1
VELKOMNE TIL SYVERPLASSEN BARNEHAGE Dette er eit informasjonshefte som innehald praktiske opplysningar som føresette treng når borna byrjar i barnehage. arbeider etter lov om barnehagar med forskrift; Rammeplan for barnehagens innhald og oppgåver og lokal rammeplan. Rammeplan: Alle føresette får utdelt ein kortversjon av «Rammeplan for barnehagar» når borna startar i barnehage. Hareid Kommune har utarbeidd ein ny lokal rammeplan for 2013-16. Årsplan: I tillegg har Syverplassen utarbeida ein ny 4-årsplan. Den vert utdelt til heimen når barnet er ny i barnehagen. Planen seier noko om kva Syverplassen legg vekt på i arbeidet med borna. Månadsplanar/temaplanar: Vert delt ut når vi byrjar på nytt tema. Det kan variere litt kor lenge eit tema varer,- det kan vare frå 2-3 veker til 1-2 månader. Litt avhengig av interesse og kva borna er interesserte og opptekne av. Med bakkgrunn i at borna skal vere meir deltakande i val av innhald i barnehagen, er det viktig at vi lyttar til det borna er interesserte i. Desse dokumenta dannar grunnlaget for innhaldet i barnehagen. 2
FØRST LITT PRAKTISKE OPPLYSNINGAR OM SYVERPLASSEN BARNEHAGE. er ein kommunal barnehage som ligg i Hareid krins og vart teken i bruk den 9. august i 1999. Den har tre avdelingar: Grønfinken, Gulsporven og Blåmeisa. Barnehagen har 60 plassar. Ein kan velje mellom 5 dagar, 4 dagar, 3 dagar, og 3 dagar ei veke og 2 dagar neste veke (50%). Barnehagen ligg på «Plassane 7» på Indre Hareid, nedanfor Melshornfeltet. Vi har gode mulegheiter til å ta borna med på fjelltur, til Hareidselva og Rotarystien, vi har kort veg til fjøra og sentrum av Hareid. Vi har òg eit stort uteområde. Vi arbeider med å få den nye delen av dette opparbeidd slik at uteområdet vårt skal verte ein variert stad for alle aldersgrupper. Det er born frå 0-5 år som har plass i barnehagen. Aldersinndelinga varierer etter behov. Grønfinken 0-3 år, Gulsporven 2-5 år og Blåmeisa 2-5 år. Opningstida til barnehagen er 06.45-17.00, måndag fredag. o Telefonnummeret til barnehagen: 70 09 50 85 o Direktenummera til dei ulike avdelingane er: o Blåmeisa: 70 09 50 88 o Grønfinken: 70 09 50 87 o Gulsporven: 70 09 50 86 3
BARNEHAGETILBOD OG PRISAR Tilbod: Foreldrebetaling barnehage Tilbod Sats Sats med 40% rabatt* Sats med 50% rabatt* 5 dagar pr. veke 100% 2580 1548 1290 4 dagar pr. veke 80% 2242 1345 1121 3 dagar pr. veke 60% 1797 1078 898.50 3dg./2dg. pr. veke 50% 1629 977 814.50 Matpengar. (matpengar kjem i tillegg til den ordinære betalinga) 5 dagar pr. veke 100% Kr. 300 Ikkje rabatt 4 dagar pr. veke 80% Kr. 252 Ikkje rabatt 3 dagar pr. veke 60% Kr. 182 Ikkje rabatt 3 dagar/2dagar pr. veke 50% Kr. 124 Ikkje rabatt Pris pr. time utover standard tilbod ved faste avtalar: Inntil 3 timar: kr. 64 pr. time. 4 timar og meir: kr. 243,- Etter kl. 17.00 (ordinær stengetid) Pris pr. påbegynt time utover standard tilbod ved tilfeldig overtid: Kr. 175 pr. på begynt time Betalingsfrist er den 20. i kvar månad. Juli er betalingsfri månad. 4
FERIEUTTAK Barnehageåret tek til tredje veka (veke 33) i august. Barnehagen held ope med vanleg drift(*) tom. andre veka i juli (veke 28). I fire veker etter dette er det berre ein av dei kommunale barnehagane som gir tilbod. Alle barn som ikkje skal avvikle ferie i løpet av desse fire vekene, får tilbod der. Dette året har ope i veke 29, 30, 31 og 32. Neste år, 2016, er det Hareid barnehage som står for tur, og i 2017 er det Bigset barnehage. Det er desse tre barnehagane som er med i denne ordninga. Påmelding til dette organiserer styrarane i dei kommunale barnehagane. Personale frå alle barnehagane er til stades desse vekene. (*)Påskeveka, måndag t.o.m. onsdag før skjærtorsdag, og romjulsveka samlar vi også drifta i ein av barnehagane. Dette fylgjer same turnus som sommaropen barnehage. Desse vekene vert det berre personale frå den barnehagen som gir tilbod. Barna skal ha minst 4 veker ferie i eit driftsår. Eit driftsår går frå 01.01-31.12. Av desse skal 3 veker vere samanhengande i løpet av juni, juli og august. Den fjerde veka kan ein ta i kombinasjon påske - jul i same kalenderår. Ferieavvikling skal avtalast med barnehagestyrar minst ei veke før uttak. Vi viser elles til 6 i Vedtekter for dei kommunale barnehagane i Hareid. PLANLEGGINGSDAGAR Barnehagen har ( j.f. vedtektene) avsett 5 dagar i løpet av barnehageåret som skal nyttast til planlegging, evaluering og ulik kursverksemd. Desse dagane er barnehagen stengd for borna. Planleggingsdagane for 2015-2016: 10.august, 5.oktober,11. november, 9.februar,6.mai 5
SERVERING AV ALLE MÅLTID I BARNEHAGEN. Målsettinga er at borna skal få tilbod om sunn og næringsrik mat og at vi skal få til god atmosfære rundt måltidet. Born som er fysisk aktive treng påfyll av god og næringsrik mat. Syverplassen barnehage serverer alle måltid i barnehagen. Vi har fått råd med ein kokk om korleis vi skal sette saman kosthaldet. Når borna kjem om morgonen får dei sette seg til frukostbordet på fellesromet. Til lunsj har vi smøremåltid, ute/inne, eller niste på tur. To dagar i veka serverer vi eit varmt måltid, t.d.havregrynsgraut eller fiskekaker. På ettermiddagen får borna påsmurte skiver, knekkebrød el.l. Ein dag får borna yoghurt på ettermiddag. Vi varierer med havregryn eller anna i yoghurten. Borna skal få delta i matlaging og på den måten verte kjend med ulike matsortar. Vi har bålplassar ved gapahukane og stormkjøken. Dette vert mykje brukt, særleg med dei eldste borna som t.d.er med å kutte grønsaker til suppe som vert kokt i bålpanne. Kvar dag får borna frukt. Til drikke har vi kun vatn og mjølk tilgjengeleg. Har vi det slik i kvardagen, kan vi glede oss over å «skeie ut» på varme sommardagar eller ved andre markeringar. Bursdagsfeiring. Vi legg vekt på eit kosthald med lite sukker og feitt. På bursdagar lagar vi til spennande og innbydande fruktfat. Dette er populært mellom borna. BRINGING OG HENTING Når barnet kjem om morgonen, ynskjer vi at de fyl barnet inn på fellesromet der frukosten vert servert. Dei som kjem etter frukosten er ferdig, kl.8.30, tek vi imot på avdelinga. Når det er sagt ha det bra til foreldre/føresette, tek barnehagen over ansvaret for barnet. Dei fleste fellesaktivitetane skjer i tidsrommet 10.00-14.00. Meld frå om barnet kjem etter 10.00, er sjuk eller har fri. Når barnet vert henta og har blitt sett og sagt hei til, er det den som hentar som har ansvaret for barnet. Den som hentar, MÅ ALLTID seie i frå til ein av personalet, helst frå barnet si avdeling før dei forlèt barnehagen. Er det andre enn foreldre/føresette som skal hente barnet, MÅ VI HA MELDING OM DETTE! 6
SIKKERHEITSRUTINER Som ei ekstra sikkerheit har vi registreringsskjema der vi kryssar av at vi har sett/snakka med kvart barn kvar halvtime. SJUKDOM Barnet kan ikkje vere i barnehagen når det har ein smittsam sjukdom, har feber eller ikkje kan vere ute. Ved forkjøling eller liknande er det allmenntilstanden som avgjer om barnet kan vere i barnehagen. Har barnet hatt feber eller vore sjuk, skal det vere heime ein dag ekstra. Når det gjeld smittsame sjukdomar, har vi reglar for kor lenge barnet bør vere borte frå barnehagen. Desse er anbefalt av statens helsevern og er å finne på avdelingane som oppslag og som tillegg til dette heftet. Det er og reglar for oppbevaring og utdeling av medisin. Ta kontakt med personalet om dette er aktuelt for ditt barn. BLEIEAVTALE Dei som ynskjer det kan gjere avtale om at barnehagen kjøper inn bleier. 7
KVA BARNET BØR HA MED I BARNEHAGEN Dette er: Eit heilt klesbyte, helst to, -frå innerst til ytterst. Dvs. genser, bukse, lestar, strømpebukse, truse, t-skjorte. Alle kleda må vere godt merka med namn. (Vi har bestillingsskjema for merkelappar som heng i garderoba på di avdeling. Merketusj er også ei god løysing.) Utesko og støvlar. Vintersko når det vert kaldt. Tjukkegenser, tjukkebukse, tjukkelestar, vottar og hue når det vert kaldt. Regnklede og tynn dress. Tjukkedress ut på hausten. Tøflar, sandalar eller sklisokkar til innebruk. Bleier til den som treng det. Ikkje Up & Go. Dersom barnet skal sove i barnehagen, treng det pose/dyne. Vi har nokre vogner og nokre senger, men høyr på di avdeling om du treng å ha med eiga vogn. Ein sekk som er god å bere for born(særleg viktig for dei eldste) NB: Det er viktig at alt utstyret til barna vert godt merka, det lettar arbeidet både til personalet og foreldra. Vi ønskjer ikkje at borna har med eigne leiker i barnehagen. Dette fører ofte til uønska episodar, og vi kan ikkje ta ansvar for desse tinga. Unntak er kosedyr og smokk til dei små som skal sove og treng dette. Val av klede/kva trengst til ei kvar tid. Spør gjerne personalet om råd når det gjeld klede som er funksjonelle. Dei har etter kvart fått god erfaring med dette. Høvelege klede har mykje å seie for både trivsel og læring. Følg med i korga. 8
De som foreldre er ansvarlege for kva som er i barnehagen til ei kvar tid. De må følgje med på kva som manglar i hyller/korger til dykkar born. Personalet heng opp lappar om ting som manglar dersom dei ser det. Ein fingerregel er: Det som kjem heim av våte/skitne klede må erstattast i korga dagen etter! Tørking av klede. NB: På grunn av små garderobar på avdelingane har vi ikkje plass til tørkeskap. Kleda heng tett i yttergangen og vert ikkje tørre der. Derfor må vi sende heim våte regnkle og dressar/utekle slik at dei vert tørre til neste dag. Vi håpar foreldra ser positivt på dette. FORELDREMØTE OG KONTAKTMØTE Tidleg på hausten vert det eit felles foreldremøte. Dette er det viktig at foreldra møter på. Då vert det gjeve mykje informasjon om innhaldet i barnehagen. Dette er også eit godt høve til å få møte heile personalet. Vi inviterer alle foreldre til eit kontaktmøte på hausten. I vårhalvåret får også foreldra tilbod om eit slikt møte 9
TILVENNING Tilvenningstida i barnehagen er spennande, særleg for dei som ikkje har gått i barnehage før. Personalet i barnehagen veit at borna er spente. Vi veit at foreldra overlet det kjæraste dei har til oss. Foreldre er spente på korleis barnet deira vil takle det å byrje i barnehagen. Borna reagerer ulikt på å skulle forlate dei føresette. Dei fleste vil kjenne på at det er ei tøff tid fram til borna har kome i gjenge. Uansett vil personalet gjere alt dei kan for at dette skal gå så lett som muleg. VIKTIGE HUSKEREGLAR. Føresette må bruke god tid. Det mest vanlege er at borna treng frå 3 dagar til 3 veker med tilvenning. Sjølv med dei barna som synest det er greitt at foreldra går er det viktig å bruke tid. Dersom ein går for tidleg, er det ofte at barnet kan få eit «tilbakefall» etter ei stund. Difor er det tilrådeleg for alle å rekne med å vere i barnehagen i lag med barnet første dagen og vere tilgjengelege dei tre første dagane. Dei minste treng ofte mest tid. Ver førebudd på at dei minste borna treng meir tid. Dei kan ikkje uttrykke seg språkleg, og her må alle vere obs på andre teikn på kva behov barnet har. Korte dagar. Generelle råd; dette må vurderast frå barn til barn. Første dagen bør ein ikkje vere i barnehagen i meir enn to timar. Då skal foreldra vere nær barnet, gjerne vere den som steller, kler på og av, og evt.hjelper med måltid. Andre dagen skal personalet overta gradvis, evt.trekke seg unna viss barnet protesterer. Foreldra skal vere tilstades, men gjerne i eit anna rom. Tredje dagen kan foreldra gå dersom det går greitt. Husk: Avtal tid med personalet for når du kjem att. Ikkje sei til barnet at du kjem «om ei lita stund». Når du har sagt «ha-det»,så skal du gå og ikkje ombestemme deg. Ikkje dra ut den stunda. 10
Gråt er normalt. Den første tida er det svært vanleg at barnet gret når foreldra skal gå. Då er det viktig å tru på at personalet taklar dette og tek seg godt av barnet. Gjer tydelege avtalar med dei vaksne om kva tid du kjem att. Sei tydeleg «ha-det» og gå utan å nøle. Det er best for barnet. Å verte kjend. I lag med barnet skal foreldra gjere seg kjende med personalet, med roma på avdelinga, og med leikene i barnehagen. Nytt tida til å gå rundt, ta kontakt med dei vaksne både på avdelinga og i resten av personalgruppa. Vi skal alle vere i lag med barnet ditt i lang tid framover. Pedagogisk leiar på avdelinga har ansvar for at minst ein av dei føresette får ein litt uformell «bli-kjendt-samtale» i løpet av dei første dagane. Ta gjerne kontakt dersom de ønskjer samtale på førehand eller ved andre høve. DEI FØRSTE VEKENE BARNET ER I BARNEHAGEN/FØRSTE TIDA Kvalitet i barnehagen er når borna kjenner at her har dei det trygt og godt, her har dei lyst å vere. Foreldra skal kjenne seg trygge når dei leverer borna sine i Syverplassen. Personalet skal bruke tida på å opparbeide tillit til borna, jobbe med gruppesamansetting slik at alle finn sin plass. Vi må vere nær borna og hjelpe dei til å finne løysingar når dei møter vanskelege situasjonar. Øve på daglege gjeremål. Desse første vekene skal vi bruke til å øve på korleis vi vil ha det. Alle dei daglege gjeremåla er læringssituasjonar og skal planleggast og øvast inn. Vi skal øve på korleis det skal vere t.d. ved matbordet, når vi har samlingstund, i stellesituasjonar, påkledning/avkledning og i leik. Det er mange småting som utgjer ein heilskap til slutt, og dette er det pedagogiske arbeidet (viser til 4- årsplanen). Faste rutinar og fast dagsrytme er viktig. Dagtavle: Bruk av dagtavle gjev borna mulegheit til å velje aktivitet. Personalet heng opp bilete av nokre aktivitetar som borna får velje mellom. På dagtavla heng det også bilete som viser kva vi skal gjere resten av dagen. Dette hjelper borna å få oversikt over kva som skal skje. 11
DAGSRYTMA PÅ SMÅBARNSAVDELINGA ER: KL.06.45: Barnehagen opnar. Personalet skal møte barnet og føresette i garderoben. Barnet skal vere i fokus så det vert ein god start på dagen. Dørene er opne mellom avdelingane, og vi nyttar fellesromet denne tida. Det kan vere ein frå ei anna avdeling som tek imot fram til kl.07.00. Kl. 07:15-08.15 Frukost. Det er fint om borna er komne til denne tida dersom dei skal ete frukost. Borna har med frukost i matboks. Dei får mjølk/vatn. Kl. 09.00: Leik/samling/aktivitet. Kl. 10.00: Leik ute/tur. Det er fint om borna er komne til denne tida. Vi har fast utetid for dei små, og dei treng gode kle så det vert kjekt å vere ute. Kl. 11.00: Vi går innatt. Handvask. Hovudmåltid. Borna har med matboks eller anna etter avtale. Frukt og drikke held barnehagen. Kl. 12.30: Bleieskift/toalett/kvilestund. Dei fleste har behov for å sove på dagen. Vi tilrår at borna søv ute i vogn. Leik ute/inne for dei andre. Kl. 14.30: Lett ettermiddagsmåltid/frukt. Kl. 15.00: Leik inne/ute. Kl. 16.30: Leik på fellesrommet. Kl. 17.00: Barnehagen stenger. 12
DAGSRYTMA FOR GULSPORVEN OG BLÅMEISA ER: KL.06.45: Barnehagen opnar. Personalet skal møte barnet og føresette i garderoben. Barnet skal vere i fokus så det vert ein god start på dagen. Dørene er opne mellom avdelingane, og vi nyttar fellesromet denne tida. Det kan vere ein frå ei anna avdeling som tek imot fram til kl.07.00. Kl. 07.15-08.15 Frukost. Det er fint om borna er komne til denne tida dersom dei skal ete frukost. Borna har med frukost i matboks. Dei får mjølk/vatn. Kl.09.00: Vi deler borna i grupper. Denne tida fram til neste måltid vi verte nytta til varierte aktivitetar, både inne og ute. Det kan vere t.d. temaarbeid, turar, samlingar, spel, konstruksjonsleik. Mykje av tida vil vere sett av til leik. Ofte får borna velje leikeaktivitet og kven dei vil leike med sjølve. Andre tider går vi inn og styrer dette. Personalet er heile tida deltakande i leiken og i dei andre aktivitetane. Meir detaljerte opplysningar om dette vil de få på månadsplanar gjennom året. Kl. 11.00: Rydding/toalett/stell/garderobestund. Her får borna øve seg på å rydde. Alle skal vaske hender før måltidet, og dei yngste kan trenge stell. Medan eit ordensbarn får hjelpe til å dekke på borda, held ein vaksen på med t.d.song, leikar eller lesing i garderoben. Så får borna gå inn og sette seg til bordet. Kl. 11.30: Måltid. Borna har med matboks. Dei får velje om dei vil ha mjølk eller vatn til maten. Etter maten får dei frukt. Av og til lagar barnehagen til pålegg og brød, så får borna smørje på sjølve. Andre gongar lagar vi til varme måltid. Kl. 12.30: Leik ute. Vi er ute i alt slags ver. For at dette skal vere ei god oppleving, må borna ha gode klede. 13
Kl. 14.30: Ettermiddagsmat. Barnehagen held dette måltidet. Det kan vere brød, knekkebrød eller eit anna lett måltid. Dette måltidet et vi like ofte ute som inne. Kl. 15.00: Leik/aktivitet ute eller inne. Kl. 16.30: Borna frå alle avdelingane vert samla, anten ute eller på fellesromet. Kl. 17.00: Barnehagen stenger. Det er fint om borna er komne til kl.10.00. Ring gjerne dersom de vert seinare slik at vi veit om de kjem i det heile. Ring også viss borna er sjuke. Det er berre ei avdeling som er open kl.6.45 fram til 07.00.Avdelingane rullerar på dette, og dei som kjem før kl.07.00 vert møtt på fellesrommet.på ettermiddagen er bemanninga redusert frå kl.16.30.då leikar borna seg på fellesrommet og de kan hente borna der. 14
FORSIKRINGSORNDINGAR. Orientering om barneforsikringa til Hareid Kommune. (Sjå vedlegg frå KLP) Forsikringa gjeld for born i kommunale barnehagar. * Forsikringa gjeld innanfor barnehageområdet og i barnehagetida. * Forsikringa gjeld i aktivitetar som går føre seg i regi av barnehagen i eller utanfor barnehageområdet. * På direkte veg til og frå barnehagen og heimen. ELLES MINNER VI OM AT DE Alle respekterer dei skofrie sonene vi har inne på avdelingane og på fellesrommet. Her er mange små born som kryp på golvet. Bode born og foreldre måta av sko før dei går dit, eller ta på blå sko-overtrekk. Ikkje let bilar stå parkert på parkeringsplassen med nøklane i eller på tomgang. Det er fort gjort at eit barn kan låse seg inne, eller at uvedkommande kan ta bilen. Det er også lite miljøvennleg! alltid parker langs gjerdet. Plassen nærast porten er reservert for utrykkingskøyretøy og for funksjonshemma. Parkeringsplassen nedom barnehagen er for tilsette. Alltid let alltid porten når du går ut eller inn. Ikkje let andre born gå ut av porten i lag med deg om ikkje føresette er der. Alltid gir beskjed til personalet når du tek med deg eit barn frå barnehagen. Leverer alle skjema inn i tide. 15