FANGST OG SKJELPRØVAR I SULDALSLÅGEN

FANGST OG SKJELPRØVAR I SULDALSLÅGEN Gjennomsnittleg årsfangst av laks i perioden 1969-2015 var 516 (snittvekt 5,1 kg). I 2015 vart det fanga 967 laks (snittvekt 5,6 kg; figur 1, stolpar). Sidan 2009 har ein del av laksane vorte sett ut att i elva, i 2015 utgjorde det 23 % av registrert fangst. Gjennomsnittleg årsfangst av sjøaure i perioden 1969-2009 var 377 (snittvekt 1,2 kg). Sjøaurefangstane har minka jamt sidan midt på 1980-talet, og frå 2010 har sjøauren vore freda. Etter det har all sjøaure som ikkje var for skadd, vorte sett ut att i elva. Nedgangen i sjøaurefangstane frå tidleg på 2000-talet har vore stort sett den same som i resten av fylket. Det er ingen klar samanheng mellom laksefangstane i Suldalslågen og resten av fylket. (figur 1, linjer). FIGUR 1. Fangst av laks og sjøaure i Suldalslågen i perioden 1969-2015 (stolpar). Før 1993 er smålaks (<3 kg, grøn), mellomlaks (3-7 kg, raud) og storlaks (>7 kg, grå). Fangsttal frå før 1979 er frå Suldal elveeigarlag, frå 1979 er det offisiell fangststatistikk. Linjer viser samla fangst av laks og sjøaure i resten av Rogaland. Sjøauren har vore freda sidan 2010. NB! Fangst inkluderer gjenutsett fisk. I perioden 2000-2015 har det vorte analysert skjelprøvar av til saman 5883 laks og 45 sjøaurar frå fisket i Suldalslågen. Dei fleste år er det analysert prøvar av meir enn 50 % av registrert fangst, dei fem siste åra har andelen vore 70-80 % av dei laksane som vart avliva. Andelen rømt oppdrettslaks var heile 51 % i 2008, men har sidan gått ned år for år, og i perioden 2011-15 har det variert mellom 8 og 12 % (figur 2, linje). I 2015 var andelen rømt laks 9,3 %. Innslaget av rømt laks avtek klart oppover elva. I 2015 var det 23 % rømt laks i skjelmaterialet nedom Sandsfossen, medan tilsvarande tal mellom Sandsfossen og Juvet og ovanfor Juvet var høvesvis 3 og 2 %. Av 540 villaks i skjelmaterialet var 207 naturleg rekruttert, 239 var utsett frå klekkeri, og 94 var av usikkert opphav. Gjennomsnittleg smoltlengd var 14 cm for dei naturleg rekrutterte laksane, 17 cm for dei utsette. For meir informasjon sjå FIGUR 2. Antal analyserte skjelprøvar frå Suldalslågen 2000-2015, og andel rømt oppdrettslaks (%).

FANGST OG SKJELPRØVAR I HÅLANDSELVA Gjennomsnittleg årsfangst av laks i perioden 1979-2015 var 84 (snittvekt 3,6 kg). Fangstane har variert mykje mellom år, med best fangstar i 2005-12, og rekordfangst i 2012 (218 laks; figur 1, stolpar). I 2015 vart det fanga 87 laks (snittvekt 4,1 kg). Fangstane av sjøaure har også variert mykje, med ein rekordfangst i 1980 på 63 fisk. Sjøauren har vore freda sidan 2010. Mellomårsvariasjonen i laksefangstane i Hålandselva og resten av fylket er ganske lik sidan seint på 1990- talet, men det var relativt lågare fangstar i Hålandselva i 1998-2004 (figur 1, linje). Fangsten i Hålandselva i 2014 var svært låg i høve til resten av fylket. FIGUR 1. Fangst av laks og sjøaure i Hålandselva i perioden 1979-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, grå). Linjer viser samla fangst av laks og sjøaure i resten av Rogaland. I 2015 kom det inn skjelprøvar av 41 laks, alle var villaks. t utgjer nær halvparten av registrert fangst, og det er dermed godt grunnlag for å sei at innslaget av rømt oppdrettslaks i sportsfisket var lågt i 2015. Av dei 41 laksane var 13 smålaks, 23 mellomlaks og 5 storlaks. Tre av smålaksane var 2-sjøvinterlaks, medan 8 av mellomlaksane var 3-sjøvinterlaks (figur 2). FIGUR 2. Vektfordeling av 1-, 2- og 3-sjøvinterlaks. Lodrette linjer viser grensa mellom smålaks (<3 kg), mellomlaks (3-7 kg) og storlaks (>7 kg). For meir informasjon sjå

FANGST OG SKJELPRØVAR I ULLA Gjennomsnittleg årsfangst i perioden 1975-2015 var 80 laks (snittvekt 3,5 kg) og 18 sjøaure (snittvekt 1 kg). I 2015 vart det fanga 151 laks (snittvekt 3,8 kg), ingen sjøaure (figur 1, stolpar). Variasjonen i laks- og sjøaurefangstane i Ulla skil seg noko frå resten av fylket. Etter ein brukbar laksefangst i 2007 gjekk det jamt nedover, og det oppsvinget ein såg i dei fleste andre elvane i Rogaland i 2010 skjedde ikkje i Ulla (figur 1, linje). Etter to år med brukbare fangstar i 2012 og -13, var fangsten i 2014 den dårlegaste sidan tidleg på 1990-talet. Fangsten i 2015 er derimot av dei beste som er registrert. Sjøaurefangstane har gått nedover frå tidleg på 1990-talet, fram til sjøauren vart freda i 2010. FIGUR 1. Fangst av laks og sjøaure i Ulla i perioden 1975-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland. Etter to år med gode innleveringar av skjelprøvar vart det berre sporadisk sendt inn prøvar frå sportsfisket i Ulla (figur 2, stolpar), men i 2015 kom det inn 62 skjelprøvar av laks, som er 41 % av registrert fangst. Til saman er det motteke prøvar av 225 laks og 1 sjøaure. I 2005 og 2006 var det høvesvis 5 og 10 % rømt oppdrettslaks (figur 2, linje). I 2015 var det ein rømt oppdrettslaks (1,6 %) Dei andre åra er det for få prøvar til å vurdera innslaget av rømt oppdrettslaks i fiskesesongen. FIGUR 2. Antal analyserte skjel-prøvar frå Ulla 2005-15. Linje viser andel rømt oppdrettslaks. For meir informasjon sjå

FANGST OG SKJELPRØVAR I VORMA Gjennomsnittleg årsfangst i perioden 1977-2015 var 262 laks (snittvekt 3,3 kg) og 49 sjøaurar (snittvekt 0,8 kg). Laksefangstane har vore markert høgare etter 1999 enn før, og snittfangst per år i 1999-2015 er 435 laks (figur 1, stolpar). Etter rekordfangsten i 2012, då det vart fanga 768 laks, har fangstane vore noko lågare. I 2015 vart det fanga 445 laks (snittvekt 3,7 kg). Sjøaurefangstane har variert mykje mellom år, men gjekk drastisk ned fram til 2010, og etter det har sjøauren vore freda. Utviklinga av både laks- og sjøaurefangstane på 2000-talet er mykje den same i Vorma som i resten av fylket, og viser at situasjonen ikkje er særeigen for Vorma (figur 1, linjer). FIGUR 1. Fangst av laks og sjøaure i Vorma i perioden 1977-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland. Sjøauren har vore freda sidan 2010. Analysar av skjelmateriale Sidan 2005 har det vore analysert skjelprøvar av til saman 3231 laks og 10 sjøaure. Frå sportsfisket i 2015 kom det inn prøvar av 418 laks, som er 98 % av registrert fangst (figur 2). Dei siste fem åra har me motteke prøvar av over 80 % av registrert laksefangst, dei fire siste åra av 90-98 %. Etter relativt stort innslag av rømt oppdrettslaks i 2006 og 2007 har andelen vore 5 % eller mindre dei følgjande åra. Dei fem siste åra har andelen vore under 3 %. I 2015 var andelen rømt oppdrettslaks i skjelmaterialet 2,6 % (figur 2, linje). FIGUR 2. Antal skjelprøvar (stolpar) og andel rømt oppdrettslaks (linje) i skjelmaterialet frå Vorma. For meir informasjon sjå

FANGST OG SKJELPRØVAR I ÅRDALSELVA en for laks i Årdalselva kan delast i to epokar. Snittfangst per år i perioden 1977-1990 var 60 laks, medan snittet for åra 1991-2015 var 520 laks per år (figur 1, stolpar). Etter tre år med heller dårlege fangstar i 2008-2010, auka fangstane att, og i 2012 vart det fanga 1144 laks, det klart beste resultatet for Årdalselva. Sjølv om fangstane gjekk ned etter dette, var fangsten i 2015, 717 laks (snittvekt 5,5 kg), blant dei beste som er registrert for Årdalselva. Sjøaurefangstane har gått nedover sidan tidleg på 1990-talet. Frå 2010 har sjøauren vore freda, og all uskadd sjøaure har vorte sett ut att. Utviklinga av både laks- og sjøaurefangstane dei siste 10 åra er mykje den same i som i resten av fylket, og viser at mykje av mellomårsvariasjonen skuldast faktorar som ikkje er unike for Årdalselva (figur 1, linjer). Sidan 2010 har 20-30 % av laksane vorte sett ut att i elva, i 2015 utgjorde det ca. 22 % av fangsten. FIGUR 1. Fangst av laks og sjøaure i Årdalselva i perioden 1979-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, grå). Linjer viser samla fangst av laks og sjøaure i resten av Rogaland utanom Årdalselva. Sjøauren har vore freda sidan 2010. NB! Fangst inkluderer både avliva og gjenutsett fisk. Analysar av skjelmateriale Sidan 2006 er det analysert skjelprøvar av til saman 1473 laks og 11 sjøaure frå Årdalselva (figur 2, stolpar). Sidan 2009 har me motteke prøvar av ca. 30-70 % av registrert fangst, noko som er svært bra, og gjev eit godt vurderingsgrunnlag. I 2015 mottok me prøvar av 264 laks (47 % av avliva fisk). Etter at det var høvesvis 5 og 8 % rømt oppdrettslaks i skjelmaterialet i 2009 og 2010, har innslaget gått klart ned dei siste åra I 2013 var det ingen rømte laksar i materialet, i 2015 var andelen 3 % (8 fisk). FIGUR 2. Antal skjelprøvar frå Årdalselva (stolpar) og andel rømt oppdrettslaks (%, linje). NB! Hugs å notera på skjelkonvolutten om fisken er feittfinneklipt For meir informasjon sjå

FANGST OG SKJELPRØVAR I JØRPELANDSELVA Gjennomsnittleg årsfangst av laks i perioden 1981-2015 var 70 (snittvekt 2,6 kg). Fangstane har variert mykje mellom år, med ei rekordnotering i 1998, med 135 laks (figur 1, stolpar). I 2015 vart det fanga 86 laks (snittvekt 3,2 kg), eit av dei betre resultata på 2000-talet. Fangstane av sjøaure har også variert mykje, med ein rekordfangst i 2000 på 148 fisk. Sjøauren har vore freda sidan 2010. Det er ganske godt samsvar mellom variasjonen i laks- og sjøaurefangstane i Jørpelandselva og resten av fylket, sjølv om det er klare avvik enkelte år (figur 1, linje). FIGUR 1. Fangst av laks og sjøaure i Jørpelandselva i perioden 1981-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland. Det er berre sporadisk sendt inn skjelprøvar frå sportsfisket i Jørpelandselva (figur 2, stolpar). Til saman er det analysert prøvar av 84 laks og 2 sjøaure frå til saman fire sesongar. I 2015 kom det inn 20 skjelprøvar av laks, noko som er 27 % av registrert fangst. Andel rømt oppdrettslaks har variert mellom 0 % i 2011 og 21 % i 2010 (figur 2, punkt). I 2015 var det ein oppdrettslaks, dvs. 5 %. Antal prøvar frå sportsfisket er dei fleste åra for lågt til at ein kan vurdera innslaget av rømt oppdrettslaks i fiskesesongen. FIGUR 2. Antal analyserte skjelprøvar frå Jørpelandselva 2007-15. Punkt viser andel rømt oppdrettslaks. For meir informasjon sjå

FANGST OG SKJELPRØVAR I LYSEELVA Gjennomsnittleg årsfangst av laks i perioden 1995-2015 var 21 laks (snittvekt 3,6 kg). Fangsten av laks har stige jamt i heile perioden 1999-2015 (figur 1, stolpar). Høgaste registrerte fangst var i 2010, med 46 laks. I 2015 vart det fanga 31 laks, med snittvekt 4,5 kg. I perioden 1993-2015 er det i snitt fanga 34 sjøaure per år (snittvekt 0,7 kg). Med unntak av 1999 og 2000, då det vart fanga høvesvis 101 og 89 sjøaure, har fangstane stort sett variert mellom ca. 20 og 40 per år. I 2015 vart det fanga 23 sjøaure (snittvekt 0,7 kg). Det er lite samsvar mellom fangst av laks i Lyseelva og resten av Rogaland (figur 1, linje). For sjøaure er det derimot godt samsvar mellom Lyseelva og resten av fylket. Frå 2010 har ein del av fiskane vorte sett ut att i elva, i 2015 utgjorde det 16 % av laksane og heile 74 % av sjøaurane. FIGUR 1. Fangst av laks og sjøaure i Lyseelva i perioden 1993-2015 (stolpar). Det er skild mellom smålaks (<3 kg, grøn), mellomlaks (3-7 kg, raud) og storlaks (>7 kg, grå). Linjer viser samla fangst av laks og sjøaure i resten av Rogaland (utanom Lyseelva). NB! Fangst inkluderer gjenutsett fisk. Sidan 2005 er det analysert skjelprøvar av til saman 247 laks og 102 sjøaure frå sportsfisket i Lyseelva (figur 2). Det har vore god oppslutning om skjelinnsamlinga, me har motteke prøvar av meir enn 50 % av registrert laksefangst alle år. Andelen prøvar av sjøaure har variert mellom 10 og 60 %. I 2015 mottok me prøvar av 25 laks, 2 sjøaure og ein resident aure. Dette er nær 100 % av dei laksane som var registrert avliva, og halvparten av aurane. Innslaget av rømt oppdrettslaks har vore lågt dei fleste år. Etter tre år utan rømt laks blant dei innsende prøvane, auka andelen i 2014 til 2,6 % (ein rømt oppdrettslaks). I 2015 var det ingen rømte oppdrettslaks. FIGUR 2. Antal skjelprøvar (stolpar) og andel rømt laks (%, linje) i skjelmaterialet frå Lyseelva. For meir informasjon sjå

FANGST OG SKJELPRØVAR I ESPEDALSELVA Gjennomsnittleg årsfangst av laks i perioden 1988-2015 var 382 (snittvekt 3,8 kg). Før 1988 var det registrert små fangstar enkelte år, men det er ikkje kjent om dette er reelt eller skuldast manglande innrapportering. Også enkeltår etter 1988 ser det ut til å vera manglande rapportering. I 2015 vart det fanga 767 laks (snittvekt 5,4 kg), det beste resultatet for heile perioden. Gjennomsnittleg fangst av sjøaure i perioden 1988-2009 var 127 fisk (snittvekt 1,0 kg). Fangstane avtok frå 2000 og utover, og frå 2010 har sjøauren vore freda. Utviklinga i sjøaurefangstane i Espedalselva frå midt på 1990-talet stemmer godt over eins med det ein har sett for resten av fylket (figur 1, linje). Det er ikkje tilfelle i same grad for laks, fleire av åra avvik laksefangstane markert frå trenden i fylket elles. Fangsten av laks i 2015 var relativt sett klart betre enn snittet for resten av fylket. FIGUR 1. Fangst av laks og sjøaure i Espedalselva i perioden 1978-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, grå). Linjer viser samla fangst av laks og sjøaure i resten av Rogaland (utanom Espedalselva). Sjøauren er freda frå 2010. NB! Figuren inkluderer gjenutsett laks i 2012. Analysar av skjelmateriale Sidan 2005 er det analysert skjelprøvar av 791 laks og 10 sjøaure i Espedalselva (figur 2). I 2015 mottok me prøvar av heile 228 laks (32 % av registrert fangst). Innslaget av rømt oppdrettslaks har gått jamt ned sidan 2009, andelen har vore ca. 2% eller mindre sidan 2010. I 2015 var andelen 0,9 % (to oppdrettslaks). FIGUR 2. Antal skjelprøvar frå Espedalselva (stolpar) og andel rømt oppdrettslaks (linje). For meir informasjon sjå

FANGST OG SKJELPRØVAR I FRAFJORDELVA Gjennomsnittleg årsfangst av laks i perioden 1979-2014 var 127 (snittvekt 3,1 kg). Laksefangstane auka utover 1990-talet og nådde ein topp i 2000, med 503 laks (figur 1, stolpar). Etter det gjekk fangstane ned til 100 laks i 207. Sidan har det auka, og i 2015 vart det fanga 296 laks (snittvekt 4,9 kg), som er det beste resultatet sidan 2001. I perioden 1977-2009 vart fanga i snitt 177 sjøaurar per år (snittvekt 1,0 kg). Fangstane gjekk kraftig ned utover 2000-talet, og sjøauren har vore freda i Frafjordelva sidan 2010. Fangstutviklinga for sjøaure utover på 2000-talet har vore mykje den same som i resten av Rogaland (figur 1, linje). Det er noko større avvik for laks, fangstane etter 2002 er noko lågare enn venta i høve til dei føregåande åra, medan auken i 2015 var meir markert enn i resten av fylket. FIGUR 1. Fangst av laks og sjøaure i Frafjordelva i perioden 1977-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, grå). Linjer viser samla fangst av laks og sjøaure i resten av Rogaland. NB! Sjøauren har vore freda frå 2010. Sidan 2005 er det analysert skjelprøvar av til saman 497 laks og 39 sjøaure (figur 2). I 2015 mottok me skjel frå 62 laks (21 % av registrert fangst). Etter at andelen rømt oppdrettslaks var vel 10 % i 2010, har det gått kraftig ned, og dei tre siste åra er det ikkje registrert rømt laks i skjelmaterialet. FIGUR 2. Antal skjelprøvar (stolpar) og andel rømt laks i skjelmaterialet (%, linje) frå Frafjordelva. For meir informasjon sjå

FANGST OG SKJELPRØVAR I DIRDALSELVA Gjennomsnittleg årsfangst av laks i perioden 1979-2015 var 307 laks (snittvekt 3,2 kg). Fangstane av laks har auka jamt sidan midt på 1990-talet, og fangsten i 2011, med 1254 laks, er den klart høgaste som er registrert i Dirdalselva (figur 1, stolpar). Etter litt reduserte fangstar i 2013 og 2014, vart det fanga 1240 laks i 2015, det nest beste resultatet som er registrert. I perioden 1977-2009 vart det i snitt fanga 115 sjøaure per år. Fangstane har vore variable, med 2000 som suverent toppår (479 sjøaure). Sjøauren har vore freda sidan 2010, og all uskadd sjøaure er sett attende i elva. Utviklinga i sjøaurefangstar i Dirdalselva stemmer godt over eins med det ein har sett for resten av fylket (figur 1, linje). Det same er ikkje tilfelle for laks, fangstane i Dirdalselva auka jamt og trutt sidan midt på 1990-talet, men utan den kraftige auken seint på 90-talet. Mellomårsvariasjonen dei sju siste åra følgjer derimot stort sett det ein ser i resten av fylket, med unntak av i 2014, då Dirdalselva har ein auke i fangsten i høve til året før. Sidan 2009 har 3-17 % av laksane vorte sett tilbake i elva, i 2015 var det 6 %. FIGUR 1. Fangst av laks og sjøaure i Dirdalselva i perioden 1977-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland. Sjøauren har vore freda f.o.m. 2010, og dei aller fleste er sett ut att. NB! Fangst inkluderer gjenutsett fisk. Sidan 2005 har det vore analysert prøvar av til saman 830 laks og 3 sjøaure (figur 2). I 2015 mottok me prøvar av heile 331 laks (27 % av fangst). Sidan 2007 har andelen rømt oppdrettslaks variert mellom 0 og 3 %. I 2015 var andelen 2,7 % (9 oppdrettslaks). FIGUR 2. Antal skjelprøvar frå Dirdalselva (stolpar) og andel rømt oppdrettslaks (linje). For meir informasjon sjå

FANGST OG SKJELPRØVAR I OGNA Gjennomsnittleg årsfangst av laks i perioden 1985-2015 var 1931 (snittvekt 2,2 kg). Etter rekordåret 1998 (4044 laks) varierte fangstane mellom 1000 og 2000 per år fram til 2010 (figur 1, stolpar). Dei siste 6 åra har årlege fangstar vore ca. 2000-2500, i 2015 vart det fanga 1909 laks (snittvekt 2,6 kg). Snittfangst av sjøaure 1985-2015 var 123 sjøaurar per år (snittvekt 0,9 kg). Dei beste sjøaurefangstane var i perioden 1985-92, med 1986 som toppår (742 sjøaure). Deretter har fangstane gått jamt nedover, og etter 2001 har det vore fanga færre enn 30 sjøaure per år. I 2015 vart det fanga 28 sjøaure (snittvekt 0,9 kg) Etter rekordåret 1998 fall laksefangstane i Ogna i høve til resten av fylket (figur 1, linje). Dei siste seks åra har fangstane av laks halde seg relativt stabile i motsetnad til resten av fylket. Sjøaurefangstane tok seg ikkje opp tidleg på 2000-talet slik tilfellet var i mange andre elvar. Sidan 2010 har nokre av laksane som vart fanga dei tre siste åra vorte sette ut att (2-5 % av fangsten), og dei tre siste åra vart 20-50 % av sjøaurane sette ut att. FIGUR 1. Fangst av laks og sjøaure i Ogna i perioden 1977-2015 (stolpar). Frå 1979 er smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland (utanom Ogna). NB! Fangst inkluderer både avliva og gjenutsett fisk. Analysar av skjelmateriale Sidan 2005 er det analysert skjelprøvar frå til saman 1340 laks og 5 sjøaure frå Ogna, i 2015 mottok me prøvar av 133 laks, noko som er ca. 7 % av avliva fangst (figur 2). Andelen rømt oppdrettslaks har vore låg i heile perioden, og har variert mellom 0 og 4 %. I 2015 var andelen 0 %. I høve til dei registrerte fangstane, er det teke skjelprøvar av berre 5-10 % av laksane, så andel rømt laks i totalfangsten vil vera noko usikker. FIGUR 2. Antal skjelprøvar frå Ogna (stolpar) og andel rømt oppdrettslaks (%, linje). For meir informasjon sjå

FANGST OG SKJELPRØVAR I BJERKREIMSELVA Gjennomsnittleg årsfangst i perioden 1976-2015 var 3322 laks (snittvekt 2,2 kg) og 171 sjøaurar (snittvekt 0,8 kg). Laksefangstane auka sterkt frå 1998 (figur 1, stolpar), og snitt for perioden 1998-2015 er 6010 laks. I 2010-12 var fangstane i overkant av 7000 per år, deretter har fangstane vore lågare, og i 2015 vart det fanga 4410 laks (snittvekt 2,3 kg). Sjøaurefangstane dei siste åra har vore mellom dei lågaste som er registrert, i 2015 vart det fanga 104 sjøaure (snittvekt 0,8 kg). Variasjonen i laksefangstane i Bjerkreimselva har vore svært lik den ein har sett i resten av fylket sidan 1998 (figur 1, linjer). For sjøaure har det vore ein god samanheng i heile perioden frå 1976. Sidan 2010 har ein 7-13 % av laksane og 13-44 % av sjøaurane vorte sett tilbake i elva, i 2014 var det høvesvis 8 % og 44 %. FIGUR 1. Fangst av laks og sjøaure i Bjerkreimselva i perioden 1976-2015 (stolpar). Frå 1979 er lakse-fangstane skild som tert (<3 kg, grøn) og laks (>3 kg, blå), frå 1993 er det skild mellom smålaks (<3 kg, grøn), mellomlaks (3-7 kg, raud) og storlaks (>7 kg, svart). Linjer viser samla fangst av laks og sjøaure i resten av Rogaland (utanom Bjerkreimselva). NB! fangst inkluderer både avliva og gjenutsett fisk. Sidan 2006 er det analysert skjelprøvar av 1801 laks frå sportsfisket i Bjerkreimselva (figur 2). I 2015 mottok me prøvar av 194 laks, som utgjer 4,5 % av registrert fangst. Det er berre motteke prøvar av til saman 11 sjøaure. Det var 2 rømte oppdrettslaks i skjelprøvane frå 2015, ein andel på 1 %. Med unntak av i 2008 har andelen rømt laks vore låg, men sidan det er teke prøvar av ein svært liten andel av den samla fangsten, er tala noko usikre. FIGUR 2. Antal skjelprøvar frå Bjerkreimselva (stolpar) og andel rømt oppdrettslaks (%, linje). For meir informasjon sjå