VINJE KOMMUNE MØTEBOK Utval Stad Dato Kl. Rådet for eldre og funksjonshemma Formannskapssalen 09.06.2015 09:00 Desse representantane møtte Namn Repr Vara for Birger Kjelingtveit Knut Åsheim Margit Apeland Tor Strømme Ingfrid Solberg Saker til handsaming 15/04-15/06 Merknader Andre som møtte Namn Jan Myrekrok Anders Sandvik Signe Vinje Stilling Rådmann Assisterande rådmann Plan- og byggjesakshandsamar Birger Kjelingtveit leiar Åse Slåtta administrasjonssekretær 1/5
Saksliste Saksnr Tittel PS 15/4 Referat og meldingar PS 15/5 Årsmelding for 2014 PS 15/6 Planprogram for kommuneplanens samfunnsdel 2/5
PS 15/4 RS 15/10 Referat og meldingar Møtebok frå førre møte Assisterande rådmann Anders Sandvik og Rådmann Jan Myrekrok informerte om kommunereformen og om handlingsplanen for vold i nære relasjonar. Framlagde referat og meldingar blei teke til etterretning. PS 15/5 Årsmelding for 2014 Rådmannens framlegg til vedtak: 1. Årsmelding for Vinje kommune 2014 vert godkjent. Rådmannen, 11.05.15 Jan Myrekrok, rådmann /s/ Framlegget til uttale frå Rådet for eldre- og funksjonshemma blei samrøystes vedteke. 2. Årsmelding for Vinje kommune 2014 vert godkjent. PS 15/6 Planprogram for kommuneplanens samfunnsdel Rådmannens framlegg til vedtak: Planprogrammet for kommuneplanens samfunnsdel blir teke til vitande, utan innspel til endringar. Rådmannen, Jan Myrekrok, rådmann /s/ 3/5
Handsaming i Plan- og miljøutvalet 03.06.2015: Endringsframlegg frå plan- og miljøutvalet: Planprogrammet for kommuneplanens samfunnsdel blir teke til vitande. Framlegget frå plan- og miljøutvalet blei samrøystes vedteke. Planprogrammet for kommuneplanens samfunnsdel blir teke til vitande. Drøftingar i prosessen for vedtak: Det nyttar lite å satse på eit levande bygdemiljø i ein utkantkommune når sentrale styresmakter synest gjere det dei kan for å svekke offentlege funksjonar som sjukehus, politi, vegstell, høgskuletilbod, likningskontor, postombering osv. Folk generelt, særleg yngre, vil bu der desse samfunnsfunksjonane finst i nærmiljøet med m.a. eit trygt og variert næringsliv som resultat. Råd for eldre og funksjonshemma kjenner det slik at sentrale politikkarar er i ferd med å rive botn ut av bygdesamfunna. Det traumatiske synest vere at dei lokale politikarane på Stortinget også ser ut til å stø denne linja. For å byggje opp om lokalsamfunna i utkantane må brorparten av dei ovannemnte funksjonane vere til stades i ei eller anna form i nærmiljøet. Det viktige for lokalsamfunn som Vinje blir å hindre denne negative utviklinga, likeins satse på næringsutvikling og infrastruktur for å oppretthalde, eller aller helst, auke folketalet i kommunen. Det yngre folk etterspør i dag, er interessant og utfordrande arbeid, miljøtiltak i sentra og gode samferdselsårer. Ligg dette i botn, kjem alle dei andre utfordringsområda i kommuneplanen til vidare framdrift og utvikling. Ut frå dette blir næringsutvikling svært viktig for kommunen, likeins utvikling av vegsystemet og miljøtiltak i sentrumsområda Edland/Haukeli, Åmot og Rauland. Kommunen har i dag mange og godt utbygde område for fritidsbustader med tilhøyrande infrastruktur. Her opplever ein at folk frå sentrale strok trivst. Me er med andre ord ein rekreasjonskommune med dei positive og negative sidene det medfører. Dette skaper rett nok arbeidsplassar, men dessverre ofte usikre. Det mest forutseibare er anleggsperioden. Men det er med på å skape liv og røre i lokalsamfunnet, og det er positivt. Likevel er dette ikkje godt nok for å oppretthalde eit fast folketal, eller aller helst, auke det. Slik Råd for eldre og funksjonshemma ser det, bør Vinje kommune vere open for å utgreie tilhøvet for å slå seg saman med ein annan kommune. Ei målsetting bør likevel vere å oppretthalde mange av dei samfunnsfunksjonane som alt er nemnt ovanfor i nærmiljøet. Det er merkverdig. I det private næringsliv fungerer nett og elektronisk kommunikasjon svært så godt. Men i det offentlege ser mykje ut til å svikte. Kvifor? Det burde vere ei rimeleg forventning med dei elektroniske løysingane ein har i dag at ein kunne fornye både førarkort og pass på eit lokalt politikontor. Dette siste som eit døme, men det finst fleire. 4/5
Framlegg frå Rådet for eldre og funksjonshemma: Det mest viktige for Vinje kommune å satse på i denne planperioden er næringsliv, samferdselsutvikling og miljøtiltak i sentra Edland/Haukeli, Åmot og Rauland. Vinje kommune må bli ein attraktiv og god kommune å bu i. Det kan ein oppnå ved å arbeide for å etablere sikre og varige arbeidsplassar for ulike kvalifikasjonar, likeins må ein opparbeide transportårer for rask og sikker forflytning samstundes som sentra også blir opprusta. Framlegget frå Rådet for eldre- og funksjonshemma blei samrøystes vedteke. Det mest viktige for Vinje kommune å satse på i denne planperioden er næringsliv, samferdsels-utvikling og miljøtiltak i sentra Edland/Haukeli, Åmot og Rauland. Vinje kommune må bli ein attraktiv og god kommune å bu i. Det kan ein oppnå ved å arbeide for å etablere sikre og varige arbeidsplassar for ulike kvalifikasjonar, likeins må ein opparbeide transportårer for rask og sikker forflytning samstundes som sentra også blir opprusta. 5/5