Kviteseid kommune Arkiv: 150 Saksmappe: 2011/1147-10 Sakshand.: Hans Bakke Dato: 07.11.2011 Saksframlegg Utval Utvalssak Møtedato Formannskapet 121/11 16.11.2011 Sektorutvalet for service og utvikling 31/11 22.11.2011 Arbeidsmiljøutvalet 10/11 22.11.2011 Sektorutvalet for oppvekst og omsorg 19/11 24.11.2011 Formannskapet 134/11 30.11.2011 Kommunestyret 15.12.2011 Budsjett og handlingsprogram 2012, økonomiplan 2013-2015 Vedlegg: 1. Tekstdokument budsjett og handlingsprogram 2012 og økonomiplan 2013-2015 2. Tabellar til budsjett og økonomiplan. Vedlegg lagt fram til møte i formannskapet 30.11: 1 Tilleggsnotat til rådmannen sitt framlegg til budsjett og økonomiplan 2012-2015. 2 BUDSJETTFRAMLEGG Faktiske tilhøve: Budsjettframlegget vart presentert fyrste gong på kommunestyret sitt møte 10.11. Vedlagt følgjer budsjettdokument og tabellar. I utvalsmøte fram til formannskapet sin ordinære budsjetthandsaming vil det bli gjeve orienteringar om budsjettframlegget frå ulike delar av administrasjonen. Dersom utvala ynskjer å gje innspel til formannskapet si ordinære handsaming 30.11 så må utvala sjølv formulere vedtak om dette. Rådmannen sitt framlegg til budsjettvedtak står sist i budsjettdokumentet. Dette vert ikkje teke til realitetsvedtak før på møte 30.11.
Rådmannen si tilråding: Saksprotokoll i Formannskapet - 16.11.2011 Rådmannen si tilråding vart samrøystes vedteke. Saksprotokoll i Sektorutvalet for service og utvikling - 22.11.2011 Samrøystes vedteke. Saksprotokoll i Arbeidsmiljøutvalet - 22.11.2011 Rådmannen si tilråding vart samrøystes vedteke Saksprotokoll i Sektorutvalet for oppvekst og omsorg - 24.11.2011 Halvor Nyland, H, kom med fylgjande framlegg: 1. Tillegg frå SOO til rådmannen sitt framlegg til vedtak som fylgjer: SOO ser det som eit overordna mål å utvikle dei tenestene til innbyggjarane så gode som råd er innan dei rammer som finnest til ei kvar tid.
Tillegget frå Halvor Nyland, H, vart samrøystes vedteke. 2. SOO vil nemne Helsesenteret i Kviteseid, der ein må arbeide for å utvikle nye tenester og miljø i samband med Samhandlingsreformen, og bør iverksette eit arbeid med å få tilbake dei pasientane(om lag 700) som har fastlege andre stader. Framlegget til Halvor Nyland, H, vart sett opp mot kulepunkt 2 si 23 i rådmannen sitt framlegg til handlingsprogram og budsjett, der 5 røysta for rådmannen sitt framlegg til handlingsprogram og budsjett og framlegget til Halvor Nyland fekk 1 røyst. 3. SOO ser det som naudsynt å iverksette planlegging/prosjektering av ny barnehage i Kviteseid sentrum i økonomiplanperioden. Framlegget til Halvor Nyland, H, vart sett opp mot rådmannen sitt framlegg til handlingsprogram og budsjett, der 0 røysta for rådmannen sitt framlegg til handlingsprogram og budsjett og 6 røysta for framlegget til Halvor Nyland, H. 4. SOO ser det som viktig at Polenturen vert gjennomført dei komande år med tilskot frå Kviteseid kommune. Framlegget til Halvor Nyland, H, vart sett opp mot rådmannen sitt framlegg til handlingsprogram og budsjett, der 0 røysta for rådmannen sitt framlegg til handlingsprogram og budsjett og 6 røysta for framlegget til Halvor Nyland, H. til orientering, med fylgjande tillegg og endringar: 1. Tillegg frå SOO til rådmannen sitt framlegg til vedtak som fylgjer: SOO ser det som eit overordna mål å utvikle dei tenestene til innbyggjarane så gode som råd er innan dei rammer som finnest til ei kvar tid. 2. SOO ser det som naudsynt å iverksette planlegging/prosjektering av ny barnehage i Kviteseid sentrum i økonomiplanperioden. 3. SOO ser det som viktig at Polenturen vert gjennomført dei komande år med tilskot frå Kviteseid kommune. Saksprotokoll i Formannskapet - 30.11.2011 Rådmannen la fram eit tilleggsnotat i møtet. Dette var sendt på e-mail før møtet. H/SP/Krf la fram 3 tabeller med framlegg om endringar samanlikna med rådmannen sitt framlegg, tabell for driftsbudsjettet, investeringsbudetsjettet og næringsfondet.
I tillegg kom same gruppa med framlegg om to nye tilleggspunkt til rådmannen sitt tilleggsnotat: 11. Innkjøpssamarbeidet: Kviteseid kommune reforhandlar samarbeidsavtala med tanke på betre tilrettelegging for lokalt næringsliv. 12. Eksternt matsal frå KOS: Kviteseid kommune avviklar det eksternt matsalet frå KOS frå 01.01.12, gjeld ikkje servicetilbod til t.d. eldre/pensjonistar inkl. utkøyring av middag. Kommunestyret ber rådmannen utgreie budsjett- og driftskonsekvensame av dette i eiga sak i 2012. AP v/tarjei Gjelstad la fram fylgjande endringsframlegg til pkt. 4 i rådmannen sitt tilleggsnotat: Kviteseid kommune skal frå 2012 tilby sommarope barnehageplasser. Dette finansierast ved organisering av dei tilsette sin ferieavvikling. Ved behov for ekstra økonomiske midlar finansierast dette av midlar over den ordinære drifta. AP v/heidi Åmot kom med fylgjande tilleggsframlegg: Formannskapet ønskjer å forsere planarbeidet for gang- og sykkelveg Vrådal-Straumsnes og Kvitsund-Kviteseid og utvikling av Morgedal sentrum. Formannskapet ber administrasjonen om å ta kontakt med Vegvesenet. Punkt for punkt i rådmannen sitt justerte framlegg til budsjettvedtak vart sett opp mot H/SP/Krf sitt framlegg og AP sine to framlegg. Pkt. 1 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 2 Vart samrøystes vedteke. Pkt. 3 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 4 Fyrst vart det røysta over AP sitt endringsframlegg som fekk 3 røyster. Deretter fekk rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 5 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 6 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 7 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 8 Rådmannen sitt framlegg fekk 3 røyster, medan H/SP/Krf sitt framlegg fekk 4 røyster. Pkt. 9 Rådmannen sitt framlegg vart samrøystes vedteke. Nytt pkt. 10 H/SP/Krf sitt framlegg fekk 4 røyster, 3 røysta mot.. Nytt pkt 11 H/SP/Krf sitt framlegg vart samrøystes vedteke. Nytt pkt 12 H/SP/Krf sitt framlegg vart samrøystes vedteke. 1 Handlingsprogram og økonomiplan Handlingsprogram for 2012 og økonomiplan 2012-2015, med vedlegg (taldel) med tillegg av tabell 1 og 2 frå SP/H/Krf skal leggjast til grunn for Kviteseid kommune si verksemd i perioden. 2 Gebyr, avgifter og brukarbetaling Gebyr, avgifter og brukarbetaling blir fastsett i samsvar med tabellar frå side 17 21 i taldelen av budsjettframlegget. Gebyr knytt til saker etter plan- og bygningslova og delingslova /verksemda til plankontoret blir fastsett i eiga sak. Økonomiplanen inneber at det er trong for auka inntekter under vatn og avløp framover. Rådmann legg fram ei sak med gjennomgang av føresegnene for vatn og avløp i 2012. Kommunestyret vil kome tilbake til gebyr for 2013 og framover også i ljos av handsaminga av nye føresegner. 3 Inntektsramma for drifta
Driftsbudsjettet for 2012 vert vedteke slik det går fram av skjema 1A og 1B med korrigeringar framlagt til formannskapet 30.11. med tillegg av tabell 1 frå SP/H/Krf. 4 Budsjettiltak Det skal gjerast endringar i einingane sine økonomiske rammer slik det går fram av tiltak i driftsrekneskapet frå side 12-14 i taldelen til budsjettet med korrigeringar framlagt til formannskapet 30.11 med tillegg av det som fylgjer av tabell 1 frå SP/H/Krf. 5 Fordeling av utgifter mellom einingane Einingane sine driftsrammer går fram av skjema 1B med korrigeringar framlegt til formannskapet 30.11 med tillegg av det som fylgjer av tabell 1 frå SP/H/Krf. Det skal gjerast ein gjennomgang av ressursbruken på skulane med sikte på å sikre ei heilskapleg ressursutnytting og eit tilnærma likt pedagogisk tilbod. Resultatet skal leggjast fram som sak for SOO og kan gje grunnlag for omdisponering av rammer mellom skulane. 6 Stillingar Talet på stillingsheimar per eining blir fastsett i tråd med tabell på side 29 i taldelen av budsjettframlegget med endring som fylgjer av tabell 1 frå SP/H/Krf. 7 Investeringar Kommunestyret vedtek investeringar og finansiering for 2012 i tråd med tabellane 2a og 2b i budsjettframlegget med korrigeringar framlegt til formannskapet 30.11 og med tillegg av endring som framgår av tabell 2 frå SP/H/Krf. For prosjekt som ikkje blir avslutta i 2011 får rådmannen fullmakt til å overføre restbudsjettet til 2012. Føresetnaden for innkjøp av ny brannbil er at det blir vedteken etablering av ei felles organisering av brannberedskapen i Vest- Telemark slik at alt utstyr blir overteke av Vest-Telemark Brannvesen IKS. 8 Låneopptak Rådmannen får fullmakt til å ta opp lån på 13,7 mill kr i 2012 justert for endra lånebehov som fylgjer av tabell 2 frå SP/H/Krf. Av dette gjeld 1,0 mill kr startlån frå Husbanken. 9 Eigedomsskatt Det blir skrive ut eigedomsskatt på verk og bruk for heile kommunen med ein sats på 7 promille av takstverdien. 10 Næringsfond Budsjettert bruk av næringsfondet i 2012 og i perioden 2013-2015 blir som tabell 3 frå SP/H/Krf. Øvrig bruk av næringsfondet skjer etter handsaming av innkomne søknader. 11 Innkjøpssamarbeidet Kviteseid kommune reforhandlar samarbeidsavtala med tanke på betre tilrettelegging for lokalt næringsliv. 12 Eksternt matsal frå KOS Kviteseid kommune avviklar det eksterne matsalet frå KOS frå 01.01.12, dette gjeld ikkje servicetilbod til t.d. eldre/pensjonistar inkl. utkøyring av middag. Kommunestyret ber rådmannen utgreie budsjett- og driftskonsekvensane av dette i eiga sak i 2012.