Starthjelp for næringsdrivande

skatteetaten.no SJØLVMELDINGA 2012 Starthjelp for næringsdrivande Sjølvmelding for næringsdrivande må leverast Enkel elektronisk levering Leveringsfristar 30. april (papir) og 31. mai (elektronisk) Nynorsk

Innhald Del 1 Sjølvmeldinga levering, fristar o.l. 3 Del 2 Fritak frå levering av næringsoppgåve 5 Del 3 Postar som berre gjeld næringsdrivande: Enkeltpersonføretak 6 Deltakar i deltakarlikna selskap 7 Del 4 Viktige skjema 9 Meir informasjon 10 Slik endrar du sjølvmeldinga på papir 11 Slik leverer du sjølvmeldinga elektronisk 14 sjølvmeldinga 2012 Rettleiing til postane skatteetaten.no sjekk alle opplysningar og frådrag i sjølvmeldinga sjølvmeldinga 2012 Inga endring inga levering Starthjelp Leveringsfrist for 30. april 2013 næringsdrivande NyNorsk skatteetaten.no sjølvmelding for næringsdrivande må leverast Enkel elektronisk levering Leveringsfristar 30. april (papir) og 31. mai (elektronisk) NyNorsk I «Rettleiing til postane» finn du kvar i sjølvmeldinga inntekt/frådrag og formue/gjeld skal førast. Denne finn du på skatteetaten.no. Du kan også få henne på skattekontoret. Ved dødsfall: Det blir ikkje sendt ut sjølvmelding for personar som er gått bort i 2012. Attlevande ektefelle kan få avdøde si førehandsutfylte sjølvmelding tilsendt ved å ta kontakt med skattekontoret. Sjekkliste Du kan lese meir om postane under i «Rettleiing til postane». Det kan vere aktuelt å gjere endringar eller tillegg i sjølvmeldinga dersom du i 2012 m.a. har hatt: Aksjar Formue, utbytte eller sal av aksjar/ eigenkapitalbevis Postane 3.1.5, 3.1.7, 3.1.8, 3.1.10, 3.1.12, 3.3.8, 3.3.10 og 4.1.8 Alderspensjon Sjå temaet «Alderspensjonistar skattefrådrag for pensjonsinntekt» i «Rettleiing til postane» Barnehage/dagmamma/SFO Utgifter til pass og stell av barn (gjeld og kostnader til transport) Post 3.2.10 Bil og/eller båt Kjøpt eller selt båt, bil eller campingvogn Postane 4.2.4, 4.2.5 og 4.2.6 Bustad og/eller fritidsbustad - inntekter/frådrag/formue Sjå temaet «Bustad og annan fast eigedom» i «Rettleiing til postane» Post 4.3.2 Eingongserstatning til barn og ungdom ved personskade og tap av forsørgjar Sjå temaet «Foreldre og barn» i «Rettleiing til postane» og på skatteetaten.no Fri bustad utanfor arbeidsforhold (føderåd) Postane 2.2.2 og 2.6.2 Fri bustad utanfor arbeidsforhold Post 3.1.12 Kjøp eller sal av bustad Postane 2.8.4 (skattepliktig gevinst) og 3.3.6 (tap som gir frådragsrett) Utleige bustad/fritidsbustad Postane 2.8.2 og 3.3.12 Utleige av fritidsbustad du nyttar sjølv Post 2.8.3 Festa (bygsla/leigd) tomt Sjå temaet «Festetomter til bustad og fritidshus» i «Rettleiing til postane» Lån til/frå private Lånt pengar til eller frå familie og vener Postane 3.1.2, 3.3.1, 4.1.6 og 4.8.1 Næringsinntekt/underskot Postane 2.1.3, 2.7 og 3.2.19 Pendlarkostnader Budd utanfor heimen på grunn av arbeidet Postane 3.2.7 og 3.2.9 Reiseutgifter heim arbeid/besøksreiser Reisefrådrag på meir enn kr 13 950 Postane 3.2.8/3.2.9 Renteinntekt ekstraskattlegging Post 3.1.3 Sjukdomskostnader Regelen om særfrådrag for store sjukdomskostnader er oppheva frå og med inntektsåret 2012. Fekk du særfrådrag både for 2010 og 2011, kan du som tidlegare krevje særfrådrag også for 2012. Sjå temaet «Særfrådrag for store sjukdomskostnader» i «Rettleiing til postane» Post 3.5.4 Underhaldsbidrag Motteke frå eller betalt til fråseparert eller tidlegare ektefelle Postane 2.6.1 og 3.3.3 Underskot Sjå til at rett underskot frå tidlegare år er ført til frådrag i 2012 Post 3.3.11 Utland formue og inntekt Postane 1.5.6, 2.2.2, 2.2.3, 3.1.11, 3.3.2, 4.1.9, 4.6.1, 4.6.2 og 4.8.3 Viktig informasjon til deg som er gift pensjonist/ uførepensjonist og har låg pensjon Er du gift og har låg alderspensjon etter folketrygda eller AFP, kan ei fordeling av kapitalinntekter og kapitalutgifter mellom deg og ektefellen ha innverknad på kor stort skattefrådrag du/de kan få. Er du gift uførepensjonist med låg inntekt, kan ei slik fordeling påverke i kva grad du/de kan få skatteavgrensing. Les meir om temaet «Skattefrådrag for pensjonsinntekt og skatteavgrensing ved låg alminneleg inntekt» i «Rettleiing til postane», brosjyren «Nye skattereglar for pensjonistar» og artikkelen «Pensjonistar som er gifte og har låg pensjon kan i visse tilfelle få lågare samla skatt» på skatteetaten.no. 2 Sjølvmeldinga 2012 Starthjelp for næringsdrivande

Del 1 Sjølvmeldinga levering, fristar o.a. Om førehandsutfylt sjølvmelding Sjølvmeldingane er førehandsutfylte med opp lysningar som Skatteetaten har frå eigne register eller har fått frå bankar, finansinstitusjonar, andre offentlege etatar og arbeidsgivarar. Det er viktig at du går nøye gjennom og kontrollerer dei førehandsutfylte opplysningane. Det er ditt ansvar å sjå til at opp lysningane er rette og fullstendige. Eventuelle feil endrar du i kolonnen «Retta til» ved å endre beløpet. Dersom du har andre opplysningar som har innverknad på likninga, må du òg gi desse opplysningane i sjølvmeldinga. Som næringsdrivande mottek du sjølvmelding for næringsdrivande, og denne skal du levere saman med opplysningar om næringsverksemda di. Du kan velje mellom desse alternativa: RF-1175 Næringsoppgåve 1 RF-1167 Næringsoppgåve 2 RF-1242 Næringsoppgåve for biletkunstnar Utan næringsoppgåve: Eg er deltakar i KS, ANS o.l. eller har inntekt frå felles bedrift med ektefelle. Utan næringsoppgåve: Mine sum driftsinntekter overstig ikkje kr 50 000, og eg oppfyller vilkåra. Sjå vilkår i Del 2 Fritak for levering av næringsoppgåve. Er du einsleg forsørgjar, kan du ha krav på klasse 2, sjå temaet «Foreldre og barn» i «Rettleiing til postane». Sjølvmeldingstypar Personlege skattytarar får anten tilsendt: «Sjølvmelding for næringsdrivande o.a.» eller «Sjølvmelding for lønnstakarar og pensjonistar o.a.» Du kan lese meir om levering av sjølvmeldinga i «Rettleiing til postane» som du finn på skatteetaten.no. Levering av sjølvmeldinga Sjølvmeldinga kan du levere elektronisk eller på papir. Skatteetaten oppmodar deg om å levere sjølvmeldinga elektronisk. Framgangsmåten er skildra på side 11. Ved å levere «Sjølvmelding for næringsdrivande o.a.» elektronisk får du ein månad lengre innleveringsfrist enn når du leverer på papir. Endringar og tillegg kan gjerast raskt og enkelt med nokre få tastetrykk. Systemet vil hjelpe deg med å fylle ut sjølvmeldinga og skjema. Skatteplikt til fleire kommunar Dersom du er skattepliktig til fleire kommunar, skal du likevel berre levere sjølvmeldinga til eitt skattekontor. Saman med sjølvmeldinga leverer du skjemaet RF-1034 med forslag til fordeling av formue og inntekt mellom kommunane. Dette skjemaet er ein del av den elektroniske løysinga, og du finn det under arkfana Vedlegg. Sjå del 4 for korleis du legg inn og fyller ut vedleggsskjema. Du loggar deg på løysinga på skatteetaten.no Sjå side 15 for meir informasjon om dei ulike påloggingsalternativa. Næringsdrivande skal vanlegvis levere næringsoppgåve (sjå omtalen av RF-1175 på side 9) og personinntektsskjema. Kva slags næringsverksemd du driv, avgjer kva for andre skjema som er nødvendige for at du skal få levert ei komplett sjølvmelding, sjå side 9. Hugs å føre opp alle frådrag du har krav på. Då unngår du å betale for mykje skatt. Har du krav på frådrag for kostnader til barnepass (foreldrefrådrag), bør du sjekke at beløpet er rett. Dersom du har skifta arbeidsplass/forretningsstad eller bustad i løpet av året, kan eit eventuelt førehandsutfylt reisefrådrag vere feil. Det same gjeld dersom du ikkje har vore i arbeid heile året eller har endra stillingsbrøk. Bli elektronisk brukar Dersom du registrerer deg som elektronisk brukar (e-brukar) no, får du neste års sjølvmelding og skatteoppgjer berre i elektronisk form. Du får òg anna post frå Skatteetaten elektronisk. Dette er fordelane: Du får sjølvmeldinga og skatteoppgjeret elektronisk. Vi varslar deg både på mobil og e-post når sjølvmeldinga og skatteoppgjeret blir sendt ut. Du får sjølvmeldinga tidlegare enn dei som ikkje er e-brukarar. Du får raskare svar på ei sak eller ein førespurnad, fordi vi unngår postgang. Du blir varsla via sms eller e-post når Skatteetaten har sendt brev til deg. Brevet blir teke vare på i ditt eige arkiv på altinn.no, saman med annan elektronisk post. Du kan svare direkte til sakshandsamar via eit svarskjema. Du forhindrar at uvedkomande får tilgang til dei personlege opplysningane dine. Du er med på å spare miljøet. Skatteetaten.no/ebruker 3

Pliktig dokumentasjon Saman med sjølvmeldinga skal du alltid sende inn: legeattest/attest frå barnevern som stadfestar særleg behov for omsorg og pleie av barn som er eldre enn 11 år, sjå omtalen av post 3.2.10 i «Rettleiing til postane» dokumentasjon på gjeldsrenter i utlandet dokumentasjon på betalt skatt i utlandet dersom du krev kreditfrådrag eller inntektsfrådrag dokumentasjon dersom du til saman har hatt meir enn kr 100 000 i skattefrie lotterigevinstar o.l. Leverer du sjølvmeldinga på skatteetaten.no, kan du levere pliktig dokumentasjon anten som elektroniske vedlegg eller på papir innan sjølvmeldingsfristen. Hugs å merkje vedlegga med namn og fødselsnummer. Annan dokumentasjon treng du berre å sende inn dersom skattekontoret ber om det. Ver likevel merksam på at du kan bli beden om dokumentasjon òg etter at du har motteke skatteoppgjeret. Ta difor vare på dokumentasjonen. Leveringsfrist Leverer du «Sjølvmelding for næringsdrivande o.a.», har du frist til 31. mai 2013 dersom du leverer elektronisk og 30. april 2013 dersom du leverer på papir. Ordninga med leveringsfritak gjeld ikkje for dei som får sjølvmelding for næringsdrivande. Har du i 2012 vore deltakar i eit deltakarlikna selskap som sender inn selskapsoppgåva elektronisk, har du frist til 31. mai 2013. Du kan søkje om utsetjing dersom det er svært vanskeleg for deg å levere innan fristen, f.eks. på grunn av sjukdom. Ved levering meir enn éin månad etter fristen, er avgifta 1 promille av nettoformuen og 1 prosent av nettoinntekta. Ved levering meir enn tre månader etter fristen, men før skatteoppgjeret er sendt ut, er avgifta 1 promille av nettoformuen og 2 prosent av nettoinntekta. Ikkje levert sjølvmelding Dersom du ikkje leverer sjølvmeldinga før skatteoppgjeret er sendt ut, blir sjølvmeldinga rekna som «ikkje levert». Då blir formuen og inntekta fastsette ved skjønn, og du kan bli pålagt tilleggsskatt. Tilleggsskatten er 10 eller 30 prosent av den skatten som er eller kunne ha vore unndregen. I alvorlege tilfelle kan tilleggsskatten bli auka med 15 eller 30 prosent. Den totale tilleggsskatten blir då 45 eller 60 prosent. Varsel om endring Skattekontoret kan endre beløp som du har ført i sjølvmeldinga. Hovudregelen er at du får varsel dersom det er aktuelt å gjere endringar. Skattekontoret treng ikkje varsle deg for å: forhøgje bruttoformue og/eller redusere gjeld som til saman ikkje utgjer meir enn kr 20 000 forhøgje inntekt og/eller redusere frådrag som til saman ikkje utgjer meir enn kr 1000 stryke ein post som ikkje gir frådragsrett, når du tidlegare har fått stroke ein tilsvarande post ved ei tidlegare likning endre ein skjønnsmessig fastsett formueseller inntektspost når tilsvarande endring er gjort ved ei tidlegare likning endre, utelate eller leggje til beløp som det er klart skuldast rekne- eller skrivefeil eller mistyding av skattelovgivinga, og ei eventuell fråsegn frå deg ikkje vil ha noko å seie for likninga Feil eller ufullstendige opplysningar Gir du feil eller ufullstendige opplysningar, må du vanlegvis betale tilleggsskatt. Tilleggsskatten er 10 eller 30 prosent av den skatten som er eller kunne ha vore unndregen. I alvorlege tilfelle kan tilleggsskatten blir auka med 15 eller 30 prosent. Den totale tilleggsskatten blir då 45 eller 60 prosent. Skatteutrekning På skatteetaten.no finn du eit enkelt skatteutrekningsprogram. Det er berre skattytarar som mottek sjølvmelding for lønnstakarar og pensjonistar, som får førebels skatteutrekning saman med sjølvmeldinga. Dersom vi har fått opplysningar om betalt/ trekt skatt eller BSU (bustadsparing for ungdom), er dette vist øvst på sida «Førebels oversikt over skattar 2012» i sjølvmeldinga. Når kjem skatteoppgjeret? Skatteoppgjeret får du så snart sjølvmeldinga er ferdig handsama i august, september eller seinast i oktober. Det er ikkje mogleg for oss å seie når ditt oppgjer vil vere ferdig. Restskatt På restskatt er det rekna eit rentetillegg. Restskatt (med rentetillegg) på kr 99 eller lågare blir ikkje kravd inn. Søk etter skjemaet RF-1114 på skatteetaten.no for meir informasjon om utsetjing. For seint levert sjølvmelding I utgangspunktet får du forseinkingsavgift dersom du leverer sjølvmeldinga etter fristen, men før skatteoppgjeret er sendt ut, med mindre du har fått utsetjing. Ved levering innan éin månad etter fristen, er avgifta 1 promille av nettoformuen og 2 promille av nettoinntekta. 4 Sjølvmeldinga 2012 Starthjelp for næringsdrivande

Uførepensjonistar og mottakarar av overgangsstønad, etterlatnepensjon, pensjon til familiepleiarar eller supplerande stønad til person med kort butid i Noreg som får skatteavgrensing på grunn av låg inntekt, slepp rentetillegg på restskatt. Om skatteavgrensing, sjå temaet «Skatteavgrensing ved låg alminneleg inntekt» i «Rettleiing til postane». Nærare opplysningar om renteutrekninga og rentesatsane i skatteoppgjeret får du ved å gå inn på skatteetaten.no eller ved å kontakte skatteoppkrevjaren/kemneren eller ringje 800 80 000. Tilleggsforskot Vil du unngå renter på restskatten, kan du betale tilleggsforskot innan 31. mai 2013. Tilleggsforskot som er betalt etter 31. mai, blir det ikkje teke omsyn til ved skatte avrekninga. Du finn informasjon om konto- og KID nummer for innbetaling av tilleggsforskot på sjølvmeldinga di. Dersom du vil kontrollere om tilleggsforskot er blitt godskrive deg, kan du kontrollere dette ved å logge på «Mine krav og betalingar» og velje arkfana Inn-/utbetalingar. Tenesta finn du på: skatteetaten.no/krav-og-betalinger. Pengar til gode Har du pengar til gode på skatten, kan du få beløpet inn på bankkonto. Tilgodebeløpet blir overført til den kontoen som står i den tilsende sjølvmeldinga. Dersom du ønskjer tilgodebeløpet overført til ein annan konto, kan du endre dette i skjema RF-1030A. Dette skjemaet finn du på altinn.no. Du kan berre velje mellom dei kontoane som visest i skjemaet. På tilgodebeløp er det rekna rentegodtgjersle. Tilgodebeløp (med rentegodtgjersle) på kr 99 eller lågare blir ikkje tilbakebetalte. Nærare opplysningar om renteutrekninga og rentesatsane i skatteoppgjeret får du ved å gå inn på skatteetaten.no eller ved å kontakte skatteoppkrevjaren eller ringje 800 80 000. Klage på skatteoppgjer Klage på skatteoppgjer skal sendast til skatteoppkrevjaren innan tre veker etter at du har motteke oppgjeret. Skatteoppgjer finn du i «Min meldingsboks» når du loggar deg på den elektroniske løysinga frå skatteetaten.no. Klage på likninga Klagefristen er 6 veker frå skatteoppgjeret er sendt til deg, likevel tidlegast 10. august. Du kan levere klage elektronisk (søk etter skjemaet RF-1117 på skatteetaten.no) eller på papir til skattekontoret. For meir informasjon, sjå skatteetaten.no. Ektefellar Ektefellar som vel å fordele bankinnskot, renteinntekter, gjeld og gjeldsrenter annleis enn det som går fram av dei førehandsutfylte sjølvmeldingane, må sørgje for at begge sjølvmeldingane blir retta. Sjå òg «Ektefellar, registrerte partnarar og meldepliktige sambuarar» i «Rettleiing til postane». Del 2 Fritak frå levering av næringsoppgåve Nokre personleg næringsdrivande er fritekne frå å levere næringsoppgåve. Dersom du kjem inn under denne ordninga, kan du likevel velje å levere næringsoppgåve. Dersom du er friteken frå å levere næringsoppgåve, har du heller ikkje bokføringsplikt. Du må likevel dokumentere alle inntektene og kostnadene dine. Denne dokumentasjonen må du ta vare på i 10 år. Vilkår for fritak Brutto driftsinntekt for året må ikkje overstige kr 50 000. Du må vere skattemessig busett i Noreg. Føretaket ditt må ikkje ha rekneskapsplikt, jf. lov av 17.07.1998 nr. 56 (rekneskapslova) 1-2 Føretaket ditt må ikkje vere registreringspliktig, jf. lov av 19.06.2009 nr. 58 (meirverdiavgiftslova) 2-1. Unntak Dersom årsresultatet til verksemda inngår i gjennomsnittslikning, kan du ikkje nytte ordninga. Dette gjeld skogbruk (skattelova 14-81) og reindrift (skattelova 14-82). Dersom du driv slik verksemd, må du levere næringsoppgåve og skjema RF-1177. Ordninga kan ikkje nyttast dersom du har plikt til å levere: RF-1223 «Drosje- og lastebilnæring» RF-1189 «Utleige m.m. av fast eigedom» saman med RF-1084 «Avskriving» som både gjeld næringsverksemd og den utleigde eigedomen Du kan heller ikkje nytte ordninga dersom du krev næringsinntekta fordelt med ektefelle o.l. har drive meir enn éi verksemd i løpet av året har drive verksemd som er skattepliktig til meir enn éin kommune Sjå side 14 for korleis du leverer sjølvmeldinga for næringsdrivande utan næringsoppgåve. 5

Del 3 Postar som berre gjeld næringsdrivande Om deltakarlikna selskap (ANS, DA, KS o.l.), sjå side 7 og 8. Der det under er vist til skjema med RF-nummer, finn du nærare informasjon om skjema i del 4. Enkeltpersonføretak Dersom du har inntekt frå enkeltpersonføretak (sjølvstendig næringsdrivande), inngår denne i alminneleg inntekt. Av alminneleg inntekt betalar du skatt til kommunen og fylkeskommunen, og dessutan fellesskatt til staten. Av næringsinntekta blir det òg rekna ut personinntekt, som er grunnlaget for utrekning av trygdeavgift og toppskatt. Som næringsdrivande har du plikt til å levere næringsoppgåve og personinntektsskjema. Du kan lese meir om desse skjemaa i del 4 nedanfor. Næringsdrivande med driftsinntekter som ikkje overstig kr 50 000, vil normalt vere fritekne frå å levere næringsoppgåve og personinntektsskjema, sjå del 2 ovanfor. Er det gitt opplysningar om utbetaling til deg som næringsdrivande i den tilsende sjølvmeldinga? Desse opplysningane finn du øvst på sida «Postar for næringsdrivande med enkeltpersonføretak» i den tilsende sjølvmeldinga (opplysningane er berre gitt i papirutgåve/pdf): Døme Postar for næringsdrivande med enkeltpersonføretak Ifølgje løns- og trekkoppgåva, kode 401/402 (utbetaling til næringsdrivande), har du i 2012 motteke kr 32 714. Alle opptente næringsinntekter i 2012 skal førast i næringsoppgåva (RF-1175) post 3000 3900. I og med at opplysningane berre er gitt på papir / i PDF-utgåva av sjølvmeldinga, må du sjølv sørgje for at opplysninga blir fylt ut når du leverer melding på nett. I nokre tilfelle samsvarar ikkje beløpet i kode 401/402 i lønns- og trekkoppgåva med inntekta du skal skatte av. Sjå til at du berre fører beløp som knyter seg til driftsinntektene du tente opp (dvs. som skal tidfestast) i inntektsåret 2012. Du fører dei i post 3000 3900 i næringsoppgåva (RF-1175), eller i feltet «Sum driftsinntekter» dersom du vel å levere utan næringsoppgåve og driftsinntektene dine ikkje er over kr 50 000 (nyttar vegvisaren). 1.5.8 Krev du frådrag i skatt for kostnader til godkjent/godkjende forskings og utviklingsprosjekt? Reglane er skildra i RF-1053 (sjå skjemaoversikta i del 4). 1.5.9 Kraftverkseigarar Ubrukt naturressursskatt frå tidlegare år medrekna renter står i skatteoppgjeret for 2011 og skal gå fram av post 1.5.9. 1.5.10 Felles bedrift Ektefellar som har fordelt næringsinntekt / utrekna personinntekt frå felles bedrift, skal krysse av i denne posten. Fordelt næringsinntekt skal førast i post 2.7 og fordelt utrekna personinntekt i post 1.6. Fordelinga skal gjerast i næringsoppgåva og i personinntektsskjemaet. Den ektefellen som er hovudutøvaren, sender inn næringsoppgåve og skjemaet «Personinntekt frå enkeltpersonføretak» (RF-1224) som vedlegg til sjølv meldinga si. Om fordeling, sjå rettleiing RF-1176 (omtalen av postane 0401 0403), eller rettleiing RF-1168 (omtalen av post 0999). 1.6.1 eller 1.6.2 Positiv personinntekt frå enkeltpersonføretak og mannskapslott frå fiske og fangst Som næringsdrivande har du plikt til å levere RF-1224 «Personinntekt frå enkeltpersonføretak». Dette gjeld ikkje næringsdrivande som er fritekne frå å levere næringsoppgåve, sjå del 2 over. Om utrekning av personinntekt, sjå rettleiinga RF-1225. Negativ utrekna personinntekt skal ikkje overførast frå RF-1224 til sjølvmeldinga, men kan framførast til frådrag i personinntekta for seinare år. Positiv inntekt frå post 119 i RF-1213 «Fiske 2011» skal førast i post 1.6.1 i sjølvmeldinga. Dersom du har slutta å drive enkeltpersonføretak (avslutta sjølvstendig næringsverksemd), men det står att saldo på RF-1219 eller negativ saldo på RF-1084 etter næringsverksemda, skal du føre den skattepliktige delen som personinntekt i post 1.6.1 eller 1.6.2, sjølv om det ikkje er levert næringsoppgåve og personinntektsskjema (RF-1224), sjå skjemaoversikta på side 8 og 9. Beløpet frå post 15a i RF-1219 og/eller positiv inntekt frå post 110 i RF-1084 blir ført over til post 3.1.12 og 1.6.2 i sjølvmeldinga. Dette gjeld òg gevinst frå jordbruk, skogbruk, reindrift og pelsdyrnæring. Dersom gevinsten derimot stammar frå fiske, familiebarnehage eller annan barnepass i eigen heim, blir han overført til post 3.1.12 og 1.6.1. Har du framført negativ personinntekt frå tidlegare år for det avslutta enkeltpersonføretaket, skal denne avkorte positiv personinntekt som eventuelt er overført direkte til sjølvmeldinga frå post 15a i RF-1219 og/eller post 110 i RF-1084. Gi i så fall tilleggsopplysningar om den framførte negative personinntekta i post 5.0 (Tilleggsopplysningar) i sjølvmeldinga. 1.6.3 eller 1.6.4 Sjukepengar utbetalt til sjølvstendig næringsdrivande Beløpet skal førast i desse postane. Det blir òg overført til post 2.7.13/2.1.3. 2.1.3 Inntekt frå dagmamma eller familiebarnehage i eigen heim, mellom anna sjukepengar Sjå tilsvarande post i «Rettleiing til postane». 2.7 Næringsinntekter Når du fyller ut sjølvmeldinga på Internett, blir næringsinntektene overførte til dei rette postane i sjølvmeldinga. 2.7.3 Næringsinntekt frå fiske og fangst For fiskarar som ikkje har bokføringsplikt (lottakarar) skal beløpet hentast frå post 117 i RF-1213. Har du drive fiske som enkeltpersonføretak, skal næringsinntekta hentast frå post 0402 i næringsoppgåva. 6 Sjølvmeldinga 2012 Starthjelp for næringsdrivande

2.7.13 Sjukepengar o.l. til sjølvstendig næringsdrivande Sjå post 1.6.3/1.6.4. 3.2.15 Jordbruksfrådrag Du kan krevje jordbruksfrådrag dersom visse vilkår er oppfylte. Du må då levere RF-1177. Dersom du er friteken for å levere næringsoppgåve (driftsinntekter som ikkje overstig kr 50 000 og gjennomsnittslikning ikkje byrja), sjå del 2 over, skal du ikkje levere RF-1177. Du fører i staden frådraget direkte i sjølvmeldinga post 3.2.15 Jordbruksfrådrag. Informasjon om vilkåra og storleiken på frådraget finn du i rettleiinga RF-1178. Om spesielle vilkår for deltakarar i ansvarleg selskap innan jordbruk, sjå rettleiinga RF-1222. 3.2.16 Særskilt frådrag i reindriftsverksemd Er du reineigar og har drive reindrift meir enn halvparten av inntektsåret, kan du krevje reindriftsfrådrag. Du må då levere RF-1177. Dersom du er friteken for å levere næringsoppgåve (sjå del 2 over), skal du ikkje levere RF-1177. Du fører i staden frådraget direkte i sjølvmeldinga i post 3.2.16. Informasjon om reglane og storleiken på frådraget finn du i rettleiinga RF-1178. 3.2.17 Særskilt frådrag i skiferverksemd Driv du skiferproduksjon i Finnmark eller visse kommunar i Nord-Troms, kan du krevje eit særskilt frådrag. Du må føre frådraget direkte i sjølvmeldinga post 3.2.17 Særskilt frådrag for skiferproduksjon i Nord-Troms og Finnmark. Informasjon om reglane og storleiken på frådraget finn du i rettleiinga RF-1178. 3.2.18 Premie til eiga tilleggstrygd for næringsdrivande Her fører du friviljug premie til folketrygda for eiga tilleggstrygd for sjukepengar eller yrkesskadetrygd. 3.2.19 Underskot for året i næringsverksemd Når du leverer sjølvmeldinga elektronisk, blir underskot i næringsverksemda overført til rett post. Dersom verksemda er avslutta og du har eit underskot ved drifta som ikkje blir dekt av anna inntekt, kan du krevje frådrag for dette underskotet i inntekta for 2011. Dersom underskotet ikkje blir dekt av inntekt i 2011, kan det førast til frådrag i inntekta for 2010, men ikkje lenger tilbake. Tilbakeføringa av underskot skal gjennomførast ved endring av likninga for dei aktuelle åra. Dersom udekt underskot ikkje kan utnyttast ved tilbakeføring, eller du ikkje ønskjer det, kan underskotet i staden trekkjast frå i framtidig inntekt, sjå post 3.3.11 i «Rettleiing til postane». I post 5.0 (Tilleggsopplysningar) i sjølvmeldinga kan du krevje å få endra likninga for 2011 og/eller 2010 dersom vilkåra er oppfylte. Framførbart underskot frå tidlegare år Om framførbart underskot generelt, sjå tilsvarande post 3.3.11 i «Rettleiing til postane». Særregelen for tidlegare underskot knytt til våningshus på gardsbruk går fram av avsnitt VI i RF-1178. 4.3.4 Skogverdi Skogverdien for 2012 er førehandsutfylt for den skogen du eigde ved utgangen av 2011. Dersom skogverdien har endra seg vesentleg i løpet av året (t.d. pga. tilkjøp, fråsal, freding, naturskade eller liknande), må du stryke den førehandsutfylte verdien. Dersom du leverer skjemaet RF-1016 med utrekna ny verdi, må verdien overførast til post 4.3.4 i sjølvmeldinga. Nærare opplysningar finn du i rettleiinga RF-1017. 4.4.1 Bilar, maskiner, inventar o.a. Når du registrer driftsmiddel i næringsoppgåva, blir skattemessige verdiar overførde til dei rette postane i sjølvmeldinga. Den skattemessige nedskrivne verdien skal leggjast til grunn dersom det ikkje kan påvisast at den faktiske verdien er lågare. Bilar, innbu og annan lausøyre som ikkje er driftsmiddel, skal førast i postane 4.2.3 4.2.6. 4.4.2 Buskap Her skal beløpet frå venstre kolonne av post 0150 i RF-1175 eller RF-1167 førast. Skatteetaten har fastsett normalverdiar for dei fleste husdyr. Sjå Skatteetatens takseringsreglar 3-1-4 på skatteetaten.no 4.4.3 Varelager Her skal summen av venstre kolonne førast i post 0110, 0120, 0130 og 0140 i RF-1175 eller RF-1167 og post 0165 i RF-1175. Eigenproduserte varer blir verdsette til tilverknadsverdien, og innkjøpte varer blir verdsette til anskaffingsverdien. 4.4.4 Skip, fiske- og fangstfartøy o.a. Sjå 2-1-5 i takseringsreglane til Skatteetaten på skatteetaten.no. 4.8.1 Gjeld frå næringsoppgåve som ikkje er førehandsutfylt i sjølvmeldinga Døme på dette vil vere leverandørgjeld, forskot frå kundar, skuldig arbeidsgivar- og meirverdiavgift, pantegjeld til tidlegare eigar ved overdraging av næring, gjeld til tilsette o.a. Deltakar i deltakarlikna selskap (ANS, DA, KS o.a.) Som deltakar i deltakarlikna selskap o.a. (DLS) treng du ikkje sende næringsoppgåve og/eller personinntektsskjema dersom dette er den einaste næringsverksemda di. Når du leverer sjølvmeldinga elektronisk, vel du «utan næringsoppgåve: Eg er deltakar i KS, ANS o.a., eller har inntekt frå felles bedrift med ektefelle». Deltakaren skal få ein kopi av «Selskapet si oppgåve over deltakaren si formue og inntekt i deltakarlikna selskap» (RF-1233). Ut frå opplysningane i RF-1233 fyller du ut «Deltakaren si oppgåve over eigen formue og inntekt i deltakarlikna selskap» (RF-1221). Sjå òg rettleiinga RF-1222 og «Deltakarmodellen» på skatteetaten.no. Arbeidsgodtgjersle til personlege deltakarar blir rekna både som alminneleg inntekt og personinntekt, sjå omtalen av postane 1.7.1 og 1.7.4 nedanfor. Arbeidsgodtgjersle inngår ikkje i verksemdsinntekta til selskapet. Deltakaren sin del av overskot frå DLS blir skattlagd som alminneleg inntekt på deltakaren si hand. På same måte blir det gitt frådrag i deltakaren si alminnelege inntekt for deltakaren sin del av selskapet sitt underskot. Dersom deltakaren får ei utdeling frå selskapet, skal det reknast ut eit tillegg til den alminnelege inntekta for deltakaren. Tilbakebetaling av innbetalt eigenkapital blir ikkje rekna som utdeling frå selskapet. 1.7.1 eller 1.7.4 Arbeidsgodtgjersle frå deltakarlikna selskap Arbeidsgodtgjersle frå DLS som driv jordbruk, skogbruk, fiske, reindrift, pelsdyrnæring eller familiebarnehage i deltakaren sin heim, skal førast i post 1.7.1. Beløpet hentar du frå post 1160 i deltakaroppgåva (RF-1221). Arbeidsgodtgjersle frå anna selskap skal førast i post 1.7.4. Beløpet hentar du frå post 1162 i deltakaroppgåva (RF-1221). Dersom du har motteke lønn som kommandittist, må du sjå til at beløpet er ført i post 2.1 og ikkje i post 1.7.1.eller 1.7.4. 7

1.7.2 eller 1.7.5 Samordning av negativ utrekna personinntekt frå enkelt personføretak med arbeidsgodtgjersle frå deltakarlikna selskap Her fører du negativ personinntekt som du kan samordne (sjå nedanfor) med arbeidsgodtgjersle i post 1.7.1 eller 1.7.4. Om vilkåra for slik samordning, sjå rettleiinga RF-1225 post 1.21. Beløpet i post 1.7.2 eller 1.7.5 hentar du frå post 1.21 i RF-1224. Både den negative utrekna personinntekta for året og framførbar negativ utrekna personinntekt frå enkeltpersonføretaket frå tidlegare år kan inngå i dette beløpet. Du kan ikkje krevje frådrag for tidlegare negativ personinntekt frå aksjeselskap eller deltakarlikna selskap. 1.7.7 eller 1.7.8 Del av ektefellen si arbeidsgodtgjersle frå deltakarlikna selskap Godtgjersle du har fått for arbeid utført i DLS der ektefellen din er ansvarleg deltakar, blir ikkje skattlagd som lønn, men som næringsinntekt. Du fører din del av arbeidsgodtgjersla i post 1.7.7 eller 1.7.8 dersom du ikkje har fått eiga deltakaroppgåve, sjå skjemaomtalane. Dersom beløpet kjem frå selskap som driv fiske eller familiebarnehage i eigen heim, fører du beløpet i post 1.7.7. I andre tilfelle fører du delen av arbeidsgodtgjersla i post 1.7.8. Dersom oversikta over fordeling av formue og inntekt mellom ektefellar er fylt ut i deltakaroppgåva, skal beløpet for deltakar og ektefelle hentast frå oversikta og førast i sjølvmeldinga. Beløpa hentar ein høvesvis frå postane 1260 og 1261 for selskap som driv fiske eller familiebarnehage i eigen heim, og frå postane 1262 og 1263 for anna næring. Ektefellen må sjølv føre beløpet i sjølvmeldinga si. 2.1.3, 2.7.7, 2.7.8 eller 3.2.19 Næringsinntekt/ underskot frå deltakarlikna selskap Beløpet blir overført frå post 1140 i RF-1221. Dersom deltakaren har drive familiebarnehage i eigen heim, blir deltakaren sin del av overskotet overført til post 2.1.3. Har selskapet drive fiske, blir deltakaren sin del av overskotet i selskapet overført til post 2.7.7 i sjølvmeldinga. I andre tilfelle skal overskotet overførast til post 2.7.8. Dersom det står minusteikn framfor beløpet på deltakaroppgåva, skal beløpet overførast til post 3.2.19 i sjølvmeldinga. Dersom oversikta over fordeling av formue og inntekt mellom ektefellar er fylt ut i deltakaroppgåva, skal totalbeløpa for deltakar og ektefelle hentast frå oversikta og førast i post 2.1.3, 2.7.7. eller 2.7.8. Ektefellen må sjølv føre beløpa i sjølvmeldinga si. 2.7.10 eller 2.7.11 Tillegg i alminneleg inntekt Om utrekning av tillegg i alminneleg inntekt av utdeling frå deltakarlikna selskap til deltakar, sjå rettleiinga til deltakaroppgåvene for deltakarlikna selskap, RF-1222 post 1143 og RF-1288 post 201-216. Dersom oversikta over fordeling av formue og inntekt mellom ektefellar er fylt ut i deltakaroppgåva, skal beløpet for deltakar og ektefelle hentast frå høvesvis post 1243 og post 1244 og førast i sjølvmeldinga. 3.1.12 eller 3.3.7 Gevinst/tap ved sal o.a. av part i deltakarlikna selskap Beløpet står i post 1145 i RF-1221. Dersom inntekt og formue er fordelt mellom ektefellane, er beløpa for deltakar og ektefelle òg førte i høvesvis post 1245 og 1246. Gevinst skal førast i post 3.1.12 i sjølvmeldinga, medan tap skal førast i post 3.3.7. 4.5.4 eller 4.8.1 Del formue/gjeld i deltakarlikna selskap Du finn beløpet i post 1101 i RF-1221. Del av positiv nettoformue skal førast i post 4.5.4 i sjølvmeldinga, medan del av negativ netto formue skal førast i post 4.8.1. Dersom oversikta over fordeling av formue og inntekt mellom ektefellar er fylt ut i deltakaroppgåva, skal beløpet for deltakar og ektefelle hentast frå høvesvis post 1201 og 1202 og førast i sjølvmeldinga. 8 Sjølvmeldinga 2012 Starthjelp for næringsdrivande

Del 4 Viktige skjema Næringsoppgåve Næringsdrivande har plikt til å sende inn næringsoppgåve som vedlegg til sjølvmeldinga. Dei som berre er bokføringspliktige, skal levere «Næringsoppgåve 1» (RF-1175), sjå rettleiing RF-1176. Rekneskapspliktige næringsdrivande skal levere «Næringsoppgåve 2» (RF-1167), sjå rettleiing RF-1168. Andre næringsdrivande som friviljug utarbeider årsrekneskap, kan levere RF-1167 i staden for RF-1175. Biletkunstnarar som ikkje driv anna verksemd og ikkje har rekneskapsplikt, kan bruke RF-1242, sjå rettleiing RF-1247. Dersom du har driftsinntekter på kr 50 000 eller lågare, kan du på visse vilkår bli friteken frå å levere næringsoppgåve, sjå del 2 over. Du treng heller ikkje å levere næringsoppgåve dersom du berre har næringsinntekt frå deltakarlikna selskap (ANS, DA, KS o.l.) felles bedrift fordelt frå ektefelle lott frå fiske og fangst barnepass i eigen heim Deltakaroppgåve Deltakarar i deltakarlikna selskap (ANS, DA, KS o.l.) får kopi av RF-1233 «Selskapet si oppgåve over deltakaren si formue og inntekt i deltakarlikna selskap») frå selskapet. Du må sjølv opprette RF-1221 «Deltakaren si oppgåve over eigen formue og inntekt i deltakarlikna selskap» som vedleggsskjema til sjølvmeldinga di og kontrollere opplysningane i RF-1233. Beløpa blir overførte til dei rette postane i sjølvmeldinga. Sjå til at deltakaroppgåva er korrekt utfylt. RF-1013 «Kostpris for landbrukseigedom» Tilhøyrande rettleiing RF-1014. RF-1016 «Formue av skogseigedom» Sjå rettleiinga (RF-1017) om kva for skogeigarar som skal levere RF-1016 for 2012. RF-1022 «Lønns- og pensjonskostnader» Dersom føretaket ditt har utbetalt lønn eller andre ytingar, skal du levere lønns- og trekkoppgåver. Du pliktar då å sende inn ei kontrolloppstilling (RF-1022) saman med sjølvmeldinga. RF-1034 «Fordeling av inntekt og formue mellom kommunar» I dette skjemaet gir du framlegg til fordeling av formue og inntekt mellom kommunane. RF-1052 «Avstemming av eigenkapital» Leverer du RF-1167, skal du òg levere RF-1052. RF-1053 «Frådrag i skatt for forsking og utvikling» Krev du frådrag i skatt for kostnader til god kjende forskings- og utviklingsprosjekt, må du levere RF-1053. Dette skjemaet skal underskrivast av revisor. Du finn rettleiinga på skjemaet. RF-1084 «Avskriving» Skjemaet spesifiserer nærare avskrivingane i næringsoppgåva. Står det att positiv eller negativ saldo i saldogruppe a, b, c, d eller j i åra etter at verksemda er avslutta, overfører du inntekta eller frådraget direkte frå RF-1084 til sjølv meldinga. Sjå tilhøyrande rettleiing RF-1270. RF-1098 «Formue av næringseigedom» Sjå tilhøyrande rettleiing RF-1099. RF-1109 «Uttak frå norsk område for skattlegging» Sjå tilhøyrande rettleiing RF-1110. Dette skjemaet finst berre i papirutgåve og kan hentast på skatteetaten.no. Det må skannast og leverast som vedlegg saman med sjølvmeldinga. RF-1122 «Overnattings- og serveringsstad» RF-1125 «Bruk av bil» Du skal levere skjemaet dersom du krev frådrag for eigne eller leasa bilar. Rettleiinga står på baksida av skjemaet. RF-1147 «Frådrag for skatt betalt i utlandet av person kreditfrådrag» Sjå tilhøyrande rettleiing RF-1148. RF-1149 «Næringsinntekt skattlagt i utlandet» Rettleiinga finn du på side 2 i skjemaet. RF-1150 «Nedsetjing av inntektsskatt på lønn» Skjemaet kan i visse tilfelle vere aktuelt dersom du har motteke lønn frå kjelder i utlandet. Nærare forklaring på dette finn du på side 2 i skjemaet. RF-1177 «Landbruk» Sjå tilhøyrande rettleiing RF-1178. RF-1213 «Fiske» Sjå tilhøyrande rettleiing RF-1214. RF-1217 «Forskjellar mellom rekneskapsmessige og skattemessige verdiar» Skjemaet er berre aktuelt for dei som leverer RF-1167. Sjå tilhøyrande rettleiing RF-1218. RF-1219 «Gevinst- og tapskonto» Sjå tilhøyrande rettleiing RF-1210. RF 1221 «Deltakaren si oppgåve over eigen formue og inntekt i deltakarlikna selskap» Sjå tilhøyrande rettleiing RF-1222. RF-1223 «Drosje- og lastebilnæring» Dersom du har bevilling for persontransport utanfor rute eller driv lastebilnæring, skal du levere RF-1223. RF-1224 «Personinntekt frå enkeltpersonføretak» Dersom du leverer næringsoppgåve, skal du også levere RF-1224. Sjå tilhøyrande rettleiing RF-1225. RF-1269 «Føretak som bruker IFRS eller forenkla IFRS» RF-1294 «Realisasjon av/frå landbrukseigedom» Du skal levere RF-1294 dersom du har selt/ realisert ein heil eller ein del av ein landbruks eigedom i 2012. Nyheit RF-1298 «Oppstart av verksemd bilagsoversikt» Du kan levere RF-1298 i tillegg til næringsoppgåve dersom du har starta næring i enkeltpersonføretak, og meiner aktiviteten i 2011 har vore ein del av oppstartsperioden. Dersom du hadde kostnader og/eller inntekter som knyter seg til aktiviteten i 2011 eller tidlegare år, fører du desse i RF-1298 dersom du verken leverte næringsoppgåve eller brukte postane i sjølvmeldinga for enkeltpersonføretak som ikkje leverer næringsoppgåve. Levér eitt RF-1298 for kvart tidlegare år du hadde inntekter og/eller kostnader i næringa. Dette skjemaet finst berre i papirutgåve og kan hentast på skatteetaten.no. Det må skannast og leverast som vedlegg saman med sjølvmeldinga. Dersom du er usikker på om aktiviteten du driv er skattepliktig næring eller ikkje, kan du lese om dette på skatteetaten.no. 9

Meir informasjon Rettleiingar: Rettleiing til postane Rettledning for utenlandske arbeidstakere og selvstendige næringsdrivende Rettledning for personer bosatt i utlandet som mottar pensjon fra Norge Brosjyrar med informasjon til utanlandske arbeidstakarar med opphald i Noreg: Informasjon til utenlandske arbeidstakere: Selvangivelsen 2012 Informasjon til utenlandske arbeidstakere: Pendlerfradrag Informasjon til utenlandske arbeidstakere: Standardfradrag Andre aktuelle brosjyrar: Avgift på arv og gaver Familiebarnehager og skatt Frådrag for arbeidsreiser reiser mellom heim og fast arbeidsplass Lønnsarbeid i heimen Nye skattereglar for pensjonistar Pendlere, bosted, skatteforhold Sal o.a. av fast eigedom Skatt ved utleie av bolig Skatteregler ved barnepass for foreldre, dagmammaer og praktikanter/au pair Ungdom, arbeid og skatt Anna: Hjelpeprogram Enkel skatteberegning 2012 på skatteetaten.no/skatteberegning Kodeoversikt for lønns- og trekkoppgåver Du finn dette og meir informasjon på skatteetaten.no eller ved å kontakte skattekontoret. Hugs å levere sjølvmeldinga, men sjekk først at ho er korrekt Du kan levere sjølvmeldinga på skatteetaten.no eller altinn.no 10 Sjølvmeldinga 2012 Starthjelp for næringsdrivande

Slik endrar og leverer du sjølvmeldinga på nett Dei fleste sjølvstendig næringsdrivande leverer sjølvmelding med næringsoppgåve 1 (RF-1175). Dersom du fyller ut næringsoppgåve 1, må du òg levere personinntektsskjema RF-1224. Næringstilhøva dine elles avgjer om du må levere andre vedleggsskjema i tillegg. Dersom du til dømes har avskrivingar på driftsmiddel, må du òg fylle ut og levere RF-1084 Avskrivingar. La oss gå gjennom eit døme: Kari skal fylle ut og levere sjølvmelding for næringsdrivande. Ho loggar inn via skatteetaten.no (sjå info om pålogging på side 15). Etter pålogging kjem ho til Min meldingsboks > Til mi handsaming. Der finn ho den førehandsutfylte sjølvmeldinga for næringsdrivande. Sjølvmeldinga til Kari er førehandsutfylt med opplysningar om bustad, renteinntekter/-utgifter og barnehageutgifter. Slik ser ho ut. Kari driv som fotograf og tek ulike oppdrag for magasin og reklamebyrå. Kari har ei enkel og grei næringsverksemd og har valt å føre rekneskap sjølv og levere sjølvmelding på nett utan å bruke rekneskapsførar. Kari har driftsinntekter frå næringsverksemda som i 2012 utgjorde kr 710 000. Kari investerte i ein del foto- og datautstyr då ho starta opp verksemda for to år sidan. Investeringa skriv ho av i rekneskapen. Verdien av ustyret ved starten av året var kr 115 000. Kari har eigne lokale til verksemda som ho leiger. Leigekostnaden utgjer kr 40 000. Kari bruker eigen privat bil når ho er ute på oppdrag (5 000 km x 3,9 kr/km). Ho skal no fylle ut opplysningar om næringstilhøva sine. Dette gjer Kari ved å klikke på arkfana Næringsoppgåve 1 (RF-1175). Utfylling av næringsoppgåva blir gjort i 3 steg. Under ser du korleis sida ser ut før utfylling startar. For å fylle ut opplysningane må Kari klikke på dei enkelte hovudpostane. Kari har vidare ein del utgifter til materiell i fotografverksemda si. Varekostnad utgjer kr 80 000. Kari har utgifter til telefon og Internett som blir brukt både privat og i næring. Utgifter til elektronisk kommunikasjon utgjer kr 32 000. Kr 6 000 av dette er til privat bruk (sjablongmessig utrekna). 11

Steg 1 Spesifiser resultat I post 9900 Sum driftsinntekt legg ho inn den samla driftsinntekta si frå verksemda. Merk òg at fjorårsverdien skal leggjast inn. Fjorårsverdiar finn ho i sjølvmeldinga som blei send året før. Den finn ho i Min meldingsboks > Arkivert. Post 9910 Sum driftskostnad er litt meir omfattande. Når du opnar sida, er enkelte postar lagde opp på førehand. Andre postar må hentast frå nedtrekksmenyen nedst på sida. Skjermbiletet under viser sida for innlegging av driftskostnader etter at ho har lagt inn kostnadene sine. 1 6 2 1 I post 4005 legg ho inn varekostnadene sine (materiell og liknande) 2 I post 6300 legg ho inn husleigekostnadene 3 I post 6995 blir ulike kontorkostnader lagde inn, blant anna utgifter til elektronisk kommunikasjon som mobiltelefon og internett 4 I post 7080 legg Kari inn bruk av privatbil i næring som gir frådragsrett (5 000 km a 3,9 kr/km). Posten må leggjast til frå nedtrekkslista nedst på sida 4 5 3 5 Post 7098 er ein korreksjonspost for privat bruk av mobiltelefon. Posten må leggjast til frå nedtrekkslista nedst på sida 6 I post 6000 kjem kostnad for avskriving av foto- og datautstyr fram. Dette er ein kostnad som må utreknast i eit vedleggsskjema. For å gjere dette må post 6000 leggjast til frå nedtrekkslista nedst på sida. Når posten er vald, blir vedleggsskjema RF-1084 Avskriving opna. Data frå skjemaet blir overførde automatisk tilbake til næringsoppgåva. Skjermbildet under viser ei informasjonsside etter at skjemaet er fylt ut. Steg 2 Spesifiser balanse Etter utfylling av driftsinntekter og driftsutgifter skal balansen spesifiserast. 7 I post 9950 Sum eigedelar legg Kari inn eit bankinnskot på kr 75 000. Saman med utgåande verdi frå avskrivingsskjema utgjer Sum Eigedelar kr 155 500. 8 I post 9960 Skattemessig eigenkapital legg Kari inn eigenkapitalen sin, som er på kr 135 500. 9 I post 9990 Sum gjeld legg Kari inn ein gjeldspost for skuldig meirverdiavgift på kr 20 000. 9 7 8 Skjermbiletet under viser næringsoppgåva slik ho ser ut etter spesifisering av resultat og balanse. 12 Sjølvmeldinga 2012 Starthjelp for næringsdrivande

Steg 3 Avsluttande utrekning Avsluttande utrekningar er det siste steget i utfylling av næringsoppgåve. Kari klikkar på «Fordel næringsinntekt og rekn ut personinntekt». Kari fordeler næringsinntekta si som vist i skjermbiletet til høgre. I tillegg må ho opne vedleggsskjemaet RF-1224 for å få rekna ut personinntekta. Det gjer ho frå nedtrekkslista nedst på sida. Etter at RF-1224 er fylt ut, går ho tilbake til oversiktssida. No må ho utføre den siste oppgåva, «Spesifiser årsresultat og avstem eigenkapital». Etter at avstemming er utført, skal post 0425 Skattemessig eigenkapital vere lik Post 9960 i næringsoppgåva. I dette tilfellet justerer Kari postar under post 0422 Sum privatkonto. Når Kari er ferdig med å fylle ut steg 3 i næringsoppgåva, skal det vere ein grøn hake framfor «Fordel næringsinntekt og rekn ut personinntekt». «Spesifiser årsresultat og avstem eigenkapital» Kontroll og innlevering av sjølvmelding Kari sitt næringstilhøve er nå utfylt, og ho kan gå attende til arkfana der sjølvmeldinga ligg. Sjølvmeldinga er oppdatert med opplysningar frå næringsoppgåva, og ho kan starte innlevering ved å klikke på knappen «Kontroller skjema». 13

Levere sjølvmelding utan næringsoppgåve Dersom du oppfyller vilkåra som er skildra i del 2, kan du levere sjølvmelding utan næringsoppgåve. Når du klikkar på sjølvmeldinga i Min meldingsboks, vel du levering utan næringsoppgåve. Du får då opp sjølvmeldinga saman med ein vegvisar for utfylling av driftsinntekter og driftsutgifter. Vegvisaren erstattar næringsoppgåva som vist i dømet over. Enkle næringstilhøve utan nærare spesifisering i vedlegg Slik ser vegvisaren ut for deg som ikkje har behov for å spesifisere beløpa i vedleggsskjema. Sum driftsinntekter Her fører du alle driftsinntektene dine. Feltet svarar til post 9900 i næringsoppgåva. Sum driftskostnader Her fører du dei totale driftskostnadene dine som gir frådragsrett. Feltet svarar til post 9910 i næringsoppgåva. Driftsresultatet Driftsresultatet blir overført til rett post i sjølvmeldinga. Utrekna personinntekt Dersom du nyttar deg av leveringsfritaket, er levering av RF-1224 «Personinntekt frå enkeltpersonføretak 2012» friviljug. Dersom du ikkje leverer skjemaet, blir beløpet i feltet «Driftsresultat» lagt til grunn som utrekna personinntekt. Ønskjer du å rekne ut personinntekta i RF-1224, kan du levere skjemaet saman med sjølvmeldinga. Du må levere RF-1224 dersom du har negativ utrekna personinntekt, anten frå det aktuelle inntektsåret eller til framføring. 14 Sjølvmeldinga 2012 Starthjelp for næringsdrivande

Enkle næringstilhøve som skal spesifiserast med vedleggsskjema Slik ser vegvisaren ut for deg som har behov for spesifisere avskrivingar, gevinst eller tap ved sal av driftsmiddel eller personinntekt. Slik loggar du inn Innloggingsalternativa nedanfor gir deg elektronisk tilgang til sjølvmeldinga di på skatteetaten.no: 1. ID-porten/MinID Dersom du har registrert deg som brukar av ID-porten/MinID og oppgitt mobilnummer og e-postadresse, får du eingongskodar straks på SMS. Du må ha følgjande for å registrere deg: Fødselsnummer/D-nummer Mobilnr. og/eller e-postadresse PIN-kodar (manglar du desse, må du bestille nye frå skatteetaten.no/pin eller på SMS, skriv PINKODER <mellomrom>fødselsnummer (11 siffer) og send til 02111). 2. BankID 3. Buypass 4. Commfides Etter å ha valt innloggingsalternativ følgjer du rettleiinga du får undervegs. Spesifisering skjer gjennom utfylling av vedleggsskjema. Vegvisaren opnar nødvendige skjema, og beløpa blir overførde attende til vegvisaren automatisk. Når vegvisaren er ferdig utfylt, blir driftsresultatet overført til rett post i sjølvmeldinga. 15

Gitt ut av: Skattedirektoratet Februar 2013 Design og layout: Blå Design AS Foto: NTB scanpix Trykk: Wittusen & Jensen Opplag: 60 000 1913 er året då landets innbyggjarar for første gong måtte fylle ut sjølvmelding. Hundre - års jubileet markerer ei viktig hending i noregshistoria. For første gong fekk folk sjølv gi opp lysningar om sin eigen økonomi, noko som ville gi ei meir korrekt og rettferdig likning. Sjølvmeldinga baserar seg på tillit mellom statsmakt og enkelt menneske og var ein milepæl i utviklinga av demokratiet. Oslo, 26. januar 1959. Kvinne sit med skjema og bilag, tenkjer og klør seg i hovudet. RF 2003 N skatteetaten.no