NORSK LOVTIDEND Avd. I Lover og sentrale forskrifter mv. Utgitt i henhold til lov 19. juni 1969 nr. 53. Kunngjort 10. oktober 2019 kl. 15.50 PDF-versjon 15. oktober 2019 29.08.2019 nr. 1326 Forskrift om endring i forskrift om studium og eksamen ved Høgskulen på Vestlandet Heimel: Fastsett av styret ved Høgskulen på Vestlandet 29. august 2019 med heimel i lov 1. april 2005 nr. 15 om universiteter og høyskoler (universitets- og høyskoleloven) 3-3, 3-9, 4-2, 4-3, 4-7, 4-8 og 5-3 og forskrift 7. februar 2017 nr. 137 om tilsyn med utdanningskvaliteten i høyere utdanning (studietilsynsforskriften). I forskrift 9. mai 2019 nr. 1000 om studium og eksamen ved Høgskulen på Vestlandet skal følgande endringar gjerast: 3-4 skal lyde: 3-4. Etablering av nye studieprogram I (1) Styret sjølv gjer vedtak om etablering av nye studieprogram med eit omfang på over 60 studiepoeng. Styret gjer vedtak på grunnlag av godkjend studieplan og ei vurdering av studieprogrammet i høve krav til akkreditering av studium i studietilsynsforskriften kapittel 2. (2) Dekan sjølv gjer vedtak om etablering av studieprogram og emne med eit omfang på til og med 60 studiepoeng. Dekan gjer vedtak på grunnlag av godkjend studieplan og ei vurdering av studieprogrammet i høve krav til akkreditering av studium i studietilsynsforskriften. (3) Alle studieprogram skal vere knytt til eit fakultet, eit studieprogramråd og ha ein studieprogramansvarleg med eit definert ansvar. Når eit studieprogram er sett saman av emne frå fleire fakultet, skal organet som treff vedtak om etablering avgjere kva fakultet som skal ha det samla faglege ansvaret. 7-3 skal lyde: 7-3. Tilrettelegging av undervisning (1) Dokumentert søknad om tilrettelegging av undervisning skal sendast høgskulen seinast innan 1. september i haustsemesteret eller 1. februar i vårsemesteret, eller straks behovet for tilrettelegging oppstår. 7-4 skal lyde: 7-4. Tilrettelegging av arbeidskrav
2 (1) Dokumentert søknad om tilrettelegging av arbeidskrav skal sendast høgskulen snarast mogleg etter at arbeidskravet er kunngjort for studentane, eller straks behovet for tilrettelegging oppstår. 7-5 skal lyde: 7-5. Tilrettelegging av eksamen (1) Dokumentert søknad om tilrettelegging av eksamen skal sendast høgskulen seinast innan 1. september i haustsemesteret og 1. februar i vårsemesteret, eller straks behovet for tilrettelegging oppstår. (3) Utvida tid til skriftleg skuleeksamen blir gitt som 10 minuttar pr. eksamenstime, men kan ikkje gå over 1 time totalt. Tid til amming kjem i tillegg. (4) Utvida tid til heimeeksamen blir berre innvilga i særlege tilfelle, der sjukdom eller andre tungtvegande tilhøve gjer at studenten ikkje kan arbeide i lengre tidsrom under eksamen. For heimeeksamen som varar åtte timar eller kortare gjeld same regel som for skuleeksamen, sjå punkt 3. (5) Det blir ikkje gitt utvida tid til munnleg, justerande munnleg og praktisk eksamen. (6) Studentar med eit anna morsmål enn norsk kan få bruke tospråkleg ordbok utan ordforklaring, med mindre faglege omsyn talar mot dette. Ordboka blir kontrollert. (7) Ved tungtvegande helse- eller sosiale grunnar kan studentar gjennomføre skriftleg skuleeksamen utanfor institusjonen. Høgskulen kan etter søknad godkjenne at eksamen blir avvikla utanfor institusjonen, når dette kan skje under forsvarleg kontroll. Eksamensstaden skal godkjennast av høgskulen på førehand. Frist for søknad er 1. september i haustsemesteret og 1. februar i vårsemesteret, eller straks etter behovet for tilrettelegging oppstår. (8) Utvida tid til master- eller bacheloroppgåve blir berre innvilga i særlege tilfelle, inntil to veker eller til neste semester sin frist for innlevering. Utviding med eitt semester blir berre gitt to gonger. 7-6 skal lyde: 7-6. Tilrettelegging av praksis (1) Dokumentert søknad om tilrettelegging av praksis sendast fakultetet seinast innan 1. april for praksis som startar i haustsemesteret eller 1. oktober for praksis som startar i vårsemesteret. Ved praksis i løpet av første semester er søknadsfristen ved studiestart. Dette gjeld òg søknad om å få gjennomføre praksis på ein særskilt stad, jf. tredje ledd. Ved situasjonar som har oppstått akutt blir søknad handsama jamleg. (2) I samråd med praksisstaden utarbeider høgskulen eigna tilrettelegging innanfor ramma av 7-2. (3) Søknader om å gjennomføre praksis på særskilt stad blir tildelt innanfor ramma av 7-2, og vurdert etter følgjande vilkår i prioritert rekkefølgje: a. åleineansvar for born under 18 år b. sjukdom som krev behandling på ein bestemt stad c. dagleg omsorg for born under 12 år d. funksjonsvanskar eller alvorleg sjukdom i nær familie e. toppidrettsstatus eller utøvar på landslaget f. utøvar i øvste divisjon i lagidrett g. enkeltutøvar på nasjonalt nivå h. verv i studenttinget, studentrådsstyret eller høgskulestyret.
3 10-7 skal lyde: 10-7. Ved tvil om studenten består praksis (1) Når det oppstår tvil om studenten vil nå måla for læringsutbyttet og bestå praksis, og tvilen oppstår før studenten er halvvegs i praksisperioden, skal studenten få skriftleg varsel. (2) Varselet skal presisere kva delar av læringsutbyttet studenten ikkje har oppnådd så langt i praksis. I varselet skal det òg gå fram korleis studenten kan oppnå og syne oppnådd læringsutbytte for å bestå praksis. (3) Studenten skal få tilbod om samtale med praksisstaden og høgskulen der studenten får svar på spørsmål knytt til varselet og konsekvensar om studenten ikkje består praksis. Samtalen skal gjennomførast på eit tidspunkt som gjev studenten høve til å vise tilfredsstillande praksis, og seinast tre veker før praksisperioden er slutt. Ved praksisperiodar på fem veker eller mindre skal samtalen haldast halvvegs i perioden. Det skal førast referat frå samtalen og studenten får levere merknad til referatet. 11-5 skal lyde: 11-5. Eksamensforsøk (1) Det er ikkje høve til å framstille seg til eksamen i same emne meir enn tre gonger ved Høgskulen på Vestlandet. Eksamensforsøk i praksis går fram av reglane i kapittel 10. (2) Emne med tilsvarande fagleg innhald, blir rekna som same emne. Fagleg overlapp mellom emne skal gå fram av emneplanen, jf. 2-9. 3) Studentar utan bestått resultat i kan søke om eit fjerde eksamensforsøk dersom følgjande vilkår er oppfylte: a. studenten manglar maksimalt 30 studiepoeng for å fullføre sin grad, eller yrkesutdanning, eller b. særs tyngande sosiale eller medisinske tilhøve ligg til grunn for at eitt eller fleire av dei tidlegare forsøka ikkje er bestått. Søknaden må vere dokumentert med attest frå lege, psykolog eller annan sakkunnig person. Studenten sin tilstand på eksamenstidspunktet og studenten sin sjanse til å gjennomføre, trekkje seg eller sjukmelde seg frå eksamenen skal gå fram av dokumentasjonen. Studenten sin studieprogresjon og faglege prestasjonar skal telje med i vurderinga av søknaden. (4) Det kan stillast krav om at studenten må følgje undervisningsopplegget og gjennomføre eventuelle arbeidskrav på nytt. 11-8 skal lyde: 11-8. Gyldig fråvær til eksamen (1) Studentar som ikkje møter til eksamen dei er meldt opp til, men kan dokumentere gyldig fråvær, blir rekna som ikkje å ha framstilt seg til eksamen og har ikkje brukt eitt eksamensforsøk. Gyldig fråvær er: a. eigen sjukdom og barns sjukdom b. dødsfall i nær familie eller andre nærståande til studenten c. gravferd eller bisetting til nærståande, jf. førre punkt d. pålegg frå offentleg mynde om at studenten pliktar å møte fram ein annan stad e. forhold utanfor studenten sin kontroll som gjer det sterkt urimeleg å krevje at studenten gjennomfører ein eksamen. (2) Krav til dokumentasjon av gyldig fråvær frå eksamen: a. Sjukdom må dokumenterast med attest frå lege, psykolog eller annan sakkunnig person. Attesten må opplyse om at den er gitt i høve fråvær frå eksamen arrangert av Høgskulen på Vestlandet, og at fråværet
4 gjeld ein bestemt dag eller dagar. b. Ved dødsfall, gravferd eller bisetting må studenten oppgje kven som har gått bort, og kva for relasjon studenten hadde til avdøde. c. Andre omstende som blir rekna som gyldig fråvær må dokumenterast. d. Dokumentasjonen skal vere gitt til høgskulen, eller poststempla seinast ei veke etter at eksamen skulle ha vore avlagt eller etter frist for innlevering av skriftleg arbeid. (3) Dersom eit eksamenssvar er innlevert, kan det ikkje registrerast gyldig fråvær i ettertid. 12-1 skal lyde: 12-1. Fusk og forsøk på fusk (1) Som fusk reknar ein mellom anna: a. å ha ulovlege hjelpemiddel tilgjengeleg under eksamen b. å legge fram andre sitt arbeid som sitt eige (plagiat) c. å sitere kjelder eller på annan måte nytte kjelder i skriftlege arbeid utan tilstrekkelege kjeldetilvisingar (plagiat) d. å sitere eller på annan måte nytte eigne tidlegare eksamensarbeid utan tilstrekkeleg kjeldetilvising e. å skaffe seg tilgjenge til eksamen ved å fuske på arbeidskrav som er vilkår for å gå opp til eksamen, eller ved på urett grunnlag få godkjenning for deltaking ved obligatorisk undervisning eller andre arbeidskrav f. å tileigne seg fordelar ein ikkje har rett til ved eksamen eller kurs g. ulovleg samarbeid mellom eksamenskandidatar eller grupper h. å la ein annan gjennomføre eksamen for seg. (2) Studentar kan reknast for å ha fuska eller forsøkt å fuske frå det tidspunktet eksamenen eller vurderinga har starta. For føresegner om når eksamen har byrja, sjå 11-13. 13-3 skal lyde: 13-3. Oppnemning av sensorar (1) Dekan oppnemner sensorar etter forslag frå emneansvarleg, for inntil 3 år om gongen. Til kvar einskild eksamen skal det opprettast sensorkommisjon til både ordinær sensur og klagesensur før ordinær eksamen tar til. Ekstern sensor som tar imot sensoroppdrag, bør vere sensor ved eventuell ny eksamen i same emne i påfølgjande semester. (2) Ved sensurering av eksamenar i emne som skal inngå på vitnemålet eller karakterutskrift, bør det oppnemnast to sensorar. Det skal vere ein ekstern sensor på minst 1/3 av desse emna, slik at alle emna i løpet av ein tre-årsperiode har hatt ekstern sensur. (3) Ved sensurering av eksamenar som ikkje lar seg etterprøve, til dømes munnleg og praktisk eksamen, skal det oppnemnast to sensorar. (4) Ved sensurering av masteroppgåve, bacheloroppgåve og ved klagesensur skal det oppnemnast to sensorar og minst ein av desse skal vere ekstern, jf. universitets- og høyskoleloven 3-9. Sensor kan ikkje ha vore rettleiar på masteroppgåva. 13-9 skal lyde: 13-9. Karakterskala. Utrekning av endeleg karakter
5 (1) Vurderingsuttrykk er bestått/ikkje bestått vurdering eller gradert karakter frå A til E for bestått vurdering og F for ikkje bestått vurdering. Universitets- og høgskolerådet sine kvalitative forklaringar gjeld for dei ulike karaktertrinna. (2) Ved bruk av graderte karakterar blir bokstavkarakterane oppgjevne utan tillegg av pluss eller minus, både ved sensur av deleksamen og ved fastsetjing av endeleg karakter. (3) Karakterskalaen bestått/ikkje bestått er eit sjølvstendig vurderingsuttrykk utan samanheng med gradert skala (A-F). (4) Arbeidskrav blir vurdert som godkjent/ikkje godkjent. (5) Alle deleksamenar som går inn i ein samla karakter, skal ha same vurderingsuttrykk. Same deleksamen kan ikkje gå inn i vurderingsgrunnlaget for fleire emne for ein og same student. (6) For emne der endeleg karakter er slått saman av fleire deleksamenar, skal kvar enkelt deleksamen vere bestått for å oppnå bestått resultat i emnet. Dersom deleksamen og dermed endeleg karakter ikkje er bestått, skal det gå fram av emneplanen om alle delane må takast på nytt, eller om ein kan ta opp att berre den deleksamenen som er ikkje bestått. (7) Etter justerande munnleg eksamen kan karakteren på det skriftlege eller utøvande arbeidet justerast opp eller ned med maksimalt éin karakter, jf. 11-15 (3). (8) Når resultatet av fleire eksamenar eller deleksamenar går inn i ein samla karakter, blir følgjande omrekningsskala nytta: A=5, B=4, C=3, D=2 og E=1. Vanlege matematiske opphøgingsreglar blir nytta. 13-13 skal lyde: 13-13. Ny vurdering ved klage på karakterfastsetjing (1) Studenten har rett på ny vurdering ved klager på karakterfastsetjing på eksamen der vurderingsforma kan etterprøvast, jf. tabell i 9-2. (2) Det er individuell klagerett på karakterfastsetjing ved gruppeeksamen. Ei eventuell endring i karakteren etter klagesensur får berre verknad for den som har klaga. (3) Ved klage på karakterfastsetjing skal eksamenskandidaten sitt eksamenssvar sendast til nye sensorar, der ein er ekstern, jf. universitets- og høyskoleloven 3-9 (5). Sensorrettleiing og emneplan skal leggjast ved eksamenssvaret. Sensorane kan òg få tilgang på nivåkontroll om dei ønskjer dette. Klagesensorane skal ikkje ha opplysningar om karakter eller grunngjeving for karakter eller klage. Dersom opphavleg sensur av eksamenssvara på eksamenen har vore delt mellom fleire sensorkommisjonar, bør ein eller fleire av dei andre opphavlege kommisjonane vere klagekommisjon(ar). (4) Dersom den endelege karakteren er fastsett på grunnlag av ein skriftleg del og justerande munnleg eksamen jf. 11-15, og karakteren blir endra etter ny sensur på den skriftlege delen, skal det gjennomførast ny justerande munnleg eksamen og fastsettast endeleg karakter, jf. universitets- og høyskoleloven 3-9 (5). Forskrifta trer i kraft straks. II