Rådmannen servicetorget Medlemane Varamedlemane 28.09.2015 Arkivsak: 14/2089 Løpenr.: 15/11753 Sakshandsamar: Liv Helen Nystuen Melding om politisk behandling Årsmelding Ungdommen sitt kommunestyre arbeidsåret 2014 2015. Vi viser til årsmelding for Ungdommen sitt kommunestyre (UK) som fylgjer vedlagt. Det vert med dette gjeve melding om at Kommunestyret har gjort slikt vedtak i møte den 24.09.2015, sak 48/15: Luster kommunestyre tek den framlagde årsmeldinga for Ungdommen sitt kommunestyre i Luster arbeidsåret 20142015 til orientering. Dette til dykkar orientering. Med helsing Liv Helen Nystuen sekretær for Ungdommen sitt kommunestyre Tlf. 57 68 55 42 Kopi til: Luster ungdomsskule, Hafslo barne og ungdomsskule, leiar arbeidsåret 20132014 Lasse Hærum, 6872 Luster, ordførar, varaordførar, ungdomskontakt Nanna Steinberg og Liv Endresen, Erling Bjørnetun, Sogn Avis, biblioteket i Luster og fadder for UK i Luster Sofie Sundberg. Vedlegg: Årsmeling for Ungdommen sitt kommunestyre i Luster 2014 2015. ADRESSE: TELEFON: TELEFAX EPOST ADRESSE: ORGANISASJONSNR. Rådhuset Sentralbord: 57 68 55 01 postmottak@luster.kommune.no 964 968 241 6868 GAUPNE 57 68 55 00 Bankgiro: 3785.07.00142
Rådmannen servicetorget ÅRSMELDING UNGDOMMEN SITT KOMMUNESTYRE I LUSTER 20142015. Ajourført 18.05.2015 Medlemmer Luster ungdomsskule: Ida Falkgjerdet Svåi, Bruvoll 17, 6868 Gaupne Even Hunshamar, 6873 Marifjøra Hedda Njøs, Sandvikvn. 40, 6868 Gaupne Hafslo barne og ungdomsskule: Silje Holm Carlsen, Hestnes 68, 6869 Hafslo Magnus Viking Jåstad, BueneStolpen, 6869 Hafslo Luster vidaregåande skule: Sogndal vidaregåande skule: Thomas Nyhus, 6876 Skjolden Anne Marthe Lingjerde, Røslebakkane 5, 6868 Gaupne Stian Havellen Listou, Hestnes, 6869 Hafslo 4H: Eline Skogstad Øvreås, 6876 Skjolden Idrettslaga: Lasse Hærum, 6872 Luster Politisk representant: Senterpartiet: Emma Nyløy, Mo og Jølster v.g. skule, 6800 Førde (1) Luster AUF: Henrik Thorsnes Lefdal, Tvingeborgneset 7, 6868 Gaupne Høgre: Julie Hatlevoll, 6875 Høyheimsvik Venstre: Kr. f.: Fremskrittspartiet: SV: Varamedlemmer Magnus Øvrebø, 6875 Høyheimsvik Siri Sandvik, Engjadalsvegen 1, 6868 Gaupne Nina Sandvik Døvre, Sandvikvegen 69, 6868 Gaupne Nikodem Miller, Borhaug, 6879 Solvorn Vilius Janulynas, Buene 20B, 6869 Hafslo Malene Nyløy, Øyane, 6877 Fortun Erlend Morken, Morki, 6873 Marifjøra ARBEIDSUTVAL arbeidsåret 2014/2015: Lasse Hærum leiar Magnus Viking Jåstad nestleiar Ida Falkgjerdet Svåi Varamedlem: Stian Havellen Listou
Side 2 Ungdommen sitt kommunestyre i Luster skal ha saker som vedkjem ungdommen til uttale før saka vert teken opp til avgjerd i kommunale utval. Ungdommen sitt kommunestyre kan ta opp saker som det meiner er viktige for ungdommen i Luster kommune. UK / AU avgjer kven som har møte og talerett i møta i UK / AU. Ungdommen sitt kommunestyre (UK) har i arbeidsåret 20142015 hatt 5 møte og handsama 36 saker. Arbeidsutvalet i Ungdommen sitt kommunestyre (AU) har i skuleåret hatt 5 møte, og handsama til saman 35 saker. Dessutan har AU for arbeidsåret 20132014 hatt 2 møter, før nytt UK for skuleåret 20142015 vart vald, og handsama 8 saker. Sekretær gjennom arbeidsåret har vore Liv Helen Nystuen. Dessutan har ungdomskontakt Liv Endresen og Erling Bjørnetun delteke i møta ved behov, og vore tilgjengelege for støtte i arbeidet med oppfølging av saker. På møtet den 19. januar 2015 drøfta Ungdommen sitt kommunestyre kva arrangement/tiltak dei ville arbeide med i arbeidsåretåret 2014/2015, og det vart vedteke fylgjande aktivitetsplan: Opplæring av medlemane og varamedlemane i Ungdommen sitt kommunestyre vart gjennomført møte 22. oktober 2014. Både faste medlemmar og vara møtte til dette fyrste møtet. Det vart gjennomført fleire gruppearbeid, og gruppearbeida vart presentert i plenum, som også vart ei øving i taleteknikk. Val til styret for ME`N`U Siri Sandvik vart vald til medlem og Magnus Øvrebø vart vald til vararepr. frå ungdommen sitt kommunestyret i ME`N`U for skuleåret 20142015. «LustraLan» Lasse Hærum og Stian Listou frå Ungdommen sitt kommunestyre er med i gruppa «LustraLan». «LustraLan» arrangerte eit datalan 27. 29. desember 2014. Det var bra deltaking (ca. 60 deltakarar) og flott arrangement. Det vert planlagt eit arrangement pr. år. Ungdomspolitisk utval (UPU) si Regionale nettverkssamling 8. 9. november 2014. Det var ingen av medlemane i Ungdommen sitt kommunestyre som meldte seg som utsendingar. Vidareutvikling av Lustramarknaden (7. 14. juni 2015) med ungdomsarrangement. Ungdommen sitt kommunestyre gjennomførte gruppearbeid på møte den 19. januar, etter innleiing frå Erling Bjørnetun, der det m.a. vart stilt spørsmål om korleis ungdomen ville «utvikle» Lustramarknaden i Luster. Deltakarane diskuterte og det vart nemnd fleire aktivitetar/arrangement som dei kunne tenkja seg skulle bli ein del av Lustramarkanden. Nokre døm som kom fram i grupparbeidet: turnering innan idrett (volleyball, fotball), sykkelløp, kajakkpadling, konkurranser (Lustrabadet), dagsaktivitetar spissa mot ungdom, friidrett, fiskekonkurrranse, paintball, tivoli og salsgboder. Gruppearbeidet vart presentert i plenum, og skulle seinare brukast i arbeidet med vidareutvikling av Lustramarknaden.
Side 3 Møte med elevråd og tillitsvalde ved ungdomsskulane i kommunen. Representantane frå ungdomsskulane meinte elevråda fungerte tilfredsstillande. Difor vedtok Ungdommen sitt kommunestyre at tiltaket vart teken ut av aktivitetsplanen for skuleåret 20142015. Lokalt arrangement av UKM i Sogndal 14. 16. mars 2015. Arrangørteam for UKM 2015 var Tomas Nyhus med vara Ida Falkgjerdet Svåi. Frå administrasjonen var ungdomskontakt Liv Endresen med. Lokal mønstring vart i år eit fellesarrangement med Sogndal og Leikanger i Sogndal. Det vart eit vellukka arrangement med over 100 deltakarar frå dei tre kommunane. Luster stilte med 14 innslag. Laurdag vart det gjennomført scene og lydprøver og «blikjentkveld» for alle deltkarane. Søndag var det to forestillingar i Kulturhuset og måndag vart det gjennomført ein skuleforestilling på Kvåle skule. Desse deltakarane frå Luster gjekk vidare til fylkesmønstringa: «Fortunsdølen», Sindre Steig med «Stop this train», Henning Lad med «Den einsames klagesong», Yoce, John Sebastian Klinbajl Kjellevold med «The great adventure» og Rørekollane, Jostedal rockeverkstad med Aina Kvam, Gunnar Elgersma, Magnus Tuften og Sølvi Kvam med «Livin om a prayer». Pr. d.d. er det ikkje gjennomført evaluering etter UKMarrangementet. UKM fylkesmønstringa vart arrangert i Førde 18. og 19. april. Flott mønstring med høgt nivå på deltakarane. Det var ikkje nokon av innslaga frå Luster som gjekk vidare til UKMfestivalen i Trondheim 19. 23. juni. Men Sindre Steig, som er elev v/firda v.g. skule og var med i ei gruppe som repr. Gulen kommune og som kalla seg «Firdacrew», gjekk vidare tll landsmønstringa med eit innslag. Kostnad UKM 2015: Del å betale pr. kommune i samband med arrangementet i Sogndal: kr. 26.445,67. Deltakaravgift UKM fylkesmønstring kr. 3.733. Kostnad tilsaman kr. 30.178,67. Kulturutveksling med vennskapskommunen i USA. Utvekslinga har som målgruppe ungdommar i aldersgruppa 14 17/19 år. I 2015 er det amerikansk ungdom som skal komme til Norge. Utfordringa er å finna nokon frå Luster som vil delta i utvekslinga i 2016, og som kan vera vertsfamilie dette året. Stipendordninga til Ungdommen sitt kommunestyre som er for ungdom frå Luster som deltek på yrkesretta kompetanseutvikling eller anna utviklings/læringstiltak Ungdommen sitt kommunestyre (UK) si stipendordning har som føremål å støtta yrkesretta kompetanseutvikling eller anna utvekslings/læringstiltak for ungdom frå Luster kommune i alderen 16 19 år. Det kan gjevast støtte til kursavgift og reiseutgifter, unnateke opphald/overnatting og diett. I dette skuleåret er det 10 ungdomar som har søkt på stipendordninga til UK og fått innvilga stipend for tilsaman kr. 15.000. Det er veldig fint og sjå at ungdommen nyttar seg av tilbodet. Deltaking på Fylkesting for ungdom på Skei 20. 22. mars 2015. Det var ingen av medlemane i Ungdommen sitt kommunestyre som meldte seg som utsendingar. Vidareføre ordninga med Lokale Transporttilbod for ungdom (LTU). Ordninga har vore i drift i 11,5 år, og er godt innarbeida i ungdomsmiljøet (aldersgruppa 13 19 år). Ein uvanleg dårleg snøvinter for skisenteret spesielt gjorde bruken av taxi i i 2014 indre enn venta. Vinteren 2014/2015 har derimot bruken auka att, og tilbodet har vore meir nytta so langt i 2015, enn i 2014. Fylkeskommunen gav eit tilskot på kr. 70.000 til lokale transporttilbod for ungdom i Luster kommune i 2014.
Side 4 I samband med søknad om prosjektmidlar for 2015 vedtok Ungdommen sitt kommunestyre at reglementet for bruk av bestillingstaxi, gjeldande frå 5. mai 2013 fortsatt skal vera gjeldande, sitat: «1. Ein kan nytta bestillingstaxi til alle opne arrangement for ungdom i Luster kommune, også trening/øving, møte og kurs. 2. Eigenandelen vert sett til kr. 50 pr. person kvar veg når ein nyttar bestillingstaxi i Luster. 3. Andre i same taxi, men som er eldre enn 19 år, betaler full pris. 4. Minimum tal personar som skal følgje taxi er 2» sitat slutt. Fylkeskommunen har i brev den 27. mai orientert om at dei har gjeve eit tilsegn om eit tilskot på 50.000 kr til lokale transporttilbod for ungdom i Luster kommune 2015. «Blås grønt» 16. mai på Soltun i Gaupne for dei mellom 13 19 år. UK vedtok på møte den 19. januar at dei også i år skulle arrangera «Blås grønt» natt til 17. mai i Gaupne, og at ME`N`U skulle bli inviterte til samarbeid om arrangementet. Arrangørteam av «Blås grønt» var i år David Høyheim Skintveit frå Luster ungdomsskule og Magnus Viking Jåstad frå Hafslo barne og ungdomsskule, med hjelp frå administrasjonen undervegs. Det vart gjennomført planleggingsmøte måndag den 13. april. Arrangementet vart gjennomført i samarbeid med ME`N`U. Det var gjennomført evalueringsmøte 28. mai: Markedsføringa føregjekk på Facebook. Det vart laga plakatar, men ungdommene syntes det ikkje var vits i og hengja dei opp sidan dei fleste allereie visste om denne kvelden. Lokalet (Soltun) var ikkje heilt som ønskja når dei kom. Tomme ølbokser låg rundt omkring. Ulike aktivitetar på kvelden: ping pong, biljard o.l. Ca. 3040 ungdomar tidleg på kvelden. En del ungdommar frå starten, noen dro og kom tilbake igjen. Politiet møtte ikkje kl. 24.00. ME`N`U ringte, men ungdomane syntes det begynte og bli sent og takka nei. Ca. 60 ungdomar som skrev seg på lista rundt midnatt. Tre vaksne leiarar stadfesta med sine underskrifter at desse ungdomane «Blåste grønt». Ungdomane var frustrerte av og vente og noen var skuffa for at politiet ikkje kom. Det ble gjort avtale med politiet rett etter planleggingsmøte 13.04.15. Neste år kan komiteen få bekrefta noen dagar før «Blås grønt» at politiet stiller. Bra stemning ellers i løpet av kvelden. Ungdommane har eit positivt syn på «Blås grønt». Onsdag 10. juni vart det føreteke trekning i «Blås Grønt» 2015. Det vart trekt ut 4 vinnarar av totalt 59 deltakarar. Gratulerer til Peder Fuhr og Ulrik Slinde som vann kvar sin ipad. Ingelin Heen Veum og Lars Thorsnes Lefdal vann kvart sitt gåvekort på 1500 kr. på Pyramiden. Stemmerett for 16åringar ved kommunestyrevalet den 14. september 2015. Ordførar Ivar Kvalen og Anita Bjørk Ruud frå administrasjonen var tilstades på møte i UK den 19. januar for orientering og presentasjon av gruppeoppgåver som var laga til, for å få innspel på korleis ungdommen kan førebu seg til kommunestyrevalet til hausten. Det vart gjennomført grupparbeid med gode diskusjonar og UK meldte tilbake til ordførar og administrasjon kva som bør gjerast. M.a. meldte dei at frå sist val, sakna dei informasjon om kva politikk dei ulike partia jobbar for. UK har teke tak i dette, og tysdag 16. juni var det politikk og val som tema på dei to ungdomsskulane i kommunen. Partia presenterte seg
Side 5 og 10. klassingane førebudde seg på å spørje ut politikarane. Etter partia si gjennomgang fekk 16åringane også praktisk informasjon om korleis valet blir gjennomført. UK ynskjer også å vera arrangør på valseminar for ungdom til hausten. Ungdommen sitt kommunestyre (UK) har fått fylgjande saker for uttale/innspel: Budsjett 2015, økonomiplan 201518, planleggingsprogram 201518. Ungdommen sitt kommunestyre handsama saka i møte den 8. desember 2014, der økonomisjef Kjell Sverre Snøtun orienterte om formannskapet sitt framlegg. Etter drøfting i UK vart det gjort fylgjande samrøystes vedtak: Ungdommen sitt kommunestyre vil, etter ein grundig presentasjon av formannskapet sitt budsjettframlegg, tilrå budjettframlegget vedteke som framlagt. Bibliotektenesta i Luster kommune. Etter drøfting i møte i arbeidsutvalet den 26. november 2014 vedtok arbeidsutvalet å gje uttale om Bibliotekplan for Luster kommune (sidan fristen var 3. desember) og sluttar seg til hovudprinsippet i planen. Leiar Lasse Hærum orienterte Ungdommen sitt kommunestyre om uttala i møte den 8. desember 2014. Kommuneplanen sin arealdel. Ordførar Ivar Kvalen var til stades på møte i Ungdommen sitt kommunestyre den 8. desember 2014 og orienterte om planen generelt. Etter drøfting i UK vart det gitt fullmakt til arbeidsutvalet å gje uttale på arealplanen innan fristen 19. desember. Arbeidsutvalet drøfta saka i møte den 16. desember 2014 og det vart gjort vedtak om at Ungdommen sitt kommunestyre slutta seg til planframlegget frå kommuneplannemnda i Luster. Stemmerett for ungdom som fyller 16 eller 17 år i valåret ved kommunestyrevalet i 2015. Sjå eige pkt. under aktivitetsplan. Revisjon av Kommunal plan for fysisk aktivitet, idrett og friluftsliv i Luster kommune 20162027. Erling Bjørnetun var til stades på møte i Ungdommen sitt kommunestyre den 20. april og orienterte om planprosessen. For å få Ungdommen sitt kommunestyre sine innspel vart det lagt opp til gruppearbeid med spørsmål for diskusjon om målet om at «alle må bli meir fysisk aktive» og kva som må til for å nå eit slikt mål, vidare skulle ungdomane føre opp 1)kva for fysisk aktivitet (ar) er sakna og kva for anlegg som ville vera viktige for at den aktiviteten skal koma i gang, og dei skulle føre opp 2) kva for nye anlegg dei ville prioritere for bygging i den nye kommuneplanen. Gruppearbeidet vart deretter presentert i plenum og levert som innspel til planen. Følgjande tiltak kom fram i gruppearbeidet: Motorcrossbane, nytt golv i idrettshallen, gang og sykkelveg MarifjøraGaupne, rulleskibane, anlegg for hest, varmekablar på / og kunstgrasbane, turstiar rundt i bygdene, turløyper langrenn i Engjadalen, volleyballbaner og sykkelveg langs heile Fv 55. Utvida dagog aktivitetstilsbod i eit førebyggjande folkehelseperspektiv forstudie. Høyring. Det blir orientert om høyringsdokumentet på møte i UK den 23. juni. Medlemar i Ungdommen sitt kommunestyre har delteke på fylgjande kurs/møte/samlingar: Deltaking i utforminga av den regionale Folkehelseplanen: Julie Hatlevoll og Borghild Prestegård deltok på Arbeidsverkstad på Sogndal hotell 21. august 2014.
Side 6 Kommunesamling om UKM: Lasse Hærum og Erling Bjørnetun var påmeldt til samlinga på Sogn og Fjordane kystmuseum i Førde, men vart forhindra frå å reise. Sluttkommentar frå leiaren: Hausten 2014 var det første møtet for UK arbeidssåret 2014/2015. Representantane som var valgt inn frå eit breidt spekter av skular og organisjasjonar møtte opp på Gaupnetunet for årets første møte. Personleg fekk eg ansvaret for å leia UK, då tidligare leiar Julie Hatlevoll ikkje lenger ville. Det er eit uttrykk som heiter "å hoppe etter Wirkola", noko som fint kan brukast når ein skal beskrive det å overta etter Julie som leiar, men eg tykkjer alikevell at året har gått veldig bra. Gjennom året har UK arrangert, elle vore med å arrangert ulike hendingar. Blant anna UKM, Blås Grønt og LustraLAN. Slike arrangement er utruleg viktig for ungdom i kommunen. UKM er ein arena der ein kan få visa seg fram. I år blei me inviterte til å samarbeida med Sogndal og Leikanger, dette var UK positive til og det blei eit vellykka arrangement. Me ville aller helst sett at me kunne arrangert dette sjølve, men f0r å få eit optimalt arrangement, med mykje publikum og mange deltakarar er det flott at me kan samarbeida med naboane våre. LustraLAN var og eit svært vellykka arrangement. Eit LAN eller også kalt "dataparty" er viktig for å nå ut til dei som kanskje ikkje er med på fotball eller står på ski. Personleg meiner eg at ein må ha tilbod til alle, uavheng av kva interesse dei har. Der føler eg UK har omfavna rekordmange i år samanlikna med tidligare år. Av arrangementa til UK vil eg til slutt nemna Blås Grønt. Det er veldig kjekt å sjå at so mange nyttar seg av tilbodet og er med på rusførebyggande tiltak. UK har i år gjort ein kjempejobb, men det er fortsatt ting som kan forbetrast. Spesielt tenkjer eg på å få ut informasjon om til dømes heim for ein 50lapp opplegget, kulturutveksling og moglegheiten for å søka stipend. Personleg føler eg at desse er litt for lite kjente og me har ein jobb og gjere på nettopp dette. Me har kjempa for fleire saker, som me og må fortsetta og kjempa for til neste år, til dømes kan eg nemna bussrutene og det dårlege underlaget i idrettshallen. Takk til dykk alle i UK og ikkje minst AU, godt jobba. Takk til Erling, Liv Helen og ungdomskontakt Liv. No ber eg alle om å ha ein fin sommar, så håpar eg at eg ser mange av dykk igjen til hausten, klare for å kjempa vidare! Takk for godt samarbeid! Gaupne, 23. juni 2015. Lasse Hærum leiar