SELSKAPSAVTALE FOR SOGN BRANN OG REDNING IKS 1 Deltakarar Sogn brann og redning IKS er eit interkommunalt selskap eigd av kommunane Balestrand, Leikanger, Luster, Sogndal og Vik. Andre kommunar har høve til å søka medlemskap. Selskapet er oppretta med heimel i Lov om interkommunale selskap. Selskapet er eit eige rettssubjekt, og har arbeidsgjevaransvar for alle tilsette i selskapet. Selskapet er registrert i Enhetsregisteret. Selskapet har hovudkontor i Sogndal kommune. 2 Føremål Føremålet med selskapet er å ha ei felles brann- og redningsteneste for å ivareta lovpålagde brannvernoppgåver i eigarkommunane. Oppgåvene som den einskilde kommune har etter lov av 14. juni 2002 om brann m. m vert delegert til selskapet. Selskapet skal vidare følgja opp eigarkommunane sine plikter i tråd med beredskapsplan for vern mot akutt ureining, jf avtale med IUA Sogn og Sunnfjord. Andre oppgåver som det er naturleg å leggja til, kan etter avtale verta lagt til selskapet. Selskapet skal kunna selja tenester innanfor fagområdet. 3 Eigardelar Eigardelane mellom kommunane er: Balestrand 12 % Leikanger 14 % Luster 25 % Sogndal 33 % Vik 16 % Eigardelen er sett saman av ein fast del (6%) per kommune, til saman 30%, medan 70% er delt etter folketalet. Eigardel er lik ansvarsdel i selskapet. 4 Representantskap Representantskapet er det øvste organet i selskapet. Oppgåvene som den einskilde kommune har etter lov av 14. juni 2002 om brann m. m vert delegert til representantskapet. Representantskapet skal ha to medlemmer frå kvar eigar med personlege varamedlemmer. Eigarane nemner opp sine representantskapsmedlemmer for ein periode på fire år som fylgjer valperioden. Representantskapet konstituerer seg sjølv og vel leiar og nestleiar. Representantskapet kan oppretta valnemnd.
4.1 Møte i representantskapet Leiar av representantskapet skal kalla inn til møte med minst fire vekers varsel. Innkallinga skal innehalda saksliste. Det skal haldast minimum to representantskapsmøte i året. Møtet som handsamar årsrapporten skal haldast innan utgangen av april og budsjettmøtet innan utgangen av oktober. Leiar pliktar å innkalla til representantskapsmøte når styret, revisor, minst ein av eigarkommunane eller minst ein tredel av representantskapet krev det. Kvar medlem i representantskapet har ei røyst. Representantskapet kan gjera vedtak når minst halvparten av medlemmene er til stades. Styret sine faste medlemmer og dagleg leiar har rett til å vera tilstades i representantskapet sine møte og til å uttala seg. Leiar av styret og dagleg leiar har plikt til å vera tilstades. Styret sine medlemmer og dagleg leiar har rett til å få sitt syn på ei sak ført inn i protokollen. Dagleg leiar er sekretær for representantskapet og står føre saksutgreiing, utsending av sakliste med saksdokument og føring av møteprotokoll. Protokollen skal skrivast under av møteleiar og to av representantskapet sine medlemmer og sendast medlemskommunane. 4.2 Representantskapet sitt mynde Eigarane i selskapet skal utøve sitt mynde i representantskapet. Representantskapet er selskapet sitt øvste organ og skal handsama: årsmelding frå styret revidert rekneskap frå styret fullmakter til styret val av styreleiar, nestleiar, tre styremedlemmer, tre varamedlemmer, saman med godtgjersle til styret val av klagenemnd, jf 41 i brannlova. val av revisor og fastsetjing av godtgjersle for revisjon budsjett, økonomi- og handlingsplan godkjenne ev lokale forskrifter innan selskapet sitt arbeidsområde. endring av selskapsavtalen på område som etter lova ikkje treng leggjast fram for eigarane godkjenne nye arbeidsoppgåver for selskapet. delegeringsreglement for selskapet. Det er føresett at representantskapet vurderer dei oppgåver som naturleg bør delegerast vidare til styret og til brannsjefen andre saker som etter lov eller selskapsavtale skal handsamast i representantskapet. Vedtak i representantskapet må godkjennast av eigarkommunane dersom det er eit krav etter kommunelova eller andre lover. 5 Styret Styret skal ha sju medlemmer, ein frå kvar eigarkommune og to frå dei tilsette.
Representantskapet vel eigarkommunane sine fem styremedlemmer. Dei tilsette vel sine to medlemmer. Styret skal ha fire ikkje personlege varamedlemmer, tre frå eigarkommunane og ein frå dei tilsette. Funksjonstida for styremedlemmene er fire år. Representantar for dei tilsette skal ikkje vere med i handsaminga av enkeltvedtak samt fastsetjing av forskrifter, jf 10 i Lov om interkommunale selskap 5.1 Styret sitt mynde Det er styret sitt ansvar å forvalta selskapet. Styret tilset og avset dagleg leiar. Styret skal sjå til at selskapet vert drive i samsvar med selskapet sitt føremål, selskapsavtalen, selskapet sitt budsjett og eventuelle andre vedtak og retningsliner fastsette av representantskapet. Styret skal avleggja årsrapport med rekneskap. Styret handsamar saker av prinsipiell karakter eller uvanleg omfang/storleik. Styret handsamar saker om sal av tenester frå selskapet. Styret utarbeider ev lokale forskrifter innan selskapet sitt arbeidsområde. Styret gir innstilling i alle saker som skal leggjast fram for representantskapet med unnatak av val av styre og godtgjersle til styre. Styret skal føre tilsyn med dagleg leiar si leiing av selskapet. Styreleiar og dagleg leiar bind selskapet med sine underskrifter. 5.2 Møte i styret Det skal utarbeidast årleg møteplan. Leiar av styret er ansvarleg for at det vert kalla inn til møte så ofte som nødvendig. Medlem av styret og dagleg leiar kan krevja at styret vert kalla saman. Med innkallinga skal det følgja saksliste. Innkalling til møte skal normalt skje med minst åtte dagar varsel. Møteleiar skal sjå til at det vert ført protokoll frå møtet. Protokollen skal skrivast under av styremedlemmene som er med i møtet. Styremedlem og dagleg leiar har rett til å få sitt syn på ei sak ført inn i protokollen. Protokollen skal sendast medlemmene i representantskapet og eigarkommunane. Leiaren i representantskapet skal få tilsendt sakspapira til styremøta og kan møta med talerett. 6 Dagleg leiar/brannsjef Dagleg leiar for selskapet er brannsjef i 100 % stilling. Han har den daglege leiinga av selskapet og har ansvar for at arbeidsoppgåvene vert utført i samsvar med gjeldande regelverk og etter dei vedtaka som er fatta av styret. Dagleg leiar har ansvar for at selskapet har eit utarbeidd internkontrollsystem. Dagleg leiar er sakshandsamar og sekretær for styret. Dagleg leiar er sekretær for representantskapet. Dagleg leiar eller den han delegerer til har mynde til å gjere vedtak i alle saker, men ikkje i saker av prinsipiell karakter eller uvanleg omfang/storleik. Dagleg leiar har tilsetjingsmynde i selskapet.
7 Økonomi 7.1 Plikt til innskot, eigardel og ansvarsfordeling Kvar kommune går inn i selskapet med den verdi som utstyr, dataprogram (fag), køyretøy o.l. som kvar av kommunane med sine brannvesen er eigar av/disponerer ved etableringa. Den kostnad som er nødvendig for å dekke selskapet sine oppgåver og vedteken brannordning skal dekkast av eigarkommunane etter fastsett utgiftsfordeling. Den einskilde eigarkommune hefter med heile sin formue for sin aktuelle eigardel av selskapet sine samla plikter. Eigardel og fastsett utgiftsfordeling skal vurderast kvart fjerde år, første gang pr 31.12.2012. Driftstilskotet frå eigarkommunane skal betalast inn til selskapet sin konto i to like delar, innan 15. januar og 15.juli, kvart år på grunnlag av vedtekne budsjett i kommunestyra. Dersom ein av kommunane vedtek å ha eit vesentleg høgare eller lågare brannsikringsnivå enn det som ligg til grunn for den fastsette økonomiske fordelingsnøkkelen, skal dei økonomiske konsekvensane av dette innarbeidast i modellen for kostnadsfordeling. Dersom ein kommune bestiller tenester frå selskapet utover oppgåver omtala i 2 skal ein inngå eigen avtale om dette. 7.2 Budsjett Styret skal handsama budsjettet for det kommande kalenderåret og leggje dette fram for representantskapet til endeleg vedtak. Budsjettet er ikkje endeleg før deltakarkommunane sine budsjett er handsama etter 45 i kommunelova. Er det grunn til å tru at det vert vesentleg svikt i i høve budsjettgjennomføringa, skal selskapet sitt styre straks gje melding til representantskapet. Representantskapet handsamar saka og kan gi styret i oppdrag å leggja fram forslag til revidert budsjett. Eventuelt underskot i forhold til budsjettet må dekkjast inn av selskapet sjølv innanfor neste års budsjett. Eventuelt overskot kan avsetjast til drifts- og eller investeringsfond. 7.3 Økonomiplan Representantskapet skal kvart år vedta selskapet sin økonomiplan. Økonomiplanen skal omfatta dei fire neste budsjettåra og gje ei realistisk oversikt over sannsynlege inntekter, forventa utgifter og prioriterte oppgåver, inkludert investeringsplanar og finansiering av desse. 7.4 Lån og økonomiske plikter Selskapet kan, i medhald av 22 i lova, ta opp lån til likviditetsføremål innanfor ei ramme på 1 million kroner. Selskapet kan ta opp lån til investeringar innanfor ei total råme på 10 million kroner utan godkjenning i eigarkommunane. 7.5 Rekneskap og revisjon Selskapet skal føre rekneskap etter kommunale rekneskapsprinsipp. Rekneskapen skal godkjennast av representantskapet.
7.6 Gebyr for gjennomføring av feiing og tilsyn med fyringsanlegg Kommunestyra i kvar eigarkommune fastset gebyr for gjennomføring av feiing og tilsyn med fyringsanlegg etter tilråding frå selskapet. 7.7 Forhold til andre partar Selskapet kan selja tenester og inngå avtalar om samarbeid med andre partar om tenester på vanlege forretningsmessige vilkår. 8 Varigheit - endring av selskapsavtale 8.1 Endring av selskapsavtalen Vesentlege endringar i selskapsavtalen, jf lov om interkommunale selskap, skal vedtakast av eigarkommunane. Endring av selskapsavtalen, som fylgje av vedtak i representantskapet, skal ha to tredeler fleirtal. 8.2 Utmelding - oppløysing Den enkelte kommune kan med eit års skriftleg varsel, gjeldande frå komande årsskifte, seia opp eigarforholdet sitt i selskapet. Utmelding kan likevel ikkje gjennomførast i første 2-års periode. Representantskapet eller kvar av dei andre eigarane kan bringa spørsmålet om utmelding inn for departementet innan ein månad etter at selskapet har motteke melding om utmelding. Vedtak om oppløysing skal vere godkjent av alle eigarane og departementet. Ved opphøyr av selskapsavtale skal det forhandlast om dei økonomiske konsekvensar dette medfører. Selskapet skal løysast opp dersom talet på eigarar vert redusert til 1 ein pga utmelding eller utelukking. Selskapsavtalen kan ikkje bringast til endeleg opphøyr før kommunane har fastsett og sett i verk annan godkjent brannordning. 8.3 Avvikling Dersom departementet har godkjent avvikling av selskapet skal representantskapet straks oppnemna eit avviklingsstyre. Selskapet sitt styre trer ut av funksjon når avviklingsstyret er valt. Avviklingsstyret vel sjølv sin leiar og nestleiar. Innkalling og sakshandsaming for avviklingsstyret skal vera som for styret, jf 5. Avviklingsstyret representerer selskapet utetter. Avviklingsstyret skal framskaffe ein oversikt over selskapet sine eigendelar og plikter og gjera opp balanse med sikte på avviklinga. 9 Nye eigarkommunar Opptak av nye eigarkommunar skjer ved reforhandling av selskapsavtalen og krev samtykke frå eigarane av selskapet. 10 Tvistar Tvist vert avgjort med bindande verknad ved skilsdom etter reglane i tvistemålslova.
11 Andre forhold Saman med denne avtalen gjeld det som til ei kvar tid er fastsett i lov om interkommunale selskap med forskrifter. Selskapsavtalen vert gjeldande frå tidspunktet for underteikning. Stad: Dato: Balestrand kommune Leikanger kommune -------------------------- -------------------------- Einar Målsnes Olav Lunden Ordførar Ordførar Luster kommune Sogndal kommune Vik kommune --------------------- ----------------------- --------------------- Torodd Urnes Jarle Aarvoll Marta Finden Halset Ordførar Ordførar Ordførar Selskapsavtalen er vedteken i: Balestrand kommunestyre den i sak /10 Leikanger kommunestyre den i sak /10 Luster kommunestyre den i sak /10 Sogndal kommunestyre den i sak /10 Vik kommunestyre den i sak /10.