på møtet vil likevel vere nyttig. På den andre sida tilseier røynslene med lisensfelling at få dyr blir tatt ut i Region 1. Uttaket varierar mellom 0 og 1 dyr pr sesong. Restkvoten blir difor stor, og etter teksten i rovviltforliket kan ein tolka det slik at restkvotene blir i større grad enn tidlegare styrande for DN sine prioriteringar av ekstraordinære uttak, særleg i beiteprioriterte område. Etter vår meining må prioriteringa ta utgangspunkt i aktuell førekomst og skadepotensiale. Det bør difor vere eit mål å unngå store restkvoter. Det kan gjerast ved å fortsatt arbeide for ei meir effektiv jervfelling og ved å fastsette ei realistisk fellingskvote. Sjølv om førekomsten av jerv tilsynelatande er meir spreidd enn før, vurderar vi sjansen for innvandring framleis som størst i Indre Sogn. Det er lite som tydar på at observasjonane i sørleg del av regionen er meir enn eitt individ. Framlegg til vedtak 1. Rovviltnemnda opnar for lisensfelling av jerv i perioden 10.09.2012 15.02.2013. Det avgrensast 2 område for felling: Delar av Sogn og Fjordane og Hordaland fylke slik det går fram av kart og omtale under: Frå fylkesgrensa mot Møre og Romsdal i Hornindal på austsida av Rv 60 fram til Byrkjelo. Vidare langs E39 til Romarheim, Fv 569 til Dalseid og E16 til Voss, Rv 13 og Fv 572 til Ulvik. Langs Eidfjord og Riksveg 7 til fylkesgrense Buskerud ved Halne. Fellingskvoten for dette området er 2 jervar. I tillegg er det opna for felling i heile regionen: 1 jerv. Til saman kan det fellast 3 jervar i Region 1. Irregulær avgang eller skadefelling gjennomført etter nemnda/dn sitt vedtak blir belasta kvoten.
Side 6 av 10 2. Desse bestemmelsane gjeld for lisensfellinga: - Oppdatert informasjon om kvote blir lagt ut på tlf. 51568900. Alle jegerar pliktar å halde seg orienterte om kvoten som er att. - Felt dyr skal straks meldast til Fylkesmannen og kommunen. Felt dyr skal synast fram for Statens Naturoppsyn for kontroll. Den som skyter på jerv utan at han blir felt plikter å melde frå straks til Fylkesmannen, kommune og politi. Fylkesmannen avgjer korleis det vidare ettersøket skal gjennomførast. - Hagle og rifle er tillatt ved lisensfelling på jerv. Sjå elles viltlova sine bestemmelsar for mellom anna utøving av jakt, felling og fangst (forskrift av 22.mars 2002, sist endra 16.05.2012). - Det er høve til bruk av bås til fangst av jerv dersom det etter søknad blir gitt løyve til det av Fylkesmannen. - Det er ikkje høve til å nytte snøskuter. - Lisensfelling er knytt til eigedomsretten til jakt og fangst. Løyve frå jaktrettshavar til lisensfelling er difor naudsynt. - Fylkesmennene administrerer lisensfellinga Eventuell lisensfelling av ulv i Vest-Agder Grunneiernes frittstående organisasjon i Vest-Agder har bede nemnda om å opne for lisensfelling av ulv på Agder i år. Lisensfellingsperioden for ulv er 1. oktober til 31.mars. Bakgrunnen for søknaden er at det pr i dag er 2 ulvar i Vest-Agder som så langt har drepe minst 29 lam (jf Rovbase). Fylkesmannen har gjeve skadefellingsløyve på 2 ulvar i heile fylket fram til 30. september til det interkommunale skadefellingslaget. I følgje brev frå Fylkesmannen i Vest-Agder er det ikkje meir pengar att på FKT-budsjettet, slik at det ikkje er mogleg å finansiere fellinga. Fellingsforsøka stoppa difor opp. Etter det har nemnda gitt tilsegn om å overføre kr 64 000,- frå FM Rogaland til FM Vest-Agder til dette føremålet. Lisensfelling kan ikkje erstatte behov for akutt skadefelling. Vi legg til grunn at naudsynt skadefelling blir iverksett uavhengig av budsjettstatus pr i dag. Felling av ulv på barmark er uansett svært krevjande, og det kan godt hende det framleis er ulv på Agder når vi kjem til oktober. I så fall kan det vere aktuelt å opne for lisensfelling. Bestandsmålet for ulv i Noreg blei nådd i 2011 med 3 heilnorske ynglingar innafor forvaltningssona. Status for i år er førebels uviss. Det bør settast som vilkår for ei eventuell lisensfelling at DNA frå dei to ulvane blir analyserte før 1. oktober, dersom det er grunn til å tru at dei begge er i området. Vi er kjend med at DNA er samla inn for ein av dei. Vi syner til Felles retningslinjer for forvaltning av genetisk viktige individer i den skandinaviske ulvepopulasjonen jf brev frå DN 1. juni 2012. Framlegg til vedtak Rovviltnemnda vil opne for lisensfelling av 1 ulv i Vest-Agder dersom SNO kan sannsynleggjere førekomst av ulv i fylket umiddelbart før 1. oktober og dersom DNA-analyse av ulvane som er der no ikkje er genetisk viktige. Nemnda tar endeleg stilling til spørsmål om lisensfelling, avgrensing og vilkår pr telefonmøte eller epost etter 15. september.
Side 7 av 10 14/12: Dialogen med næringsorganisasjonene om forvaltingsplanen Næringsorganisasjonane i regionen, det vil seie alle 4 fylkeslaga av Norges bondelag og Norges sau- og geitalslag, har gitt eit førebels innspel til arbeidet med revisjon av forvaltingsplanen for rovvilt i brev av 31.07.2012. Organisasjonane har gjort eit grundig arbeid, og har mange merknadar til planen. Fleire av innspela er saklege og gode, og gjev eit godt utgangspunkt for revisjonsarbeidet. Organisasjonane oppfordrar nemnda til tettare dialog med næringa og interesseorganisasjonar om framdrifta for revisjonsarbeidet. Vi meiner det bør følgjast opp umiddelbart; til dømes gjennom tydeleggjering av rollar, mandat og nasjonale føringar for planarbeidet, prosess for medverknad i planarbeidet, og ikkje minst ryddige og tillitsbyggjande kommunikasjonsformer i det vidare arbeidet. Utover det saklege innhaldet i innpelet, meiner vi ikkje minst at formen på brevet og ein del av innhaldet elles gjer ei tidleg dialog viktig for å få til ein konstruktiv prosess fram mot ferdig plan. Fleire plassar i brevet er det til dels sterk kritikk av eksisterande plan som tydeleg er retta mot sekretariatet, eller forfattar av dokumentet. Rette mottakar skal sjølvsagt vere den tidlegare rovviltnemnda, som er ansvarleg for og eigar av eksisterande plan. Formuleringar som Vi ber nemnda medverke til at sekretariatet har ein tett dialog og eit nært samarbeid med dei andre fylkesmannsembeta i regionen kring revideringa av planen, synleggjer vidare mistilliten til oss og implisitt til nemnda. Vi kan ikkje sjå at slike innspel er tenlege for å få til eit godt samarbeid. Det er og vanskeleg å sjå korleis brevet sin kategoriske form, med utstrakt bruk av skal eller må om til dels omfattande krav til gjennomgripande endringar og tillegg, kan vere ein god inngang til konstruktiv dialog. Vi stiller oss noko undrande til val av proporsjonar. Ein del av innpela er og vanskeleg å kombinere: Krav om større utdjuping av tilhøva i region 1, samstundes som organisasjonane vil ha ein kortare plan. Det er og vanskeleg å lage ein lesarvennleg plan utan eit minimum av generell informasjon om eit samansett fagfelt som rovviltforvalting er. Einskilde kommentarar som i hovudsak er retta mot sekretariatet sine påståtte politiske utsegn i planen er direkte feil. For å få eit fruktbart samarbeid om planarbeidet framover er det viktig å vere ryddig i dialogen frå begge partar. I det ligg og ei gjensidig forståing av dei ulike rollane: Rovviltnemnda er eit statleg forvaltingsorgan med ansvar for rovvilt og med politisk handlingsrom innafor vedtatte rammer i eigen region. Sekretariatet skal mellom anna hjelpe nemnda til å finne dette handlingsrommet ut frå den rovviltpolitikken som ligg føre, styringssignal frå DN og føresetnader lagt av naboregionar. Innspelet kan tyda på at dette ikkje er heilt klårt for næringsorganisasjonane. Næringsorganisasjonane i regionen er svært viktige samarbeidspartar i rovviltforvaltinga, som mellom anna vil kunne gje gode innspel til revisjonsarbeidet. Vi oppfordrer difor nemnda til å tydeliggjere premissane for diskusjonen vidare på dette møtet. Representantar frå
Side 8 av 10 næringsorganisasjonane inviterast til å ta del i diskusjonen i sak 14/12 og om innhaldet i brev av 31.07.2012. 15/12: Oppstart av arbeid med revisjon av forvaltingsplan for region 1. Saksopplysningar Arbeidet med revisjon av planen startar med dette møtet. Organisasjonar og styresmakter er på førehand inviterte til å gje innspel på innhald. Innspela er lagt ved innkallinga. Vi har innan fristen mottatt innspel frå: -Fylkesmannen i Vest-Agder -Bondelaga og sau-og geitalslaga i regionen (fellesuttale frå fylkeslaga) -Rogaland sau-og geitalslag -Region 3 syner til tidlegare kontakt mellom anna om innhaldet i forvaltingsplan for region 3 -Region 2 syner til møte med si nemnd 16.august for eventuell uttale Vurdering Sekretariatet meiner forvaltingsplanen dels skal gje faktakunnskap om rovviltforvaltinga, som regelverk, biologi og skadeproblematikk, dels gje uttrykk for den policy rovviltnemnda legg til grunn innafor fastlagte rammer. Eksisterande plan er utarbeidd med det som utgangspunkt. Det er likevel behov for revisjon av delar av innhaldet som konsekvens av nye politiske føringar, ny kunnskap og eventuelle ønske frå den nye nemnda om retninga på forvaltninga. Vi minner om at region 1 ikkje har krav om yngling av rovpattedyr, jf nasjonale forvaltingsmål, og dermed heller ikkje behov for ei differensiert forvalting. Ressursbruken på arbeidet med revisjon bør difor innrette seg etter det. Vi ser ikkje behov for omfattande strukturelle endringar i ein plan som etter vår oppfatning har fungert godt fram til no. Sekretariatet syner til vedlagt arbeidsdokument med grovskisse til naudsynte endringar i høyringsutkast. 16/12: Revisjon av budsjett for 2012 Saksopplysningar Rovviltnemnda vedtok på møte i mars, sak 2/12, å gjere nytt budsjettvedtak for eventuelle restmidlar til førebyggande og konfliktdempande tiltak (FKT) i regionen til prioriterte eksisterande søknader. Nemnda vedtok dette budsjettet for kap 1427.73 (FKT) i mars i år: 1427.73 Fordeling på søknad I reserve FM Til saman Drift av nemnda 120 000** FM Vest-Agder 42 000 50 000 92 000 FM Rogaland 288 000* 50 000 338 000 FM Hordaland 40 000 10 000 50 000 FM Sogn og Fjordane 300 000 100 000 400 000 Sum 670 000 210 000 1 000 000 *Av dette er kr 238 000,- sett av til sluttfinansiering av kongeørnprosjektet. ** Overførast til Fylkesmannen i Rogaland som sekretariat Heile budsjettet skal fordelast mellom fylkesmennene i regionen. DN har sendt tildelingsbrev til fylkesmennene ut frå nemndene sine vedtak.
Side 9 av 10 Bakgrunnen for nemnda sitt ønske om nytt budsjettvedtak er at fleire søknadar om tiltak og innkjøp, mellom anna frå Vest-Agder, ikkje blei prioriterte i mars. Ramma på kr 1 000 000,- er for lita til å kunne dekke alle behov i regionen. Det er sett av til saman kr 210 000 til reserve, og kr 120 000 til drift av nemnda. Begge desse postane er usikre i mars, og behovet vil avhenge av akutte hendingar i løpet av beitesesongen og kostnadane knytt til møta i rovviltnemnda resten av året. Akutte hendingar kan vere alt frå naudsynt tidleg nedsanking av sau til behov for finansiering av skadefellingslag. Omfang og geografisk fordeling i regionen er uråd å føreseie, sjølv om røynslene frå tidlegare år gjev ei god peikepinn. Mot slutten av beitesesongen vil det vere mogleg å kanalisere ein del av dei unytta midlene til dei fylka som har udekka behov, og som nemnda vil prioritere. Nemnda har i sitt vedtak sagt at dei vil prioritere restbeløp til eksisterande søknader (pr mars i år). I løpet av beitesesongen har det imidlertid opstått behov for midler til finansiering av felling av ulv på Agder. I epost datert 13. juli søker fylkesmannen nemnda om nye midler til finansiering av fellingslaget, fordi brorparten av tildelte midlar er nytta til investeringar i utstyr, trening av ettersøkshund på bjørn og satsing på kadaverhund (sjå og brev av 16.08.12). Vi går ut frå at nemnda også vil inkludere behov for akutte tiltak i sine prioriteringar av restbeløp. Så langt har vi etter avtale med Ambio as fått medhald i å redusere uteståande restbeløp til kongeørnprosjektet med kr 64 000.-. Vi har allereie signalisert til fylkesmannen at dette beløpet kan nyttast til skadefelling av ulv på Agder. Eit fleirtal i nemnda har og gitt tilslutning til dette på epost. I DN sitt brev om rammefordeling av midler til FKT m.m. til rovviltnemndene av 9. mars i år står det mellom anna: Fylkesmennene som mottar midler frå DN kan ikke overføre midler seg imellom utan at en slik overføring er gitt skriftlig aksept frå DN. Den enkelte fylkesmann behandler og tildeler midler til brukere innen sitt fylke. Rovviltnemndas sekretariat skal ikke behandle saker på vegne av alle fylkesmenn i regionen. Dette avgrenser fleksibiliteten i høve til felles tiltak mellom fylka i regionen og bruk av midler på tvers av fylkesgrensene. Vi går likevel ut frå at DN vil kunne godkjenne overføring av FKT-midler mellom fylka med bakgrunn i vedtak frå nemnda. Vurdering Det er for tidleg enno å fastslå storleiken på eventuelle restmidlar i fylka. Det kan framleis oppstå akutte hendingar i beiteområda med behov for finansiering. Pr 16.august har fylkesmennene rapportert følgjande: Rest Behov Føremål Vest-Agder 0 Sjå brev mottatt Skadefellingslag ulv 16.08.2012 Sogn og Fjordane 100 000 Mogleg jervskade Rogaland 50 000 + 40 000* 64 000 til Vest-Agder Hordaland 10 000 *Stipulert rest frå driftsmidlar til nemnda Sekretariatet vil i tillegg fortsette arbeidet med sluttføring og finansiering av kongeørnprosjektet, som vi vil orientere nærare om på møtet. Dessutan vil vi sjå nærare på budsjettering av drift av nemnda ut året.
Side 10 av 10 Framlegg til vedtak Rovviltnemnda ber DN om godkjenning til å overføre frå kap 1427.73 kr (fastsett på møtet) frå aktuelle fylke i region 1 til finansiering av skadefelling av ulv i Vest-Agder. Etter eventuell godkjenning blir beløpet overført direkte mellom fylka. 17/12: Orienteringssakar og ymse