Til veljarane i Tysnes Tysnes er ein god kommune å bu i. Samfunnet vårt er stabilt og det er trygt å veksa opp og bu i Tysnes. Tysnes Senterparti vil arbeida for at Tysnes også i framtida skal vera ein god kommune å bu og busetja seg i.
Tysnes Senterparti har to prioriterte hovudområde for perioden 2003 2007: Kommunen må gje gode tenester til innbyggjarane der kommunen har ansvar. Sp vil arbeida for trygge oppvekstvilkår for born og unge, ein trygg alderdom og gode bustad- og fritidstilbod for alle. Det må vera attraktivt å bu og busetja seg i Tysnes. Det kostar å yta gode tenester. Tysnes kommune får eit svært høgt tilskot frå staten for å yta desse tenestene som innbyggjarane skal ha. Ordninga verkar slik at når folketalet går ned, går tilskotet ned. Klarar kommunen å ha eit stabilt folketal, vil også økonomien vera relativt stabil. Difor må det å oppretthalda folketalet i kommunen vera eit viktig mål. NÆRINGSUTVIKLING Sp vil leggja stor vekt på at kommunen har god kontakt med næringslivet for å styrkja eksisterande verksemder. All næringsutvikling må samordnast, og politikarane og administrasjonen må leggja større vekt på dette arbeidet enn i dag. Tiltaksnemnda og administrasjonen må ta opp emne og stimulera til etablering av arbeidsplassar. Landbruket er limet i busetnadsstrukturen i Tysnes. Forholda må leggjast til rette slik at denne næringa kan vera viktig for Tysnes også i framtida. Samarbeidet med eksisterande næringsliv må utviklast vidare Informasjons- og kommunikasjonsutviklinga må gje nye arbeidsplassar til Tysnes Tysnes må byrja å planleggja korleis me vil leggja til rette for utviklinga når Tysnesbrua og Kyststamvegen kjem Utnytta ressursane slik at reiseliv kan gje fleire arbeidsplassar Tysnes må behalda stillinga som landbruksvikar Samarbeida med oppdrettsnæringa om utvikling og verdiskaping
SAMFERDSEL Gode kommunikasjonar er ein føresetnad for utvikling av kommunen. Næringslivet er heilt avhengig av ein god infrastruktur. Samferdsle er ei merkesak for Sp, og partiet vil arbeida aktivt for eit godt utbygd samferdslenett. Staten og fylkeskommunen har ansvar for det meste av vegnettet i Tysnes. Vår rolle vert å samarbeida og påverka for å få noko gjort på Tysnes. Tysnesbrua og Kystamvegen vil ha sine ulemper, men samstundes vil dei bety svært mykje for Tysnes. Kommunen må samarbeida med næringslivet, og saman må ein vera aktiv i å byggja og delta i alliansar som kan framskunda denne sentrale samferdselsåra. Fylkesvegen Skorpokrysset Hovland må rustast opp til 10 tonn og 18,75 m Fylkesvegen Søreide Gjøvåg må rustast opp vidare i samsvar med lovnader frå fylkeskommune og kommune Kommunen må arbeida for å få bygd ein kommunal veg mellom Hovland og Lukksund bru Gjennomføring av tiltak i trafikksikringsplanen Strekninga Våge Halhjem må få større og raskare ferje heile året. BUSETJING OG BUMILJØ Senterpartiet vil arbeida aktivt for å betra busetjingsgrunnlaget i kommunen. Attraktive bustadtomter må vera tilrettelagt i Våge, Uggdal, Onarheim og Lunde. Samstundes bør kommunen vera ein aktiv medspelar når private
vil leggja til rette byggjefelt. Gjennom kommuneplanen må ein leggja til rette slik at folk også kan få byggja utanfor byggjefelt. Dette kan gjerast ved fortetting, huskryllar og der kommunedelplanen om landbruk gjev opning for det. Kommunen må stimulera til at det vert bygd varierte og fleksible bustadløysingar Stimulera til at det vert bygd fleire utleigebustader Stimulera til at det vert skipa bygde-/grendalag som kan skapa trivsel og utvikling Hyttebygging bør skje i regulerte felt Behandlingstid på frådeling- og byggjesaker må vera akseptabel KULTUR OG KYRKJE Eit rikt kulturliv får folk til å trivast i kommunen og er viktig i alt førebyggjande arbeid. Kultur skapar nettverk og er gode møteplassar for sosialt samver. Det frivillige lagsarbeidet er av uvurderleg verdi, og mange eldsjeler legg ned eit stort arbeid til beste for alle i Tysnes. Kommunen må på ulike måtar stimulera og gje økonomisk støtte til lag. Tiltak for barn og unge må prioriterast Nivået på musikkskulen må oppretthaldast Opningstida og bruken av bassenget må vera slik at folk er mest mogeleg tente med det Uteområda og gravfelt i Uggdal må tilretteleggjast Nivået på løyvingane til kyrkjeleg sektor må oppretthaldast 1000-årsstaden/Olavsgilde dokumentarsenter må byggjast Tysneshallen må utnyttast som aktivitets- og samlingsstad
SKULE OG BARNEHAGE Sp meiner at talet på skulekrinsar skal vera som i dag. Også heildagsbarnehagane må oppretthaldast som no. Gode oppvekstvilkår kan vera avgjerande for kor unge familiar buset seg. Skulen må sikrast ressursar slikt at måla i læreplanen kan gjennomførast Ein må sikra ressursar til IKT-verktøy og opplæring av desse Fleksible løysingar for skulefritidsordningar Tysnes må ha full barnehagedekning Kravet om inneklima og arbeidsmiljø i skule og barnehage må oppfyllast Skyssen til vidaregåande skular må sikrast HELSE OG OMSORG Dei eldre har krav på ein trygg alderdom. Det må difor sikrast ressursar som sikrar tenestetilbodet. Gode heimar, gode bustadtilhøve og eit godt nærmiljø er viktige føresetnader for trygge samfunn. Førebyggjande arbeid må leggjast stor vekt på Alle funksjonshemma må få likeverdige tilbod Kommunen må leggja til rette for avlastingstiltak Vera med å skapa treffmiljø for eldre Sikra god legedekning Trygde/omsorgsbustader i fleire bygder
SAMARBEID OM TENESTER På line med dei fleste andre kommunar vert Tysnes sin økonomi pressa av statlege påbod og manglande økonomiske midlar. For at tenestene til innbyggjarane skal vera på eit så høgt nivå som mogeleg, må Tysnes kommune gå inn i samarbeid med andre kommunar om omorganisering og administrasjon av enkelte tenester. Dermed kan frigjorde midlar brukast til å yta tenester. Kommunen bør også ein gong i kvar valperiode gå gjennom tenesteproduksjonen for å sjå om midlane kan nyttast betre. Kommunen må vurdera samarbeid med andre kommunar om administrasjon av tenester Samarbeid om innkjøp må halda fram Interkommunalt arbeid må utvilkast vidare godt val! Med helsing Tysnes Senterparti