Sakshandsamar, innvalstelefon Britt Solheim, 55572334 Vår dato 23.11.2012 Dykkar dato Vår referanse 2012/13989 Dykkar referanse Steinar Høgheim Voss Kran og Maskinservice AS Haugateigen 48 5700 VOSS Endeleg rapport frå inspeksjon 18. oktober 2012 Rapportnummer: 2012. 077.I.FMHO Til stades ved inspeksjonen: Frå verksemda: Steinar Høgheim Inge Fjellby Frå Fylkesmannen: Henriette Ludvigsen Britt Solheim Resultat frå inspeksjonen Denne rapporten omhandlar avvik frå inspeksjonen 18. oktober 2012. Dersom vi ikkje får melding om faktiske feil i rapporten innan to veker etter at rapporten er motteken, er rapporten endeleg. Fylkesmannen i Hordaland fant tre avvik innan følgjande tema: handtering av farleg avfall internkontroll for ytre miljø kjemikaliehandtering Avvika er nærare omtala frå side fem og utover i rapporten. Voss Kran og Maskinservice AS må sende ei skriftleg stadfesting innan 1. februar 2013 på at avvika er retta. Oppfølginga etter inspeksjonen er nærare omtala på side to. Sissel Storebø e. f. senioringeniør Britt Solheim senioringeniør Rapporten er godkjent elektronisk og har derfor inga underskrift. Kopi til: Voss kommune Statens hus Kaigaten 9, 5020 Bergen Telefon: 55 57 20 00 Telefaks: 55 57 2851 Miljøvern- og klimaavdelinga Postboks 7310, 5020 Bergen Org.nr: 974760665 E-post: fmhopostmottak@fylkesmannen.no Internett: www.fylkesmannen.no/hordaland
1. Informasjon om verksemda Namn: Voss Kran og Maskinservice AS Besøksadresse: Haugateigen 48, 5700 Voss Postadresse: Haugateigen 48, 5700 Voss Anleggsnr:1235.0078.01 E-post: steinar@haugateigen.no Telefon: 56511612 Kommune: Voss Organisasjonsnr.:972 820 024 Bransjenr. (NACE-kode): 33.120 Eigar (org.nr): 896 817 582 Kontrollklasse: 4 2. Bakgrunnen for inspeksjonen Inspeksjonen vart gjennomført for å kontrollere om gjeldande krav fastsett i eller i medhald av forureiningslova med forskrifter blir overhalde. Inspeksjonen vart gjennomført 18. oktober 2012 som ein del av ein nasjonal tilsynsaksjon i små verkstader og i bilpleiebransjen. Inspeksjonen inngår også i tilsynsetatane sin felles risikoaksjon i 2012. Fylgjande hovudtema vart kontrollert: farleg avfall kjemikaliebruk og substitusjon utsleppskontroll risikovurdering og avvikshandtering 3. Oppfølging etter kontrollen Verksemda plikter snarast å rette opp avvika som er omtalt i denne rapporten. For at Fylkesmannen skal kunne avslutte saka, må de innan 1. februar 2013 sende ei skriftlig tilbakemelding med dokumentasjon som viser korleis avvik er retta, gjerne med bildedokumentasjon. Varsel om tvangsmulkt Dersom vi ikkje får tilbakemelding med dokumentasjon på at avvika er retta innan fristen, vil Fylkesmannen fatte vedtak om tvangsmulkt, jf. forureiningslova 73. Vedtaket vil gå ut på at tvangsmulkt må betalast dersom Fylkesmannen ikkje har fått skriftleg stadfesting på at avvika er retta innan fristen. Ei eventuell tvangsmulkt vil vere på 50 000 kroner. Verksemda kan kommentere dette varslet. Eventuelle kommentarar må sendast til Fylkesmannen innan to veker etter at denne rapporten er motteken, jf. forvaltningslova 16. 2
4. Vedtak om kontrollgebyr Fylkesmannen varsla i e-post 11. oktober 2012 at Voss Kran- og Maskinservice AS vil få eit gebyr på 11 200 kroner for inspeksjonen, jf. forureiningsforskrifta 39-7. Fylkesmannen gjer vedtak om kontrollgebyr på 4 400 kroner, jf. forureiningsforskrifta 39-7. Dette er gebyrsats 4. Faktura blir ettersendt frå Klima- og forureiningsdirektoratet. De har rett til å klage på valet av gebyrsats innan tre veker etter at de har fått denne rapporten. Klagen må innehalde den eller dei endringane de ønskjer. Den bør vere grunngjeven og skal sendast til Fylkesmannen. 5. Offentleggjering Denne rapporten vil vere tilgjengeleg for ålmenta via Fylkesmannen i Hordaland sin postjournal på www.fylkesmannen.no/hordaland jf. offentleglova. 6. Dokumentunderlag Lov om vern mot forurensninger og om avfall (forurensningsloven) Lov om kontroll med produkter og forbrukertjenester (produktkontrolloven) Forskrift om systematisk helse, miljø- og sikkerhetsdatablad i virksomheter (internkontrollforskrifta) Forskrift om gjenvinning og behandling av avfall (avfallsforskrifta), kapittel 11 Informasjon om regelverket finn du på www.klif.no og www.regelhjelp.no. 7. Definisjonar Avvik: brot på krav fastsett i eller i medhald av helse-, miljø- og sikkerheitslovgjevinga (for eksempel brot på krav i forureiningslova, produktkontrollova og forskrifter heimla i desse lovene eller krav og vilkår fastsett i løyve eller dispensasjonar). Merknad: eit forhold som miljøvernmyndigheitene meiner det er nødvendig å påpeike for å ivareta helse og miljø og som ikkje er omfatta av definisjonen for avvik. Farleg avfall og kjemikal Farleg avfall inneheld helse- og miljøfarlege kjemikal som ikkje skal handterast saman med forbruksavfall fordi det kan medføre alvorlege forureiningar eller fare for skade på menneske eller dyr. Farleg avfall på avvegar kan føre til at miljøgifter blir spreidde og hopar seg opp i naturen. Spreiinga kan skje gjennom forureina sigevatn frå deponi eller gjennom utslepp av forureina avgassar, slagg eller oske frå forbrenningsanlegg. Om vi heller farleg avfall i kloakken, kan det gjere at kloakkreinseanlegga ikkje fungerer som dei skal slik at meir forureining kjem ut i sjø og vassdrag. 3
Farleg avfall Forskrift om gjenvinning og behandling av avfall (avfallsforskrifta) har i kapittel 11 reglar for farleg avfall. Her er det reglar for forsvarleg oppbevaring osv. av farleg avfall ( 11-5), krav om løyve ( 11-6 og 11-7), leveringsplikt ( 11-8), deklarering ( 11-12) og tilsyn ( 11-15). I tillegg er det regelverk knytt til bestemte typar farleg avfall. Dette gjeld m.a. for batteri, spillolje, oljehaldig avløpsvatn, PCB-haldig avfall som kondensatorar og isolerglassvindu og liknande. Kjemikal Informasjon om kva for kjemikal som er regulerte/forbodne finst i Forskrift om begrensning i bruk av helse- og miljøfarlige kjemikalier og andre produkter (produktforskrifta). Reguleringar finst mellom anna på bromerte flammehemmarar, kortkjeda klorparafinar, kadmiumsambindingar, nonyl- og oktylfenol og deira etoksilat. Substitusjon av farlege kjemikal Substitusjonsplikten er eit verktøy i arbeidet med å redusere risiko frå helse- og miljøfarlege stoffer. Substitusjon betyr erstatning. Prinsipp om substitusjon inneber at den som nyttar farlege kjemikal skal vurdere om verksemda kan nå sitt mål like godt med eit mindre farleg kjemikal, utan bruk av kjemikalia eller med å ta i bruk ein annan metode. Alle verksemder som nyttar kjemikal frå 1. januar 2000, er pålagt å vurdere substitusjon av helse- og miljøfarlige kjemikal. Leverandørar har plikt til å gje opplysningar om produkta sine. Slik informasjon kan du blant anna finne i tryggleiksdatablad eller i tilsvarande dokumentasjon. 8. Informasjon gitt til verksemda Regelverk som det ble informert om: Vegvisar til regelverk for verksemder: www.regelhjelp.no Lov om kontroll med produkter og forbrukertjenester (produktkontrolloven) Forskrift om systematisk helse, miljø- og sikkerhet i virksomheter (internkontrollforskrifta) Forskrift om gjenvinning og behandling av avfall (avfallsforskrifta) Diverse infoskriv om avfall, farleg avfall, substitusjonsplikt og gebyr 4
9. Avvik Vi fann følgjande avvik under inspeksjonen: Avvik 1: Verksemda har mangelfull handtering av farleg avfall Avvik frå: Forskrift om gjenvinning og behandling av avfall (avfallsforskrifta), kapittel 11 Grunnlag for avviket: a) Verksemda har ikkje tilfredsstillande merking av lagra farleg avfall, jf. 11-5 og 11-8 Kommentarar: Verksemda har lagra farleg avfall i tråd med regelverket i eigna emballasje, men emballasjen må vere merka med innhald. Når farleg avfall skal leverast til godkjent mottak, må emballasjen vere merka med tilstrekkelege opplysningar om avfallet sitt opphav, innhald og eigenskapar, slik at den vidare handsaminga kan skje på forsvarleg måte. Emballasjen skal vere tydeleg merka med deklarasjonsskjemaet sitt løpenummer og må tåle fysisk og klimatisk påverknad. Avvik 2: Verksemda har mangelfull internkontroll for farleg avfall Avvik frå: Internkontrollforskrifta, 5 andre ledd punkt 7 og 8 Grunnlag for avviket: a) Verksemda har ikkje rutinar for systematisk gjennomgang av internkontrollen, jf. 5 andre ledd punkt 8. b) Verksemda har mangelfulle rutinar for handtering av farleg avfall, jf. 5, 2. ledd punkt og 7 Kommentarar: a) Verksemda skal foreta systematisk overvaking og gjennomgang av internkontrollen for å sikre at han fungerer som han skal. Rutinane skal vere skriftleg. b) Verksemda leverer farleg avfall i tråd med regelverket og har utarbeidd skriftlege rutinar. Rutinane må oppdaterast med korleis ein går fram i høve til merking, levering og deklarering av farleg avfall og kven som er ansvarleg for handteringa. 5
Avvik 3: Verksemda har manglar ved kjemikaliehandteringa Avvik frå: Produktkontrollova 3a Substitusjonsplikt Internkontrollforskrifta 5, andre ledd, punkt 7 Grunnlaget for avviket: a) Verksemda manglar skriftleg dokumentasjon på at det er gjort ei systematisk vurdering av substitusjon av kjemikal. Kommentarar: Alle som bruker kjemikal med miljørisiko skal vurdere om det finst alternative stoff med mindre risiko, og velje slike alternativ, dersom det kan gjerast utan urimeleg ulempe eller kostnad. Datablad inneheld opplysningar som vil vere til hjelp for å kartlegge verksemda sine kjemikal. Substitusjon trinn for trinn: 1. skaff informasjon om eksisterande produkt 2. gjer ei prioritering 3. finn ut om det fins alternativ 4. kva er risiko ved alternativa? 5. jamfør risiko 6. substituere? 7. substitusjon er ein kontinuerleg prosess Skriftleg tilbakemelding til Fylkesmannen: dokumentasjon på at ei systematisk vurdering av substitusjon av kjemikal er gjennomført 10. Bilde Emballasjen for lagring av farleg avfall 6