Foto: Hvitserk Eventyrreiser Velkomen til Vøtrafestival i Sysendalen ein vinterfest i Amundsen si ånd på Feet i Sysendalen 18.02. 19.02.2011 i forbindelse med det historiske pulk-kappløpet i Amundsens skispor over Hardangervidda! I 2011 er det 100 år sidan Roald Amundsen nådde sydpolen. Dette skal markerast. Onsdag 16. februar (trimklasse) og torsdag 17. februar (konkurranseklasse) går starten på pulkløpet frå Haukelisæter, og me reknar med at dei første løparane vil komme i mål på Feet ved Garen i Sysendalen/Eidfjord, allereie fredag 18. februar. Under den karakteristiske profilen av Roald Amundsen i fjellet Grytahorgi vil me ta i mot heltane som deltek i dette ekstreme pulkløpet med ein stor velkomstkomite i form av ein Vøtrafestival fredag 18.02. laurdag 19.02.2011! Foto: Kari Varberg Øydvin Det vert sett opp eit stort telt som skal brukast til informasjons- og salgsstandar frå spennande bedrifter. I tillegg blir det fleire mindre lavvoar med bålpanner rundt om kring, slik at me skal få til den rette vøtrastemninga. Det blir igjen føredrag av polfararen Britt Thorstensen fredag kveld og dessutan Vøtraswing laurdag kveld. På festivalplassen blir det aktivitetar som f.eks gratis kurs Bli tryggare i vinterfjellet (med snøprofil, skredlære, trygge vegval, ly & leir, kart & kompass), det blir Veteransnjokøyretøyløp (med forbehold) og -utstilling og det blir marknad inni lavvoen med mat og drikke osv. Opningstider: Fredag 18.02.2011 kl 1600 2000 Laurdag 19.02.2011 kl 1100 1800 Vøtraswing Kl 2000 0100 Festivalbillettar (born under 12 år gratis): Kr. 50 for dagbillett fredag, inkl. føredrag med Britt Thorstensen Kr. 50 for dagbillett laurdag, inkl. konsert med Annlaug Børsheim / Rannveig Djønne. Kr. 300 for 2-dagars festivalbillett inkl. føredrag, konsert og vøtraswing. Parkering: kr 50 Deltaking i aktivitetar på festivalområdet og mat/drikke etter tilbydars pris.
Program Vøtrafestival i Sysendalen ein vinterfest i Amundsen si ånd Fredag 18.02.2011 kl 1600 2000 - Marknad i storteltet - Aktivitetar ute Flatearth Adventure og Eidfjord Aktiv tilbyr forskjellige vinteraktivitetar ute på festivalplassen - Kl 1700: Føredrag Kilimanjaro Bli med på topptur til Afrikas høgaste fjell av Tone Werner frå turoperatøren Hvitserk & Eventyrreiser Ein draumetur, når ein gjer alt på riktig måte. Vi avsluttar med safari i Masai Mara til dessert. - Kl 1900: Føredrag "På nåde i Antarktis-mot 90º Syd" av polfararen Britt Thorstensen Britt Thorstensen vart kåra til "Årets Villmarking 2007", har samla masse erfaringar frå sine turar til Nordpolen, Sørpolen og frå kryssinga av Grønlandsisen. Kom og høyr på eit fyrverkeri av ei dame og bli inspirert!. Laurdag 19.02.2011 Kl 1100 1800 - Marknad i storteltet - Aktivitetar ute Flatearth Adventure og Eidfjord Aktiv tilbyr forskjellige vinteraktivitetar ute på festivalplassen - Utstilling Veteransnjokøyretøy (ikkje demonstrasjon) - Kl 1100: Føredrag Peru Inca Trail & Machu Picchu av Tone Werner frå turoperatøren Hvitserk & Eventyrreiser Bli med på eventyrlege vandringar i Inkaenes gamle fotspor i uberørte Andesfjell. Soloppgangen i Machu Picchu set prikken over i en. - Kl 1200 1400: Gratis kurs Bli tryggare i vinterfjellet v/johnny Laupsa-Borge Maks tal deltakarar: 8 Aldersgrense: 16 år (eller yngre i følgje med vaksen). Tema: Generelt om nordisk fjellferd vinterstid; Klede, mat, drikke og anna utstyr i vinterfjellet; Bruk av kart og kompass; Trygge vegval; Ly og leir; Snøkjennskap; Skredlære; Snøprofil med spadeprøve Personleg utstyr: God ryggsekk; Skiutstyr; Varme sko og klede for vinterfjellet; Sitjeunderlag; Varm drikke og evt. mat; Kart og kompass; Søkjestang (kan lånast); Snøspade (kan lånast) Utstyr som må leigast av Eidfjord Røde Kors: Søkjestenger; Små snøspader; Førstehjelpsutstyr Påmelding: Tel. 99103109 eller ved standen til Røde Kors (i teltet) eller Destinasjon Eidfjord innan kl. 1130 laurdag. Oppmøte: kl. 1200 ved standen til Røde Kors eller Destinasjon Eidfjord. - Kl 1400: Veteransnjokøyretøyløp - påmelding frå kl 1300 - Kl 1600: Konsert med Annlaugs duo Konserten er inkludert i festivalbilletten Annlaug Børsheim kjem frå Ulvik og er songar, felespelar, gitarist og låtskrivar med solid ryggrad innan norsk folkemusikk, men likar å utforske og leike med ulike sjangrar og tradisjonar. Annlaug har reist mykje i vesterveg til Shetland og Skottland, der har ho funne musikalske tvillingsjeler, og det var difor ikkje unaturleg at debutplata hennar November blei spela inn nær Edinburgh med skotsk produsent og skotske musikarar. Annlaug har likevel sin musikalske ståstad i Hardanger, hardingfelespel har ho lært av Knut Hamre. Vidare har ho gått Folkemusikkstudiet i Rauland og Spelemannsskulen på Ole Bull Akademiet på Voss. Noko av det som kjenneteiknar Annlaug aller best er at ho er ein musikar med kreative evner, ho lagar både slåttar, songar og melodiar og hentar inspirasjon frå fleire sjangrar, men i botn ligg tradisjonsmusikken frå Hardanger. Rannveig Djønne frå Hardanger er ein særeigen toraderspelar som har teke i bruk slåttemusikken frå Hardanger på ein måte ingen før henne har gjort. Ho har spela torader sidan ho var 9 år. 25 år etter kom ho med fyrste soloplata - "Spelferd heim". Ein av læremeistrane hennar var Leif Gunnar Opedal. Som toraderspelar kom ho med i ulike grupper, og i 1993 og 1994 var ho med og vinne Noregsmeisterskapet i torader med gruppene "Vossaspretten" og "Tines". Etter studiar på Ole Bull Akademiet på Voss fekk ho endå sterkare motivasjon for å finne si eigen stil. Dette har mellom anna gjeve seg utslag i eigenkomponerte slåttar. På debutplata "Spelferd heim" fekk ho både vist seg fram som slåttediktar eller komponist om ein vil, samtidig som ho med hjelp av solide medmusikantar gav hardangermusikken eit nytt musikalsk uttrykk med toraderen i sentrum. - Kl 1730: Auksjon på bilete I Roald Amundsen si ånd laga av Marete Lund Bakke
- Kl 2000 0100: Vøtraswing med Rakkadeis Inngang: kr 300 (inkludert dersom du har 2-dagars festivalbillett kr 300) Rakkadeis blei starta i februar 2009, etter forespørsel om å spela til dans. Bandet hadde sin fyrste spele jobb på vaksdal 25.04.09 der sjølvaste Bjørn Eidsvåg varma opp publikum for oss. Spelar kjende slagerar av bla. Bruce springsteen, Alan Jackson, Bryan Adams, Johnny Cash, Vestlandsfanden, Creedence. Bandet garanterer fengande dansemusikk samt høg allsangfaktor! Trygt heim etter festen: Bestill drosje (4 pers) frå Feet tilbake til Eidfjord kr. 550 tel. 90691075
Historisk pulk-kappløp I Amundsens skispor over Hardangervidda. Løpet startar på Haukelisæter og endar opp på Feet/Garen i Sysendalen, Eidfjord. Løpet er ca 100 km langt. I 1896 ville Amundsen og broren krysse vidda, som førebuing i si pol forsking. Dei nådde aldri heilt fram til Garen, men snudde då dei var redde dei var på veg vidare nordover. Turen kosta dei nær livet. Det dei rekna med skulle ta 3 dagar, brukte dei 8 dagar på, mest utan mat. 30 år seinare skreiv Roald Amundsen: Turen på Hardangervidda var fylt av likeså hårde påkjenninger og store farer som nogen av dem det senere har vært min lodd å møte i polaregnene. Dette vil verte eit tøft løp som stiller store krav til deltakarane. For å kunna delta her må du vere godt trent, ha det utstyret som krevst og kunne klara deg sjølv i vinterfjellet over lengre tid. Pulken må vege mellom 40 og 50 kg. (Innhaldliste ved påmelding). Det er eit individuelt løp uten support. Vi beveger oss innom villreinens rike i Hardangervidda Nasjonalpark, og løypa kan verta endra frå år til år for ikkje å uroa reinen. Det er 3 sjekkpunkt undervegs: Første er Hellevassbu, andre er Litlos og tredje er Viersla, der det er obligatorisk kvile på 8 timar. Sjekkpunkta kan bli endra p.g.a. villreinen. På Feet/Garen, der Roald Amundsen har sin karakteristiske profil i fjellet, ventar ein spent velkomstkomite på å ta imot heltane frå Vidda! For 2011 har vi sett eit tak på antal deltakarar, så her er det førstemann til mølla! Trimklasse og konkurranseklasse Påmelding og meir info: www.xtremeidfjord.no e-post: kari@visiteidfjord.no Spørsmål ang. trening og utstyr: info@hvitserk-eventyrreiser.no Program: Tirsdag 15. februar på Haukelisæter Fjellstue Kl 15.00-18.00 Registrering, sjekking av utstyr for trimklasse Kl 19.00 Pliktig info møte trimklasse Kl 20.00 Felles middag trimklasse Onsdag 16. februar på Haukelisæter Fjellstue Kl 10.00 Fellesstart Trimklasse Kl 14.00 17. 00 Registrering, sjekking av utstyr for konkurranseklasse Kl 19.00 Pliktig info møte konkurranseklasse Kl 20.00 Felles middag konkurranseklasse Torsdag 17. Februar Kl 09.00 Fellesstart konkurranseklasse Fredag 18. til søndag 20. februar på Feet i Sysendalen Målgang, premiering, mat, drikke, liv & røre i forbindelse med Vøtrafestivalen - ein vinterfest i Amundsen si ånd.
Foto: Stephan Neeten Vøtrafestivalen er eit resultat av godt samarbeid mellom bedrifter, hytteeigarar og grunneigarar i Eidfjord og vert arrangert av Festivalkomiteen i samarbeid med Destinasjon Eidfjord AS og Eidfjord Utvikling AS. Me lovar ekstremt god stemning, ekstremt kjekke folk, og forhåpentlegvis ekstremt vêr! Følg med på www.vøtrafestivalen.no og www.votrafestivalen.no og www.xtremeidfjord.no For meir info om festivalen, kontakt: For meir info om pulkløpet, kontakt: Destinasjon Eidfjord AS Xtreme Endurance Eidfjord Marit Stadheim Boor Kari Varberg Øydvin Tel. +47 47250120 Tel. +47 90844903 Epost marit@visiteidfjord.no Epost kari@visiteidfjord.no www.visiteidfjord.no www.xtremeidfjord.no