l!illi Noregs vassdragsog energidirektorat E-CO Energi AS, Postboks 1050 Sentrum, 0104 Oslo Vår dato: 18 OKT2011 Vår ref.: 200700391-13 kv/jfj Arkiv: 3121012.CD Sakshandsamar: Dykkar dato: Jakob Fjellanger Dykkar ref.: 22 95 92 13 Avgjersle om å opne sak om revisjon av konsesjonsvilkår for reguleringar i Hemsilvassdraget i Hemsedal, Al og Gol kommunar i Buskerud Det skal gjennomforast revisjon av vilkåra i medhald av vassdragsreguleringslova. Revisjonssaka gjeld vilkåra for følgjande konsesjon: Kronprinsregentens res. av 25.1.1957: Tillatelse for Oslo Lysverker til å foreta en regulering av Hemsilvassdraget m.v. i Buskerud fylke Innkomne krav viser til brev frå Gol kommune av 21.3.2007 der det visast til vedtak i kommunestyra i Hemsedal, Ål og Gol kommunar om å krevje revisjon av konsesjonsvilkår for utbyggingar i Hemsilvassdraget. Vi viser og til supplerande krav i brev frå Hemsedal fiskeforening av 20.7.2007 stila til Hemsedal kommune. Hemsedal kommune har vidaresendt brevet til den 14.8.2007 med ønskje om at dei supplerande krava takast med i revisjonssaka. Krava gjeld revisjon av vilkår for konsesjon gitt ved Kronprinsregentens res. av 25.1.1957: Tillatelse for Oslo Lysverker til å foreta en regulering av Hemsilvassdraget m.v. i Buskerud fylke. Formålet med revisjonen Vi viser til at hovudformålet med ein revisjon er å betre miljø- og naturforholda ved å avbøte ulemper og negative verknader ved utbygginga. Bestemmingar i konsesjonen om høgste og lågaste regulerte vasstand (HRV og LRV) samt overføringar kommer ikkje inn under kva som kan reviderast. Men revisjonen opnar for å vurdere endring i manøvreringspraksis, slipp av minstevassføring, biotopjusterande tiltak og utsetting av fisk. vil i si handsaming følgje dei foreslåtte retningslinene for revisjon av konsesjonsvilkår inntil endelege retningsliner blir vedtekne. Hovedkontor E-post: nve@nve.no, Postboks 5091, Majorstuen, 0301 OSLO, Telefon: 09575, Internett: www.nve.no Org.nr.: NO 970 205 039 MVA Bankkonto: 7694 05 08971 : : Region Midt-Norge Region Nord i Region Sør Middeltbunsgate 29 1 Vestre Rosten 81 i Kongens gate 14-18 1 Anton Jenssensgate 7 Postboks 5091, Majorstuen 0301 OSLO 1 7075 TILLER 1 8514 NARVIK I Postboks 2124 i 3103 TØNSBERG Region Vest! Region Øst I Naustdalsvn. 1B 1 Vangsveien 73 1 Postboks 53 I Postboks 4223 i 6801 FØRDE 1 2307 HAMAR
Side 2 Krava Det er kravd slipp av minstevassføring frå Eikredammen i nedre del av Hemsilvassdraget, frå hovudmagasinet Gyrinos-Flævatn til Lauvdøla, frå inntaket i elva Dyrgja og frå Brekkedammen i elva Grøndøla. Krava er fremja av omsyn til fisk og fiske, estetikk og forureining. Tersklar nedstrøms Eikredammen er fremja av omsyn til fisk og estetikk. Fisketrapp eller anna vandringsinnretning forbi Eikredammen er og kravd. Manøvreringsreglement er kravd for Gyrinos-Flævatn og Eikredammen. For Gyrinos-Flævatn visast til hyppigare variasjonar i vasstanden enn tidligare og problema dette skapar for stamfiske på hausten og til erosjon i magasinet. Kommunane meiner dette heng saman med at kraftproduksjon i aukande grad skjer etter andre prinsipp enn det som blei lagt til grunn i konsesjonen frå 1957. I Eikredammen er det omsynet til estetikk, friluftsliv og fiske som er grunn til kravet. Standardvilkår for naturforvaltning er kravd fordi dette kan avhjelpe fleire av dei negative verknadane som er påpeika av kommunane. Fiskebiologiske undersøkingar kvart tiande år er kravd m.a. for å undersøke verknaden av utsetting av fisk. Utsetting av 500 stk. tre-somrig fisk er kravd som kompensasjon for fiskedød ved sprenging av is nedstrøms Brekkefoss kraftverk. Denne utsettinga kjem i tillegg til det som elles blir satt ut i vassdraget. For Gyrinos-Flævatn er det krav om tiltak for å hindre utvandring av fisk ved nedtapping. Rydding av reguleringssona i Gyrinos-Flævatn er kravd av omsynet til stamfisket om hausten. Tiltak for å lette villreinens vandring i området ved Gyrinos-Flævatn er kravd, og det visast m.a. til at oppdemminga kutta ein viktig trekkrute. Kulturminneundersøkingar/arkeologiske undersøkingar er kravd gjennomført i dei to reguleringsmagasina Gyrinos-Flævatn og Vavatn, og langs Gjuva, Grøndøla og Hemsil. Kommunane viser til at undersøkingane som blei utført skjedde under tidspress, men at det likevel blei gjort mange interessante funn. For å hindre farlige situasjonar til dømes for badande og fiskarar i nedste del av Hemsilvassdraget ved raskt stigande vasstand i Eikredammen er det krav om tiltak for å sikre varsling. Restaurering av elvelaupet til Skarvanstølåni er kravd for å hindre erosjon og flaum ved Skarvanstølen. Problema skuldast ifølge kommunane at masser blei f:jernaunder bygging av Flævassdammen (Gyrinos- Flævatn). Mengda konsesjonskraft krevjast regulera kvart tiande år av omsyn til endringar i klima. Det er og kravd avsetning til næringsfond. Kommentarar frå konsesjonær Krava som er knytt til Eikredammen, dvs, slipp av minstevassføring, manøvreringsreglement, fisketrapp eller anna vandringsinnretning forbi dammen og tersklar i elva nedstrøms, fell ifølge konsesjonær utanfor revisjonssaka fordi Eikredammen ikkje er omfatta av nokon reguleringskonsesjon. Dei kommenterar vidare at manøvreringsrestriksjonar i Eikredammen kan gi monaleg produksjonstap og auke faren for flaum nedstrøms. Konsesjonær opplysar at dei allereie slipp ei frivillig minstevassføring og at tersklar nedstrøms dammen er under etablering i samråd med rørte interesser. Dei kommenterar og
Side 3 N V E at minstevassføring eventuelt kan påleggast i samband med det omsøkte Hemsil 3 kraftverk (s sak 201104057). Minstevassføring frå Brekkedammen i Grøndøla vil i følgje konsesjonær og falle utanfor revisjonssaka fordi dette inntaksmagasinet ikkje er omfatta av nokon reguleringskonsesjon. Dei kommenterar vidare at minstevassføring kan påleggast ved eventuell konsesjon for den omsøkte utvidinga av Brekkefoss kraftverk (s sak 200707886). Angåande minstevassføring i Dyrgja og Lauvdøla meiner konsesjonær at krava er fremja av flemsedal fiskeforening som er ein privat instans, og at kravet derfor ikkje skal takast med i ein revisjonssak. I fall krava kan fremjast meiner konsesjonær at minstevassføring vil gi monaleg produksjonstap. For Dyrgja kommenterast i tillegg at Hemsil er ein berekraftig fiskeelv sjølv utan optimale forhold for fisk i Dyrgja. For Lauvdøla kommenterast at elva for ein stor del ligg i eit trongt gjel, har lite biologisk potensial, har liten innverknad på fisk eller fiske i Mørkedøla, og at minstevassføring kan føre til isgang i Lauvdøla. Manøvreringsreglement og fyllingsrestriksjonar i Gyrinos-Flævatn vil ifølge konsesjonær hindre full nytting av reguleringa og såleis falle utanfor ein revisjon. Standardvilkår for naturforvaltning er ifølgje konsesjonær delvis med i eksisterande konsesjon. Dette gjeld m.a. vilkår som gir fiskemyndigheita heimel til å påleggje tiltak som utsetting av fisk, fiskesperre føre inntak i reguleringsmagasina, og til å påleggje fiskebiologiske undersøkingar. Konsesjonær peiker på at fisk har blitt satt ut i reguleringsmagasina, men utsetting i elva ikkje har vore pålagt. Fiskebiologiske undersøkingar har søkar på eige hand fått gjennomført i 2002 og 2009. Fiskesperre føre inntaket i Gyrinos-Flævatn er ifølge konsesjonær vanskelig å få til utan at det oppstår tilstopping og påfølgjande produksjonstap. Ut frå deira erfaring er det lite tap av fisk i inntaket. Rydding av reguleringssona i Gyrinos-Flævatn av omsyn til fisk kan ifølge konsesjonær ikkje krevjast i revisjonssaka då dei ser dette som eit privatrettslige forhold. Dei viser og til at det i vassdragsunderskjønnet av 20.2.1960 blei gitt erstatning for problema restane av vegetasjon skapte for fisket. Tiltak for å lette villreinens vandring ved Gyrinos-Flævatn vil ifølge konsesjonær falle utanom revisjonssaka fordi omfanget og verdien av dagens villreinstamme har vakse fram etter etableringa av reguleringsmagasinet. Dei viser og til at det blei gitt erstatning for tapt jaktterreng, men meiner at verdien først og fremst var knytt til rypeterreng. Arkeologiske undersøkingar (kulturminneundersøkingar) er i følgje konsesjonær i prinsippet utført, og viser til dei undersøkingane som blei gjennomført før neddemminga av Gyrinosvatn. I fall krava blir vurdert som relevante for revisjonssaka meiner konsesjonær at undersøkingar i Flævatn vil gi store produksjonstap. Undersøkingar i Vavatn kommenterast som lite aktuelle fordi dette berre er eit senkingsmagasin, dvs, at ikkje noko område blei demma ned. Undersøkingar langs Gjuva, Grøndøla og Hemsil kommenterast og som lite aktuelle fordi vassføringa har blitt jamnare og at det derfor har skjedd lite utvasking og avdekking av kulturminne. Tiltak for å hindre farlege situasjonar for badande og andre brukarar nedstrøms Eikredammen er ifølge konsesjonær allereie innført ved skilting, tekniske tiltak på Eikredammen for auka tapping når vassnivået stig og varslingsrutinar. Dei peikar og på at Eikredammen har liten kapasitet og at ein derfor har små moglegheiter for demping av flaumar. Konsesjonær er tvilande til at faren for flaum og erosjon ved Skarvanstølen angår allmenne interesser, og at dette derfor faller utanfor revisjonssaka. Mengda konsesjonskraft og næringsfond er ifølge konsesjonær økonomiske krav som ikkje kan fremjast i revisjonssaka.
Side 4 sin vurdering og konklusjon meiner at det ved ein vilkårsrevisjon skal leggast vekt på miljøforbetrande tiltak. Dei miljømessige verknadane som er tatt opp i ein del av krava påverkar allmenne interesser som ligg innanfor det som kan ivaretakast gjennom konsesjonsvilkåra. Behovet for slike vilkår vurderast best gjennom ein revisjonsprosess. Krav knytt til økonomiske vilkår (konsesjonsavgifter, konsesjonskraft og næringsfond) har til nå vore utanfor det som kan takast opp gjennom ein vilkårsrevisjon. meiner at krava som er fremja av Hemsedal fiskeforening i brev av 20.7.2007, og sendt vidare til av Hemsedal kommune i brev av 14.8.2007, skal vurderast i revisjonssaka. Dette gjeld krav om slipp av minstevassføring i Dyrgja og frå Gyrinos-Flævatn til Lauvdøla, og utsetting av fisk for å avbøte reduksjon av fiskebestanden ved sprenging av is. vil påpeike at krava frå kommunane var utforma på bakgrunn av innspel frå til dømes Hemsedal fiskeforening, og dei nye krava kan sjåast som ein supplering av dei tidligare krava. Det visast og til at Hemsedal kommune ved innsending bad om å ta krava med i revisjonssaka. Konsesjonær meinar at krava frå fiskeforeininga ikkje er politisk handsama av Hemsedal kommune på lik line med dei første krava frå kommunane, men finn ingen grunn til å tilleggje dette noko avgjerande vekt. Kravet om slipp av minstevassføring frå Brekkedammen i Grøndøla skal etter si meining ikkje vurderast i revisjonssaka fordi dette ikkje er omfatta av reguleringskonsesjonen. meiner at krava knytt til Eikredammen og Hemsilvassdraget nedstrøms dammen fell utanfor revisjonssaka fordi Eikredammen ikkje er omfatta av reguleringskonsesjonen. Dette gjeld krava om manøvreringsreglement, slipp av minstevassføring, tiltak for å sikre fiskevandring forbi dammen, tersklar og sikringstiltak mot farlege situasjonar for badande, fiskarar osb. nedstrøms dammen. Slike tiltak vil derimot bli vurdera i samband med omsøkte Hemsil 3 kraftverk, som skal ha inntak i Eikredammen. Når det gjeld krava om tiltak knytt til villreinen ved Gyrinos-Flævatn så meiner at dette må utgreiast i samband med revisjonssaka. meiner at krava knytt til fiskebiologiske undersøkingar, utvandringsstengsel og utsetting av fisk og rydding av reguleringssona i Gyrinos-Flævatn skal takast med i revisjonen sjølv om slike vilkår er med i eksisterande konsesjon. Til dømes kan det være aktuelt å erstatte eksisterande vilkåra med meir oppdaterte vilkår. meiner at kravet knytt til flaum og erosjonsproblema ved Skarvanstølen må utgreiast i samband med revisjonssaka. Angåande kulturminneundersøkingar meiner at dette temaet inngår i revisjonssaka sjølv om det blei utført undersøkingar ved Gyrinosvatnet. Til dømes må det vurderast om det skal påleggast sektoravgift etter "Retningslinjer for bruk av sektoravgift til kulturminnevern i vassdrag" av 8.6.2010. meiner at mange av dei miljøtilknytta verknadane som er tatt opp i revisjonskravet angår allmenne interesser som ligg innanfor det som kan ivaretakast gjennom konsesjonsvilkår, og at behovet for slike vilkår vurderast best gjennom ein revisjonsprosess. bestemmer at det skal gjennomførast ein vilkårsrevisjon etter vassdragsreguleringslovas 10 nr. 3 med grunnlag i vurderingane over. Revisjonssaka gjeld vilkåra for konsesjon gitt ved: Kronprinsregentens res. av 25.1.1957: Tillatelse for Oslo Lysverker til å foreta en regulering av Hemsilvassdraget m.v. i Buskerud fylke
Side 5 N V E Vidare saksgang ber om at E-CO Energi AS utarbeidar eit revisjonsdokument i tråd med malen for revisjonsdokument som finnast vedlagt og på våre heimesider. Ved utarbeiding av revisjonsdokumentet skal dykk leggje vekt på dei forholda som går fram av kravdokumenta frå kommunane. Ved behov for ytterligare presisering og prioritering av krava bør dette skje i dialog mellom kommunane, E-CO Energi AS og med formål å få fram eit best mogleg underlag for revisjonsdokumentet. Om det er aktuelt å samordne opprustings- og utvidingsprosjekt med revisjonen må den vidare prosessen rundt dette avklarast i dialog med kommunane og før utarbeiding av revisjonsdokumentet. Revisjonsdokumentet skal sendast til for kvalitetskontroll før det kan endeleg godkjennast og sendast på høyring. Vi ber om at det lagast eit utkast til revisjonsdokument innan 1. mai 2012 med ein framdriftsplan for ferdigstilling av dokumentet. Ta gjerne kontakt med vår sakshandsamar for å avklare innhaldet i dokumentet. vil sende revisjonsdokument til rørte parter for uttale. Dokumentet leggast ut til offentleg ettersyn lokalt og på internett, og kunngjørast i lokalpressen. Det vil etter høyringa bli ei synfaring i området, ev. også avhalden møte med kommunane. skal etter dette gi si innstilling til Olje- og energidepartementet. Vi viser til si heimesider for nærmare informasjon om sakshandsaming for revisjonssaker (h ://www.nve.no/konses'oner/vannkraft/revis'on-av-vilkaar/). Der finnast også sitt forslag til Retningsliner for revisjon av konsesjonsvilkår for vassverk. Med ing avdelingsdirektør Carsten Stig Jensen seksjonssjef Vedlegg: Mal for revisjonsdokument Kopi: Gol kommune, Kommunehuset, Gamlevegen 4, 3550 Gol Ål kommune, Torget 1, 3570 Ål Hemsedal kommune, 3560 Hemsedal Fylkesmannen i Buskerud, Postboks 1604, 3007 Drammen Vassregionmyndigheit for Vest-Viken, Buskerud fylkeskommune, Postboks 3563, 3007 Drammen Olje- og energidepartementet, Postboks 8148 Dep, 0033 OSLO