DETALJREGULERING FOR SESSSNESET, DAUGSTAD PLANOMTALE. Rev. 12.01.2016 20.07.2015 1. SAMANDRAG 1.1 Detaljregulering av gnr. 8 bnr. 16 m.fl. legg til rette sju tomter for frittliggande bustader. Tilkomsten til desse skal skje frå eksisterande veg, som også er tilkomstveg til både næringsområde og bustader. Gjennom vurderingane nedanfor legg ein til grunn at ein ved utforming av planen har tatt rimeleg omsyn til ulike andre interesser i området. 2. BAKGRUNN 2.1 Målsetjinga med planarbeidet: Eigaren av det aktuell området på Sessneset i Vestnes kommune vil legge til rette for bygging av nye bustader. 2.2 Tidlegare vedtak: I samsvar med plan- og bygningslova 12-8 har reguleringsspørsmålet innleiingsvis vorte lagt fram for Vestnes kommune og planutvalet til vurdering. Dette har skjedd i to omgangar då målsetjinga i første runde var å regulere området til industri i samsvar med då gjeldande kommuneplan. Ved spørsmål om å nytte området til bustadføremål, gjorde planutvalet slikt vedtak den 13.05.2014: «Planutvalet godkjenner at reguleringsformålet for gnr. 8 bnr. 16 (område I8 i kommuneplanens arealsdel) på Sessneset blir endra til bustader Planutvalet føreset at det blir gitt nytt oppstartsvarsel.
Planområdet må omfatte vegtilkomst til E136 og må sette av plass for kommunalteknisk anlegg ved utsleppet for kommunalt avløp.» 2.3 Utbyggingsavtale: Teknisk infrastruktur for vatn og spillvatn skal koplast til eksisterande kommunalt anlegg som ligg i området. Tilkomsten til tomtene vil skje frå eksisterande veg, og saman med tilkomsten til området for kommunalt avløpsanlegg. Spørsmålet om utbyggingsavtale vil bli tatt opp med kommunen etter at planen er lagt ut til offentleg ettersyn. 2.4 Planform: Reguleringsplanen er utarbeida som detaljregulering i samsvar med plan- og bygningslova 12-3. 3. FORHOLDET TIL PLANAR OG RAMMER 3.1 PLANAR 3.1.1 Gjeldande plansituasjon: Det er tidlegare ikkje utarbeida detaljplanar etter plan- og bygningslova for hovuddelen av området omfatta av denne planen. Reguleringsplan nr. 0021, Skuletomt Daugstad, omfattar mellom anna deler av Fv163 med busslomme og sideareal. Ny reguleringsplan endrar ikkje på vegsituasjonen, og busslomma og sidearealet langs vegen er oppretthalde i ny plan. Tidlegare kommuneplan sin arealdel vart vedtatt i 2006. Planområdet for denne reguleringsplanen er der lagt ut til industri-/næringsformål. Kommunen har i 2015 vedtatt ny kommuneplans arealdel, der arealformålet er endra i samsvar med vedtaket av 13.05.2014, i forslag til ny arealdel til kommuneplanen. I ny arealdel har ein vurdert plassering og arrondering av både næringsareal og bustadareal på og rundt Sessneset. Av konsekvensutgreiinga til arealdelen går det fram at det er «Ingen negative konsekvensar» ved slik arealbruk her. Difor er det ikkje utarbeidd eigen konsekvensutgreiing knytt til denne reguleringsplanen.. Tidlegare kommuneplans arealdel
Ny kommuneplans arealdel 3.1.2 Andre planar: Det er under utarbeiding interkommunal arealdelplan for sjøområda, der plangrensa er kystkonturen. Denne reguleringsplanen forutset at eksist. kystkontur blir oppretthalden. 3.1.3 Plan- og bygningslova 1-1: Universell utforming det er i lov og forskrift (TEK10) stilt krav om universell utforming av bustader og tilkomsten til slike. Planområdet har lett tilkomst frå offentleg veg, og topografien innanfor plangrensene er slik at tilkomsten til den einskilde bustadtomt også kan gjerast utan store høgdeforskjellar og hinder. Barn- og unge sine interesser dei rikspolitiske retningslinene gjeld først og fremst oppvekstvilkåra, og stiller krav om at desse interessene blir ivaretatt i planarbeid. Dette er eit svært avgrensa bustadområde, med 6 nye bustadtomter. Sentralt mellom desse er det avsett eit større område til uteopphald og leik. Frå dette er det lett tilgang grønstrukturen i sør, som også leier ned til strandsona. Strandsona kan også nåast over arealet avsett til off. avlaupsanlegg. Estetisk utforming av omgivnadane dette gjeld både bygningar og andre anlegg, og vil vere gjenstand for vurderingar seinare i samband med byggesaker. I reguleringsføresegnene er det lagt føringar gjennom utnyttingsgrad og byggehøgder. 3.1.4 Arealbrukskonflikter - Kulturminne: Det er ikkje registret automatisk freda kulturminne i området. Fylkeskommunen har vore på synfaring 02.05.2013, og konkluderer med at det er lite potensiale for kulturminner i området. 3.1.5 Arealbrukskonflikter vegtrafikkstøy: Planområdet ligg med slik avstand til Fv163 at det fell utanfor område vist som gul støysone langs denne i Vegvesenet si oversikt. I tillegg ligg området delvis lavare enn vegbanen, samt at når Tresfjordbrua er ferdig, er det forventa at trafikkbelastinga på Fv163 er redusert til ca 450 ÅDT. Av denne grunn er det ikkje gjort særskilde støyvurderingar eller innarbeida tiltak for støydemping.
3.1.6 Arealbrukskonflikter støy frå verksemder i nabolaget: Nord for planområdet er det ei mindre byggevareutsalg med sagbruk. Det er særleg sagbruken som kan føre til uheldige støyverdiar i omgivelsane. I dette tilfellet er det svært avgrensa aktivitet, da det ikkje er saging kvar dag, og når det skjer, er det ca 2 timar om dagen. Det er dessutan sett opp plankegjerde opp naboeigedomane i sør, for å redusere ulempene. Dette er min. 2,0 m høgt. Både dette og den øvrige bebyggelsen er med på å skjerme for evt. støy. På dette grunnlag er det vurdert at støy frå sagbruket ikkje er av ein slik at det er nødvendig å innarbeide særskilde tiltak i planen. 3.1.7 Arealbrukskonflikter naturmangfald: Av dei biologisk mangfaldsregistreringane som er gjorde i Vestnes kommune, går det fram at det ikkje er særskilde naturtypar eller artar som planarbeidet må ta omsyn til. Over tid har det skjedd til dels store endringar av terrenget innanfor planområdet gjennom masseuttak og etablering av kommunale avlaupsleidningar. Grunnen i området er mager og steinrik morenegrunn, der dei finaste fraksjonane er vaska ut. Dette gir at vegetasjonen omfattar heller få artar.
3.1.8 Arealbrukskonflikter differensiert strandsoneforvaltning: Deler av planområdet ligg innanfor plan- og bygningslova si forbodssone mot tiltak langs strandlina. Etter dei statlege planretningslinene for strandsoneforvalting, er Vestnes kommune plassert i «mindre streng kategori». Kommuneplanen har avklart forholdet mellom strandsoneforbodet og utbyggingsformål. Men i planen er den mest sjønære sonen er avsett til grønstruktur og er tilgjengeleg for ålmenta. 3.1.9 Arealbrukskonflikter landskapsverknad: Planområdet ligg lavt i terrenget med eksisterande busetnad og vegetasjon som omramming. Med dei avgrensingane i bygningsutforming/byggehøgde som går fram av føresegnene, vil området ikkje stikke seg særskilt ut i landskapsbildet. 3.2 PLANOMRÅDET 3.2.1 Topografi, grunnforhold: Planområdet omfattar om lag 15,7 daa landgrunn utanom deler av Fv163 med sideareal og busslomme. Hovuddelen av utbyggingsområdet ligg med eit svakt fall mot vest frå ca kote 12 til kote 7. Mot sør er der ei markert stigning opp til dyrka areal på ca 3 m. Denne er tilvakse med lauvskog. Nærast sjøen fell terrenget relativt bratt ned mot strandlinja. Sessneset er lausmasseavsetning, bearbeidd og utvaska av elva og delvis sjøen. Grunnforholda er faste, steinrike og sjølvdrenerande. 3.2.2 Vegetasjon og dagens bruk: Noko av planområdet har tidlegare vore overflatedyrka. Resten av området ber preg av gjengroing og lauvskog. I den austlegaste delen har det også vore tatt ut grus- og stein i eit avgrensa omfang. I den nordre delen ligg der i dag kommunal slamavskillar og avlaupsleidningar. Her ligg også ei hovudvassleidning. Innanfor planområdet er der i dag to eksisterande naust. 3.2.3 Bruk av tilgrensande areal: I aust grensar planområdet til to eksisterande bustader. Sør for planområdet og vegetasjonsbeltet ligg det eit større fulldyrka jordbruksareal. I nord ligg der også nokre bustader mellom planområdet og eit utsal av bygningsmateriale og sag, og eit smoltanlegg. 3.2.4 Tilkomst: Tilkomsten til planområdet skal skje frå eksisterande veg som også tener både bustader, næringsverksemder og det kommunale avlaupsanlegget. Eksisterande avkøyring frå Fv163 er tatt med i reguleringsplanen saman med tilhøyrande frisiktssoner.
4. ROS-ANALYSE: 4.1. Risiko- og sårbaranalyse er gjort med bakgrunn i Fylkesmannen i Møre og Romsdal si sjekkliste. Emne Er det knytt uakseptabel risiko til følgjande forhold? Nei Ja a Er området utsett for snø-, jord-, steinskred eller større fjellskred? b Er det fare for flodbølgjer som følgje av fjellskred i vatn/sjø? c Er det fare for utgliding av området (ustabile grunnforhold)? Er området utsett for flaum eller flaumskred, også når ein tek d Naturgitte forhold omsyn til auka nedbør som følgje moglege av klimaendringar? e Er skogbrann/lyngbrann i området til fare for bustader/hus? f Er området sårbart for ekstremvêr/stormflo medrekna ev. havnivåstiging? g Treng det takast særskilte omsyn til radon? i Anna (spesifiser)? a Er det regulerte vassmagasin med spesiell fare for usikker is i nærleiken? Omgivnad b Er det terrengformasjonar som utgjer spesiell fare (stup etc.)? c Vil tiltaket kunne føre til overfløyming i lågareliggande område? Verksemdsrisiko Brann/ulykkesberedskap Infrastruktur Kraftforsyning Vassforsyning Sårbare objekt Er området påverka/ forureina frå tidlegare bruk Ulovleg verksemd d Anna (spesifiser)? a Omfattar tiltaket spesielt farlege anlegg? b Kan utilsikta/ukontrollerte hendingar i nærliggande verksemder utgjere risiko? a Har området mangelfull sløkkjevassforsyning (mengde og trykk)? b Har området problematiske tilkomstruter for utrykkingskjøretøy? a Er det kjende ulykkespunkt på transportnettet i området? b Kan utilsikta/ukontrollerte hendingar på nærliggande transportårer inkl. sjø- og luftfart utgjere risiko? c Er det transport av farleg gods til/gjennom området? a Er området påverka av magnetfelt frå høgspentliner? b Er det spesiell klatrefare i høgspentmaster? c Vil tiltaket endre (styrke/svekke) forsyningstryggleiken i området? a Er det mangelfull vassforsyning i området? Ligg tiltaket i eller nær nedslagsfeltet for drikkevatn, og kan b dette utgjere ein risiko for vassforsyninga? Medfører bortfall av følgjande tenester spesielle ulemper for området: - elektrisitet? a - teletenester? - vassforsyning? - renovasjon/spillvatn? b Er det spesielle brannobjekt i området? c Er det omsorgs- eller oppvekstinstitusjonar i området? a Gruver: opne sjakter, steintippar etc.? b Militære anlegg: fjellanlegg, piggtrådsperringar etc.? c Industriverksemd som t.d. avfallsdeponering? d Anna (spesifiser)? a Er tiltaket i seg sjølv eit sabotasje-/terrormål? b Finst det potensielle sabotasje-/terrormål i nærleiken?
4.1.1 Kommentarar: 1) Skred og flaum: Av NVE/Skrednett sitt aktsemdskart går det fram at planområdet ikkje ligg innanfor risikoområde for verken steinsprang eller snøskred, heller ikkje flaumskred. Evt. risiko for større flaumbølgje på sjøen som ein følgje av at Opstadhornet kan gå i fjorden, er tidlegare nedgradert av fylkesarkeologen, slik at farenivået er lågare enn krava i TEK10. 2) Grunnforhold: Planområdet ligg innanfor ein sone som er markert som elveavsetning og at det er avsett under den marine grense. Dette kan innebere risiko for ustabile massar. Det er ikkje gjort særskilte geotekniske undersøkingar, men ein støttar seg på erfaringar frå grave- og anleggsarbeid som har vore i området. Dyrkingsarbeid i nærområdet har vist svært steinrikt jordsmonn, der mykje av dei finare fraksjonane er utvaska. Det same har ein avdekt i samband med uttak av massar i området. Ved graving og anlegging av offentleg avlaupsanlegg har ein heller ikkje registrert forhold som skulle tilseie ustabile grunnforhold. Det er difor ikkje gjort særskilte tilpassingar eller justeringar av planen med omsyn på grunnforholda. 3) Klimaendringar: Vedr. framtidig stigning av havnivået og dermed auka høgde for stormflo, vil ikkje ha konsekvensar for innhaldet i denne planen. Av DSB sin Estimater av framtidig havnivåstigning i norske kommuner, revidert 2009, vil havnivået i eit 100-års perspektiv stige med ca 66 cm (46-101cm). Mogleg stormflo vil stige til kote 274 (254-309). Dette betyr at utbyggingsområdet ligg godt over eit slikt framtidig nivå. 4) Brann: Tilkomst til området er godt tilrettelagt då denne skjer etter eksisterande veg i området. Ut frå dette er det ikkje noko i risiko- og sårbaranalysa eller andre retningsliner og arealbrukskonflikter som tilseier at utarbeiding av detaljregulering av området ikkje kan gjennomførast. 5 OMTALE OG VERKNAD AV PLAN 5.1 Hovudinnhaldet i planen: 5.1.1 Arealbruk: Byggeområde for frittliggande småhusbebyggelse Anlegg for vatn og avlaup og renovasjon Naust Køyreveg (utanom E136 med busslomme og sideareal) Friområde/Leik Grønstruktur Friluftsområde i sjø Totalt regulert område 8,5 daa 1,3 daa 0,5 daa 1,5 daa 0,6 daa 2,6 daa 3,6 daa 20,0 daa 5.1.2 Tilkomst: Utbygginga som kan skje i medhald av denne planen er svært avgrensa, og det er ikkje vurdert at den aktuelle trafikkauken er slik at det krev særskilte tiltak på veg eller avkøyring og kryss.
5.1.3 Verknader overfor omgivnadane: Planen gir rom for ei avgrensa utbytting og bruk av området. Bustadutbygging, ein- og to-mannsbustader, på romslege tomter, blir vurdert som ei moderat utnytting av området, og inneber dermed heller ikkje vesentleg belastning overfor eksisterande busetnad. I forhold til ei utbygging til næringsformål, vil den regulerte arealbruken vere å sjå på som ei naturleg utviding av eksisterande bustadmiljø. Bustader på området vil også falle betre saman med dei bebygde omgivnadane. Innafor planområdet ligg det to eksisterande naust som tilhøyrer andre enn tiltakshavaren. Desse er tatt inn i planen som naustområde, og skal oppretthaldast. 5.1.4 Verknader overfor natur og miljø. Med bakgrunn i tidlegare og eksisterande bruk av området, og dei inngrepa som over tid har skjedd, vil ikkje ei utbygging i samsvar med denne planen føre til store inngrep i terreng og landskap. Det vil ikkje vere nødvendig med store fyllingar eller skjeringar verken for vegar eller ny bebyggelse. Sjølv om ein del av attgroingsvegetasjonen vil bli fjerna, vil det framleis stå att ein buffer mot jordbruksareala i sør. I tillegg vil ei utbygging ikkje føre til endringar av strandsonen. Avløp frå ny bebyggelse vil bli kopla til kommunen sitt eksisterande avlaupssystem i området, og vil såleis ikkje krevje eige anlegg. Samla sett vil ei gjennomføring av tiltak i samsvar med denne planen ikkje føre til store og konfliktfylte verknader verken overfor naboar eller natur og miljø i området.