Plan for selskapskontroll Overordna analyse Bømlo kommune

Plan for selskapskontroll Overordna analyse Bømlo kommune Internt arbeidsdokument (versjon 2) Opplysningar som kjem fram i dokumentet er ikkje verifisert, og kan ikkje bli nytta som faktagrunnlag utan ytterlegare undersøkingar. April 2012 Member of Deloitte Touche Tohmatsu Medlemmer av Den Norske Revisorforening org.nr: 980 211 282

Innhald Del 1 Innleiing... 3 1 Om dokumentet... 4 1.1 Lesarrettleiing... 4 2 Selskapskontroll... 4 2.1 Plan for selskapskontroll... 4 3 Risiko- og vesentleganalyse... 5 3.1 Kriterium for risiko- og vesentlegsvurderingar... 5 4 Metode... 6 4.1 Dokumentanalyse... 6 4.2 Elektronisk spørjeundersøking til administrative leiarar i kommunen... 6 4.3 Intervju med administrative leiarar og politiske utvals- og gruppeleiarar... 7 4.4 Prosessmøte i kontrollutvalet... 7 Del 2 - Risikokartlegging... 8 5 Overordna eigarstrategi... 9 6 Oversikt over selskap... 9 6.1 Oversikt over selskap innanfor 80... 10 6.2 Oversikt over selskap utanfor 80... 12 6.3 Stiftingar, kommunale føretak og foreiningar... 14 7 Gjennomførte selskapskontrollar førre periode... 14 Del 3 - Forslag til prosjekt... 15 8 Forslag til prosjekt... 16 8.1 Prosjekt (i uprioritert rekkjefølge)... 16 2

Del 1 Innleiing 3

1 Om dokumentet Dette dokumentet inneheld grunnlaget for den overordna analysen i samband med utarbeiding av plan for selskapskontroll i Bømlo kommune. 1.1 Lesarrettleiing Selskapskontroll, plan for selskapskontroll og framgangsmåten som er nytta for å utarbeide den overordna analysen er presentert i del 1. I del 2 blir innsamla informasjon om kommunen sine selskap og risikokartlegginga presentert. Risikoanalysen utgjer utgangspunkt for forslag til ulike selskapskontrollen. I del 3 blir forslag til prosjekt presenterte. 2 Selskapskontroll I følgje kommuneloven 77 nr. 5 skal kontrollutvalet: påse at det føres kontroll med forvaltningen av kommunens ( ) interesser i selskaper m.m.. I forskrift om kontrollutval i kommunar og fylkeskommunar 14 står det: Kontrollutvalget skal påse at det gjennomføres kontroll med forvaltningen av eierinteressene i de selskaper som er omfattet av slik kontroll, herunder å kontrollere om den som utøver kommunens eller fylkeskommunens eierinteresser i selskaper gjør dette i samsvar med kommunestyrets/fylkestingets vedtak og forutsetninger (eierskapskontroll). Selskapskontrollen kan også omfatte forvaltningsrevisjon, jf. forskrift om revisjon i kommuner og fylkeskommuner kap. 3. Selskapskontroll kan romme ulike former for selskapskontrollar, høvevis eigarskapskontroll og forvaltningsrevisjon av selskap. Det kan også gjennomførast selskapskontrollar som kombinerer element frå dei to nemnde formene. Eigarskapskontroll er den obligatoriske delen av selskapskontroll og involverer å kontrollere korleis kommunen utøver sitt eigarskap. Ved forvaltningsrevisjon av selskap kan ein mellom anna vurdere selskapet sin økonomi, ressursbruk, regeletterleving og måloppnåing ut frå kommunale vedtak og føringar. Selskapskontroll Eigarskapskontroll Forvaltningsrevisjon 2.1 Plan for selskapskontroll Etter 13 første ledd i forskrift om kontrollutval i kommunar og fylkeskommunar skal det; 4

(..) minst en gang i valgperioden utarbeides plan for gjennomføring av selskapskontroll. Dette skal skje senest innen utgangen av året etter at kommunestyret er konstituert. Kommunestyret vedtar planen, mens det er kontrollutvalet som bestemmer kven som skal gjennomføre selskapskontrollen. Norges Kommunerevisorsforbund (NKRF) har utarbeidd ein rettleiar til selskapskontroll. Rettleiinga seier mellom anna følgjande om plan for selskapskontroll:. «Valg av kontroller bør skje på bakgrunn av en risiko- og vesentlighestvurdering.» 1 Innhaldet i 13 i forskrifta må sjåast i samanheng med kommuneloven sin 80, som omhandlar kva selskap kontrollutvalet og kommunen sin revisor har full innsynsrett i. Det kjem fram av 80, 1. ledd at innsynsretten er avgrensa til interkommunale selskap (IKS) aksjeselskap kommunen eig åleine eller aksjeselskap kommunen eig samane med andre kommunar eller fylkeskommunar heieigde dotterselskap til ovanfornemnte selskap. 3 Risiko- og vesentleganalyse Risiko- og vesentlegsvurdering er ein prosess som skal initierast av kontrollutvalet og brukast som eit reiskap for å velje ut relevante selskap og område for selskapskontroll. 3.1 Kriterium for risiko- og vesentlegsvurderingar I forhold til risiko er det spesielt desse forholda som må vurderast: Risiko for at selskapet ikkje driv i tråd med kommunestyrets vedtak og føresetnader, Risiko for at selskapet ikkje driv i tråd med lover og reglar og på ein økonomisk forsvarleg måte, Risiko for at den som forvaltar kommunen sine eigarinteresser i selskapet ikkje gjer dette i samsvar med kommunen sine vedtak og føresetnader. I tillegg til ein konkret risikovurdering vil det også vere viktig å vurdere selskapa ut frå kor vesentleg dei er for kommunen (vesentlegsanalyse). To overordna perspektiv kan leggjast til grunn for ei slik vurdering: Fokus på brukarperspektivet, Fokus på økonomiske interesser for kommunen. På bakgrunn av desse forholda har revisjonen utleia følgjande kriterium for vesentlegsvurderinga, som kan vere til hjelp når ein skal prioritere kva selskap som skal vere gjenstand for kontroll: 1. Selskap der det er avdekka mulige risikoforhold, 2. Selskap med berre offentleg eigarskap, 1 NKRF: «Selskapskontroll fra a-å», 2010, s.7. 5

3. Selskap som har eit samfunnsmesseg ansvar, 4. Selskap som har direkte tenestetilbod til kommunen sine innbyggjarar, 5. Selskap som leverer verksemdskritiske tenester til kommunen, 6. Selskap som er heileigd av kommunen, 7. Selskap der kommunen har omfattande eigarinteresse i tal på aksjar (fleirtal) eller stor økonomisk del av aksjekapitalen, 8. Økonomisk gevinst/tapspotensialet for kommunen, 9. Etikk og omdømme. Risikoanalysen vil ta utgangspunkt i dei høva som kjem fram i informasjonsinnhentinga. Det vil spesielt bli lagt vekt på selskapa si måloppnåing, regeletterleving og gjennomføring av kommunale vedtak. Der det kjem fram informasjon om risikoforhold vil vi i risikokartlegginga i del 2 merke selskapet med ein farge som visualiserar risikoen. Fargane vi vil nytte er grønt for lav risiko, gult for middels risiko og raudt for høg risiko. 4 Metode Følgjande metodar vil bli brukt for å samle inn data for å kartlegge risikoforhold knytt til relevante selskap og område for selskapskontroll: Dokumentanalyse Prosess (risikospel og vesentlegsanalyse) i kontrollutvalet Elektronisk spørjeundersøking for leiarar/mellomleiarar i kommunen Intervju med administrative leiarar og politiske utvals- og gruppeleiarar 4.1 Dokumentanalyse Dokumentanalysen bygger på ein gjennomgang av selskapet sine nettsider, kommunale dokument, kommunen sine nettsider samt Ravninfo.no for verifikasjon og utviding av informasjonsgrunnlaget ved behov. Dokumentasjonen som ikkje er tilgjengeleg via kommunen sine nettsider er etterspurt kommunen. Aktuelle dokument kan vere: Oversikt over alle selskap kommunen har eigarskap i, Kommunen sitt føremål med eigarskapa i dei ulike selskapa dersom dette er definert, eventuell eigarmelding/eigarstrategi dersom dette er utarbeidd, Selskapet sitt føremål og type verksemd, Nøkkeltal for selskapet, Oversikt over styrerepresentasjon i selskapa, Anna relevant informasjon knytt til kommunen sine eigarskap. 4.2 Elektronisk spørjeundersøking til administrative leiarar i kommunen Elektronisk spørjeundersøking blei sendt ut i april 2012, og fekk 17 svar frå ulike administrative leiarar i kommunen. 6

4.3 Intervju med administrative leiarar og politiske utvals- og gruppeleiarar Det er gjennomført intervju med administrative og politiske leiarar i kommunen. 4.4 Prosessmøte i kontrollutvalet 21. mars 2012 blei det gjennomført eit prosessmøte med kontrollutvalet der kontrollutvalet diskuterte risikoar i kommunen, mellom anna knytt til eigarskapsforvaltninga til kommunen. Analysedokumentet blir lagt fram for kontrollutvalet i samband med prioriteringa av selskapskontrollprosjekta. 7

Del 2 - Risikokartlegging 8

5 Overordna eigarstrategi Bømlo kommune har utarbeidd eigarskapsmeldinga «Tenlege eigarskap» i 2010. Her går det fram at eigarmeldinga skal hjelpe til med å vere: «Eit grunnlag for å framheve eigarskapet og ansvaret som eigarskap førar med seg, Eit grunnlag for selskapa til å drive si verksemd i tråd med strategiar for eigar, Eit styringsgrunnlag for selskapa og for eigar når konkrete val og avgjersler skal takast.» 2 Det går vidare fram følgjande: «Som eigar er Bømlo kommune oppteken av at selskapa implementerer kommunen sine visjonar og verdiar, og at dei vert praktisert i det arbeidet og dei tenestene selskapa utfører. Drifta av selskapa og tenesteproduksjonen vert kobla til kommunen som eigar og det er viktig at verksemda vert oppfatta som nyttig for innbyggjarane. Dei valde styrerepresentantane skal saman med dagleg leiar gje selskapa den ønskte samfunnsnyttige posisjon og plass i lokalsamfunnet.» 3 I undersøkinga framhever fleire at Bømlo kommune har fått ei auka bevisstheit kring utøving av eigarskap etter at kommunen utarbeidde eigarskapsmelding og innførte eigardagar. På eigardagane vil status, drift og nøkkeltal for selskap der kommunen har eigardeler stå i fokus. I tillegg vil kommunen teke initiativ til å ha samtale med dagleg leiar og styreleiar i utvalte selskap. Det blir vidare opplyst at kommunen har innført kriterier knytt til kompetanse for kommunen sine styrerepresentantar i selskap. Av eigarskapsmeldinga går det fram at det må leggjast vekt på brei kompetanse blant dei som skal veljast til styrerepresentantar: «God økonomisk og juridisk forståing, Solid bransjekunnskap, Erfaring frå styrearbeid / erfaring frå næringslivet, Politisk / samfunnsmessig kompetanse.» 4 Det er også innført opplæring av eigarrepresentantar i selskapsorgan. 6 Oversikt over selskap Oversikta er basert på opplysningar henta frå RAVN Bedriftsinfo, noteopplysningar i kommunen sitt årsrekneskap (2010) og kommunen si eigarskapsmelding. Selskapa vert presentert i to tabellar. Den første tabellen inneheld selskap som fell inn under 80 i kommunelova (interkommunale selskap, og aksjeselskap som er heileigd av kommunen eller eigd saman med andre kommunar og/eller fylkeskommunar). Desse selskapa har Bømlo kommune full innsynsrett i og kan gjennomføre selskapskontrollar av. 2 Tenlege eigarskap. Eigarskapsmelding Bømlo kommune 2010. Handsama i Bømlo formannskap 31.08.10 og kommunestyre 20.09.10. s. 4. 3 Tenlege eigarskap. Eigarskapsmelding Bømlo kommune 2010. Handsama i Bømlo formannskap 31.08.10 og kommunestyre 20.09.10. s. 4. 4 Tenlege eigarskap. Eigarskapsmelding Bømlo kommune 2010. Handsama i Bømlo formannskap 31.08.10 og kommunestyre 20.09.10. s. 18. 9

Den andre tabellen inneheld oversikt over selskap som kommunen har eigarskap i, men som ikkje fell inn under 80 i kommunelova. Det inneber at det er innslag av private eigardelar e.l. Desse selskapa har kommunen ikkje meir innsynsrett enn dei andre aksjonærane. Kommunen kan likevel gjennomføre avgrensa selskapskontrollar med omsyn til i kva grad selskapet opptrer i tråd med eigarane sin intensjon, om val og opplæring av styrerepresentantar skjer etter kommunen sine reglar og rutinar, om rapportering frå selskapet samsvarar med retningsliner etc. Dersom det kjem fram informasjon om risikoforhold vil vi merke selskapet med farge i siste rad. Fargane vi vil nytte er grønt for lav risiko, gult for middels risiko og raudt for høg risiko. 6.1 Oversikt over selskap innanfor 80 Selskapet sitt namn Selskapet sitt føremål 5 Eigardel Kommentarar Bømlo Vatn og Avløpsselskap AS Bømlo Arbeids og aktivitetssenter AS Kjøp, utbygging, drift og vedlikehald av vatn og avløpsanlegg i Bømlo kommune, og andre oppgåver i tilknyting til dette. Selskapet kan også utføra oppdrag for andre kommunar og privat verksemd, og engasjera seg i liknande verksemd. På vekne av sin eigar, Bømlo kommune, å tilby arbeids- og aktivitetstilbod til alle personar i kommunen med utviklingshemming som ikkje tilfredsstillar krava til tilbod i regi av NAV eller kan få arbeid på den ordinære arbeidsmarknaden. Skal gi trening og aktivisering for den einskilde for å fremje fysisk, psykisk og sosial utvikling som ein del av tilbodet. 100 % Det er utarbeidd ein driftsavtale mellom Bømlo kommune og selskapet om oppgåve og rollefordeling innafor vassforsyning og avlaup og slamhandsaming. I undersøkinga peiker fleire på at det ville ha vore nyttig og fått meir informasjon om drifta i selskapet gjennom ei undersøking. 100 % Selskapet er eit arbeids- og aktiviseringstilbod for vaksne med utviklingshemming. Hovudavtalen mellom Bømlo kommune og selskapet blei revidert hausten 2010. Det blir opplyst at Bømlo kommune vil vurdere om det er hensiktsmessig å organisere tenesta i aksjeselskap eller om oppgåva bør vere lagt til ei kommunal eining. 5 Nokre av selskapa sine føremål er korta ned i denne tabellen. 10

Bømlo Kommunale Eigedomsselskap AS Moster Amfi Kyrkjehistoriske Senter AS Bømlo Vegselskap AS Sunnhordaland Interkommunale Miljøverk IKS SIM Næring AS (dotterselskap SIM IKS) Samarbeidsrådet for Sunnhordaland IKS Å eige, kjøpe og selje eigedomar til bustadføremål ved aksjekjøp og aksjesal eller på annan måte, samt bygge ut, drifte, vedlikehalde og forvalte bustadeigedomar for utleige til brukarar som Bømlo kommune har eit spesielt ansvar for. Leggje til rette for formidling av kyrkjelege og kulturelle verdiar, herunder, men ikkje avgrensa til, ideell verksemd knytt til. Selskapet si målsetting er å finansiere utbygginga av Bømlopakken, slik Bømlopakken er vedteken av Stortinget i St.prp. nr 78 (2008-2009) "om delvis bompengefinansiering av prosjekt og tiltak i Bømlo kommune i Hordaland" og med eventuelt seinare vedtekne endringar. 1) Innsamling og transport av alle avfallstypar etter nærare avtale med kommunane. 2) Bygging og drift av behandlingsanlegg for avfall 3) Selskapet skal der dette er naturleg, søkja å etablera samarbeid med andre kommunar, regionar og selskap med tanke på å få til rasjonelle og miljøretta løysingar når det gjeld gjenvinning. 4) Selskapet har ikkje erverv til føremål. Verksemd innan miljø- og avfallssektoren samt verksemd som det er naturleg å engasjera seg i. Og skal herunder: - Byggja på høg miljøkunnskap og gje gode, miljørette og effektive tilbod. - Arbeida for auka ombruk og attvinning av næringsavfall. Selskapet kan der dette er føremålstenleg samarbeida med eller ta del i andre verksemder som har same eller liknande føremål. På same måte kan selskapet stifta føretak. Føremålet med selskapet er interkommunalt samarbeid på generell basis med særleg vekt på alle typar tiltaksarbeid og utviklingsarbeid. Selskapet skal ta opp saker som kan fremja utviklinga av Sunnhordland, og leggja dei fram til drøfting og utgreiing. 100 % Gjennomført selskapskontroll 2011. 50 % Gjennomført selskapskontroll 2009. Eigd saman med Hordaland fylkeskommune (50 %). Låg likviditetsgrad 46,66 % Eigd saman med Hordaland fylkeskommune (53,33%). Selskapet skal ha ansvaret for bompengeinnkrevjinga og finansieringa av Bømlopakken. Negativt driftsresultat 2010. Frå 2010 blei selskapet eit bompengeselskap. 19,55 % Eigd saman med Austevoll, Stord, Sveio, Tysnes, Kvinnherad og Fitjar kommune. SIM IKS eig 100 % Pågåande selskapskontroll. SIM Næring AS fusjonerte i 2011 med tidlegare dotterselskap SIM Transport AS. Pågåande selskapskontroll av morselskap SIM IKS. 12,5 % Interkommunalt selskap eigd saman med kommunane Austevoll, Etne, Fitjar, Kvinnherad, Stord, Sveio og Tysnes. Negativt driftsresultat 2010. 11

Karmsund Interkommunale Havnevesen IKS Krisesenter Vest IKS Interkommunalt arkiv i Hordaland IKS Planlegge, utbygge og drive hamner, samt å trygge ferdselen, på vekne av dei kommunar som er deltakarar, jf 4, og ivareta desse kommunar sine oppgåver, rettigheter og forpliktingar i samsvar med den til ein kvar tid gjeldene havne- og farvannslovgjeving, jf hamneloven. Selskapet skal, på vegne av eigarkommunane, sikre etterleving av krisesenterlova si 2 a), b) og c). Selskapet skal vere eit rådgjevande organ for eigarkommunane i etterleving av lova si 2 d). Selskapet har ikkje som føremål å drive verksemd som gjev utbytte til eigarkommunane. 1. Selskapet sitt føremål er å arbeide for at for at verdifullt arkivmateriale i deltakarkommunane vert tatt vare på og sikra som informasjonskjelder for samtid og ettertid, og gjort tilgjengeleg for offentleg verksemd, forsking og andre administrative og kulturelle formål, jfr. lov om arkiv 6. 7,69 % Eigd saman med Karmøy, Haugesund, Tysvær, Sveio og Bokn kommune. 6,69 % 4,61 % 6.2 Oversikt over selskap utanfor 80 Selskapet sitt namn Selskapet sitt føremål 6 Eigardel Kommentarar. Bømlo Industrier AS Gjennom fabrikasjon og anna verksemd å skape grunnlag for sysselsetjing av yrkeshemma. 73,33 Selskapet produserer varer og tenester for næringslivet i distriktet. Negativt driftsresultat 2010. SIM Tankrenovasjon AS (dotterselskap av SIM Næring AS) Sentralidrettsanlegget AS Selskapet si verksemnd er knytt til renovasjon, samt det som står i samband, herunder å delta i andre føretak som driv tilsvarande verksemd. Eiga, byggje ut og drifta Sentralidrettsanlegget på Svortland. SIM Næring AS eig 63, 90 % Pågåande selskapskontroll av morselskap SIM IKS. 51 % Bømlo kommune eig selskapet saman med Bremnes Idrettslag (49 %). Gjennomført selskapskontroll i 2010. 6 Nokre av selskapa sine føremål er korta ned i denne tabellen. 12

Finnås Kraftlag SA Sunnhordland Industri AS Atheno AS S Lab AS Sunnhordland Bru- og tunnelselskap AS Haukelivegen AS Sunnhordlandsambandet AS (tidlegare Tysnesbrua AS) Fremja interessene til innbyggjarar og verksemder i konsesjonsområdet, eige, byggja og driva anlegg for energiforsyning, omsetja elektrisk energi, produsera energi eller delta som eigar i produksjonsanlegg, eiga, byggja og driva breibandnett og andre elektroniske kommunikasjonsløysningar. Gjennom fabrikasjon og annen næringsverksemd å skapa grunnlag for sysselsetting av yrkesvalhemma og mindre arbeidsføre. Å vere utviklar av nye og eksisterande bedrifter basert på forskningsresultat og ideer frå industri og øvrig næringsliv. Drive laboratorium og rådgjevingsverksemd. Selskapet kan også delta i andre aktivitetar som det er naturleg å engasjera seg i. Arbeida for realisering av planar om køyrbart samband mellom Bømlo, Stord og Sveio. Arbeide for utbygging og standardheving av Haukelivegen (E134) Haugesund-Drammen. Arbeide for at ein ferjefri veg mellom Stord og Bergen med bru over Langenuen kjem med i NTP. 19,85 % Blei samvirkelag i 2010 (samanslutning med hovudformål å fremje medlemmane sine økonomiske interesser). Finnås Kraftlag sitt forsyningsområde er Bømlo kommune, med unnatak av Brandasund. Verksemda vår er retta mot nettdrift og kraftomsetning, og mot utbygging og levering av breibandstenester til medlemmane. Kundane i Finnås kraftlag utgjer om lag 80 % av medlemmane i samvirkelaget.. 19,30 % Stord kommune er styste eigar med 28,03 %. 9,95 % Bømlo kommune er ikkje representert i styrande organ utover stemmerettfordelinga i generalforsamlinga i samsvar med vedtektene. 9,89 % Selskapet blei stifta i 2003 med bakgrunn i tidlegare Næringsmiddeltilsynet for Sunnhordland. 4,88 % Hordaland fylkeskommune styste eigar med 61,79 %. 3,03 % Eigd saman med ei rekkje kommunar, fylkeskommunar og private aktørar, der alle har ein eigardel på 3,03 10 aksjar a 1000 kr. %. Stord kommune og Tysnes kommune eig 9,17 % kvar. Ei rekkje private aktørar har eigardelar i selskapet. Negativt driftsresultat 2010. 13

Norsk Bane AS KLP, eigenkapitalinnskot Biblioteksentralen AL Planlegge, bygge og drive et høyfarts-banenett i Norge og gjennomføre de tiltak som synes nødvendige for å kunne oppnå dette. Kommunal Landspensjonskasse skal ivareta medlemmene sitt behov for tenestepensjons-ordninger. Være eit serviceorgan for alle typar offentlege bibliotek. Biblioteksentralen har til oppgåve å vere hovudleverandør av produkt og tenester til bibliotek og liknande institusjonar. 10 aksjar a 1000 kr. Ukjent Ukjent Motivet for dette kjøpet var å vere med i eit arbeid med tanke på reduksjon av klimautslepp, samt å få informasjon om kva som skjer på høgfartsbanenetta i Norge. Selskap med avgrensa ansvar. 6.3 Stiftingar, kommunale føretak og foreiningar Stiftingar, kommunale føretak og foreiningar er ikkje omfatta av regelverket om selskapskontroll. Stiftingar, kommunale føretak og foreiningar knytt til kommunen som går fram av RAVN Bedriftsinfo eller årsmelding/årsrekneskap er likevel tatt med her for å få gje ei fullstendig oversikt over kommunen sine eigedelar og interesser. Bømlo Kulturhus KF Friluftsrådet Vest Stiftelsen Kystsogevekene Stiftelsen Maritimt forum HOG Energi Bømlo frivillighetssentral 7 Gjennomførte selskapskontrollar førre periode Selskapskontroll av SIM (pågåande) Selskapskontroll av Bømlo kommunale eigedomsselskap AS (2011) Sentralidrettsanlegget (2010) Moster Amfi og Kyrkjehistoriske senter AS (2009) Selskapskontroll forvaltning av eigarskap (2009) 14

Del 3 - Forslag til prosjekt 15

8 Forslag til prosjekt På bakgrunn av informasjonen som er samla inn gjennom dokumentanalyse, spørjeundersøking, intervju og prosessmøte i kontrollutvalet, er det under utarbeidd forslag til selskapskontrollprosjekt. For dei føreslegne selskapskontrollprosjekta er det oppgitt kva kriterium vi meiner er relevante i høve til våre fastsette kriterium for vesentlegvurdering (sjå kriterier lista opp i kap. 3.1. Det er viktig å understreke at risiko- og vesentlegvurderingane er skjønnsmessige vurderingar basert på føreliggande informasjon, og at kontrollutvalet kan vurdere risikoen knytt til dei ulike områda som forskjellig frå det som er føreslege her. Kriterium (ref. kap. 3.1) 1. Selskap der det er avdekka mulige risikoforhold, 2. Selskap med berre offentleg eigarskap, 3. Selskap som har eit samfunnsmesseg ansvar, 4. Selskap som har direkte tenestetilbod til kommunen sine innbyggjarar, 5. Selskap som leverer verksemdskritiske tenester til kommunen, 6. Selskap som er heileigd av kommunen, 7. Selskap der kommunen har omfattande eigarinteresse i tal på aksjar (fleirtal) eller stor økonomisk del av aksjekapitalen, 8. Økonomisk gevinst/tapspotensialet for kommunen, 9. Etikk og omdømme. Det er kontrollutvalet som skal vurdere og prioritere dei ulike områda, og avgjere rekkefølgja for selskapskontrollsprosjekt i den planen som blir lagt fram for kommunestyret. Prosjekta er sett opp i uprioritert rekkefølgje Eventuell forvaltningsrevisjon i selskap blir vurdert av kontrollutvalet der dette er vurdert som hensiktsmessig. 8.1 Prosjekt (i uprioritert rekkjefølge) Prosjekt Kriterium Kommentarar Eigarstyring 9 Moglege problemstillingar I kva grad har kommunen ein forsvarleg forvaltning av eigarskapa? I kva grad har eigarrepresentantar tilstrekkeleg kompetanse? I kva grad sikrar kommunen tilstrekkeleg opplæring og oppfølging av dei folkevalte representantane? Oppfølging av førre forvaltningsrevisjon av eigarskap Bømlo Vatn og Avløpsselskap AS* 2,3,4,5,6,7,9 Innanfor 80. I undersøkinga blir det av fleire ynskt meir informasjon om drifta av selskapet. Bømlo Vegselskap AS* 2,3,7, Innanfor 80. Kan vurdere samarbeid med andre eigarar. Samarbeidsrådet for Sunnhordland IKS* 2,3 Innanfor 80. Kan vurdere samarbeid med andre eigarar. Karmsund Interkommunale Havnevesen IKS* 2,3 Innanfor 80. Kan vurdere samarbeid med andre eigarar. Bømlo Industrier AS 3,7 Utanfor 80. Høg eigardel. Finnås Kraftlag 3,4,5 Utanfor 80. Sunnhordland industri 3 Utanfor 80. * Stod på planen førre periode, men blei ikkje gjennomført selskapskontroll 16

Deloitte refers to one or more of Deloitte Touche Tohmatsu Limited, a UK private company limited by guarantee, and its network of member firms, each of which is a legally separate and independent entity. Please see www.deloitte.com/no/omoss for a detailed description of the legal structure of Deloitte Touche Tohmatsu Limited and its member firms. Deloitte provides audit, tax, consulting, and financial advisory services to public and private clients spanning multiple industries. With a globally connected network of member firms in more than 150 countries, Deloitte brings world-class capabilities and deep local expertise to help clients succeed wherever they operate. Deloitte's approximately 170,000 professionals are committed to becoming the standard of excellence. 2011 Deloitte AS